 |
تزوجتها
#البارت التامن والتاسع
_محمود!!
وقفت مكاني مش عارفه أتحرك لغايه ما احمد قطع الصمت
=مش دا الي كان عندنا، اتفضل انت بتشتغل هنا؟
بصلي واتكلم *بابا ليه 30٪ من الشركه
_اهلا وسهلا، اتفضل، مريم روحي انتي مكتبك، مريم!!
=ها، حاضر
مشيت بسرعه ودخلت المكتب وقفلت الباب ورايا وحطيت وشي بين درعاتي، ربنا يستر احمد لو عرف انه نفس الشخص اكيد مش هيسكت وهيحصل مشاكل كتير، كتير اويي
_بتفكري فيا مش كده!!
رفعت وشي بسرعه وبصيت بغضب
=انت اي الي جابك هنا انت عاوز اي مني تاني حرام عليك سبني في حالي بقي
_اعمل اي بقى مقدرتش انساكي، دا انا جاي الشركه عشان عرفت من بابا ان والدك مسافر وهتشتغلي هنا لغايه ميرجع
=وبعدين؟ عاوز اي يعني!
_عاوزك
=انت بتقول اي!! انت اكيد متخلف
_لا لا من غير غلط، هي هتبقى اول مره ولا اي!!
رفعت ايدي اضربه بالقلم بس مسك ايدي
_لا لا انتي كده هتزعليني منك، اهدي بدل متصرف تصرف مش هيعجبك، صدقيني مش هيعجبك ابدا
سحبت ايدي =ارجوك يا محمود سبني في حالي انا دلوقت ست متجوزه و..
_هو ميعرفش ولا اي!
سكت وبصيت في الأرض ف ضحك
_متجوزك ويعرفش انك بنت، يحرام هيتصدم يبقى اي؟ يبقى نحافظ على شعور الغلبان دا
=انت ازبل انسان شوفته في حياتي، ازبل انسان في الدنيا
_انتي كده جبتي اخرك معايا على فكره، فاكره الشقه بتاعت زمان مستنيكي فيها الساعه 8 اوعي تتأخري، تخيلي وقفت قدام احمد قولتله الحقيقه هيعمل اي؟
كنت بعيط ومش برد بفكر في رد فعله وانه ممكن يودي نفسه في داهيه، رفعت وشي ملقتوش، قعدت على المكتب وقدامي ورق كتير مبصتش فيه حتى، مر الوقت مش عارفه قد اي وانا بفكر احل المشكله الي انا فيها ديي ازاي
الباب خبط ف اتنفضت وطلع احمد ف ارتخيت وبصتله
_انا خلصت
=..
_عازمك على الغدا عشان عيد ميلادي وانا الي هدفع مع انه عيد ميلادي بس يلا اهو اخد فيكي ثواب
=..
_مريم مالك!
=مفيش، يلا بينا
روحنا مطعم وقعدنا وطلبنا اكل واستنينا عما يجهز
_مريم
=ها
_محمود
=م ماله!
_ملوش بسأل بس كان جاي عندنا يعمل اي؟
=كان جاي، جاي يباركلنا
_اه، انتي تعرفيه؟
=اي!
_بسألك تعرفيه، باباه شريك باباكي ف اكيد تعرفيه يعني
=اه معرفه سطحيه
_طب يلا ناكل
اقوله؟ انا لي كدبت عليه، انا كنت فاكره اني مهما خبيت عن الكل مش هخبي عليه هو!!
خلصنا اكل ورجعنا البيت وطلعنا الاوضه وحضنته كنت عاوزه أعمل كده عشان احس ب الأمان الي مش بحسه غير وانا معاه عاوزه اهدي من الخوف الي جوايا دا
_دا انا اعزمك كل يوم بقي
=..
_تعرفي اني بحبك؟
=جامد؟
_جامد اوي
=طب ولو زعلتك في يوم هتسامحني؟
_هسامحك، اكيد هسامحك
=حتى لو خبيت عنك حاجه!
_انتي مش بتخبي عني حاجه يمريم اصلا!!
=نفترض يعني
_لا هزعل عشان اتفقنا مليون مره نبقى صحاب
ضغط على حضنه =طب ولو غصب عني؟
_في اي يمريم!
=مفيش، مفيش حاجه
مسك وشي ب ايده الاتنين ومسح عياطي
_انتي بتعيطي لي طيب؟
=عشان انت احسن مني ، وكتير عليا اويي
_متقوليش كده انا عارف اني جامد اه بس نيجي جمبك اي بس
ضحكت= ولا اي حاجه
_الاه! طب متعلمني ابقى زيك يزعيم
=يبني خدها مني كلمه سهل تبقى جامد صعب تبقى زيي
_لا دا انتي جيبي حضن تاني بقي
ابتسمت وحضنته ونزلنا تحت عملنا فشار ولأول مره حاجه باءت بالنجاح ومخربناش الدنيا، طلعنا كلناه ونام شويه، معرفتش انام وكل شويه ابص في الساعه، انا لازم اروحله اقوله اني بحب جوزي وان أعلى ما في ما خيله يركبه اكيد احمد هيفضل معايا، وانا معرفاه كل حاجه، محمود اكيد هيخاف يقوله وبيخوفني وخلاص عشان اروح
لبست في هدوء ونزلت اتمشيت شويه بعدت عن الفله وبعدين ركبت تاكسي وصلت هناك، خبطت وفتح ودخلت
_احلويتي اوي عن زمان
=وعقلت وفهمت اكتر كمان ، بص بقى حواراتك دي مبحبهاش ابعد عني وعن سكتي احسنلك والله
_اعتبر دا تهديد!
=او نصيحه
_دا القطه طلعلها ضوافر بقي
=وبقت بتخربش كل الي يفكر يجي عليها بلاش انا يمحمود، تفتكر لو عرفت باباك الي عملته، باباك هيعمل فيك اي؟
_ايي؟
=وبابايا لو عرف، دي قضيه اغتصاب تاخد فيها 25 سنه في السجن اهو تنشف حبه، ايدا 25 سنه يعني احتمال تموت جوا
_..
=دا غير تهديدك ليا انك تقول ل أحمد يخساره انت متعرفش جوزي، هيقتلك صدقني وهيكون بيدافع عن شرفه ومش هياخد فيك يوم حبس يعني دمه هيروح هدر، يعني هددني بحاجه ضدك
_مريم انا مش قصدي ابدا اني اهددك
ضحكت= يريت مشوفش وشك تاني ودا لمصلحتك فل؟ فل
قربت منه=اي مش كنت عاوزني ولا اي؟
بعد خطوه_ لا لا خلاص
=ربنا ينتقم منك، منك لله انا عمري مهسامحك، بس تعرف ربنا دا عظيم عوضني ب الي ضفره ب رقابتك، الحمد لله اننا متجوزناش الحمد لله والله، يخربيت الي يآمن للي زيك
بصتله بقرف وفتحت الباب وشهقت
_أ أحمد!!
مسك شعري =انتي اي الي جابك هنا
_اه، احمد انت فاهم غلط والله، تعالي نروح عشان افهمك
كان داخل لمحمود فمحمود بعد لآخر الحيطه بس مسكت ايده ب ايدي الاتنين
_ابوس ايدك يا احمد بلاش فضايح، ابوس ايدك بلاش
شديت ايده ونزلنا فزق ايدي من على ايده
_احمد اسمعني
لف وبصلي من فوق لتحت وبعدها ضربني ب القلم فوقعت على الارض
=بتخونيني!! انا مش قادر اصدق ، دا الي معرفتك بيه سطحيه!
_احمد متظلمنيش
=أظلمك! انتي كنتي مع واحد في شقته !
_..
=اول ما باباكي يرجع هاجي بيتكم عشان اطلقك
_اييي!!
#مريم سمير💙
#تزوجتها💙
#البارت التاسع
_اول ما باباكي يرجع هاجي بيتكم عشان اطلقك
=اييي!!
_زي مسمعتي
جه يمشي ف مسكت ايده ووقفت وانا وشي كله عياط
=انت اكيد بتهزر يا احمد، بصلي انا مريم، مريم الي المفروض صحبتك قبل أي حاجه، انا والله ماعملت حاجه انا بس كنت ..
مسك ايدي بقوه وضغط عليها
_كنتي مع راجل في شقته لوحدكم!! سألتك قبل كده تعرفيه قولتي معرفه سطحيه مش كده!!
مشي وانا واقفه مكاني من كتر العياط مش شايفه قدامي، انا ازاي اعمل كده انا لي غبيه! المفروض مكنتش اروح، انا، انا كسرت قلبه! قلب اكتر انسان حبني، انا حاسه في نبره صوته بالقهره والوجع ازايي اعمل فيه كده!!
روحت البيت بسرعه وطلعت الاوضه وخدت نفس عميق وخرجته براحه وفتحت الباب، بس ملقتوش!!، نديت على كوثر قالتلي انه مجاش هنا! اكيد مش هيجي، اكيد هيروح بيتهم، قفلت باب الاوضه وقعدت على الكرسي وانا بعيط وانا بفتكر كل لحظه مرت واحنا سوا، نمت على الكرسي من كتر التعب وصحيت على خبط على كتفي
_شيل ايدك من على كتفي يا احمد عشان مرفصكش زي كل مره
=يهانم!! اتاخرتي على الشغل
دعكت عيني وبصيت قدامي لقيتها كوثر ف بصيت على الأرض
_ماشي يكوثر انا صحيت اهو وهلبس
=ماشي يست هانم، احضرلك الفطار؟
رديت بتلقائيه _لا هعمله انا واحمد
ضربت جبهتي ب ايدي _قصدي هفطر في الشركه
=ماشي يست هانم
لسه كل جمله فيها اسمه، انا للدرجاتي بحبه! انا فعلا وقعت! لبست بسرعه وخدت العربيه وروحت الشركه، دخلت على طول على مكتبه من غير تخبيط حتى، بس ملقتوش وقفت شويه مكاني، هو مجاش! بجد!! فضلت واقفه وباصه على الكرسي لغايه مفوقت على خبط على كتفي، كان هو، وشي نور! اتحركت من مكاني وهو قعدت على الكرسي بتاعه ف ابتسمت
_انا رجعت عشان دي امانه والدك محملهالي وانا مقدرش محفظش على الامانه، لما يرجع مش هتشوفي وشي، ابدا متخافيش
=مخافش!! على اساس اني عاوزه كده!! احمد متعملش فيا كده، ارجوك
زعق _انتي الي عملتي كل حاجه فيا، ممكن تروحي على مكتبك؟
رجعت خطوه لما لقيته بيزعق =انا اول مره اخاف منك
_مش هبقى موجود عشان تخافي مني بعد كده
=انا عاوزه اتكلم معاك، انت شوفت نص الصوره الي قدامك، طب انت صدقت؟ قلبك صدق!
ضغط ب ايده على المكتب _ قولت على مكتبك
روحت المكتب وانا بفكر أصلح الي بيحصل دا ازاي، معتش هشوفه؟ يعني كده خلاص!! محدش هيعصبني ويبوظ المطبخ ويقولي هنصلحه؟ محدش هينكشني! مش هحس ب الأمان بعد كده في حضنه وفي وجوده!
رجعت المكتب بتاعه وفتحت الباب كان جاي يتكلم بس انا اتكلمت
_انت لي اناني كده! انت عارف اني مش حابه اعيش من غيرك، عارف اني بحبك، لي تعاقبني كده!!
قرب مني كان قريب اوي لدرجه اني لو رفعت وشي هلاقيه
=لي عملتي كده! انا عمري مأذيتك
_والله معملت حاجه، اكيد انت مش مصدق الي شوفته خليني اوضحلك
=مش عاوز افتكر الي شوفته مش عاوز اسمع حاجه
_انت كده بتحكم اننا نبعد وانا مش عاوزه دا، لازم نكون احنا الاتنين موافقين
=انا موافق وعاوز
_اييي!!
=زي مسمعتي، ويريت بقى نلاحظ ان دا مكان شغل
بصيت على ايده
_انت كداب، انت بتحبني
=لا مش ..
مسكت ايده _مقلعتش الدبله!!
بص لايده وسحبها =ممكن تروحي تشوفي شغلك بقى؟
مشيت لما لقيته اتعصب تاني، احيه امال هقولك على الحقيقه امتى!! دا مش عطيلي فرصه اتنفس!
روحت المكتب وبدأت اشتغل وانا واخده قرار اني هقوله على كل حاجه، ربنا يستر وميعملش حاجه في محمود ويودي نفسه في داهيه
كان فيه ورق محتاج إمضاء المدير فروحت المكتب عشان امضيه، فتحت الباب بعفويه لقيت بنت بتقرب ل أحمد
_احمم، هو في ايي!!
=طيب يا سما ممكن تاخدي الاجازه بس هما يومين بس
*شكرا جدا يسياده المدير
خرجت وانا رفعت حاجبي وبصتله بغضب
_المفروض ان دا مكان شغل زي محضرتك قولت
=اي الي حصل!!
_لا محصلش حاجه، بس المفروض ان التهريج دا ميحصلش هنا
=وانا حر
_لا مش حر انت واحد متجوز
=ايام وابقى حر يستي!!
_معاك حق، ممكن تمضي على الأوراق ديي
مضى ومبصتلوش وخد الورق وطلعت بسرعه، انا غلطانه اني عاوزه أصلح موقفنا اصلا انا عاوزه اطلق ومش عوزاه! لا انا بكذب بس والله لأطلع عينه
اليوم خلص وفوني رن
_عاوزك في مكتبي
=اليوم خلص وكل الموظفين مشيوا!!
_بقولك عاوزك في المكتب
قفل الخط وانا مبلمه هو في اي!!
روحت المكتب خبطت ودخلت لقيته قاعد على الكرسي وشاورلي اقعد
_مريم انا مستعد اسمعك، قولي الي شوفته مش صح، كذبيني وقولي انه مكنش انتي، انا لغايه دلوقت مش قادر أصدق ولا عاوز أصدق
=والله يا احمد مقصدي اجرحك، انا روحت لمحمود عشان، عشان ..
_عشان؟
=دا كان خطيبي الاولاني وهو الي ..
_اييي!! هو الي عمل فيكي كل دا وريحاله
=هددني يقولك وانا مش عوزاك تتورط في مشكله بسببي، انا معترفه اني غلطانه اني روحتله بس والله مكان عندي حل تاني، والله محصل حاجه، روحت اقوله يبعد عن حياتي ويسبني في حالي
_انا هقتله و..
مسكت ايده جامد =عشان خاطري يا احمد بلاش، بلاش انا مش عاوزه اخسرك، انت الوحيد الي لو خسرتك هندم عمري كله، انا هنساه وانت انسى ونعيش حياتنا ولا كأن حاجه حصلت
_معرفش اسيب حد عمل فيكي كده
=انا كل مفتكر اتوجع واعرف قد اي كنت غبيه لما وثقت فيه، هو خلاص راح لحاله ومعتش هيبقى ليه دعوه بيا
_احسنله انه معتش ليه دعوه بيكي والا والله ..
=متخفش والله خوفته دا جبان اصلا ومش هيتسجر يوريني نفسه ولو صدفه
_طب خلاص معتيش تعيطي
ضربته على صدره =وانت كنت عاوز تطلقني وتسبني لوحدي
_والله قولت الكلام دا غصب عني، انتي مش عارفه انا كنت حاسس ب اي، انا جبتك عشان اسمعك عشان تكدبي الي شوفته ولو كنتي حتى قولتي كلام كدب كنت صدقتك عشان مش عاوز اسيبك، انا بحبك اوي يمريم حقك عليا والله
حضنته وبعدين خرجت من حضنه ضربته تاني
_الاه!! انتي قادره يبه؟
=اه قادره مين دي بقي الي كانت بتقرب منك أن شاء الله؟
_دي السكرتيره
=ما عارفه انها سي زفته كانت بتقرب لي؟
_كانت عاوزه اجازه وانا رفضت فقربت يمكن أضعف
=نعم!!
_الصراحه البنت بطل، كان ممكن أضعف لو أصرت الحقيقه
=..
_والله بهزر والله خلاص
=هزارك بايخ وانت بايخ اصلا
_انا قررت حته قرار إنما اي جنان
=كل أفكارك جنان يحبيبي اي الجديد
_احنا مش هنروح البيت
=امال هنروح فين!!
_هنسهر بره
=وبعدين!!
_اشربك حاجه اصفره
=وبعدين؟
_وبعدين ابدأ اقربلك
=وبعدين؟
_وبعدين بقى هتكوني دوختي ف اكيد مش هتعرفي تقارمي
=انا مراتك يا اهبل
ضحك _امال بتقاومي لي!!
=احمد معتش تقرب احنا في شركه محترمه نبيله
_نبيله مين؟
=والله معرف، هنمشي امتى الشركه المفروض تقفل
_مش هنمشي ، يا انا يا انتي النهارده بقى
ضحكت =احمد مش بهزر يلا بينا
مسكت ايده ومشينا روحنا مطعم واتغدينا برا، رجعنا لقينا ناس كتير في الفله
_في اي يكوثر!!
=البيه الكبير عمل حادثه
_نعم!!!
#تزوجتها💙
#مريم سمير💙
البارت العاشر بعد قليل
تعليقات
إرسال تعليق