 |
أحببت بكماء ( 〽️ 1_2_3)
يعنى ايه ؟! عايز تجوزنى غصب يا جدى هو انا بنت هتغصبها ؟!
"وقف بعصبية عيونه حمرا و بيواجه جده اللى قاعد بهدوء ساند على عكازه بوقار "
" جده بقوة و حزم " والله عال يا سي مروان كبرت و صوتك اخشن و بقى يعلى على جدك
" كتم غضبه و اتكلم بحرج " انا اسف يا جدى مش قصدى بس اللى انت بتقوله دا يستحيل يا جدى ف زماننا دا مفيش بنت بيجبروها ع الجواز مش راجل
" وقف بصرامه و اداله ضهره " و لما يبقى الراجل دا مش عارف مصلحته يبقى لازمله حد يعرفه
" رفع حاجبه بزهول " تقوم تجوزنى لا و مش اى حد دى فلاحة بقى انا اللى الف بنت تتمنانى و بيجروا ورايا اتجوز على اخر الزمن فلاحة !! لا كمان خرسة ؟! و جيلان حب حياتى انا كنت خلاص بخطط اتقدملها و كنت جاى اقولك على قرارى
" بسخرية " جلات ايه ديه !! دا حتى اسمها ماسخ شبه خلقتها بنت مايعة زى الاكلة اللى ناقصة ملح ما لهاش طعم
" بضيق " يا جدى اسمها جيلان جيلان مش جلات و بعدين يا جدى عجبانى و بحبها
" بصرامه " حبك برص .. اللى انا قولته هو اللى هيتنفذ هتتجوز العروسة اللى اختارتها و مش عايز دلع ماسخ
" باحترام " لا يا جدى اسف انت عارف انا قد ايه بحبك و بحترمك و انفذلك اى طلب بس دا بالذات مش هقدر انفذ رغبتك
" رفع عكازه ف وشه بتهديد " ما هو اسمع بقى يا تتجوزها يا انت لا حفيدى و لا اعرفك و اعتبر ان جدك مات
" قرب منه يقنعه " بس يا جدى
" اداله ضهره و قاطعه بحزم " مبسش انا قولت اللى عندى يا تتجوزها و تبقى حفيدى اللى بفتخر بيه يا تعتبرنى مت
" اتراجع بضيق و خرج من الثرايا بسرعة ركب عربيته و خرج يلف بيها ف البلد بضيق يفكر ف كلام جده و سرحان فجأة لقى بنت بتجرى قدامه حاول يوقف العربية بس ما لحقش و خبطها "
" نزل بسرعة بضيق يشوفها لقاها قاعدة ع الارض ماسكة رجلها و بتتوجع و مغطية راسها و وشها بشال و مش باين غير عيونها قرب منها بعصبية و زعق "
انتى ما بتشوفيش عامية
" بصتله بخوف و توتر .. اتعلق بعيونها لونها غريب مش عارف يحدد لونها و خصلات من شعرها البندقى بتداعب رموشها .. وقف مكانه مش عارف ينطق عيونها اجمل من اى بنت شافها ف اوروبا و يكاد يجزم انها اجمل من عيون جيلان .. جيلان !! جيلان اجمل بنت و اللى الرجالة كلها تموت بس عشان نظرة منها بل ما فيش اوجه مقارنة بينهم اتمنى يزيح الشال عن وشها يشوفها .. لحد هنا و فاق من تفكيره "
" لقاها لمت الفاكهة اللى وقعت منها بسرعة و هى بتتلفت وراها خدت الفاكهة و سابته و جريت "
" ابتسم ابتسامه لعوب " شكلنا هنتسلى كتير هنا
" ركب عربيته و رجع ع الثرايا بعد ما قرر يوافق على العروسة ارضاءا لجده و مفيش مانع يتسلى شوية معاها تحت نطاق شرعى "
" ضحك على تفكيره الخبيث و دخل الثرايا يصفر و راح لجده اوضته "
جدى
" بثبات " اتمنى تكون جايب رد يسعدنى
" قرب منه و على وشه ابتسامة " انا موافق يا جدى كله الا زعلك
" مسك ايده و طبع عليها قبله احترام و حب "
" جده بابتسامه رضا طبطب على كتفه " كنت متأكد انك هتوافق و صدقنى مش هتندم ابدا .. انهاردة باذن الله هنروح نشوف البنت و نقرأ الفاتحة و الفرح بعد اسبوع
" بابتسامه غامضة " اللى تشوفه يا جدى اما حاحة رضاك
" سابه و مشي و هو بيخطط للى جاى و على وشه ابتسامه خبيثة و جده بيتمتم بالادعية و فرحان انه وافق "
" جه الليل و راحوا للعروسة و قاعد بلا مبالاه و فجأة سمع صوت زغاريط .
دخلت و ف ايدها صنية شربات و لابسة فستان بسيط يشبه الفساتين المنتشرة ف الارياف و على راسها شال شفاف و باين خصل من شعرها
قربت منهم تقدم الشربات و عيونه متابعها بتسليه و مركز مع تفاصيل جسمها من اول ما عينه وقعت عليها لحد ما قربت منه تقدمله كوبايته و اتلاقت عيونهم اتصدمت و فضلت متوترة لا يعرفها بس فات الاوان عرفها من عيونها زى البصمة مالهاش مثيل اتبدلت ملامح الصدمة على وشه بابتسامه خبيثة
" قطع نظراتهم صوت جدتها و هى بتزغرط "
قعدت ف وسطهم بتوتر خايفة لا يتكلم او يكون عرفها
" جده ' سليمان " طب نسيب العرسان شوية
" جدتها بلهفة " اه طبعا امال اتفضل يا حاج من هنا
" خرجوا و سابوهم و هو بيراقبها بتسلية و اتكلم "انتى بقى الفلاحة الخرسا
يتبع...
"حط رجل على رجل و اتكلم بغرور مخلوط بالسخرية "
انتى بقى الفلاحة الخرسا
" قام وقف و لف حواليها يبصلها بتقييم و على وشه ابتسامة بتسلية "
مممم .. لا بس حلوة
" بصتله بخوف و سكتت "
" وقف قدامها و انحنى لمستواها مسك خصلة من شعرها لفها على صابعه "
و شكلنا هنتسلى كتير الفترة الجاية .. هو صحيح حدى غصب عليا الجوازة دى و مضطر اوافق و بالمرة اضيع وقت الفترة اللى قاعدها هنا مع واحدة حلوة و الاقيها وقت ما انا عايز و الاهم قدام جدى من غير ما اخاف منه انه يعرف انى كنت بايت مع واحدة او غيره و ليستة الاخلاق و القيم و المبادئ اللى بسمعها .. مش قادر يفهم انى زى الطير ماليش عش ثابت احب اقطف من كل شجرة ثمرة مش عايز اعيش على ثمرة واحدة " ضحك و مشى ايده على وشها بوق'احة " دا حتى الواحد يزهق و انا بحب التغيير
" بصلها و كانه لسه متفاجئ و اتكلم بسخرية " و لا صحيح انا بكلم مين واحدة لا بتسمع و لا بتتكلم
" ضحك بصوت عالى " بس ايه لُقطة لا و حلوة يعنى مفيش مانع اقضى معاكى يومين واسيبك و محدش يقدر يلومنى
" سند على ايد الكرسى اللى هى عليه و وشه مقابل وشها " مبروك عليكى انا يا .. يا عروسة
" دخلت جدتها تطمن عليهم " هاه يا ولاه اتفقتوا ؟!
" اتعدل ف مكانه بسرعة و رسم ملامح البراءة على وشه و اتكلم بود و بشاشة " ايوا يا جدتى .. احم تسمحيلى اقولك يا جدتى عادى
" ليلى رفعت حاجبها بتعجب من تغيير ملامحه من الابتسامة اللعوب و اللى لا تبشر بالخير او سلامة نية صاحبها لابتسامة بشوشة و ود "
" قربت منه بفرحة و ود طبطبت على ضهره " يا نهار الهنا و النبى طالعة من بوقك زى السكر
" ابتسم بود مصطنع " تسلميلى يا جدتى والله ما حد سكر غيرك
" دخل سليمان بهيبة " ايه يا مروان نحدد ميعاد الفرح الاسبوع الجاى
" قرب منه باس ايده باحترام " اللى تشوفه يا جدى
" فرحة ملت البيت بالحفيدة اليتيمة الى الجدة معتقدة ان خلاص طاقة القدر اتفتحتلها بعد معاناتها و انها هتبقى ف عصمة راجل .. و مش اى راجل دا زينة شباب بلدهم مال و جاهو جمال مزيج بين ملامح ابوه الاسمرانى و ملامح اقل ما يقال عنها وسيمة و زادها لونه الاسمر حلاوة فوق حلاوته و لون امه الابيض و الشعر المائل للاصفر و العيون الاخضر كان ناتج مابين الرجل الشرقي الاصيل و الام الاوربية الجميلة .. و رغم كل البنات اللى هتموت على نظره منه فضل حفيدتها عليهم "
فات اسبوع بين التجهيزات للفرح و خوف ليلى و بين مروان اللى كل ليلة مع بنت شكل ف الليل و الصبح بيجهز لفرحه عشان جده .. بالرغم من انه صاحب هيئة اوروبية و كمان اخلاقهم بس ف الاخر حبه لجده يفوق دا كله
جه الليل و الاحتفال بالعرسان اللى اقل ما يقال عنه فرح اسطورى يليق بالحفيد الاكبر و الاوحد لعيلة الرفاعى
حسد غيره حب فرحة خبث خوف دى كلها مشاعر موجودة من الحاضرين
الخوف ف قلب ليلى زاد من ناحية مروان نظراته ليها من وقت للتانى مصحوبة بالكلام و الهمسات لا تبشر بالخير و لا سلامة نيته
ودت لو تسيب الفرح و تجرى تهرب منه و من نظراته و لمساته اللى محدش واخد باله و لا حاسس بيها غيرها
" اتنهدت بعمق و شجعت نفسها " اهدى يا ليلى هتعدى الليلة عشان فرحة جدتك
خلص الفرح و زفوا العرسان لجناحهم ف الثرايا
دخلت ليلى الاول بخوف مسحت الاوضة بعيونها تستكشف المكان المكون من غرفة معيشة فيها كنبة و كرسيين يتوسطهم ترابيزة و شاشة كبيرة مع بعض اللوازم و باب خمنت انه اوضة النوم و صل تفكيرها لهنا و قلبها دق بخوف
فاقت على ايد بتشدها بعنف ناحيته و ملامح العصبية على وشه
" بزعيق و هو بيهزها بع.نف " هو انا مش بكلمك ايه طرشة ؟!
" اتكومت على نفسها بخوف "
" زقها و ملامح وشه هديت " اه صحيح ما انتى طرشة فعلا انا نسيت
" ختم كلامه بضحكة و سابها و اتجه للكنبة و بيقلع جاكيت البدلة .. قعد و بصلها مستنيها تقعد جنبه لكن لقاها واقفة مكانها بتبصله و بس
" رفع حاجبه " واقفة ليه ما تيجى تقعدى
لا رد و كأنه بيكلم نفسه
" قلب عينه بملل " طب دى الواحدة يتعامل معاها ازاى دى هووف
" شاور بايده على الكنبة جنبه انها تقعد بردو مفيش اى رد فعل منها .. وقف بعصبية. قرب منها مسك ايدها " ما هى مش طريقة دى لما اول ليلة و تعبانى كدا امال هتعمل ايه بعدين
" حسس على وشها برغبة " بس تصدقى انتى حلوة اوى ما اظنش شوفت واحدة ف اوروبا ف جمالك .. امم كنت ممكن اتجوزك و اسيبك على زمتى ارضاءا لجدى بس للاسف ما يشرفنيش ان واحدة فلاحة جاهلة تبقى على اسمى لا ومش بس كدا دى كمان خرسا
" ختم كلامه و طبع قبلة على رقبتها و بعد .. حط ايده على كتفها ينزل الفستان " ما تقلعى الفستان دا مالوش لازمة
" حاول يزيحه و لكنه اتفاجئ بنفسه واقع ع الارض
تفاعل حلو و انزل التالت علطول🕊️❤️
أحببت بكماء ( البارت التالت )
حط ايده على كتفها ينزل الفستان " ما تقلعى الفستان دا مالوش لازمة
" حاول يزيحه و لكنه اتفاجئ بنفسه واقع ع الارض بسبب دفعها ليه و جريت على الاوضة اللى ف الجناح .. قفلت على نفسها الباب بالمفتاح و سندت على الباب تتنفس بخوف "
" فضل باصص للباب بصدمة من جرئتها .. فاق من صدمته و قام بسرعة و اتجه للباب بعصبية و خبط عليه جامد كأنه هيخلعه "
افتحى الباب .. افتحى الباب بقولك .. انتى يا حيو.انة
" يأس من انها تفتحه و وقف بعصبية و ايده ف وسطه " و بعدين مع المتخلفة دى لو فضلت للصبح اخبط و لا هى هنا حتى لو انطبقت السما على الارض
" بص للباب بعصبية " مهو مش معقول يبقى معايا الجمال و الحلاوة دى كلها و انام ع الكنبة هى الليلة يعنى الليلة .. طب و العمل مفيش حل غير انى اكسر الباب
" اتجه للباب و هو مقرر يكسره لكن اتراجع ف اخر لحظة " لو كسرته اكيد هيعمل صوت و جدى هيعرف و هعمل بلبلة على الفاضى
" ابتسم بخبث " اللى خلانى استحمل اسبوع استحمل ليلة كمان
" اتجه للكنبة و قلع القميص و اتمدد
عند ليلى كانت واقفة ورا الباب و هو بيترزع من كتر خبطه و مع كل خبطة جسمها يتنفض .. اول ما الخبط هدى اتنهدت و اتجهت للمراية قعدت قدامها و قلعت الطرحة و هى بتبص لانعكاسها ف المراية و بتقرر هتكمل حياتها معاه ازاى .. قدرت انهاردة تهرب منه بس يا ترى هتقدر بكرة ؟! .. و لا بعده .. و لا بعده اتنهدت و قامت غيرت فستانها و خدت دش و نامت و سابت بكرة لبكره بهمومه
فضل يتقلب ف مكانه و بيحاول ينام بس معرفش .. اتعدل ف مكانه و مسك الفون و اتصل برقم
جاله رد من الفون التانى ابتسم بفرحة
Hi Gilan, I miss you ( هاى چيلان وحشتينى )
......
Can we meet now? ( ممكن تقابلينى دلوقتي )
......
Yes yes I miss you so much my love and I want to see you right now ( نعم نعم وحشتينى جدا يا حبيبتي و عايز اشوفك حالا )
......
OK
انهى المكالمة و على وشه ابتسامة قام لبس قميصة و لبس كاب يخفى وشه و اخد مفاتيح عربيته و موبايله و خرج يتسحب من الثرايا ف عتمة الليل
الساعة 5 الصبح داخل مروان الثرايا و بيتسحب زى ما خرج و بيتلفت حواليه خوفا من ان جده يكون صاحى .. اتنهد لما ما لقاش حد و طالع السلم
استنى عندك
" غمض عيونه بعصبية و نزل رجله اللى كانت بتخطى اول سلمة .. لف يواجه جده "
ايوا يا جدى
" قرب منه و اتكلم بحزم " كنت فين يا يا عريس
" اتوتر و اتهرب من عيون جده " احمم كنت بشرب يا جدى
" بص على هدومه و رجع بصله " نازل تشرب ب بدلة فرحك لا ولابس كاب كمان ايه خايف تستهوى
" قلب عيونه بملل " جده من فضلك بلاش تريقة
" خبط بعكازه ف الارض بعصبية " تريقة ! عريس لليلة دخلته راجعلى بعد الفجر يتسحب زى الحرامية ببدلة فرحه و انا اللى قولت الجواز هيصلح حاله بس الظاهر مفيش منك رجا .. بقى سايب عروستك حلالك ليلة فرحكوا و رايح لحضن واحدة تانية ف الحرام بس هقول ايه هتفضل طول عمرك تحب الرمرمة و الرخص عمرك ما تروح للغالى
" بعصبية " و هى اللى فوق دى الغالى من وجهة نظرك .. مجوزنى فلاحة جاهلة و لا بتتكلم و لا بتسمع اكلمها ما الاقيش اللى يرد عليا و لا اللى بكلم نفسي زيها زى البهي.مة بالظبط
" قلم نزل على وشه قطع كلامه .. بص لجده بصدمه اول مرة ف حياته يرفع ايده عليه .. اول مرة ف حياته ينضرب عموما لطالما اتعود ان كل طلباته مجابه و انه مجرد ما يعترض و يستعطف مشاعر الحب المكنونة ليه و تنفذ كل طلباته فجأة ينضرب بالقلم ! و عشان مين عشان الفلاحة الجاهلة دى ؟!
" جده كان واقف يتنفس بعصبية " يظهر ان امك و ابوك دلعوك زيادة عن اللازم و عيشتك مع الخواجات خلتك بارد زيهم ما عندكش احساس .. اللى انت بتغلط فيها دى بنى ادمة زيها زيك و احسن منك كمان ع الاقل هى بتحس مش زيك و عندك حق انا غلطت لما جوزتهالك بسمش عشانك لا عشانها هى .. محدش اتظلم ف الجوازة دى غيرها هى تستاهل واحد احسن منك
" هز راسه بيأس و حسرة و سابه و مشي "
على الناحية التانية كانت واقفة ليلى فوق تراقب اللى بيحصل و دموع نازلة من عيونها من غير ما تحس .. مسحت دموعها بسرعة اول ما لمحت مروان بيبص ناحية الجناح بتاعهم و طالع .. جريت بسرعة و دخلت الاوضة و قفلت الباب تانى بالمفتاح "
طلع مروان و قفل الباب وراه و هو لسه ف صدمته بص لباب الاوضة المقفول بغضب و قعد ع الكنبة
بعد شوية خرجت ليلى من الاوضة بعد ما لبست عباية بيتى مخصصة للصباحية و فردت شعرها على ضهرها و اكتفت بلمسات رقيقة من الكحل والروج
اول ما شافها وقف مكانه من الانبهار بيها جمال اوروبى بلمسات عربية ريفية زادتها جمال
فاق من انبهاره و حمحم يرجع وقاره و يخلص من سحرها عليه و احتلت معالم الغضب ملامح وشه .. قرب منها بعصبية و مسكها من مرفقها بعنف
انتى ازاى تزقينى و تقفلى الباب امبارح بقى انا مروان انام على الكنبة و واحدة زيك انتى تجرأ و تبعدنى عنها
نفضت ايدها منه بقوة و ملامحها كلها ثقة و بصتله بتحدى استغربه منها او بالاخص واحدة ف حالتها
كانت على وشك تتخطاه وتنزل مسك ايدها و منعها و قرب منها يطبع قبله على شفا.يفها بقوة و عصبية و حقد و شهوة مشاعر كتير متلغبطة بس اكيد كلها مش ف صالح ليلى
شكرا على التفاعل القمر زيكوا ❤️
تفاعل حلو بقى عشان انزل اللى بعده بسرعة و على فكره الرواية مالهاش مواعيد متوقفة على تفاعلكوا التفاعل حلو بكتب اللى بعده علطول و انزل ❤️
#أحببت_بكماء
#البارت_التالت
#بقلمى_هاجر_عمر
البارت الرابع والخامس من هنا هنا
تعليقات
إرسال تعليق