مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

الجزء التالت والرابع وقعت في شباكه 

💖

دموعها نزلت وهي بتبصلي بصدمة ...للحظات حسيت بالذنب وانا بشوف كسرتها ...كنت عارف اني كسرتها وكنت قاصد ....حبيت ادوقها من نفس الكاس اللي داقته امي لما سرقت امها جوزها ...حبيت اكسرها ...وكان مفروض اكون مبسوط وانا شايف دموعها بس معرفش ليه قلبي كان واجعني...حسيت اني مخنوق اووي معرفش ليه بس سيطرت علي نفسي وقررت اكمل للاخر ...

قربت شهد مني وهي بتقول بدموع:

-امير حبيبي انت اكيد بتهزر صح ...قول انك بتهزر...مستحيل تعمل فيا انا كده ...صح 

زقيتها وانا بقسي قلبي وبقول :

-وليه مستحيل ..ليه ...هي مش امك عملت في امي كده ...مش حرقت قلبها 

هزت راسها بذهول وهي بتقول :

- وانا ذنبي ايه يا امير ....ذنبي ايه انطق ....ليه تكسرني كده ليييه 

-عشان بنتها ....حظك يا شهد انك بنتها ...حظك انك من دمها ...يبقي تستحقي الكره والذل والمعاملة دي

مسكتها من ايديها وقولت :

-سها مراتي ...زيها زيك بالضبط....وانتي مضطرة تقبلي يا شهد ....

بكت بس انا شديت ايده بقوة اكبر وانا بقول بغيظ....:

- مش عايز امي تعرف بالموضوع ده ...احنا هنسافر شهر العسل ...وانتي هتيجي من غير ولا كلمة ..فاهمة ولا لا 

هزت رأسها وهي بتعيط فقولت :

-ادخلي أوضتك يالا ...انا هنام في الأوضة التانية انا وسها

مشيت علي اوضتها وهي بتترعش...كانت هتقع ...خفت وروحت امسكها بس تماسكت ودخلت الأوضة ....قفلت عليها بالمفتاح وقولت لسها بصوت واطي:

-روحي نامي. في الأوضة. وانا هقعد في الصالة هنا 

لمست سها كتفي وقالت :

- مش لو كنا اتجوزنا في الحقيبة كنا قضينا الليلة سوا 

بصتلها بغضب فارتبكت ودخلت الأوضة ...

قعدت علي الانترية بتعب ....بفكر في شهد ...حاجة جوايا خانقاني....انا كسرتها ...معرفش دموعها ليه وجعت  قلبي للحظة كنت هوقف كل السخافة دي واعتذرلها واحضنها....كنت هضعف...زي  ما ابويا ضعف قدام امها ...زي ما خلته خاتم في صباعها وبعدته عن عيلته...لا يا امير ...اياك تضعف قدامها شهد لازم تدفع تمن أخطاء امها...لازم ..

.........

تاني يوم .....

سافرنا انا وسها وشهد لشرم .....كنت بجهز خططي كويس....حجزتلها أوضة لوحدها وحجزت لينا انا وسها أوضة 

.....

-اكيد دلوقتي البرنسيسة شهد هتموت من القهر ان جوزها بايت مع واحدة تانية 

بصيت لسها ...انا عارفة ان سها شيطان بتحاول تخرب حياة شهد ...عندها كره غريب لشهد ...بش انا كنت بسمع كلامها ...بسمع كلامها لان الحقد في قلبي كان قوي لدرجة اني مستعد اقتل شهد عشان اشفي غليلي 

-الا قوليلي يا سها ...اهلك مبيسألوش عليكي 

ابتسمت بحزن وقالت:

-قلبك ابيض يا امير ...ابويا مشغول مع مراته الجديدة وامي مع جوزها الجديد محدش فاضي ليا ببساطة  انا حرة في حياتي يا بيبي ..

........

مر يومين وانا متجاهل شهد تماما حتي هي بدأت تتجاهلني وتعاملني ببرود وده غاظني اكتر لحد في يوم روحت علي اوضتها ولقيت....

يتبع 

#وقعت_في_شباكه

#سولييه_نصار

معلش والله توي فضيت وكتبت علطول لو صاحيين نكمل يا سكاكر💖

الجزء الرابع 💖شكرا علي تفاعلكم السكر 💖💖بقلم سولييه نصار💖💖

اتصدمت لما لقيت شهد واقفة جمب واحد  غريب شكله وسيم اووي  وبتضحك ...حسيت النار بتطلع من نفوخي ....معرفش ليه كنت عايز اولع فيها ....جريت عليها ومسكت ايدها وانا بقول بعصبية :

-مين ده يا هانم ..

بصتلي ببرود وقالت للرجل الغريب :

-حسن احب اعرفك بأمير جوزي وهو ابن انكل محسن ....امير ده حسن ابن خالتي ...قابلته من زمان بس شكلك ناسي ...

اتكسفت وسيبت ايديها ...لقيت حسن بيسلم عليا وبيقول :

-الف مبروك ....اسف محضرتش الفرح ..بس كنت قاصد ...اصل من صغري نفسي اتجوز شهد وانت أخدتها مني 

غمز لشهد وساعتها كان نفسي اكسر فكه بس شهد ضحكت. هي بتضربه علي كتفه وقالت :

-معلش يا بيبي ابو علي بيحب يهزر دايما كده 

-بس ده حقيقة يا امير ...انا بجد بحسدك علي شهد انت اخدت جوهرة 

بصتله شهد بكسوف وقالت:

-تسلم يا حسن انت اللي جوهرة والله 

كنت حاسس اني كيس جوافة وسطيهم.....حسيت دمي وقلبي محروقين وانا بسمع الكلام السخيف ده ....ده ناقص اجيبلهم كوبايتين لمون وشجرة !!!

بصلي حسن وقال :

-اسيبكم دلوقتي رايح اوضتي ارتاح شوية ...وزي ما اتفقنا يا شهد النهاردة انا عازمك...ممكن كمان يا امير تيجي معاها 

ابتسمت ابتسامة صفرا فقالت شهد بسرعة:

-ممكن نجيب سها معانا...سها مرات جوزي اللي قولتلك عليها 

بصتلها بصدمة مكنتش اتوقع انها هتقوله علي حاجة زي كده ...بس حسن مبينش انه مصدوم ولا حاجة بالعكس كان مبتسم وقال :

-وابقي جيب مدام سها معاك 

وبعدين مشي .

بصيت لشهد بغضب ولسه هزعق...دخلت اوضتها وقفلت في وشي الباب ...كنت بغلي حرفيا ...ازاي الوضع اتقلب ...مفروض انا اللي احرق دمها مش هي تحرق دمي ....ماشي يا شهد لانا لانتي 

...

روحت اوضتي وانا متعصب ...كان نفسي اهد الدنيا علي دماغها ...ازاي هي مش غيرانة ..ازاي هي مش متغاظة....انا بس اللي هموت من الغيظ ....نظراتهم لبعض جننتني....شهد بتتعامل معاه بأريحية وده ضايقني رغم اني واثق في أخلاقها ...صحيح بكرهها بس واثق انها مش هتبص لحد تاني غيري!! بصتلي سها بحيرة وقالت :

-مالك يا أمير بس شكلك عايز تقتل حد 

قعدت وحكتلها علي. كل حاجة  

بعد ما خلصت بصتلي بشك وقالت:

-امير انت بتغير علي شهد ؟

بصتلها بصدمة وبعدين ضحكت بتوتر وقولت :

-انتي اتجننتي صح ؟!!اغير  علي مين شهد ؟!

ضحكت تاني وقولت :

-انت مجنونة يا سها ...روحي اكشفي علي مخك يا ماما 

قمت بسرعة ودخلت الحمام وانا قلبي بيدق بسرعة ....لا لا ده مستحيل ....شهد مين اللي اغير عليها ده انا مش بطيقها ولا هي ولا امها ....انا زعلان لان مفروض هي اللي تغير عليا ....ايوة مفروض هي اللي تتكسر ...هي اللي تتغاظ مش انا لكن هي متهمنيش....بس برضه لازم احط حد لعلاقتها مع البني ادم اللي اسمه حسن ...حتي لو بنت خالته ميكلمهاش ولا يقرب منها كده

.........

روحت اوضتها ....قابلتني ببرود تام وكانت بتشوف الطقم اللي هتلبسه وتجاهلتني تماما 

-انتي بتعملي ايه ؟

ردت ببرود وقالت:

-بشوف طقم مناسب عشان عزومة ابو علي 

-احنا مش رايحين 

- لو انت وسها مش عايزين تروحوا براحتكم...انا رايحة 

- وانتي مش هتروحي يا شهد 

- ليه 

-هو كده وخلاص ...مراتي وانا حر 

-مش هبقي مراتك علطول 

اتوترت وقولت :

-يعني ايه 

-يعني قريب هنتطلق وننهي المسرحية السخيفة دي 

- وانا مش هطلق

-يبقي تتخلع

-نعم يختي 

ابتسمت وقربت مني وقالت :

-هخلعك يا امير ...و مش كده  وبس ...انا كمان هتجوز بعد العدة 

-ايه!!!!

هزت كتفها وقالت :

-سمعتني هتجوز 

ساعتها حسيت ان بركان من نار انفجر في قلبي 

يتبع 

#وقعت_في_شباكه

#سولييه_نصار

ولسه اللي جاي احلي 😇💙

البارت الخامس من هنا هنا