 |
#غرام_في_الظلام
#الجزء_السابع
مدونة #موسوعة_القصص_والروايات
للكاتبة..حنان حسن
بعدما توقفت الشغالة فضة ..
عن قراءة تفاصيل الحادث..
الي اتعرضتلة انا... وشادي
لقيتها بتقول.... بدهشة
مش معقول؟
قلت..
هو ايه ده الي مش معقول؟
قالت...
انا شوفت صورة السواق ...
الي كان سايق العربية
الي اتسببت في الحادثة
بتاعتكم
قلت..وايه الغريب في كده؟
قالت..اصل انا عارفة السواق؟
وسالتني
وقالت..
انتي عارفة السواق ده مين؟
قلت..مين ؟
قالت..السواق ده بيشتغل مع عزيز بيه
قلت..انتي متاكدة
ان السواق ده بيشتغل مع عزيز بيه فعلا؟
ردت فضة بتردد
وقالت..
انا معرفش...
هو مازال بيشتغل عند عزيز بيه
لغاية دلوقتي ولا لا؟
بس انا اعرف
ان السواق ده....
كان بيشتغل عند عزيز بيه
زمان
علي العربيات النقل بتاعتة
بعد ما سمعت كلام فضة
افتكرت
.. الكلام الي قالهولي
عزيز بيه
وهو سكران
لما قالي...
انه بيحبني ...من ساعة ما شافني في المستشفي
ولقيتني... بقول لنفسي
معني كده
ان عزيز بيه كان يعرف بموضوع الحادثة ؟
ويعرف كمان...
ان اخوه مات... قبل ما
انا اجي البيت هنا؟
امال ليه.... ادعي انه ميعرفش حاجة عن شادي ...
من زمن؟
وكان بيعتبرة مفقود
وبعدما فكرت شوية
لقيتني بقول
معقولة ؟
يكون عزيز بيه ليه صلة بالحادثة الي حصلتلنا؟
ومعقولة يكون دبر الحادثة
عشان...
يقتل اخوه وياخد ميراثة؟
يا نهار مش فايت ؟؟؟
ده لو الافتراض ده حقيقي
يبقي اكيد عزيز هو الي خطف سامي ابني
عشان يقتلة ...
طبعا مهو سامي هيبقي الوريث لشادي ..
ورجعت قولت لنفسي
بس لو عزيز هو الي خطف سامي...
امال ليه مقتلوش لغاية دلوقتي؟
وليه عزيز وافق...
انه يتجوزني ؟
ما كان زمانة قتلني مع وابني وخلاص؟
وبعدين كمان ..
منا اتاكدت بنفسي..
ان سامي ابني
مع الراجل الي مسمي نفسة الميت؟
يعني معني كده
ان عزيز بريئ من الظنون الي في دماغي
بس معقولة تبقي صدفة؟
ان السواق الخاص بعزيز بيه
يبقي هو نفسة
المسؤال عن الحادثة
الي مات فيها شادي اخوه؟
طيب وكلام عزيز عن انه شافني في المستشفي؟
لا كده انا مبقتش فاهمة حاجة؟
منا بردوا لازم اتاكد
من الكلام الي سمعتة
مش يمكن تكون فضة بتكدب؟
طيب اتاكد ازاي ان فضة مش بتكدب؟
وان عزيز ملوش علاقة بالحادثة الي حصلتلنا؟
اتاكد ازاي؟
اتاكد ازاي؟
واثناء ما كنت شاردة بذهني
سمعت صوت الشغالة فضة
بتكرر سؤالها
الي انا مسمعتوش
وبتقولي....
قولتي ايه يا ست مريم ؟
قلت...معلش يا فضة
عيدي الي قولتية تاني اصلي مسمعتش
ردت فضة
وقالت...
تحبي اجيبلك تاكلي دلوقتي؟
قلت..لا شكرا يا فضة انا مش عايزة اكل دلوقتي
ردت فضة
وقالت..
طيب بعد اذنك
انا هروح اشوف الي ورايا
بقي
قلت..اتفضلي
وبالفعل خرجت فضة
وفضلت انا لوحدى
هتجنن من الافكار...
والظنون
الي كادت ان تفتك براسي
المهم...عدي الوقت
ورجع عزيز من بره
وسمعتة بيلقي عليا السلام
وبيقولي..
مساء الخير يا مريم
قلت...مساء النور
قال...فضة قالتلي انك
مرضتيش تاكلي
ياتري كنتي منتظرة لما اجي؟
عشان نتعشي مع بعض؟
قلت... ايوه انا عايزة اتعشي معاك
رد عزيز
وقالي..حالا
هقول لفضة تجهزلنا احلي عشاء
وبالفعل..
جهزت فضة العشاء
وقعدت مع عزيز نتعشي
وكنت ملاحظة
ان عزيز بيتكلم وبيضحك معايا وكانة مبسوط
ان العلاقة بينا اتحسنت...
وبطلنا نقار وخناق كل شوية
وانتهزت انا فرصة
ان عزيز بيه بيضحك ومزاجة رايق
وسالتة
اثناء ما كنا بنتعشي
وقلت...
الا صحيح يا عزيز بيه؟
كان في حاجة كده كنت عايزة اسالك عليها
من ساعة ما جيت بس نسيت
رد عزيز بيه
وقال..اتفضلي طبعا
اسالي
قلت...انا اول مره اجي البيت هنا
سمعتك بتقول...
انك اعتبرت شادي مفقود
وبطلت تدور عليه
ممكن اعرف ليه؟
وممكن كمان
اعرف ليه اصلا شادي مشي وساب البيت؟
رد عزيز بيه بحزن
وقال...
شادي الله يرحمة
ساب البيت ومشي بسبب خلاف مع ابوه...
قلت...طيب وليه ممنعتوش انه يسيب البيت ويمشي
رد عزيز
وقال..لان شادي...
يومها اتطاول علي ابوه
وعشان انا الاخ الكبير ..
كان لازم اشد علي شادي
انا كمان
وامنعه انه يتطاول علي ابوه
واضاف عزيز
قائلا
بس شادي اعتبر اننا كلنا ضدة عشان كده..
ساب البيت.. والبلد كلها...
ومشي
قلت...وليه محاولتش ترجعه البيت ؟
رد عزيز... بصوت كله الم
وقال...
انا يا دورت علي شادي
لكن للاسف...
قلبت الدنيا علية...
وبردوا ملقتوش
وفضلت اخبارة مقطوعة عننا لغاية....
قلت..لغاية ايه؟
قال...لغاية ما انتي جيتي... وعرفنا منك
ان شادي مات
بعدما استمعت لكلام عزيز بيه
رديت عليه
وقلت...امال ليه انا محستش انك زعلان عليه
دنتا حتي مسالتنيش عنه من ساعة ما جيت؟
رد عزيز بيه بضيق
وقال...انتي ليه بتسالي الاسالة دي كلها؟
رديت عليه رد مفاجئ
وقلت..
عشان انا عرفت
ان السواق الي اتسبب في الحادثة ...الي مات فيها شادي
يبقي السواق بتاعك
وبصراحة بقي... انا حاسة ان في حاجة مش مظبوطة
بتحصل
وبصراحة كمان....
انا بدات اقلق علي ابني
وحاسة انه جرالة حاجة ...
رد عزيز بيه
وقال...
اولا.... السواق الي انتي بتتكلمي عنة ده
كان بيشتغل عندي زمان اوي
قبل ما افصلة من المصنع
يعني هو دلوقتي..
مش شغال عندي ....
ولا ليا اي صلة بية
ولا حتي عرفت المعلومة دي غير منك دلوقتي
قلت...
حتي لو الي انت بتقولة ده صحيح
انا برضوا..
مينفعش اقعد حاطة ايدي علي خدي كده ....
وابني مخطوف
عشان كده
لازم ابلغ البوليس
رد عزيز بيه
وقالي..
هو انا مش وعدتك....
اني هجيبلك ابنك؟
قلت..معلش علي منتا تتصرف وترجعة بطريقتك..
والبوليس برضوا يتصرف ويحاول يرجعة بطريقتة
رد عزيز بيه
وقال..
طيب اديني فرصة
يومين ثلاثة بس...
وانا هجيبلك ابنك
ولو مقدرتش ارجعهولك
يا ستي....
نبقي نبلغ البوليس
قلت..
انا لسة هستني ثلاث ايام
دنا شاكة...
ان ابني ممكن يكون جرالة حاجة
رد عزيز بيه
وقالي...
يا مريم.... انا لو مكنتش واثق
اني اقدر ارجعلك ابنك
مكنتش وعدتك اني هرجعهولك
و انا بطلب منك... تاجلي موضوع البلاغ
لاني..
راجل ليا اسمي في السوق...
ولو بلغت البوليس دلوقتي
هيحصل شوشرة هتضرني
بعد ما سمعت كلام عزيز بيه
سيبت الاكل
واتحسست طريقي
للحمام...
ودخلت اعيط لوحدي
لكن...
اثناء ما كنت في الحمام
فكرت بيني ....وبين نفسي
ولقيت... ان عزيز بيه
بيوعدني بكل بثقة
انه هيرجع ابني
وباين فعلا ...انه يقدر يرجعهولي
وممكن... لو بلغت البوليس
وشوشرت علي سمعتة
يعاند معايا
ويعمل حاجة في الولد
وفي نفس الوقت...
انا مكنش عندي رفاهية الاختيار
يعني كان لازم اصبر ..
الثلاث ايام دول... وخلاص
وبعدما.... اتخذت قراري
بالصبر يومين كمان
خرجت من الحمام
وانا باانادي علي عزيز بيه
عشان...
اقولة اني موافقة
انتظر... يومين ثلاثة زي ما قال
لكن ملقتش عزيز بيه في الاوضة
وكان واضح
ان عزيز بيه..
اتخنق مني....
وترك ليا الغرفة...وخرج
ورجعت تاني... اقعد لوحدي افكر
في اللغز الي انا عايشة فيه
وبعد ما ارهقني التفكير
سندت راسي علي الكنبة..
وروحت في النوم
وبعدها...
صحيت علي صوت
سامي ابني
وهو بيقولي..
اصحي يا ماما
صحيت من النوم علي صوت ابني
وافتكرت اني بحلم
لكن لما مديت ايدي ناحية الصوت
لقيتني بلمس جسم صغير
فعلا
وفضلت اعيط
وانا بسالة
انت سامي؟
رد سمسم وهو بيعيط
وقالي...
ايوه يا ماما... انا سمسم ابنك
انتي وحشتيني اوي
وفي اللحظة دي
اخدتة في حضني... وفضلت ابوسة
و اشم ريحتة... الي وحشتني وانا بحمد ربنا علي سلامتة
وسالتة..
وقلت...
انت كويس يا حبيبي؟
رد سمسم
وقالي...
الحمد لله انا كويس
اطمني يا ماما
قلت..طيب انت كنت فين يا سمسم؟
ومع مين؟
وجيت لغاية هنا لوحدك ازاي
يا قلب ماما؟
وفي اللحظة دي
سكت سمسم ...ومردش عليا
لكن.... سمعت صوت الميت
وهو بيقولي...
انا اجاوبك يا ام سمسم
بس الاول اقولك علي المفيد..
انا...طلبت منك ثلاث طلبات
وانتي منفذتيش منهم غير طلب واحد
وبالرغم من كده...
انا عملت باصلي وجيبتلك ابنك..
.عشان تطمني انه بخير... وزي الفل
اظن بقي دلوقتي لازم تردي الجميل ده
اول ما سمعت صوت الميت
حضنت ابني وخبيتة في حضني
وقلت...
انت كنت فين كل ده يا ميت؟
انا فضلت مستنياك
رد الميت
وقالي..
انا جيت دلوقتي
عشان اقولك... اني نويت اخفف عنك المهمة
وهصرف نظر عن الشرط الثاني
يعني خلاص مش هطلب منك
انك تقتلي الست الكبيرة
لكن...
هبدل الشرط الثالث الي هو فضيحة عزيز الي انتي فشلتي فيها
بطلب اخف شوية
قلت...طلب ايه؟
انا خلاص... ابني رجعلي
ولو حاولت تاخده مني تاني
هرقع بالصوت
واعملك فضيحة هنا
رد الميت بهدوء
وقالي..
طيب بس اسمعي الطلب
وابقي هدديني بعدين
سكت ومردتش عليه...
واحكمت قبضة ايدي علي ابني وهو في حضني
لكن... لقيت الميت مستمر في فرض شروطة
وبيقولي...
الست الكبيرة عندها فلوس ملهاش عدد..
وفلوسها بتشيلها في غرفتها..
في خزنة في الحيط..
والخزنة بتفتح ببصمة الصوت
وكل الي انا عايزة ...
انك تسجلي صوت الست الكبيرة
وهي بتفتح الخزنة
وده هيبقي بواسطة الكاسيت الصغير ده
وحط كاسيت صغير علي حجري
وهو بيقول....
يعني يادوب
هتدوسي علي الزرار الكبير الي في الكاسيت
هتلاقيه سجل صوتها ..
اثناء ما هتكون لوحدها في الغرفة...
وتحديدا وهي بتفتح الخزنة
بس خلي بالك...
انتي هتزرعي الموبيل في غرفتها الساعة ١٢ باليل بالظبط
لان الست الكبيرة... بتكون نايمة في الوقت ده
لازم كمان ....
تتصنتي كويس علي الباب
قبل ما تدخلي غرفتها
عشان تتاكدي ان مفيش حد صاحي جوه
وبالنسبة لموقع الغرفة بتاعتها..
فا سهل جدا انك توصليله لوحدك
لان غرفتها ...
هي اول غرفة علي ايدك اليمين.... جنب السلم
ووعد مني
اول ما هاخد منك التسجيل
هرجعلك ابنك علي طول
هزيت راسي بالرفض
وقلت..
مفيش الكلام ده
انا ابني في حضني ...ولو لمستة انا ها...........
وقبل ما اكمل تهديدي
وقع علي وجهي منديل اول ما شميت الي فيه
غيبت عن الوعي
ولما صحيت..
لقيت نفسي لوحدي...
وابني غاب عن حضني تاني
فا فضلت اعيط طول النهار
وكل ما عزيز يقولي مالك؟
مردش عليه
لكن اول ما عزيز خرج
طلبت من فضة تظبطلي المنبة علي ١٢ باليل
وانتظرت الساعة تيجي ١٢
وبمجرد ما رن المنبة
اتسللت لغرفة الست الكبيرة
ووقفت ادام بابها
وكنت هفتح الباب بتاعها
عشان ادخل غرفتها...
وانفذ المطلوب مني
لكن... الي خلاني تراجعت
هو اني...
سمعت صوت جوه الغرفة
وكان الست الكبيرة
بتتكلم مع حد
فا حاولت اصطنت للصوت اكتر
وبالفعل اصطنت جيدا
لغاية ما قدرت اميز الاصوات الي جوه
ولما ميزت الصوت الي بيتكلم مع الحاجة
اتصدمت... صدمة العمر
لاني اتفاجئت
ان الصوت الي بيكلم الست الكبيرة
حد اعرفة جدا جدا جدا
تتخيلوا مين الي كان مع الست الكبيرة ؟.......
لو عايز باقي احداث الرواية
صلي علي رسول الله وطبعا مش هننسي نضع عشر ملصقات مع متابعة للمدونة
البارت الثامن من هنا هنا
تعليقات
إرسال تعليق