 |
رواية فتاة نصف الليل الجزء الخامس
للكاتبة/حنان حسن
بعدما.... طلع الباشا معايا لغرفتي
عشان...
يتاكد من الكلام الي قولتهولة
اخد مني الموبيل عشان يتاكد بنفسة
وبعدما بص في الموبيل شوية
لقيتة ركز في الموبيل بدهشة
وهو بيقول..
مش معقول؟
قلت.. هو ايه الي مش معقول؟
رد الباشا باسف
وقال...
انتي اكيد عندك مشكلة نفسية يا رنا؟
قلت.. ليه؟
مد الباشا ايده ليا ورجعلي الموبيل
عشان افهم هو قصدة ايه؟
فا اخدت الموبيل منه
ولقيت الصورة فعلا
الي انا لسه متصوراها سيلفي مع امل
لكن....
الصورة مكنش فيها حد غيري
وكنت رافعة ايدي في الهواء
وكاني حاطة ايدي علي كتف حد
مش موجود في الصورة
اصلا
فا استغربت
وقلت لنفسي
هي ازاي امل مطلعتش في الصورة؟
يا نهار اسود
معناه ايه الكلام ده؟
وفي اللحظة دي
بصيت للباشا
لقيتة الباشا واقف يبصلي بطريقة غريبة
فا حاولت اثبتلة
اني مكنتش بكدب
وان امل موجودة فعلا...
وانا مسجلة كلامها
وبسرعة...
فتحت التسجيل
الي في الموبيل
وقلتله..
.لحظة يا باشا
هسمعك صوت امل حالا
وبالفعل...
جيبت التسجيل
الي انا سجلتة لامل وشغلتة
لكن المشكلة
اني برضوا
سمعت صوتي... وكلامي
انا فقط
هو الي كان موجود...
لكن... مكنش في اي اثر لامل
وفي اللحظة دي
عرفت ان امل شخصية
وهمية
وفي دماغي انا فقط
ومعني كده...
اني انسانة مريضة نفسيا
و اني انا..
الي قتلت نوسة... ودوسة
وطبعا اكيد..
انا كمان الي صورت الفيديوهات الخليعة
مع الدكتور تامر
وانا الي اتجوزت الدكتور
وفضلت واقفة مذهولة
من هول الاكتشاف الي اكتشفتة
ومنطقتش بنصف كلمة
وفي اللحظة دي
لقيت الباشا بيكلمني
وهو في منتهي الغضب
وقال...
انا قلتلك قبل كده
اني لو اكتشفت انك قذرة بطبعك.... هقتلك
وانتي مطلعتيش قذرة فقط...
لا....
دا انتي طلعتي استاذة
في الكدب كمان
ورمقني الباشا بنظرة مليئة بالغضب
وتركني ومشي
وانا طبعا
كنت عارفة...
ان الباشا ممكن يكون...
رايح يجيب المسدس
بتاعة عشان...
يقتلني
وفضلت افكر
وانا مرعوبة
ياربي طيب هعمل ايه دلوقتي؟
الباشا فاكر اني بعمل كل ده بمزاجي
ميعرفش اني مريضة
ومش ببقي دريانة بالي بعملة
ولو قلتلة كدة...
مش هيصدقني
السؤال هنا بقي
ازاي اخلي الباشا يصدقني؟
وبعدما فكرت
اهتديت لفكرة واحدة
وهي...
اني اروح للدكتور
واشرحلة الي حصل
واطلب منه يجي معايا
للباشا
عشان....
يشرحلة حالتي بالظبط
وبالفعل
لبست هدومي
واتسللت في الخفاء بدون ما حد يشوفني
وخرجت من بيت الباشا
واثناء ما كنت في الشارع
اتصلت بالدكتور تامر
وقلت... الووو
رد الدكتور تامر
وقالي..
اهلا يا رنا
قلت... اهلا بيك يا دكتور
لو سمحت كنت عايزة اقابلك
رد الدكتور تامر

وقال...
انا كمان كنت عايزك في موضوع
قلت...
حضرتك في العيادة؟
قال...
روحي علي العيادة وانا هحصلك
بس ياريت تيجي...
وتجيبي الفيديوهات
معاكي
قلت... فيديوهات اية بس يا دكتور؟
انا عايزاك في حاجة اهم
قال.. انا كمان عايزك في حاجة مهمة
تعالي
علي العيادة حالا
قلت... حاضر
وبالفعل...
روحت للعيادة
وقابلت الدكتور تامر ادام باب الاسانسير
ودخلنا مع بعض
في المصعد
ومعرفش ليه
كنت حاسة...
ان الدكتور تامر متنحلي
اصل اثناء ما كنت راكب جنبة في المصعد
كان مركز معايا اوي
وعمال يبصلي بطريقة غريبة
المهم بعدما دخلنا العيادة
سالني
قال.. كنتي عايزاني في ايه؟
قلت...
بصراحة يا دكتور
انا الفترة الي فاتت دي كلها
كنت فاكرة
ان امل شخص موجود في الحقيفة فعلا
لكن النهاردة
انا اتاكدت... انها مش موجودة
غير في خيالي انا بس
وده طبعا معناه
اني انا مريضة نفسية
ومرضي ده
خلاني ارتكبت حاجات فظيعة
من ضمنها...
الفيديوهات الي حضرتك قولتلي عليها
لكن المشكلة دلوقتي
اني متورطة اكتر من ورطة اولهم...
اني ممكن اكون قتلت اتنين من جيراني
وكمان جمعت بين زوجين في وقت واحد
ده غير... الفيديوهات الي حضرتك عارفها
وكله كوم
والباشا الي اخد عني فكرة زي الزفت
وعايز ينتقم مني
كوم تاني خالص
وبصيت للدكتور تامر بحزن
وقلت
يا دكتور
انا في مشكلة حقيقية
تكاد تصنف بالكارثة
ومفيش حد يقدر يساعدني غير حضرتك
رد الدكتور تامر
وقال...
اهدي بس يارنا
مفيش كوارث ولا حاجة
ان كان علي جيرانك
فا انتي خلاص البوليس برئك
من الجريمة
ومش مدانة في اي جرائم
وبالنسبة للفيديوهات
فا انا هصبر عليكي
لغاية ما تفتكري انتي مخبياهم فين؟
واول ما تقوليلي علي مكانهم
هجيبهم ونتخلص منهم انا وانتي
اما بقي بالنسبة للباشا
فا طلاقك منه شيئ مفروغ منه
عشان...
انا وانتي هنستمر في جوازنا
قلت...مين؟ هيستمر فين؟
رد الدكتور
وقال..
انا وانتي
هنفضل مع بعض يا رنا
قلت...
في ايه يا دكتور؟
نفضل مع بعض ده ايه؟
منتا عارف
الجوازة جت ازاي
وبعدين... هتقول ايه لزوجتك
لما تعرف انك اتجوزت عليها؟
رد الدكتور تامر
وقال...
اصبري بس يا رنا
وانا هفهمك
وبدء الدكتور تامر يشرحلي
مقصدة
وقال...
انا كنت متزوج من فترة بعيدة
من طبيبة زميلة
ليا في مهنتي
لكن زواجنا كان...
بدون حب
ومكنش في اي عواطف
بتجمع بينا
وكنت بقول لنفسي
يمكن لما انجب منها اطفال
الحياة بينا هتكون محتملة عن كده
لكن...
ربنا ما اردش اننا ننجب اطفال
وبدات الحياة بينا تبقي مستحيلة
لغاية ما ظهرتي انتي في حياتي يارنا
وعيشت معاكي اجمل احساس
خلاني شعرت اني عايش من جديد
وده خلاني
اعيد تقيم حياتي الزوجية من جديد
وامبارح بس
صارحت زوجتي
وقولتلها... اني عمري ما كنت سعيد معاها
فا طلبت الطلاق
وبالفعل.... طلقتها
وعشان كدة
انا قولتلك في الموبيل
اني عايزك في موضوع مهم
والموضوع الي انا عايزك فيه
هو اني اصارحك بحقيقة مشاعري
واطلب منك
انك تعيشي معايا كا زوج وزوجة
ولو عايزة
تطلبي اي طلبات..
او تحطي اي شروط
انا معنديش مانع
وبعد ما الدكتور خلص كلامة
سالني

قال...
ايه رايك يا رنا؟
بصيت للدكتور
وقلت....
يا دكتور انا مريضة نفسيا
يعني مينفعش يتاخد براي اصلا
حاليا.... ولغاية ما اخف
رد الطبيب
وقال... متشيليش هم المرض
انا هفضل معاكي
لغاية ما تخفي وتبقي
زي الفل
قلت...
برضوا مش هينفع اعيش معاكي كا زوجة
لان امي متعرفش بموضوع جوازنا ده
وانا مش هينفع اقول لماما
اني هسيب الباشا
عشان اتجوز الدكتور تامر
لان... هي مش هتوافق
علي كده اصلا
رد الدكتور تامر
وقالي...
اولا...
ماما لو عرفت موضوع الفيديوهات
هي بنفسها الي هتطلب منك
اننا نتجوز
عشان لو حد شاف الفيديوهات
واحنا متجوزين
مش هيبقي فيها مشكلة
لكن... لو متجوزناش
فا ده هيبقي فيه خطر علي سمعتك
وخصوصا لو اتجوزتي الباشا
وانا كمان هببقي فيه خطر علي سمعتي
كا طبيب
بعد ما تستمعت لوجه نظر الدكتور تامر
اقتنعت بصراحة
لانه فعلا تفكير منطقي
فا قلت بانكسار
... كلامك صح فعلا
خلاص الي تشوفة
بس ازاي هعيش معاك من غير ما اقول لماما؟
رد الدكتور
وقال.. انتي هتفضلي معايا لغاية...
ما الباشا يزهق
ويطلقك
وساعتها...
انا وانتي نعلن جوازنا
ونتعامل كا زوج... وزوجة
ونجيب مامتك تعيش معانا عادي
واقترب مني الدكتور تامر
وبدء يطلب مني متوسلا
ويقول..
اسمعي كلامي يارنا
وتعالي عيشي معايا في شقتي
واوعدك
انه هيبقي زواج علي الورق
فقط
لغاية ما الباشا يطلقك
قلت... ايوه بس؟؟؟
رد الدكتور تامر
وقالي...
مفيش بس
لان انتي لو روحتي للباشا دلوقتي
ممكن ينتقم منك
ومش بعيد يقتلك
قلت...
ايوه فعلا
الباشا قالي انه هيقتلني
خلاص..
موافقة اعيش معاك
وبالفعل....
روحت مع الدكتور تامر بيتة
ودخلني الدكتور تامر لشقتة
وهو بيعرفني علي البيت الي هعيش فيه
وطبعا كانت الشقة بتاعتة شيك جدا
وفعلا ملقتش طليقتة في الشقة
وواضح انها تركت البيت بعدما طلبت الطلاق
المهم...
قعد معايا الدكتور تامر
في الصالون
وفضل يكلمني عن حياتة شوية
واثناء ما كان بيتكلم
رن الموبيل بتاع الدكتور تامر
فا استاذن مني
عشان يرد
فا قلتلة.... اتفضل
وبالفعل...
رد الدكتور تامر
وقال.. الوووو
مين؟
بتقولي مين؟........ مين؟
مش ممكن؟... مستحيل
طيب اصبري بس يا مجنونة اصبري........
وسكت بعدها الدكتور تامر
وكان واضح...
ان الطرف الي علي الخط التاني.....
قفل السكة
ولما لقيت الدكتور وشة جايب الوان....
وعرقة غرق جبينة
سالتة
قلت..
في حاجة يا دكتور؟
رد الدكتور تامر
وهو مذهول
وفضل.... يردد الكلام الي سمعة علي الموبيل
وقال....
بتقولي انها شافتك معايا في العيادة
ومشيت ورانا
واحنا جايين ع البيت
وبتهددنا دلوقتي
انها هتروح علي الباشا
عشان تفضحنا عنده
قلت...يانهار مش فايت
....
وليه طليقتك تعمل كده؟
هو انت مش بتقول....
انها هي الي طلبت الطلاق؟
رد الدكتور تامر
وهو مازال مذهول
وقال...
الي اتصلت بيا دلوقتي مش طليقتي
قلت... امال امين؟
قال.. واحدة لا يمكن تتوقعيها
قلت... بالله عليك قول مين بسرعة؟
رد الدكتور
وقال...
الي كلمتني دلوقتي هي.........
لو عايز باقي احداث الرواية
صلي علي رسول الله
وطبعا مش هننسي نضع عشر ملصقات مع متابعة للمدونة علشان تصلكم باقي الروايه
البارت السادس من هنا هنا
تعليقات
إرسال تعليق