 |
#سكريبت❤❤
-لو فضلتي كده كتير أنا هتجوز عليكي يا عبير
-ياريت يا أخي.... ياريت تتجوز وتريحني من قرفك وزنك ده يوم المني... اتجوز يا جمال اتجوز وارحمني.
اتعصبت ومسكت ايديها وقولت:
-عايزة ايه يا عبير ليه. بتعامليني كده أنا عمري ما جرحتك.
بكت وهي بتقول :
-كلكم جرجتوني... كلكم اجبرتوني اللي أنا مش عايزاه
-أمتي ده... أمتي يا عبير؟! (سولييه نصار )
-لما اتجوزتك يا جمال... أنا مكنتش عايزاك ولا بحبك اصلا... بس هما اجبروني عليك... وأنت عارف كده وبدل ما تتصرف كأي راجل عنده كرامة وتطلقني
ضربتها بالقلم.... مكنتش حابب أمد أيدي عليها بس هي اللي اجبرتني اعمل كده
-أنا عملتلك ايه يا عبير؟! عملتلك ايه أنا حبيتك أكتر من حياتي... احترمت رغباتك.... رفضتي تخليني المسك ورغم كده انتي بتعامليني بالطريقة دي
-لأن لسه بحبه... لسه بحب كريم.... لا أهلك ولا أهلي قدروا يخرجوه من قلبي.
-افهمي يا غبية كريم خانك... اتجوز أختك وهرب... ازاي تفضليه عليا بعد ده كله.
-أنت مش مالي عيني اعملك ايه؟!
قربت وكنت هضربها بس تراجعت في آخر لحظة وقولت :
-خلاص يا عبير اللي بيننا انتهي... روحي علي بيتك وهتوصلك ورقة طلاقك...
وبعدين سبتها ومشيت
........
تاني يوم.
-انتي اعبط خلق الله وتستاهلي اللي هيحصلك
قالتها كريمة بنت عم عبير
-مبحبهوش يا كريمة اعمل ايه
-يا شيخة حبك برص... وانتي اللي حبتيه عمل ايه بس... هرب وكسر قلبك وفضحك يوم فرحك لما هرب مع أختك.... نسيتي أن جمال هو اللي ساعدك ووقف معاكي.... اتحمل لسانك الطويل واسلوبك المستفز.... عمره ما هانك ولا جرحك... مينفعش تعاملي إنسان بيحبك بالطريقة دي... هتندمي يا عبير... صدقيني جمال ميتعوضش.
.........
بعد أسبوع.
الباب خبط ففتحت ولقيت عبير قدامي.
-افندم عايزة ايه؟ لو بتسألي علي ورقة طلاقك فمتقلقيش هتوصلك قريب.
-جمال أنا عايزة آدي علاقتنا فرصة تانية.
مسكت ايدها ودخلتها وأنا بقولها وبشاور علي ريم
-نسيت اقولك بعد ما مشيتي أنا اتجوزت ودي تبقي ريم مراتي... لو حابة تيجي وتعيشي وتتقلبي أن ليكي ضرة تمام... مش عايزة يبقي خلاص كل حي يروح لحاله... قولتي ايه؟
يتبع
#فرصة_ثانية
#سولييه_نصار
تفاعل قوي عشان انزل كمان بارت ❤
لو لقيت تفاعل كتير بعشر تعليقات ولايك هنزل بارت كمان
#الجزء_الثاني ❤شكرا علي تفاعلم السكر ❤
-أنت اتجننت أكيد يا جمال ازاي تقول لمراتك كده... ازاي تجرحها كده وازاي تستخدمني في لعبة رخيصة زي كده.... بجد مش مصدقة أنك أنت أخويا اللي أنا اعرفه حقيقي مصدومة فيك!! (بقلم سولييه نصار )
كانت ريم بتزعق فيا... ريم بنت خالتي وأختي في الرضاعة وصاحبتي المقربة... ريم تعرف كل حاجة عني... أسراري... تفكيري واسلوبي.... عبير متعرفهاش لأن ريم كانت في فرنسا مع جوزها ومقدرتش تحضر فرحي اللي اتقرر فجأة حتي .
كانت لسه بتأنبني... كان باين أنها متعصبة.
-انتي بتلوميني علي ايه يا ريم... اللي بتدافعي عنها دمرت حياتي.... كانت بتقولي في وشي اني مش مالي عينيها.... حرقت قلبي وأعصابي... ده أقل حاجة اعملها بعد اللي عملته فيا.
-جمال أنت مش كده.
-هي اللي خلتني كده يا ريم.... متتخيليش قهرتي وهي بتجيب سيرة راجل تاني وبتقولي بكل بجاحة بحبه... لا عملت اعتبار لمشاعري ولا رجولتي ولا لاحترامي.... كانت بتهينني... خلاص اللي بيننا انتهي
-ولما اللي بينكم انتهي ليه عرفتني علي أساس إني مراتك
سكت فابتسمت واتكلمت:
-أنت لسه بتحبها يا جمال.... كنت حابب تشوف غيرتها عليك... صح
-مشكلتي الكبيرة انتي أكتر واحدة بتفهميني عشان كده مقدرتش اخبي عليكي... أيوة أنا كنت عايز اخليها تغير.... كنت عايز اقهرها زي ما قهرتني....
-اللي بتعمله غلط يا جمال
هزيت راسي وقولت :
-صدقيني ده عين العقل.... عبير مينفعش معاها ألا كده لازم تاخد علي رأسها بس الأهم أنك تساعديني.
-ازاي يا حبيب أختك
-نكمل في التمثيلية دي
-وليه نكمل فيها ما مراتك مشيت
-هترجع صدقيني هترجع.
........
تاني يوم حصل زي ما توقعت... عبير رجعت!!!
-أنا لسه عند كلمتي عايزة آدي لعلاقتنا فرصة. -وهتعيشي مع ضرة في نفس البيت
بصتلي بحزن وقالت:
-أيوة... هعمل أي حاجة عشان أكسبك تاني
-تمام استحملي بقا...
رجعت عبير البيت واقنعت ريم تكمل التمثيلية.... كنت بشوف في عينيها الحزن لما اهتم بريم واكلمها قدامها وهي لا...
........
-ايه رأيك يا ريم نروح النهاردة الملاهي.
قلتها وأنا مبتسم واحنا بنفطر... بصتلنا عبير بحزن فقالت ريم :
-فكرة حلوة مش كده يا عبير لو روحنا هناك هننبسط كلنا مش كده؟ عندك حاجة النهاردة عشان نروح كلنا سوا.
لسه عبير هترد... قولت أنا :.
-لا يا ريم... عبير مش هتروح معانا
حطت عبير وشها في الأرض فقالت ريم بغضب :
-ليه يعني ممكن اعرف السبب؟!
-أنا حابب نطلع أنا وانتي وبس... محدش تالت عيون عبير دمعت وقالت بصوت كان باين أنه مكسور:
-جمال عنده حق يا ريم... اطلعوا انتوا أنا اصلا رايحة ازور اهلي النهاردة.
بعدين أخدت طبقها وراحت علي المطبخ.... كنت عارف إني زودتها.... عارف إني جرحتها اووي بس أنا كمان كنت مجروح.
-عجبك كده.... متزعلش بقا لما تخسرها
تجاهلت كلام ريم وكملت فطوري ببرود.
........
راحت عبير بيت مامتها وأول ما دخلت لقت أمها بتبكي هي وأبوها ولسه هتجري عليهم شافت كريم!!
-ايه جاب ده هنا؟
قربت أمها وحضنتها وقالت:
-أختك ماتت يا عبير... مي ماتت.
......
-ازاي ده حصل؟
بص كريم لعبير بحزن وقال :
-حصلها مشاكل في القلب وكان الدكتور حذرها أنها ما تحملش بس أصرت وحملت واثناء ولادة بنتنا عبير ماتت.
بص لعبير وكمل :
-صممنا نسميها علي اسمك ومي أكتر... مهما حصل بس اعرفي ان مي بتحبك يا عبير.
قربت أم عبير منها وقالت:
-أنا عارفة أن طريقك مع جمال مسدود خصوصا بعد ما اتجوز.... ومن ناحية تانية بنت أختك يتيمة ومفيش غيرك هطمن عليها معاها.
-يعني ايه مش فاهمة؟!
-يعني تطلقي من جمال وتتجوزي كريم عشان تربي عبير الصغيرة!!!
يتبع
#فرصة_ثانية
كم عبير هتوافق ولا لا
الجزء الاخير ❤شكرا لتفاعلكم السكر ❤❤
-انتي بتهزري صح؟! لا أكيد بتهزري.... أنا عايزة اعرف أنا بنتك ولا عدوتك
-ليه بس يا بنتي بتقولي كده
قامت عبير وهي متعصبة وزعقت :(بقلم سولييه نصار )
-يعني مش عارفة عايزة تخربي بيتي وتبعديني عن الإنسان الوحيد اللي حبني عشان جوز بنتك.. هتحرميني من سعادتي زي ما بنتك وجوزها حرموني زمان.
-انتي مبتحبيش جمال يا عبير وهو كمان خلاص رماكي واتجوز يبقي باقية عليه ليه.
-لا بحبه... وبحبه جدا كمان وافرض يعني اتجوز.. ده شرع ربنا وانا راضية بكده.... علي الأقل أول مرة اعمل حاجة ترضيني.
-هترضي بضرة يا عبير... ضرة.
-أيوة هرضي بضرة زي ما انتي سامحتي بنتك بعد ما خانتنا وهربت مع اللي كنت هتجوزه.
بصتلها بتوتر فابتسمت عبير بتريقة وقالت:
-ايه يا ماما فاكراني مش عارفة.... أنا كنت عارفة كويس أنك بتتواصلي معاها فاكراني هبلة وزي ما انتي سامحتي بنتك أنا كمان هسامح جوزي واتقبل أن يكون ليا ضرة زي ما هو سامحني علي اهاناتي الكتير.
-يا بنتي جمال مش مناسب ليكي... انتي كده هتظلميه
-وليه مقولتيش كده من الأول لما اجبرتيني اتجوزه... ليه مفكرتيش إني هظلمه وأنا بقولك مش بحبه... مش مستعدة اتجوز وادخل حد تاني حياتي لأني هظلمه... بس انتوا كان همكم الفضيحة.... خفتوا علي سمعتكم ومحدش فكر فيا.... محدش فكر في جمال اللي عيشته نفس الجحيم اللي أنا عايشاه... ودلوقتي بعد ما حياتي بدأت تستقر بعد ما اتقبلت وحبيت جمال عايزة تبعديني عنه عشان واحد زي ده.
-عبير!!!
بصت عبير ولقيتني في وشها... معرفش ليه قررت اجي علي بيتهم... أبوها فتحلي ودخلت بهدوء من غير صوت وسمعت كل حاجة
بكت عبير وجريت عليا وحضنتني وقالت :
-خدني من هنا يا جمال... أنا قابلة بضرة لو حابب كمان اتجوز تالت ورابع أنا موافقة بس متتخلاش عني.
-وبنت أختك يا عبير مفكرتيش فيها
قالتها أم عبير وكملت :
-ازاي تكوني أنانية بالشكل ده.... البنت اليتيمة دي مين هيربيها؟!
-أنا موجودة لو هي احتاجت حاجة لكن أن اهد بيتي عشان خاطركم مش هيحصل... أنا بحب جوزي.
مسكت عبير أيدي وقالت:
-خرجني من هنا أبوس ايديك
أخدت عبير وخرجت من البيت... رغم غضبي لما شوفت كريم بس اعتراف عبير أنها بتحبني خلاني أنسي كل غضبي وببساطة سامحتها.. أخيرا دلوقتي أقدر اقول إني سامحتها وأني مش هضيع ولا لحظة من حياتنا في الخصام.... الحياة قصيرة ولازم نستمتع بكل لحظة فيها
.....
رجعنا بيتنا كانت ماسكة أيدي وهي فرحانة... شوفنا ريم قدامنا... سابت عبير أيدي بتوتر وكانت هتروح اوضتها لكن ريم مسكتها وقالت وهي مبتسمة :
-أخيرا شوفت أخويا سعيد كده أنا أقدر أروح لجوزي فرنسا وأنا مرتاحة.
بصتلها عبير بحيرة فصحكت ريم وقالت:
-أنا ابقي بنت خالة جمال وأخته في الرضاعة ومتجوزة كمان... يعني أنا وجمال كنا عملنا عليكي مسرحية...
بكت عبير فحضنتها ريم وقالت:
-أنا آسفة بجد بس جوزك ده شرير هو اللي اقنعني...
قربت من عبير وقولت :
-خلاص بقا يا عبير أنا آسف.
بعدت عبير وقعدت تضربني علي كتفي وتبكي فحضنتها... بصتلنا ريم وهي مبتسمة وقالت:
-ربنا يحميكم من العين وبعدين قربت مننا وحضنتنا احنا الاتنين
تمت
#فرصة_ثانية
تعليقات
إرسال تعليق