 |
#البارت السابع
_اهلا يمريم
=انت!!
_اي مالك اتخضيتي كده
=انت ليك عين تيجي هنا!! ،برا اطلع برا
_بشويش كده، وانا الي جاي اعمل الواجب عشان اباركلك
=انت حقير، أحقر انسان قابلته في حياتي
_ولي الغلط بس، الضيف عندكم بيتعاملوا كده يعني!
رفعت ايدي عشان اضربه بالقلم ف لوي ايدي ورا ضهري
=لا لا كده هبدأ ازعل منك، دا انتي وحشاني حتي
_سيب ايدي، اه سيب ايدي
زقني قدام فوقعت لفيت وشي فلقيت احمد واقف وجرى عليا وقومني
_مالك يحبيبي وقعتي ازاي كده؟
=مفيش، مفيش اتكعبلت بس
_مين دا يمريم؟
=دا، دا محمود ابن صاحب بابا في الشغل وكده
_اه، اهلا بيك
سلم عليه وانا واقفه متلجه مكاني من كتر الخوف
*مبروك، الف مبروك
_الله يبارك فيك
*انتوا معملتوش فرح ولا اي
_جت فجأه ملحنقاش نظبط الدنيا
*اه، طب استأذن انا
_ما بدري لازم تقعد تتغدى معانا
بصلي *مره تانيه، الجايات اكتر
_نورت
*الله يخليك
مشي وانا حطيت ايدي على قلبي الي دقاته قاعده تزيد وسرحانه
خبط على كتفي فحضنته
_في اي يمريم مالك!
=مفيش، بس انت وحشتني
حاوطني ب ايده _يسلام، اول كلمه حلوه اتقالت من ساعه متجوزنا، دا انا اشتغل كل يوم بقى
=ها عملت اي في الشغل؟
_فيه شويه بنات يحلوا من حبل المشنقه
طلعت من حضنته وضربته في ايده
=يبني اقتلك؟
_بهزر والله بهزر خدي هنا متبقيش قماصه ما احنا كنا كويسين
=اتفضل اطلع غير البدله دي عشان الغدا جاهز
_يوه ما كنا حلوين انتي بتقفشي بسرعه على فكره
بصتله بطرف عيني وسكتت
_خلاص طالع، بس انتي بيهم كلهم والله
طلع وانا ابتسمت، اختفت الابتسامه بعد مفتكرت الزفت الي رجع حياتي تاني، انا مأذنبتش انا كنت بتعامل معاه كويس، يمكن غلطتي اني اتعاملت كويس!!
قولت ل كوثر تحضر الغدا وخدتوا على السفره، كان نازل قدامي وانا حاطه ايدي على خدي وبصاله، بجد شكرا يا احمد انا لو قعدت عمري كله ادور على حد كويس مش هلاقي حد زيك انا بحبك جدا والله و.. بحبك!!
_اي نحن هنا
=يلا اتغدى زمانك جعان
_صنيه بطاطس باللحمه، دا انتي مدوتيش بتاعتي بقي
=كل يا احمد الله يرضى عليك كل
ضحك وكل وانا فضلت ساكته وبفكر هو لي رجع! طب لي جه!
حسيت ب احمد وهو ماسك ايدي ف اتخضيت
_مريم انتي مش طبيعيه النهارده، فيه حاجه؟ مش احنا اتفقنا اننا صحاب ونحكي لبعض على كل حاجه
=ايوه اتفقنا، بس مفيش حاجه لو فيه اول حد هحكيله انت، يلا كمل اكلك
_كلي انتي كمان يلا
ابتسمت وكلنا وطلع نام عشان تعبان من الشغل، لبست ومشيت مرجعتش الا بليل، دخلت لقيته رايح جاي في الصاله واول مشافني هدى بس كان لسه متعصب، احيه انت احمر كده لي!
_كنتي فين؟
=هيا دي مساء الخير و..
_بقولك كنتي فين وخرجتي من غير متقوليلي لي؟
=اهدي بس، اهدي والله هفهمك بس مش هعرف اتكلم وانت كده انا بدأت اخاف
ضغط على ايده وابتسم ابتسامه ساذجه
_ها كنتي فين؟
مسكت ايده وطلعنا الاوضه بسرعه وانا مببصش ورايا عشان عارفه انه متعصب
=اقعد بس كده، مشوفتش الأكياس الي في أيدي دي؟
_مالها يعني
=بكره ايي؟
_20 في الشهر
=ان شاء الله مش هتعصب، يعني يبقى اي؟
_يوم من أيام ربنا؟
=عيد ميلادك، عيد ميلادك يا احمد متعصبنيش
اديتله الكيس_ كل سنه وانت ب الف خير
خده منه زي الطفل الصغير وفتحته
=بنطلون وتيشرت وبرفات وساعه اي دا كله
_طول عمري كسياك يبني
ضحك=تعرفي ان دي اول مره حد يحتفل بعيد ميلادي
_ومش اخر مره ان شاء الله
=احنا نعمل كيكه بقى يلا ورايا
مسكته من ياقته ورجعته مكانه
_جبت تورتايه عشان عارفه انك هتقول كده والله
ابتسم =متحرمش منك ابدا يمريم والله
_كل سنه وانت طيب يا ابو حميد بقى عندك 27 سنه دون هدف في الهوا كده
=27 سنه وانتي احلى ما فيهم
_احمم مش هناكل التورته
=ايي؟
_يلا ناكل يلا
فتحتها ونزلت جبت شوك ومعالق واطباق، قعدت قطعه ليا ولاحمد والباقي نزلته ل كوثر وإبراهيم الحارس وطلعت تاني
=عاوز اقولك على حاجه بس خايف تقولي عليا اهبل
_قول مش هقول اهبل لا
=كان ابويا مره في عيد ميلادي وداني نقعد على النيل وشربنا حمص شام، كنت فرحان اوي، وفرحان انك افتكرتي عيد ميلادي و.. ثواني انتي عرفتي منين ان عيد ميلادي بكره؟
_انا الرائده مريم يبني هنهزر
مسكت ايده_ يلا بينا
=على فين؟
ابتسمت _هنروح نقعد على النيل ونشرب حمص شام، نجيب لب وأيس كريم، ارجعلك ايام مكنت صغير تاني
=بتتكلمي بجد؟
_ها هتلبس اي
=هلبس الطقم الي انتي جيباه
ابتسمت لما حسيت بفرحته، قد اي هو بسيط! دخل لبس وخرج
_ها حلو؟
=جامد والله
مسكت خده= انت اصلا حلو على طول يبقلوظ
_يجدعان بلاش بقلوظ دي
ضحكت= يلا بينا
نزلنا واتمشينا لغايه موصلنا النيل طلبنا حمص شام وشربنا وجبنا لب مشينا في شارع مفهوش ناس وسمعنا صوت اغنيه ورقصنا عليها، تفاصيل اول مره اعيشها مع حد، عمري مخرجت مع حد وحسيت ب امان كده، وحسيت اني مبسوطه ب الكم دا ! قعدنا على استراحه وجبنا آيس كريم كنت بصاله ومش عارفه اقولهاله ازاي استحي والله! متبصليش كده بس عشان هضعف واقولها والله
_احمد
=يروح احمد
_لا خلاص انت كده وترتني اكتر
=عاوزه تقولي حاجه؟
_اه بس مش عارفه
=طب انا كمان عاوز اقول على حاجه قولي وهقول بعدك
_عاوزه اقولك اني مرتاحه، اول مره احس ب الاحساس دا، حاسه انك فعلا صاحبي واخويا وجوزي، حاسه ب امان وانا ماشيه ايدي في ايدك، كل شويه ابص على الدبله وابتسم لمجرد اني متجوزاك، عاوزه اقول اني لو لفيت الدنيا مشي مش هلاقي حد زيك وشبهك في قلبك وطيبتك وجدعنتك
كان مبتسم وانا بتكلم وخلصت كلام وميلت على كتفه كنت باكل الايس كريم وهو اتكلم
=بس انا عاوز اقول اني بحبك!
تفيت الايس كريم من بوقي وبصتله وانا فاتحه بوقي فضحك
_ايدا في اي، انت قولت اي؟
=بقول اني بحبك، كل حاجه عملتيها عشاني وكلامنا سوا وضحكنا والي بتعمليه فيا، انك حكتيلي اهم سر في حياتك الي هو باباكي، عاوز اقولك اني هعمل اي حاجه عشان تقربه من بعض، بتغلبيني وبتلخبطيني ب ضحكه او نظره من عينك الي مش عارف اشوف أجمل منها، دمك الخفيف وطيبه قلبك، انك بتطاوعيني نوعا ما في الي بعمله في مطبخكم وبتاكليه مع انه ميتاكلش، حضنك الي بالدنيا والله، كسوفك وغيرتك وافعالك الي مش طبيعيه الي بقف قدامها متنح، انا دايما هبقي حنين عليكي ومش هيهون عليا زعلك ابدا، هنعمل كل حاجه سوا، زي منتي دايما مخلياني مبسوط هحاول على قد مقدر اني افرح، اوعدك ب دا
كنت مبتسمه وبدمع ومش عارفه ارد ينفع احضنك طيب منا مش بعرف ارد!
ميلت على كتفه تاني _انا كمان بحبك
=احيه متهزريش!
ضحكت =والله بحبك الاه!
_دا احنا نرجع الفله ناخد حضن محترم بقى عشان مش هينفع وسط الناس الكتيره دي ولا اقولك متيلا قدامهم
ضحكت وبعدت عنه =هيتلم اهو
سهرنا للساعه 12 كنت اول مره اسهر للساعه دي، بصوا هو اول مره اخرج خروجه اصلا ومش اخر مره ان شاء الله، قره عيني وربنا قره عيني زي ما بيقولوا الناس الي هناك دي!
رجعنا ولقيت بابا قاعد مستنينا
_اهلا يعمي
*قلقت عليكم يولاد
_لا الحمد لله احنا بخير
*كنت عاوزك يا احمد انت ومريم، انا مسافر سفريه مهمه جدا تبع الشركه وعاوزك تمسك الاداره عما ارجع ومريم هتمسك الحسابات زي زمان، كانت اشطر واحده في الشركه معرفش سبيتها لي ما علينا اجهزوا لبكره تصبحوا على خير
مشي من قدامنا وبصينا لبعض
_يعني مش هعرف اعاكس براحتي دا اي الظلم دا
=بتقول حاجه؟
_الكحه هيراني
طلعنا الاوضه وغيرت هدومي وهو غير هدومه وقعد قدامي
_كنتي سبتي الشركه لي؟
=مكنتش حابه الشغل اوي يعني
_هتحبيه عشان هبقي معاكي أن شاء الله
=يولا يزعيم
_عيب عليكي هتنبهري
قعدنا نتكلم والكلام خدنا والساعه جت خمسه ف بصينا ل بعض ب صدمه
_خمس ساعات بنلك في اي انا عاوزه افهم!
=طب يلا يلا عشان هما تلت ساعات الي هنامهم بدايه مبشره
نمنا وصحيت على صوت المنبه يشيخ تبا للعمل، صحيت وغسلنا وشنا ولبسنا وفطرنا بسرعه وروحنا الشركه، دخلت انا وهو مكتب المدير وهو قعد على الكرسي وحط رجله على رجل
_انتي يا إلى شغاله عندي يفقيره
=اي يمدير؟
ضحك _كنت عاوز اقولك ان شكلك حلو جامد
=على الصبح معاكسه كده!
_هي بيبقالها معاد ولا ايي!!
=ابدأ شغل وجد انا راحه على مكتبي
_هتسبيني وتمشي مكنش العشم
=عشم دا خالك ولا اي؟
_ايدا في اي
ضحكت وفتحت الباب لقيت محمود في وشي
=محمود!!
#تزوجتها💙
#مريم سمير💙
تعليقات
إرسال تعليق