 |
البارت الرابع عشر 💥 بقلم سلطان زماني
صحيت علي صوت المنبه الساعة ٧:٣٠ يدوب غسلت وشي
واتصلوا بيا عايزني ضروري علشان في معينه والمفروض
اسلم التقرير ويكون علي مكتب المدير الساعة ٩ لبست
هدومي بسرعة ونزلت رايح علي الشركة وقفت عند البنزينة
سبت الرجل يمون ونزلت قولت اجيب قهوة وسجاير علشان
افوق سمعت خبطه برا حسبت الكاشير
وطلعت لقيت لمه عند عربيتي وناس بتقول جت سليمة
وسهلة وبسيطة قربت لقيت عربيتي الفانوس انكسر وفي
خبطه بسيطه في الاكصدام
ولقيت صحبه العربية الي خبطتني عماله تسرسع
وتصوت وتقول مكنش قصدي وبتتصل بحد من قريبها بتقوله
الحقني أنا خبطت واحد لا خبطت عربيته تعالي الحقني
بسرعة كل ده وانا عمال اتفرج زاي زيهم قولتلها بسيطه
خلاص مش مستهلة ده كله
لقتها بصتلي بقرف وقالتلي مين حضرتك
قولتلها مش ناقصه تخلف علي الصبح ما قولنا زفت بسيطه
وركبت وشيفها في المرايا وقفه مبحلقه ومتمسمره مكانها
حسبت الراجل وطلعت بسرعه الحق الشغل وبقول هو يوم
باين من أوله وببص في المرايا لقيت عربيه
المجنونه دي ورايا زودت السرعة خايف تخبطني تاني
باين انها مش بتعرف تسوق أو متعلمه السواقه جديد وكل
ما اسرع هي تسرع سبقتها شوية وزودت السرعة جامد
ودوست انتظار وركنت لقتها وقفت ونزلت نزلت قولتلها انتي
عايزة اي بالظبط قالتلي حضرتك أنا مش متخلفه ومكنتش
اعرف انك صاحب العربية ومن أفسد شي فعليه إصلاحه
وخالو جاي من المعادي وزمانه ع وصول وهيصلحهالك
قولتلها من المعادي وزمانه علي وصول دي فيها ساعة انتي
عارفه احنا فين يا انسه قالتلي لا معرفش متخلفه بقا
قولتلها وجعتك متخلفه وموجعكيش الي عملتيه والعطلاه
الي متعطلها بسببك قالتلي بكام الفانوس والبتاع ده قولتلها
أنا مش عايز حاجه أنا عايز الحق شغلي ياستي أنا مسامحك
ابقي خدي بالك بعد كده
قالتلي ورحمه بابا ابدا اختار حاجه من الاتنين ياخالو يروح
يصلحهم ي اما تيجي معايا اسحب فلوس من المكنه
واديهملك ..ولا انك تقولي متخلفه
قولتلها أنا معنديش وقت للكلام ده كله والله بصي أنا عندي
حل حلو اوي ..لما لقتها متخلفه بجد بقا ..
قالتلي اي هو
قولتلها انتي خبطتي عربيتي تيجي أنا كمان اخبطلك عربيتك ونبقا خلصين
وتحلي عن سمايا وتسبيني امشي اروح شغلي
لقتها ضحكت وكانت بتشرب وشرقت ووشها احمر قالتلي
فجر ضحكت
قولتلها يخربيتك انتي كنتي هتموتي ومين فجر الي ضحكت دي
قالتلي أنا فجر قولتلها اسمك فجر قالتلي اه وانت قولتلها
حسن طلعتلها الكرت بتاعي قالتلي باش مهندس كمان قولتلها
شوفتي حكمة ربنا قادر علي كل شي ضحكتها جميله وكلامها
جميل وع طول مبتسمه ومن الناس الي ضحكتها بتضحك
فضلنا واقفين يجي ساعة ونص مستنين خالها قعدت تتكلم
عن شغلي وكلمتني عن حياتها وأنها كان مكتوب كتابها بس
والمفروض انها كانت مسافره كنده مع جوزها وحصلت
مشاكل بنهم واتطلقت خالها جيه لقيته مخضوض وقالي انت
كويس يا ابني فيك حاجه نوديك المستشفى قولتله اهدا
مفيش حاجه ياعمي لده كله
قالتله ياخالي اعرفك الباش مهندس حسن الي خبطت
عربيته خالها قالي تشرفنا يافندم واحنا متاسفين جدا علي الي حصل
قالتلي خالي سامر محفوظ رئيس تحرير مجلة العاصمة
قولتله تشرفنا بحضرتك وسعيد جدا اني اتعرفت عليكم
خالها هستاذن حضرتك في رقم الموبيل علشان اكلمك
ونتقابل أو ابعتلك ابني يصلح الي الهانم كسرته
قولتله والله بسيطه ..ومن الأول وانا بقولها بسيطة وهي الي
مصممه قالي هي دمغها نشفه وحقانيه زاي مامتها قالتله
الكرت اهو معايا ياخالو ركبو عربيتهم وانا ركبت عربيتي
وببص في الساعة لقتها ١٠ وربع هلكت من كتر الضحك وقولت
في داهية عادي ورحت الشركة وطول الطريق وكلام وضحكة
فجر بترن في ودني ادتني حاله جميله مودي ويومي بقا لذيذ
كنت اتمنا لو خالها ده اتاخر عجبني جنانها وبراءتها وكسوفها
ورالرياكشنات الي بتعملها
رحت الشركة المدير اول ما شفني قالي رحت عملت المعينه
قولتله العربية اتخبطت وعملت حادثه كنت هموت بس ربنا
ستر قالي مكلمتناش ليه كان اي حد جالك قولتله الحمد لله
جت سليمه فتح الشباك قالي انت عملت حادثه ب اي ياحسن
ماعربيك سليمه يا ابني اهي قولتله لا الخبطه من وراء
حضرتك هز رأسه وقالي ماشي الساعة اربعه واحنا مروحين
نزل قبلنا لقيته بيلف حوالين عربيتي قالي دي الحادثة
ياحسن الي كنت هتموت فيها وربنا ستر وقعد يضحك
وضحك عليا زميلي كلهم وقالي ربنا يهديك يا ابوعلي 🤣
يتبع
البارت 15من هنا
تعليقات
إرسال تعليق