 |
البارت السادس عشر 💥 بقلم سلطان زماني
طول الطريق والاسطي فهمي بيوصلني شيفاه بيبصلي في
المرايا وعمال يسألني مالك يا مدام شهد وانا اقوله مفيش
وباين ع شكلي ومودي اني زعلانه وهو ملاحظ ده وكنت
محتاجه احكي وافضفض مع حد بس جيه في دماغي اني
ممكن يحكيله او يكون اصلا هو قاصد يعرف أنا بفكر ف اي
ويروح يبلغ كمال نزلت حسه اني خلاص العبة خلصت
وهرجع زاي ما كنت وعايزة اضرب نفسي بالجزمة علشان
محوشتش برضو ولا فضلت مع كمال ووثق فيا وفتحلي
الحساب الي قالي عليه ..ايه الي خلاكي تخلي طلال الزفت
ده يجبلك حشيش لا ويقابلك تحت شقتك لديه راح قاله وشكلك كان زبالة قدامه
كلمني كمال الصبح وقالي أنا لو مكنتش سكران امبارح
مكنتش حكتلك أنا عمال احوشلك في اخطاء علشان لما
اخسرك مندمش وابقي عملت الي عليا معاكي وانتي الي
بعتي ..من غير ما افكر قولتله أنا اسفه ومش هعملها تاني
علشان خاطري متسبنيش وبكيت جامد قالي خلاص اهدي
ياشهد بس لو عرفت انك خبيتي عني حاجه المره دي مش
هسامحك ابدا قولتله والله ما هتتكرر تاني وحياتي عندك
سامحني قالي مسامحك يابرنسيستي مش عايزة حاجه قبل
ما أسفر ياحبيبتي ..سكت قالي قولي ياحبيبي متتكسفيش
قولتله عايزة وسكي من الي بتشربه ده وحشيش قالي
ياحبيبي بلاش الحشيش ده مش حلو مش ع الفلوس بس
دماغه وحشه أنا كنت بشربه زمان وبطلته قولتله علشان خاطري ياكمال ومحتاجه فلوس علشان أنا علي الحديدة
قالي حاضر وهبعتلك ياحبيبي برطمان عسل جبلي اصلي
تخدي منه كل يوم معلقتين علي الريق علشان المناعه
والصداع الي بيجيلك من الشرب وهبعتلك كمان كام قروصه
سجاير هو أنا عندي كام شهد وصالحني واطمنت اتصل بيا
طلال ومبقتش ارد نهائي بعتلي ع الواتس والمسانجر عملت
بلوك علي كل حاجه وكمال بقا يكلمني كل يوم وهو برا يطمن
ويسأل وياكد عليا اني التزم ب الاتفاق واني بتاعته وهو
مش بيبع ولا بيتنازل في حاجته بسهولة قولت يابت احمد
ربنا أنه رجعلك ومرمكيش في الشارع واحترمي نفسك
ومترديش ع حد لحد ما يفتح لك حساب ويجبلك دهب
وبعدين سبيه بالقرف الي عايشه ده وعيشي حياتك في
نضافه لحد ما كنت وقفه في البلكونة بشرب سيجاره ولقيت
عربية فخمة اوي والبواب راح ليها مش شايفه مين جواها
علشان الازاز باعها فاميه نزل منها طلال دخلت جري جوه رن
الباب وبيقولي افتحي ياشهد خوفت اترعبت اكيد كمال
هيعرف من القلق فتحت
طلال..أنا ياشهد تعمليلي بلوك
_ انت اي الي جابك هنا ميصحش الي بتعمله ده
طلال .. انتي قفلتي كل الأبواب الي توصلني ليكي مفضلش
غير الباب ده عايزاني اعمل اي
_ انت كده بتعملي مشكلة مع كمال
طلال ..كمال مين ده ياشهد الي رعبك ومخوفك كده ده صعلوج بنسبالي
_ بالله عليك انزل انزل
طلال..ياشهد افهمي كمال الي مربيلك الرعب ده بنسبالي
حشره ولا يهز شعره من راسي..هو بيديكي كام
_ هو مش رعب بس انا بخاف ع زعله وانت الي حكتله انك
جتني الشقة وبتجبلي حشيش
طلال ..اقسم بالله ولا كلمته من ساعة اخر مره ما كنا مع
بعض وانجي اساسا كانت بتوفق تعمل كده علشاني
_ في سري بقول ..جتكم القرف عالم زبالة امتي بقا ربنا يريحني ويخلصني منكم
طلال ..هو قالك اني انا الي قولتله ياشهد
_ لا مقالش بس يعني هيكون عرف منين
طلال ..معقول ممكن تكون انجي بتكلمه أو في بينهم بيزنس
وحبت تحسسه أنها باقيه عليه أو في صفه ..هو قالك اي بالظبط
_ ومين الي عرف انجي
طلال ..بعد الانفصال كانت بتجيب سيرتك كتير كنت فكرها
غيره حريم وبتقولي اني هيخلالك الجو خلاص مع شهد وكانت فكرتني اني بقابلك وانا قولتلها والله ما حصل وانك مش راضيه وانك طلبتي مني حشيش واناجبتهولك تحت بس مطلعتش وعرفت اني بكلمك ع الواتس وكاميرا الي حصل بس الي قولتله
_ كمال بقا عرف وخرب الدنيا وزعل وقالي متعمليش حاجه
من ورايا ودلوقتي بمجيتك دي اكيد هيعرف وهيقتنع انك
فعلا كنت بتقابلني من وراه ومش هيصدقني تاني
طلال ..قالي ياشهد أنا بحبك وعايزك ومعايا أنا الوضع غير
وشهد هتبقا حاجه تانية أنا لو مكنتش حسيت منك ومن
عيونك انك بتحبيني وعايزاني مكنتش اتجرإت وعملت كده
فكري برحتك وهستنا ردك وانا مش مستعجل وقام بسني في
خدي وغمزلي بعينه وقالي خدي حته الحشيش دي هتكفيكي
لمدة ٣ شهور وقالي شيلي البلوك يارخمه وابتسملي وفتح الباب ونزل
أنا وقفه مزهوله من الي قاله والي عمله ده
يتبع ياجماعة أنا قولت 100مره اني بكتب كل يوم وبنزل الي بكتبه والقصة مش جاهزة عندي وانا حيشها عنكم
عندكم حل من ٢
الاول ..اغيب اسبوع او 10ايام وارجع انزلكم القصة كاملة علشان الناس الي بتقعد تقولي ليه التشويق وليه التقطيع وبتزعل
التاني ..اكمل زاي ما أنا كده كل يوم اكتب وانزل بارت أو اتنين ...اختاروا وانا متابع التعليقات واكتر حل هتقولو عليه هعمله 😘تحياتي ليكم يالي تنشكو 😂
تعليقات
إرسال تعليق