 |
المقدمة 💥والبارت الأول
مش عارفه ابدا قصتي منين ولا منين عمري ما كنت اتخيل
ولا أتصور اني جوزي الي المفروض أنا عرضه وشرفه هو الي
يجرني للسكة دي ويقنعني اني أقبل علي نفسي كده
أنا من أسرة فقيرة عارفه الحرام والحلال وعمري ما
غضبت ربنا ولا كان ليا في السكك الشمال دي
اتجوزت جواز تقليدي وولدي شاف أنه مناسب راجل موظف
حكومي وعنده شقة زاي اي اب نفسه يطمن ع بنته ويسترها
ويعيشها مرتاحه اتجوزت وعشت حياه عادية جدا تقريبا كده
مش بشوفه الا وقت الغدا وبليل لو عايزني علي السرير غير
كده هو يا اما في شغله أو برا أو قاعد لوحده
طبعه قليل الكلام ومنعزل وبخيل جدا خلفت بنتين وانشغلت
بيهم ومبقاش فارقلي وجوده كنت ساكنه جنب ماما وكنت
بروح عندها كتير معظم اليوم عندها
بقيت اخد بالي أنه حابب عدم وجودي في البيت ولما
ادخل عليه يقفل شاشة الموبيل بس بكون سمعه صوت
اغاني وصوت وحده ست بتتكلم بس مكنش ليا الحق اني
اقوله اي ده لانه كان بيتعصب ويتخانق
وبصراحه مكنش غيره علي قد ما أنا عايزه اعرف هو بيعمل
اي من ورايا وايه الي وخده مننا كده
لحد ما في مره شفته واخدت بالي من وحده بترقص وكنت
فكره أنها بتكلمه بصتله بصه بقرف وحمدت قلبي وقولتله
عيب عليك ده انت عندك بنات اتقي ربنا فيهم
لقيته اتعصب وقالي انتي هبله قولتله ده انا شايفه وسمعه
بودني قالي ده برنامج بث مباشر انتي فكره أنها بترقصلي أنا
ولا بتكلمني أنا
دي بترقص لكل الناس وبتاخد فلوس ع حسب عدد
المشاهدات والوقت الي طلعت فيه البث
ولقيته قعدني جنبه وقالي شوفي
اتصدمت وقولت يانهار اسود هما ملهمش أهل اي القرف ده
قالي اهو القرف ده بقا الي بيجيب فلوس الايام دي فضل
يقلب يقلب لقيت وحده منتقبه ومشغله قران بساله بقوله
ودي اي الي جبها هنا
قالي دي شغاله بتشحت ويتطلب مساعده وفي ناس
بيتعاطفو معها وبيبعتولها ورد وقلوب
قولتله هي القلوب والورد ده بتعمل اي
قالي دي عباره عن فلوس لأنها بتشكرهم وتقولهم كتر خيركم وجزاكم الله خير
بصي أنا معرفش اي الحكاية بلظبط بس معايا زميلي في
الشغل عفريت في الحاجات دي وهو الي عرفني ع البرامج
دي حملهالي علي الموبيل بقا كل ما معتصم صحبه يقوله علي
معلومات يجي يقولهالي وكل شوية يفتح معايا كلام
بخصوص الحوار ده ويفرجني معه
وانا فكره أنه الموضوع مجرد كلام لحد مافي مره قالي ...
يتبع 💥
البارت الاول 💥
..بقولك ياسومه البنات نامت
_ افتكرت أنه عايز ينام معايا أصله مش بيقولي كده غير لسبب ده .بزهق اه نامو
..طب يا حبيبي تعالي اقولك علي حاجه
_ حاضر هخلص المواعين دي وهدخل اخد شاور واجيلك
دخلت اخدت شاور ولبست قميص نوم ودخلت الأوضه
استني فيه زاي كل مره لقيته اتاخر طلعت
_انت مش هتبطل تتفرج ع البتاع ده
..ابطل اي بصي الفيديو ده وشوفي الفلوس الي بيكسبوها منه
_ لقيت وحده ست كانت بتشرح ازاي كسبت فلوس من
برنامج البث وحققت اعلي مكاسب منه وبتشجع الستات
والبنات أنها تعمل كده وبتقول انها بتقعد تحكي معاهم عادي
في مواضيع عادية ويسالوها وهي تجاوب ولو خايفة ممكن
تطلع لايف بصوتها بس وتثبت الكاميرا علي الحيطه
ومتعرفش حد بياناتها ..كلام كتير والخطوات علشان تسجل
الاكونت بتاعك تبع الوكالة ورقم الحساب الي بيتبعت عليه
الفلوس كل شهر
_ انت مركز كده ليه معاهم
..اي رايك لو نعمل زيهم ونجرب ياسومه
_ مش فاهم نعمل زيهم ازاي ياخالد
..انا بس عايز اعرف الكلام ده حقيقي ولا بيضحكو علينا ولاد الجزمة دول
_ طب ما تعمل برحتك وانا مالي
..وانتي مالك ازاي ما كل الي في البرنامج . بنات وستات
هطلع ليهم أنا هينيلو بيا ايه .أنا بفكر أننا نعمل زاي الست الي
كانت لابسه نقاب الي كانت بتشغل قران وبيتقول أنها ارمله
وبتصرف علي يتامي
_ يانهار اسود أنا اعمل كده
..بابت افهمي دي تجربه ومحدش هيشوفك ما انتي هتلبسي
نقاب وصوتك مش مميز يعني ولا انتي مشهورة
علشان حد يعرفك
_ لا ياخالد اخاف وهتكسف
لقيته قام وفضل يحايل فيا ويدادي وبيقنعني اني الحوار
عادي ومش حرام ويقولي دي ناس هبله واحنا بنضحك عليهم
ادعي بس انتي اني كلامهم يطلع صح ونطلع بقرشين حلوين
من الحوار ده
اخدته علي قد عقله وقولت يمكن من نفسه يشيل الفكرة دي
ودخلنا نمنا وشيفاه منمش ومفتح عينه وبيفكر
راح شغله الصبح ولقيته رجعلي وبيقولي خدي يابطه قولتله
اي ده قالي افتحي وانتي تعرفي لقيته نقاب وعباية جديدة
قولت في سري يالهوي ده الكلام بجد بقا خدتهم منه
ودخلتلهم جوه وقولت بعد الغدا هقعد معه وأقنعه أنه يشيل
الحوار ده من دماغه ومبكلمنيش فيه تاني
اتغدينا وعملتله الشاي ولقيته ماسك موبيله ومشغول اوي فيه
قولتله _ خالد انا بصراحه اتكسف اعمل كده ومش هعرف
..انتي بتخرفي تقولي اي هو أحنا مش قولنا زفت تجربة
متتنطتيش بقا ع ميتين امي
_مش بتنطط والله بس هو انت ازاي مش بتغير عليا اني
اكلم رجالة غيرك
..يابنتي دول ناس هبله ومريضه وانا يعني مطلعك عريانه ولا
بقولك نامو معاهم ..اهوبسبب نقارك ده الحوار مش هينفع
اول ما البنات نامو فتح البرنامج ولبست وشغلنا قران لقيت
اكتر من 200 واحد دخلين البث وناس في الكومنتاات
بتتعرف عليا اذيك ياسوسو ..انتي من وين .
..اجمل عيون ...ماشاء الله عليكي ..وكلام كتير كتير
خالد شاورلي كتمت الصوت قالي رحبي بيهم بصتله وبرقت
قولتله حاضر قعدت أرحب بيهم ويتعرفو عليا ويسالوني
واقولهم اني ارمله وعندي اطفال صغيرين وكتير منهم عملي
متابعة وبعتولي ورود وقلوب وبعد ساعتين قفلنا
..ياخبر ياجدعان كل ده متابعين عاملو فولو
_ اي الفولو ده
..الفولو ده ناس عملولك متابعة أول ما تطلعي بث ف اي
وقت توصلهم دعوة ورسالة انك فتحتي ويدخلو يتبعوكي
لا شكل الحوار هيظبط يا سوسو
_ وربنا أنا مش فاهمه حاجه
..متشغليش بالك انتي أنا فاهم اهم حاجه تعملي الي اقولك عليه بالحرف
وقلعني العباية وفضل يبوس فيا ويحضني ويدلعني لحد ما
وصلنا اوضه النوم ومستغربه اول مره يدلعني كده ويعمل
الي بيعمله معايا ده
يتبع 💥
البارت الثاني بعد عمل متابعه للمدونه واترك تعليق ولو بنقطه علشان اعرف فيه تفاعل ولا لا مع البرنس محمد السبكي قصص وروايات حصريه كامله
تعليقات
إرسال تعليق