 |
البارت السابع بقلم ✍️ سلطان زماني
وحشتوني كتير كتير يالي تنشكو♥️ هانت كلها 9 ايام والحظر يتشال وارجعلكم من الصفحة الأساسية 👌🏻🌹
يلا نكمل 👇
فضلنا علي الحال ده كام شهر أنا واسامة ويوميا يطلب أنه
يجيني البيت وانا ارفض بحجه الغفير ومراته الي تحت
قاعدين وفي مره عرض عليا اني اروح معه شقة صحبه وبعد
محايلات رحت واتقابلنا تاني هناك مرتين كمان واتخانقنا مع
بعض وبقا ميردش عليا في الموبيل بعد بكام يوم لقيت
نفسي دايخه وبنام كتير ومرهقة وكسلانه رحت كشفت
الدكتور قالي مبروك يامدام انتي حامل تمالكت اعصابي
وونفسي بالعافيه ادامه
روحت البيت كلمته مردش بعتله رسالة ع الواتس قولتله رد
في نصيبه بليل اوي اتصل بيا قالي في ايه قولتله أنا حامل
قالي اي الي بتقوليه ده
قولتله والله رحت كشفت هتتصرف ازاي دلوقتي
قالي أنا معرفش ما تسالي اي حد عندك واعرف بيسقطو ازاي
قولتله أنا لو سألت حد هيقولولي بتسالي ليه واخاف أنهم يشكو فيا
قالي خلاص انا هدخل ع النت واقولك وفعلا دخل وسقطت
وفضلنا نتكلم مع بعض ورجعت علاقتنا ببعض زاي الاول
واكتر بعد كده فضل يزن أنه يقابلني تاني وانا اتحجج بوجود
الغفير ومراته تحت واني مش هروح معه في شقق تاني واني
خايفه لحد ماقالي اتلككي للغفير وامسكيله علي غلطة
ومشيه علشان الجو يروقلنا واعرف اشوفك كل يوم برحتي
واتهنا بيكي يا بطتي
وفعلا قالي لما تطلعلك تغسلك أو تعملك حاجه في الشقة
زعقي معها اشتميها واول ما تردي عليكي اخربي الدنيا
وقولي لجوزها لمي هدومكم ومشفش وشكم تاني وايلو باقي
حسابه وبسلامة معرفش اي الي خلاني اسمع كلامه وابقي
قليلة الذوق وظالمة كده اتخانقت معها وبهدلتلها وفعلا مشيو
وبقينا نتقابل في الشقة الي في الدور الارضي الي كانو
قاعدين فيها الغفير ومراته وفضلنا ع الحال ده يجي ١٠ شهور
لحد ما حملت تاني وبرضو سقطت
بعدها اتخانقنا وقعد من الشغل شهرين وفي الشهرين دول كل
يوم خناق واعصابه تعبانه وانا قولت يابت يمكن بسبب قلة
فلوس وكلمني استلف مني 5000 جنيه وقالي أنه عليه
فاتورة كهرباء متاخره. هيشيلو العداد وهيفصلو عنه الكهرباء
واستلف مني تاني 3000 وفي مره وهو بيزعق معايا
ومتخصمين قالي أنه أعصابه تعبانه كده بسبب الفلوس الي
هو مستلفها مني قولتله أنا مش عايزاهم واني فلوسي
وفلوسه واحد ومفيش فرق بنا لحد ما اشتغل واتصالحنا
وبقينا كويسين اوي مع بعض وقولتله هو أنا لو أطلقت يا
اسامة تتجوزني اهلك هيوفقو انك تتجوز مطلقه ومعها
عيالين
قالي اه طبعا ده يوم المنا يابطتي قولتله انا هخترع اي حوار
علشان يجي إجازة واول ما يجي هخليه يطلقني أن شاء الله
بالعافيه واخد عيالي وانت بعدها بكام شهر تيجي تطلبني
من اهلي وانا هخليهم يوفقو قالي طب وعيالك قولتله
هيعيشو معانا سكت شوية كده وقالي الي فيه الخير يقدمه ربنا
رايكم بقا في القصة لحد دلوقتي ياحلوين
تعليقات
إرسال تعليق