 |
البارت الثالث 💥 بقلم سلطان زماني
مع طول الغياب وحشتني وكنت خايف البعد يخليها تعند اكتر
وتتعود علي بعدي رحت زورتهم في البيت
ودي كانت أول مره اكتشف انها بتحكي ل أهلها كل حاجه بنا
وكمان اخدت بالي من ضعف شخصية ابوها تقريبا كده
ملوش كلمة الكلمة كلمتها هي وبس حتي امها مش بتعمل
حاجه عكس رغبة بنتها
باباها قالها يلا يابنتي لمي حاجتك وروحي مع جوزك قالتله
أنا مش رايحه مع حد لو عايز تروح معه انت روح
اخوها وخالها ضحكو وانا مستغرب جدا ومكسوف من كلامها
ونظرتها ليا كلها غل مش طبيعي ولا اكني قاتلها قتيل
مش عارف القسوة والكراهية دي جبتها منين وسببها اي
وازاي متحترمش باباها ولا أهلها معرفتش اخد معها حق ولا
باطل وعايزه تطلع نفسها معها حق بالكدب والخداع
وعماله تستفزني علشان افقد اعصابي واغلط وانا ماسك
نفسي ع الاخر علشان بحبها وردي وكلامي هيزود عصبيتها
وهيعقد الموضوع ومش هترجع وانا بصراحه كنت محتجلها
اوي علشان كده عديت الموضوع
قولتلها انتي اي الي يرضيكي ياهويدا
قالتلي تخدلي شقة جنب امي هنا وتحترم نفسك معايا
قولتلها احترم نفسي معاكي ازاي مش فاهم
قالتلي تبطل شك وغيره وعملتي وخرجتي ورحتي وقولتي
ولبستي وكلمتي أنا وحده بتحترم نفسها قبل ما تحترمك
واحنا فيها ياحسن
لو شايفني مش محترمة وست مش
كويسة طلقني إنما أنا مش هعيش في جو الحبسة والتعقيد
ده تاني انت معندكش ثقة في نفسك أنا بقا ذنبي اي ؛
قولتلها انتي مش شايفه نفسك انك بتستغلي الموقف
ياهويدا وكل ده علشان منعتك انك تكلمي اولاد خالتك
وعمك
وبقول لحمايه هو غلط ياعمي اني امنع مراتي أنها
تكلمهم
رد خالها وقالي وتمنعها ليه هو انت فاكر انك هتخاف
عليها قدهم
وحتي لو همنع مراتي يبقا بالحب وبالرحه مش
بالضرب والشتيمة وامك وابوكي قولتله ضرب اي وشتيمة اي
ياحاج
قالي أنت مش اخر مشكلة دي ضربتها وشتمتها
قولتله مين قالك كده قالي هي وبصلها قالها ما تنطقي يابت مش ضربك
قالت اه كان عايز يكتم نفسي في مره ومره تانيه زقني جامد
ووقعني ع دماغي ودماغي كانت هتتفتح وبيقعد يقولي أننا
ناس بيئة ومش من مستواهم وكلام كتير كده بصتلها بقرف
وقولتلها أنا عملت الي انتي بتقولي عليه ده قالتلي بكل
بجاحه اه انهرت وفقدت اعصابي غصب عني
وقولتلهم دي كدابه انتي يابت مريضه ولا مالك أنا ساكت
بس علشان لسه باقي علي الحب والعشرة إنما أنا مش اهبل
ولا عبيط انتي بجحه اوي وملعون ابو ام الحب الي
بحبهولك وانا هدوس علي قلبي لو حن تاني ليكي
قالتلهم شايفين اهو طول ما أناعايشه معه ع ده الحال
تهزيق واهانه وشتيمة وقلة ادب بصتلها بقرف وقولتلها
انتي مش مكسوفه من نفسك بجد ع العموم برحتك واضح
اني القاعدة عجباكي خليكي يا هويدا وسبتهم ومشيت
نزلت وانا حزين جدا وقلبي وجعني من كلامها واني
مروحتش معايا رغم الي قالته ده والي عملته والي لسه
بتعمله برضو لسه بحبها ومش عارف اكره ولا استغنا عنها
زيها وبسال نفسي هي انهي في الشخصيتين الحنينه والي
بتفهمني وبتحس بيا من غير ما اتكلم النسمة الي عرفتها قبل
الجواز ولا هي سليطة السان والكدابه والمستفزة الي معايا
دلوقتي ..طب هي علشان ضمنت وجودي وحبي ليها بتعمل
كده ولا ده اصلا طبعها وكانت بتخدعني وبتغشني فضلت كذا
يوم عقلي مش مبطل تفكير فيها ولا في الي عملته وقلبي
كمان وجعني اوي وحاسس بخنقه في غيابها كنت لما اتصل
بيها تتعمد قبل ما ترد تشغل اغاني بصوت عالي وتعرفني أنها
كانت بترقص وأنها بتنزل وبتخرج برحتها واني حياتها مش
وقفه عليا وأنها احسن من غيري ولما كلمتني اختها رباب
الأكبر منها وأشتكيت ليها قالتلي هي اكيد بتدلع عليك أو
بتتظاهر بكده بس هي من جواها اكيد تعبانه جدا ومتاثره
ووعدتني أنها هتعقلها وترجعها لصوبها
يتبع 💥
البارت الرابع من هنا هنا
تعليقات
إرسال تعليق