 |
#البارت_التاسع_والعاشر
#بكامل_قواي_العقلية
#موسوعة_القصص_والروايات
.
اما عند كارمن فا كانت صاحيه من اكتر من ساعه ومن ساعت ما صحيت وهي اعده عالسرير ضامه رجلها وحضناها بايدها ودموعها مش بتقف...
مني...ادعيلها يا كارمن...هي محتاجه الدعا.
سعيد...وهو بياكل بطريقه بشعه...
انتي هتفضلي عملالنا المندبه دي يابت انتي. ما خلاص ما راحت زي اللي راحو جتها الهم هي وابوها...
بصتله كارمن بقرف من وسط دموعها.
سعيد...شوف بنت الكلب بتبصلي ازاي...
رن تليفون كارمن....فاللحظه دي...
مسكته اختها ريتال...
ريتال...كارمن مكتوب... انس باشا...
كارمن😳😳😳
سعيد... انتي بتكلمي الجدع ده ده انتي نهار ابوكي اسود...ملاقتيش غير الظابط..اللي عايز يوديني في داهيه وحاططني في دماغه .ردي...عليه وتقوليله ميتصلش تاني وكلميه بطريقه وحشه عشان ميتصلش تاني..خلاص القضيه خلصت وإلا هقتلك فيها ردي.....
كارمن...بخوف...حاضر...
انس...الووووو
كارمن ...ا ا الوو
انس...ازيك يا كارمن...
كارمن...اه اهلا..
استغرب انس من طريقتها بس قال يمكن عشان اللي حصل.
انس...عامله ايه الوقت.
كارمن...بأقتضاب...بخير.
انس...خدتي العلاج.
كارمن...ايوه.
انس..حس انس بالاحراج وانها بترد علي اد الكلام طيب كويس يا كارمن انا بكلمك عشان اطمن عليكي واضح انك مش عارفه تتكلمي هبقي اطمن عليكي وقت تاني..
كارمن...لا..اااقصد مفيش داعي يا حضرت الظابط... انا كويسه. وخلاص ملوش لزوم حضرتك تتصل بيا تاني اللي كنت بتتصل بيا عشانها راحت والقضيه اتقفلت ياريت متتصلش بيا تاني...
انس...اتصدم من طريقتها وكرامته وجعته رغم انه حس ان في حاجه غريبه...
انس...انا اسف لو ازعجتك انا بس حبيت اطمن عليكي عشان الحاله اللي كنتي فيها..وعشان متحسيش انك لوحدك عموما انا مش هتصل تاني. بس انا لسه عند كلامي اي وقت تحتاجيني هتلاقيني... رقمي معاكي...
كارمن....بحزن بتحاول متبينهوش... شكرا .
انس....سلام.
كارمن .سلام.
قفلت كارمن ودموعها نزلت بوجع...
سعيد...انتي بتعيطي ليه يابت انتي في بينك وبين الظابط ده حاجه...
كارمن...انت مضايق عشان لسه في حد فقلبه رحمه...
سعيد...رحمه مين انتي يابت مفكره نفسك مين انتي عنده ولا تسوي...ده تلاقيه لقاكي فرصه ولقطه بالنسباله يسلي نفسه بيها شويه وبعد كده يرميها
هو اللي زي الظابط..ده يبص لواحده زيك..ولا حتي يستنضفها...
كارمن...وهي دموعها نازله عندك حق اللي زيه ميبصش للي زيي ولا يستتنضفها...عارف ليه؟؟؟
عشان...اللي زيه يوم ما يناسب ويحط ايده في ايد اب لازم الاب ده يكون يشرف وانت متشرفش...انا بكرهك..
سعيد...بغضب. انتي بتكلميني انا كده يابنت الكلب مستعريه مني وقام سعيد زي الوحش بالحزام عليها عشان يضربها
فضلت والدتها نايمه فوقيها عشان تاخد بدالها الضرب شدها من فوقيها وفضل يضرب بالحزام علي جسم كارمن....بغل.
تحت صريخ كارمن ووالدتها واخواتها اللي واقفين مرعوبين...وبيحاولو مع والدتهم يبعدو ابوها عنها..
فضل سعيد يضرب فيها وهو تحت تأثير المخدرات لحد ما جسمها جاب دم..من كل حته...
واخيرا سابها لما حس انه تعب من ضربه فيها...
سعيد...كل يوم من ده يابنت الكلب لحد ما تتربي من هنا ورايح البت دي متخرجش من البيت تتحبس زي الكلبه.
مفيش تعليم خلاص... وانا كلمت الراجل اللي كان متقدملها من اسبوعين... وهو نزل مصر وبعد بكره هيجي يكتب عليها...ويخلص ورقها وتغور معاه..
كارمن...بصريخ...علي جثتي
سعيد....يبقي هتموتي في ايدي
كارمن...موتني بس بردو مش هتجوز انا بكرهك بكرهك...
سعيد...الغضب عماه تاني... ومسك الحزام وفضل يضرب فيها بكل قوته لحد ما خلاص كان هيغم عليها...
بعد عنها سعيد وخو بينهج...
ووجه كلامه لمراته... البت دي تتحبس ومن هنا لحد ما الراجل يجي وياخدها ملمحهاش بره البيت تتساب زي الكلبه كده ..
مني...حاضر حاضر بس سيبها هتموت في ايدك
سعيد...انا هدخل انام شويه طيرت الحجرين من دماغي بنت الكلب ..اصحي الاقي الاكل خلصان...عشان اكل واخرج...جتكم الهم كلكم..اوعي من وشي...وزقها بعيد..
راحت مني علي كارمن هي واخواتها...وفضلت وخداهم في حضنها وتعيط..
مني...كارمن قومي يابنتي قولتلك مترديش عليه ده ظالم ميعرفش ربنا...
مني...اعدو جمبها ياولاد انا هعمل الاكل ورجعالك تاني ياحبيبتي عشان يصحي ياكل ويخرج ويبعد عننا...
راحت مني تعمل الاكل بسرعه عشان ميصحاش يطين عيشتهم..
فضلو اخواتها اعدين جمبهم...وهما بيعيطو علي منظرها...
حاولت كارمن تقوم بتعب والم...اعدت عالسرير واخواتها جمها ماسكين ايدها
كارمن...لاخواتها متخافوش...اوعو تعيطو..انا كويسه..
ريتال...كارمن انتي هتتجوزي..
كارمن...بدموع مستحيل...
چنا...طيب اهربي ياكارمن..
كارمن...اروح فين بس اللي كنت بهرب عليها راحت خلاص
ريتال روحي اي مكان بس امشي انا سمعت بابا وهو بيتكلم فالتليفون امبارح وبيتفق مع الراجل عشان يجي ياخدك وتسافري وكمان قاله انه هيشوفو انهرده...عشان ياخد منه فلوس بس معرفتش اقولك عشان انتي جيتي نمتي وكنتي تعبانه ...
چنا امشي يا كارمن بابا المراد هيجوزك بجد ومحدش هينقذك ..
كارمن...واسيبكم لمين.
چنا...ملكيش دعوه بينا بس كلمينا فالتليفون ...
كارمن...مش هقدر اسيبكم يا چنا بابا مش هيسكت وهيعذبكم معاهوعشان حاولتو تهربوني...
چنا... ما انتي لو اعدتي بردو هتسبينا وهيجوزك وتسافري
كارمن.... عندك حق بس اروح فين احنا ملناش حد
ريتال...مش عارفه بس امشي وخلاص واكيد ربنا هيساعدك...
كارمن خدتهم في حضنها جامد وفضلت تعيط وهما يعيطو معاها....
چنا...احنا هنساعدك تهربي..
كارمن...خلاص يا چنا مبقاش ينفع هروب بابا المرادي هيكون مخلي باله اوي واكيد اليومين دول هيفضل قريب من البيت عشان يضمن اني مهربش..
ريتال...طيب انا عندي فكره...
كارمن بصتلها..فكره ايه..
ريتال... انتي تضحكي علي بابا وتقوليلو انك خلاص موافقه عالعريس عشان يطمن ويقدر يخرج وانتي تعرفي تهربي...
كارمن...مش هيصدقني.
چنا.. ريتال عندها حق وهيصدقك وانتي لا م تقنعيه يطريقه كويسه ووقتها لما يخرج احنا هنهربك....
كارمن...دموعها نازله وهي باصه لاخواتها ومستغربه الطريقه اللي بيتكلمو بيها...وكأنهم كبار..مش اطفال...ربنا يسامحه. كبركم قبل الاوان وكبرنا كلنا معاه...بس انا خايفه عليكم.
ريتال...متخافيش ياكارمن ..
كارمن....يارب....
............
بعد ما انس قفل معاها... كان ملامح الصدمه باينه عليه...مستغرب طريقه كلامها جدا كان عنده احساس كبير ان في حاجه جبرتها تقول كده بس طريقه كلامها الثابته والعاديه كانت بتكدب احساسه...كان انس حاسس بخنقه غريبه ومكنش عارف هو ليه مضايق اصلا وحب يقنع نفسه انه كان واقف معاها عشان ظروفها وحاسس انها محتاجه دعم ومساعده خصوصا من ابوها الظالم...لاكن الشعور اللي كان جواه من خنقه وضيقه كان عكس كده...كان حاسس بالغربه وكان محتاج دياب فالوقت ده حتي لو مكنش هيقوله حاجه بس كان وجوده معاه لوحده هيفرق
دور انس عربيته بعد ما خلص شغله وطلع علي الڤيلا...
وبعد وقت بسبط...وصل انس الڤيلا ودخل...
صباح الخير يا امي
رحمه.... صباح الفل يا حضرت الظابط..
مفيش صباح الخير يا ياسو😒
انس بابتسامه...صباح الفل يا ياسو.
رحمه...مالك يا انس انت كويس...
انس...انا بخير يا امي مفيش حاجه...محتاج انام بس..حاسس اني مرهق شويه.
رحمه...طيب استني حضرتك حاجه بسيطه تاكلها لحد معاد الغدا
انس...لا يا امي مليش نفس انا بس محتاج انام ومحدش يصحيني عالغدا لما اصحي هبقي اكل اي حاجه.
ياسمين...ايه ده مش هتتغدا معانا
انس...معلش ياحبيبتي انا فعلا مرهق جدا ومحتاج انام وبكره اجازه فا عايز انام شويه..
ياسمين...انت متأكد انك كويس .
انس...الحمد لله يلا هطلع انام بقي.
رحمه...ماشي ياحبيبي.
.....
ياسمين...هو ماله انس.. يا ماما..
رحمه...مش عارفه يا حبيبتي...بس تقريبا كده مضايق عشان دياب.
ياسمين..ماله دياب.
رحمه...يعني عشان مسافر انتي عارفه انس ودياب مش بيفترقو ابدا ومرات قليله جدا لما بيفترقو عشان كده انس بيحس بغربه...
ياسمين...يمكن بس انا حساه في حاجه تانيه..
رحمه...يمكن في حاجه حصلت فالشغل..سيبيه علي راحته متضايقيهوش..
ياسمين...طيب يلا بقي نشوف الغدا قبل نا ريناد تيجي...
رحمه...عارفه لو مجتش بعد كل الاكل اللي عملاهولها ده بعد الغدا هقطعك وهقطعها..
ياسمين...بضحك...لا متخافيش جايه..
رحمه...طيب يلا ادامي...
.........
اما..عند...ناريمان...فالمستشفي..
كانت اعده مفتحه عنيها وباصه فالشباك...واتفجأت...بفتحيه وسوسن جيرانها جايين يزوروها....
سوسن...اذيك...يا ست ناريمان عامله ايه..
فتحيه...
عامله ايه ياست ناريمان...
ولله عايزين نيجي نزورك من فتره يس انتي عارفه بقي الدنيا تلاهي والواحد مبيفضاش..
سوسن...اه والله كل يوم نتفق اننا نجيلك..بس تحصل حاجه تخلينا منجيش ونأجلها لتاني يوم...وبردو منعرفش نيجي انهرده بقي قولنا لازم نجيلك...
فتحيه...قلبي عندك ياحبيبتي شدي حيلك كده وقوميلنا بالسلامه...
سوسن...عيني عليكي الراجل وبنتها بردو صعبه..
ناريمان...😳😳
فتحيه...اسكتي ياسوسن هي في ايه ولا في ايه...مش كفايه ياختي اللي هي فيه رقدتها والراجل اللي راح هي كانت ناقصه اللي حصل لبنتها....
ناريمان...عنيها بقت رايحه جايه..بتحاول تخرج صوتها بتحاول تحرك جسمها لاكن كانت مش قادره حاسه انها مشلوله ومتكتفه في صوت جواها بيصرخ لاكن مكتوم..
سوسن...عندك حق يا فتحيه كفايه وجعها علي جوزها هيبقي جوزها وبنتها...
فاللحظه دي...الضغط بتاعها ابتدا يوطي وضربات قلبها تزيد من شدت انفعالها المكتوم.وكأن نفسها بيروح ابتدا الجهاز اللي متوصل بيها...يعمل صوت إنذار...
في ثواني جم اتنين من الممرضين ودكتور..
الدكتور...في ايه. ايه اللي حصل دي كانت كويسه.
فتحيه...معرفش ياباشا.. ده فجأه كده سمعنا الصوت ده
سوسن...اي يادكتور محصلش حاجه احنا يادوب لسه بنطمن عليها لقينها تعبت
الدكتور....اخرجو بره ...
خرجت فتحيه وسوسن...من الاوضه ومن المستشفي كلها بسرعه...
عملها الدكتور اسعافات سريعه لحد ما نفسها انتظم وضغطها اتظبط.. واداها حقنه مهدئه...ونامت
الدكتور....محدش يزورها امنعو اي زيارات عنها الاتنين دول شكلهم مش مريح وغالبا قالولها كلام وصلها للمرحله دي.
الممرضه... هما اول مره يزوروها فعلا وغالبا محدش اصلا زار الست دي غير بنت صغيره بس واضح انها بتحبها لان ولا مره حصلها كده لما جت زارتها..
الدكتور...عموما تمنعو مؤقتا اي زيارات واي حد يحب يزورها تعرفوني...
الممرضه...حاضر يادكتور
.................
اما عند دياب...ولمار...
دياب...كده احنا خلصنا اول حاجه في اللغه...وانتي كويسه جدا فالانجلش مكنتش فاكرك هتقدري تستوعبي ده بسرعه..
لما...انا بحب الانجلش جدا...الفرنساوي. درسته بس سنه واحده بس في ثانوي وكان مجرد ماده في سنه وبس..
دياب...تمام ان شاء الله هتلاقي الموضوع سهل...امسكي السيديهات دي...طول ما انتي اعده فاضيه تحطي السماعات دي في ودنك وتشغلبهم لازم تسمعي النطق كتير عشان تنطقي صح..حاضر...
دياب...الوقت يلا عشان نكمل تمرين...
رجلك عامله ايه انهرده..
لمار...احسن شويه ...بس لسه فيها وجع...مش هقدر اجري عليها..
دياب...لا متقلقيش مفيش جري انهرده..
لمار...امال تمرين ايه اللي هنعمله...
دياب...قومي شيلي السيديهات واربطي شعرك كويس وانزليلي تحت وانتي تعرفي...
لمار...بصتله بقلق...طيب...
نزل دياب...وساب لمار..قامت لمت السيديهات ودخلتهم اوضتها...وربطت شعرها...وراحت عالسلم...نزلت براحه..
واول مانزلت تنحت...مكانتش فاهمه في ايه بس واضح ان في حاجه مش مطمناها...قربت لمار منه.
لمار...وقفت ادامه ساكته وبتحاول تفهم في ايه
دياب...جاهزه..؟؟
لمار...لايه..
دياب...ايه هو انتي مبتشوفيش ولا ايه
اضايقت لمار من اسلوبه الجاف..بس محبتش تعلق عليه.
لمار...لا شايفه بس مش فاهمه...
دياب...مش فاهمه ااااه..طيب بصي ياستي...المبني اللي ادامك ده دورين...
عن طريق الحبل ده هتتسلقيه في دقيقه.
لمار...حبل ايه.. هو حضرتك عايزني امسك الحبل واطلع بيه...
دياب...اااايوه الحمد لله ابتدينا نفهم..
لمار...طيب ما اطلع من عالسلم..
دياب...لا والله علي اساس ان السلم ده حاجه صعبه...
لمار...بس انا مش هعرف اعمل كده...
دياب...تمام يبقي نجيب روك هو يتصرف فالمشكله دي .
لمار...مسكت ايده. لا لا بلاش هحاول.
بصلها دياب وبص لايده وهي مسكاها عشان يوترها
انتبهت...لمار وسحبت ايدها بسرعه حطتها ورا ضهرها
دياب...تمام... تعالي معايا...
راح بيها دياب ادام الحبل... ومسك حبل تاني وقرب منها اوي..
لمار...بصتله ورجعت بطريقه عفويه لورا
دياب...قربي هنا عشان اربطلك حزام الامان..
لمار...بارتباك..حاضر..
قرب منها دياب..وفضل يربط الحبل حوالين وسطها...وهي محرجه....
دياب...كده تمام..هتمسكي الحبل من العقد اللي فيه...وتعمليها في دقيقه. ولو اقل هيكون افضل..
لمار...اقل..؟؟
دياب...اه اقل مالك مستغربه ليه...دول دورين .
لمار...هو ليه حضرتك محسسني اني طول النهار كنت بطلع علي العماير والبيوت...
دياب ..اخلصي..
لمار..😒طيب..
مسكت..لمار الحبل من العقده وابتدت تطلع واحده واحده فالاول كانت خايفه جدا والحبل رايح جاي.بعد كده ركزت وفضلت تطلع لحد ما وصلت للنهايه...
دياب....انزلي..تاني..
ابتدت لمار تنزل لاكن الموضوع كان اصعب كان قلبها بيدق جامد ورغم انها مربوطه كويس لاكن كانت مرعوبه...
وصلت لاول دور. ووقفت..
دياب...كمليييي.
لمار...مش قادره ايدي وجعتني..
دياب...بقولك كملي يلا..
لمار...حاضر حاضر...
ونزلت لمار. اخيرا ووصلت للارض..
دياب...مش بطال دقيقه و23 ثانيه...
لمار...ابتسمت بجد🙂
دياب...باحباط...مالك مبسوطه كده دول دورين امال لو طلعتي 10 هتعمليي ايه يلا التمرين اللي بعده..
لمار...في سرها ياساتر😒
خدها دياب... وراح بيها ادام تمثال محطوط ادامها...
لمار...هنعمل ايه..
دياب...هعرفك ازاي تمسكي السلاح.. وازاي تنشني..
لمار...طيب..
دياب...امسكي السلاح...
مسك لمار المسدس...بطريقه عشوائيه..
دياب...المسدس مبيتمسكش كده...امسكيه صح..
لمار... امال انا مسكاه ازاي
دياب وقف ورا ضهرها ولف ايده عليها كأنه حاضنها وحط ايده علي ايدها ومسك السلاح معاها..
فاللحظه دي لمار جسمها خشب..وفضلت باصه ادامها وهي مبرقه وجسمها متلج..
دياب حاسس بلغبطتها وتخشب جسمها ونفسها اللي بتاخده بسرعه...وكان مبسوط انه بيوترها.وكأن عجبته التسليه ..
دياب...بصي بقي اولا كده..في كذا حاجه لازم تعرفيها قبل ما تمسكي السلاح...
اولا تقف وتفردي ضهرك..تاني حاجه...جسمك اللي متخشب ده تفكيه شويه متنشفيش نفسك..حاولي تسيبي نفسك
وتمسكي السلاح وتصوبيه بطول دراعك كده . وتركزي عالهدف اللي هتضربيه..وقبل ما تضربي تاخدي نفس طويل وتضربي...وداس دياب عالزناد.. جت في منتصف راس التمثال..
سابها دياب...وبصلها فهمتي حاجه.
فضلت لمار تهز دماغها بسرعه..
دياب...وريني بقي كده المرادي لوحدك...
لمار...حاضر...
دياب..متنسيش اللي قولته...تفردي ضهرك..تسيبي نفسك ومتخشبيش نفسك.. ترفعي السلاح وتمديه بطول دراعك تركزي عالهدف وتاخدي نفس طويل وتضربي..تمام.
لمار...تمام...
وقف دياب يراقبها
لمار...عملت اللي قاله بس مكنتش مركزه وكانت لسه تحت تأثير وقفته ومرتبكه ومحرجه..
وفجأه داست عالزناد...والطلقه جت فالهوا..
دياب...انتي مش مركزه ركزي كويس..
وقفت لمار تحاول تاني..
دياب...خلي تفكيرك فالهدف اللي ادامك طول ما تفكيرك مشتت عمرك ما هتجبيها صح...والطلقات هتخرج من سلاحك فالهوا...
حاولت تاني لمار وبرده طارت الطلقه فالهوا...
راح تاني دياب وراها ووقف زي ما كان واقف وراها..
رجفه سارت في جسدها. بمجرد ما لامس جسمها تاني..
دياب... افردي ضهرك...سيبي جسمك شويه...ارفعي ايدك...ركزي فالهدف خدي نفس طويل وداس عالزناد. واضربييي.
دياب...ايه صعبه. تاني مره الهدف يجي ولا تكوني مبتعرفيش تضربي غير وحد واقف وراكي..😉
لمار...برقت عنيها من جرأته ومكنتش طيقاه ومش راضيه ترد وبتحاول تتلاشاه...
دياب...يلا جربي تاني..
وقفت لمار وابتدت تعمل كل اللي قال عليه...وفاللحظه دي دياب حب. يستفزها..عشان تجيبها
دياب...متصعبيش الموضوع علي نفسك خصوصا يعني انك متعوده علي مسكت السلاح ولا ايه...
بصتله لمار وهي مصوبه السلاح علي التمثال بغضب.
دياب...ايه مش مسكتي سلاح...وقتلتي تبقي متعوده..
بصت لمار تاني عالتمثال بغضب....وحست انها مش سامعه دياب خلاص وركزت وداست عالزان بغضب...واخيرا صابت الهدف..
بصتله لمار...وحطت ادامه المسدس...
لمار....انا موجوده معاك هنا عشان مهمه معينه ياريت حضرتك تحاول متستفزنيش اكتر من كده من يوم ما جيت وانت بتحاول تستفزني..وانا بسكت عشان مش حابه اني ادخل معاك في جدال ارجوك خليك في شغلك وانا اللي عليا اني انفذ كل حاجه مطلوبه مني اكتر من كده مش هسمحلك.
دياب...بمشاكسه...ايه هتقتليني. شكل كده مسكت السكينه جت علي هواكي.
لمار....صدقني لو حاولت تضايقني ممكن اعملها خصوصا اني بحاول اتحكم في غضبي علي اد ما اقدر...واللي يقتل مره يقتل التانيه..
دياب...فضل يقرب منها...وهي واقفه ثابته رغم خوفها منه..
وقف دياب ادامها...وابتسم ابتسامه مستفزه وهو باصص في عنيها...كده انتي بتهدديني مثلا..
لمار...بعدت عينها عنه...انا انا مش بهددك انا بنفذ علي طول..
دياب...حلو اوي دور القطه اللي بتخربش ده...بس مش لايق عليكي شكلك ميديش كده خالص..
لمار...يبقي. حضرتك مش بتشوف كويس اللي ادامك دي قتلت قبل كده...يمكن مكنتش عايزه اعمل كده بس عملتها واللي يعملها مره يعملها تانيي...بحركه سريحه لفها دياب ليه وخلي ضهرها في صدره ومسك ايدها تناها ..
دياب...بيعجبني اوي اسلوب التهديد ده بس صدقيني مش لايق عليكي انا شايفك غير كده خالص...بس عشان نكون متفقين بعد كده لما تحبي تتكلمي معايا متنسيش نفسك..وصوتك يوطي عشان احنا هنا لوحدنا خافي مني بقي عشان انتي ربنا رزقك بواحد بيقلب في ثانيه وربنا يكفيكي شر قلبتي مفهوم.
لمار.......
دياب ...بصوت رعبها مفهووووووم.
هزت لمار راسها من خوفها..
سابها دياب....
يلا عالتمرين اللي بعده...
مشيت وراه لمار من غير ولا كلمه....
وأتأكد دياب من احساسه اكتر انها بريئه وان حقيقي القتل مش لايق عليها... وخوفها منه ومن صوته وتحوله عليها اكدله احساسه...
كمل معاها دياب التمارين...
مابين عقله وبين الزحف من تحت سلك شائك... وتسلق الحواجز القليه الارتفاع حتي السواقه علمها مبادئها وده لان لمار ذكيه جدا..وبتستوعب بسرعه ورغم انبهاره بيها وبسرعه استيعابها إلا انه مكنش بيبنلها ده...وديما هي حاسه بالاحباط....
جريت الساعات اكتر...
صحي...سعيد علي العشا...وخرج عالصاله
سعيد...انتي ياوليه....
مني...ايوه.
سعيد...الاكل خلص...
مني...اه خلص خلاص...
سعيد...طيب امشي يلا هاتي الاكل عشان خارج.
مني...حاضر..
اعد..سعيد..عالكنبه. كانت كارمن اعده واخواتها اعدين جمب بعض..
بصلها سعيد...بسخريه... لسه عايشه انا قولت بعد العلقه اللي كلتيها دي هلاقيكي ميته...
كارمن...لسه ليا عمر.
سعيد....لسه ليكي عمر😏
كارمن....انا موافقه يابابا...
سعيد...موافقه علي ايه😳
كارمن...عالعريس
سعيد...بفرحه انتي بتتكلمي جد ولا بتقولي كده عشان تثبتيني
كارمن...لا متقلقش يابابا المرادي انا موافقه ..خلاص لمار مبقتش موجوده ومفيش جامعه...هرفض ليه عشان اعد وتفضل تضرب فيا لحد ما اموت...انا موافقه عالاقل الفلوس اللي هيدهالك تنفع اخواتي...وتقدر تصرف عليهم.
سعيد...بفرحه كبيره ايوه كده ربنا يكملك بعقلك...وكمل بتمثيل يعني انا يابت بضربك ليه مش عشان مصلحتك...العريس هيعيشك عيشه متحلميش بيها وهيبقي عندك خدم وهتبقي برنسيسه واحنا ينوبنا من الحب جانب..
كارمن كانت قرفانه منه بس بتحاول تداري..
سعيد...بس ايه اللي غير رأيك كده..
ريتال. انا وچنا يابابا فضلنا نقولها تتجوز وتسافر وتيجي تزورنا.
سعيد...جدعه يابت ياريتال بنت ابوكي بصحيح..
جابت مني الاكل وفضل سعيد ياكل بطريقه مقرفه...وقام لبس..وخرج لمني..
سعيد...بنتك وافقت عالعريس
مني...ايه🥺🥺🥺
سعيددد...هو ايه اللي ايه بقولك وافقت جدعه حسبتها صح...اسمعي...الراجل جاي بعد بكره وهياخدها معاهوبعد كتب المتبا هيأعدو في فندق لحد ما يخلص ورقها ويسافر بيها...
بكره هبعتلكم البت صفاء الكوافيره تشوف كل حاجه بتتعمل للعروسه وتعملهالها وتقفي علي ايدها عشان متكروتهاش الراجل هيدفع...
لمار🥺🥺🥺😡
سعيد...عايزها عروسه بجد.
مني.بقله حيله...حاضر..
سعيد...يلا انا خارج...
خرج سعيد....واول ما خرج نزلت دموع كارمن اللي كانت حبساها ...
مني....انتي صحيح وافقتي...
ريتال...احنا قولناهلها تعمل كده عشان نهربها ياماما..
مني...انتي فعلا لازم تمشي بس هتروحي فين...
كارمن...مش عارفه مش عارفه ياماما..
چنا تروح اي مكان بس متأعدش هنا..واحنا هنطمن عليها بالتليفون.
كارمن...بس انا خايفه عاللي هيعمله معاكم.
مني...متشيليش هم ديتها علقه وشويه وهيهدا ويسكت..
كارمن...ربنا يستر طيب همشي امته..
مني...تمشي بكره هو بيقول هيبعت البت بكره...هقوله خليها علي بليل عشان يكون هو خرج وعشان يعني ناخد راحتنا... وتمشي انتي بسرعه لازم يكون بليل عشان الصبح محدش يلمحك..وعشان نضمن انه بره..
كارمن...ماشي..
مني...سامحيني يابنتي.
كارمن...علي ايه ياماما..
مني...علي اختياري اللي انتو الوقت بتدفعه تمنه كان لازم اختار صح اختار اب لولادي اللي هيجو ويتظلمو انا ظلمتكم اكتر ما ظلمت نفسي وبقيت ضعيفه وقليله الحيله...ومش قادره اعملكم حاجه...
كارمن...انا مش زعلانه منك...ومسمحاكي.....
مني...طيب قومي تعالي معايا...
كارمن علي فين..
مني...هطلعلك شنطه صغيره حطي فيهم كام غيار ليكي اكيد هتحتاجيهم.
قامت...معاها كارمن... وحطت كام غيار هي ومني بمساعدت اخواتها ..
مني...وهي دموعها نازله...امسكي المصحف ده يا كارمن..هلي معاكي ديما عشان يحميكي..وربنا يحفظك..
كارمن...حضنتها وهي دموعها نازله...ربنا يخليكي ليا...
مني...استني. في حاجه كمان...خدي دول..
كارمن.. ايه دول😳
مني...دول 400 جنيه... كنت كل شويه اخد حاجه من غير ما يعرف مش بسرق والله يابنتي بس كنت اقول عشان لو حصل لواحده فيكم حاجه يبقي في فلوس. بدل ما بيضيعها عالارف اللي بيشربه...وانتي الوقت هتحتاجيهم يعني كويس اني خدتهم اهم نفعو...
ضحكو البنات علي امهم...
كارمن...وهي مبتسمه وبتمسح دموعها...لا خليهم معاكي انتي ياماما عشان اخواتي وعشان يبقي معاكو حاجه.
مني...لا احنا فالاول والاخر في باب مقفول علينا...انتي هتبقي لوحدك...
كارمن...طيب نقسمهم بينا.
مني...صدقيني مش هحتاجهم ياكارمن وطول ماهما معاكي انا هبقي مطمنه..وهبقي احاول اخد منه حاجه من غير ما يحس...
المهم...تطمنيني عليكي ديما يا كارمن... عشان خاطري ...
كارمن...متقلقيش هكلمك وكل يوم بليل علي الساعه 11 هكلمك عشان اضمن انه يكون خرج ...وبس اقف علي رجلي هخدكم معايا وسيبوه خالص
مني...ربنا معاكي ياحبيبتي وانا اي وقت اعرف اكلمك مش هستني لما يخرج هكلمك علي طول
كارمن...المهم ميحسش بيكي عشان لو حس انكم هربتوني مش هيسكت صدقيني..
مني...متقلقيش ربنا هيقف معانا... يلا حطي المصحف والفلوس وخدي شاحن الموبايل عشان تليفونك ميفصلش..وخبي الشنطه دي خالص...
چنا...تعالي حطيها في شنطه المدرسه بتاعتي عشان ميشوفهاش..
كارمن...ماشي يلا...
راحت معاهم كارمن وهي حاسه ان في امل وعنيها جواها حماس للهروب من المعتقل اللي هي فيه...ومن جواها بتدعي ربنا يقف معاها وتقدر تقف علي رجلها عشان تاخد والدتها واخواتها..
اما مني...فاكامت بتدعيلها من قلبها ان ربنا يقف معاها ويعوضها عن التعب اللي شافته مع اب ظالم....
.............
اما عند انس. فا صحي... دخل خد شاور ولبس ونزل... كانت والدته حضرت العشا... اعد كل معاهم من غير ولا كلمه بعكس طريقته المرحه معاهم...
انس...هي ريناد مجتش..
ياسمين...بضحك اسكت انا مصدقت نسيت..
بصتلها والدتها بغضب مصطنع. اضحكي اضحكي.
انس...في ايه...
ياسين. والده....ادتها بمبه يا سيدي كالعاده..
انس..ابتسم. وفي حد يمشي ورا ريناد وياسمين.
رحمه...انا قولت عقلو ..
ياسين...والله البنت دي بحبها لله فالله وبسببها رضيتي عننا وعملتي كل الاكل اللي يجنن ده...
رحمه...والله بقي كده امال مين اللي بيعملكم اكلكم ..عموما قطعت برزقك مفيش اكل تاني..
ياسين...لا خلاص سكت..
ابتسم انس علي عيلته الجميله اللي بيحبها...طيب انا هقوم بقي.
رحمه...طيب كمل اكلك...
انس...شبعت والله عشان كمان متأخرش عالشغل..
رحمه...طيب..
ياسين. خد بالك علي نفسك ..
انس...حاضر... يلا سلام. يامقالب...وغمز لياسمين اللي كتمت ضحكها...ومشي...
ياسين...اني ماله..
رحمه...واضح انه مضايق عشان دياب بعيد عنه.
ياسين...ربنا يخليهم لبعض...
رحمه...يارب
.......................
اما عند دياب ولمار
حس دياب ان لمار خلاص مش قادره وتعبت وهي مبتتكلمش وبتتلاشاه خالص...بس كان كل شويه يلمحها ترفع رجلها وتنزلها بتعب...حس بالشفقه عليها من اللي عمله فيها...
اما لمار...كانت بتتمرن ومش عايزه تقوله انها تعبت عشان متتكلمش معاه وعشان متأكده انه اكيد هيرفض...
دياب...كفايه كده انهرده شكلك تعبتي...اطلعي يلا خدي شاور لحد ما احضر العشا..
لمار...حاضر...
طلعت لمار... خدت شاور ولبست حتي دياب. دخل خد شاور...
لمار...خرجت لمار من اوضتها تقف بره شويه ....لحد ما دياب يخرج...وفجأه🙄🙄🙄🙄🙄
البارت العاشر..
طلعت لمار... خدت شاور ولبست حتي دياب. دخل خد شاور...
لمار...خرجت من اوضتها تقف بره شويه ....لحد ما دياب يخرج...وفجأه🙄🙄🙄🙄🙄
النور...اتطفي...في المكان كله ومكنش باين اي حاجه ولا حتي نور القمر اللي كان مختفي بين الغيوم...وفجأه اتحول المكان كله والصحرا. لظلام تام...يكاد يكون قبر....
لمار....اترعبت من الخوف....وابتدت تنادي علي دياب بصوت واطي ومهزوز دياب باشا...دياااب باشا...
فاللحظه دياب كان خرج من الحمام لابس بنطلون رياضي...وحاطط الفوطه علي كتفه وكان سايب التيشيرت بتاعه علي السرير........اول ما خرج...سمع صوت لمار...وباين علي صوتها انها خايفه..خرج من الاوضه...يشوفها
لمار...ماشيه بتحسس بأيدها فالهوا...
وابتدا خلاص الخوف يسيطر عليها..بتنادي بصوت واطي لاكن مسموع دياب باشا ارجوك رد عليا حضرتك فين...وفجأه اتصدمت لمار..في صدر ضخم عريض..وصرخت برعب.
دياب..ششششش متخافيش انا هنا..
مسكت..فيه لمار برعب..
لف دياب ايده عليها..وخدها في حضنه وهو صدره مكشوف وعليه نقط مايه وكأنه مصدق رغم انه بيحاول ديما يستفزها ويوترها...ويتعامل معاها بجفاف..إلا انه كان جواه عكس كده...
لمار...اما لمار فكانت من خوفها مش مركزه انه مش لابس تيشيرت فضلت ماسكه فيه وغطسانه في حضنه..ومرعوبه...كان مسيطر علي عقلها ان في حد دخل المكان وقطع الكهربا...
دياب....بصوت هامس.جمب ودنها اهدي متخافيش انا جمبك...
لمار....هو في حد دخل المكان.
دياب...بابتسامه علي تفكيرها..لا طبعا المكان ده متأمن بالكامل محدش يقدر يدخله ابدا ولو حد حاول في اجهزه انذار
لمار...طيب ليه النور قطع..
دياب...مش عارف اكيد في حاجه في مفاتيح الكهربا...وخرجها دياب من حضنه...خليكي انتي هنا وانا هنزل اشوف في ايه .
بسرعه...مشكت لمار فيه تاني...لا ارجوك متسبنيش لوحدي...ارجوك يادياب باشا...
دياب...بابتسامه....طيب ممكن بلاش دياب باشا دي...احنا هنا مش في القسم وانتي هنا الوقت مش بصفتك متهمه انا وانتي هنا عشان مهمه محدده...يعني الوقت احنا هنا زي بعض موجودين عشان مهمه تخص مصر...مفهوم...يعني انا دياب وبس...تمام.
لمار....بس..
دياب...مفيش بس ولا انزل واسيبك.
لمار...لا لا...خلاص..
دياب...طيب تعالي انزلي معايا نشوف النور..
لمار...لا والنبي خلينا هنا انا خايفه انزل..
دياب...بقولك متقلقيش محدش يقدر يدخل المكان ده..
لمار...طيب خلينا شويه يمكن يرجع لوحده لو مرجعش ننزل نشوفه...
دياب...طيب تعالي ندخل ندور علي مكان الكشاف....
لمار...طيب
مسكها دياب من ايديها...ومشي بيها براحه دخلو مع بعض الاوضه...
دياب...تعالي اعدي عالكنبه هنا.. عشان متتكعبليش في اي حاجه..
لمار..مش راضيه تسيب ايده لا والنبي خليني معاك...
دياب...بلاش خوف...انا معاكي فالاوضه.
لمار....لا خليني معاك.
دياب...بقله حيله...امري لله...وقف دياب جمب الدولاب وفضلت يحسس بأيده ويدور عالكشاف... وفضل يمشي بيها في كل الاوضه ويدور لاكن من غير فايده..
دياب...مش لاقيه... مفيش ادامنا غير لوحه المفاتيح نشوفها اكيد فيها حاجه فصلت...
لمار....طيب شويه وننزل انا خايفه بجد
دياب...طيب حتي عشان اعرف احضر العشا...
لمار...طيب انا ممكن اساعدك...
دياب...يعني لما تساعديني هيبقي في نور ما احنا هنقف فالضلمه بردو انتي مش شايفه الدنيا عامله ازاي ...
لمار...طيب انا جاتلي فكره...
دياب...ايه هي..
لمار...موبايلك اكيد في كشاف...
دياب...الموبايل صحيح...
راح بيها دياب... وفضل يدور عليه لقاه عالسرير...
دياب...اهو...استني لحظه فتح الكشاف النور. نور...الاوضه شويه..
لمار...بفرحه...الاوضه نورت..
ابتسم دياب...غصب عنه..وبصلها
لمار...بتبصلي كده ليه..
دياب....اصلي مكنتش اعرف انك طفله..
لمار...طفله..
دياب...اممم طفله...بتخافي وبتترعبي وبتفرحي.زي الاطفال..
لمار....مش عايزني اخاف وسط الضلمه دي كلها..
دياب...وهيحصل ايه يعني هيطلعلك العفريت.
لمار...طيب والنبي بلاش السيره دي...عشان انا كنت ديما اسمع ان الصحرا في عفاريت.
دياب....لا بجد...ايه ده انا خوفت..
لمار...انت بتتريق عليا.. وفجأه لمار برقت
دياب في ايه🤨
لمار...انت انت ازاي واقف كده وحطت ايدها علي عنيها..
دياب...بص علي نفسه ورفع حواجبه 🤨شال ايدها من علي عينها لقاها مغمضه عنيها..
دياب...افتحي عينك...
لمار...هزت راسها بلا
دياب...بقولك افتحي وإلا هقفل نور النوبايل واخرجك بره الاوضه وهنام.
بسرعه فتحت لمار عينها...
دياب....هو انتي لسه ملاحظه اني مش لابس طيب وبالنسبه لمسكتك فيا بره دي...مكنتيش حاسه..
حست...لنار بالاحراج...وبصت فالارض...انا انا فعلا مكنتش حاسه ولا مركزه انا كنت خايفه جدا...وبعدين اسفه انا خبطت فيك مكنتش شيفاك وبصراحه مصدقت لقيتك
دياب...بابتسامه ماشي ياستي....وراح مسك التيشيرت ولبسه...عموما انا اسف بس يعني انا لما سمعت صوتك خرجت بسرعه وكنت خارج من الشاور ملحقتش البس..
لمار...بابتسامه مفيش حاجه
دياب..بابتسامه مبادله طيب يلا تعالي بقي عشان نحضر العشا....
راحت معاه لمار. ووقفت وهي ماسكه موبايله تنورله...وتساعده...خلص دياب بسرعه واعدو مع بعض كلو...وخلصو وشالو الاكل...
دياب...تعالي يلا بقي ننزل...نشوف لوحه المفاتيح دي فين...ومعانا الموبايل متخافيش..
لمار...طيب
خرج دياب من الاوضه وهو ماسك الموبايل وماسك لمار في ايده...وهي كانت ماسكه ايده جامد وايدها مش باينه في ايده.....
نزل عالسلالم براحه...وصلو تحت في ساحه التدريب... حاول دياب يشوف لوحه المفاتيح في كل مكان تحت حتي الاوض اللي تحت مكانش لاقيها....وصلو جمب اوضه روك...واول ما حس بيهم... هوهو بصوت عالي وفأقل من ثانيه رجعت لمار في حضن دياب وهي بتصرخ...
مسكها دياب جامد. متخافيش ده روك
وبعدين انتي عجبك الموضوع ولا ايه..
لمار...انا...ومن غير ما تفكر فالكلام علي فكره بقي انت قليل الادب..
دياب...نعمممم
لمار...اسفه اسفه انا مقصدش والله بس انا خوفت من صوته..
تعالي نطلع والنبي من هنا...
دياب...ماشي هعديهالك بس مكنتش اعرف انك جبانه كده..بتخافي من الضلمه ولا من الكلاب
لمار...انا بخاف من الضلمه...والكلاب
دياب...طيب تعالي نطلع ولما النهار يطلع ابقي اشوف لوحه الكهربا. عشان انا مش لاقيها
لمار...طيب يلا.
طلع دياب هو ولمار مع بعض وبردو مش راضيه تسيب ايده
دياب...وقف ادام اوضت لمار يلا ادخلي نامي..كده مش باينلها اننا نكمل...
لمار....نعم. انام ايه؟؟
دياب...ايه قولت حاجه غلط.
لمار...انام ازاي فالضلمه دي
دياب...اصلا الموبايل خلاص هيفصل شحن ...والكشاف هيقفل يعني كده كده هنبقي اعدين في ضلمه....
لمار...مليش دعوه انت مش هتسبني لوحدي...
دياب....انا عايز انام مش قادر...خليني ادخل انام عشان الصبح اشوف حكايه النور دي ونعوض اللي مش هنعرف نكمله الوقت.
لمار...مليڜ دعوه بردو مش هتسبني..
دياب...بت انتي انا مليش فالدلع بلاش صداع يلا ادخلي نامي...انتي فكراني الداده بتاعتك
لمار....لو سمحت خليك معايا🥺🥺
دياب.... تصبحي علي خير....
مشي دياب علي الاوضه بتاعته...وقفل وراه الباب...وقفت لمار لازقه فالباب بتاع الاوضه بتاعتها وماسكه جسمها بايدها...وابتدت الدموع تتجمع في عينها.....
ثواني وفتح دياب وخرج قرب منها.لقاها واقفه بتعيط زي الاطفال وبتمسح دموعها بضهر اديها زي الاطفال...
قرب منها دياب....اسف... متعيطيش هفضل معاكي..ورفع ايده يمسح دموعها..
ومدلها ايده...
دياب...تعالي معايا..
مسكت لما ايده بسرعه...ودخلت معاه علي الاوضه بتاعتها الاول خدو منها غطا وخرجو راحو للاوضه بتاعته..
دياب.... نامي انتي عالسرير وانا هنام عالكنبه..
لمار...لا انا هنام عالكنبه...بس خلي الموبايل عالتربيزه عشان يكون قريب مني..
دياب...ماشي ياستي...ادي الموبايل ..وامسكي...الغطا بتاعك الجو برد
لمار....شكرا..
دياب....تصبحي علي خير....وراح دياب علي السرير...نام عالسرير بارهاق ومراقبها من بعيد...
كانت اعده تتحرك كتير وتعدل الغطا وتقف وتأعد...
دياب...بطلي حركه بقي مش عارف انام...
لمار...حاضر حاضر...
نامت لمار....عالكنبه ومن خوفها مكنتش عارف حتي تغمض..كل ده ودياب عينه عليها...
وفجأه اتقفل نور الكشاف....
لمار....ديااااب..😳😳😳وقامت وقفت من خوفها غشان تجري عليه..اتكعبلت في البطانيه بتاعتها...
ااااه..
دياب...خليكي مكانك عشان متتخبطيش في حاجه..
وقرب منها..دياب. تعالي مسكتك..خو يوم اسود انا عارف...
لمار...انا مالي الكشاف اللي قفل..
دياب... المطلوب مني اعمل ايه...اكتر من اني مخليكي معايا فالاوضه بتاعتي وعادتآ ده عمره ما بيحصل انا استحاله انام مع حد في مكان واحد...
لمار... بصوت خايف...خليك معايا انا عندي فوبيا من الضلمه
..ارجوك استحمل انهرده بس...
دياب...طيب تعالي معايا..
لمار...اجي معاك فين.
دياب...عالسرير..
لمار...نعم انت عايزني اعد معاك عالسرير
دياب...انا لا عايزك فالسرير ولا فالاوضه كلها انا مستحملك بس ومقدر خوفك وده اللي مسكتني..
لمار.....طيب السرير صغير خلينا عالكنبه...
دياب...اللهم طولك ياروح...يابنتي الكنبه دي هنام عليها ازاي...دي يادوب ناعد عليها وبالعافيه...
لمار...امت كمان عايزني انام جمبك..
مسكها دياب...من ايدها....لا تعالي كده بقي حقيقي انا الغلطان...وقرب من الباي ولسه هيفتح...
لمار....خلاص خلاص سكت...
دياب...اتفضلي ادامي.
مشيت معاه لمار لحد ما اعدو عالسرير..
دياب...وهو بيتعدل للنوم تصبحي علي خير... ونام واداها ضهره عشان تنام براحتها..
لمار....ايه ده انت هتسبني وتنام...
دياب....اتعدل ..انتي عايزه ايه ..
لمار...بعياط....خليك صاحي لحد ما انام انا الاول...انا خايفه اوي..
دياب...رفع وشه لفوق وهو بيخرج نفس طويل....حاضر هفضل صاحي....وقرب ايده من وشها يمسح دموعها ممكن بس تبطلي عياط....ويلا نامي...انا جمبك.... هاتي ايدك...
مسكت...لمار ايده...ونامت ....عالسرير وهي ضامه رجلها...وماسكه ايده جامد
سند دياب...راسه عالسرير. وبعدها عدل نفسه ونام وهو حاضن ايدها بين ايده...لمار كانت هتموت من الاحراج...وبتأنب نفسها ازاي نايمه جمب راجل غريب....بس كانت مضطره والغريب انها كانت حاسه معاه بالامان...الحقيقي..
لمار....ممكن طلب..
دياب....هي الليله دي ليله تحقيق الامنيات وانا مش واخد بالي...
لمار...صدقني مش هطلب طلب تاني...
دياب...اتفضلي...يارب نخلص..
لمار....عايزه اسمع صوت كارمن...او حتي اعرف اي حاجه عنها...
دياب...نعممم.انتي بتهرجي طبعا..صح...احنا قولنا انك خلاص دورك في حياتهم انتهي. ..
لمار....يمكن يكون انتهي بس هما لسه معايا وانا عارفه ان انا كمان مع كارمن...ارجوك اعتبره اخر طلب ليا...انا مش هكلمها هسمع صوتها بس...صدقني كارمن محتجاني وانا عارفه انها تعبانه اوي..كارمن متعرفش تعيش من غيري. انا كل حاجه ليها.
دياب...والله ولما انتي عارفه لنها متقدرش تعيش من غيرك وانك كل حاجه ليها بعتيها ليه.
لمار...انا بعتها انا عمري ما بعت كارمن..
دياب...ولما تسبيها. وتبعدي وتقرري انك تبقي ذكري في حياتها كده مبعتيهاش لما توصلي نفسك لحبل المشنقه وانتي رافضه تقولي السبب كده مبعتيهاش...
سكتت...لمار شويه وهي دموعها نازله...
دياب....سكتي يعني...عشان كلامي صح مش كده..
لمار....لا مش صح...انا يمكن اكون فعلا قررت اني ابعد بس صدقني. غصب عني...
دياب...مفيش حاجه فالدنيا اسمها غصب عني ولا في حاجه تخليكي تستسلمي للموت وتوصلي رقبتك لحبل المشنقه إلا لو كنتي ضعيفه....
لمار....يمكن اكون ضعيفه...بس ضعيفه عشان لو اتكلمت هأذي اكتر حد قريب مني فالدنيا... عشان..في ناس بتبقي غاليه عندنا لدرجه انك ممكن تفديهم بروحك...
دياب...اظن لو انتي غاليه عند الناس اللي بتتكلمي عنهم دول زي ما هما غاليين عليكي...مكنوش سبوكي رميتي نفسك بالشكل ده..كانو نصحوكي واللي فيهم عنده حاجه يقدرو يدافعو بيها عنك مكانوش اتأخرو
لمار...بدموع انت مش فاهم حاجه...
دياب...طيب فهميني...
لمار....صعب....صعب اوي صدقني..وارجوك اقفل الموضوع ده لو حابب تحققلي امنيتي اني اسمع صوت كارمن اوك مش حابب دي حاجه ترجعلك ومش هضايق...
تصبح علي خير...
دياب...وانتي من اهله بس قبل ما تنامي...عايز اقولك حاجه اوعي تكوني فاكره انك مش عايزه تتكلمي وبتداري حاجه وانك بتضحي عشان حد كده انتي في نظرهم مضحيه ولا تكوني فاكره ان ربنا مش هيحاسبك لا انتي مش راحه عالجنه يالمار...وهتتحاسبي عشان بترمي نفسك وروحك اللي هي مش ملكك لحبل المشنقه ومهما كانت اعذارك صدقيني ربنا مش هيغفرلك عشان روحك مش ملكك ولا انتي ربنا عشان تقرري ازاي تكون نهايتك....فكري في كلامي وصدقيني انا مش هفتح معاكي الموضوع ده تاني...انتي حره في قرارك.....تصبحي علي خير....اه وبكره لما الكهربا ترجع وابقي اشحن الموبايل هبقي اخليكي تكلمي صاحبتك....
نزلت دموع لمار وكانت بتحاول تكتم صوتها خالص...لاكن دياب كان حاسس بيها وعارف انها بتعيط...وعارف ان كلامه أثر فيها لاكن كان هيتجنن ايه اللي يخلي حد يستيلم لموته ايه السر اللي ممكن يمنعه من انه يقول الحقيقه...
فضل دياب...ماسك ايدها وشويه وحس ان نفسهي انتظم لاكن صوت شهقاتها كان عالي....
مد ايده دياب...مسح دموعها بطرف صوابعه براحه....ونام جمبها...وهو مشبك ايده في ايدها...
....................
اما عند كارمن...ابوها رجع بدري علي غير العاده...وكان معاه شنط كتير مليانه لبس...
سعيد...لكارمن .شوفتي يافقريه كنتي هتقطعي برزقك ازاي...شايفه الراجل جايبلك حجات اد ايه......شايفه يابت اللبس.. والجزم والمكيااچ دي حجات بنشوفها في الافلام وبس...
كارمن....بحزن بتحاول تداريه ومش قادره....مش عايزه حاجه..
سعيد...نعم انتي غيرتي رأيك ولا ايه.
كارمن...ولا غيرت رأيي ولا حاجه بس مكنش تعب نفسه انا مش عايزه حاجه من كل ده انا لو هتجوزه هتجوزه عشان امي واخواتي...وعشان تسبني في حالي...غير كده انا مش عايزه حاجه...
سعيد....مش بقولك فقريه من يومك...يابت دي حجات حلوه وبعدين انا كنت بعمل كده ليه من الاول مش عشان مصلحتك يا عبيطه....وكمل تقليب فالشنط...
سعيد....شوفي يابت جايبلك ايه....وطلع من شنطه هدوم داخليه ولا نچيري...
سعيد...شايفه يابت الراجل جايب ايه...وكمل بتريقه هو في نفس عشان الحاجات الحلوه دي...ده طلع مصيبه..
كارمن بصتله بقرف...
مني...ولما انت شايف ان ملهوش نفس موافق ليه.
سعيد...عشان فلوسه تغفرله ياوليه...بقولك ايه...ووطي جمبها...خديلك حاجه من الحجات الحلوه دي....واسبقيني عالاوضه...انا ناوي اكمل السهره هنا معاكي...
كارمن...حاسه انها مش طيقاه من اللي بتسمعه قرفانه منه وصعبان عليها امها...واخواتها..
مني...بصاله والدموع في عنيها....ولادك اعدين انت ايه اللي بتقوله ده...وبتدين انا مش قادره.
سعيد...عيالك صغيرين ونايمين......ولو عالكبيره اهي كلها بكره وتحصلنا يا جميل...يلا قومي ياوليه...
سعيد....لم اللبس فالشنط...واداه لكارمن...قومي يلا شيلي اللبس ده...انما اللي في ايدي...ده هنستلفه منك..وفضل يضحك بصوت عالي ومقرف...ومشي من ادام كارمن...
وثواني...واترزع باب الاوضه....
كارمن بمجرد ما سمعت صوت الباب...انفجرت من العياط...وفضلت باصه علي اخواتها ومش هاين عليها تمشي وتسبهم. وصعبان عليها والدتها اللي عايشه كأنها ميته مع راجل مقرف مبيعملش اي حاجه في حياته غير انه بيضرب ويعذب و بيشرب وبيمارس معاها الجنس. بالغصب...كانت بتشفق علي امها....ورغبتها فالهروب بقت اقوي عسان تقف علي رجلها وتقدر تخليهم يروحولها...ويعيشو بعيد عنه..
نامت كارمن...ودموعها علي خدها...ومفيش حاجه في بالها...غير لمار.
كارمن....كده يالمار...كده تسبيني فالكابوس المرعب ده....يارب🥺
..............
اما عند...انس... فا كان طول الوقت فالشغل عصبي..واي حد كان بيتقبض عليه كان بيبقي امه داعيه عليه...لو دخله...
طول الوقت مكنش بيفكر في حاجه غير كارمن...والطريقه اللي كلمته بيها..الصبح...ميت سؤال في دماغه وحابب يطمن عليها لاكن كرامتها وجعاه...وده كان مضايقه واللي كان مضايقه اكتر...انه ليه بيفكر فيها وليه مضايق بسببها...مع انه اقنع نفسه انه هو واقف جمبها عشان يساندها عشان فكرته بأخته عشان ملهاش حد عشان ابوها ظالم.... بس هو كان حاسس بان اللي وهم نفسه بيه ده غير اللي كان جواه ومضايقه....
.................
في صباح... يوم جديد ...
اتقلبت....لمار من نومها... وحاسه ان في حاجه تقيله عليها.....حاسه ان في جبل فوقها...لاكن مش قادره تحركه.فتحت عينها بتعب....😳😳😳😳😳🙊🙊اتفاجئت بدياب.. نايم وواخدهاوفي حضنه وايده فوقيها....ورايح في سابع نومه..افتكرت لمار اللي حصل بليل والنور اللي قطع وكلامهم مع بعض بليل..
حاولت كتير انها تخرج من تحت ايده من غير ما يصحي..لاكن كان صعب...جسمه تقيل واكبر منها ..
حس دياب...بفركها تحت ايده...اول ما لمار حست انه هيصحي..غمضت عينها بسرعه...وفتح دياب عينه...لقاها في حضنه..
دياب...😳😳اتصدم ايه اللي جابها هنا بس ثواني وافتكر ..وابتسم..
فضل باصص علي ملامحها....ومد ايده يبعد خصله شعرها عن وشها...وكان واثق انها صاحيه.....من نفسها السريع اللي كان بيخبط في ايده وهو ييرجع شعرها...من عنيها اللي راحه جايه...ومغمضاهم جامد...فاحب يوترها كالعاده....
وفضل يحسس علي شعرها...وهي عامله نفسها نايمه...
فضل يمشي صباعه بطريقه مثيره علي وشها ...لحد ما وصل لشفايفها...اقسم دياب انه حس ان قلبها هيخرج من جسمها....فا اشفق عليها...وبعد ايده..
عنها...وقام اعد...ادامها عالسرير وصحاها..
دياب....لمار...لماررر.
لمار...بتمثيل انها بتصحي...فتحت عينها..
دياب...صباح الخير.
لمار...بتحاول تبعد عينها باحراج عنه...صباح النور...
دياب....يلا قومي...روحي عالاوضه ظبطي نفسك...وانا هنزل اشوف مشكله النور دي...ولما نطلع نفطر ونبتدي اليوم تمام..
لمار...حاضر..
دياب...يلا...
قامت...لمار..وهي عايزه تجري من ادامه...خرجت من باب الاوضه بتاعته وجريت علي اوضتها...واول ما دخلت حطتها ايدها علي قلبها اللي كان بيدق بعنف.....وظهر علي وشها ابتسامه خفيفه...
اما دياب...فا من اول ما خرجت وهو مبتسم ومبسوط بلعبه معاها وحاسس ان كل يوم بيعدي بيتعلق بيها.....
نزل...دياب... فضل يدور علي لوحه المفاتيح..كتير لحد ما اخيرا لقاها...قرب دياب منها فتحها ولقي زرار نازل تحت...رفعه النور نور...
طلع دياب...كانت لمار خلصت ولبست الترنج عشان تتمرن.. وواقفه بره...
دياب...النور نور هنا كمان صح.
لمار...اه نور خلاص..
دياب...تمام انا هدخل اخد شاور واخرج احضر الفطار عشان نبتدي.
لمار...ممكن انا احضره..انا خلصت وبصراحه زهقانه..
دياب....تمام زي ما تحبي انا بحاول اريحك واخليكي توفري مجهودك للتمارين.
لمار...بس ده فطار مش مجهود يعني.
دياب...تمام تعالي معايا انا هدخل اخد شاور وانتي حضري الفطار لحد ما اخرج...
لمار....ممكن طلب
دياب...وهو مبتسم. طلباتك كترت..
لمار...معلش استحملني بكره اخلص وامشي وتخلص مني ..
دياب...ده علي اساس ان لسه مش في سفر واني هكون معاكي..
لمار...ياسيدي هتخلص مني اول ما العمليه تخلص المهم انك هيي عليك يوم وتخلص مني..
دياب...اتفضلب اطلبي.
لمار...ممكن تفطر معايا...
دياب.. انتي عامله كل ده عشان افطر معاكي...وبعدين انتي عرفتي اني مش بفطر.
لمار....لو سمحت صدقني مش بعرف اعمل حاجه لوحدي...وبعدين مجاتش من مره..
دياب...ماشي ياستي هفطر..
لمار...بابتسامه...لجد.
دياب...بجد..
لمار.. طيب يلا
.............
اما عند كارمن....صحيت هي واخواتها...ووالدتها حتي سعيد كان صاحي بنشاط غير العاده...وفرحان...
سعيد...بقول ايه البت صفاء هتيجي علي الساعه 4
مني...مش بدري ..انت هتخرج بدري كده
سعيد...بدري ايه لا مش بدري وبعدين انا مش خارج..انا هعد انتو ادخلو الاوضه واقفلو علي نفسكم....وبعدين اصل انا نسيت اقولكم امبارح. الراجل هيجي يكتب عليها انهرده مش قادر يستني لبكره.
سعيد...كان شاكك في كارمن وموافقتها بسهوله كده فا حب يأمن نفسه...ومرضيش يقول ادامها...ان العريس هيجي انهرده عشان لو ناويه تعمل حاجه متعملهاش....
صدمه....شلت كارمن وامها واخواتها.وفضلو يبصو لبعض بارتباك...
مني...طب ليه الاستعجال وفرقت ايه انهرده من بكره...
سعيد...اديكي قولتي فرقت ايه انهرده من بكره.
كارمن...ايوه بس انا لسه مش جاهزه...بكره كان احسن...وبعدين انت مش شايف انت عامل ايه في جسمي....انا هقوله ايه عالمنظر ده..
سعيد...لت متقلقيش انتي مش هتقولي حاجه انا قولتله وخليته شاف بنفسه
.والراجل موافق.
كارمن...😳😳😳😳شاف تقصد ايه...
سعيد...ابدا صورتك وانتي نايمه ووريته عشان ميرجعش يزعل قاللي عادي المهم انها وافقت ومضايقش وقاللي ادام الضرب جاب نتيجه وخلاها وافقت فاهو مش زعلان. ولو عالزرقان والفتحات اللي في جسمك قاللي هيجبلك علاج ويخففك .
كارمن...قامت وقفت وهي مبرقه...بزهول مش قادره تستوعب اللي بيقوله...
انت ازاي كده انت ايه اللي بتقوله ده....انت ازاي اصلا تكشف جسمي وانا نايمه...ازاي تسمح لنفسك تشوفني...وازاي تسمح لنفسك تصورني لراجل غريب...
سعيد...ده هيبقي جوزك وبعدين انا ابوكي..
كارمن...بدموع انت لايمكن تكون اب...انت شيطان. ومعندكش نخوه ومش راجل لما توافق ان بنتك تتكشف علي راجل لسه مبيربطهاش بيه حاجه...
سعيد....تاني يابنت الكلب...انا بقي المرادي هخليكي متنفعيش...
مسك حزامه تاني ومن غير رحمه بقي يضرب فيها في كل مكان في جسمها والصرب كان بيطول والدتها وبيطول اخواتها الصغيرين...
سعيد...انا هوريكي يابنت الكلب ..
كارمن ..بصوت موجوع بكرهك بكرهك..
سعيد....البت شويه وهتيجي خليها تظبط منظرها وتخليها عروسه ده لو نفع اصلا....
ادخلي ولعيلي فحمتين يلا...وانا اعدلكم هنا فالصاله...وانتو هتدخلو عالاوضه...
سندتها امها واخواتها...
دخلوها الاوضه...
اعدت...كارمن عالسرير خلاص فاقده الامل...في كل حاجه ومستسلمه..لكل حاجه..وكأنها رضيت بالامر الواقع اللي اتفرض عليها....ومكنش في حد في بالها غير انس..اللي كلمته بطريقه وحشه..و لمار اللي راحت....
فلاش باك..........
... .
لمار...يابنتي في ايه قولي مالك بتعيطي ليه..
خالد....مالك يابنتي في ايه قولي
كارمن...بابا عايز يجوزني...راجل كبير اكبر منه هو راجل عربي معاه فلوس كتير ومتجوز 3 وعايزني اكون انا الرابعه ومش بس كده ده عايز يتجوزني ويسافر بيا. يعني ابعد عن امي واخواتي وابعد عنكم..واسيب الجامعه واضيع مستقبلي وكمان هياخد منه مبلغ كبير...يعني ابويا باعني ..
خالد...ده اكيد اتجنن المخدرات لحست دماغه...متخافيش يا كارمن...ميقدرش انا هقفله....
كارمن...هتعمل ايه بس يا عمو خالد.
خالد...دي جريمه انتي لسه متمتيش 18 سنه اصلا انتي يادوب مكمله ال 17 يعني يروح في داهيه...
كارمن...خليك معايا والنبي يا عمو خالد انا مليش حد...وماما مش قادره عليه..
خالد...متخافيش يابنتي انا معاكي...انتي عارفه ان غلاوتك من غلاوت لمار...
ناريمان....ابوكي ده ربنا يسامحه بجد المفروض ربنا رزقه بتلت نعم يحافظ عليهم ويكرمهم مش يرميهم فالنار
لمار...متخافيش ياكوكي وامسحي دموعك دي بقي عشان معيطش انا كمان وبعدين انتي مش عارفه ان بابا يقدر يوقفه ولا ايه يابت...
كارمن...عارفه انال انا جتلكم ليه.
لمار...خلاص يبقي افردي وشك ده واضحكي...بلاش تعيطي لو بتحبيني انا مقدرش اشوفك زعلانه ابدا..
خالد...ربنا يخليكم لبعض...
ناريمان...بت ياكوكي...افردي وشك ده علي فكره انا عامله البسبوسه اللي بتحبيها.
كارمن ..وهي بتمسح دموعها بجد...هي فين..
لمار...طفسه باعت القضيه في ثانيه.
خالد...طبعا دي بسبوسه مش اي حاجه يعني..
وفضلو يضحكو بصوت عالي
بااااااااااااااااااك.....
صوت ضحكاتهم كان بيتردد في ودن كارمن وهي بتفتكر كأنه صدي صوت..ودموعها نازله بوجع...
...............اما عند انس...فا بعد ما خلص شغله روح عالڤيلا...وطلع نام وطلب ان محدش يصحيه وكان زي ماهو متغير محدش مان عايز يضغط عليه بس اتأكدو ان في حاجه لان دي مش شخصيه انس.....وطلع انس نام لحد معاد شغله.
......اما في شركه الدالي.
عاصم ....مالك يا عادل.
عادل...مالي..
عاصم...ديما سرحان وديما حزين في ايه قولي ياخويا ...انت عارف احنا مش بس اخوات احنا صحاب..
عادل...تعبان يا عاصم...حاسس اني شايل حمل جبال..علي كتفي...
عاصم...قولي طيب في ايه...اكيد عشان حنان....
عادل... انا بفكر اطلقها يا عاصم..
عاصم...انت بتقول ايه يا عادل.. انت ناسي ان في بينكم بنت ولسه صغيره ريهام لسه 17 سنه وانت شايف انها طايشه.. امها مش فضيالها وانت ديما فالشركه ولو مش فالشركه انت وهي مش قريبين من بعض كمان عايز تطلق امها وتفتكر البت هتختار تعيش مع مين ...اكيد امها وساعتها امها هتضيعها اكتر لانها مش فضيالها..
عادل....بس انا. تعبت ياعاصم...اللي انا فيه ده مش عيشه...سهر وخروج دايم حتي ريهام بعيده عني بسببها...وشيفاني وحش...
حنان مبيهمهاش غير المظاهر والفلوس عايشه سن مش سنها...بقت مقرفه بجد...حاسس ديما ان في حاجه ديما بعداني عنها...كل ما اعد مع نفسي واقول ان المشاكل دي...بسيطه وممكن نخلصها بهدوء معوبعض واقولها عاللي بيضايقني واحاول اقرب منها هي وريهام...في حاجه تبعدني عنها...بنفر منها بشكل انت مش هتتخيله...حاسس ديما ان كل اللي انا فيه ده...بسببها هي.
عاصم..بص يا خويا انا هقولك كلمتين .يمكن حنان وحشه فيها عيوب كتير يمكن تكون انانيه مبتفكرش في اي حاجه غير الفلوس يمكن يكون فيها كل الصفات الوحشه...بس متحاولش انك تشيلها الوجع.. اللي انت فيه ده...واللي انت بنفسك حطيت نفسك فيه...
عادل...عارف مش بشيلها حاجه بس صدقني ده بيكون احساسي من ناحيتها...
عاصم...حاول ياعادل...تنسي ادي نفسك فرصه تصلح حياتك عشان بردو انت اللي بوظتها وانت اللي سبت كل حاجه لحنان .سبتها تغلط...وتخرج وتسهر تبقي انانيه متفكرش غير فالماده .فا متجيش الوقت وتزعل..
عادل....هحاول ياعاصم..
عاصم...ربنا يرح..بالك يا اخويا...
........ .......
اليوم كان بيجري بسرعه....مع لمار..
حاسه انها اتعودت عالتمارين واتأقلمت معاها...بقت تعملها باحتراف. .
رغم..انها لسه بقالها كام يوم...بس كانت سريعه الفهم والتنفيذ...
ابودا دياب يفهمها حجات عن مايا جديده ووقف دياب عند نقطه مهمه صعقته بس حب انه ميقولهاش للمار لحد ما يتكلم مع اللواء.ويشوف هيقولو ايه...
فضلو يكملو مع بعض تمارين...
........ ........
اما عند كارمن ..
كانت اعده ساكته..ودموعها نازله
مني ...هنعمل ايه...
چنا...ده اعد مش راضي يمشي...
ريتال...لازم نحاول يخليه يخرج...بس نخرجه ازاي.
كارمن....خلاص كل حاجه خلصت...مفيش حاجه هنقدر نعملها چنا مني يارب اقف معانا..
وفاللحظه دي وصلت صفاء...
واول ما دخل البنات فتحولها....زغرطت..
سعيد...بس يابت بلاش زغاريط..
صفاء...الله ياعم سعيد هي مش عروسه وهتتجوز.
سعيد...بلاش وش يابت انا مش قايل لحد مش ناقصين قر وحسد..
صفاء ..معاك حق الناس بقت وحشه...عشان كده بقي مش حاطط فرع نور ولا حاجه..
سعيد...ايوه يانبيهه عشان كده ..نكتب الكتاب وبعدين اللي يعرف يعرف...يلا ادخليلها الاوضه بلاش رغي بقي هطيري الحجر من دماغي...
صفاء...يوووه طيب داخله اهو.
فتحتلها مني الباب...ودخلت صفاء معاها عالاوضه....واول ما شافت كارمن...اتصدمت...
صفاء...يانهار اسود ومنيل...مالك يا كارمن...مالها يا ام كارمن..مين عمل فيها كده...
ريتال...بابا اللي عمل فيها كده...
صفاء...ليه..
مني...وطي صوتك يا صفاء...بدل مايدخل يطين عيشتنا...
ريتال....عشان عايزها تتجوز بالعافيه..
صفاء..لا هو انتي مش موافقه ياكارمن..
كارمن...مش هتفرق ياصفاء خلاص...
صفاء...لا طبعا هتفرق هيجبرك تتجوزي غصب عنك...
مني....ماهو جابرنا علي كل حاجه..
صفاء...انا جايه وفاكره انك موافقه وفرحانه...ده ابوكي قالي خلصيها .وهديكي اللي تطلبيه... انا استغربته..
مني...عشان قابض من العريس بعد ما بعها ليه..
صفاء.....طب والحل...
كارمن...مفيش حل شوفي شغلك ياصفاء...وخدي فلوسك..
صفاء...بقولك ايه احنا ممكن نكون مش صحاب. اوي...بس انا بحبك.انتي ولمار الله يرحمها...وانا يمكن ده اكل عيشي بس ملعون ابو اكل العيش اللي يخليني اجي علي بنت زيي...واللي مرضهوش علي نفسي مرضهوش علي غيري..انا مش هشتغل..وهخرج اقوله..
مني...وتفتكري مش هيجيب غيرك ويجوزها بردو...
صفاء...بتفكير...يبقي لازم كارمن تهرب. .
ريتال...صراحه احنا كنا عايزين نهربها...بس بابا قال انه مش خارج.
مني...ده كأنه حاسس اننا بنيمه...عشان نقدر نهربها...
صفاء...بتفكير..لازم يكون ليها حل...بصي اخرجو اتعاملو عادي بره وكأنكم سايبنها...معايا وانا ابتديت شغل...وشويه وهنادي عليكو واطلب منكم تجيبو بنج من الصيدليه.وهو يروح يجيبه...
مني...هيبعت حد من العيال..
صفاء...لو بعت حد...منهم تيجي تقول ان الصيدليه مرضيتش تبعلها وقالتها هاتي حد كبير...واهي تجربه ...
مني طيب ماشي..يلا يابنات تعالو
خرجت...مني والبنات ..
سعيد....خرجتي ليه..
مني...صفاء هتبتدي شغل معاها. وكارمن مكسوفه مننا...فا خرجنا عشان نبقي علي راحتنا..
سعيد...طيب..اعمليلي شاي...وولعيلي فحمه...
مني...حاضر..
......
صفاء...قومي يلا يا كارمن...حضري نفسك عشان اول ما يخرج تجري من هنا وبقولك ايه... انا هكلم الواد محمد اخويا يقفلك علي اول الشارع بالتوكتوك بتاعه يوصلك اي مكان عيزاه..
كارمن...انتي جدعه اوي ياصفاء...
صفاء.. احنا بنات زي بعض يا كارمن واللي مرضاهوش علي نفسي مرضاهوش عليكي..
كارمن...طيب والفلوس اللي كنتي هتاخديها منه..
صفاء...في داهيه الفلوس...ربنا بيرزق..
ومسكت صفاء موبايلها تكلم اخوها..
صفاء...الوووو.
محمد...ايوه ياصفاء.
صفاء....انت فين يامحمد.
محمد...انا كنت بوصل زبونه وراجع عالشارع.
صفاء...طيب بقولك ايه...عيزاك في خدمه..
محمد....عايزه ايه..
صفاء...عيزاك تقف علي اول الشارع متتحركش...وشويه وهبعتلك كارمن...بنت عم سعيد تاخدها وتبعد بيها بسرعه عن الشارع. وتوديها مكان ما هي عايزه..
محمد...ليه في ايه..
صفاء...هفهمك بعدين..
محمد...هو ايه اللي بعدين ماتقولي في ايه.
صفاء...يخربيت الفضول...ابوها عايز يجوزها غصب عنها وهي مش موافقه...وضاربها ومموتها ..
محمد...طب لو عرف ان انتي وراها
صفاء...ملكش فيه.. هتصرف هقوله دخلت الحمام وخرجت من ورانا هقوله اي حاجه بس انت وصلها وارجعلي بسرعه..واياك تقول انك شوفتها.
محمد...متخافيش ابعتيهالي وانا هوصلها مكان ماهي عايزه..
صفاء...ماشي يلا سلام..
........
صفاء...جاهزه...
كارمن ...بخوف جاهزه..
فتحت صفاء الباب...ياست مني ...ياست مني..
سعيد...فالمطبخ عايزه ايه..
مني...ايوه يا صفاء...
صقاء...والنبي عايزه حد يجبلي حاجه بسرعه من الصيدليه...
مني...عايزه ..ايه...
صفاء...عايزه بنج موضعي وعايزه كريم للجروح الجرح بينزل دم ومش عارفه اشتغل..
خدت منها الورقه...
وادتها لسعيد..
سعيد...ابعتي حد من العيال..
ممي...خدي يا چنا روحي هاتي اللي فالورقه ده..
سعيد...خدي يابت الفلوس...
خرجت...چنا...ووقفت بره شويه ورجعت..
مني...فين الحاجه...
چنا.. البت اللي واقفه في الصيدليه مرضيتش..
سعيد...ليه يابت طولتي لسانك عليها.
چنا...لا والله يابابا... قالتلي خلي حد كبير يجي ياخدها عشان دي جدول.
سعيد...جدول ايه ونيله ايه هي طالبه مخدرات هاتي يابت انا اروحلها وابهدلها...
خد سعيد منها الورقه وخرج...فضلو البنات باصين عليه من الشباك لحد ما خرج من البيت..
مني...خرج.
صفاء..يلا بسرعه...
خرجت كارمن معاهم بتعب..
جابتلها والدتها الشنطه بسرعه وشنطه الخروج بتاعتها..
كارمن...شكرا ياصفاء...
صفاء..اخلصي مش وقت شكر.
كارمن...خلو بالكم من نفسكم
مني...امشي بسرعه مش وقته. وابقي كلمينا..
كارمن...لا إلا إلا الله..
خرجت كارمن بأقصي سرعه عندها من بابا البيت ومشيت عكس الاتجاه بتاع الصيدليه...كانت بتجري زي المجنونه...اللي بتصارع عشان تخرج من الشارع....وصلت اول الشارع اول نا محمد لمحها...
محمد...بسرعه انا هنا...
ركبت...معاه كارمن بسرعه.
كارمن...بسرعه يا محمد الله يخليك
محمد....طياره.......
تعليقات
إرسال تعليق