 |
البارت التاني 💥 بقلم ✍️ سلطان زماني
وبعدين يا ابو علي اي الي حصل ؟
أنا لساني اتلجم مش عارف اي الطريقة والأسلوب الي بتتكلم بيه ده جديد عليا
عمري ما حد كلمني كده بعد ما سكت كام دقيقة وانا عمال
الصلاه بزهول
قولتلها يعني انتي لو لقيتي محادثة بيني وبين وحده قربتي
وبتكلم وبجيب سيرتك وبغلط وبنتريق عليكي مش
هتزعلي ولا هتضايقي
قالتلي كلام اي ده الي ضايقك
قولتلها ع موبيلك افتحي واقريه يا هوايد
قالتلي مبديا كده انا حذفت كل حاجه ومكنش في الي بتقول
عليه ده
هو كان بيعزمني علي العيد ميلاد وانا قولتله هشوف
حسن لو وافق هاجي معرفش اي بقا الحواديت الي بتلفها دي
وتاني حاجه انت ملكش حق تفتش في بموبيلي هو أنا بمسك
بموبيلك ولا اعرف انت بتعمل اي ولا بتكلم مين
اتعصبت قولتلها انتي ازاي تمسحيهم وانتي فاكره لما
تمسحيهم من موبيلك يبقا خلاص يعني مغلطتيش
والمفروض أنا كمان امسحهم من دماغي
وبعدين أنا موبيلي انتي بتمسكيه برحتك وأوقات بتلعبي
عليه انا مش بعمل حاجه غلط ياهوايد علشان اخاف منها
ومن امتي واحنا بنداري أو بنخبي عن بعض حاجه
قالتلي مفيش حد بيصحي حد من النوم ع زعيق وخناق
وانت يا اما قريت الكلام غلط يا اما فهمت الكلام غلط أنا
بحترمك وبخاف ع زعلك ولو شايفه انك مش راجل ومش
مالي عيني مكنتش اتجوزتك ياحسن
أنا افتكرت كلامها الي كانت كتباه ل ابن عمها لما قالتله
"هو يعني كان في غيره وانا قولت لا "
مرضتش افتح تاني كلام في الموضوع الزفت ده
قولتلها أنا قولتلك قبل كده اني مش بحب اني يكون ليكي
علاقة بقرايبك أنا بحبك وبغير عليكي واظن اني ده حقي
وتعاملك معاهم هيسبب مشاكل
وتاني حاجه الاسلوب الي كلمتيني بيه ده عيب ياهوايد
مفيش ست محترمة ترد ع جوزها كده ولا تكلمه بالاسلوب
ده هزت راسي وقالتلي ماشي ماشي وصلحتني ودخلنا
الاوضه نمنا
مفيش شهرين بالظبط وبقت تقولي أنا زهقانه ومخنوقه أنا
مش هفضل قعده لوحدي بقيت ارجع من الشغل أخرجها لحد
ما عرضت عليا اني إجر شقتي الي قاعدين فيها وتاخد
الايجار ندفعه في شقة نخدها جنب امها قولتلها اسيب ملكي
واقعد بالإيجار وبعدين ما انتي بتروحي لماما كل اسبوع
قالتلي أنا مش مرتاحه هنا قولتلها شيلي الموضوع ده من
دماغك ده لايمكن يحصل أي يقعدني في منطقة شعبية ده
انتي لما بتروحي ل امك كل اسبوع بكون قلقان عليكي جدا
ولما باجي اخدك من هناك بشوف حاجات في المنطقة دي
غريبة ناس بتبيع مخدرات في الشارع وعيال كده شكلهم
سوابق بلطجيه
قالتلي قصدك يعني أننا ناس بيئة ومش من مستواكم
قولتلها لا أنا مقصدش كده ياحبيبتي انتي فهمتي غلط
طبعا اتقمصت ومن بعدها ومعاملتها ليا اتغيرت جدا جدا
وبقت بتلكك ومن اقل حاجه تتعصب ومنتهي منتهي البرود
لا بتستناني نأكل مع بعض واول ما اوصل البيت تحضرلي
الاكل وتدخل تنام ومش بتقعد معايا ولا نتكلم زاي الاول
وبتفتعل اي مشكلة وتكبرها وتروح تغضب باليومين
والاسبوع كمان وانا كنت اروح اصالحها رغم اني مش بكون
غلطان بس كنت محتاجها واتعودت علي وجودها في البيت
ومش بعرف استغنا عنها زيها كده
فضلنا علي الحال ده كام شهر لحد ما حصلت مشكلة
كبيرة وراحت غضبت وفضلت شهر قاعده في بيت اهلها وانا
مش بسال ولا مهتم وعايش حياتي بين شغلي والبيت حتي
اهلي كنت مخبي عليهم أنها غضبانه وعمري ما حكيت لحد
حاجه علي الي بيني وبينها
يتبع 💥 عارف البارت صغنن بكره أن شاء الله اعوضهالكم ياحلوين ♥️
تعليقات
إرسال تعليق