 |
احببني بعد زواجنا ❤
البارت ٣_٤
مدونة #موسوعة_القصص_والروايات
مالك طالع بزعبيبك لي مش خير
= ها
_ في اي يبني
= في انى برتب مواعيد الشغل ومش عارف اركز بسبب حضرتك
_ وانا بحب اشتغل مع اغاني هاديه
= في بيت والدك الكلام ده فهمه اطفي الزفت ده
_ "واحد غبي هتموت لو شوفتني مبسوطه صح "
= بتقولي اي
_ حاضر هطفي الزفت
= انجزى " يقوم بالدخول للغرفه "
لبست جاكت اسود فوق البجامه وعملت نسكافيه ووقفت في البلكونه شويه والهوا بيطير شعري وقلبي معاه كان نفسي اضحك من قلبي واحس بسعاده كمان لكن الي طلعتو وقتها كان عباره عن عياط بس كانت نزيف من مشاعر سلبيه حبساها واحساسي بالخنقه والايام الي بتعدي وانا حسه انو مفيش طعم فيها بس المشكله الي مديقاني انو جه اول واحد في دماغي لما فكرت في حد جمبي انا غبيه صح ...
اليوم التالي ...
= صباح الخير حضري الفطار بسرع... مين الي الي عمل الفيلا كده
المنظفه : حضرتك جيت انضف انهرده زي كل مره بنضف تلات مرات في الاسبوع رجعت لقيت الفيلا متفتحه كده
_ ها صحيت صباح الخير
= اي دا
_ اي كنت بنضف الفيلا واتحرك شويه بدل الزهق ده
= بعصبيه.... وبتفتحي ام الفيلا كده لي ول غباء وخلاص
_ في اي بدل الكتمه الي احنا فيها اربعه وعشرين ساعه انت مش بني ادم اصلا انت بتخرج وانا الي بقعد هنا
= تقعدي هنا من غير ما تلعبي في حاجه انتي مجرد ضيفه فهمه وشويه ونطلق متخديش راحتك يعني
_ فاهم اني هموت يلا واقعد معاك في الفيلا الكبير المسكونه دي
= مسكونه اه دي العفريت تخاف منك
"تقوم الطباخه والمنظفه بنظر لبعضهم والابتسام "
_ اسمعي بقي متمديش ايدك علي اي حاجه في الفيلا دي سمعه
= والله انا ال...
ترن ترن ترن ترن
_ احمدي ربك انو رن التلفون ...الاتصال ده الي انقذك من ايدي
= نينيني روح كل جاتو
_________________ العصر
_ انت واحد غبي
= وانتي مجنونه في حد يعمل كده
تاتا بعد الرجوع : اي يا سميحه في اي
الطباخه : والله يا هانم كده من الصبح الفيلا مش هديت دقيقه
تاتا بستغراب : طيب انا هدخلهم شوفي انتي شغلك
_ انت عارف دني فيهم قد اي
= يعني انا الي مبحضرش فيه بقالي كتير انتي عرفه تصرفك الغبي ده عمل اي
_ قلتلك زفت من غير قصد انت الي طفل
= انا طفل ! لاء بقي انتي بتسته...
تاتا : باسسسسس في اي انتي وهو صدعتوني
="بحترام " عذرا يا تاتا
_ هو الي غلطان
= يا بت متخلنيش افتح فيكي
تاتا : عرفين لو قلتو كلمه كمان هعمل فيكو اي .. رحمه اتكلمي الاول
_ حاضر يا تاتا ، كنت ماشيه رايحه انضف المكتب وهو راصص الدوسهاات والمشاريع علي المكتب المايه اندلقت بالغلط عليهم وبعد ما عرفه مسكني من التشرت وجرجرني علي السلم وبعد ما خلص راح موقع شاي علي الأبحاث والمذاكره بتعتي وانا سهرنا عليها الليل كلو يبقي مين الي غلطان بقي
= يسلام عيزاني اصدق انك وقعتيها بالغلط يعني مش عيند فيا عشان اتنخقنا الصبح
_ لو كنت عرفه انو هيديقك كده كنت عملتها بقصد
= يا بت متعصبنيش بقلك
_ كلمه كمان وهزعلك
تاتا : اقلكو علي حاجه انا صدعت من خنقتكو طب اهو "تقوم بمسك ازنيهم الاثنين ونزول بهم لاسفل "
_ تاتا خلاص ونبي اييي يا تاتا وداني
= يا تاتا مينفعش كده انا كبرت تاتا
.........في المطبخ
_ "بهمس" احييه
= "بهمس " غباء صح نسيت وربنا
تاتا : يلا ده العقاب وهتكلو كلو
_ تاتا قرن حر فلفل اي بس وكل واحد يكلو اي ده متعرفيش مش انا عندي القولون
تاتا : والله
_ اه حتي اسالي جدي الله يرحمه
= وانا يا تاتا بردو الدكتور مانع عني الفلفل الحراق بقول مضر
تاتا : وانتو مش هتمشو من هنا غير وانتو معتذرين لبعض ووكلين قرن الفلفل ده كلو واذا اسمعتكو تاني بتتخنقوا هوكلو منه تاني يلا بقلكو
وفعلا كلنا القرن كلو ودنا نعيط كده وكنا هنموت وتاتا ربنا ميهدهاش وخلاص علي كده لاء تطلب منا نتصالح كمان ونعتذر لبعض ده الي هو نعم يختييي بس في سري بقي ست كبيره بردك"
= وانا مش هعتذر لحد هيه الي غرقت المشاريع وغلطت من الاول وانا مغلطش في حاجه
تاتا : هحبسك انهرده ومش هخليك تروح السباق
="يقوم بتقبيل راس رحمه " انا اسف يا قمر انتي ... ارتحتي كده يا ست الكل انا ماشي "يقوم بالمغادره "
_"اي الي حصل ده معلش انا قلبي بدق لي هارابيض اثبت يلا " ....
تاتا : تعالي ورايه محتاجين نتكلم
_ ها .. نعم
تاتا ببتسامه ماكره : مالك متثبته في مكانك كده لي ومتوتره عجبتك ول اي ههه
_ احم لاء يا تاتا انتي فهمه غلط وانا مش هسمحه بردو علفكره هو الي غلطان و،....
تاتا : اهدي بس كده وتعالي يلا معايه
_________________ في حلبه السباق
: متاخر 10 دقايق
= عم امين سبني في حالي
: خير في اي تاني
= الزفته مراتي بوظت الملفات وهسهر اكتب فيهم طول الليل وهطبق ومش هكون فايق نهائي
: هههه صراحه معاك حق تدايق
= دي غبيه اصلا انا حرفيا جبت اخري منها وكلو هيطلع عليك انهرده
: يا عم حد بقدر يغلبك اساسا بس المرادي هغلبك اكيد .... المنافسه هتبدا good luck bro
= وريني هتعمل اي ونتراهن علي عشاء سبيسي
_ اتفقنا
= يلاا...
_ ايااد
= امم
_ حلوه مراتي دي يسطا ههه
= "باحراج حاول اخفائه " انا مقصدتش كده علفكره وابعد دماغك الزباله دي عني ويلا نزفت نبدا
_ خلاص يا عم متتعصبش كده يلا
__________ في الفيلا ... عند تاتا
_.....
تاتا :.....
بعد خمس دقائق ...
تاتا : هندنا ساكتين كده كتير
_ احم حضرتك عيزا اي مني
تاتا : عيزاكي تعلمي حفيدي الادب
_ ههه ازاي يعني يا تاتا وبعدان مبتقليش لي انك عرفه اننا بنتخانق وخلتنيتي احور عليكي
تاتا : كنت عيزا اعرف صح لي قولتي انكو كويسين مع بعض وحلوين ومقلتليش الحقيقه
_ جدو مره قالي ان اسرار البيت مينفعش تطلع بره خناقتك مع جوزك او اختك او مامتك مينفعش تتحكي لاي حد غير القريبين منك اوي واعرفي انو الزوجه الصلحه هي الي تحافظ علي خصوصيه البيت وخنقاته وكمان مش عيزا اتعبك معانه
تاتا ببتسامه: تعرفي يا رحمه انا كنت ضد جدا فكره انو يجوز واحد كده جواز صالونات ومبني علي مصلحه بس عشان الشركه اضطرت وحده تكون مغروره ومتنكه وتغيرو للاسوء بعد الجواز بس لما شوفتك غيرت فكرتي تماما
_ زي ما قولت لحضرتك قبل كده مش جو مسلسلات بقي ويحب بطله فقيره وابوه يجوزه بالعافيه من صاحبه الشركه ويرجع للبطله والحورات دي
تاتا : هههه فكرتيني بمسلسل اسمه ادم وجميله كنت بسمعه بيتكلم عن حاجه زي كده
_ ههه وانا كمان بحبه الابطال قمرر ... المهم زي ما قلتلك مش كلنا كدا وانا عشيت معظم وقتي مع جدو وجربت كل حاجه وافتخر بده
تاتا : شفت فيكي الاحترام والزوق والصراحه والادب واهم من ده كلو الجرأه لما كنت بروح مع حفيدي اي مكان او حفله في الشغل كان البنات يتجننو بقي عليه ويجو يكلموني واحنا بنحبك ويبعتولي هدايه عشان اوصلهم ليه ويكسبو رضايه انتي البنت الي وقفت قصاده وتحدته وده اهم حاجه
_ ببس انتي مش عرفه حفيدك يا تاتا كويس وعرفه اننا مش طايقين بعض وهو كمان ... احم مش مهم
تاتا : لاء قولي متخفيش
_ قليل زوق ومغرور ورافع منخيره لفوق ومبحترمش الناس الكبيره وقاسي وعصبي ورخم وبتاع بنات سيكا بس كده
تاتا : بعد اي بقي هو في اكتر من كده
_ والله يا تاتا طلعت كده اوعي تكوني زعلتي
تاتا : حفيدي اياد وحش اه وعصبي وعنيد ومبيتفهمش مع حد بس قلبه طيب جدا بيطلع يطلع وينزل علي مفيش البيئه الي حوليه خلته يفهم كل الناس غلط مكنش حد قريب منه خالص غير امين ابن عمته وعايش حياتو بين الشغل والبنات الي عارف انهم كلهم شبه بعض وبس انا مش هرغمك علي حاجه عرفه انكو مش متفهمين ابدا بس عيزاكي تقفي جمبه تفهمي هو محتاج وحده زيك كده في حياته
_ حاضر يا تاتا هحاول اعمل الي اقدر عليه بوعدك بس لو ضربني همشي وسبلو البيت
تاتا : تعليلي بس وانا اكسر دماغو ليكي
_ تمام كده يا ستي
تاتا : ربنا يهديكو روحي بقي لاحسن يرجع ول حاجه
_ طيب يا تاتا انا همشي بقي "تقوم بالمشي والروجع مجددا " تاتا هو ينفع اطلب طلب
تاتا : اكيد الي انتي عيزاه
________________ الساعه 1 مساءا
_ اهلا بالبيه الي راجع قريب الفجر
= شششش بلاش تتكلمي لان صوتك بديقني
_"بصوت عالي " اهلا بالبيييه اللي را...
= "يقوم بوضع يده علي فمها " مش قلنا شش ول لاء
_ انت شارب قد اي
="يقوم بضم اصبعه الاثنين " والله شويه يدووبك
_ طب فوق كده عيزا اكلمك
= الدنيا زي المرجاحه يوم تحت دن دن دن يوم فوق تيرا تيرا تيرا "يقوم بتطويح حتي يصل غرفته "
_ يبني بكلمك علفكره ومش كل ليله ترجعلي سكران كده وقمر احم اي ده
=......
_ علفكره انا كنت بهزر
= .....
_ الوووو .ده نام فعلا "تقوم بمراقلته " اول مره اشوفه من قريب اوي كده هو انا الي حوله ول هو حلو بجد ... اني اسف انا هروح انام
اليوم التالي......
= يا زفته انا مقلتش متفتحيش الزفت الشبابيك والضوء كده
_ اقعد افطر وعدي يومك
= لو عملتي الحركه دي تاني هطردك بره
_ اهو انت الي بتعمل مشاكل اهو عشان لما قول لتاتا متبقاش تزعل
= بتهدديني يعني
_ اومااال
= شكلك وحشك الضرب تعالي اما اقلك كده
الطباخه : الهانم قالت انها حطاني عشان ارقبكو ولو سمعت اخناقه جديده ابلغها
"يقوم بالجلوس وياكلون في صمت "
"تقوم بالابتسام والمغادره "
= انا خلصت الحمد لله همشي
_ استني هجهز واجي معاك
= تيجي فين ان شاء الله
_ الشركه
= والله لي حضرتك بنبيع لب
_ اي ده هو مقلتلكش يقطعني
= اخلصي
_ مش انا قلت لتاتا اني هشتغل معاك في الشركه ووفقت
= نعم يختي ؟
.........يتبع
احببني بعد زواجنا
❤4
فين التفاعل 💔
_ مش انا قلت لتاتا اني هشتغل معاك في الشركه ووفقت
= نعم يختي ؟
_ ونحمه يا باشا ده الي حصل
= رحمه فكي الدور انا مش موافق
_ بثقه ... وتاتا صحبه الشركه
="يقوم بالجز علي اسنانه " انتي بتتحديني يعني
_ حاجه زي كده
الطباخه : احم احم
= وانا مش موافق يا طنط سميحه ومش هبطل خناق بقي
ترن ترن ترن
تاتا : بنعاس ..اي يا اياد
= اسف يا تاتا لو صحيتك من النوم بس في استفسار بسيييط كده هو.....
تاتا : اه يا اياد وافقت خدها معاك الشركه ووريها مكانها
=بنرفزه .. بس يا تاتا مينفعش هيه بتدريس ومعندهاش خبره واحنا عندنا واحد دارس في امريكا التصميم والدكور
تاتا : الموضوع انتهى يا اياد وخدها معاك واضح سلام بقي عشان عيزا انام
"تقوم رحمه بنظر له ببتسامه وتخرج لسانها "
= اوعي تفتكري عشان تاتا وفقت تبقي بتلوي دراعي افتكري انتي الي بداتي
_ باااي يا كوكو عشان لسه هلبس
="يقوم بتضيق عينيه وينظر لها بغضب "
اجدعاان تاتا دي قمر وربنا كنت هطق لو قعدت اكتر من كده هنا ول شكلو وهو مش قادر يرفض كلمها ههه هموت احم اسكت هسكت
ولاني كان نفسي اشتغل من زمان رتبت طقم خاص بكده لبست قميص اسود علي بنطلون اسود ودخلت القميص من قدام في البطلون وسبته من ورا ولبست جاكت كشميري علي كوتشي كشميري وعملت شعري كيرلي بسيط من تحت وحطيت ميكب ... كرحمه او كاي بنت عمتا اهتمي بنفسك مش عشان حد عشانك انتي ومتخلهاش كل حاجه في حياتك بس خليها جزء من شخصيتك الشخص الي بحس نفسه جميل لنفسه مش لحد وبكون واثق من كده بعيش راضي ودي اهم حاجه ...
_ خلصت يلا
= "بعجاب حاول اخفائه "اي ده انتي هتيجي معايه كده
_ مالو البس
= مش من روجليتي اطلعك كده
_ جو غيران بقي وحمشنه وكده
= ههه ضحكتيني مش استيلي لاء ... خايف للموظفين يخافو منك ول حاجه لما توصلي ويطفشو من الشركه
_ ها ها ها اضحك
= متنسيش اني حذرتك
_" تقوم بنظر له بغضب وتخرج "
............... في السياره
_" بفرح لما يشوفني مديقه ومتعكننه ول كلمه تفتح النفس حتي يا شيخه تبا لك "
= "لي قولت كده بس يخربيت الغباء معقول تفهمني غلط "
بعد نص ساعه ...
_ يلا ننزل
= اولا كده عشان نبقي وضحين وعلي نور اول حاجه محدش في شركه يعرف انك مراتي امين
_ هيكون احسن بردو
= عربيتك الحمره بعت السواق يجبها هوصلك عشان تاتا وانتي تبقي تروحي لوحدك
_..........
= تعطيل في الشغل..اي غلط ..كلام مع الموظفين اعتبري نفسك مرفوده واضح
_........
= بكلمك
_ خلاص يا عم اخلصنا
= هدخل انا وانتي ابقي تعالي ورايه
........في داخل الشركه
اول ما مشي روحت نزله وراه اما كان هيتشل وانا كنت مسخسخه ضحك بس مش دي المشكله عليه داخله لشركه ول مسلسل الحب لا يفهم الكلام حاجه قمررر رحممه فوقي ابت نهارك ازرق اوعي تفهمي نفسك صح ده حلوف
_ مبتسلمش علي الموظفين لي وتقولهم صباح الخير تضحك تقلهم اجبلكو فطار كده
= اممم ولاد اختي هما صح
_ ردك شنجني الصراحه
= ده المشروع جديد ... اي ده مش عيزا تعملي احسن بردو هخل...
_"تقوم بشده والخروج من المكتب "
= بزعيق ... متقولش انك مراتي سمعه
_ خلصنا الله
"وهي تخرج تصتدم بامين "
_ اي يا عم انت متحاسب
: اللله علي القمر ممكن نتعرف
_ لاء دي تبقي تقلها لما تدخل تكلم وحده فيس ... اتحرك من وشي
: اتفضل يا فندم الطريق خالي تحت امرك
ناس رزله صحيح المشكله انو سلم علي السكرتيره بس وهو داخل اروح اقلها انا مراته عشان تبطل تزغرلو كده بالنسيز وعلبه البدره الي هيه حطاها دي ول اخليها تيجي منو عشان تنصدم اكتر ... كم انا شريره انا حقيقي مبهوره بيا ومني لله وبس كده
احمد : انا احمد "يقوم بتقديم يده كترحيب "
_ وانا رحمه اتشرفت جدا مبعرفتك
احمد : هتشتغلي معانه وكده
_ اه في التصميم والديكورات
احمد : تمام لو عوزتي اي حاجه ابقي قوليلي
_ شكرا جدا هتعبك معايه
احمد : اول ما دخلتي كده جزبتي الكل و... امم جزبتيني انا كمان شكلك قمر حقيقي
_ "وده واحد مدلوق وملزق من اول يوم شكلها بدايه مبشره باذن الله " اي ده شايف العصفوره جميله ازاي
"تقوم باظهار خاتم ترتديه "
احمد : حلو الخاتم جدا فضه ول دهب ثانيه انتي مخطوبه
_ تؤتؤ مجوزه
احمد : طيب انا اسف جدا مختش بالي
_ لاء عادي تشرفت جدا
احمد : اه ومتطلوبيش مني حاجه في صلاح بقدم الحاجات هناك تقدري تطلبي منه شكرا "يقوم بالمغادره "
_ اي العالم الي مضروب علي نفخهم خشبه دول انا شكلي هتعب هنا والله
...................
: واتكه
= مين دي
: الي بتبص عليها من شباك الازاز دي وبتكلم احمد
= ها لأ عادي مش ملفته
: يلا يا كداب اول ما الليل يجي هتشقتها انا عارف والله رحمه دي بتصعب عليا
= امين يا حبيبي ... مش عارف اجبهالك ازاي بس دي رحمه
:بخضه ... احيه
= شوفت
: يخربيت القمر يا جدع ها هطلقها امتى بقي عشان عجبتني
= امين انت بتحب تنطرد كل مره بتدخلي صح قول متتكسفش
: انا همشي بكرمتي علفكره مش كل مره هخليك تشتمني وتبهدل برستيجي في الشركه كده وانا اصلا املاكي اقل منك 10 في الميه بس و...
= امين اطلع بره
: حاضر
_______________ العصر
_ "تفتح الباب بقوه " اياد انا اتعبت انتو مبتتعبوش لي
= في حد يدخل كده من غير ما يخبط
_ وربنا هقع انتو مش بنادمين ول اي هو مفيش استراحه بقي وغدا ونقعد ونقول حكاوي زمان وكده
= استراحه اي احنا في مدرسه وبنسبه للحكاوي دي تقولها وانتي قاعده مع خالتك علي النصيه بتكلو لب وسوداني
_ لاء مبحبش السوداني خليها كاجو
= رحمه اطلعي بره ومتدخليش من غير اذن تاني
_"بدموع " هتخلصو امتي طاايب
= الساعه 9 بليل
_ اااه يا دماغي اسكت مش انا بحلم وهقوم القيني في البيت نايمه علي سريري بحترام وادب دلوقتي
= "ببتسامه بارده " بدال انتي مش قد شغل بتعملي فيها سبيدر مان لي
_ علفكره انا الي قدره علي التحدي والموجه وهوريك "تقوم بالمغادره "
="هبله بس كيوت " ههه
السكرتيره : "تقوم بدخول " ممكن ادخل
= تعالي يا هاله
السكرتيره : اول مره اشوفك بتضحك في الشركه يعني او من زمان عموما
= لاء عادي
السكرتيره: عرفها ول حاجه
= هاله حطيتي الورق امشي من سكات ومتساليش في الي ميخصكيش تمام
السكرتيره : اسفه يا فندم مقصدش
= اتفضلي علي شغلك
..........في المساء
_ اتفضل المشروع
= "بستغراب " مشروع اي التصميم
_ اه خلصتو
= لي يختي انشتين
_ يا عم شوفو لو مش حلو قولي
= تمام
_ همشي انا بقي
= اممم
_ اتفضل
= واي دا كمان
_سندوتش
= لي بداتي تحبيني ول اي
_انا شوفتك غلبان قاعد مسكين حزين يتيم مكلتش حاجه من الفطار يعني فقلت اعطف عليك بقولو الرفق بالحيوان فضيله
= "يقوم بحدفها بالدوسيه "
_ اااه براحه يجيك شلل
= مش عايز حاجه
_ علي العموم هنا ابقي كلو ... سلام
___________________
عدا اربع ايام بنروح الشركه وحرفيا بيطلع عين امهم حسبي الله ونعمه الوكيل في الي كان السبب بس اتعرفت عليهم بسرعه وحبوني وفرحت جدا بكده وتعودت علي الشغل ااه يا ايدي ياني
"في وسط الشركه "
= بزعيق في حد يعمل كده انتو فلحين تاخدو مرتبات بس
احد العمال : والله يا فندم رتبتهم وتاكدت كمان بس لسه مدرك الغلطه دي
= مش شغلي انت مهمل ومش مسؤل والي حصل ده مش هعدي بسهوله
احد العمال: انا اسف يا فندم والله انا كنت مطبق ومختش بالي
= لما انت متخدش بالك صاحب المكان مثلا الي ياخد بالو ول هو فلوس ومرتب وخلاص بناخد من جيب ابوكو احنا
_ اي في اي لكل ده
=بزعيق ولف ورائه وانتي مين كمان عش... رحمه
_ في اي يا اياد
= اياد... واضح انك نسيتي نفسك وانتي كمان لسه جيه
_ عذرا يا فندم ممكن اعرف اي الي حصل
= اولا دي حاجه متخصكيش ، ثانيا اعمل الي انا عيزه وانتي متدخليش خالص
_ وانا من حقي اعرف مين الي غلط عشان ادافع
= بصفتك مين بقي
_......
"تظهر دموع خفيفه في عينيها "
= المهم كلو علي شغلو يلا وانت عدل الزفت ده وانتي تعالي ورايه
_ مش هروح في حته
= "بعصبيه "كلمه كمان و....
: اياد خلاص انا هتكلم معاها تعالي معايه
..........في كافيه بجانب الشركه
: "يقوم باعطائها بيبسي "ها هديتي
_ تمام
: متزعليش منه هو كده لما يتعصب ميعرفش قدامه
_ عادي ده مديري في الشغل وانا مش زعلانه منو ده حقه
: ههه مختلفه يا رحمه بس بنسبه لاياد نار وبنزين مع بعض اكيد
_ اي دا انت عارف
: عيب اياد عمرو ما يخبي عني حاجه
_ تاتا بتحكيلي عنك كتير وفرحت اني تعرفت عليك
: مقلنا نتعرف قبل كده قصفتيلي الجبها يرضيكي
_ هههه
: ايوا كده فكي يسطا
_ بس لي كده عمل اي العامل
: طلب منه يرتب المواعيد ويشوف المشروع الجديد ويرتب زوايه البيت ويرسم وجهه جديده ويشرف علي الموظفين ويجبله رقمهم ويعمل عمودين عشان المنتجع الجديد فهو نسي يرسم عمودين فبهدلو في الشركه
_.....
: متنحيش كده عشان بخاف
_ صحبك ده مجنون رسمي
: هههه معاكي حق والله .. هو عصبي ومش متفاهم ابدا بس الشغل عنده حياته والي يقصر فيه بياخد علي دماغه
_ بس ده عذاب لي من 9 الصبح ل9 بليل شغل وكل الطلبات دي فيهم العامل قال انو مطبق كمان مبلقيش وقت يخرج يتفسح يقعد مع عالته وشايل ضغوطات وهم كبير ده هبل
: لو سمعك وانتي بتشتمي هيمرجحك
_ لاء متقلقش انا بتمرجح كل يوم
: هههه يا بخته والله
_ مفهمتش
: قومي يلا عشان ميشكش فينا
_ قوم عشان بقيلو تكه معايه وهفضحو في الشركه
_______________ العصر
ساره : النجفه الي فوق دي مش مريحاني
_ سرسور اشتغلي يا قلبي انتي بتقولي كده كل يوم
ساره : عيب يسطا والله انا متاكده
_ انا جوعت اوي
ساره : وانا كمان والله اطلبي حاجه عبال ما نخلص
_ لاء اطلبي انتي عبال ما اجيب قهوه واجي
ساره: اشطا
ساره بقي موظفه قديمه في الشركه وبتشتغل في تخصص الكمبيوتر وبالبرمجه من الصور والالوان لو عيزين نضيف حاجه او نشيل وكده بقينا اصحاب جدا وحكتلها كل حاجه عني ما عدا اني متجوزه الاخ ... روشه وجديه ودبش وطفسه ولما تقول حاجه اعرف انها هتحصل هتحصل
محادثه واتس ....
= انا خارج اشوف عميل لشركه
_ اممم
= ابقي روحي بالعربيه بتعتك بقي
_ من امتي وانا برجع معاك اصلا
= بقلك يعني
_ طيب
= لسه مديقه
_ ودايق لي حضرتك المدير وانا مجرد موظفه عادي
= ايوا انتي معاكي حق حلو انك مش مديقه طمنتيني
_ ؟؟؟
مفيش شكرا ول انا اسف بتطلع منه هو التقل حلو وكل حاجه بس لما تغلط بروح امك اعتذر واهدا علي نفسك كده ليطقلك عرق انما ابدا هو بيفرح لما اتعب في اعصابي داهيه تاخدك .
: يخي يخربيت الدبش
_ انت هنا من امتي
: قول اسف عادي هتخس
_ بطل تحشر منخيرك في كل حاجه لقطعاهلك
: يا مامي انا خايف
_ همشي وسبهالك مخضره عشان مزعلكش
: غور
"في الخارج وهو يمشي "
احد العملاء : كنت عايز اعرف اعمل دي ازاي لو سمحت يا فندم
_ بص انت حاول تعملو علي system معين ووفر طاقه و.....
"يقوم بالتحدث والنجفه فوقه...ينقطع الحبل وتقع "
_ "بخضه "ايااااااد حااسب
"تقوم بابعاده وتخبط في المكتب وتجرح ذراعها من شده الاندفاع "
= رحمه انتي كويسه !!
_....
يتبع
تعليقات
إرسال تعليق