 |
سكريبت❤بقلم سولييه نصار❤
-أنا قررت اتجوز سمية يا آلاء
اتصدمت وقلبي وقع.... كنت حاسة أنه هيعمل كده في الآخر.... دموعي نزلت وقولت :
-حقك يا فارس... بس تطلقني لو سمحت
مسك أيدي وقال بحب:
-بطلي هبل انتي عارفة هتجوزها ليه...
-عارفة بس مش مقتنعة بأسبابك يا فارس... ليه تدمر حياتنا بالشكل ليه
-سمية مينفعش تمشي من البيت متنسيش أن معاها ابن أخويا الله يرحمه وهي بتلوي دراعي بيه لاتجوزها لتطلع... وأنا مقدرش أخسر ابن أخويا
-دي حجة انت عايز تتجوزها....هي دخلت دماغك عشان كده... بس لا يا فارس... أختار لا أنا لا هي
-انتي أنانية يا آلاء عايزاني أخسر ابن أخويا عشان أوهام ملهاش لأزمة... انتي عارفة إني مبحبش غيرك... وجوازي من سمية هيكون علي ورق بس.
مشيت ناحية الدولاب وأنا بطلع شنطتي وببكي وقولت :
-وعلي ايه تخليه علي ورق يا حبيبي اتجوزها وأنا هطلع من حياتك وانبسط أنت...
لميت هدومي... حاول كتير يوقفني بس أنا كنت منهارة.... اتهمني إني أنانية ومفكرتش في علي ابن أخوه... بس مفيش ست هتقبل بضرة... بالذات أنا.... أنا طول عمري عندي عقدة من الجواز التاني بسبب أبويا ومش عايزة أعيش اللي عاشته أمي.... فارس لو عايز يتجوز يبقي يطلقني وأنا أعيش وحيدة أهون من أن أعيش في نار الغيرة لحد ما تحصلي حاجة...
..........
قلم جامد انطبع علي خدي كان من بابا لما كلمته عشان اتطلق من فارس... بصلي بابا بغضب وقال:
-عايزة تتطلقي وتفضحينا
-افضحكم!! بدل ما تقفوا جمبي... ده عايز يتجوز عليا يا بابا وكمان مين سمية مرات اخوه...عايز يقهرني
-وفيها ايه يعني ده شرع ربنا
-بابا أنت واقف في صفه!!.
-أنا واقف في صف الحق يا بنت صفية... ولا كلام أمك الاهبل خلاكي تشوفي الحق ظلم... لما ترفضي شرع ربنا تبقي انتي كده باطلة مش علي حق
دموعي نزلت وانا حاسة بالظلم وقولت بصوت باكي :
- اولا من فضلك متتكلمش عن ماما كده..ي ماتت!! اتكلم عنها كويس ثانيا مش برفض الشرع بس الشرع ده نفسه بيقول إني من حقي اتطلق منه لو هتحصلي أضرار مادية أو معنوية بسبب جوازه وأنا لو اتجوز وانا علي ذمته هنهار صدقني... ابوس ايديك طلقني منه
-وأنا معنديش طلاق وزي الشاطرة يالا لمي شنطتك عشان هتروحي بيت. جوزك وتسمعي كلامه والا أقسم بالله يا آلاء اقتلك وأخلص منك....
......
بعد يومين كان معاد كتب كتابه... اتشيك ولبس ... كنت قاعدة علي السرير ببصله بكره.... كرهته وكرهت أبويا لانهم جبروني علي الوضع ده... بس أنا مش هسكت....
-حبيبتي ابوس ايديكي قولي حاجة سكوتك مخوفني .... بقالك يومين رافضة تتكلمي معايا.... انتي عارفة أن جوازي منها غصب عني عشان خاطر بس اهلي وابن اخويا
-فيك الخير والله
- آلاء مبحبش الأسلوب. ده
-طظ
-آلاء!!!
بصتله ببرود وقولت :
-روح يا عريس لعروستك أنا رجعت البيت مش عشان سواد عيونك لكن للأسف أبويا اتخلي عني فأنا عايشة معاك دلوقتي غصب عني وأنت عارف كده كويس
اتعصب وطلع من الأوضة... ابتسمت بخبث لما طلع وقومت عشان أبدأ خطتي الأولي مش هخلي واحدة زيها تدمر حياته وبالمر أعلم فارس الأدب !!
يتبع
#صراع
#سولييه_نصار
الجزء الثاني ❤بقلم سولييه نصار❤شكرا ع تفاعلكم السكر ❤
-جاهز يا فارس
قالها أبو فارس فابتسم فارس بسخرية:
-أيوة جاهز يا بابا... جاهز ادمر حياتي وكل ده عشان مفضحش أخويا واحافظ علي ذكراه
بص أبوه علي الأرض وقال :
-عمري ما هنسالك اللي عملته عشانه...
دمعت عيون فارس وقال :
-ده برضه أخويا... مش ذنبه أن وقع في ايد شيطانة مبترحمش....
-ربنا يباركلك
كنت سامعة كلامهم وأنا مصدومة.... هي سمية أجبرت جوزي يتجوزها ازاي... أنا عارفة أنها من الأول عينيها عليه.... كان باين اووي عليها ولكن سر ايه إلي استغلته عشان توصل لهدفها.. أنا دلوقتي عرفت حاجة أن جوزي مجبور عشان أخوه..... بس أنا مش هخليها تنول اللي عايزاه انا هقلب الترابيزة عليها وهتشوف....
ابتسمت وأنا بفكر أن انتقامي هيكون من سمية مش من فارس....
مشيت براحة وجبت من اوضتي أدوات مهمة عشان أستخدمها ودخلت اوضتها براحة ولحسن الحظ كانت لسه في الحمام.... ابتسمت بخبث وأنا ببدأ الشغل الصح... مش هي عايزة تاخد جوزي يبقي تستحمل ....
.........
قبل كتب الكتاب جريت ولبست أحسن طقم عندي ونزلت وقفت جمب جوزي.... بصلي فارس بدهشة.... كان باين عليه الشعور بالذنب بس أنا ابتسمت ليه وانا بقوله بصوت واطي :
-مبروك يا حبيبي
اتوتر.... حسيته نفسه يتكلم بس أنا كنت فاهماه .... هو ملوش ذنب.... الخبيثة اللي أسمها سمية هي الي غلطانة وانا هوريها
نزلت هي وقربت من المأذون وهي بتبتسم بنصر... بصتلي من فوق لتحت.... كانت حاسة أنها انتصرت عليا.. مسكينة متعرفش اللي هيحصلها دلوقتي... ابتسمت ليها وأنا بقول بحب :
-ألف مبروك يا حبيبتي.... ألف مبروك يا عروسة أوعدك أننا هنبقي أصحاب اوووي.... ابتسمتلي وقالت :
-اكيد يا لولو... انا في النهاية هبقي مرات جوزك.... أقصد جوزنا احنا الاتنين
-طبعا جوزنا
قلتها بتريقة بعدين قولت :
-يالا بقا يا عروسة عشان نكتب الكتاب
قعدت وهي مبتسمة... قعدت وراها وبقصد طبطبت عليها وأنا ببتسم ولسه المأذون هيبدأ .. لقيتها بدأت تحك.... كتمت ضحكتي بالعافية بس سمية بدأت تحك بشكل ملفت للنظر.. فجأة قعدت تصرخ وهي بتحك جامد لدرجة أن ايديها اتعورت... ضحكت وانا بشوفها في الحالة دي
-الحقوني... الحقوني أنا هموت
-الله هو انتي مبتستحميش ولا ايه يا سمية يا حبيبتي ده احنا حتي في الصيف....
مردش عليا وهي بتبكي بإحراج... بصتلها بتشفي... كنت فرحانة وانا شايفاها في الحالة دي
... فجأة قامت وجريت وهي بتصوت وطلعت علي فوق... بصيت للمأذون وقولت:
-معلش يا شيخ أصلها جربانة!!
#صراع
#سولييه_نصار
الجزء الاخير❤بقلم سولييه نصار❤شكرا تفاعلكم السكر ❤
كنت مبسوطة وانا بشوف فارس بيأجل كتب الكتاب... وادي قدامي فرصة عشان اجنن سمية....بعد ما الناس مشيوا شدني فارس لاوضتنا بعدين زقني وربع ايده وقال :
-انطقي عملتي ايه!
-ايه صعبانة عليك.... ولا زعلان عشان كتب الكتاب اتاجل
صحيح أنا عرفت الحقيقة بس كان قاهرني غضبه
-أكيد زعلان عشان إتأجل يا آلاء... لأني هتجوز سمية يعني هتجوزها وانتي مش هتمنعيني فهمتي؟!
بكيت وانا بزقه :
-ليه بتدمر حياتنا ليه... حرام عليك...
-آلاء أهدي
-لا مش ههدي يا فارس أنت بتدمر حياتنا عشان الهانم بتهددك وبتبتزك
-ايه
-أنا سمعت كل حاجة.... عارفة انت وافقت ليه عشان فيه سر خاص بأخوك مش عايزه يكتشف
قعد علي السرير بإنهيار وقال :
-سمية مسكتني من أيدي اللي بتوجعني.... بتهددني بذكري أخويا عايزة تلوث سمعته بعد ما مات
-ليه تلوث سمعته... انتوا مخبين حاجة عليا
بصلي بحزن وقال :
-اخويا كان مدمن يا آلاء... مات بجرعة زايدة عرفت ده بعد ما مات.... بس لمينا الموضوع عشان سمعة العيلة وابنه الصغير ومراته بس سمية استغلت الموضوع ده وبتهددني هتكشفه لو رفضت اتجوزها
بصتله بدهشة... معرفش عن سيد حاجة زي كده بالعكس ميبانش أنه مدمن الموضوع أكيد في أن...
طلعت من اوضتي وأنا بفكر في حاجة واحدة بس سمية!!
......
دخلت اوضتها ولقيتها قربت تقطع هدومها... بصيتلها وأنا مبتسمة فصرخت:
-انتي اللي عملتي كده صح؟!!
ابتسمت وقولت :
-وانتي اللي قتلتي سيد صح..
اتصدمت وبصتلي وزعقت:
-انتي بتقولي ايه اطلعي بره... بره
ارتباكها خلاني أتأكد.... قربت منها وطلعت سكينة وكتمت بوقها وأنا بقول:
-سمية انتي عارفاني كويس مجنونة وممكن فعلا اقتلك دلوقتي .... أنا من زمان بشك أنك بتتعاطي .. شفتك قبل كده ومردتش افضحك فيا بنت الحلال اتكلمي وإلا والله اقتلك...
ضغطت السكينة علي رقبتها... فهزت رأسها بخوف وبعدت أيدي....
بكت وقالت :
-مكانش قصدي والله ما كان قصدي... أنا كنت بحطله في القهوة.... كنت عايزة اخليه خاتم في صباعي عشان يكتبلي الشقة بس زودت الجرعة في يوم قلبه مستحملش ومات....
بعدت عنها وأنا بعيط.... فجأة قربت وقعدت اضرب فيها بهيستريا :
-ده جوزك أبو ابنك بتقتليه.... حرام عليكي انتي شيطانة والله شيطانة كمان عايز تدمري جوازي
جه جوزي وبعدني عنها... صرخت فيه :
-دي اللي قتلت سيد يا فارس.. هي دي
-دي كدابة دي جات تهددني عشان اقول كده
طلعت الموبايل اللي كنت بسجل عليه وسمعته كل حاجة!
.....
بعد ساعة جه البوليس وقبض عليها... قدمت الدليل في للشرطة... وبكده خلصت من كابوس سمية وأنا بفكر معقول فيه حد بالشر ده... معقول الفلوس تخلينا وحوش كده... قد ما الفلوس نعمة في حياتنا ممكن تكون نقمة كمان.... حب المال ممكن يتحول لخطر لو زاد عن اللازم
تمت
#صراع
تعليقات
إرسال تعليق