 |
حب غير حياتي البارت الحادي عشر
البارت الحادي عشر 💥 بقلم ✍️ سلطان زماني
وصلت البيت ازاي معرفش ازاي مشيت كل ده بعربيتي
ومش فاكر اي تفاصيل قلعت هدومي ودخلت اخدت شاور
ودموعي بتنزل لوحدها طلعت قعدت في الصالون عمال الؤم
نفسي علي الي عملته
ازاي ياحسن متخدش موقف انت هتقبل ترجعها ازاي
الي عملته ده ميتنسيش ولا يتغفر ..ودهب اي الي عايزه
وفارق معاك انت بس الي وخدها حجه علشان تطول الموضوع
هو انت ممكن تسامحها وترجعها وتعيش معها ..دي فضيحه
ياحسن تخيل لو ابوك ولا امك ولا اخوك واخواتك البنات
عرفو ولا جوزات اخواتك هتقبل ع نفسك تبقا دلدلول ..
دي مسمهاش تضحيه دي وساخه ولو قبلت ترجعها
هتستنقصك اكتر ماهي اصلا مستنقصاك وهتبقي شخشيخه
فوق ياحسن ولا انت من كتر ما البت دي جت ع كرمتك و
كبريائك ورجولتك بقيت نطع وجلدك تخن وخدت ع الاهانه
فاضل اي تاني علشان تكرهها وتطلقها فوق ياحسن فوق قمت
نمت وصحيت تاني يوم كلمت اخويا الكبير قولتله عايزك
معايا علشان اروح أطلق هويدا واديها كل حاجتها قالي
استهدا بالله ياحسن قولتله أنا خلاص اخدت قرار ومش
هرجع فيه
اخويا راح من ورايا اخد بابا وماما واحده من اخواتي البنات
وراحو بيتهم يصلحو بنا من غير ما أنا أعرف
طبعا محدش حكالي حاجه وانا عرفت من اختي قالتلي
اتكلمو عليك وحش وقالو خلوه يتعالج عند دكتور نفسي
وأنه قارف هويدا في عشتها واني ع طول شتيمه وضرب
وشك وفضايح وآخر خناقه بينهم علشان شاكك في ابن خالتها أنه علي علاقه بيها
مع أنه صحبه وبيقعد معه وزاي الاخوات
طبعا انهرت ورحت ل بابا كانو قاعدين اختي وجوزها وبابا وماما واخويا ومراته
ومن حرقتي وغيظي وعصبيتي اتكلمت ومستنتش لما اختي
وجوزها ينزلو ومرات اخويا علشان محدش يعرف
وزعقت لبابا وقولتله انتو زاي تروحو من ورايا وطبعا
صدقتو اني مجنون واتهبلت ع كبر
بابا..بص ل جوز اختي ومرات اخويا ورجع بصلي قالي اهدا
ياحبيبتي مش وقته الكلام ده
_ امال امتي وقته اوعو تصدقوهم دول ناس وسخه وكدابه لعبو بيا وضحكو عليا كلهم
امي ..معاش ياضنايا ال يلعب بيك ولا يضحك عليك اهدا والي انت عايزه هعملهولك
_ أنا مش صغير ومحدش يعملي حاجه وانا غلطت اني كلمت
اخويا الكبير قولت هيبقا ستر وغطاء عليه اهو فضحني وراح
لناس وسخه واخدكم معه من ورايا
جوز اختي ..هو اي الموضوع بالظبط أنا مش فاهم حاجه ما
حد يفهمنا في اي ياحسن
_ الكلبة الي كنت متجوزها خاينه وبتاعة ر...........بابا قام
وحط ايده ع بوقي وقال لجوز اختي مفيش حاجه ياعماد يلا
خد مراتك وروحو زقيت ايده وقولتله سبني اكمل انت ربتني
علي الادب وحسن النيه والشرف والامانه والإخلاص
ونسيت تعلمني الخبث والمكر وقلة الأصل والخيانه ياحج
في ناس بنت وسخه برا مينفعش معاهم الي ربتني عليه
ناس ياحج الي زاي ابنك بنسبالهم صيده وسيده سهلة اوي
امي لما شفتني ببكي جريت عليا وفضلت تصوت وتقولهم
سبوني معه لوحدي مش عايزه اشوف ولا واحد هنا
وخدتني في حضنها وقالتلي حبيب امك ياحسن وجعت قلبي
عليك ياحبيبي
منها لله وربنا ينتقم من كل ظالم وحسبي الله ونعم الوكيل
في الي خدعك واذاك
ياحبيبي فوق ياضنايا. فوق ياحسن ومتعملش في نفسك
كده علشان خاطر امك حبيبتك
رأيكم بس عايز رايكم بس ..بس بس رايكم ..رايكم بس بس
يارب تفهمو بقا يالي هتجبولي جلطه وشلل رعاش قريب😂
تعليقات
إرسال تعليق