 |
المغترب وبنت الصعيد
6_7_8_9_10 الأخير
البارت السادس
آدم بزعيق: أنا قولت مليون مره تخبطي علي الباب
لبني: اخر مره يا حبيبي
آدم بنفس الزعيق: لبني احنا في الشركه وانا هنا مديرك
لبني: حاضر، ممكن تهدي بقي
آدم بهدوء: هديت اهو جيتي ليه
لبني: ليك كام يوم متغير مش علي بعضك حتي مبقيناش نقعد مع بعض ودايما قاعد في المكتب شارد، مبقتش مركز في الشغل زي الاول مالك
آدم: انت بتراقبيني
لبني: لا مش كدا بس حتي الموظفين لاحظوا كدا بردو وجيت اسألك
آدم: عادي بفكر في مشروع مش اكتر، ويلا مينفعش تقعدي كتير عندي في المكتب هنا روحي على مكتبك
لبني: حاضر سلام
آدم: مع السلامه
طلعت وقفلت الباب
آدم: مالك يا آدم انت من يوم مشوفتها مالك متلغبط ليه ومش علي بعضك حتي الموظفين لاحظوا
قلبه: حبيتها يا آدم
عقله: لا انت بتحب لبني
قلبه: لا انت حبيتها هي حبيت طيبتها وبرائتها حبيت روحها
عقله: لا انت بتحب لبني يا آدم لبني هي حبيبتك متصدقهوش
آدم: بس، متفكرش دي موظفه عندك وانت بس شفقان عليها مش اكتر
في مكتب جودي
جودي: فرحانه ليه هو مديرك وبس متفكريش انوا ممكن يوم يحبك، وهو لما يحب هيحب وحده ميعرفش ولا اصلها ولا فصلها وحده حتي كدبت في هويتها وحده هربانه من اهلها، متفكريش كتير هو مستحيل يحبك ولا انت تفكري تحبيه
في مكتب عمر
عمر: من يوم مشوفتها اول مره وانا متلغبط ودايما شارد بفكر فيها معقول اكون حبيتها، بس هي مستحيل تحب حد زي، بس انا بفرح اوي لما اشوفها
وسرح يفكر في اول يوم شافها
في الدوار
الجد: ايه يا محمد لسه لحد دلوقت مش لاقيها
محمد: مش لاقيها يا بوي زي فص ملح وداب
الجد: دور عليها يا محمد تاني دور عليها في كل مكان
في اوضه جودي في الدوار
زينب ببكاء: دا اخره التعليم اللي علمتهولك يابنتي ولا فكرتي تسألي عليا ولا حتي تطمنيني عليكي عملتلك كل اللي نفسك فيه حتي التعليم علمتك من وراهم ودلوقت تمشي وتسبيني بدون متفكري يا خساره تربيتك يا زينب
في بيت آدم
مامت آدم: ها يا عبد الرحمن معرفتش عنها حاجه لحد دلوقت
عبد الرحمن: لا لسه يا حبيبتي خايف تكون وحده نصابه، سألت كتير ومعرفتش
مامت آدم: متقلقش هي باين عليها بنت ناس وكويسه
عبد الرحمن: يارب تكون كدا ويطلع كلامي خطأ
عدي باقي اليوم بدون ذكر احداث سوي جودي راحت علي شقتها الجديده بعد موصلها آدم والكل روح علي البيت
في الصباح
آدم: صباح الخير
الجميع: صباح النور
آدم: زميلي في الشركه عازمنا علي فرحوا انهردا وقالي لازم كل عيلتك تيجي، هتروحوا؟
عبد الرحمن: اكيد مش هترفض دعوه صاحبك يعني، هنروحوا
آدم: طيب تمام علي الساعه 8
رواية المغترب وبنت الصعيد
البارت_السابع
في المساء
آدم: جاهزين يابابا يلا اتأخرنا
عبد الرحمن: يلا بينا
في شقه جودي
ـ الفستان دا احلي اروح بيه ولا الاحمر بس الاحمر احلي، خلاص هلبس الاحمر
(جهزت وكانت في غايه الجمال، فستان احمر وطرحه بيضاء وحذاء ابيض)
في الفرح
آدم داخل شاف جودي واتعصب راح عندها
آدم: انت ازاي تطلعي من بيتك كدا انت مش شايفه منظرك الفستان ضيق ومفيش حد الا ومكان عينوا عليكي ازاي تطلعي من بيتكم كدا
ـ وانت مين انت علشان تقولي كدا انا اعمل اللي انا عايزاه محدش ليه دعوه بيا انت مديري بس في الشركه مش هنا وانا متعديتش حدودي في شركه حضرتك ودا فرح انا معزومه عليه اعمل اللي انا عايزاه عن ازنك
سابتوا واقف ومشيت راحت لصحابها اللي اتعرفت عليهم في الشركه وهو طلع متعصب
ركب العربيه ومشي بسرعه شديده
آدم: هي ازاي تطلع من بيتهم كدا الفستان مفيش حد في الفرح الا ومكان عينوا عليها
قلبه: اتعصبت لانك بتحبها ومش عايز تعترف حتي انك غيرت عليها من الناس
عقله: لا لا انا بس خايف عليها مش أكتر شفقان عليها يعني
قلبه: انت بتحبها اعترف بقي اعترف انك غيرت عليها اعترف انوا اول مبتشوفها بتحس بشعور حلو اعترف انك بتكون مبسوط معاها غير لما بتكون مع لبني انت بتحبها
عقله: لا لا انا مش بحبها انا بحب لبني لبني وبس
آدم: باس، ااااااااااااااه
عربيته خبطت في حيطه واتعور شافوا حد واخدوا المستشفي ورد من تليفونوا علي اول رقم وكان بباه
= الو
عبد الرحمن: ايوه مين معايا
=حضرتك تعرف صاحب الرقم دا
عبد الرحمن: اه بيكون ابني هو كويس قولي بسرعه هو فين
=صاحب الرقم دا عمل حادث هو كويس بس ايدو اتكسرت وفي اصابه خفيفه في راسوا
عبد الرحمن: طيب اسم المستشفي بسرعه
=مستشفي....................
عبد الرحمن: طيب انا جاي شكرا الك، مع السلامه
=سلام
بعد نصف ساعه
شاهد أيضًا
في المستشفي
الممرضه: حمد الله علي السلامة
آدم: انا فين
الممرضه: حضرتك عملت حادث وانت دلوثت في المستشفى وعندك اصابات بسيطه
آدم: مين جابني هنا
الممرضه: في شخص جابك هنا واطمن عليك ورن علي بباك ومشي
آدم: تمام شكرا الك
بعد 10دقائق
عبد الرحمن دخل الاوضه
عبد الرحمن: كدا ترعبني عليك عامل ايه وايه اللي طلعك من الفرح مش كنت معانا
آدم: اهدي يابابا بالراحه، انا الحمدلله بخير وكويس، طلعت لانوا حسيت نفسي مخنوق قولت اتمشي بالعربيه شويه الدكتور قالك ايه امتي هخرج
عبد الرحمن: قالي انك كويس وهيمضيلك خروج بعد ساعه بس محتاج راحه تامه
آدم: انا لازم انزل الشغل بكره معايا شغل مهم
عبد الرحمن: مفيش خروج هترتاح بكره واطلع بعد بكره ومفيش نقاش تاني
آدم: حاضر
بعد ساعتين ادم روح البيت و الفرح خلص وكل واحد روح وعدي اليوم بدون ذكر احداث
في الصباح
في الشركه
ـ المدير مجاش الشركه انهردا ليه معقوله فيه حاجه اما اقوم اسأل الموظفه
قامت واول موظفه قابلتها سألتها
ـ هو المدير مجاش ليه انهردا
الموظفه: لانوا المدير عمل حادثه واخد اجاذه انهردا معقول متعرفيش
ـ بصدمه، بتقولي ايه عمل حادثه
رواية المغترب وبنت الصعيد
#البارت_الثامن
ـ بصدمه، بتقولي ايه عمل حادثه
الموظفه: اه بعد الفرح اللي كنا فيه امبارح عمل حادثه بالعربية، وانهردا الموظفين كلهم رايحين بعد الدوام تروحي معانا
ـ لا انا معايا شغل مش هقدر اروح انهردا
الموظفه: خلاص اللي يريحك
ـ انا هروح اكمل شغلي بقي
في مكتب جودي
ـ اروح ولا لا بس دا مديري واجب عليه اروح بس بعد اللي عملتوا معقول يستقبلني، خلاص هروح انهردا بالليل
في بيت آدم
في غرفته
آدم: معقوله تيجي واشوفها انهردا، نفسي اشوفها جدا
عقله: ايه اللي بتقوله دا يا آدم دي موظفه عندك، وانت بتحب لبني ازاي تفكر في غيرها
قلبه: هو محبش لبني ابدا هو بس كان شايفها مناسبه ليه وعمروا محس مع لبني اللي حسوا مع ابتسام
آدم: بس مالك كدا يا آدم عامل زي شاب مراهق بطل تفكير ونام
بعد 10دقائق
الباب خبط
آدم: ادخل
لبني: عامل ايه يا حبيبي، لما سمعت انك عملت حادث سبت كل اللي في ايدي وجيت علي طول
آدم: تمام الحمدلله بخير، هي ماما كانت بره انت وجايه
لبني: اه وهي وصلتني وقالتلي انا هروح اعمل عصير
آدم: طيب اخبارك ايه وروحتي الشركه انهردا الامور تمام؟
لبني: تمام الحمدلله بخير، اه كل حاجه تمام عمر مش مخلي الشركه ناقصلها حاجه وداير كل الامور، وهو وباقي الموظفين هيجوا بعد الدوام
آدم: ييجوا بالسلامه
لبني: اسيبك ترتاح انا بقي، ألف سلامه عليك، سلام
آدم: الله يسلمك مع السلامه
هي وخارجه
مامت آدم: استني اشربي العصير يابنتي
لبني: معلش يا طنط انا اتأخرت مره تاني ان شاء الله، سلام
مامت آدم: مع السلامه، مين دي يابني
شاهد أيضًا
آدم: دي لبني يا ماما موظفه عندي في الشركه وجات تزورني
مامت آدم: ربنا يقومك بالسلامه يارب هروح انا اخلص باقي التنظيف
في المساء في بيت آدم
الباب خبط ومامت آدم فتحت الباب
مامت آدم: ابتسام عامله ايه يا حبيبتي ليه مش بتيجي تزوريني مش انا زي مامتك بردوا، زعلانه منك
ـ معلش يا حبيبتي الشغل والله برجع تعبانه، عامله ايه انت ويارا اخباركم ايه وعمي عامل ايه
مامت آدم: تمام الحمدلله كلنا بخير، ادخلي بدل ما انت واقفه علي الباب
ـ انا جيت ازور استاذ آدم اصلوا سمعت انوا عمل حادثه
مامت آدم: تعالي هو موجود
الباب خبط
آدم: ادخل
مامت آدم: ابتسام جات تطمن عليك، ادخلي يابنتي، وانا هروح اعملكوا
آدم: ماشي يا ماما
ـ عامل يا استاذ آدم
آدم: كان ينفع اللي عملتيه امبارح دا
ـ معلش بس انا استغربت انك جيت تتكلم معايا في حاجه زي كدا
آدم: بس مش احنا اصدقاء فمنحق الصديق ينصح صديقوا وانوا تلبسي كدا دا خطأ مينفعش تلبسي ضيق
ـ بزعل، انا اسف مش هتتكرر تاني، ومعلش لانوا زعقت فيك
آدم: خلاص مسامحك ومن انهردا مفيش استاذ آدم انا آدم وبس اتفقنا
ـ اتفقنا، عامل ايه دلوقت واخبار ايدك ايه والدكتور قالك هتفك الجبس امتي
آدم: تمام الحمدلله بخير، هفكوا بعد 15يوم
ـ ألف سلامة عليك، هقوم انا بقي علشان متأخرش
آدم: خليكي شويه نتكلم كدا كدا مالل ومفيش حاجه اعملها
ـ حاضر
مكان اول مره نروحوا في بيت لبني
لبني: انا مستحيل اخلي حد تاني ياخدوا مني انا اقتلها، معقول بعد اللي عملتوا دا كلوا وليا سنه بخطط علشان الفلوس وفي الاخر هي تاجي تاخد مني كل حاجه علي الجاهز لا مستحيل
البارت التاسع
مكان اول مره نروحوا في ببت لبني
لبني: انا مستحيل اخلي حد تاني ياخدوا مني انا اقتلها، معقول بعد اللي عملتوا دا كلوا وليا سنه بخطط علشان الفلوس وفي الاخر هي تاجي تاخد مني كل حاجه علي الجاهز لا مستحيل
عدي الايام وادم وجودي بقيوا يتعرفوا علي بعض اكتر ويتكلموا والاتنين قربوا من بعض بس مفيش حد فيهم اعترف انوا حب التاني وفي يوم من الايام
في غرفه جودي
ـ انا لازم اعترفلوا بكل حاجه انا مينفعش اخبي بعد كدا تاني، هعترفلوا انهردا
في غرفه آدم
آدم: حبيتها يا آدم اعترف بقي انك حبيت الكلام معاها وحبيت روحها وحتي مش بتحبها تبعد عنك ولو للحظه لازم تعترفلها انهردا
في غرفه لبني بتتكلم علي الهاتف
لبني: لازم تعمل اللي اتفقنا عليها انهردا قبل بكره
ـ......
لبني: مهو انا مش هضيع كل حاجه من ايدي في الآخر، هو بدأ يحبها واكيد هيعترفها لازم ننفذ بسرعه
ـ.........
في المساء، كان آدم بيحضر مفاجأة لجودي في حديقه الفيلا كانت عباره عن عشاء علي ضوء الشموع وورد ، وذهب لاحضارها
بعد 10دقائق
في شقه جودي الباب خبط
ـ مين
آدم: انا آدم
ـ حاضر
فتحت الباب
آدم: انت جاهزه كدا وراحه فين
ـ انا كنت جايه لحضرتك علشان حاجه مهمه واستغربت انك جيت
آدم: انا عاملك مفاجأة ممكن تيجي معايا
ـ مفاجأة ايه دي
آدم: لو قولتلك مش هتبقي مفاجأة تعالي معايا
وذهبوا الي فيلا آدم
في السياره
آدم: غمضي عينك قبل مننزل ممكن ولما اقولك فتحيها تفتحي
ـ اوعي تكون هتعملي حاجه
آدم: انت بتهزري مش آدم اللي يعمل كدا، غمضي يلا
ـ حاضر
آدم: انزلي بالراحة، خلاص قربنا اهو تمام كدا وصلنا، فتحي يلا
ـ واو ايه الجمال دا لمين دا كلوا هو في حفله ولا ايه (وقعدت تنظر بتعجب)
آدم: كل دا ليكي
ـ بدهشه، ليا انا، بمناسبه ايه
آدم: بمناسبه انوا عايزه اعترفلك بحاجه مهمه، وهي انوا انا من يوم مشوفتك وحياتي بقيت متلغبطه كل حاجه اتغيرت بقيت حابب وجودك جنبي بقيت حابب اتكلم معاكي ومش بمل ابدا، بقيت دايما عايزك جنبي، بقيت طول الوقت بفكر فيكي ومش بتروحي من علي بالي ابدا، انا بحبك يا ابتسام (خلص وبيشوف هي ليه ساكته لقيها مدمعه)
مالك هو انا قولت حاجه زعلتك طيب اهدي كدا ممكن
ـ في حاجه لازم تعرفها قبل كل شئ
آدم باستغراب: حاجه ايه دي؟
ـ بدموع، انا مسميش ابتسام انا اسمي جودي وجيت البلد هنا علشان انا هربانه من اهلي لانوا كانوا عايزين يجوزوني واحد معرفهوش، انا كدبت عليك لانوا مكنتش عايزه حد يعرفني مش بستغفلك ولا حاجه انا بس خفت حد يجي من اهلي يدور عليا ويلاقيني بسبب الاسم انا اسف جدا
وطلعت تجري وهو بعد مفاق من الصدمه طلع يجري وراها، واول موصل عند الباب لقي عربيه سوده اتفتحت واخدت جودي ومشيت بص علي رقم العربيه وحفظوا ورن علي واحد صاحبوا من الشرطه
آدم بعصبيه : الوا يا ادهم عايزه تعرفلي رقم العربيه اللي هبعتهولك دا بتاع مين وتجيبلي اخر مكان موجوده فيه بسرعه يا ادهم
ادهم: في ايه
آدم بعصبيه: اعمل اللي قولتلك عليه وبعدها نبقي نتكلم سلا
وقفل الفون بسرعه
بعد عشر دقائق
في مكان مجهول
جودي بدأت تفتح عينها ببطئ وتفاجأت بفتاه قدامها
جودي: انت مين؟
ـ بعصبيه، انا ابقي لبني كنت موظفه عند آدم في الشركه وحبيبتوا ولما انت جيتي خدت كل حاجه مني
جودي: وانا عملتلك ايه انا حتي مكانش ليا علاقه بيكي في الشركه ولا كنت اعرفك اصلا
لبني: عملت ايه خدتي مني الحاجه الوحيده المربحه ليه وهي آدم خلتيه يحبك رغم انوا كان بيحبني انا
جودي: مش يمكن هو محبكيش وانت كمان اصلا محبتهوش انت حبيتي فلوسوا بس
لبني: نهايتك علي ايدي انهردا يا بطه وانا هعرف ارجعوا ليا تاني ازاي
في غرفه آدم رايح جاي بيفكر يا تري مين اخدها معقول عيلتها اللي كانت بتتكلم عنهم قطع وصله التفكير رنت تليفونوا
آدم: الوا يا ادهم عملت ايه
ادهم: انا حددت مكان السياره دلوقت وهي في المكان..........
آدم: تمام ماشي شكرا اوي
ادهم: ابقي طمني عليك واحكيلي مالك
آدم: مش دلوقت يا ادهم لما ارجع سلام
ادهم: سلام
طلع بسرعه من الفلا وركب السياره وراح للمكان اللي اتوصفلوا
في غرفه عمر
عمر: انا هتقدم لاخوها بكره ويارب توافق وتقبلني، خلاص معدتش قادر استني اكتر من كدا
البارت العاشر ( الأخير )
المغترب وبنت الصعيد
عدت الدقائق علي آدم كانها ساعات
في سياره آدم
آدم: ياتري هلاقيكي هنا ولا لا، معقول يكونوا عملوا فيكي حاجه، لا لا لا متفكرش في حاجه وحشه هي هتكون بخير
بعد نصف ساعه كان آدم وصل للمكان ولقيه مكان مهجور وكان عباره عن كوخ صغير دخل ويتفاجأ بيها ملقاه علي الارض جري عليها
آدم: جودي مالك قومي مين اللي عمل فيكي كدا قومي يا حبيبتي (رفع راسها وشاف دم)
ايه دا دم طلع منديل قماش من جيبوا وربط راسها بيه
بعد مقام وشالها وطالع بيها ظهر لبني
آدم بدهشه: لبني انت بتعملي ايه هنا
لبني: متعرفش انا بعمل ايه هنا، انا الشخص اللي حبك وانت سبتوا بدون اي حاجه علشان دي (وشاورت علي جودي) فيها ايه احسن مني ها فيها ايه، عايز تعرف مين عمل كدا فيها، انا اللي عملت كدا
فلاش
جودي: مستحيل اخليكي تقربي منوا علي موتي، وانت مش هتقدري تعمليلي حاجه لانوا هو هيجي ويساعندي وهيعرف حقيقتك وانك بتحبي فلوسوا وبس
لبني: بس خلاص اسكتي ومسكت المسدس اللي في ايدها وضربتها علي راسها
جودي: ااااااااااه
واغمي عليها
باك
آدم: انت ازاي تعملي فيها كدا انا هموتك بايديا
سند جودي وقام يخنقها وهو ماسكها من رقبتنا آدم: انا هموتك انت ازاي تقربيلها اصلا
وفجأه بتدخل الشرطه وبتفك ايد ادم وتاخد لبني
آدم: متخرجش حتي بكفاله ولا باي حاجه اعمل اي حاجه يا ادهم علشان متطلعش
وسابهم واخد جودي وراح بيها جري علي المستشفى
في المستشفي
آدم: دكتور هي كويسه
دكتور: اه الحمد لله الجرح طلع سطحي وهي كويسه دلوقت وتقدر تخرج انهردا وانا هكتبلها خروج
آدم: شكرا اوي يا دكتور
دخل الاوضي وشافها نايمه غصب عنوا دمع قعد جنبها ومسك ايدها
آدم: انا اسف سامحيني مجيتش علي الوقت ومقدرتش احميكي انت قومي بس وانا هعملك اي حاجه تطلبيها
عدي الوقت وجودي فاقت وآدم اخدها علي البيت وبدأو يعتنوا بيها وفي يوم
في بيت آدم باب غرفه جودي خبط
جودي: ادخل
آدم: عامله ايه
جودي: تمام الحمدلله تعالي اتفضل
آدم: هسألك علي حاجه واتمني تجاوبيني بكل صراحه
جودي: اتفضل
آدم: مين عيلتك ومن فين بالضبط
جودي: انا من الصعيد من قنا عيلتي اسمها الهواري بابا اسموا محمد انا بحبهم جدا بس هم غصبوني اتجوز حد معرفهوش علشان كدا هربت وجيت هنا
كان في حد بيسمعهم بالصدفه وهو والد آدم دخل بصدمه
عبد الرحمن: انت من عيله الهواري من قنا معقول
آدم: انت تعرفها
عبد الرحمن: انت تعرف دي مين، دي تبقي بنت عمك، اللي كنت المفروض تتقدم لها
آدم وجودي بصوا لبعض بصدمه
آدم: ازاي يابابا لا مش معقول انت اكيد متلغبط
عبد الرحمن: لا مش متلغبط مفيش غير عيله وحده في الصعيد اسمها الهواري وهي اكبر عليه اصلا، احنا لازم نحل الموضوع وننزل البلد فورا وياريت انهردا قبل بكره
جودي بعد مفاقت من الصدمه
جودي: لا لا مستحيل انا لو رجعت هيموتوني مستحيل ارجع
آدم: اهدي محدش يقدر يقربلك وانا موجود
عبد الرحمن: تمام هنروح كلنا انهردا
عدي الوقت ونزلوا كلهم ووصلوا اول مخبطوا واتفتح الباب وكان الجد
الجد: جودي خودي تعالي هنا
وراح يمد ايدوا يشدها ظهر آدم
آدم: محدش يمد ايدوا علي مراتي يا جدي
الكل بصدمه : مراتك
آدم: انا جيت اطلب منك ايد جودي واوعي تفكر انك تقدر تعملها حاجه لانوا حتي لو موافقتش هتجوزها بردو فوافق احسن
الجد: امري لله انا موافق واكيد محمد هيوافق مش هنلاقي ليها حد احسن من ابن عمها الف مبارك يا ابن الغالي، تعالي في حضني
وخد آدم فحضنوا
عدي الوقت وآدم اتقدم لجودي وعمر اتقدم ليارا اخت آدم وهي وافقت واتفقوا الاتنين انوا الفرح يبقي في يوم واحد
عدي الايام وانهردا الفرح راح آدم يجيب جودي
واول مطلعت وشافها
آدم: انت جميله كدا ازاي، ايه رايك نلغي الفرح ونروح
جودي: اتلم يا آدم، يلا بينا
آدم: قلب وروح آدم، يلا
في الفرح وهم بيرقصوا آدم قرب منها وقالها
أحببتك يا قلبي وكأن ما مر قبل مجيئك كان انتظارا لك يا روح فؤادي 🙈❤
تمت
تعليقات
إرسال تعليق