 |
البارت الخامس عشر 💥 بقلم سلطان زماني
روحت البيت ولسه هغير هدومي وبقلع اتصل بيا ابن خال
فجر وقالي حضرتك فاضي نتقابل علشان نروح مع بعض
اجبلك الفانوس ونروح للسمكري
قولتله والله أنا مسامح ومش عايز حاجه كتر خيركم كفايا
ذوقكم والله وقولتله سلملي ع استاذ سامر واشكرهولي ع
اهتمامه وقفلت معه
وافتكرتها ع طول سرحت فيها وافتكرت شقاوتها وعفويتها
والتلقائية الي بتتكلم بيها وابتسمت وعضت شفايفي من
الغيظ لما اتكسفت اطلب رقمها منها وكمان اتحرجت اقول ل
ابن خالها ع رقمها وبقول لنفسي هتوصلها ازاي بقا يافالح
يلعن ابو غباءك من مسكت الموبيل بسرعه وسجلت رقم اين
خالها احتياطي ونمت ع السرير بهدومي وقعدت افكر فيها
واسرح واغمض عيني اشوفها واقول لنفسي والنبي مافي حد
متخلف غيرك ازاي ياض تزعل الملاك ده يارب بس تتصل هي
وانا اتقلبلها صيني مش اعتزر بس تاني يوم وانا في الشغل
لقيت رقم غريب وانا فطر مع صحبي وسبته يرن مرتين وراء
بعض خلصت فطار وكلمته رد وقولت ايوا مين معايا
فجر ..الناس تقول صباح الخير ..السلام عليكم..الوو..اي ايوا
مين معايا دي ياهندسه
_ بفرحه واندهاش فجر صح
فجر..والله كنت خايفه لتكون نستني ونسيت اسمي برضو يا
باش مهندس عملت الي في دماغك ده انا حلفت برحمه بابا
_ الموضوع مش مستاهل يا فجر وانتي مش قتله قتيل يعني ممكن اطلب منك طلب
فجر ..اه طبعا ياباش مهندس
_ اولا بلاش باش مهندس دي قوليلي ياحسن ثانيا بقا وده
الاهم أنا عايز اقابلك علشان اعتزرلك علي كلمة متخلفه بس
انا قولت مش ناقصه تخلف
فجر ..لا قولت متخلفه يا حسن دي حرمت وداني يا متخلفه '
أنا متخلفه ياحسن
_ قطع لسان الي يقول عنك كده ده انتي عسل
فجر .. ههههههههههههه دلوقتي بقيت عسل كان فين ده امبارح
قعدت حكتلها علي الي حصل امبارح من المدير واتفقنا أننا
هنتقابل في كافيه في وسط البلد بكره خلصت شغل وجري
رحت اشتريت طقمين جداد وبرفيوم ولا اكني بكره العيد
ومستغرب نفسي جدا بس فرحان فيا طاقه وبور تهد جبال
رغم اني كل يوم أنا برجع من الشغل بكون عامل زاي الخنفسه
الجعانه .وبترمي ع السرير انام ساعتين من الفرهده الي بكون
فيها المهم اشتريت الهدوم ورحت للترزي يظبطهم ورحت
حلقت مروح البيت الساعة ١١ فضلت قاعد لحد الساعة 2
مستني أنها تتصل ولما فقدت الامل نمت صحيت الساعة 11
قولت احييييه كلمتهم بسرعة في الشغل واعتذرت وفضلت
قاعد جنب ام الموبيل مرزوع جنبه لحد ما اتصلت الساعة 5
وقالتلي أنا قدامي دقايق واكون في الكافيه انت فين قولتلها
جيلك في الطريق قالتلي طريق أي مش سمعه صوت عربيات
ولا ناس انت فين قولتلها هلبس اهو قالتلي انت لسه هتلبس
قولتلها اه بسرعه اهو قالتلي هو احنا مش متفقين قعدت
تاني وقولتلها انتي قولتيلي هنتقابل بعد الشغل بتاعك وانا
معرفش شغلك ده بيخلص امتي لبست بسرعة بسرعة ونزلت
رحت الكافيه فضلت ادور لحد لما لقتها سلمت عليها وقعدت
طول المقابله وانا باصص عليها وهي عماله تحكيلي عن يومها
وحياتها بعد وفاة والدها وعلاقتها بمامتها وانا كمان حكتلها
عن تجربة الخطوبة واتكملنا في كل حاجه ولما سالتني عن
سبب انفصالها لحظت اني اتوترت واتعصبت لاقتها غيرت
الموضوع بعد شوية مامتها اتصلت بيها قلقت عليها وهي
قالتلي أنا لازم امشي جيت احاسب رفضت أنا اتكسفت
وسبقتها شوية قدام قولتلها أنا الي طلبت اقابلك والمفروض
اني انا الي عزمك قالتلي المره الجايه ابقي ادفع انت وقعدت
تضحك وركبت عربيتها وانا رحت ل امي اول ما قبلتها
حضنتها وفرحان اوي والكل لاحظ عمال العب مع اولاد
اخواتي ونهزر ولا اكني من سنهم ونزلت اشترتلهم لعب من
محل تحت البيت اشتريت ليهم فاكهه وايس كريم ونمت
اليوم ده عندهم وسحبت ع الشغل فضلت مستني انها تتصل
مفيش فات يومين وانا هتجنن كلمتها اخر لما زهقت وجبت
أخري في الصبر
_ اذيك يافجر عامله اي
فجر ..الحمد لله كده برضو متسالش عليا وانا تعبانه
_ تعبانه مالك الف سلامة عليكي
فجر ..عندي شوية برد ومرحتش الشغل بقالي يومين بس
الحمد لله دلوقتي احسن كتير
_ الحمد لله والف الف سلامة عليكي أن شاء الله أنا انتي لا
فجر ..هههههه أن شاء الله يارب ده انا متغاظه منك
_ مني انا ليه بس
فجر ..الفيس بتاعك ظهر عندي في الاصدقاء المقترحة
وبعتلك طلب صداقه من يومين ومقبلتوش ولا حتي رديت
عليا في المسانجر
_ سبتها ع الخط وفتحت الفيس بسرعة قبلت الطلب ولقتها
فعلا بعتالي قولتلها والله مش بفتح فيس كتير ولا يهتم بس
من دلوقتي ههتم طبعا وفضلنا نضحك ورحنا كملنا كلامنا
علي المسانجر
يتبع
البارت السادس عشر من هنا هنا
تعليقات
إرسال تعليق