 |
البارت الاخير 💥بقلم سلطان زماني
انجي..انتي عارفه العضوية بكام ..سيبك من العضوية
دلوقتي انتي خليكي معايا وانا هظبطك
وفعلا بقيت اروح معها في كل حته واوقات تمارس معايا
وتهزر وهي حست اني زهقت وقرفت منها ومن الي بنعمله
ومش حبه الموضوع ولا عاجبني زيها
لحد ما عرفتني علي واحد اسمه الحج عاطف فضلنا نحكي
في الموبيل شوية وقالي أنه بيحبني وعنده ظروف الي
بتخليه يتجوز في السر وعرفي جبلي دهب واتجوزنا في
شقة بتاعته ف المهندسين فضلنا حوالي 5 شهور وكنت بروح
اقابل حاتم ٣ مرات او مرتين في الشهر وكنت ماشيه
بالتعليمات بتاعة انجي اني اقصص ريشه واخد فلوس منه
طلعت منه ب80الف غير الدهب والهدايا سبني قاعده في
الشقة 3 شهور بعد كده المحامي بتاعه قالي اخلي الشقة
اتصلت بالحج عاطف قولته انا عايزه بس التلاجة والغسالة
قالي خديهم
جبت عربية اخدت التلاجة الغساله وقمت
البوتجاز والانوبه كمان ورحت لشقتي الجديدة
بعدها انجي الشغل باعها خدها مني وانا كملت في طريقي
وبقيت اروح كباريهات واعمل كده كتييير لحد ما بقا يجيني
نزيف جامد بعد الدورة الشهرية ما تخلص واستغرب وشوية
يروح ويرجع وجسمي عمال ينزل رحت كشفت قالولي أني
عندي سرطان في الرحم ولازم يتشال في اسرع وقت اتصلت
ب انجي معرفش غيرها جتلي ورحنا لدكتور تبعها وقال نفس
الكلام وكانت صدمة بالنسبالي عملت العملية وفضلت بعد
العملية شهرين مصدومة ملقتش حد يساعدني ولا يقف
جنبي وموبيلي مش مبطل رن زبائن كتير بقيت اشتمهم
واتعصب عليهم واقولهم محدش يتصل بيا تاني أتعرض
حاجات كتير وانجي بقت تكلمني ارجع وبعتتلي رقم واحد
غني اوي وقالتلي انا لو مش متجوزه كنت رحتله أنا ياهبله
مسحت الواتس خالص من عندي وصلت لمرحله صعبه كرهت
نفسي وكرهت كل الرجالة كل الرجالة كل الناس بقيت انام
16 ساعة في اليوم واكلي ضعيف مليش نفس في حاجه
ايامي كلها بقت شبه بعضها تليفوني فصل شحن ومبقتش
اشحنه بقيت احلم بالحج عاطف كتير من ضمن الاحلام اني
كنت في مكان ضلمه ومربوطه وحواليه ناس شكلهم وحش
خالص وانا مرعوبه منهم ومن شكلهم وبصتهم وهو جيه
وكلهم خافو منهم وجريو وفكني وروحني لحد شقتي
من غير ما احس ولا افكر شحنت الفون وكلمت الحج عاطف
قولتله ابوس ايدك شفلي شغلانه حلال
اي شغلانه رحتله المكتب وحكتله حكايتي كلها من اولها ل
آخرها
قام قالي روقي واهدي وصلي علي النبي ..انتي بتفهمي في
ايه ولا صنعتك اي
قولتله ولا حاجه غير القرف ده ابوس ايدك شفلي حاجه حلال
قالي.....
الحاج عاطف كتبلي عنوان في ورقه ورحت لوحده اسمها هدي ست كبيرة ومحترمة جدا
ووصها عليا
بتفصل عبايات وجميع انواع الملابس عندها محل كبير
وشغال عندها بنات كتير اتعلمت اقص القماش واصلح
واضيق واتعلمت المكواه كمان وبقت تختبرني كتير وتعتمد
عليا وعرفت بتشتري القماش منين وصيانة المكن وقطع
الغيار بتاعة المكن والاماكن الي بتتصلح فيها
لحد ما كلمت الحج عاطف وقالتله اني اتعلمت وقعدت تشكر فيا وفي انتي والتزمي
اخدلي محل وجبلي ٣ ماكينات وجهاز مكواه بخار وجبلي
شقة استديو صغير وقالي ايجار المحل والسكن عليا لحد ما
انتي تقفي علي رجلك والنحل يشتغل
عملت ورق دعايه وبقيت بوزعه علي كل الناس
وجبت وحده شغلتها معايا والمحل الحمد لله اشتغل ولقيت
حاتم بيكلمني قفلت الموبيل وطلعت الخط وكسرته مليون
حته ومسحت كل الارقام الي متسجله ع الموبيل حتي
صوري مبقتش عايزه حاجه تفكرني بالايام السودة دي
كنت شغاله تفصيل حريمي ورجالي وخليت المحل حريمي
بس بسبب سخافة واستظراف الرجالة بقيت بكرهم بجد
وجبت ملابس جاهزة وبقيت اعرضها واخدت المحل الي
جنب المحل بتاعي وفتحتهم علي بعض وكنت خايفه اروح
لطليقي اشوف بنتي الحج عاطف شجعني وقالي متخفيش
اخدت هدايا ورحت ملقتوش في البيت لقيت مراته القديمة
وبناته
قالتلي انتي مين قولتلها أنا شهد فين بنتي بصتلي بقرف
وقالتلي اهي متلقحه جوه
جريت لقتها ياحبة عيني قعده علي السرير لوحدها في
الوضه ومحدش سال فيها ابتسمتلي لما لقت الهدايه حضنتها
وفضلت ابوس فيها وهي ساكته ومش عرفاني
قولتلها أنا امك يا حبيبتي متخفيش فرحت بالهداية
عايزة الطم واصرخ علي الحال الي بنتي وصلت ليه
متخربشه في أيدها وفي تعويره في وشها وملبسنها لبس
معفن وشكلها بقالها اسبوع مستحمتش
شلتها ونازله قبلتني مراته قالتلي انتي رايحه بيها فين هي
ملهاش اب
قولتلها لا ملهاش علشان لو ليها اب مكنش بنتي حصلها كده
لقتها بتردح وبتزعق وبتقولي هو انتي بعد ما بطلتي سرمحه
ولفيتي ونضفتي يامقشفه جيه تدوري ع بنتك
لقيت بنتي مسكه في هدومي وخايفه قولتلها متخفيش
ياحبيبتي مسكت نفسي علشان مش عايزه خناق قولتلها أنا
مش همشي غير وهي معايا يا اما هوديكم كلكم في داهية
قربت عليا وبتقولي داهية أما تخدك مسكتها من شعرها ب
ايد وحده وقولتلها اقسم بالله هصورلكم قتيل هنا اوعي
ياحيزبونه انتي تكوني فكرتني الهبله العبيطه بتاعه زمان
خافت وراحت طلعت فتحت الشباك وفضلت تصوت ولما عليا
المنطقه كلها اتاري المنطقه كلها عارفه حكاية بنتي وقسوتهم
شايفنها وصعبانه عليهم واتصلت بطليقي وقالها خليها تخدها
اخدت بنتي علجتها ونضفتها واشتريت ليها كل الي نفسها
فيه وعاطف حبها اوي وبقا يعتبرها وحده من أحفاده وانا
عشت حياتي ليها وقلبي اكتفا بحبها وحرمت ع نفسي اي
حاجه حرام وبدعي ربنا أنه يتقبل توبتي ويغفرلي ويسامحني
💥----------------------النهاية--------------------💥
الله يخربيت ام دي قصة 😂😂😂😂😂😂
يلا قولو رأيكم واستوني الجديد ياحلوين
تعليقات
إرسال تعليق