 |
بارت،9_10ابن عمي
نور بعد ماسمعت كلام هنا نزلت جرى وخرجت من الفله وهي بتجرى مش عارفه هتروح فين
احمد قال لهنا، القلم ده هدفعك تمنه
هنا، عايزني اشوفها في اوضتك وبتبوسها واسكت
احمد لبس تيشرت وهو بيجرى يلحق نور هنا شدته من أيده
هنا، ايه بتجرى وراها ليه
احمد، دي مراتي وشال أيدها وراح ناطرها وسابها وجرى ورا نور
هنا بوجع، مراتك
احمد خرج مش لاقيها دور في كل مكان فص ملح ودأب
،،،،،،،،،
نور قعدت عالكورنيش لحد مالليل ليل وبعد ماهدت كلمت جودي
جودي، ايوا يا نور انتي فين
نور، أنا قاعده ع الكورنيش ممكن تجيلي بس متقوليش لاخوكي امانه عليكي
جودي، تمام أنا جيالك حالا
،،،،,،،،،،،،
جودي نازله عشان تروح لنور
احمد،. رايحه فين
جودي، رايحه اجيب حاجه
احمد، عرفتي مكان نور
جودي، لا مكلمتنيش
احمد، هتجيبي ايه
جودي، هجيب حاجه من الصيدليه
احمد، ماشي
،،،،،،
جودي ركبت عربيتها وراحت لنور
نور عنيها وارمه من العييط
جودى، مشيتي ليه حصل ايه وبتعيطي ليه
نور، عشان كان في حاجه فكرت في دقيقه أنها بتاعتي
احمد واقف وراهم وقال
احمد، ومين قالك انها مش بتاعتك
نور وجودي واقفين مصدومين
نور، مش أنا قيلالك متقوليلوش
جودي، والله ماقولتله
احمد، كنت حاسس ان جودي بتكذب جودي لو سمحتي روحي دي الوقت
نور، لو سمحت يا دكتور احمد روح معاها وسيبوني لوحدي أنا هكلم بابا وهو هيعرف بطريقته اني اروح له
جودي،.انا ماشيه وسابتهم يتكلموا مع بعض
احمد، بتقولي لبابا اي هتقوليله أن واحده دخلت عليه أنا وجوزي وسيبتلها جوزي ونزلت
نور، أنا اضربت قدامك
احمد، مردتيش ليها القلم ليه
نور، عشان فعلا أنا اللي غلطانه
احمد، غلطانه في ايه تسيبي البيت وتجرى بالبيجامه في الشارع أنا لو منك كنت رديت ليها القلم
نور، لوسمحت امشي
احمد، انتي مجنونه اسيب مراتي نص الليل في الشارع وبالبيجامه
نور، متقولش مراتك دي أنا مش مرات حد
احمد، طب ياللا نروح الناس عماله تتفرج علينا
نور، مش ماشيه امشي انت
احمد شالها وفتح العربيه دخلها فيها
نور، انت اتجننت رسمي والله
احمد ركب جنبها وساق العربيه
احمد،. اه اتجننت فعلا من اول ما شفتك يا اوزعتي
نور ابتسمت، طب سوق يا مجنون
احمد، أنا جعان قوي تيجي نجيب اكل
نور، لا عايزه انام
احمد، لا لازم تاكلي عشان البيبي
نور وشها اتغير، قولت مش هاكل
احمد، انتي قلبتي ليه
نور، عشان ده جاي من اغتصاب وهفضل افتكر كده عالطول
احمد، ممكن تحاولي تنسي جايز ربنا عمل كده عشان نكمل مع بعض
نور، انت بتحب هنا
احمد، أنا بحبك انتي ونفسي أكمل معاكي انتي ونفسي ولادي يبقوا شبهك انتي
نور، وده من أمتي
احمد، من اول ما شوفتك يا اوزعتي
نور،طب وهنا
احمد، كانت مرحله وعدت وعشان خاطري حاولي تنسي اللي حصل أنا نفسي اكمل معاكي ونفسي ماخسرش ابني اللي كان سبب في اننا نكون مع بعض
نور، بجد
احمد باسها من جبينها طبعا بجد
نور ، خلاص ماشي
احمد، هتعطيني فرصه أصلح اللي عملته
نور، مش قولت هتجيب اكل
احمد بضحك ،مش قولتي مش جعانه
نور، لا جعانه بس هنروح مطعم ازاي بهدومي دي
احمد، اقولك ع حاجه اي رايك ناكل في المطبخ زى ما كنت باجي اقفشك واكل معاكي
نور، لا جالي عقده منه
احمد زعل من نفسه، مش قولنا هننسي
نور ، خلاص تمام اي رايك نجيب رنجه ونروح نعملها وناكلها في المطبخ اصل أنا نفسي فيها قوي
احمد، رنجه يوم ماتتوحمي تتوحمي ع رنجه
نور،وحم حاسه اني صغيره قوي ع الكلمه دي 😂😂😂
احمد، ضحكتك حلوه قوي
نور، ميرسي المهم هتجيب رنجه
احمد، ماشي ياستي مع اني مبحبهاش ولا بحب ريحتها بس هجيبها عشان خاطرك
احمد نزل السوبر ماركت وجاب رنجه وجاب ليه تونه وروحوا
نور دخلت المطبخ وبتعمل الرنجه احمد قعد يرجع
نور، 😂😂😂 انتي في الكام يا بيضه
احمد، امشي يا مؤرفه انتي ورنجتك أنا همووووت🤮🤮
نور، خلاص كل ماتيجي عليه هجبلك رنجايه ع المخده
احمد، عشان اعلقك ع باب البيت
نور😂😂😂 خلاص انا اكلت أنا هدخل اخد شاور
احمد، ده انتي محتاجه مطهر يضيع ريحه الرنجة
نور، تصدق نفسي احضنك
احمد، امشي من وشي أنا مصدقت الترجيع وقف
نور🤣🤣🤣 ماشي يا دوك
احمد، دوك دوك بس ادخلي خدي شاور
نور ،تمام أنا طالعه اوضتي اخد الشاور
احمد، هو انتي هتنامي في اوضتك بردك
نور، اه
احمد، براحتك
نور، تصبح على خير
احمد، وانتي من أهله
وطلع كل واحد غرفته
نورلقت رساله ع الموبايل من احمد
احمد، وحشتيني
نور بعتتله ، ده احنا لسه كنا واقفين مع بعض من10دقايق
احمد، نفسي اخدك في حضني وانام مش هرتاح غير وانتي في حضني
نور فرحت وقعدت تقرأ الرساله اكتر من مره وبعدين بعتتله
ربنا يسهل
احمد بعتلها، يارب ❤️
نور،❤️
احمد، بجد❤️
نور، انت ماصدقت ايوه بحبك
احمد، أخيرا
نور لقت الباب بيخبط فتحت لقته احمد
احمد، أنا عايز اسمعها بودني
نور، روح نام عشان جودي متصحاش
احمد دخل وقفل الباب وقال
اهو قفلت الباب محدش هيسمع قولي بقي
نور ، ااااانااااا
احمد، ايه اطول لسان في العالم مش عارف يجمع كلمه
نور، بس يارخم
احمد،رخم رخم قولي بقي
نور، بحبك من قبل ما اجي البيت كنت بدخل صفحتك وكنت بقعد اسرح فيك واجيت هنا عشان اشوفك وكل ما افتكر انك خاطب كنت بتخنق
احمد حضنها جامد وقالها أنا بحبك قوي يا بنت عمي وقرب وشه لوشها وقالها متزعليش مني والله بعشقك
نور بدأت تنسجم مع عشقه وفجأة بعدت عنه
نور، بلاش بلاش يا احمد مش هقدر وقعدت تترعش وتعيط
احمد، أنا آسف أنا خارج رايح اوضتي اهدي بس اهدي
نور، طب أخرج
احمد خرج وهو زعلان من نفسه عالازمه اللي عملها لنور بدون مايقصد
نور، قعدت تهدي في نفسها لحد ما جلها رساله من احمد
احمد ،انا اسف
نور، محصلش حاجه تتاسف عليها أنا اللي اسفه تصبح ع خير
احمد، وانتي من اهلي
نور ابتسمت وقالت لنفسها انا بعشقك والله بس مش هقدر يارب نسيني اللي كان حصل يارب
ناموا ابطالنا باتري اي اللي هيحصل بكره
التفاعل لو قل مش هكمل
بارت10
روايه ابن عمي
احمد راح يخبط ع نور
نور،حاضر حاضر يا جودي جيالك اهو فتحت الباب
هو انت
احمد، اه أنا بصحي مراتي حبيبتي عشان تروح جمعتها
نور،صباح الخير
احمد،صباح الجمال هو القمر بيطلع الصبح واللا ايه
جودي، احم احم هو اللي سمعاه ده بجد
احمد، سمعه ايه انتي واقفه تصنتي
جودى، اتصنت مين ده انا دماغي وجعتني من الخبط
احمد، خلاص انزلي يالماضه افطرى معايا انتي والقمر نور
جودي، قمر لا بقي ده في حاجه غلط انتو مش كنتوا مش طايقين بعض امبارح
احمد، بس بس اسكتي أنا نازل نور اجهزي عشان اوديكي الجامعه
نور، ماشي
نزلوا ع السفره يفطروا نور اول مابصت لقت لبن
نور، أنا معدتي بتوجعني ومش هفطر
جودي، وانا كمان
احمد، جودي لازم نفطر ونشرب اللبن عشان نشجع نور تشربه
جودي، طب هي حامل أنا مال امي
احمد، بطلي لماضه واشربي
بص لقي الاتنين متنحين للبن
راح مزعق
متشربوااااا اللبن
نور وجودي شربوه بسرعه خافوا من احمد
احمد بضحك عالم متجييش غير بالعين الحمرا
نور ،طب ياللا احنا اتاخرنا ياجودي
احمد، ياللا هوصلكوا أنا اصلا ورايا شغل ورايح المستشفي
نور وجودي ركبوا نور قالت
نور، احمد أنا هروح مع جودي نطمن عالبيبي انهارده بعد الجامعه
احمد، تمام ماشي ياقلبي
جودي، يعني هشوف البيبي بجد😂😂.
احمد، انتي مجنونه مش عارف هتبقي دكتوره ازاي
جودي ،زي ما انت بقيت دكتور🤣🤣🤣
نور، خلاص وصلنا سلام يا احمد
احمد، سلام ياعمرى
دخلوا الجامعه وبعد ماخلصوا الجامعه خرجوا عشان يروحوا عياده الدكتوره
نور، جودي احمد واقف اهو قدام البوابه
جودى، طب هو مقلش ليه أنه هيجي ياخدنا
نور، طب تعالي نروحله
نور، احمد انت هنا ليه
احمد، عايز اروح مع مراتي حبيبتي اشوف ابني
نور، طب مقلتش ليه
احمد، عملهالك مفجأه
نور خلاص ياللا بينا
راحوا عياده دكتوره النسا
جودي، نور بطنك هتبقي كرنبه كده امتي
نور، مش عارفه دول شكلهم في الاخر عارفه شكلهم خلاني متمسكه بالبيبي
جودى، ربنا يجبهولك بالسلامه يارب
نور، يارب
احمد، نور اسمك اتنده ياله ندخل
دخلوا عند الدكتوره
الدكتوره ارفعي هدومك من عند بطنك
نور بصت ع احمد وهي محرجه منه
احمد فهم وبعد عينه عن نور وقعد يبص ع شاشه السونار
نور رفعت هدومها والدكتوره مشت جهاز السونار ع بطنها
الدكتور، ماشاء الله كده البيبي عمره40يوم بالضبط
احمد، هو كويس يا دكتوره
الدكتوره، اه الحمد لله بس الام شكلها ضعيفة جدا وماشاء الله دول اتنين فمحتاجين غذا كويس
احمد، هما ايه اللي اتنين قصدك نور والبيبي
الدكتوره، لا بص حضرتك وشاورتله عليهم في الجهاز دول اتنين في نطفتين في كيس الحمل
نور بصت لجودي وقعدت تعيط
جودى، مبروك يا حبيبتي
نور الله يبارك فيكي
الدكتور، دي تحاليل عايزاها معاكي المره الجايه والفيتامين ده يتاخد بانتظام
احمد، تمام باذن الله متشكر لحضرتك واخدهم ومشي من عند الدكتوره
احمد، هتروحوا واللا نروح نتغدا في مطعم
نور، لا أنا نفسي انااااام
احمد، خلاص نروح وهكلم ديلفرى يجيب لينا اكل وهكلم ام سعيد تيجي تطبخ لينا اكل نضيف عن اكل المطاعم
جودى، ياريت ده أنا معدتي باظت
احمد، خلاص اوك هنروح ع البيت
روحوا البيت ونور طلعت تنام في غرفتها وفجأه تليفون احمد رن
الو ايوا يا هنا عايزه اي مش قولت كل شئ قسمه ونصيب
هنا، احمد أنا عرفت الحقيقه كنت عند هادي بطمن ع نفسي وبعمل تحاليل اطمن ع نفسي بيها قالي ع العصير اللي جبتهوله يحلله وكلمت ندا وقعتها في الكلام واعترفتلي وفهمت أنت اتجوزت بنت عمك ليه
احمد بصدمه، عايزه اي دي الوقت😧😧
هنا، ترجعلي
احمد، مش هينفع
هنا، لا هينفع اكيد ابوها ميعرفش لأن لو كان عرف كان فاتي بقرأ عليك الفاتحه
احمد، لو مخلوق عرف مش هيحصل طيب
هنا، احمد الاسبوع الجاي كتب كتابنا والفرح وفي بيتك يأما اقسم بالله هقول لابوها
احمد، بس انا اكتشفت اني بحبها هي
هنا، بس انا بحبك انت
احمد، عمرك ماحبيتيني انتي وافقتي بيا عشان تغيظي صحبتك مش اكتر
هنا، أنا بقولك فرحنا الاسبوع الجاي وانا هعزم أصحابنا
احمد قفل في وشها وقعد يكسر في كل حاجه حواليه
جودي، في أي يا احمد مالك
احمد، الأبله هنا عرفت كل حاجه وبتسومني يا نتجوز يا تروح تقول لعمي
جودي، يا مصبتي دي فيها رقاب
احمد، أنا مش عارف اعمل ايه
جودي،استهدي بالله كده احنا مفيش حل غير انك توافق تتجوزها وكرها في عشيتها لحد ماتبعد
احمد، ونور
جودي، مش عارفه
احمد، خايف تكرهني اكتر
جودي، أنا هقولها اللي حصل
احمد، لا أنا مصدقت أنها نست
جودي، لازم تعرف عشان متعملش حاجه في نفسها
احمد، طب كلميها انتي وشوفي هتقول ايه
جودي، أنا هطلعلها حالا
احمد، ربنا يستر
،،،،،،،،
جودي حكت اللي حصل لنور
نور عيطت، أنا اتفضحت
جودي، لا ياعمرى متقوليش كده احنا هنجوزها لاحمد وأحمد يحاول يكرها في عيشتها لحد ماتمشي وتسيب البيت وتطلق عشان لو قالت لبباكي النار هتولع ومش هتطفي
نور، طب مفيش حل غير أنها تجوزه
جودي، ده الحل الوحيد يانور
نور، خلاص ماشي بس بابا محدش يقوله
،،،،،،
جودي حكت لاحمد أن نور وافقت
احمد طلع لنور وقالها
أنا آسف والله أنا اقسم بالله بحبك انتي بس والله اللي نعمله غصبا عني بس عشان خاطر اولادنا يتربوا وسطنا
نور، انا حاسه بنار في قلبي
احمد، خلاص أنا هروح اقول كل حاجه لعمي ومش هتجوزها واللي يحصل يحصل
نور، بابا ممكن يقتلك
احمد، أنا هكلمه اعزموا عندنا بكره واخليه يجي ضرورى
نور، بلاش يااحمد اتجوزها ارحم من اللي هيحصل
احمد، مش هتجوز غيرك وراح اخدها في حضنه جامد ونور قعدت تعيط
احمد، متعيطييش العيال هتطلع كئيبه🤣🤣
نور،☺️☺️
احمد،. ايوه كده
احمد نزل كلم عمه في التليفون وقاله يجي ضرورى بكره
ادهم كلم جودى في التليفون
الو
، ايوا يا قلبي
وحشتيني
انتي اللي وحشتيني قوي بوي جاي بكره عنديكم وانا جاي معاه اشوف جلبي
بجد أخيرا هشوفك
يالا نامي عشان جامعتك وهتيجي تلاقيني بستناكي ياقلبي
ماشي يا حبيبي تصبح ع خير
وانتي من اهلي يارب
يارب
،،،،،،،،،،
تاني يوم راحوا الجامعه اجو لقوا الحاج محمود قاعد بيستناهم هو وادهم
محمود، أخيرا جيتوا احنا اهنه من بدرى
نور، بابا حبيبي وحشتني
جودى، ازيك يا ادهم
ادهم، الله يسلمك ياقلب ادهم
جودي، ازيك ياعمي وحضنته وباسته
وقعدوا كلهم مع بعض يتسايروا لحد ما احمد وصل
،،،،،،
احمد،سلام عليكم
محمود ازيك ياولدي
احمد، الله يسلمك يا عمي عمي لو سمحت عايزك في موضوع ضرورى لواحدنا
محمود، خير يا ولدي
احمد، عن ازنكوا يا جماعه تعالي يا عمي معايا
نور وشها لون وحطت أيدها ع قلبها خايفه من اللي هيحصل
احمد حكي لعمه الموضوع كامل من أوله وآخره
الحاج محمود خرج هايج وبصوت عالي نورررر يا نورررررر
نور، نعم يابابا
محمود، حجيجي موضوع أن احمد اغتصبك قبل ما يتجوزك
نور، يا بابا والله ماكان في وعيه
الحاج محمود لطشها بالقلم ع وشها بكل قوته ونور طارت مع القلم بوكي مات عشان ميجبلكيشي حجج
ادهم، انت بتجول اي يا بوي صوح الكلام ده يا جودي
محمود، ليه يا بتي خبيتي عليه
احمد، والله العظيم ماكنت في وعيي والله العظيم أنا بحبها وبعشقها وعمرى ماهسيبها
ادهم طلع مسدسه ووجهه ناحيه احمد
ادهم، بجي انت يطلع منك أكده
جودى، لا لا لا بلاش بلاش يا ادهم ده اخويا والله احمد اخويا محترم واللي حصل هو كان تحت تأثير مخدر
محمود، اطلعي هاتي خلجاتك عشان نمشي من اهنه
نور، حاضر بس والنبي ماتقتلوه ده ابو اولادي
محمود، انتي حامل
نور ،اه وفي طفلين ارجوك يا بابا وهاجي معاك بلاش تقتلوه
محمود، الطفلين دول من الاغتصاب واللا بعديها
نور بصت في الارض
محمود، يعني ولاد حرام جايين من زنا لازم ينزلو
احمد، ولادي مش هينزلو
ادهم، انت تخرس خالص وراح ضارب رصاصه اجت في احمد ووقع غايب عن الوعي
جودى، ليه كده ياادهم قتلت اخويا ليه قوم قوم يااحممممممد
محمود اخد نور وادهم وساب جودي وأحمد سايح في دمه ومشا
ياترى ايه اللي هيحصل بعد كده
بتبع
البارت 11_12من هنا هنا
تعليقات
إرسال تعليق