 |
الفصل الاول
يونس بعصبيه: مستحيل ياجدي نسمة اي الي هتجوزها دي مش نسمه دي فيل ومش كده وبس ده شبه الرجاله باللبس ال بتلبسه ده
الجد بعصبيه : احترم نفسك يايونس دي بنت عمك
يونس : انا اسف ياجدي بس انا مش هقدر اتجوزها وبعدين مش هينفع انا هخطب سالي وبعدين اشمعنا انا ماتخلي مراد
الجد: مينفعش مراد انت عارف انه بيحب مي اختها
يونس : طبعا عشان خاطر قلب استاذ مراد ميتكسرش قلبي انا في ستين داهيه و انا الي اشيل الليله واتجوز البتاع دي لا ياجدي مش موافق
الجد : قولتلك احترم نفسك واتكلم بأسلوب كويس عن بنت عمك لو موافقتش لا انت حفيدي ولا اعرفك وهتخرج من هنا ومشوفش وشك وابقي اعتمد على نفسك بقه وخليك مع اصحابك الصيع وهه خليك مع سالي الي بعدين هتعرف معدنها الحقيقي روح قولها يلا انا فلست شوف هقولك اي
يونس : انت بتطردني من البيت عشان الحيوانه دي واكمل وهو يفكر في شيئ : ماشي ياجدي انا موافق
الجد : كنت متأكد انك مش هترفض ليا طلب
يونس بغموض: طبعا ياجدي
الجد : طب يلا روح جهز نفسك عشان كتب الكتاب بالليل
يونس : ماشي ياجدي
ثم اتجه لينفذ ماجال برأسه.....
في مكان آخر
نسمة بفرحه : انا مش مصدقه يامي اخيرا يونس هيبقي من نصيبي معقوله كان بيحبني بس ليه المعامله الي كان بيعاملها ليا دي بس مش مشكله المهم ان بقى نصيبي اخيرا ربنا استجاب دعائي
مي بفرحه : ربنا يسعدك ياقلبي انتي تستاهلي كل خير ياعيوني يلا يلا عشان نجهز معتش وقت
قامت نسمه بسعاده وقالت : يلا
بعد وقت انتهوا من تجهيز أنفسهم ووقفت نسمه امام المرآه وتنظر لشكلها
نسمه: حلو الفستان يامي ولا شكلي وحش
مي : انتي قمر يانسمه
نسمه بإبتسامه متألمه: متجاملنيش انا عارفه شكلي كويس وشايفاه متحاوليش تديني فكره تانيه
احتضنتها مي وقالت: نسمه حبيبتي انتي جميله جدا ومش محتاجه تثبتي لحد المهم انتي شايفه نفسك اي ثقي في نفسك ياحبيبتي
ابتسمت لها نسمه وقالت: شكرا ياقلبي ربنا يخليكي ليا وميحرمنيش منك ابدا ومبرووك
نسمه : عقبالك انتي كمان ياقلبي شكلها خلاص
مي : قصدك مين
نسمه: يااابت على اساس انك مش ملاحظه مرااد
تلاشت ابتسامة مي وقالت: انا عمري مافكرت في مراد غير كأخ ومستحيل اشوفه غير كده
نسمه : بس شكله بيحبك اوي يامي
مي : بس انا مش بحبه وانا قلبي مش ملكي
نسمه : طب ادي لنفسك فرصه
مي : نسمه غيري الموضوع
نادت عليهم امهم من الخارج وقالت : يلا يانسمه جدك جي
مي : حاضر ياماما يلا ياعروسه
ابتسمت نسمه وخرجت وبسمتها لا تفارقها...
ذهبت نسمه بإتجاه جدها وسلمت عليه وعلى الجميع كان الجميع موجوده الا هو مراد وابيه وامه لكن هو لا
اقترب منها الجد وقال:اتقلي شويه يابت هو جاي ورانا عريس بقه سبقناه احنا عما يخلص لسه مكلمه وقالي انه خمس دقايق وهيوصل
خجلت نسمه واخفضت رأسها بينما ابتسم الجد عليها وقال : ربنا يسعدك يابنتي
بينما هذا العاشق ينظر إلى مي وعلى وجهه ابتسامه حالمه اقترب منها وقال بإبتسامه عذباء : عقبالك يامي
قابلته بإبتسامه مقتضبه وقالت: ان شاء الله عن اذنك ماما بتناديلي
ذهبت من امامه بينما هو نظر في اثرها بحزن وتنهد وقال : امته هتحسي بيا يامي...
مر بعض الوقت وسمعوا صوت سياره بالخارج ماان سمعتها نسمه حتى بدأ قلبها في الخفقان من السعاده...
دلف يونس الي المنزل ولكن ليس وحده كانت معه فتاه جميله تمسك بيديه
يونس : مساء الخير عليكم جميعا احب اعرفكم سالي مراتي....
باااااس الفصل خلصصص لو لقيت تفاعل هنزل التاني
الفصل الثاني
دلف يونس الي المنزل ولكن ليس وحده كانت معه فتاه جميله تمسك بيديه
يونس : اعرفكم سالي مراتي
صدم الجميع مما قاله ونسمه تصنمت لا تعي اي شيئ فجأه هدم كل شيئ في لحظه
الجد: كسرت كلامي ياابن حازم
تقدمت سالي ويونس من الجد واردف يونس : ياجدي انا بحب سالي وانت مقدرش اتخيل نفسي مع حد تاني غيرها مش عشان هي بسيطه يبقي هي طمعانه فيا ياجدي مش لازم الي حصل لابويا زمان يحصلي كل شيئ نصيب وانا عارف سالي ليه حضرتك مش مدى لنفسك فرصه تعرفها كويس
الجد : امشي من وشي مش عايزه اشوفك برا
حزن يونس وامسك بيد سالي وشددت هي على يديه كأنها تدعمه وكاد ان يمشي ولكن نسمه قامت من هذه الدوامه وهي تقول : استني يايونس
نسمه: ليه ياجدي تكسر قلبه وقلبها وقلبي ليه تجبره على واحده هو مش بيحبها قبل ماأحب يونس فهو ابن عمي يعني اتمني ليه الخير وهو سعيد معاها هي ليه تجبره عليا
الجد: مقدرتش اشوفك وانتي بتتألمي كل يوم وانتي بتحبيه وهو مش حاسس بيكي
نسمه : كان ارحم ليا الاول ياجدي حضرتك بالي عملته حرقتني خلتني مليش اي قيمه انا مش هزعل اذا كان يونس سعيد فأنا كمان هبقي سعيده
تقدمت من يونس وسالي وقالت : انا فرحانه ليكم طالما بتحبوا بعض اوعوا تتخلوا عن بعض انا مش زعلانه انا متأكده ان الي حصل خير لو يونس وسالي مشوا ياجدي انا كمان همشي
الجد : انتي بتقولي اي انتي اتجننتي
جاهدت كي لا تزرف الدموع وقالت بقوه : ايوه ياجدي
الجد : ده هيسعدك
نسمه : ايوه ياجدي
الجد: تمام يانسمه اذا كان كده ماشي فرحك يايونس يوم الجمعه الجايه على سالي
يونس بفرحه : بجد ياجدي
الجد : ايوه بس مش لوحدك نسمه هتتجوز ريان الاحمدي
نسمه بصدمه : مستحيل لا ياجدي الا ريان
الجد : خلص الكلام كتب كتابك علي ريان ابن خالك يوم الجمعه وجهزي نفسك عشان نروح البلد
نسمه : ياجدي بالله عليك إلا ريان مش هنقدر نتفاهم مع بعض انا وهو لا ريان عصبي جدا وو بيكرهني مش بيطيق ليا كلمه وبعدين مش هيتقبلني ياجدي ومرات خالي بتكرهني وفي الرايحه والجايه هتسمعني كلام زي السم محدش هيتقبلني هناك ياجدي
الجد : انا قولت كلمتي وخلاص انتهينا
جرت نسمه على غرفتها وتبعتها مي اختها كي تهدئها تبكي لالا ريان من المستحيل فكفي هيئته التي ترعبها
سالي بتوتر : م. م. ممكن اروح اشوفها
ردت عليها والدة نسمه وقالت : اطلعي يابنتي انتي دلوقتي من العيله
سالي بإبتسامه : شكرا ياطنط
يونس : استني انا هاجي معاكي
اومأت له وذهبوا بإتجاه غرفتها ودقوا الباب فسمعوا صوت مي يسمح لهم بالدخول
اقتربت سالي من نسمه و وضعت يدديها على كتفيها وقالت: انا اسفه
نسمه : بتعتذري ليه انتي ملكيش ذنب انا الي اتفرضت على يونس لو كنت اعرف انه بيحبك كنت هرفض لكن جدي قالي حاجه غير دي صدقيني انا فرحانه ليكم ومش زعلانه
حزن يونس من نفسه عندما تذكر كيف كان يعاملها بينما هي الآن من كانت السبب ان جده يرضى بزيجاته بمن يحب
يونس : انا اسف يانسمه على كل حاجه على معاملتي على..
قاطعته نسمه وقالت: متقولش حاجه يايونس معاملتك كانت طبيعيه مين هيبص لواحده زيي
سالي : متقوليش كده يانسمه انتي جميله كفايه الي عملتيه عشانا انا ويونس
يونس : انا هكلم جدي واحاول اقنعه انه ميجوزكيش ريان
نسمه : بجد بالله عليك يابونس اقنعه
يونس : حاضر هعمل ما بوسعي انتي مسامحاني
نسمه: انت كنت بارد اه ورخم وقليل الادب بس اتس اوكاي بيس يعني انا مش زعلانه احنا اخوااط اخوااط
سالي : انتي طيبه اوي يانسمه
نسمه: ده انتي ال قمر والله
يونس : شكرا يانسمه
نسمه : عيب يااسطا احنا اهل بس يلا طرقنا وحاول تخلي جدك ميجوزنيس دراكولا ده
يونس : حاضر...
انتهى اليوم وجاء الليل وكانت هي تجلس في الشرفه انظر للسماء ومسحت دموعها التي خانتها ونزلت وقالت: لو كان خيرا لبقى
ابتسمت برضا ثم صلت ودعت ربها بأن يكون القادم خير ثم نامت براحه.....
مر يومين ومازال يونس يقنع جده بعدم زواج نسمه من ريان ولكن دون جدوى وأخبر نمسه فيأست وصلت استخاره ودعت ربها وسلمت امره له ورضت بالمكتوب واليوم هو تحديد مصيرها مع هذا المدعو ريان...
الام: يلا يانسمه العربيات مستنيه مش عايزين نتأخر
نسمه بحزن : حاضر ياماما
الام: معلش يابنتي قدرك
نسمه : الحمد الله
نادت عليهم مي وقالت يلا جدو بيستعجلنا
اومأو لها واتجهت لمصيرها وصلوا بعد وقت ونزلوا من السيارات وجدوا الناس تركض بزعر
نسمه بإستغراب: هو في اي مال الناس بتجري كده ليه
أوقف الجد احد من الراكضين وقال: في اي وبتجروا كده ليه
الرجل بزعر: العمده ريان ماسك واحد حاول يدخل دارهم ويسرق وماسكه هناك وربنا معاه بقااا وهرول الرجل من امامه
صدمت نسمه مما سمعت وتوقعت مصيرها الآن....
نسمه : اترحموا عليا....
باااااس الفصل خلصصص تفاااعل عشان انزل الثالث
ياتري هيحصللل ايييي
بقلم/salma Atef
#نسمة_الريان
الفصل الثالث
نسمة : اترحموا عليا
الجد : يلا عشان نروح البيت
نسمه بزعر:نروح فين بيقولك ماسك واحد وربنا يكون في عونه هو ده الي عايز تجوزهوني ياجدي مش بعيد يقتلني تاني يوم عشان عطست جمبه غصب عني
الجد : بلاش كلام فارغ ويلا قدامي
نسمه : بالله عليك ياجدي بلاش اروح مش عايزه اشوفه
نظر الجد الي عبير وقال :هاتي بنتك وتعالو ورايا وذهب وتركهم
نظرت الام لإبنتها بحزن وقالت : نصيبك يابنتي
نسمه : بالله عليكي ياماما مشيني من هنا مش هعرف اعيش هنا ماما انا بخاف من صوته ازاي عايزانى اعيش معاه
الام :حكم القوي يابنتي نعمل اي يلا ياحبيبتي ربنا يهديكي بدل ماجدك يجي يلا
ذهبوا بإتجاه منزل الأحمدي ونسمه تقدم قدم وتؤخر الأخرى لا تريد أن تلتقي به فكفي اخر لقاء بينهم من سنه كان قاسي معها وجرحها بكلماته حينما حاولت أن تتكلم معه وتحسن علاقتهم الجافه وتسأله لماذا هو يكرهها هكذا ولا يريد التحدث معها ولكنه صدها واخبرها انه لا يحب أن يراها او حتى يسمع صوتها وان تبتعد عنه ولا تحاول أن تقترب منه ومنذ هذا اليوم وهي لم تراه فما سيحدث الآن.....
وصلت امام منزله وجدت كثير من الناس مجتمعين ويقفون وظاهر على وجوههم الخوف
اقتربت قليلا كي ترى ماذا يحدث وجدت ريان يقف بهيئته التي ترعبها ورجل معلق على باب منزله ويقوله له بصوت عالي
ريان بزعيق : انت عارف عقوبه السرقه اي يلا
الشاب بخوف : حرمت ياعمده والله سامحني غلطت وتوبت والله سامحني بالله عليك
ريان : ولما انت خايف كده سرقت ليه خايف مني ومش خايف من ربنا
الشاب : غصب عني ياعمده والله سامحني
ريان :اي الي يخليك تسرق
الشاب : اهلي ماتو ياعمده ومفيش شغل وكانو هيموتوا من الجوع معرفتش اتصرف ازاي غصب عني والله
أشار ريان الي رجل من رجاله وقال: فكه ونزله
فك الرجل الشاب وانزله ثم اقترب منه ريان وقال : مجتش قولتيلي ليه كده مكنتش هتأخر لكن متلجأش للسرقه ليه تأكلهم فلوس حرام
الشاب : انا لسه جاي هنا مش شهر وكل البلد بتتكلم عنك و انك صارم اوي ف خوفت اجيلك مش عارف ازاي عقلي خلاني اجي بيتك برجليا واسرق
نظر ريان للرجال الذين يجتمعون وقال : انا صارم هااا هو عشان ماشي بمبادئ ابقي وحش
نظر الرجال للأسفل بخوف ولم يتكلموا
ريان : تمام اسمع ياابني من النهارده.. اسمك اي
_ محسوبك عصام يا عمده
ريان : من النهارده عصام هيشتغل معانا وليك مهيه كويسه
كاد الشاب ان يقيل يديه ولكن ريان ابعدها سريعا وقال : اوعي تلجئ للسرقه تاني مهما كان
عصام : توبت ياعمده شكرا ياعمده
ريان : يلا روح عشان تستلم شغلك
هرول الرجل بسعاده من امامه ونظر للرجال الملتزمين ثم قال : خلصت الفرجه يلا كل واحد على شغله والي لسانه متبري منه وبيعمل بلبله بين الناس لو وقع تحت ايدي ميلومش الا نفسه يلااا كل واحد يشوف هو رايح فين
بعد رحيل الناس نظر امامه وجد الجد سفيان وعائلته امامه
سفيان:ازيك ياريان ياابني
ريان : اهلا ياحاج سفيان نورتوا اتفضلوا
سفيان : يزيد فضلك ياابني متأخذنيش جيت من غير معاد بس عايزك في موضوع
ريان : واضح ماشاء الله العيله كلها هنا
سفيان : ماهو ده الموضوع
ريان : خير ان شاء الله اتفضلوا
سلم على الجميع وجاءت هي امامه ولم تجرؤ على رفع عينيه ولكنها تفاجأت انه دخل معهم ولم يعيرها اي اهتمام
نسمه: هي باينه من اولها استرها يارب
بالداخل
ريان : ياحسنيه
جاءت حسنيه سريعا وقالت : امرك ياعمده
ريان : شوفيهم يشربوا اي ونادي لامي
حسنيه :حاضر ياعمده
حمحم ريان بصوت عالي وقال : منورين ثم وجه كلامه ليونس : ازيك يايونس
يونس : بخير ياريان الحمد الله
ريان : يدوم الحمد وانتي يامي اخبار دراستك اي
مي :الحمد الله كله تمام خلاص انا في اخر سنه
ريان : ربنا معاكي امال فين مراد مش شايفه يعني
سفيان: كان وراه شغل فقال انه هيتأخر زمانه جاي
ريان : يجي بالسلامه يارب اخبارك اي ياعمتي منورانا والله
عبير: بنورك ياحبيبي تسلم
للمره الثانيه لا يوجه إليها كلمه واكمل حديثه مع سفيان ويتجاهلها
كلمت نسمه نفسها ولكن للأسف كان مسموع :انا مش عارفه انا اي الي جابني ولا كأني موجوده انسان متخلف وقليل الذوق صحيح
افاقت على صوت ريان الحاد وهو يقول :بتقولي حاجه يابنت خالي
فزعت من صوته وقالت :ها ل.. لا لا سلامتك
رفع حاجبيه ونظر لها نظره ارعبتها فأخفضت رأسها فورا واقسمت بداخلها انها من المستحيل ان تتزوج به مستحيل انها تخاف منه والجميع حولهم فماذا اذا وحدهم ماذا سيحدث لها...
مي : صوتك كان عالي وكلنا سمعنا
نسمه:بجد يلا الفاتحه على روحي معقوله ممكن اتعلق زي ماالراجل كان متعلق
تخيلت نفسها مكانه فأمسكت يد اختها وقالت لها : انا عايزه امشي
مي : خلاص بقه يانسمه اهدي انا مش عارفه انتي خايفه كده ليه ماالراجل كلمنا عادي اهو مقمش اكلنا يعني
نسمه: انتو مش انا ده سلم عليكم كلكم وانا ولا كأني موجوده هو جدك بيعمل فيا كده ليه
مي: والنبي طيوب انتي ظلماه
نسمه: انتي هتقوليلي ده كان ماسك عصايه للراجل بره
يارب استرها يارب انا هبله ومش حمل ده
مي : خير خير
نظرت نسمه تجاهه ونظرت الي هيئته وتذكرت شكله حينما كان غاضب على الرجل وقالت: باين باين
بالأعلى
حسنيه: ياستي سفيان وعيلته تحت
ناهد: خير يارب اي الي جابهم
حسنيه : معرفش ياستي بس شكله موضوع كبير بدام العيله كلها موجوده
ناهد : ربنا يستر اوعي مااشوف في اي
بعد قليل نزلت ناهد الي الاسفل وسلمت عليهم بعدها قال صفيان انه يريدها هي وريان في موضوع فاتجهوا لغرفة المكتب
ناهد بصدمه : انت بتقول اي ياحاج سفيان عايز ابني العمده يتجوز نسمه لا والف لا
سفيان : مالها نسمه ياناهد اي يعيبها
ناهد : متناسبش ابني انا مش موافقه
كان ريان جالس يتابع الحوار الذي بينهم وجالس هادئ ولم يردف بكلمه حتى انتهوا فقام من مكانه وقال : بس انا موافق كتب الكتاب مع فرح يونس ياحاج
ناهد : انت اتجننت ياريان عايز تتجوز دي
ريان : الحاج سفيان افضاله علينا كتير وانا محبش اكسر بخاطره
ناهد : ماشي ياابني براحتك انا مش هجبرك على حاجه بس البنت دي عمري ماهعتبرها حاجه وخليها تتحمل بقه انها دخلت البيت ده انا ماشيه
بعد ذهاب ناهد قال سفيان ممتنا لريان : شكرا ياابني
ريان : متقولش كده ياحاج طالما طلبت كده يبقى وراها حاجه
سفيان: طول عمرك بتفهمها وهي طايره نسمه طول عمرها وحيده دخلت من سنه في حاله نفسيه شديده بسبب الكلام الي بتسمعه وبسببه معدتش واثقه في نفسها ومعدتش بتخرج ولا تعمل اي حاجه على طول قاعده لوحدها وانا مقدرتش اشوفها لما عرفت انها بتحب يونس قولت أحقق ليها حاجه تخرج من الي هي فيه لكن للأسف جرحتها اكتر بس قويه ومبينتش حزنها واشترط عليها لو عايزانى أوافق من جواز يونس يبقي تتجوزك وانا مش هلاقي احسن منك انا عارف انك هتسعدها وتخليها تثق في نفسها تاني متزعلهاش ياريان نسمه هشه اووي بس بتدعي القوه انسى الي حصل زمان
ريان : بإذن الله ياحاج يلا نخرج متشغلش نفسك ب امي انا هعرف اراضيها
اومأ له ثم خرجوا
سفيان : نسمه جهزي نفسك وأنت كمان يايونس
سعد يونس كثيرا وذهب ليهاتف سالي ويخبرها بينما نسمه تيبست مكانها كانت تظن انه لن يقبل لكن حطمت كل امالها نظرت له وجدته ينظر إليها قأبعدت نظرها عنه فورا
فاخرجها هو من هذه الدوامه حينما قال : يلا ياجماعه اتفضلوا في الاوض فوق وارتاحو وساعه الاكل ييقي جاهز
اومأو لها وهي صعدت لاعلي سريعا هروبا من نظراته التي احرقتها وتبعتها مي هي الأخرى....
مرت ساعه ونسمه رفضت النزول حتى لا تراه
في الأسفل
سفيان : فين نسمه يامي منزلتش ليه
مي : احم قالت إنها تعبانه من المشوار مش قادره تنزل هتبقي تاكل بعدين
ريان : ابقي قوليها ان الاكل هنا بمواعيد هي مش في فندق يعني محدش هيسأل عنها لما الجوع يقرصها
اومأت له واشفقت على اختها وهمست لنفسها: ربنا يكون في عونك يابنتي والله
انتهى الجميع وكل واحد منهم اتجه لغرفته بينما ريان صعد لامه كي يراضيها فمثلت انها رضيت ومن داخلها تقسم ان هذا الزواج لن يكمل...
حل المساء واصبح منتصف الليل كان الجميع نائم وهذه المسكينه تجلس تدور حول نفسها وتصدر بطنها أصوات من الجوع وتخاف ان تنزل ولكن حسمت امرها وتسللت الي اسفل بهدوء وذهبت بإتجاه المطبخ وكانت تبحث عن اي شيئ تأكله
نسمه : اي البيت الي مفيهوش خياره ده يعني كان لازم تقولي مش هاكل منك لله ياريان
جاء صوت من ورائها يقول بحده: بتعملي اي
شهقت بفزع والتفت فجأه وجدت ريان
نسمه بتعلثم:ا.. انا مش بعمل انا...
نظر ريان الي ماترتديه فكانت ترتدي بيجامه سوداء اللون عليها بنطلون قصير بعض الشيئ وشعرها حول وجهها
ريان بحده:انتي نازله بمنطرك ده ازاي
نظرت نسمه الي نفسها وصدمت انه رأها بهيئتها هذه لم تأخذ بالها مما ترتديه بسبب جوعها الشديد ونزلت قبل أن ترتدي اسدالها
نسمه: انا.. انا
ريان بغصب وصوت عالي افزعها :انتي لسه هتتكلمي اطلعي فوق حالا وإياكي اشوفك بمنطرك ده تاني يلااا
ارتعبت منه وهرولت من امامه الي أعلى وتقاوم دموعها...
صعدت لاعلي واحتضنت الوساده ودفنت وجهها بها وظلت تبكي
عقلها يتسائل لماذا يعاملها هكذا ولم تتوصل الا انه يكرهها بسبب شكلها ولكن مابها ليمقتها الجيمع....
ظلت تبكي طوال الليل حتى نامت من كثرة البكاء
بينما هو كان يقاوم النوم وكلما تذكر هذا اليوم يزداد قلبه قسوه تجاهها...
مرت الايام وجاء اليوم الموعود منذ اليوم الذي فعل بها هذا وهي تتجنبه بشتى الطرق حتى تتجنب غضبه لا أحد يعاملها جيدا في هذا المنزل مرات خالها كل يوم تسمعها كلام يؤلم قلبها وهو يتجاهلها ولا يعاملها كما يعامل الجميع والباقي في نفسه ولا احد يعبئ بها مراد يحاول بشتي الطرق للحصول على حبه و يونس اجتمع مع حبه وبقت هي المنبوذه التي حكم عليها بشخص لن يحبها حتى لا يحب أن ينظر بوجهها فكيف ستعيش معه
بالامس
مي : يلا يانسمه
نسمه : طيب ثواني بس خلصت اهو
مي : طيب انا هسبقك
حزمت نسمه امتعتها وقالت : مستحيل اتجوز الكائن ده
قامت بفتح الشرفه وجدت شجره امامها فجالت برأسها فكره
تمسكت بالشجره جيدا حتى نزلت الي الاسفل
اخذت شنطتها وكادت ان تركض للخارج الا انها سمعت صوت يقول
ريان : على فين العزم ان شاء الله
باااااااس الفصل لل خلصصص لو لقيت تفاعل عليه هنزل كمان واحد يلااا
بقلم/salma Atef
الفصل الرابع
ريان : على فين العزم ان شاء الله
تصنمت مكانها حينما استمعت لصوته الحاد والذي لايبشر بالخير بتاتا
ريان بحده : انا بكلم نفسي بصيلي هنا..
اغمضت عينيها بخوف وتنفست حتى تهدئ من ضربات قلبها والتفت له
نسمه بخوف : كنت بشم هوا
ريان بسخريه: والشنطه الي على كتفك خوفتي عليها تتخنق قولتي تشمميها هوا معاكي
نسمه :ما هو اصل شنطتي وقعت هنا ونزلت أخذها ووقفت شويه
ريان : والله وقعت لا الف سلامه طيب يانسمه انا عندي ليكي مفاجأه
نسمه بخوف :م.. مفاجأه اي
ريان : هتطلعي على الشجره زي مانزلتي من عليها تشمي هوا انتي والشنطه لا ومش كده وبس ريان الاحمدي بيضحي النهارده هجبلك ريكو يساعدك في الطلوع حلو اووي
نسمه بخوف : ر.. ريكو اي
ريان :هتعرفي دلوقتي ريكووو
نظرت نسمه امامها وجدت كلب يهرول بإتجاه ريان
ريان :اهلا اهلا تعالي ياريكو شوف مين صيفنا الجديد
اقترب الكلب من نسمه وهو ينظر لها بشراسه وهي تعود للوراء بخوف
نسمه بصراخ:ابعده عني
ريان بحده : مش عايزه تهربي انا هعلمك الادب
بدأت نسمه ان تتنفس بقوه بسبب خوفها وتصرخ بأن يبتعد عنها وهي تعود للوراء ولم تنفذها ارجلها فلم تقدر علي الوقوف من الخوف فوقعت على الارضيه
غطت نسمه وجهها وبكت وصرخت وهي تقول : الحقووني الحقووني
ظلت على وضعتيها لبضع دقائق حتي بدأت ان تهدإ قليلا حينما لم تعد تسمع صوت الكلب ابعدت ايديها عن وجهها وجدت أعين تنفجر من الغضب تقابل عيونها الملتمعه بالدموع
فزعت من شكله فقامت من مكانها كي تهرب منه ولكن ههيهات امسكها وجذبها بغضب : عايزه تهربي طب مش خايفه على سمعتك خافي على امك الغلبانه لما تسمع كلام زي السم وتخلي عيلتك كلها رأسهم في الارض
كانت الدموع تملئ وجهها ولاترد
ريان بصوت جعلها تنتفض : ماتنطقي طبعا مش عارفه ترودي مفكرتيش الا في نفسك والباقي يولع
قالت بصوت باكي : انا...
قاطعها ريان بحده:بس اياكي مش عايز اسمع صوتك اخفي من وشي واطلعي جهزي نفسك انا كنت مقرر اقنع جدك بجواز يونس وسالي من غير الشرط الي حاطه عليكي عشان اشفقت عليكي ومحبتش تكوني مجبره على حاجه لكن ب الي عملتيه هتجوزك واخبطي راسك في الحيطه ولسه لينا حساب عشان الي عملتيه ده مش هيمر مرور الكرام واكمل بصوت مرتفع : اخفي من وشي عشان مرتكبش جريمه
هرولت من امامه وهي تبكي ودلفت للداخل وجدت الجيمع مشغول فصعدت للأعلى سريعا حتي لا يراها احد
دلفت الي الغرفه وظلت تبكي الجميع من اضطرها لذلك دائما يجتمعون مع بعضهم وهي دائما وحيده
ابكي ياعيناي كفى ان تلمعي بالسعاده في أصعب اوقات حزنك اصرخي ياروحي كفاكي كتمان فقد ظنوا انني لا أشعر وانني المخطئه في كل شيئ اذا كانو سيرحموكي اذا صرختي وبكيتي فأفعلي مابوسعك كي يصل قلبك الذي يدهس عليه من الألم إليهم ولكن لا فائده....
أعلم أن ماكنت سأفعله خاطئ لكن لو انهم يسمعونني فقط لما كنت هنا بهذه الحاله حكم على بقلب يمقتني هل من امل ان تتحول شعلة الكراهيه التي تفوح من عينيه الي شيئ اخر عما قريب..
ام الالم سيظل رفيقك...
قامت من مكانها تمسح دموعها وتوضأت وصلت كي ترتاح وجلست تدعو ربها ان كل مايحدث خير احست براحه في قلبها فحمدت ربها وقامت لتتجهز وتواجه قدرها...
مر بضع الوقت وتجهزت وظلت شارده حتى قطعها صوت دق الباب
مي : يلا يانسمه المأذون وصل
انتباها شعور الخوف وحاولت ان تهدأ ولكن دون جدوى
نسمه : طيب يلا
نظرت مي الي ملابسها وقالت :اي الي انتي لابساه ده يانسمه
نسمه : اي لبسي
مي :لابسه عبايه وسودا يوم كتب كتابك وعينك مورمه انتي راحه ميتم
نسمه: عاجبني
مي : يانسمه
نسمه : انا مش قادره اتكلم بعدين مش ميته على الجوازه
مي: ايوه بس عشان فيه ناس تحت يقولوا اي لما يشوفوكي كده
نسمه : يقولوا ال يقولوه معتش يهمني
حزنت مي على حالة اختها ولكن مغلوب على أمرها ماذا تفعل
مي بحزن: طيب يلا
ترجلوا الي الاسفل وجلست ولم تنظر لأحد
نادي الجد على مي التي كانت جانب اختها ف هبت له وهمس لها وقال :اي الهباب الي اختك لابساه ده
مي : سيبها براحتها ياجدي هي فيها الي مكفيها
صفيان :ماشي ياولاد على يلا يامولانا
تم اعلان زواج يونس وسالي وقد تم ترتيب عرس لهم بين الأهل وبعض من الأقارب...
ثم بدأ المأذون ان يكتب كتاب ريان ونسمه
وهي تجلس تسمع كل كلمه يقولها ودموعها تأخذ مجراها على وجهها حتى افاقت على كلمة بارك الله لكما وبارك عليكما وجمع بينكما في خير
هل اصبحت الآن ملك له هل سيبدأ من اليوم جراحها ام ماذا مخبئ فيما بعد....
قام سفيان واردف : مبروك ياريان ياابني
ريان : الله يبارك فيك
اتجه سفيان لنسمه وقال : مبروك ياحبيبتي
نظرت له بسخريه وعينها تملئها الدموع وابتسمت بألم وقالت: مبروك
ذهب ريان بإتجاهها ووقف امامها ولكن لم تنظر له فأقترب من اذنها وقال : افردي وشك والا وربي هعرف ازاي افردهولك
نظرت له بغضب ولكن يغلفه الخوف وابتعد عنه ورسمت ابتسامه مقتضبه
وبدأت الناس تبارك لهم وليونس وسالي حتى اقتربت والدة ريان وقالت : مبروك ياابني ربنا يعينك
ريان : يعيني على سعادتها يارب ياامي
نظرت والدته له بغضب ثم قالت لها بفتور: مبروك
ثم تركتهم والغضب يمتلكهم
نظرت له بصدمه لانه دافع عنها ولكنه قال لها : متفكريش كتير بقول كده عشان مش لازم كله يعرف قد اي بكرهك
كسر فرحتها التي تولدت حينما وجدت احد يدافع عنها ولكنه دفنها بكلماته القاسيه ..
بعد العديد من المباراكات قام صفيان وقال :بمناسبة فرحتنا ف نخليها تلات فرحات
لم يفهم احد مايردف به الا حينما قال : مراد طلب ايد مي مني وانا وافقت
صدمت مي مما سمعت وقالت : لا ياجدي انا مش موافقه
سفيان : انا قررت خلاص
غضبت نسمه وانفجرت بوجهه وقالت :كفااايه بقه تتحكم فينا بالطريقه دي كفااايه حرام عليك انا بكرهك انت اييي جبررروت ملكش الحق انك تتحكم فينا سامع
غضب سفيان وقال بصوت عالي :اظاهر ان ابوكي معرفش يربيكي بس انا الي هربيكي وفجأه....
باااااس الفصل خلصصص
تفاااعل بقه عشان ممكن انزل ال بعده
مستنيه ارائكم ياحلوييين
بقلم/ salma Atef
الفصل الخامس
غضب سفيان وقال بصوت عالي :اظاهر ان ابوكي
معرفش يربيكي بس انا الي هربيكي
تقدم منها وهو في قمة غصبه ورفع يديه كي يضربها واغمصت عينيها لتلقي تلك الصفعه ولكن لم تشعر بأي شيئ فتحت عينها وجدت ريان يقف امامها وتلقي الصفعه بدلا منها
صدم الجميع واصبح الوضع متوتر
سفيان : انت بتدافع عنها اوعي من قدامي ياريان اما اشوف قليلة الادب دي
ريان : نسمه مغلطتش ياحاج سفيان
سفيان بغضب : انت هتعوم على عومها انت مش سامع قالتلي اي الي متربتش دي
صدح صوت عبير وقالت بغضب : كفااايه بقااا كفااايه سنين وانا ساكته ليييك كل حاجه لازم تمشي على هواك كل حاجه انت صح واحنا غلط كفاااايه وبتعلقها على شماعة انا خايف عليكم خااايف اييي انت بتموتنا بالحيا بنتي اتجرحت لما اليوم الي هي كانت مستنياه لقت الي كانت بتحبه داخل عليها بواحده استنيت منها اي ردة فعل سلبيه لكن هي كانت مسالمه وفرحت ليه ونست كل حاجه وكملت طب خلاص عدي والحياه مش بتقف على استنيت منك تراضيها وتقولها كلمتين يجبروا خاطرها لكن قولت اي بدام عايزه تسعدي غيرك يانسمه وانتي قويه وعدتيها خودي كمان اما ادوس على قلبك وهتتجوزي ريان بقينا نترجاك لكن انت ابداا الا هتتجوزه لكن تيجي على بنتي التانيه لا والف لا كفايه كسرت ليا واحده التانيه مش هسمح ليك انك تكسرها حل عن حياتنا بقاا كفااايه مش كفايه بنتك مسلمتش من جبروتك وجوزتها واحد على مزاجك باردوه ولما رجعتلك مضروبه وطلبت انك تدافع عنها وتطلب انها تطلق منه عملت اي كل ال قولته معنديش بنات تفضلي هنا وكسرتها وخلتها زي اليتيمه وابوها عايش لحد ماماتت بسببك جاي تكمل على ولاادييي لااا والف لاا ياسفيان موت ياشيخ بقاا وريحنا ده انت كابوس
صدمه الجمت السنة الجيمع وكان هو واقف لا حول له ولا قوه يقف مثل الصنم تذكر لحظات من الوجع دفنها ولكنه لم يتخلى عن قسوته واكمل لكن كلماتها جعلته يفيق تذكر وجه ابنته وهي تترجاه ان يطلقها من زوجها لكن رد عليها بكل قسوه وجرحها وأعادها الي هلاكها لم يكن يعلم أن هذه أخرى مره يسمع صوتها وليس هذا فقط ماتت وهي تكرهه بسببه ماتت ابنته بسكته قلبيه من صدمتها في سندها الوحيد
وضع يديه علي قلبه وهو يشعر بألم كالسكاكين تقطع في قلبه فوقع فجأه على الأرض وغاب عن الوعي فورا
فزعوا حينما وجدوه يسقط كالجسه الهامده وجسده بدأ في التشنج وبعدها غاب عن الوعي
التفوا حوله بفزع وحاولوا ان يجعلوه يفيق لكن دون جدوي..
ريان : يلا ياجماعه مفيش وقت لازم ننقله المستشفى حالا يلا
اخذوه الي المشفى ونُقل الي غرفة العمليات فورا وهم بالخارج قلقون....
بعد ساعتين خرج الطبيب فهرولوا ناحيته فقال بيأس : المريض في لحظاته الاخيره هو عايزكم
صدموا مما قال الطبيب ودخلوا له وجدوا الاجهزه تملئ جسده وهو يتنفس بسرعه
أشار بيديه نحوهم فتقدموا منه فأزال جهاز التنفس وقال : سامحوني انا كنت مفكر اني الي بعمله صح وفي مصلحتكم لكن طلعتوا انتو الي صح سامحيني ياعبير انا كنت قاسي معاكي وانتي اتحملتيني سامحني يايونس خلي بالك من سالي كان عندك حق هي كويسه انا الوحيد الي كنت غلط انا اسف يانسمه سامحيني يابنتي انا جرحتك كتير اووي بس صدقيني ريان كويس و بيبحك وهتعرفي ده قريب متاخديش بالظاهر سامحوني ثم بكى وقال يارب تسامحيني يامنار انا اسف يابنتي مكنتش الاب الي تتمنيه
بدأ تنفسها يزداد اكثر وفجأه صفرت الاجهزه وزهقت روحه وانتقلت الي بارئها
نسمه بصراخ: جدوووو جدوووو قوم ياجدو انا مسامحاك والله انا اسفه انا زعلتك مني انا اسفه
بكا عليه الجميع ودعوا ان يرحمه الله بينما نسمه كانت تهز به وتصرخ به ان يفيق فجذبها ريان وقال : اهدي يانسمه
نسمه : م.. مات وهو زعلان مني انا انا
أخذها ريان في احضانه ومسد على ظهرها كي تهدئ وهي كانت في عالم آخر تحمل نفسها ماحدث له
كانت تتسمك بقميص ريان وتبكي بقوه وتقول : انا السبب انا السبب
ريان : هششش اهدي اهدي
تم دفن سفيان وسط حزنهم ومر اسبوع على هذه الحادثه ورضت نسمه بحياتها معه واوصت عبير ريان عليها كثيرا وعاد الجميع وتركوها وحدها خائفه لا تعلم ماذا ستواجه في هذه الحياه الجديده بينما سالي ويونس بداو حياتهم ومازال هذا العاشق يحاول ان يمتلك قلبها....
في منال الاحمدي
ناهد : ريان خالتك وبنتها جايين لينا النهارده
ريان بزهق : ينوروا
ناهد : خلي مراتك الي متلقحه فوق دي وعامله فيها الزعلانه تنزل تش همتها معايا شويه
ريان : معلش ياامي هي محتاجه ترتاح لو احتاجتي حاجه حسنيه موجوده
ناهد : ماشي ياريان اما نشوف اخرتها مع بنت علي اشحال مكان ممرمطها كل الزعل ده عليه
ريان : كفايه ياامي
ناهد: سكت بس افتكر حصلك اي بسببها زمان واتهانت
ريان : كفايه بقه
غضب من كلام امه ثم اتجه للخارج
ناهد :والله مامخليها تتهني بنت علي ماشي انا هوريها...
مر اليوم سريعا وجاء الأمس وجاءت سعاد ونرمين
ناهد : منورين ماشاء الله اي الجمال ده يانرمين
نرمبن: شكرا ياخالتو
ناهد : تعالو تعالو
جلسوا قليلا ثم نادت ناهد على نسمه فجاءت لها
ناهد :روحي اعملي عصير للضيوف
سعاد:هي دي مرات ابنك
ناهد :اه جوازة الندامه
نرمين : معقوله ريان يتجوز دي ربنا يكون في عونه
جاءت نسمه على اخر كلمة قالتها وامسكت نفسها حتي لاتنفجر بها تقدمت منهم والعصير بيديها وحينما اقتربت منهم مدت نرمين ارجلها وجعلتها تقع
نرمين بضخك: مش تاخدي بالك معلش انا عذراكي ابقي اعملي ريجيم عشان تقدري تتحركي
اخذت نسمه الاهانه وصمتت ثم قالت ناهد بغضب : يلا لمى الي وقعتيه ده حالا
كانت تمسك دموعها رغما عنها ولكن سمعت صوت ريان يقول : اي الي بيحصل هما ده....
باااااس الفصل لل خلصصصص
بقلم /salma Atef
رايكممممم
الفصل صغير عارفه العصر في فصل كمان يلااا عايزه تفاااعل وتشجيييع
البارت 6_7_8_9_10من هنا
تعليقات
إرسال تعليق