 |
حمقاء في الموساد الثالث والرابع بقلم ايزيس
ملك ....اهدي يا وحش وفهمني بالراحة مش اهم حاجة الطلقة ما تصيبش الراجل التمثال دا
سيف ....صبرني يارب ...دا هو دا ديفيد اللي الطلقة لازم تيجي فيه أنا هاروح اظبطه اكتر من كده عشان تعرفي
تركزي ولسة سيف هيتحرك وملك كل تفكيرها أنه التمثال لديفيد وقامت ضربة طلقة جات ف سيف
ملك صرخت ....سيييييييف...يالهووويييي الواد هيفرهد يخرب بيت السلاح...وجريت عليه (السلاح برضو يا ملك🤣)
سيف بألم ....هتعملي فيا ايه تاني الله يخرب بيتك اااه دراعي ..كنت عارف انك هتتعبيني بس مش من اول يوم كده
ملك مسكت دراعه لقت خدش بسيط وانصدمت بس اطمنت وقالت
ملك....ايه دا اومال طول بعرض ووقعت من طلقة ف دراعك وكمان الرصاص مش حقيقي
سيف بصلها بغل ....المرة الجاية هابقي احطلك رصاص حقيقي وابقي صوبي المسدس ناحية قلبي ..ابعدييييي عني
ملك ....بتكشيرة اطفال...كنت بحاول اساعدك تقوم وكمان هخيطلك الجرح اصلي أنا نيرس nurse. 😎
سيف .بعصبية ...ماتقربيليش هاقوم لوحدي انتي ما تجيش جمبي خالص وانا مش مجنون عشان اخليكي تعالجيني
ملك .بتكشيرة ....براحتك قوم لوحدك مانت وحش وجامد بقا قالتها بتريقة 😏
وقام سيف ودخل الفيلا ونادي ع الدكتور عمرو اللي بيشتغل مع حازم وقاعد معاهم ف البيت السري لزوم الحوادث (اصلهم عارفين ملك هادية ومش هتتسبب ف اي كوارس🤣)
ملك ....يا وااااد يا جامد مأمن نفسك من كله انت وجايب دكتور كمان
سيف ....قلب المؤمن دليله واتهدي واقعدي خمس دقايق من غير لوك لوك
الدكتور خيط الجرح لسيف تلات غرز وبعدها قام سيف وقال....يلا يابت علي برا هنكمل تدريب
ملك بصدمة....انت تعبان يا كابتن لازم ترتاح اسبوع ع الأقل
سيف....وحياة امك ...
ملك ....بحزن ممكن ما تجيبش سيرة امي🥺
سيف....أتأثر ...أنا اسف ..بس انا مش هينفع ارتاح لازم خلال شهر بالكتير تكوني جاهزة للسفر
ملك.....حاضر امرك يلا بينا
وخرجوا تاني للتدريب وفضل سيف يدربها لغاية الضهر ما أذن
ملك بتعب ....كابتن سيف انت خاطفني هنا ولا بتعذبني
سيف...ليه بتقولي كده
ملك ...مش ملاحظ اني ما افطرتش ويمكن يغمي عليا من الجوع دلوقتي
سيف افتكر انها فعلا ما فطرتش ....وايه الادب اللي نزل عليكي فجأة دا ماقولتيش ليه من بدري انك جعانة ..تحبي تاكلي ايه بقا
ملك....بيتزا ...
_نعم بيتزا ودي اجيبها منين دلوقتي
=اطلب دليفيري 🙂
_حضرتك ناسية إنه المكان دا سري وماينفعش حد يعرفه ..ادخلي جوه وانا هاخرج نص ساعة وراجع تاني
دخلت ملك اتوضت وصلت الضهر (علي فكرة نسيت اقولكم ملك محجبة خليكو فاكرين )
بعد نص ساعة
وصل سيف ومعاه بيتزا جريت ملك زي الاطفال واخدتها وفضلت تاكل بسرعة كأنه حد هيجي ياخدها منها وسيف بياكل بكل هدوء وبيراقبها ويبتسم
بعد شوية
ملك....هييييييح الحمد لله شبعت
سيف....لسة فاضل العلبة كوليها طعمها حلو
ملك....نيينينينيني ..خليهالك كلها انت
سيف ...تشربي قهوة
_امممم
=طب قومي اعمليلنا أنا ايدي متصابة
ملك ...استغلالي جدااااا
شربوا قهوة وخرجوا تاني للتدريب فضلوا لغاية المغرب بس سيف لمح بصيص امل أنه ملك تتحسن لأنها أدت بشكل كويس نسبيا المرة دي
سيف.....كفاية كده شطورة اوي
ملك ...بفرحة بجد عجبتك يا كابتن
سيف ...امممم وعشان كده هفرجك ع فيلم
ملك....هنروح سينما وحياة عيالك
سيف...لا سنيما ايه انتي فهمتي غلط انا واخد بنت اختي افسحها ..في اوضة في البيت دا خاصة بعرض الافلام تعالي معايا
ملك بفرحة ...يلا نجري وجريوا علي جوة
في اوضة السينما
بعد مرور وقت ملك منهارة في دموعها وسيف بيبصلها بصمت وملامحه جامدة جدا وفجأة وقف وفصل العرض وقال
سيف...كفاية لغاية انهاردة أنا اسف بس دا واقع
ملك ...بدموع وشهقات ...الحقيقة ديما بتوجع يا باشا بس انت ليه فرجتني علي الحاجات دي
سيف....المناظر دي يا ملك واقع بيعيشوا اخواتنا الفلسطينين كل يوم وبيتعرضلها اطفال عندهم يادوبك سنة وانتين وتلاتة ...أما أنا فرجتك ليه عليهم عشان انتي هتسافري وتواجهي الحقيقة دي بنفسك ولازم ماتنهاريش لما تشوفيها عشان كده هفرجك كل يوم علي فيلم وثائقي فيه عذاب الوان لناس مالهاش اي ذنب غير أنهم اتولدوا لقيوا بلدهم ف قبضة عدو مابيعرفش يعني ايه إنسانية ولا يعرف ربنا ...
قامت ملك ولسة بتعيط ....انا هاروح انام
سيف....تمام بس كان فيه درس عبري لازم تاخديه وانا هلغيه عشان حالتك دي وبكرة إن شاء الله نكمل ..تصبحي ع خير
ملك ماردتش ومشيت وكأن جرح الماضي انفتح تاني
طلعت ملك اوضتها وصلت العشا وعيطت كتير ودعت لعايلتها بالرحمة ودعت ربنا أنه يقويها وينصرها ف انتقامها
مددت ملك ع السرير وافتكرت يوم موت اهلها
FLASH BACK فلاش باك
ملك راجعة من الشيفت الليلي بتاعها نزلت من التوك توك وفجأة لقت نار شديدة جدا خارجة من شبابيك شقتهم
ملك .....فضلت تدور في الناس الملمومة عشان تلاقي حد من أهلها
ملك بصدمة من غير بكاء ...خالتي سعاد فين ماما وبابا
سعاد ..ربنا يتولاهم يا بنتي برحمته
ملك....بصراخ ...لااااااااااا ماتقوليش كده هما هيخرجوا مش هيجرالهم حاجة ولسة هتجري علي فوق لكن حد شدها من أيدها
ملك ....سيبني سيبني أنا رايحة لماما وبابا وأخواتي اخواتي فوق سيبني ..وصرخت بحرقة .....يا ماااااااااماااااا .وبعدين فقدت الوعي ووقعت بين ايدين شريف
BACK بااااااك
ملك انهارت اكتر في البكا وفضلت تعيط لغاية ما نامت
وصحيت الفجر اتوضت وصلت ونزلت حضرت فطار وبعدين سيف صحي صلي الفجر ع الساعة خمسة وقرا قرأن لغاية الساعة ستة وراح يصحي ملك بس مالقهاش نزل زي المجنون بس لقاها ع السفرة محضرة الفطار ومش بتاكل
سيف اتنهد بارتياح.....قلقتيني عليكي انت قلت البت خافت وهربت
ملك ...بابتسامة....اهرب ليه برنس دانا قدرك
سيف ضحك ....هو انتي ملك فعلا ولا أنا بحلم .اول مرة تصحي بدري كده خير
ملك ...لا يا كابتن أنا طبيعة شغلي كده اصلا مرة اخلص الفجر وأروح ودا الشفت الليلي ومرة اصحي الفجر وأروح الشغل بنتعب اوي يا ابو صلاح احنا 😎
سيف....ربنا يعينك انا بجد جعاااان جدا وبدأ يفطر وبعد ما خلصوا فطار وشالوا الاكل
ملك.....يلا ع التدريب أنا متحمسة جدااا
سيف....ملك ممكن سؤال
بصتله ملك ....اتفضل
سيف ..باحراج. طبيعة علاقتك بديفيد كانت عاملة ازاي
ملك بابتسامة....مش فاهمة
سيف.....بنفس الاحراج....ي يعني ديفيد قربلك أو اتخطي حدوده معاكي....حصلت بينكو حاجة يعني
ملك كانت مصدومة ومن غير ما تحس قربت علي سيف وضربته بحتة قلم
سيف..
"يتبع
الفصل الرابع 4
سيف..... باحراج....ي يعني ديفيد قربلك أو اتخطي حدوده معاكي....حصلت بينكو حاجة يعني
ملك كانت مصدومة ومن غير ما تحس قربت علي سيف وضربته بحتة قلم
سيف وقف متصنم لحظات يستوعب اللي هي عملته بس هي جريت وخرجت برا البيت بسرعة ..سيف فاق من شروده وجري ورا المجنونة دي .بص لقاها عمالة تجري وتلف حوالين البيت وبتعيط قام راح وراها اعترض طريقها ووقفها
سيف.....ملك انا ماكانش قصدي حاجة دي أوامر حاز...وقبل ما يكمل كلامه
ملك ....ببكاء هيستيري ....انتوا كلكم زي بعض أنا بكرهكو كلكو ..انتو مش بترحمو حد ليه شايفني بالصورة دي
سيف باستغراب...كلنا مين
ملك ...أهل العمارة وأهل المنطقة واخيرا انتوا ...كلهم لما شريف هرب يوم فرحنا قالوا عليا كده ..شريف عمره ما مسك ايدي غير لما كان بيعديني الشارع من العربيات
سيف اندهش بس فرح جدا ومش عارف ليه فرح..وقال في نفسه...يا ريت يا ملك يكون ديفيد حبك بجد ..لانه لو مش بيحبك هيكشفك من اول يوم دا واحد خطير وذكي جدا ..ربنا يستر
وبعدين قال لها
سيف....ملك انا مش فضولي ومش شايف انك بنت وحشة لا سمح الله بس دي اوامر حازم باشا وانا بجد اسف ..ما كانش قصدي اني اجرح كرامتك
ملك هديت شوية وقالت ....خلاص حصل خير يلا ع التدريب بقا
وفعلا بدأوا تدريب وأثناء التدريب سيف حاسس أنه دي مش طبيعة ملك هادية وساكتة ومش بتعمل مشاكل
سيف ...لحظة وراجعلك تاني
مشي سيف راح الجنينة ورجعلها بعد شوية وف أيده كام وردة ..مدهم ف وشها
سيف....أنا اسف
ملك اتفاجئت وضحكت...ايه النحنحة دي بقا .مش كنت جبت حاجة ناكلها احسن يا برنس
سيف...ضحك واتفاجئ من رد فعلها....تصدقي أنا غلطان اني عبرتك..خلاص سيبي الورد
ملك....مسكت الورد ...خلااااص يا عم هات شغال شغال .وقالت بصوت واطي...علي رأي المثل اللي يجي منك احسن منك
سيف..سمعها ورفع حواجبه.....بتقولي حاجة يا آنسة ؟؟؟؟!!!!
ملك....كح كح لا بكح يا كابتن مش يلا نكمل تدريب
واثناء التدريب
ملك.....بقلك ي كابتن انت ليه مش بتسمعني اغاني تحمسني بيها زي الاستاذ أحمد مظهر لما كان بيسمع اغنية اتقدم اه اه اه اتقدم للاستاذ احمد ذكي في النمر الاسود
سيف...بدهشة....ملك انتي ليه مصرة تحسسيني انك بتمثلي فيلم وكل حاجة هاتبقي علي مزاجك فيه
ملك ..بصت بعمق وقالت ....عشان فعلا كل حاجة هتمشي زي مانا عايزة
سيف بصلها بصة كده بتقول ربنا يستر من دماغك
وبعد التدريب رجعوا البيت صلو واتغدوا وبعدين سيف أخدها ع المكتب وجاب ورق وكتب
سيف....هنبدأ دلوقتي درس اللغة العبرية ..اول حاجة قولي ورايا شالوم
ملك ...بتريقة ...لا شالوم دي عارفاها من فيلم ولاد العم ادخل ع الجديد بقا وحش😎
سيف....ماشي يا ست الشاطرة قولي ورايا (بوكير توف يعني صباح الخير )(مانشما يعني عامل ايه)(سليخا يعني اسف)(تودا يعني شكرا)(دوني .سيدي)(آني .أنا)
كان سيف بيقول وملك تردد وراه
وبعدين قالها يلا قولي أنا اسف سيدي
ملك...والكلمات قادمها وشايفاها .... آني سليخا دوني
سيف..ابتسم ..شاطرة هتتعلمي بسرعة
(الكلام دا عبري فعلا يا جماعة والله ومش بكتب وبس)يلا كورس عبري ببلاش اهو🤣🤣
&&&&&&&&&
استمر تدريب سيف لملك لمدة شهر كامل .خلال الشهر دا طبعا ملك بذكائها الخارق كانت تجنن سيف بس هو ليه حب كوارثها ومابقاش يضايق من اللي هي بتعمله وملك كانت بتبذل أقصي مجهود عندها عشان تبين لسيف أنها قد المهمة وأنها كويسة يا تري ليه يا ملك ؟؟!!
وف يوم سيف وملك قاعدين بيراجعوا مع بعض الدروس اللي أخدتها لانه خلاص ساعة الصفر قربت
سيف لاحظ شرود ملك وأنها مش مركزة خالص
سيف بيشاور بإيده قدام وشها ...ملك ملك رحتي فين بتفكري ف ايه
ملك....ها لا ابدا
سيف ...انتي عارفة أنه فاضل يومين ع السفر
ملك...انا لسة مش عارفة اي حاجة عن ازاي هسافر
سيف ...صديقني ولا أنا هو حازم بيه بس اللي يعرف واكيد مستني الوقت المناسب وهيقولنا
ماقلتليش سرحانة ف ايه
ملك...تعرف يا كابتن أنا نفسي ف ايه ..نفسي قبل ما اسافر احس بجو الأسرة ماما وهي بتسرحلي شعري لمتنا حوالين الاكل هزارنا ضحكنا أنا واحمد اخويا كل حاجة كانت حلوة بنعملها نفسي بس اعيش الاحساس دا لو حتي خمس دقايق
سيف كان متأثر جدا بكلامها بس ابتسم عشان يخبي احساسه
وبعدين طلع كل واحد اوضته وسيف كلم شخص ف التليفون و نام علي طول بعدها
في الصبح صحيوا وصلوا وفطروا وبعدها سيف طلع أوضته لبس واتشيك ونزل تاني
سيف....ملك اطلعي البسي عشان رايحين مشوار
ملك....حاضر يا برنس بس ايه الجمدان دا ع الصبح مووووز
سيف ضحك.....يا بنتي اديني فرصة مرة أنا اللي اعاكسك
لبست ملك وركبوا عربية سيف وبعدها وصلوا عند مبني قديم من مباني مصر الاصيلة
سيف...انزلي وصلنا
ملك...وهي بتبص للعمارة....احنا هنروح فين
سيف....هاخطفك
ملك...لاااااا يا باشا انت فهمتني غلط ع فكرة ..أنا صحيح قلتلك اني نفسي اعيش جو الأسرة بس كإبنة مش ك زوجة آسفة يا وحش مش هطلع شقق مع حد
سيف بصدمة ...يخربيتك انتي فهمتي ايه دا بتنا يا حمارة
ملك ...بيت مين يا عنيا بتنا بأمارة ايه أنه عشان عشنا مع بعض شهر يبقي تجمع وتقول بتنا اخر حاجة كنت اتوقعها منك انك تتغرر بيا 😥
سيف مصدوم حط أيده ع بوقها عشان ما تسيحش ف الشارع اكتر من كده
سيف ...اتكتمي الله يخرب بيتك فضحتيني وبعدين بيتكم ايه أنا بقول بتنا يعني بيت اهلي يا متخلفة اطلعي قدامي يا اكبر بلوة قداااامي
طلع سيف وملك وخبطوا علي شقة فتحت آنسة رقيقة وجميلة وشبه سيف ..اول ما شفته وجريت حضنته طبعا ماشفتهوش من شهر..سيف كمان حضنها جامد .ودا خلي قلب ملك يدق بسرعة وهي مش عارفة ليه قلبها بيعمل كده
نور....سيف حبيبي وحشتني اوي ي ي
سيف شالها ...وانتي اكتر يا قلب سيف سلمي بقا علي ملك
نور....ازيك يا ملك احنا مستنينكو من بدري
ملك سلمت عليها وبصت لسيف باستغراب وابتسمت
وبعدها دخلوا سلموا علي والدة سيف الحاجة أمينة ست طيبة جدا اتصرفت مع ملك علي انها بنتها ونور جابت لملك جلابية بيتي لبستها
واتغدوا وشربوا قهوة ودردشوا كتير وضحكوا وهزروا وبعدين
الحاجة أمينة....أخرج ياسيف اقعد ف البلكونة
سيف ....أنا بطرد بالذوق صح ليه بقا بتطردوني
الحاجة أمينة ...لاني هسرح للبنات شعرهم
سيف.....مانا هاتفرج بأدب مش هضايقكو والله
قاموا البنات زقينه من ضهروا وقالوا .. يلااااااااا من غير مطرود..ضحك وخرج ووقف سرحان في البلكونة
وفجأة
.....شكرا بجد
سيف التفت ...ملك.. شكرا علي ايه
ملك.....اتجاهلت السؤال ...انت حنين اوي يا سيف
سيف.....سيف حاف كده من غير القاب
ملك.....آسفة🤭
سيف ضحك...بهزر قوليلي سيف ع طول
فضلوا ساكتين وياصيين من الڤراندا...وبعدين
غمض عينيه وقال ......ملك انا بحبك
(كنت هقفل البارت كده بس انا جدعة هكمل🤣)
ملك قلبها بيدق جامد بصتله بصدمة ..
سيف اتوتر....اااا احم انسي خلاص انسي اني قلتلك حاجة
ملك....ببرود....نسيت😏
سكت لحظة وبعدين قال .. لا ما تنسيش أنا بحبك بجد يا ملك حاولت اني اخبي عشان ما تفقديش تركيزك ع المهمة بس لازم تعرفي ...عشان لازم تحافظي علي حياتك وترجعي تاني
ملك....ساكتة ومش عارفة ترد بس همها زاد هي كانت مضحية ومستعدة تموت عشان تاخد حقها بس دلوقتي فيه هدف عشان تعيش هي كمان حاسة بحاجة تجاه سيف
ملك....سيف ممكن ترواحني
سيف ...باحراج...اكيد يلا
ورجعوا البيت وما حدش كلم التاني وكل واحد بقا قاعد ف حاله ...وتاني يوم الصبح عملوا الروتين اليومي بتاعهم وراحوا عند حازم اللي شرح الخطة كلها ل ملك وسيف وبعدين
حازم....ملك بصي هو ديفيد هيحاول يقرب لك فأنتي....قبل ما يكمل كلامه قاطعته سيف
سيف بعصبية من غير ما يحس بنفسه....فإنتي لو قربلك تسحبي مسدسه من وسطه وتفرغيه ف راسه
حازم بعصبية ...سيف انت بتقول ايه
سيف أدرك الموقف...أنا أنا اسف اتعصبت شوية
حازم ...انت عارف انا كنت هاقول ايه ...بصي يا ملك لو حاول يقربلك ابعدي عنه بطريقة ذوق اوعي يحس انك قرفانه منه ولا بتكرهيه دا شخص ذكي جدا ومش بتعدي عليه حاجة بسهولة ..واه خدي ورقة الجريدة دي هتفضل معاكي حسب الخطة انتي فاهمة وانا خلصت كل اجرأت المستشفي والقافلة الطبية اللي رايحة فلسطين .
وفعلا ملك عدت ع المستشفي وظهر الموضوع علي أنه ملك هي اللي قدمت طلب أنها تسافر ضمن القافلة الطبية المصرية اللي مسافرة فلسطين لمساعدة الجرحي هناك
يوم السفر (ساعة الصفر)
ملك جهزت كل حاجة وما نسيتش أنها تاخد ورقة الجريدة
اتوضت وصلت لله عشان يحفظها ويحفظ عرضها في المهمة الصعبة دي ..ملك واقفة ف أوضتها دخل سيف
سيف...بحزن ...ملك خلي بالك علي نفسك أنا هاجي وراكي وهكون جمبك ما تخافيش
ملك بصتله....سيف انت كنت قلتلي حاجة ف بيتكو وكنت عايز تعرف الرد صح
سيف.....اممم
ملك.....لو رجعت من المهمة دي بسلام عايزة شقتي اربع مطارح وحمامين ومطبخ🙊🙈
سيف ضحك... هتوحشيني يا بلوة حياتي وبعدين ركز ف عيونها وقرب عليها وشد الحجاب بتاعها
ملك...🙀😳😳😳......يتبع
تعليقات
إرسال تعليق