 |
رواية جديده جامده جدا يابنات 👌👌♥️🥰 نقول بسم الله ونبتدى اهم حاجه القرائه متشغلكوش عن الصلاه ♥️👌
الفصل الاول ....
- هو مين العريس الى برا دا يا مريم
+روحى بس البسى عشان تطلعيلهم .. هيعجبك المره دى
- اسمه اى
+ يبنتى يلا روحى البسى بسرعه
- ماشى شوقتينى اشوف الى بتقولى هيعجبنى دا
لبست بسرعه
و خرجت للعريس واهله برا و هى ماسكه صنيه العصير
اول لما شافته الصنيه وقعت منها عالارض
-انا ... انا اسفه فلتت منى
~ ولا يهمك
قعدت عالكرسى و انا مش مصدقه نفسى . دا كريم الى بحبه حب طرف واحد بقالى ٣ سنين ... مكنتش اتخيل انه ممكن يحبنى و كمان يجى يتقدملى .. كنت فرحانه جدا و قلبى بيرقص من الفرحه . كنت بختلس النظر ليه عشان بابا و اهله ميلاحظوش .. عشر دقايق مرو كأنهم عشر ساعات . كان الوقت بيمر ببطئ اوى
¥ احنا جايين نطلب ايد بنتك ندى ل ابنى مصطفى
اى دا ! لحظه هو قال مصطفى ! بس انا عايزه كريم مش عايزه اخوه ..! فضلت متنحه كدا ومش مصدقه الى اتقال .. هو دا حقيقى و لا انا بتخيل
₩ احنا موافقين بس طبعا القرار الاخير ل بنتى
¥ تعالو نسيب العرسان شويه . يلا ي كريم نروح الصاله لغايه ميتكلمو مع بعض شويه
~ تمام يا بابا
= انا مصطفى .. متخرج من كليه طب السنه الى فاتت وحاليا دكتور فمستشفى ** .. دكتور جهاز هضمى . بصى انا جيت مع اخويا كريم مره الكليه .. هو فنفس دفعتك و شفتك وقتها و من وقتها وانا بفكر فيكى كل يوم .. كل صلاه بصليها بدعى فيها انك تكونى ليا و بحلم باليوم الى اتقدملك فيه .. يعنى تقدرى تقولى انى بحبك بقالى ٣ سنين
- تمام هبعتلك ردى مع بابا
وقمت من مكانى
بدهشه = هو انتى مش هتسألينى اى اسئله ؟
- لا انت حكيت كل حاجه . اظن انت كمان مش عايز تسأل حاجه . انا متأكده انك تعرف كل جاجه عن قبل متيجى
بإبتسامه = مظبوط
سبته ودخلت اوضتى
¥ هنستنى ردكم ان شاء الله
₩ ان شاء الله . احنا سعداء بمعرفتكم
¥ احنا اسعد
بابا وقتها دخل اوضتى
₩ ليه يبنتى مقعدتيش مع العريس خمس دقايق على بعض .. هترفضيه زى الى قبله ولا اى ؟ انا مش شايف فيه اى عيب و شايف انه احسن واحد اتقدملك .. معجبكيش ولا اى ؟
- لسا بفكر يا بابا ...
₩ ماشى يبنتى خدى وقتك ولما تقررى تعالى قوليلى قرارك
- حاضر يا بابا ..
بابا خرج من اوضتى و مريم دخلت
+ اى ي ندى ليه زعلانه كدا ؟! انا افتكرتك هتكونى طايره من الفرحه . مش هو دا كريم الى كنتى بتحكيلى عنه كل يوم لمده ٣ سنين ؟!!! اى مضايقك بقا
بحزن - اخوه الى اتقدملى مش هو ..
مريم قامت من مكانها
بذهول + بتهزرى صح !!
بحزن - لا .. بيقول انه بيحبنى من ٣ سنين من وقت م جه مع كريم الكليه وشافنى
+ انتى فعلا فموقف صعب . بصى خلاص ارفضيه .. انتى بتحبى اخوه مش بتحبيه هو
- هعمل كدا ..
+ بس ى ندى تعالى نبص للجانب الايجابى . يمكن اخوه احسن منه .. انتى قلتى ان كريم فيه كل الصفات الى مش بتحبيها صح ؟! وانك مش عارفه بتحبيه ليه
- كنت هغيره للاحسن ..
+ بس اخوه باين عليه محترم ومش بتاع بنات ولا مغرور . يعنى عكس كريم
- و انا بحب كريم يا مريم عايزانى اوافق على اخوه ازاى
مريم فتحت صفحه اخو كريم عالفيس
+ بصى يبنتى ازاى امور و جنتل مان كدا فنفسه . قوليلى بس اى الى مش عاجبك فيه ؟! هو وكريم شبه بعض جامد اساسا يعنى اراهن ان مصطفى لما كان فسن كريم كان شبهه بالملى
- وانا بتكلم على حكايه شكل سعنى يا مريم ؟! ميهمنيش اخوه شكله زيه ولا لا بقولك انا بحب كريم
+ طيب متدى نفسك فرصه يمكن تحبى اخوه ففتره الخطوبه .. انا شايفه انها فرصه متتعوضش فعلا زى م بابا قال و بعدين هتقولى لبابا اى . هرفضه عشان بحب اخوه ؟! و عارفه .. طالما اخوه بيحبك و اتقدملك ، لا يمكن يكون ليكى فرصه مع كريم حتى لو بنسبه ١% حتى لو رفضتى اخوه
بحزن- عارفه الكلام دا ..
+ عموما فكرى وشوفى هتعملى اى .. انا من رأيي تدى لاخوه فرصه . باين عليه بيحبك اوى و باين عليه انسان كويس احسن من كريم كمان .. مش انتى الى كنتى بتقولى ان كريم بتاع بنات و مش محترم ومغرور و انه مينفعش لا زوج ولا اب . مش دا كان كلامك ؟!
- قولتلك يا مريم كنت هغيره 🙄
+ مفيش حد بيتغير يا ندى .. اخوه شكله عكس كريم فكل حاجه . كريم اساسا كل الصفات الى فيه كانت سلبيه ف😏 معنى كدا ان مصطفى انسان كويس جدا
- معلش سبينى وحدى شويه يا مريم
+ ماشى باى
ندى فضلت تفكر لساعات من غير متخرج من اوضتها . كلام مريم مظبوط .. كل صفات كريم سلبيه . فيه كل الصفات الى هى بتكرهها . يمكن دا مجرد تعلق بس بشخصيه وهميه رسمتها فدماغها او يمكن شكله بس الى عاجبها ف بيتهيألها انها بتحبه ..
- بابا انا موافقه على مصطفى
باباها حضنها
₩ كنت عارف انك هتتخذى القرار الصح . انا صحيح مقعدتش مع مصطفى غير ساعه بس .. بس كان محترم جدا من كلامه و طيب .. هيكون انسان مناسب ليكى ومش هتندمى
بحزن - ان شاء الله
بابا ندى اتصل ب بابا مصطفى و بلغه بموافقتهم
كانت الساعه ١١ بالليل وقتها . اتفاجئو بالباب بيخبط الساعه ١١ ونص
₩ يا ترى مين دا الى بيخبط علينا دلوقتى
شاف من العين السحريه
₩ مصطفى !!
فتح الباب
بفرحه = يا عمى انا عايز احدد معاد للخطوبه لو سمحت .. معاد اولى يعنى لغايه لما نتفق عالتفاصيل بكرا لما يكون بابا واخويا موجودين
الاب ضحك
₩ ومستعجل ليه كدا
= مش متخيل اد اى انا فرحت لما بلغتنى بموافقتها .. انا مستنى اليوم دا بقالى سنين يا عمى و عايز الخطوبه ف اسرع وقت
₩ بكرا هنتفق يبنى متستعجلش
= يا عمى لسا هستنى ١٨ ساعه يعنى ؟!
الاب ضحك تانى
₩ بتحب بنتى للدرجه دى ؟
= لا انا بحبها اكتر مما تتخيل يا عمى .. هو .. هو ينفع اشوفها دلوقتى ؟!
₩ اتفضل فالصالون لغايه لما تجهز بس هما خمس دقايق عشان الوقت اتأخر
= يكفى انى اشوفها بس
- ازاى يا بابا جه دلوقتى يعنى ؟!
+ الباشا مش قادر يستنى ل بكرا يا ندى
₩ فعلا هو قال انه عايز يشوفك بس . كان عايز يحدد معاد الخطوبه بس قلتله بكرا ف قالى انه عايز يشوفك دلوقتى لو ينفع وانا وافقت . اجهزى بس بسرعه عشان الوقت اتأخر . هما خمس دقايق بس يشوفك فيهم وبعدها هيمشى
- حاضر يا بابا ...
الاب خرج من الاوضه و قفل الباب
+ شفتى يا ندى ازاى بيحبك . بذمتك كنت عايزه ازاى ترفضى حد بيحبك بالشكل دا . يااه يارب يكون قره عينى بيحبنى الحب دا كله
ندى لبست الاسدال
+ بتهزرى صح ؟!! هتطلعيله كدا !!
- ايوا فيها اى
+ يبنتى بطلى بقاا تتبترى عالنعمه الى انتى فيها . حد يلاقى حد بيحبه الحب دا كله و يتبتر عليه !! استنى هشوف انا تلبسى اى
- ماشى بس بسرعه عشان عايزه انام ..
مريم اختارت فستان اسود طويل . ساده وسيمبل
و اختارت طرحه لونها احمر منقوشه و حلق فضى بيلمع كأنه الماس و سلسله نفس مواصفات الحلق
هى الى لفت الطرحه ل ندى وحطتلها ميكب خفيف و جميل
+ يلا بقا بصى للمرايه
- جميله اوى يا مريم بس ليه تعبتى نفسك دول خمس دقايق بس الى هنتكلم فيهم او هيشوفنى بس
+ يلا بس اطلعى عشان الوقت اتأخر .. وانا هبص من فتحه الباب عشان اشوف رده فعله
ندى خرجت وقالت لباباها انها هتروح ل مصطفى خمس دقايق وهتطلع
اول لما دخلت الصالون مصطفى قام من مكانه
قرب منها
= هو انتى ازاى قمر كدا
ندى اتكسفت و رجعت ل ورا
- احم احم ..
مصطفى خد باله انه كان مقرب منها جامد و اتكسف وقعد عالكرسى مكانه
= انا اسف انا نسيت نفسى والله مكنش قصدى حاجه..
- ولا يهمك
= ينفع .. ينفع نكتب الكتاب بكرا مع الخطوبه ؟
- ل..لا مينفعش لازم اعرفك كويس الاول . خلى كتب الكتاب قبل الفرح بيوم
= تمام الى يريحك .. هو ان ينفع اسألك سؤال ؟
- اه اكيد
= ليه وافقتى عليا ؟ انتى رفضتى ناس كتير قبلى ف اشمعنا انا وافقتى عليا
- شفت انك محترم و طيب و مش باين عليك بتاع بنات او مغرور ف قلت اديك فرصه
= هو انا مش وسيم ؟
ندى اتكسفت
- ل..لا طبعا وسيم
= طب كويس اصل مقولتلك وسيم ف الصفات الى قلتيها
- الوقت اتأخر و كدا و اظن الخمس دقايق خلصو ف عن اذنك
= اه طبعا اتفضلى
ندى راحت اوضتها و مصطفى سلم على باباها و مشى
*ف بيت مصطفى *
~ اى يا مصطفى كنت فين بقا لغايه دلوقتى بما ان مكنش عندك شغل النهارده . انحرفت ولا اى
= كنت عند ندى
~ فالوقت دا !!
= مقدرتش امسك نفسى لما عرفت انها وافقت و رحت اشوفها طبعا باباها سمحلى بخمس دقايق بس عشان الوقت متأخر وكدا
~ عشت و شفت مصطفى وهو واقع
مصطفى ضربه على داعه
= بطل تريقه بقا .. هو انا فرحان وكل حاجه بس حاسس ان فيه حاجه غريبه . حاسس انها مش طايقانى .. مشفتش ف عينها الحماس ولا الحب الى كنت عايز اشوفه . شفت برود و عدم اهتمام بس ..
~ متهيألك بس .. وحتى لو مش بتحبك و دا المتوقع اساسا لانها مشفتكش غير مره واحده ويمكن مأخدتش بالها منك كمان . هتحبك مع الوقت
= يارب يا كريم تحبنى .. بجد انا متمنتش حاجه من الدنيا غير انها تحبنى و تكون ليا ..
~ صحيح انت سألتها ليه وافقت عليه ؟
= اه
~ قالتلك اى
= قالتلى انى وسيم و فيا كل الصفات الى بتحبها
كريم ضربه على ايده
~ كل دا وتقولى انها بارده ومش مهتمه .. ياخى ياريتنى كنت مكانك
يلا بقا تصبح على خير ورايا جامعه بكرا
= متنساش انك هتيجى بكرا معايا انا وبابا عشان نتفق عالخطوبه 🙁
~ اه طبعا مش هنسى
كريم دخل اوضته
فتح اكونت ندى عالفيس وبدأ يقلب فيه للمره الالف
~ ياريتنى كنت انا فعلا ...
يتبع ....
توقعاتكم لباقى الفصول ياترى هايحصل ايه
لمشاهدة باقى الفصول اعملوا متابعه لصفحتى الشخصية ليصلكم الفصل اللى ينزل اول باول دمتم متابعين اللى جاى شيق جداااااا 😉👌♥️
التعلق مش اقل من عشر ملصقات لوصولك لباقي الأجزاء
تعليقات
إرسال تعليق