 |
البارت الرابع 💥
تاني شهر راح اخد الفلوس وغير موبيله هو وجاب لبس
لنفسه وخد الباقي ومقلش حتي بعتو كام
سكت وبقيت بطلع بعبايات البيت ولبسه عليها النقاب عبايات
ضيقه شوية مبينه تفاصيل جسمي وحده وحده بقيت اشغل
اغاني ولما احس انهم زودوها في المعاكسه والكلام العيب
بقفل وارجع افتح بعد ساعة أو اتنين في الفترة دي كنا قعدنا
6 شهور عملنا حوالي 40 الف خدني عند محل دهب وجبلي
غويشة وسلسلة بحاولي 9000 جنيه وشال الباقي بقيت لما
أطلب منه لبس للعيال أو يشتري لعب ليهم يقولي مش
عايزين نصرف الفلوس ع حاجات ملهاش لازمه وعمل إجازة
بدون مرتب وقعدلي في البيت لما لقيته شال الفلوس ليه
وبيحسسني اني شغاله عنده واني اخدت مرتبي منه طول
الفترة دي غويشة وسلسلة ادتهملو وقلبت وشي عليه
قولتله أنا مش بعد التعب ده كله تجبلي حتتة غويشة وسلسلة
خالد. حتتة غويشة وسلسلة . امال انتي كنتي عايزة اي يا برنسيسة
_ هنبتدي بقا في التريقة والكلام الي ملوش لازمة
خالد ..احمدي ربنا ع النعمه الي انتي فيها واتلمي
_ اتلم ..حاضر ياخالد هتلم عن اذنك بقا ..وسبته ودخلت
أوضة البنات دخل ورأيا وبعصبية انتي اتهبلتي يابت ولا مالك.
..قومت علشان البنات متصحاش علي الزعيق وتتخض وطلعت برا
خالد ..انتي هتتفرعني ولا ايه واي ياختي حكاية تعبك
وشقاكي ده هو انت بتنحتي في الصخر ولا شغاله في الفاعل
دول هما ساعتين قعدهم وبتتكلمي في أي كلام
_ اي كلام برضو ياخالد
خالد ..انتي عايزة اي من الاخر علشان أنا زهقت
_ ياحبيبي مش انت قولت أننا هنعمل كده علشان نعيش مبسوطين ومرتاحين
خالد ..اه وانتي مستخصره فينا أننا يبقا معانا فلوس ونعيش زاي ما باقي الناس ماهي عايشة
_ طب انا نفسي نغير الستاير والسجاد الي بقالهم سنين دول
نفسي في أوضة اطفال جميلة غير المعفنه الي جوه دي
نفسي في ركنه شيك عايزة غسالة اتوماتيك بدال الي باظت وبعنها
اي لازمتها الفلوس ياحبيبي واحنا وضعنا كده
خالد سكت شوية وقالي ماشي هعملك كل ده بس الفلوس
الجاية نحوشها بقا علشان نعمل مصلحه وانا من حته وانتي
من حته لحد ما نقف علي رجلنا وقام صالحني وقالي بكره
نسيب البنات عند مامتك ونروح نجيب كل الحاجات دي
وفهمي مامتك اني اخدت قرض تبع الشغل علشان محدش
يشك في حاجه
يتبع 💥
البارت الخامس من هنا هنا
تعليقات
إرسال تعليق