 |
البارت الاول 💥 بقلم ✍️ سلطان زماني
حسن ..كنت اروح معها نزور حماتي عادي اوصلها واطلع
اسلم عليهم القي خالها وولاد خالها قاعدين بالبوكسرات
عندهم وحاجه بنسبالي غريبة عمري ما شفت كده عندنا
كنت اتخض واقولها مينفعش تقعدي معاهم
تقولي انها بتقعد في الاوضه جوه مع اختها وبنت خالها
لوحدهم ودول اصلا زاي اخواتي
اقولها معلشي أنا مش بحب الكلام ده تقولي والله والله مش
هتنقل من الاوضه ومحدش هيشوفني
كنت بصدقها لحد ما بعد كام شهر لقيت بينهم محادثة ع
الواتس اب بينها وبين ابن عمها كان بيعزمها ع عيد ميلاد
ابنه وهي بتقوله مش عارفه حسن ممكن يوافق ولا
رد عليها وقالها والنبي حسن بتاعك ده محسوب علينا راجل
بالاونطه ؛
مزعلنيش كلامه ياسلطان قد ما زعلت من ردها وكلمها هي
قالتله هو يعني كان في غيره وانا قولت لا اهو الي كان
موجود وضحكهم وتريقتهم عليه صدمتني
ولقيت كمان عاملين جروب هي وعيلة امها كلها رجالة ع
ستات وكلام وفوايسات بيئة اوي وانا اصلا مكنش في
ضميري والله اشوف ولا كنت شاكك فيها ولا ده من طبعي
اني اشك أو اغير أو اخون حد
اخدت موبيلها علشان اعمله صامت كنت بلعب جيمز وهي
كانت نايمة والموبيل محطوط جمبي وانا بعمله صامت جيه
اشعار واتس اب علي الشاشة من برا دخلت شفت كل ده
صحتها طبعا وزعقتلها وقولتلها اي ده وأزاي تتكلمي عني كده
لقيت منها وش وأسلوب وشكل تاني اول مره اشوفه
اتحولت 100 درجة بترد عليا وبتزعق وبتصوت
بقرب منها وبحط ايدي ع بقها براحه علشان صوتها عالي
وبقولها اسكتي هتفضحينا اي البجاحه الي انتي فيها دي
لقتها خربشتني وزقتني وقالتلي ابعد بعيد عني انت عايز
تموتني بتراقبني ووتفتح موبيلي ليه انا عارفه الحركات دي
كويس
تلاقيك شيفلك شوفه وزهقت وبتتلكك وعايزة تطلعني
غلطانه والسلام
فيها أي لما اهزر مع ابن عمي هو شتمك ولا جاب سيرتك
اصلا وأزاي تتجراء وتمد ايدك عليا ودين النبي لقطعهالك كل
ده أنا عمال اتفرج عليها وقسما بربي مش مصدق ولا فاهم في أي
عامل زاي الي غمض عينه وفتح لقه نفسه وسط صحراء
ولوحده
قولتلها أنا قريت المحادثة اكتر من مره والجروب كمان انتي ازاي تفهميني حاجه وانتي بتعملي حاجه تانيه
قالتلي في أي مالك هو انت دخلت لقتهم نايمين معايا في سريرك
هو ملقوش في الورد عيب قالو احمر الخدين
يتبع ..التفاعل بتاعكم محبط جدا يالي تنشكي منك ليها 😘
تعليقات
إرسال تعليق