مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت❤بقلم سولييه نصار❤❤

-اتفضلي يا عروسة برجلك اليمين 

دخلت وانا مكسوفة واتأملت البيت اللي كنت بجهز فيه بحب بقالي شهرين .....اياد هو زميلي في الشغل من اول ما شوفنا بعض حبني وبسرعة اتخطبنا وجهزنا بيت الزوجية وقررنا منستناش رغم ان اهلي كانوا متضايقين من التسرع ده بس انا بحبه اعمل ايه 

-نورتي بيتك يا شابة 

قالها بضحكة شريرة بقلم سولييه نصار❤

--يما انت خوفتني يا اياد 

قرب مني فرجعت لورا وقولت :

ايه يا جدع انت مالك

قرب اكتر فقولت :

-قرب كمان وانا اصرخ وألم عليك امة لا اله الا الله واعملك محضر تحشر 

-هتحبسي جوزك يا حياة اهون عليكي

-لا طبعا يا ايدو ده  تهديد 

-ايه ايدو ده 

-اسم دلعك 

-دلع ماسخ زيك...لا يا ستي....احبسيني احسن 

فضل يقرب برضه فقولت :

-بتقرب ليه تاني 

مسكني وقال :

-النهاردة ليلة دخلتنا هكون بقرب ليه يا اذكي اخواتك ....

-ايه لا.....استني 

زعقت وضربت رجله وبعدت وقولت:

-لا مفيش دخلة الا لما تعيشني جو رومانسي ...انا عايزة السرير يكون مفروش بالورد 

-ورد ؟!ايه  المياعة دي يا  حياة انتي جاية تحققي أحلامك النهاردة هو ده وقته 

ولسه هيمسكني تاني بس جريت علي الأوضة وقفلت الباب

-اتقي الله يا حياة وافتحي انا زي جوزك يعني 

-لا اياد مش هفتح الا لما تفرشلي السرير ورد 

-طيب بوصي علي السرير عندك يا عامية 

بصيت علي السرير اللي مكنتش واخدة بالي منه واتصدمت  ...السرير كان مفروش بالورد الاحمر كان جميل اووي ...ابتسمت وعيوني دمعت ...فتحت الباب فابتسم لحد ما بانت غمازاته ودخل ...قرب وباس راسي وقال :

-احلامك هي أوامر بالنسبالي انا عارفة حبك للورود واواعدك يا حبيبتي إن هملي  البيت ده كله بالورود ...هخليكي اسعد واحدة في العالم

-بحبك

- وانا كمان 

.......

تاني يوم صحينا من النوم 

-يالا يا بت حضريلنا الفطار 

شديته من السرير وقولت:

-نعم يا اخويا انت هتعيشلي في دور سيد السيد من اولها لا يا حبيبي فوق وتعالي ساعدني انا عروسة ولازم اتدلع شوية

ضحك وهو جاي ورايا ...فجأة جرس الباب رن ...بصيتله بحيرة وقولت 

-من ده اللي جاي في الوقت ده 

هز رأسه وقال:

-معرفش مين ده ...مين اللي معندوش دم اللي جاي لاتنين عرسان دلوقتي؟!!

وراح فتح الباب 

-صباحية مباركة يا عريس 

قالتها واحدة حلوة وباست خده 

تجمد في مكانه وهو مصدوم 

دخلت الشقة وهي بتتأمل فيها ...فجأة بصتلي وابتسمت ...عينيها الخضرا لمعت وقربت مني ومدت ايديها:

-هاي انا شاهيناز صفوت ممكن تقوليلي يا شاهي 

-شاهي امشي دلوقتي 

قالها اياد وهو متوتر 

-انتي مين 

- هو اياد مقالكيش 

-شاهي قولتلك امشي...

ابتسمت بخبث وقالت:

- انا يا حبيبتي مرات اياد الاولي وانتي تبقي ضرتي!!!!

يتبع 

#هروب

الجزء التاني ❤شكرا على تفاعلكم السكر زيكم❤❤بقلم سولييه نصار ❤

-شاهي قولت امشي من هنا دلوقتي !!!

مسك اياد ايديها وهو متعصب 

-ليه بس يا عريس انا بتعرف علي ضرتي ...تنكر أني مراتك 

سكت اياد ووشه حمر ...عيوني اتملت بالدموع وقولت :

-انتي مراته ازاي مش فاهمة 

-زي الناس يا قطة ...اتجوزنا عند مأذون بس معملناش فرح كان عندنا ظروف ساعتها تحبي تشوفي وثيقة الزواج ..

هزيت راسي وانا ببكي ...ابتسمت شاهي بخبث وقربت من اياد وباسته من خده وقالت:

-هستناك النهاردة بالليل فيه كلام كتير لازم نقوله باي يا حبيبي .

بصتلي وانا ببكي وقالت :

-مبروك يا عروسة

وبعدين مشيت ....قفل اياد الباب وراها ...بصلي بخوف ....وشي كان احمر ودموعي بتنزل لوحدها لوحدها ...لحظات وحسيت أن صدري ضاق ومش قادرة اخد نفسي ...اياد اتخض وقرب مني وقال بتوتر؛

-حياة ...حياة حبيبتي اهدي 

وقعت علي الأرض وانا باخد نفسي بالعافية  ببكي ...نزل وحضني وقال:

-اهدي انتي فاهمة غلط 

بس انا مسكتش صوت بكايا علي قلبي كان بيتحرق 

دموعه نزلت واتكلم بخنقة:

-والله انا بحبك انتي اديني فرصة اشرح 

بس مقدرتش اوقف بكا كنت حاسة اني بموت ...جاسة بالخيانة 

بعد وقت كنت نمت علي الأرض ...شالني  براحة وحطني علي السرير وقال :

-لما تصحي هفهمك كل حاجة ...هعرفك انك الست الاهم في حياتي هتعرفي اني كنت مجبور اتجوزها وهتعرفي انك حبي الوحيد..

ونام جمبي

.........

صحيت بعد ساعة تقريبا ...لقيته نايم جمبي دموعي نزلت لوحدها ...كنت اتمني اكون بحلم بس جرحي حقيقي .. حزني حقيقي وخيانته حقيقية ...هو  وخان وده ملوش تبرير قومت براحة وجهزت شنطة صغيرة ولبست هدومي وسيبت البيت مع ملاحظة انه يطلقني في اسرع وقت بقلم سولييه نصار❤

......

قام اياد من النوم وبص جمبه ملقهاش ...قام زي المجنون يدور عليها ...هدوم ليها اختفت تماما....لقي ورقة سابتها وقراها:

-قولتلك قبل كده يا اياد انا مبسامحش لا الكداب ولا الخاين بتمني بهدوء ورقتي توصلي وربنا يسعدك مع مراتك 

دموعه نزلت ووقع علي الأرض وفضل يبكي!!

............

دموعي كانت بتنزل لوحدها وانا راكبة الاتوبيس...مرضتش اروح لاهلي فروحت لأختي اللي ساكنة في الإسكندرية وبلغت اهلي بكده ...طبعا لموني اني انا اللي اختارته يبقي استاهل اللي يجرالي ....

......

-حياة حبيبتي 

قالتها صفا وهي بتبكي ...حضنتها وانفجرت في البكا وقولت :

-كسرني يا صفا ..كسرني 

-بس يا حبيبتي اهدي ميستاهلش دموعك ...

مسحت دموعي وقالت:

- انا هخلعك منه ..ده انا هفضحه واشحططه في المحاكم صبرك عليا بس 

......

مرت الايام وانا في بيت صفا وجوزها يوسف ....كنت دايما حزينة بس محاولتش ابين ...اياد رغم خيانته بس وحشني اوووي ...اهلي كانوا دايما بيتصلوا بيا ويقولوا انه يوميا يجي عندهم واترجاهم عشان يعرف مكاني بس هما طردوه

......

في يوم كنت راكبة السرفيس وراجعة البيت بعد ما طلعت اغير جو شويا ...فجأة شوفته واقف بعيد ...جسمي اترعش وفرحت فجأة فرحتي اختفت وانا بشوف شاهي معاه ...كان ماسك ايدها وماشي معاها !!!

......

رجعت البيت 

- حماتك بتحبك يا حياة عملالك مكرونة بالبشاميل وحتي دكتور رضوي صاحبتي جاية تشوفك 

بصتلي بخوف لما شافتني باخد نفسي بسرعة

-حياة مالك؟!

-هموت ..هموت 

صرخت وانا ببكي واغمي عليا

.......

بعد شوية فتحت عيني لقيت صفا بتبصلي بشفقة وقالت:

-مش عارفة ازعل ولا اقولك مبروك يا حياة ...رضوي كشفت عليكي واكتشفنا انك حامل!!!

يتبع 

#هروب

الجزء الاخير❤شكرا على تفاعلكم السكر زيكم❤بقلم سولييه نصار❤

-ايه حامل يا نهار اسود ....ليه كده انا ناقصة 

قولتها وانا ببكي  قربت صفا مني  وحضنتني جامد وهي بتقول :

-اهدي يا حبيبتي ...يمكن ده يكون عوض ليكي 

-لا انا مش عايزاه ...مش عايزة اي حاجة من ريحة...انا هنزل البيبي 

-بطلي هبل تنزلي ايه يا حياة ده ابنك....

-مش عايزاه ومش حباه...مش عايزة اي حاجة تفكرني بالخاين ده 

-تقومي تق*تلي روح ....تق*تلي ابنك 

حضنتني تاني وقالت:بقلم سولييه نصار ❤

-استهدي بالله بس يا حبيبتي عارفة ان ده صعب عليكي بس اعتبريه عوض من ربنا يا حياة ...واعتبري أن دي إشارة تتكلمي مع جوزك وتواجهيه كفاية هروب 

-انتي مش قلتي هتشحططيه في المحاكم دلوقتي اتخليتي عني 

- ده كان قبل ما تقولي انه قال هيحكيلك عن كل حاجة وأنه اتجوزها مجبور .

-ميهمنيش ده كدب وخانني اي تبرير ملوش لازمة 

-طيب علي الاقل اسمعيه

-صفا خلاص انتهينا انا وهو ...حد يفهمني يا ناس انا  لحظة جاتلي بعد يوم عمري ...ليلة صباحيتي وقالت انها ضرتي عايزاني اعمل ايه يعني ..استني سي السيد  لما يلاقي مبرر ...

كنت ببكي جامد...طبطبت صفا عليا وقالت :

-خلاص يا حبيبتي اهدي دلوقتي هقوم احضرلك الأكل 

........

بالليل كنت قاعدة في الأوضة ودماغي بتودي وبتجيب ...جات فجأة صفا تجري وقالت :

-جوزك وواحدة تاني برة علي الباب بيخبطوا...

قومت وجسمي بيترعش وقولت بدموع:

-مش. عاوزة اشوفه ...

-تمام اطلعي من الباب الخلفي وروحي بيت جارتنا هدي اقعدي عندها انا هتصل بيها وافهمها 

هزيت راسي وطلعت بسرعة 

........

- صفا انا عارف انها عندك هنا 

 زعق اياد وهو منهار وكمل :

-هي لازم تسمعني ....انا جيبت شاهي معايا عشان تعرف الحقيقة لازم تسمعني يا صفا لو سمحتي انا مش عايز اخسرها 

-انت خسرتها لما كدبت فلو سمحت امشي دلوقتي حياة مش عندي 

- صفا ابوس ايديك اسمعيني ...شاهي صحيح مراتي بس ....

كملت شاهي وهي باصة في الارض وقالت:

- انا أولا بعتذر علي اللي عملته بس لحظة تهور وغيره مني خلتني ادمر كل حاجة ...انا كنت مرات اخو اياد الله يرحمه ما*ت من سنتين ومعايا منه مايا ....ولاني يتيمة ومليش حد  وعشان كلام الناس بسبب وجود اياد معانا في البيت ..اهل اياد مرضوش يسيبوني ويطلعوني من البيت وجوزوني لاياد 

اتكلم اياد :

-والله جوازنا مش حقيقي وانا ملمستهاش حتي ...اتفقنا اننا نتجوز فترة ونتطلق بعد ما انا اتجوز واطلع من البيت وهي تعيش مع اهلي 

حطت شاهي وشها في الارض وقالت:

-بس لحظة شيطان بوظت كل حاجة لان مشاعري مالت لاياد واستخسرت ان واحدة غيري تاخده

تنهدت صفا وقالت:

- كنت تقدر تقول ده من الاول 

-خوفت اخسرها ...انا والله بحبها 

-طيب اديها فرصة تهدي يا اياد وهي هترجع 

هز رأسه ومشي بهدوء بعد ما قال الحقيقة .

.....

-اهو يا ستي طلع برئ ...اتصلي بيه بقا

-لا 

-ايه هو اللي لا يا حياة الراجل طلع مظلوم 

- ده كدب عليا خدعني...ده خاين 

-يا حياة 

-قصره يا صفا انا هتطلق خلاص انتهينا

-براحتك

......

بعد خمس ايام ....

كنت في عيادة دكتور. النسا عشان اعمل اج*هاض للبيبي ...كنت مانعة عقلي يفكر في اي حاجة ....انا ...هجه*ضه  وده قراري الاخير ...

دخلت أوضة العمليات وانا متوترة الدكتور قالي ان الإجه*اض هيكون بسيط لانه مبكر وهيكون سهل ....لبست هدوم العمليات ونومت علي السرير ...لقيت دموعي بتنزل لوحدها وبكيت كتير فجأة قومت وانا بقول برعب :

-مش هق*تل ابني مش ه*قتله

.....

طلعت من العيادة وانا مبتسمة اني رجعت لعقلي في الوقت المناسب ...ده ابني أق*تله ازاي ...مهما كان ابوه ج*رحني هو هيكون العوض لو انفصلت عن اياد ....روحت علي شاطئ البحر وغمضت عينيا وانت بتخيل حياتي معاه 

-وحشتيني 

جه صوته من ورايا ...فتحت عيني وبصيتله ..عينيا اتملت دموع ولسه همشي مسكني وقال:

-اسمعيني

دموعي نزلت وانا بقول. بعنف:

-سيبني  يا خاين مستحيل ارجعلك

-حياة صفا اكيد قالتلك الحقيقة ...حرام عليكي ت*دمري حياتنا بسبب حاجة زي كده 

بعدت عنه وانا بمسح دموعي فقال:

- والله العظيم بحبك ..بحبك اووي ومش عايز اخسرك

-انت كدبت عليا ك*سرت قلبي وسعادتي ..ازاي جالك قلب تعمل كده 

-حياة انا خوفت اخسرك وانا كده كده هطلقها.   ارجعيلي ابوس ايديكي ...صفا قالتلي انك حامل...عايزة تحرمي ابننا مني ...عايزة تحرميه من العيلة؟!

-اديني وقت انسي جرحك ليا يا اياد ...اديني فرصة لوحدي عشان هسامح لو قدرت اسامح هرجع ولو مش...

-هتسامحيني وانا هستناكي لاخر العمر 

ابتسم ليا ....معرفش هقدر اسامح ولا لا ...بس مهما كان قراري واثقة اني هكون سعيدة عشان ابني او بنتي هيكونوا معايا ...هما العوض اللي انا محتاجاهم دلوقتي

تمت 

#هروب

#سولييه_نصار

وبكده خلص الاسكريبت شكرا علي التفاعل الحلو❤النهاية المرة دي مفتوحة  ليكم حياة مهما اختارت هتكون سعيدة بإذن الله انتوا رايكم تختار ايه ❤الاسكريبت القادم بإسم ملك ❤