 |
#ابن_عمي
#الجزء_الثاني
بارت36_37_38_39_40
#موسوعة_القصص_والروايات
للكاتبه اميره محمود
اول يوم جامعه لنور بنت جودي وادهم
نور، ايوه ياماما أنا جهزت وهنزل اهو
جودي، طب ياللا عشان ولاد خالك تحت بيستنوكي
نور، طيب أنا جهزت وراحت بايسه مامتها صباح الخير يا ست الكل
جودي، صباح الفل ياقلب ماما
نور، أنا نازللهم حالا
جودي، طب مش هتفطرى
نور، مش هتاخرىاما اجي بقي باي
نزلت لهم تحت
جودي، مالسه بدرى ياست نور من اولها كده
نور، معلش بقي راحت عليه نومه
محمد، طب اركبي ياللا
في الجامعه
محمد، نور المحاضره بتاعتك بدأت ادخلي واتاسفي للدكتور علي التأخير
نور، ماشي باي
جودي، ياللا بينا احنا كمان يامحمد علي محاضرتنا
،،،،،
نور خبطت، انا اسفه يادكتور علي التأخير
الدكتور، ولايهمك اتفضلي عشان اول مره بس بس مفيش تأخير تاني
نور حركت رأسها ماشي ودخلت
بعد المحاضرة مخلصت نور خرجت تتفرج عالجامعه
القمر واقف لوحده ليه هو جديد هنا
نور، وانت مالك
انا مالي ونص انتي عارفه بتكلمي مين
نور، لم نفسك وابعد احسنلك
وان مبعدتش هتعوضيني
محمد، لا هعلم عليك يا خفيف وراح عطيله بوكس في وشه الولد قام وضرب محمد وفضلوا يضربوا في بعض الأمن اجا اخدهم اوضه العميد
نور بعياط، والله العظيم يادكتور هو اللي
الولد، هو اللي ايه مش انتي اللي جايه تتمايصي عليه وتقوليلي نتعرف
نور، طب وربنا كذاب
محمد، اقسم بالله كلمه كمان وشوف هعمل فيك ايه
العميد بزعيييق، بس اخرسوا كلكوا جايين عملينلي بلطجيه من اول السنه
نور، علي فكره هو انسان مش محترم
العميد، أنا بقولك اخرسي
محمد، انت متزعقلهاش انت فاهم واللا لا
العميد، انت بتزعقلي ياولد طب والله لهفصلك ووريني هتكمل ازاي
الولد، ايوه يا بابا افصله ده مش محترم
محمد، بابا عشان كده طب والله لهوريكوا ومسك الموبايل واتصل علي ادهم
ادهم، ايوه يا محمد
محمد، ايوه ياانكل تعالي ضرورى الجامعه في مشكله
العميد، هات التليفون ده وانا هوريك تتصل وانا واقف ازاي
ادهم سمع الكلام ساب شغله وراح الجامعه بسرعه
،،،،
في الجامعه
ادهم، جودي في ايه اخوكي مكلمني وبيقولي تعالي
جودي،😭😭😭واحد عاكس نور ومحمد ضربه وهما في اوضه العميد
ادهم، طب ونور فين
جودي، مع محمد
ادهم راح جرى غرفه العميد دخل لقي محمد واقف ماسك ايد نور وهي عماله تعيط
ادهم، في ايه
نور سابت ايد محمد وراحت في حضن بباها
نور، بابي الولد ده ساق قلت الأدب عليه وهو ومحمد ضربوا بعض والعميد زعقلي عشان الولد ابنه وفصل محمد
ادهم بعد جودي وراح شد العميد من ياقه القميص، انت ازاي تعلي صوتك علي بنتي
الولد، سيب بابا ياحيوان
ادهم، ساب أبوه وراح للولد لطشه بالقلم علي وشه ،عيد الكلمه كده تاني
العميد، انت مين اصلا
ادهم، أنا اللواء ادهم مساعد وزير الداخلية وهوريك قمتك انت وابنك حالا
العميد، احنا اسفين ياباشا والله هو ولد قليل الادب وراح ضارب ابنه بالقلم وقاله اعتذر للباشا ياكلب
ادهم، زي ماقلت أدبه علي بنتي يعتذر لها احسنله
الولد، أنا آسف والله معاد هتتكرر تاني آسف ياانسه نور
محمد، ابقي اسمعك تجيب اسمها علي بقك تاني
العميد، خلاص بقي يامحمد المسامح كريم يابني
محمد، دي الوقت ابنك ماشي
ادهم، هتعمل ايه هتقبلوا اسفهم واللا
العميد ، واللا ايه خلاص بقي ياانسه نور
نور، خلاص يابابي ياللا نروح
ادهم، ياللا بينا اتفضلوا
،،،،،،،،
واقفين قدام العربيات
ادهم، شكرا يامحمد عشان انت بجد راجل والحمد لله اني وافقت انها تروح نفس الجامعه اللي انتو فيها
محمد، دي اختي ياانكل زيها زي جودي يعني لو كانت جودي مكنتش هسكت الاتنين اخواتي
نور في سرها ، بردك يامحمد اختك وانا اللي فكرتك عملت كده عشان بدأت تحس بيا
جودي، نور هتركبني معانا واللا هتروحي مع انكل ادهم
نور، بابي انت مروح
ادهم، اه ياللا تعالي معانا
نور، طب تمام سلام ياجودي سلام يامحمد
،،،،،
في. بيت نور وأحمد
نور، وصلتنا ياحبايبي تعالو حمدالله على السلامه تعالو اتغدوا
محمد أنا طالع اخد شاور اول
نور اول بصتله، يامصبتي ايه اللي مشلدمك كده
محمد، مفيش خناقه في الجامعه
نور، من اول يوم كده ليه محمد مالسنه اللي فاتت مكناش سمعنلك حس انت واختك
جودي، مامي حبيبتي سيبيه ياخد شاور وانا هحكيلك يامزتي اللي حصل
نور،. مزتي انتي مش في اللسن واللا في ايه
جودي، جرى ايه ياحجه أنا غلطانه خلاص مش هحكيلك
نور، مرة لله في الألفاظ دي تعالي احكي
،،،،،،
ادهم وجودي
ادهم، حبيبي واقف بيطبخ ياناس
جودي، اه ياقلبي أنا بحب اطبخ دكتور دي علي جنب أنا في الطبيخ مليش دعوه بالطب خالص
ادهم، وانا بعشقك وبعشق أكلك ياجميل
جودي، هو انت جاي انت ونور ليه مع بعض
ادهم، مفيش كان في مشكله في الجامعه وروحت حلتها خلاص
جودي، مشكله ايه
ادهم ،اتحلت خلاص ياقلب ادهم ياللا بقي أنا هموت من الجوع هدخل اخد شاور تكوني خلصتي
جودي، ماشي وراحت نادهه لنور
نور، نعم يامامي
جودي، انتي كان عندك مشكله ايه
نور، مفيش حاجه يامامي أنا رايحه اغير هدومي سلام
جودي، اوعي تريحيني يانور اوعي
،،،،،،،
زين، ايوه يابابا اخبارك ايه
محمود، والله يا ولدي الصحه شكلها خلاص
زين، لابعد الشر عنك
محمود، أنا عايز اشوفكوا كلكوا انت وأخواتك ضرورى يا ولدي
زين، ماشي يابابا عايزنا امتي ياحج
محمود، بكره ياريت يا ولدي
زين، هقفل معاك وهتصل بيهم عشان نجيلك بكره
محمود، ماشي ياولدي خبرهم اني عايزهم ضرورى
زين،. ماشي يابابا سلام
،،،،،،،،
جودي، نور روحي باتي مع جودي ومحمد وأحمد ولاد خالك انتي وأحمد وانا هروح مع ابوكي البلد
نور ،ماشي يامامي هتقعدوا هناك كتير
جودي، هنطمن علي جدك ونجي عالطول يومين تلاته بالكتير
نور، ماشي ياماما هجهز شنطتي حالا
،،،،،،
جودي، أنا فرحانه اوي انك هتباتي معانا يانور
نور، وانا والله ياللا بقي عايزه احط حاجتي في الدولاب
احمد، جودي طلعي نور اوضه مامتها لسه زي ماهي
نور،. بدباديبها
احمد، اممم🤣🤣
نور،. هي كانت بتنام ازاي مكنتش بتخاف منهم
احمد، دول كانوا أصحابها جودي طول عمرها كانت بتحبهم
نور، اتخلت عنهم ببابا ☺️☺️
احمد، اسكتي عشان وراكي
نور، بجد وبتبص وراها
ادهم، في ايه😏😏
نور، بابي حبيبي
احمد، بنتك بكاشه اوي
ادهم، لعمتها🤣🤣 كل واحده اتسمت علي اسم واحده اخدت طباعها
احمد،. ربنا يخليهوملنا كلهم
ادهم ،يارب عارفه انك هتوحشيني اوي يانور عيني
احمد، اه ماهي نور هتوحشك وانا لا
ادهم، لا والله ليه بتقول كده انا هسيبلك مسؤوليه اختك انت راجلها
احمد، ماشي يابابا متخافش هربيهالك من اول وجديد
ادهم، لا مش عايز تربيتك خالص خليك في حالك الله يخليك
نور، معدش اللا العيال هتربيني
احمد، سامع يابابا
ادهم، 🤣🤣🤣اسمعوا كلام بعض بس ومتزعلوش بعض أنا همشي عشان اروح اجيب ماما وتسافر ياللا ياحبايبي خلو بالكو من بعض
نور وأحمد ، ماشي يابابا لا اله الا الله
ادهم، محمد رسول الله
،،،،
الكل سافر للحج محمود بليل عشان الصبح يكونوا وصلوا
نور ،جودي أنا جعانه تيجي ناكل اندومي
جودي، مسمعتكش ماما كانت علقتك
نور، طب أنا هنزل ابعت البواب ونعمل ليه اعملك معايا
جودي، ياريت
نور، طب أنا نازله اجيب واعمله وهطلعلك
جودي، أعمليلي شوربه كتير عشان بعشقها
نور، اوك
،،،،،
نور جابت الاندومي ودخلت تعمله في المطبخ
محمد نازل المطبخ يشرب
نور انتي بتعملي ايه
نور ببببع
محمد هو ايه اللي ببببع
نور، بعمل اندومي
محمد، من غيري أخص عليكي هتاكلي كل ده لوحدك
نور، لا أنا وجودي
محمد، فكك من جودي أنا ناكل معاكي وأروح اجيب لجودي
نور، ماشي
محمد، أنا ممكن اساعدك
نور، لا اقعد انت بس علي التربيزه وانا هجبلك
محمد قعد يستني الاندومي
نور، اهو اتفضل
محمد، اقعدي كلي معايا
نور، أنا عملت لجودي هطلعلها الطبق ده عشان متزعلش
محمد، شدها مش أنا قولت هروح اجيبلها
نور، ااااه أيدي الطبق الشوربه اتكبت علي أيدها
محمد، أنا آسف والله تعالي اقعدي هجبلك كريم حريق ثواني
نور حركت دماغها بماشي وقعدت
محمد جاب الكريم، افردي ايدك كده ونزل قعد علي ركبه يدهن الكريم فجأه دمعه نزلت علي أيده
محمد، طب بتعيطي ليه
نور، بتوجعني
محمد ، طب تعالي نروح المستشفي بسرعه
نور، لا مش هروح
محمد، لا ياللا عشان كده غلط
راحت ركبت معاه العربيه
نور، براحه يامحمد عشان خاطرى براحه والله قلبي هيقف بتجرى ليه هنعمل حادثه
محمد، عشان نوصل
نور، أنا كويسه والله خلاص
محمد، أومال بتعيطي ليه دي الوقت
نور، عشان خايفه والله
محمد وقف مره واحده ،يعني بقيتي كويسه
نور، اه
محمد،يعني نروح
نور، لا استني في بتاع حمص شام أنا عايزه والنبي
محمد، طب متنزليش انتي لبسه بيجامه
نور، اووف ده انا مغيرتش هدومي
محمد، هجيبلك اهو واجيلك
نور، محمد والنبي اقف شويه عالكورنيش
محمد، شكلنا هيبقي وحش بهدوم البيت
نور، لا محدش يعرفنا ياللا
محمد، امرى لله انزلي
وقفوا عالكورنيش يشربوا حمص الشام سوا
نور، الدنيا شكلها هتمطر
محمد، طب ياللا نمشي
نور ، نفسي امشي مره تحت المطره مامي مكنتش بترضي
محمد، انتي مجنونه
نور ،مانا عارفه اوووه مطرت وقعدت تدور تحت المطره لحد ماداخت
محمد،راح يمسكها عشان متقعش راح واقعه في حضنه.
نور، متسبنيش يا محمد هقع
محمد تااه في حضنها معقول دي نور اللي كنت بحس عالطول أنها أختي أنا ليه حاسس اني عايز ادخلها جوه قلبي انا فعلا مش عايز اسيبها
نور، محمد خلاص معنتش دايخه
محمد، بيحضنها جامد
نور، محمد الدنيا بتشتي جامد هنبرد
محمد ، أنا آسف ياللا ومسك أيدها وجروا عالعربيه
نور حاست أنه بدأ يحس بيها وبعدين قالت لنفسها اكيد بردك بيحبني زي اخته😔😔😔
الي اللقاء في البارت القادم من ابن عمي
ابن عمي الجزء الثاني
للكاتبه اميره محمود
بارت٣٧
يالهوي دي مامي
محمد، في ايه متردي عليها خايفه ليه
نور، هتعرف اني نزلت وهتقلق عليه
محمد، طب ردى عليها طمنيها
نور، ارد ازاي وصوت العربيات يامحمد هتعرف امشي بسرعه بقي
محمد، طب مانتي بتخافي من السرعه
نور، مش هخاف أجرى بس
محمد، طب اهو
نور، خلاص انا رجعت في كلامي براحه والنبي
محمد، انتي جبانه كده ليه
نور، أنا مش جبانه بس بخاف من السرعه الزايده والنبي بطأأ
محمد، خلاص وصلنا انزلي ياجبانه
نور، شكلنا هناخد دور برد في التمام☺️☺️
محمد، ربنا يستر بس اقولك علي حاجه
نور، اي
محمد، انتي مجنونه😄😄
نور، شكرا
محمد، خلاص متزعليش بقي
نور، ومين قالك اني زعلت انت اخويا ومفيش واحده تزعل من اخوها
محمد في سره، والله كنت حاسس انها معتبراني اخوها
نور في سرها، أنا هحاول محسسكش اني بحبك عشان انت شايفني زي جودي
محمد، يللا ياحاجه واقفه سرحانه ليه
نور، هااا بتقول حاجه
محمد، اللي اخد عقلك اطلعي كلمي مامتك
نور، ماشي
،،،،،،
نور، ايوه يامامي
جودي، مبترديش ليه يا زفته قلقتيني عليكي
نور، متقلقيش يا مامي أنا مش صغيره
جودي، اخوكي كويس
نور، اه كلمتيه
جودي، لا مبيردش والله قلبي هيقف منكم
نور، سلامه قلبك ياجودي هانم
جودي، ايوه يا بكاشه اضحكي عليه
نور، أنا أقدر ده انتي الحته اللي جوه
جودي، ماشي يا بكاشه سلام
نور ،سلام ياحبي
،،،،،،،
جودي، نور كنتي فين
نور، ككك
محمد، كانت بتعمل اندومي أيدها اتحرقت أهداها اوديها المستشفى مردتش
جودي، هو انتي متعرفيش تعملي حاجه لوحدك
نور، لا اعرف بس في ناس ربنا يسامحها كانت السبب في أيدي يحصلها🤧🤧
جودي، انتي بتعطسي انتي عيانه
محمد، اخدتي برد اطلعي غيري بسرعه
نور، 🤧🤧ماشي
محمد، اعمليلها حاجه سخنه ياجودي عشان تخف
جودي ،ماشي
،،،،،،،
بليل والكل نايم
جودي، محمد الحقني نور سخنه مولعه
محمد، طب روحيلها اعمليلها كمادات وانا جايلك حالا
جودي عملت الكمادات لنور وفردتلها شعرها عالمخده
محمد،. الحراره نزلت ياجودي
جودي، لا
محمد، طب أنا ممكن ادخل اشوفها
جودي، ادخل مااحنا كلنا اخوات
محمد دخل، نور فوقي يانور
نور بدأت تخرف من شده السخنيه
نور، أنا مش اختك يامحمد أنا
جودي، طنط كارما في فيلت مامتها أنا هكلمها تيجي تشوفها
محمد، طب انزلي كلميها
جودي، ماشي بس خليك معاها عما اجي
محمد، ماشي
نور، الله يامامي سيبيني احضن بابي أنا بحبه هو ومحمد
محمد واقف مزهول
محمد، بتحبيني يانور
نور، اه بحبك بس مش زي اخويا فاهم بحبك
محمد، طب خلاص فوقي طنط كارما جايه وهنتفضح اعمل ايه بس فيكي
،،،،،،
جودي، الو ايوه يا طنط كارما
كارما، خير ياجودي
جودي، نور سخنه اوي وبتخرف ممكن تيجي تشوفيها
كلرما، ماشي ياحبيبتي أنا جايه حالا
محمد قعد علي الكرسي جنب نور وفضل يعمل كمادات ليها ويملس بايده علي شعرها، اول مره اشوف شعرك مفرود ده انتي بجد قمر من غير الطرحه أنا حاسس اني حبيتك ويارب تكوني بتحبيني ميكونش تخاريف بس
جودي دخلت ،طنط كارما جايه حالا
محمد، هو في حد يدخل علي حد كده
جودي، محمد نور محجبه انت بردك مينفعش تشوفها بشعرها أنا ازاي نسيت اديني اخدت ذنب انك شفت شعرها وثم انك بتحسس علي شعرها ليه
محمد، كانت بتخرف فكنت بحاول أهديها تنام
جودي، اطلع بره يا محمد اطلع بره
كارما وصلت، اي الاخبار ياولاد نور عامله ايه
جودي، اهي ياطنط
كارما، فعلا الحراره عاليه انا عايزه مايه فاتره وتقعد فيها عشان الحراره تنزل
جودي، تمام أنا عملي البانيو
كارما، محمد، انده لاخوها يشيلها ينزلها في المايه معانا
محمد، ماشي
احمد، والله ماقادر حد يشلها معايا جسمها سايب خالص
محمد، حاسبوا كده وراح شيلها ودخل ينزلها المايه
بعد ماحطها في المايه
محمد، فوقي بقي يانور فوقي
كارما ، خليكي معاها ياجودي عما الحراره تنزل
،،،،،،،
كلهم وصلو قصر الحج محمود
نور، بابا حبيبي وحشتني
محمود، فين الولاد
ادهم، سيبناهم هناك عشان الجامعه
محمود، كان نفسي اشوفهم
نور، طب ماتيجي معانا يا يابابا مصر تعيش معانا
محمود، لا أنا هموت علي سرير امك وانا حاسس اني جربت خلاص
جودي، بعد الشر عنك ياعمي
محمود، الموت عمره ماكان شر
نور، أنا اعيش ازاي من بعدك
محمود، عندك اولادك وجوزك وأخواتك الحمد لله أن العيله اتجمعت بيكم ياولاد اخوي
جودي وأحمد ،حسك في الدنيا ياعمي
محمود،. ربنا يحفظكوا يا ولاد اخوي
زين، بابا الدكتور قالك ايه
محمود، سيبك من الدكتور دي الوقيت اومال مرتك فين
زين، كارما البنات صغيرين وخافت تسيبهم لوحديهم
محمود، ربنا يباركلك فيهم يا ولدي
زين، تسلم ياحاج
محمود، أنا جمعكم انهارده عشان اوزع الورث أنا بوي كتب كل حاجه باسمي ومرضاش يعطي حاجه لأخوي محمد عشان اتجوز من مصر ومتجوز زينب بنت عمه وانا طاوعته اخوي عمره ماطلب مني جنيه من ورثه اشتغل وتعب لحد مابجي أشهر دكتور في مصر بس اني عايز اجابل وجه كريم وانا مش اجيت علي حج ولاده انا هعطيكم حجكم علي داير مليم وسامحوني يا ولاد اخوي
جودي، بابا مطلبش حقه احنا هنطلب
احمد، دي حاجه ابونا كان مسامح فيها احنا مش عايزنها
محمود، لو بتحبوني هتجبلو فلوس ابوكم واللا ايه يانور انتي وادهم وزين
ادهم، اللي شايفه صح يابوى
زين، انت حر يابوي
نور، اللي انت شايفه يابابا
محمود، الحمد لله ولادي ولاد حلال
نكمل بكره البارت الجديد في الجزي الثاني يارب يكون عجبكم اشوف رايكم في التعليقات
ابن عمي الجزء٢
بارت ٣٨
للكاتبه اميره محمود
محمد، جودي هي نور عامله ايه انهارده
نور، بقت كويسه الحمد لله السخنيه راحت طنط كارما طول الليل قاعده بيها
عز، مرات خالك المزه كانت هنا
كارما خرجت من الاوضه وسمعت عز، 😄😄لا لسه موجوده يازيزو
عز، بإحراج ، أنا آسف والله يا طنط بس انتي فعلا مزه
محمد، ماتلم نفسك ياعز عيب 🤧🤧كده خالك لو سمعك هيعلقك
عز، ملكش دعوه طنط كارما صحبتي ومبتزعلش مني صح يا طنط
كارما، أنا أقدر ازعل منك
محمد، طنط هي نور عامله ايه🤧🤧
كارما، بقت كويسه بس هي عندها دور برد جامد
محمد🤧🤧
كارما، علي فكره انت كمان تعبان خد من العلاج اللي جبتهولها عشان متزدش في التعب
عز، ولو في حقن عادي ياطنط اعطيله
محمد، تصدق انك رخم
كارما، لا مفيش حقن ياعز😄😄
جودي، مامي بترن عليه الوو
نور، ايوه يا جودي اخباركم ايه
جودي، كويسين والله يامامي.
(محمد عطس)
نور، هو مين اللي بيعطس ده
جودي، ده محمد اخد دور برد
نور، طب هاتيه ياحبيبتي اطمن عليه
جودي، خد مامي عايزاك
محمد، الو ايوه يا ماما
نور، مالك ياحبيبي
محمد، مفيش تعبان شويه بس طنط كارما جيبالي علاج هاخد منه
نور، سلامتك ياحبيبي البس تقيل واشرب حاجات سخنه
جودي ،نور هو انتي بتكلمي مين
نور، محمد ابني
جودي، طب هاتيه كده عشان ولادي مبيردوش
محمد ، الو ايوه يا عمتو🤧🤧
جودي، ازيك ياحبيبي عامل ايه شكلك عندك برد
محمد، اه تعبان شويه
جودي، سلامتك ياقلبي
محمد، الله يسلمك ياعمتو
جودي، هي نور جنبك انا عايزه اكلمها
محمد، ثواني هجبهالك
محمد راح خبط علي باب نور
نور واقفه قدام المرايه بتسرح شعرها ، ادخلي ياجودي🤧🤧
محمد دخل لقاها واقفه تسرح في شعرها فضل واقف سرحان في طوله وجماله
نور بتدور، في ايه يابنتي
محمد، اي عمتو عايزاكي🤧🤧
نور، هو انت تعبان 🤧🤧
محمد، ربنا يسامح المجنونه اللي كانت السبب😤🤧
نور، طب أنا مجنونه طاوعتني ليه
محمد، عشااان مش بحب ازعلك
نور، ليه
محمد، اه بالحق فكرتيني الكلام اللي كنتي بتقوليه🤧🤧 وانتي سخنه ده بجد
نور، أنا قولت ايه😧😧
محمد، قولتي انك ب مفيش خدي كلمي مامتك علي الخط
نور، يالهوي يعني سمعتنا وعرفت اني خرجت😣😣
محمد، كلمي مامتك علي الخط أنا عامل كتم للصوت
نور، طب الحمد لله كويس
محمد، أنا خارج وابقي هاتيلي تليفوني
نور، اوك الو ايوه مامي
جودي، مبترديش ليه وقافله تليفونك من الصبح
نور ،موبايلي فاصل شحن
جودي ،طب والزفت اخوكي
نور، هتلاقيه بيلعب مع عز بلايستيشن وسايب الموبايل
جودي، هو مال صوتك
نور، مفيش يامامي دور برد
جودي، طب اخدتي دوا
نور ،طنط كارما كانت هنا بتطمن علينا وجبتلي علاج
جودي، والله كتر خيرها ماشي خلي بالك علي اخوكي
نور، ماشي يامامي باي
جودي،باي وقفلت
نور مسكت الموبايل وقعدت تتفرج علي صور محمد
يخربيت طعامتك بجد والله أنا ليه حق اعشقك أما افتح الرسايل اشوف بتكلم مين واللا اقولك لا عشان حرام لا أنا هفتح سامحني يارب ايه ده يامحمد انت بتكلم بنات وانا اللي مفكراك بدأت تحبني هو اه بيحبني بيحبني زى جودي بس اما كان حضني كان بيحضني جامد حسيت أن عضمي هيتكسر ليكون مفكرني زى البنات دي أنا اللي غلطانه أنا لازم ابعد عنه بس أنا بحبه اعمل اي يارب
خرجت راحت لغرفته وخبطت
محمد،. مين🤧🤧
نور، أنا نور جيبالك الموبايل
محمد، ادخلي مش قادر أقوم🤧🤧
نور فتحت وهي خايفه منه بسبب الرسايل اللي علي الموبايل بتاعه ، محمد الموبايل اهو وبتبص عليه لقت وشه احمر من شده السخونيه
محمد، اندهيلي جودي عشان تعبان اوي
نور راحت حطت أيدها علي جبينه ، ده انت سخن نار أنا هكلم جودي تجيلك حالا
،،،،،،
نور، جودي سيبي الاكل وتعالي بسرعه
جودي، في ايه
نور، محمد سخن نار
جودي، طب هاتي العلاج اللي طنط كارما جبتهولك بسرعه عما اعمله كمادات
نور، ماشي وراحت جرى تجيب العلاج
،،،،،،
جودي، محمد انت لسه تعبان
محمد، انتي شايفه ايه
جودي، اه فعلا ده انت متدمر استني هحطلك الكمادات حالا والحراره هتنزل أن شاء الله
محمد، اااه عضمي بيتكسر
جودي، هو انت ونور عييتوا مع بعض ليه
محمد، المجنونه كان نفسها تجرى تحت الميا بتاعه الشتا
جودي، نور قالت إنها نفسها تعمل كده مع الانسان اللي هتحس أنها بتحبه بجد ويفضلوا يدوروا تحت المطره مع بعض معني كده انها
محمد، ما انهاش ماتكبريش الموضوع في دماغك نور معزتها في قلبي زيك بالظبط وهو قال كده عشان محدش ياخد باله أنه بيحبها
نور داخله بالعلاج وسمعت كلام محمد قالت لنفسها، مش قولت أنه بيحبني زى جودي
أنا جبت العلاج إخباره ايه ياجودي
جودى، لسه السخونيه منزلتش شكله لازم يقعد في البانيو زيك عشان الحراره تنزل
نور، هو انا قعدت في البانيو
جودي، اه محمد شالك وحطك في البانيو وانا غيرتلك هدومك أنا وطنط كارما لأنك كنتي بتخرفي جامد
نور بإحراج، كنت بقول ايه
جودي، أنا فاكره بصي هنزل أكلم طنط كارما تيجي تشوفه عشان ميحصلوش حاجه
نور، ماشي وانا هفضل جنبه بالكمادات
جودي، ماشي
نور فضلت سرحانه في محمد وجمال ملامحه فجأه افتكرت كلامه أنه كان قالها أنها كانت بتقول حاجه وهي بتخرف
نور، محمد
محمد،اي
نور، هو أنا كنت بقول ايه وانا سخنه
محمد، ليه ااااه عضمي
نور ، قول بقي والنبي كنت بقول ايه
محمد، كنتي بتقولي انك بتحبي حد
نور😧😧 قولت اسمه
محمد، متخافيش مش هقول لحد
نور، قول بس انا قولت اسمه
محمد، لا مقولتليش
نور، احلف
محمد، لا مش هحلف
نور، ليه
محمد، عشان أنا كمان بحبك
نور، 😧😧انت السخونيه مأثره جامد
جودي دخلت ،طنط كارما جايه حالا
نور،اممم طيب تعالي اقعدي وانا رايحه اوضتي
محمد مسك أيدها ،وهتسبيني
جودي،😄😄😄
نور اتحرجت ،لا بس سيب أيدي بس
جودي ، معلش اصلكوا زي اللي اخوات 🤣🤣 اللا عمرك مامسكت أيدي كده يابتاع اختي😉😉
نور باحراج، أنا رايحه اوضتي عن اذنكم
محمد، احرجتيها
جودي، أنا بردك واللا سيادتك
محمد، سكتي بقي عشان مش فايقلك
جودي، أنا نازله اشوف طنط كارما فاتها اجت
،،،،،،،،
في البلد
نور، بابا شكله مش عجبني يااحمد أنا خايفه عليه اوي
احمد، وانا بردك شكله تعبان اوي
نور، خايفه يسيبني اوي يااحمد😭😭
احمد، بصي تعالي ناخده معانا نطمن عليه عند دكتور كبير صحبي دكتور مسالك بوليه شاطر اكيد باذن الله هيبقي كويس
نور، يارب بس يرضي يجي معانا
احمد، خلاص المحامي كتب كل حاجه وبباكي رجع نصيب بابا ليه انا واختي اكيد معدش وراه حاجه ويرضي يجي معانا
نور، خلاص أنا هروح اعرض عليه لو وافق ناخده معانا واحنا مسافرين بكره
احمد، ماشي ياحبي روحي عما اخلص بس كام حاجه بعملها علي اللاب
نور،. ماشي ياحبيبي
،،،،،،،
نور، بابا حبيبي عامل ايه
محمود،. بخير والله يا بتي طول مانتي بخير
نور، أنا هطلب منك طلب بس والنبي ماترفض
محمود ،جولي يابتي
نور، احمد عارف دكتور كويس ممكن ياخدك ليه وهو يطمنا عليك ياحبيبي
محمود، خلاص ماشي يابتي هاجي معاكوا
نور، انا مكنتش مصدقه احمد أما قالي انك هتوافق احمد بقي بيفهمك اكتر مني
محمود، مش ولد اخوي
نور، ماشي ياحبيبي أنا محضر شنطتك عشان تيجي معانا بكره
،،،،،،،،
في القاهره
كارما، محمد لازم تاخد الحقنه دي ضرورى
عز، ايوه بقي صح كده مش أنا قولت لازم حقنه كان لازم كده من الاول
محمد لقوا بالمخده، اطلع بره ياحيوان
عز، يرضيكي كده يا طنط بقي عشان خايف عليه
كارما، 😄😄 اه يامحمد اخوك وخايف عليك ياللا بره بقي ياعز عشان اديله الحقنه
عز، لا أنا عايز تتفرج
محمد، اطلع بره ياحيوان
عز، ماشي ياكبير
كارما😄😄اخوك ده مشكله
محمد،. ربنا يهديه
،،،،،،
جودي، نور افتحي
نور، نعم ياجودي😭😭
جودي، بتعيطي ليه بس
نور، مفيش حاجه كنتي عايزه حاجه
جودي، مالك يانور قولي بس في ايه
نور، مفيش مامي وبابي وحشوني
جودي، هو انتي بتحبيه اوي كده
نور، هو مين
جودي، اللي بتعيطي عشانه
نور، أنا مش عارفه اصدقه عارفه كاتب لكام واحده أنه بيحبها في رسايل وكام واحده كتباله بحبك وحشتيني
جودي، وانتي عرفتي ازاي
نور، مفيش عرفت وخلاص
جودي، طب بصي سيبي الموضوع ده عليه وروقي ياللا تعالي نتعشي سوا في اوضتي
نور، لا مليش نفس
جودي، ده انا عامله اندومي
نور، ياللا بينا😉😉
جودي،والله انتي مسخره😄😄😄
اشوف التفاعل عشان البارت الجديد
ابن عمي الجزء الثاني
بارت،٣٩
للكاتبه اميره محمود
محمد، جودي هي نور فين
جودي، راحه الجامعه عندها محاضره
محمد، طب مقلتليش ليه عشان اوصلها
جودي، فاتها جايه يامودي خلاص متقلقيش يابيضه
محمد، ماتكلمي حلو
جودي، مانا بتكلم حلو اهو الله
محمد، الباب بيخبط شكلها اجت
جودي، دي مامي مامي جت يامحمد
نور، تعالي يابابا اتفضل
جودي، جدو حبيبي أخيرا جيت ياجدو
محمود، عامله ايه ياجلب جدك
جودي، كويسه والله تعالي اقعد ياجدو
كلهم دخلو الفيلا
جودي، هي نور وأحمد فين ياجوجو
جوجو،. احمد راح المدرسه طنط كارما اخدته توديه مع ايان ونور في الجامعه عندها محاضره انهارده
نور، مين بيجيب في سيرتي اكيد مامي حبيبتي حمدالله علي السلامه جدو حبيبي وحشني اوى ياجدو والله وراحت حضناه
محمد نزل، حمدالله على السلامه يا ماما ازيك ياجدو
محمود، محمد كبرت وبجيت راجل
محمد، تسلم ياجدو أنا هطلب غدا ديلفرى يجي بسرعه
قعدوا كلهم يتغدوا ويضحكوا
زين،كارما وحشتيني اوي انتي والبنات اول مره ابعد عنك كده
كارما، واخر مره أنا بعد كده رجلي علي رجلك
زين، أنتي مقصرتيش رقبتي في غياب اخواتي كنتي بتراعي ولادهم
كارما، عيب ياحبيبي دول ولادي بردك
زين، عارفه النظره في عينيكي دنيا أنا بتوه جواها حتي بعد مرور السنين دي كلها علي جوازنا
كارما، تعرف أنا اللي كنت تايهه من غيرك بجد متسبنيش وتسافر ايا كان يا حبيبي
زين، أنا عمرى ماهسيبك تاني هاخدك معايا حتي أواخر الدنيا
،،،،،،
احمد، نور أنا كلمت الدكتور وقالي نبعتله عمي بكره
نور، تسلم ياحبيبي يارب بس يكون خير
احمد، متقلقيش خير باذن الله
نور، يارب يااحمد تعرف سريري كان وحشني اوي
احمد، سريرك بس مفيش حاجه تانيه
نور، لا في ولادي كانوا وحشني بردك
احمد، طب نامي يا نور نامي😣😣
نور،ماشي ياحبيبي تصبح على خير 😉😉
،،،،
تحت في الجنينه بتاعه الفيلا
محمد، نور انتي مقولتليش ليه انك رايحه الجامعه
نور ،عادي مجاش في بالي
محمد، هو ايه اللي مجاش في بالك انتي المفروض قاعده هنا مسؤوله مني لحد مابباكي ومامتك يجو
نور، واهم اجو خلاص بقي يامحمد خلصنا
محمد، هو ايه اللي خلصنا
نور، محمد أنا مش فايقالك الله يسترك
محمد، أنا آسف ياستي ولو اتكلمت معاكي تاني ابقي تفي في وشي
نور راحت جرى وراه، أنا اسفه
محمد، ماشي عن اذنك
نور، والله اسفه بس انا تعبانه بجد بسبب الرسايل اللي علي موبايلك
محمد،. رسايل ايه
نور، أنا فتحت الرسايل اللي بينك وبين بنات كتير وبجد مكنتش أتصور انك كده
محمد، وبتفتحيهم ليه انا اذنتلك
نور، انا اسفه عن اذنك
محمد، ردى عليه فتحتيهم ليه
نور، عشان كنت فاكره حاجه بس اتاكدت أنها وهم زي باقي الحجات اللي في الرسايل
محمد، انا فعلا كنت بتسلي بس والله من ساعه ماحسيت بشعور غريب وانا معاكي والله طنشتهم
نور، اممم
محمد، قولي بقي اي هي الحاجه اللي كنتي بتتاكدي منها في الرسايل
نور، مفيش عن اذنك بقي
محمد، يعني بتحبيني يانور
نور وشها احمر ،مامي بتنده أنا رايحلها
محمد شدها من أيدها ،محدش بينده قولي بقي
نور، اقول ايه
محمد، بتحبيني زي مابحبك
نور ، طب سيبني وانا اقولك
محمد، اهو قولي بقي
نور سابته ودخلت الفيلا جرى
ادهم، في ايه يابنتي بتجرى ليه كده
نور، بابي انت اجيت وراحت حضناه جامد مجتش معاهم ليه اجيت متأخر
ادهم، روحت الشغل اخلص اوراق مهمه واجيت
نور، تعرف انك وحشني حبه منار اااااد كده
ادهم،. والله انتي اكتر ياقلب بابا هي ماما فين
نور، طلعت تنام فوق اتغديت يابابي
ادهم، لسه والله
نور، طب تعالي اغديك اقعد ياحبيبي وانا هجبلك الاكل حالا
محمد واقف وشاف حوارهم هي ايه البت دي أنا مستحيل اشوف الرقه والجمال ده تاني كنتي قدامي الوقت ده كله ولسه اخد بالي منك انا بعشقك يانور
،،،،،،،
صباح تاني يوم
محمد، اركبوا يا اساتذه ياللا عشان نلحق الجامعه
جودي، ماشي بسرعه ياسواق
محمد، ماشي يا هانم
نور، والله انتو مسخره انتو الاتنين😄😄
محمد، مطر استحملكوا انتوا الاتنين واحده لمضه وواحده مجنونه
جودي، 🤣🤣🤣ياللا يامجنونه
نور،😣😣شكرا يامحمد
محمد، العفو ياقلب محمد
جودي،ياسيدي ياسيدي قلب من اولها يارب ارزقني بواحد يقولي يافشتي حتي
نور اتحرجت وسكتت وفضلت باصه من شباك العربيه تدارى احراجها
بعد شويه، محمد، ياللا وصلنا انزلوا ياللا وانا هروح اركن العربيه
جودي ونور، ماشي
،،،،،،
نور دخلت محاضرتها وجودي ومحمد راحو محاضرتهم
بعد انتهاء المحاضره
الدكتور ،محمد ممكن كلمه بعد اذنك
محمد، تحت امرك
الدكتور، انا بصراحه معجب بجودي اختك وعايز اخطبها فكنت بسألك اول هي مخطوبه
محمد، لا
الدكتور، أنا حسام معيد هنا ووالدي الدكتور منصور فلو امكن نقابل والدك
محمد، تمام أنا هكلم والدي وارد عليك
الدكتور، يكون ليه الشرف اني اتشرف بيكم
محمد، طب عن اذنك عشان الحق اوصل اخواتي
الدكتور، ماشي
،،،،،،،
جودي، هو الدكتور عايز منك ايه
محمد، مفيش عايز يخطبك
جودي، ده بجد ده لو حصل البنات هيكلوني دول بيفضلوا قاعدين يسبلوله
محمد، ابصتي يااختي اهو اختارك انتي
جودي،. بجد أنا مش مصدقه
محمد، طب اعملي حاجه من حاجات البنات واتكسفي
نور😄😄😄
محمد، اعرف واحده كل مااكلمها وشها يحمر
جودي، عرفاها 🤣🤣
نور😣😣
محمد، اهي كشرت اهي
،،،،،،
محمد، بابا في حاجه حصلت وعايز اقولك عليها
احمد، خير ياحبيبي
محمد، المعيد بتاعنا ندهلي وطلب أنه يقابلك عايز يخطب جودي
احمد، والله طب هو مين بالضبط وأنا أسأل عليه اول قبل ما يدخل البيت
محمد، هو بباه دكتور منصور الزياني دكتور اسنان
احمد، اه عرفه طبعا ده دكتور محترم طب انت ايه رايك فيه
محمد، هو محترم جدا وخلوق ومبيشتمش زى دكاتره كتير وهادي كده
احمد، طب رأي اختك ايه
محمد، دي هتتجنن من ساعه ماعرفت
احمد، خلاص ياحبيبي قوله يجي يوم الجمعه يشرفنا
محمد،. خلاص ماشي يابابا
احمد، هو ايه صوت الزعييق ده
عز، بابا أنا مش هنام في اوضه مع حد الاستاذ احمد بياخد السرير كله
نور، في ايه ياعز ايه الزعييق ده
عز، بقولك ايه أنا مش هنام تاني جنب حد خلي احمد ينام جنب محمد اهو محمد اوضته كبيره
محمد، محدش ليه دعوه بمحمد
نور، عيب يا عز احمد ضيف كلها يومين ويروحوا واخوك محمد انت عارف مبيحبش حد ينام جنبه
عز، والله لو نمت جنب اللي اسمه احمد ده لهوقعوا اكسروا من علي السرير
احمد، عيب كده عمتك لو سمعتك هتزعل
نور، خلاص تعالي نام جنبي
عز، ماشي
احمد، جنب مين وانا هنام عند الجيران
نور، اهي ليله يااحمد معلش
احمد، طب روح يامحمد نام انت واعمل اللي اتفقنا عليه وانت يازفت ادخل نام
عز، ماشي ياللا يامامتي ياحبيبتي هنام اخيرا في حضنك
نور، تعالي ياحبيبي
احمد، تعالي فين وحضن مين ده شحط في تالته ثانوي مش عيل صغير وبعدين انت هتنام عالطرف أنا اللي هنام في النص
نور، هههه في ايه يااحمد 🤣🤣
احمد، مش عجبكوا هينام عالارض
عز، لا وعلي ايه ماشي اهي ليله
احمد اخد نور في حضنه
عز، اختشي ياحاج أنا نايم جنبك
احمد، تصدق انك لازم تنام عالارض زى الكلاب
عز، خلاص وعلي ايه ولا كأني شايف حاجه
احمد، اتخرس ونام بقي
نور🤣🤣 والله انت مسخره يااحمد ده ابني
احمد، اسكتي انتي كمان ونامي
،،،،،
صباح تاني يوم
حسام، عملت ايه يامحمد
محمد، بابا مستنيك يوم الجمعه في البيت تشرفنا
حسام، أن شاء الله ربنا يقدم اللي فيه الخير
ودخلوا المحاضره
جودي في سرها ، ده انا امي دعيالي ايه القمر ده ياولاد
حسام كل مايجي يشرح يسرح بعنيه علي جودي لحد ما اخدت بالها
جودي اول ماراح يكتب عالسبوره قامت من مكانها وراحت مكان تاني عشان تشوف هيعمل ايه
حسام في باله ،هي راحت فين كانت لسه هنا اوف اخدت بالها عشان كده غيرت المكان أنا لازم اسيطر علي نفسي شويه ومبصش عليها تاني
جودي، اي ده هو مدورش عليه ليه شكله زعل واللا حاجه
،،،،،،
يوم الجمعه
احمد، ازيك يادكتور منصور
منصور، الحمد لله يادكتور احمد والله اول ماعرفت أنها بنتك انبسط جدا احنا مش هنلاقي نسب احسن منكم
احمد،. تسلم يارب رايك ايه ياحج محمود
محمود، ربنا يجدم اللي فيه الخير
احمد، الحج محمود عمي وحمايا
منصور، ربنا يخليهولكم يارب
احمد، يارب
منصور، حسام ابني الوحيد مامته توفت وهو في أولي ابتدائي وانا ربيته لوحدي ومردتش اخلي ليه مرات اب
محمود، ربنا يجعله دائما بار بيك يا ولدي
منصور ،الله يخليك ياحج محمود اومال فين العروسه
احمد، داخله حالا
محمد، ادخلي ياعروسه عايزينك جوه
جودي، بلاش والله محروجه اوي
محمد، اي ده جودي بتتحرج مش معقول
جودي، يارب متكسفيش اكتر من كده انا داخله
محمد لنور ، عقبالنا يارب
نور اتحرجت وبصت في الارض
جودي دخلت تقابل والد حسام
منصور ،بسم الله ماشاء الله تبارك الخلاق نقرا الفاتحه
احمد، اقعدي ياجودي ماشي ياللا ياجماعه هنقرا الفاتحه
وبعد ماتقعدوا يهزروا ويضحكوا الكل مشي
،،،،
محمد، بابا عايز منك طلب
احمد، خير يامحمد
محمد، أنا عايز أخطب نور بنت عمتي
احمد، مش لسه بدرى شويه عليك يامحمد
محمد، طب هخطبها واما اخلص واشتغل اتجوز
احمد، تمام هروح اخطبهالك من خالك أقوله ايه ابني اللي لسه بياخد مني المصروف عايز يخطب بنتك
محمد، أنا بحبها ونفسي اخطبها بس بعد ماتخلصي هتجوزها
احمد، لا يامحمد لسه بدرى عليك اما تقف علي رجلك وتبقي راجل ملو هدومك ابقي قولي عايز أخطب مش لسه بتاخد مصروفك مني وتقولي عايز أخطب
محمد، بس
احمد، مفيش بس اتفضل اطلع اوضتك ياللا
بكره البارت الجديد اشوف التفاعل عشان اعرف رايكم
ابن عمي الجزء الثاني
بارت أربعين
للكاتبه اميره محمود
احمد، محمد
محمد، نعم يابابا
احمد، طب استني خد هنا
محمد، نعم
احمد، بتحبها
محمد، وبموت فيها كمان
احمد، خلاص ماشي خلص السنادي وهخطبهالك
.محمد، بجد وراح حاضن أبوه ،انا بحبك اوى يابابا انت اجدع اب في الدنيا
احمد، ماشي بكاش اطلع نام بقي عشان وراك جامعه الصبح
محمد، ماشي ياكبير تصبح على خير
،،،،
نور، هو محمد كان عايز ايه يااحمد
احمد، كنت شايفك وانتي واقفه تصنتي😉😉
نور، أنا 😔😔ابدا
احمد، طب ماشي تصبحي علي خير
نور، طب هتكلم ادهم امتي
احمد،ليه
نور، عشان تخطب نور لمحمد
احمد،ماتقولي ياحبي واعترفي انك كنتي بتصنتي😜😜
نور، العيال كبرت يااحمد وبقوا بيحبوا وعايزين يتجوزوا
احمد، ربنا يسعد أيامهم
نور، يارب المهم هتكلم ادهم
احمد، لا بعد مالسنه تخلص أنا اتفقت مع محمد اول مايخلص امتحانات
نور، أن شاء الله ياحبيبي تصبح علي خير
احمد، وانتي من أهله يارب
،،،،،،،،
محمد ،الو القمر معايا
نور، لا النمره غلط أنا نوره بس
محمد، انتي نور قلبي مش نور القمر بس
نور، شكرا
محمد، هو مفيش كلمه حلوه مره تقوليها
نور، مفيش
محمد، طب علي فكره انا كلمت بابا اني عايز اخطبك قالي اما السنه تخلص
نور، 🤭🤭
محمد، الو يابنتي روحتي فين
نور، ااانا
محمد، يخربيت كسوفك
نور، بص انا هقفل عشان انام باي وراحت قافله السكه
محمد، والله مجنونه وراح بعتلها رساله
طب مفيش حتي تصبح علي خير
نور بعتتله، وانت من اهله
محمد، هتوحشيني لحد ما اشوفك الصبح
نور، أن شاء الله
محمد، سلام ياقلبي ❤️❤️
نور، سلام
،،،،،،،
عدت السنه علي خير وخلصوا امتحانات
حسام، جودي أنا هكلم بباكي عشان الفرح اتفاقنا كان أما تخلصي امتحانات
جودي، طب ماتستني أما اخلص جامعه خالص
حسام ،استني ايه انتي تسكتي خالص أنا مصدقت أن السنه خلصت أنا هكلم بباكي حالا انتي عايزاني أفضل رايح جاي ابص عليكي ومعرفش اشرح
جودي، 😄😄
حسام،بتضحكي علي ايه
جودي، علي استعجالك في ايه هو أنا هطير
حسام، منفسكيش نخرج براحتنا ونقعد براحتنا
جودي، نفسي والله بس مش متخيله أن ممكن اسيب مامي وبابي واخواتي
حسام،. لو عايزه تروحيلهم كل يوم معنديش مانع بس اهم حاجه اني اروح من الشغل القيكي في بيتي أنا مش مصدق اني هفتح عيني القيكي في حضني وهغمض عيني وانتي في حضني
جودي، إن شاء الله ربنا يجمع بينا علي خير
حسام ،ان شاء الله يارب
،،،،،
ادهم وجودي
ادهم، الولاد خلصوا امتحانات تعالي نطلع نصيف في الغردقه في الشاليه بتاعنا
جودي، لا ده نحس
ادهم، متخافيش أنا اتغيرت
جودي، بس لو روحت هفتكر اللي حصل
ادهم، متخافيش تعالي وحاولي تنسي بقي ماشي
جودي، خلاص ماشي بس احنا هنروح لواحدنا ؟
ادهم، تعالي ناخد بابا و نور وأحمد وأولادهم وزين وكارما
جودي، ده فرح جودي الشهر الجاي
ادهم، احنا هنروح نصيف نقعد اسبوعين ونرجع
جودي، خلاص هسألهم
،،،،،،
الكل وافق أنه يروح المصيف
ادهم، أنا هاخد ابوي في عربيتي مع جودي وولادي
احمد، خلاص ماشي ياللا يانور بسرعه فين الولاد
عز، أنا جيت يا حاج وجايب العوامه بتاعتي
احمد، تصدق اناقفلت من الرحله دي بسببك😡😡
نور ،مالك يااحمد واقف للوله عالكلمه ليه
احمد، لبسلي شورت من دي الوقت طب بذمتك اللي لبسه ده يرضيكي
نور😄😄😄ده قمر
عز، الله يجبر بخاطرك يا حاجه الله هي المزه جايه معانا
نور، مين المزه دي
جودي، دي طنط كارما يامامي😜😜
نور، اسكت خالص مش عايزه اسمعلك صوت
احمد، لا وماله سيبيه يتكلم ماهو قمر
نور، عجبك كده ياعز اهو ابوك بيتمألس عليه
احمد، اركبوا ياللا خلو اليوم ده يعدي علي خير
،،،،،،،
وصلو الشاليه
محمود، ياااه الشاليه ده كنت شريه لامك يانور كنا بنجي نصيف اهنه كل سنه
نور، بس انا تقريبا مدخلتوش خالص
محمود، عشان من يوم ماامك ماتت اني مدخلتوش وراحت عنيه مدمعه
نور بنت جودي ، يااه كنت بتحبها اوي كده ياجدو
محمود، دي كانت روحي الله يرحمها كنت بشوفها في نور كشكل وطيبه ورقه عشان كده مكنتش بحس انها راحت مني
محمد،. هو البعد عن الحبيب صعب ياجدو
محمود، ده اصعب مافي الدنيا يا ولدي
نور، انت شكلك كنت رومانسي اوى ياجدو
احمد، مالك يا عمي بتعيط ليه وهو انتو كلكوا بتعيطوا ليه
ادهم، افتكر امي الله يرحمها ماهو كان جيبلها الشاليه ده
جودي، كان جيبلها الشاليه ياااه هو في رجاله رومانسيه كده
احمد، متسكتوا بقي صحيتوا مواجع الراجل تعالو نتغدي ياللا
،،،،،،
حور، بذمتك منتاش مكسوف من نفسك انت بتعمل ايه
عز، نازل البحر هكون بعمل ايه
حور، بالشورت ده😄😄
عز، ماله الشورت هو انتي وبابا عليه
حور، بصراحه مسخره جيبه منين ده
عز، من المول عايزه واحد اجبلك معايا كتير
حور، انت لبسه عشان السمك في البحر يخاف منك
عز، اه قصدك عشان سمكه القرش اللي عليه اخده بالك فاتحه بقها ازاي
حور،اه واخده بالي😄😄
عز، عندي واحد بقي بس علي شكل عروسه بحر ممكن يمشي حريمي اجبهولك
حور، هو انت شارب حاجه
عز، لا
حور، طب ابعد ياابو دم خفيف
عز، مالبحر قدامك واسع
حور، طب سلام
،،،،،،،
محمد، هتنزلي البحر
نور، لا مبحبش وبصراحه مبعرفش اعوم
محمد، طب ماتيجي اعلمك العوم
نور، لا شكرا أنا مبحبش البحر
محمد، طب براحتك هو انتي قاعده لوحدك ليه
نور، مامي وبابي نايمين وجودي مع خطيبها
محمد، اممم طب ينفع اقعد معاكي
نور، مانت قاعدت خلاص
محمد، هو انتي ليه كده
نور، مالي مانا كويسه
محمد، ليه منتيش رومانسيه وعالطول بتتكسفي مني
نور، عشان بخاف تفتكرني زى اللي انت بتكلمهم وغير كده انا والله بتحرج مش بقدر ارد
محمد، أنا نفسي اسمع منك مره كلمه حلوه ليه دايما أنا اللي بقول وانتي لا المره الوحيده اللي اعترفتيلي فيها انك بتحبيني كنتي بتخرفي من السخنيه
نور بدموع نازله زي السيول 😭😭 أنا طالعه انام
محمد مسك أيدها ،استني بتعيطي ليه دي الوقت
نور، عشان مش هقدر اقولها بس انت اكيد حاسس
محمد، خلاص والله انا اسف متعيطييش بقي واقعدي اهو نتفرج عالبحر
نور،. 🤣🤣هههه
محمد، انتي مجنونه بتضحكي ليه دي الوقت
نور، بص علي اخوك كده
عز طالع من البحر
محمد، في ايه يابني مش ابوك لسه ماسك فيك عشان الشورت اللي كنت لبسه انت بتجيبهم منين
عز، مالكش فيه تعرف تجيب زيه ده انا اخدت كل الاشكال اللي عند الراجل عشان انوع فيهم
حور، والله هموت واعرف اخوك بيجيب الثقه دي كلها منين
محمد، والله مانا عارف ايه ده
عز،. انتو هتعملوا عليه حفله
نور، لا احنا نقدر يا زيزو ده انت ابو الموضه كلها
محمد، طب اطلع غيره يا وحش قبل ما ابوك ينزل
عز،انت مالك اصلا قول انك هتموت عليه
نور وحور ،ههههه
محمد، ضحكت البنات عليك
عز، المزه بتاعتي اجت اهي سلام بقي اروح اسلم عليها
حور، هي مين المزه دي
محمد، اللي واقفه مع ابوكي
حور، مامي😧😧
محمد، أنا لو منك مسيبش حق امي
حور، طب عن اذنكم
انت يا استاذ عز
عز، نعم
حور، ينفع اقول علي مامتك موزه
عز، اه عادي
حور، تصدق انك مش محترم واهبل
عز، ماتحترمي نفسك أنا اكبر منك علي فكره
حور، خمس شهور تبقي اكبر مني
عز، اه اكبر منك ياحور وعيب تشتميني يامحترمه
حور،. انا اسفه بس انت اللي قولت علي مامي موزه وعيب اوي كده
عز، ماهي فعلا قمر بصي كده علي عينيها قمر خالص عنين لون السما صافيين
حور، طب أنا هقول لبابي
عز، خلاص خلاص انا اسف متزعليش بقي
حور، خلاص ياعز حصل خير
عز، ماتيجي ناكل ايس كريم اصالحك بيه
حور، اوك بس مانجا
عز، ماشي ياللا بس استني هجيلك اهو هروح اجيب فلوسي من محمد أنا بسيبهم معاه قبل مانزل البحر
حور، هعتبر نفسي صدقتك ياللا روح بسرعه
عز، محمد حبيبي يااخويا ياطويل ياقمر
محمد، عايز ايه يازفت
عز، زفت زفت بقولك عايز خمسنايه
محمد، ليه
عز، هجيب لحور ايس كريم اصالحها بيه
محمد، طب وانا مالي امشي ياللا
نور، خد ياعز وابقي هاتلي معاك بالمانجا
محمد، استني خد وهاتلي شيكولاته ونور مانجا لنور
عز، طب سلام
محمد، جرى وراه مسكه من قفاه هات فلوس نور
عز، خد ياعم وحاسب بقي خليت شكلي وحش قدام البت
محمد، امشي ياله
نور، انا بعشق عز ده مسخره🤣🤣
محمد، طب خدي فلوسك اهي وبلاش كلمه بعشق دي لحد غيري
نور بإحراج ، علي فكره عادي يعني ده اخويا الصغير
محمد، لا مش عادي فاهمه
نور، ماشي😄😄
محمد، بتضحكي ليه
نور، اصلك بتغيري يابيضه
محمد، طبعا
نور، عز شكله خلع ومش هيجيب لينا حاجه😄😄
محمد، قلبي كان حاسس والله بصي اومي نتمشي شويه واجيبلك أنا الايس كريم واحنا ماشيين
نور، اوك ماشي ياللا
،،،،،
ادهم وجودي
ادهم، تعالي ننزل نقعد قدام البحر شويه
جودي، ماشي ياحبيبي
ادهم، فاكره اول يوم خرجنا فيه من الشاليه كنا بليل ونزلنا البحر سوا
جودي، اه طبعا فاكره
ادهم،. طب تعالي نعيده
جودي، احنا كبرنا يا ادهم
ادهم، لا كبرنا ايه وبتاع ايه تعالي ننزل
جودي، ماشي ياللا بينا هجهز اهو وانزل معاك بس نتمشي بس
،،،،
محمد، نور تعالي ننزل البحر
نور، قولتلك لا بخاف ثم إننا بقالنا اربع ساعات ماشيين تعبت عايزه اروح
محمد،. احنا بليل ومحدش هياخد باله أنا عارف انك محروجه
نور، بس يامحمد والله بخاف
محمد، فاكره دور البرد اللي اخدته بسببك عشان كان نفسك تنزلي في المطره أنا وافقتك وافقي بقي ننزل والله ماتخافي أنا نفسي انزل معاكي
نور، ماشي يامحمد
محمد، ياللا بينا
نور، محمد بلاش لجوه الدنيا ضلمه وراحت الموجه موقعاها
محمد جرى عليها ، اوف خلاص تعالي نخرج بدل ماتغرقي مني
نور رشت عليه ميا أنا مغرقش يا استاذ محمد
محمد، بترشي عليه مايه طب اهو
نور، والله انت رخم خلاص بقي
محمد، مش هبطل غير أما تقولي انك بتحبيني
نور، انا مش هقول واهو
ادهم ، نور اللي في البحر دي ياجودي صح
جودي، بتهيألي وايه اللي منزلها البحر بليل كده
نور، راحت زقه محمد موقعاه في البحر، طب اهو بس كده وطلعت تجرى
محمد، طب والله مانا سيبك
ادهم بزعييق، نووووور
نور اتخضت، ده بابي وخرجت من البحر
ادهم، ايه اللي منزلك البحر دي الوقت وايه قلت الأدب دي
نور، بابي ده مح راح ابوها ضربها بالقلم
ادهم، اتفضلي عالبيت ياهانم
محمد واقف مصنم مكانه معرفش يدافع عنها
،،،،
في البيت
محمود ، مالك يانور بتعيطي ليه
نور سابته وطلعت جرى علي اوضتها هي وجودي وحور وايان
نور طلعت هدوم واخدتها ودخلت الحمام
حور، مالك يانور في ايه يانور
جودي،. هي فين
حور، دخلت الحمام ياطنط
جودي، أما تخلصي يازفته تعليلي الاوضه أنا مستنياكي
نور سمعت الكلام انهارت اكتر
محمد، روح الشاليه ودخل الحمام ياخد شاور
محمد،. أنا لازم اقول لبابي عشان يلحقها قبل مايبقي فيه مشكله
،،،،،
نور خرجت من الحمام وراحت غرفه مامتها
نور خبطت عالباب ودخلت
ادهم، ممكن اعرف ايه اللي حصل ده
نور، والله العظيم أنا آسفه يابابي ومش هيحصل تاني😭😭
ادهم، ده مش اخوكي وانتي محجبه ينفع المرقعه وقلت الادب دي هي دي تربيتي فيكي أما الاقي بنتي في البحر الساعه حداشر بليل وسايقه قلت الأدب مع ابن خالتها الشاب عارفه دي الوقت هو مفكرك رخيصه
نور ، والله اسفه يابابا والله مش هتكلم معاه خالص تاني
جودي، وان حصل من قلت الأدب دي تاني
نور، والله ماهيحصل ولو حصل ابقوا اعملوا اللي عايزينه فيا
😭😭
جودي، علي فكره محمد بتاع بنات وأمه كانت اشتكيتلي منه أنه بيسهر طول الليل يكلمهم
نور، بس محمد اتغير عشاني
ادهم، اتغير عشانك ازاي
نور، هو قالي أنه بيحبني وساب كل البنات عشاني😭😭
ادهم، اظاهر كده ابن اخوكي بيرسم يعمل في بنتي زى ماابوه عمل مع اختي بس والله ماهسيبه
جودي، مينفعش الكلام ده قدام البنت
ادهم، بصي يا زفته انتي لو شفتك بتكلميه اقسم بالله لهقتلك
نور، خلاص والله يابابي متزعلش مني والله ماهكلمه
جودي، اتفضلي روحي اوضه البنات ياللا ومتخرجيش غير رجلي علي رجلك فاهمه
نور، ماشي يا مامي😭😭
جودي، اهدي ياادهم قولتلك ابقي اتحكم في عصبيتك مينفعش كده
ادهم، انتي راضيه عن اللي حصل
جودي ، لا بس لازم نتكلم بالعقل مينفعش كده
ادهم، طب أنا خارج
جودي، استني هاجي معاك
ادهم، لا عايز أخرج لوحدي
جودي، يارب اموت لو خرجت لوحدك
ادهم، جودي أنا مضايق سيبيني لوحدي
جودي، لا مش هسيبك ياادهم ياللا بقي عشان نكمل التمشيه اللي باظت
البارت الجديد اجمل بارت اشوف التفاعل بقي عشان انزله دي الوقت
البارت 41_42_43_44من هنا
تعليقات
إرسال تعليق