 |
رواية غرام في الظلام الجزء الخامس
للكاتبة/حنان حسن
بعدما اكتشفت...
اني دخلت غرفة غلط...
ولمست بايدي جسم بني ادم
شعرت بالذعر...
وحاولت اخرج من الغرفة...
لكن ...الشخص الي كان في الغرفة
دفعني علي الارض ..
فا فضلت اصرخ...
واصوت
عشان حد ينجدني
لكن ...اثناء ما كنت واقعة علي الارض
بدات اشم رائحة الشخص الكريهة تقترب مني
وتقترب...وتقترب
وقلت في نفسي...
انه هينقض عليا
في اي لحظة
لكن الي حصل ...
اني سمعت بوداني
باب الغرفة بيتفتح..
وشميت عطر عزيز بيه في الغرفة ...
فا بدات التقط انفاسي
مره اخري
وبعدت الرائحة الكريهة عني
وسمعت بعدها صوت خبط ورزع
وبعد شوية..
سمعت صوت عزيز بيه
وشعرت بيه
وهو بيمسك ايدية
وبيقولي..
قومي معايا
وبالفعل ..
قمت من علي الارض...
ورجعت معاه لغرفتة
وانا جسمي
كلة كان بينتفض...
وبصراحة...
الرعشة مكنتش من الرعب الي حسيت بيه فقط
لا ...ده كمان..
الجو كان برد جدا
وانا مكنتش لابسة غير قميص نوم عريان
المهم
لما رجعنا غرفة عزيز بيه
سمعتة بيسالني
بغضب
وقال..ايه الي خرجك من الاوضة ؟
انا مش قولتلك متتنقليش من مكانك؟
فضلت اعيط
وبعدين قلت...
منا كنت خايفة منك ..
رد عزيز بيه بغيظ
وقالي...انتي ليه مبتسمعيش الكلام ؟
و ايه الي دخلك الغرفة المقفولة؟
قلت..
دخلتها وانا بحاول اهرب
بالغلط
وهنا ثار عزيز بيه
وقال..
انتي عارفة انا لو مكنتش لحقتك
كان ممكن يحصلك ايه؟
لم اهتم لسؤال عزيز بيه
ولا لغضبة..
لاني كنت عايزة اعرف
مين الشخص الغريب
الي كان في الاوضة؟
وليه قفل عليا الباب؟
وليه دفعني علي الارض؟
فسالت عزيز بيه
وقلت..
هو مين الي عايش في الغرفة الي جنبك؟
رد عزيز بيه
وقال..ده اخويا فتحي
قلت...امال ليه مكنش بيتكلم؟
وليه........؟
وقبل ما اكمل اسالة
قاطعني عزيز بيه
وقال...مش عايز اسالة
وكلام كتير..
والي اقولهولك بعد كده
تسمعية
وحذار تخطي برجلك بره الاوضة دي تاني...
الا..... لما اكون عارف
وهنا كان لازم اعترض
فا قلت...
ايه الي انت بتقولة ده؟
هو انت صدقت فعلا...
انك جوزي
ولا ايه يا عزيز بيه؟
رد عزيز بيه بغضب
وقال..والله مش انا بقول..
ده منظر حضرتك وانتي نايمة في سريري
هو الي قال للجميع
انك مراتي
وبسببك... انا اتورطت ادام اهلي
ولازم اتجوزك فعلا
والا ...هعرض اسمي وسمعتي للقيل والقال
وعشان كده....
انتي لازم تدفعي ثمن غلطتك
ولازم توافقي علي الجواز
بعد ما سمعت كلام عزيز بيه
طبعا مكنتش اقدر اعترض علي كلامة
او بمعني اصح
مكنش ليا عين اني اتكلم نصف كلمة .....
لاني انا فعلا الي اتسببت في العك ده كلة
ولما فكرت شوية ..
لقيت ان جوازي من عزيز بيه
ممكن يكون في مصلحتي
فا علي الاقل
هيخليني اقدر احقق الشرط الاول...
لاني ...لما هتجوز من عزيز بيه
هقدر اقعد في الفيلا ومخرجش منها
وكمان فرصة
اني بقي متواجدة في نفس البلد ...
الي فيها ابني
لغاية ما اشوف
هتصرف ازاي مع الي اسمة الميت ده
عشان ارجع سامي ابني منه
واثناء ما كنت شاردة الذهن
لسعة البرد فصلتني
وتوقفت عن التفكير
قليلا
لان ... البرد ..والصقيع الي شعرت بيه
في الوقت ده... كان لا يحتمل
وخصوصا اني كنت مازلت بالقميص فقط
وكنت عايزة اطلب...
من عزيز بيه
يساعدني...
اني الاقي الفستان بتاعي
لكن ..صوت عزيز بيه اختفي من حولي
فا حطيت ايدي علي كتفي وانا بتافف من البرد
ولقيتني بفكر بيني وبين نفسي
وبقول..
انا ازاي قاعدة كده بمنظري ده ادام عزيز بية؟
وازاي هبات في غرفة واحدة معاه؟
طيب هعمل ايه لو فكر يسوق في الهبل ؟
واتعدي حدود الادب معايا؟
يانهار اسوووح
لادا انا لازم انادي علي عزيز بيه
و اطلب منه اني ارجع لغرفتي تاني...
والي يحصل يحصل
لكن.. قبل ما انادي علي عزيز بيه
شعرت بشيئ بيقع علي حجري
و الشيئ ده كان ملمسة عبارة قماش
وفي اللحظة دي
سمعت عزيز بيه
بيقولي..
البسي فستانك
بدل ما انتي قاعدة عريانة كده
فااخدت الفستان ولبستة بسرعة
وبعد ما لبست الفستان
ناديت عليه
وقلت.. هو احنا ازاي هنام في غرفة واحدة واحنا مش متجوزين؟
رد عزيز بيه
وقال...
والله ...انا ان كان عليا
مش طايق اشوفك اصلا
لكن مينفعش حد فينا يخرج من الغرفة
لانهم فاهمين اننا متجوزين
وعموما اصبري
هي كلها سواد الليل
والماذون هيجي الصبح
ونكتب الكتاب
ورفع عزيز بيه من طبقة صوتة
وهو بيشخط فيا
وبيقولي..
واتخرسي بقي وسيبيني انام
قلت..
طيب انت هتنام فين؟
قال..علي السرير طبعا
قلت..وانا هنام فين؟
قال..وانا مالي انا هتشغليني بنومك ليه؟
ثم اضاف عزيز بيه
قائلا
وعموما الكنبة الي انتي قاعدة عليها كبيرة ...
وممكن تنامي عليها للصبح
هزيت راسي
وقلت..ماشي انا هنام علي الكنبة
وفضلت اتحسس بايدي
لغاية ما وصلت للخدادية الي علي الكنبة
وحطيتها تحت راسي
واتخذت وضع الجنين ...
عشان...احمي نفسي من البرد القارص
وغمضت عيني وحاولت انام
لكن طبعا النوم مجاش بسرعة
و فضلت مغمضة عيني
واخدت كتير وانا بحاول انام
لكن...
بعد شوية
شعرت بحركة في الغرفة
وشميت رائحة العطر الخاص بعزيز بيه
علي مسافة قريبة مني
فا عملت نفسي اني نايمة
عشان... اعرف هو ناوي علي ايه؟
واثناء ما كنت بترقب برعب
شعرت بملمس بطانية ثقيلة بتلقي علي جسدي
وبعدها ..
بعدت عن مسامعي صوت خطواتة
وده معناه ...
ان عزيز بيه غطاني من البرد ورجع للسرير
وعرفت ساعتها
اني صعبت عليه فا غطاني بالبطانية من البرد
بصراحة الموقف ده خلاني
استغربت من حال الراجل ده معايا
اصلة عمل اكتر من موقف
جدعنة معايا
مره ...ينقذني من الشباب المتحرشين....
ومره... ينقذني من البعبع الي في الغرفة المجاورة
ومرة ...يجيبلي الفستان استر بيه نفسي ادامة
ومرة ... يغطيني من البرد
بدون ما يلمسني
وكمان رد فعلة ...وموقفة
لما اتهمتة بالتحرش
كان غريب
حد غيرة ...
كان ممكن قتلني....
ولا حتي بلغ عني ودخلني السجن
بس هو معملش كدة
يظهر اني كنت ظالماه...
ويظهر فعلا
فضة كان عندها حق
في كلامها عنه
ورجعت اقول لنفسي
لكن بردوا منا كان لازم احكم عليه غلط
من تصرفاتة وقلة زوقة معايا
المهم بقي
انا هشغل نفسي بالتفكير في عزيز ليه؟
..انا بمجرد ما هاخد ابني...
همشي من هنا
المهم ..
فضلت الافكار تروح وتيجي في راسي
لغاية ما روحت في النوم
والصبح قمت من النوم
علي صوت خبط علي باب الغرفة..
وانتظرت ان عزيز بيه يقوم يفتح
لكن ...مفتحش
فا قمت فتحت انا
ولقيتها فضة
الي كانت داخلة تزغرط
وبتقولي...
صباحية مباركة يا عروسة
قلت...وطي صوتك يا فضة عزيز بيه نايم
ردت فضة
وقالت...
عزيز بيه خرج من بدي
وانتي نايمة...
ونبه عليا اجيبلك الفطار...
واشوف كل طلباتك لغاية ما يرجع
قلت...بجد هو الي طلب منك كدة؟
ردت فضة
وقالت..ايوه يا ست مريم
دا اكد عليا كذا مره اني اخد بالي منك
ربنا يسعدكم يارب
استغربت من كلام فضة
وسالتها
قلت..
امال عزيز بيه خرج راح فين؟
قالت..راح الشغل
قلت..وهو عزيز بيه بيشتغل ايه؟
قالت...عزيز بيه بيشتغل اكتر من شغلانة
ومشغل تحت ايده ناس كتير اوي
اصلة عنده مصنع كبير... ومعرض عربيات...
وبيشتغل في حاجات كتير تانية ربنا يزيدة
عشان كده تلاقية معظم الوقت مشغول
وسالتني فضة بنبرة تعجب
وقالت..
لكن ازاي انتي متعرفيش حاجة عن شغلة
يا ست مريم؟
قلت...
لا انا عارفة هو بيشتغل ايه
بس مش بالتفصيل
وحاولت اعرف منها موضوع فتحي او (البعبع)
فسالتها
قلت..
صحيح يا فضة هي ايه حكاية فتحي اخو عزيز؟
ردت فضة بتحفظ
وقالت..انتي عرفتي منين موضوع فتحي ؟
قلت...
عزيز بيه هو الي قالي
بس انا حابة اعرف منك انتي التفاصيل
ردت فضة
وقالت..
والنبي يا ست مريم
بلاش الكلام في الموضوع ده
لان عيشي ممكن يتقطع...
لو قولتلك اي حاجة
عن فتحي
قلت..
طيب ولو وعدتك
اني مش هجيب سيرة
لاي حد؟
انك قولتيلي ايه حاجة؟
قالت...وعد؟
قلت..وعد
قالت..
فتحي اخوهم مولود هو والتؤام بتاعة بمرض نفسي
وكل ما كان بيكبر المرض كان بيزيد عليه
وسالتها
قلت...
هما ثلاث تؤام؟
انتي مش قولتيلي ان تؤام شادي ..هو المرحوم فادي فقط
ردت فضة
وقالت..
لالالا..
شادي وفادي دول تؤام
وفتحي.. وصلاح دول تؤام تاني خالص
قلت..بس فتحي ده خطر جدا
ردت فضة
وقالت
ايوه فعلا
دي حالتة بقت صعبة اوي
لدرجة انه كان هيطبق في رقبة الراجل الي بيرعاه وكان...
هيموتة
قلت..هو في شخص مخصص لرعايتة هنا؟
ردت فضة
وقالت..
ايوه طبعا..
الست الكبيرة
معينة واحد...
لخدمة سي فتحي مخصوص
قلت..امال فين التؤام بتاع فتحي؟
ردت فضة
وقالت..التؤام بتاعة مات من فترة
استغربت من الي سمعتة
وقلت..
صعب اوي علي اي امراة انها تخلف تؤام واحد
الله يكون في عون الست الكبيرة
خلفت اكتر من تؤام ياعيني
بس ياتري
خلفت انهي تؤام الاول؟

التؤام
شادي وفادي ؟
ولا...
التؤام
فتحي واخوة؟
ردت فضة
وقالت...
الست هانم مخلفتش غير تؤام واحد بس
وهما ...
فتحي و التؤام بتاعة فقط
قلت..
امال عزيز بيه... ورحمة.. وشادي... وفادي
ولاد مين؟
ردت فضة
وقالت..دول ولاد المرحومة فاطمة هانم
الزوجة الاولي
للبية الكبير
قلت..اااه يعني الست الكبيرة
هي الزوجة التانية؟
ردت فضة
وقالت.. ايوه
بالظبط كده
قلت..
طيب وليه الست الكبيرة مش بتعالج ابنها ؟
وتودية مصحة ...
ولا حاجة؟
بدل ما هو خطر كدة
ردت فضة
وقالت...
مصحة ايه؟
ده فتحي ده
قلب الست الكبيرة
وعقلها...
دنا سمعتها مره
وهي بتقول... انها بتفكر تجوزه
رديت
وقلت....معقولة؟
ومين الي هتوافق انها تتجوزة
وهو في الحالة دي؟
ردت فضة
وقالت..
اي ام... بتتمني تشوف ابنها عريس
مهما كان فيه ايه
قلت..
فعلا عندك حق
وفي اللحظة دي
استاذنت مني فضة عشان تروح تشوف شغلها
وقعدت انا اكلم نفسي
بعدما ما اتفاجئت بالمعلومات الجديدة
وقلت..معقولة ؟
يعني عزيز بيه مطلعش ابن الست الكبيرة؟
عشان كده؟؟؟
رحمة اخت عزيز شهدت في صفة
ساعة الفضيحة ؟؟؟
اااه يعني هي شهدت معاه
عشان مراة ابوه متمسكش علية زلة؟
وفضلت افكر مع نفسي
كتير لغاية ما رجع عزيز من بره ولقيتة
جايب معاه الماذون والشهود
ولقيت رحمة بتقولي هاتي بطاقتك وتعالي يا عروسة
وبالفعل اتكتب الكتاب وبعد ما مشي الماذون والي معاه
الكل باركلنا انا وعزيز
وبعدها
فضلنا قاعدين انا عزيز في الاوضة لوحدنا
ومكنتش عارفة ايه نهاية الجوازة الغريبة دي
انا طبعا كنت متاكدة
ان عزيز بيه ...عمره ما هيفكر يتجوز واحدة زي انا
لان المسافة بيني وبينة بعيدة اوي...
ومسالة ان عزيز بيه يفكر فيا حتي
فا دي... فكرة مستحيلة
ومن رابع المستحيلات كمان
وكنت عارفة ان ...
جوازة مني... كان بمثابة انقاذ لسمعتة...مش اكتر
كان مرغم يعني
عشان كده
سالت عزيز بيه
وقلت...انت هتطلقني امتي؟
رد عزيز بيه
وقال..
في واحدة تبقي لسة مكتوب كتابها
وتفكر في الطلاق؟
قلت..
يا عزيز بيه احنا مش هنمثل علي بعض
حضرتك اتجوزتني عشان تنقذ سمعتك...
واظن بعدما ما اتجوزنا انت كده سمعتك بقت في السليم
ومحدش يقدر يقول عليك كلمة واحدة
وانا كمان
بصراحة ...
مكنتش جاية هنا عشان اتجوز
انا جاية هنا عشان ادور علي ابني
ممكن بقي تقولي هتطلقني
امتي ؟
رد عزيز بيه
وقال..انتي عايزة ابنك؟
قلت..ايوه طبعا
رد عزيز بيه
وقال..انا ممكن اساعدك...
لغاية ما توصلي لابنك
قلت..بجد والنبي
رد عزيز بيه
وقال...ايوه طبعا..
انتي ناسية ...ان ابنك
يبقي ابن اخويا ولا ايه؟
قلت..ايوه
بس انا اول ما جيت هنا
انت يعني....
كان ليك راي تاني
رد عزيز
وقال.. بصراحة..
في الاول
انا اعتقدت انك نصابة
وظنيت انك بتعملي نفسك كفيفة
عشان... تنسبيلنا عيل مش ابننا
لكن في اكتر من سبب خلوني اتاكد انك مش بتمثلي...ولا بتنصبي
قلت ايه هما..الاسباب دول؟
قال.. اول سبب
يوم ما خرجت معاكي فضة
عشان توصلك
وسابتك لوحدك
انا يومها مشيت وراكي
عشان اتاكد
ان كنتي نصابة ولا لا؟
و اتاكدت فعلا..
انك مش بتمثلي لما شوفت الي كان هيحصلك بنفسي من المتحرشين
قلت...وايه الحاجة السبب التاني؟
قال..
قال..السبب التاني
هو.... اني بعت رجالتي
للبيت الي انتي كنتي ساكنة فيه
وعملوا تحرياتهم عنك
واتاكدت فعلا انك مش بتكدبي
قلت..طيب الحمد لله
انك اتاكدت اني مش بكدب ولا بنصب عليكم
رد عزيز بيه
وقال...مهو عشان كده
انا قررت اساعدك
عشان نرجع ابنك لحضنك تاني
بس عشان ده يحصل
لازم تسمعي كل كلمة بقولهالك كويس
في اللحظة دي
كنت عايزة اقول لعزيز بيه
ان سامي ابني..
هنا في اسكندرية
مع واحد اسمة الميت
وكنت هقولة كمان..
علي الشروط الي
قالهالي
لكن افتكرت
كلام عزيز مع اختة رحمة
يوم ما كانوا بيقولوا انهم هيقتلوني...
بس لما يلاقوا سامي
ويقتلوه الاول
فااعتبرت ان عزيز واختة رحمة اعدائي
وخوفت لا يكون عزيز بيلعب عليا لعبة
وحبيت اتاكد ان كان كلام عزيز صدق ولا كدب
فسالتة
قلت..
ورجالتك بقي سالوا مين من الجيران عني
انا مليش غير جارة واحدة
وهي...جارتي كريمة وجوزها الاستاذ عاشور
ياتري سالتوهم
رد عزيز بيه
وقال...لا طبعا
جارتك كريمة... وجوزها اخر ناس ممكن نسالهم
عارفة ليه؟
قلت. ليه؟؟؟
قال............
لو عايز باقي احداث الرواية
صلي علي رسول الله ومنتساش طبعا تضع عشر ملصقات مع متابعة
تعليقات
إرسال تعليق