 |
#إسكريبت_القاسي_والجميله
#سلسله_حواديت_حكايتي
شهاب بغضب : انتِ مين وازاي تدخلي عربيتي كده؟
نور بخوف : شهاب؟
شهاب بصدمه :نور؟؟ انتِ بتعملي اي هنا انتِ هربتي ده انتِ ليلتك سودا
نور بزعيق : انتَ كمان هربت بتزعق ليه؟وبعدين مش هتجوز واحد زيك
شهاب بغضب : زيي؟ انتِ تطولي ده أنا شهاب الماركبي اكبر واحد فيكي يا بلد وبيتحرمني الكبير قبل الصغير انتِ يا معفنه بتزعقي فيا ده انا همو*تك
نور بزعيق :لو را
يا لو سمحت اتحرك بالعربيه عايزين نمشي
ده كان صوت راجل بيخبط علي ازاز العربيه، راح شهاب اتحرك بالعربيه وهو بيتوعد لنور
____________بقلمي الاء فرج
في قصر الماركبي (جد شهاب)
فتح على الباب مالقاش شهاب في الاوضه ولقا ورقه
* سامحني يا جدي بس أنا عايز اكمل تعليمي أنا هسافر اي بلد اتعلم فيها بالفلوس اللي معايا وهتجوز البنت اللي بحبها..... سلام *
بعد ما علي (اخو شهاب) قرأ الرساله اتعصب جامد وفضل يشتم في شهاب
في صالون القصر
نزل علي من اوضه شهاب وهو مكسوف مش عارف يعمل أي بص يمين وشمال لقى المعازيم بدأت تيجي
علي بصوت خافض :منك لله يا شهاب اعمل اي دلوقتي واقول لجدي والعروسه أي؟
*هو ما يعرفش لسه ان العروسه كمان هربت 😂*
فيروز (زوجه على) :علي واقف بعيد كده ليه تعالي جدي بينادي عليك هو فين شهاب؟؟
علي بغضب :شهاب هرب
فيروز بصدمه :يلاهوي هنعمل اي الصحافه بدأت تيجي وهنتفضح في البلد كلها
سكت علي وبعدين فكر في شئ : فيروز أنا هتجوز نور
فيروز بصدمه :نعممم؟.
____________بقلمي الاء فرج
في فندق
وقفت عربيه شهاب قدام الفندق ونزل منها شهاب ونور
نور : احجزلي اوضه عشان هقعد في اوضه تانيه مش هقعد معاك في نفس الاوضه!
شهاب : لأ أنا هحجز لنفسي وانا مالي بيكي مش كنتي عماله تزعقي من شويه
نور بخوف : معلش احجزلي معاك أنا ماليش حد تاني أمي عايزه تجوزني بالغصب وابويا مات بالله عليك ماليش مكان تاني اروحه
سكت شهاب وبص عليها وبعدين ابتسم بخبث
شهاب بخبث : خلاص هحجزلك اوضه لوحدك
نور بسعاده : شكراً جداً يا شهاب
ابتسم شهاب بشر ونور مبتسمه بسعاده وفاكره ان شهاب طيب وكويس!!
شهاب : لو سمحت عايز احجز اتنين سويت بأسمي
=تمام يا فندم الفيزا بتاعت حضرتك
____________بقلمي الاء فرج
في قصر الماركبي
ام نور :يا بت نور كل ده في الحمام اخلصي المأذون وصل انتِ يا بت
فتحت ام نور باب الحمام ولقيت الشباك مفتوح ونور مش موجوده
ام نور بصريخ :يلاهوييي الحقوني نور مش موجوده
عند علي & فيروز
على :فيروز أنا هتجوز نور
فيروز بصدمه :نعممم؟.
على بصدمه :استنى استنى في صوت صريخ
جري علي وفيروز والمعازيم والجد بسرعه ناحيه صوت الصريخ
الجد بزعيق :بتصرخي ليه؟
أم نور بخوف :بنتي نور مش موجوده!!
علي بصدمه :نور وشهاب هربوا؟؟؟
الجد :هو شهاب كمان هرب؟
سكت علي والمعازيم كلها بدأت تتكلم ازاي ده حصل
الجد بشر : ماشي
____________بقلمي الاء فرج
في الفندق
شهاب :بقالك ١٠ دقايق في اي؟
=للأسف يا فندم الفيزا مش شغاله
شهاب بصدمه :ازاي ده حصل كان لسه فيها فلوس من كام ساعه!! جرب تاني كده
=حاولت كتير ولكنها مش شغاله
اخد شهاب الفيزا وخرج من الفندق ونور وراه مضايقه
نور بيأس :هنعمل اي دلوقتي؟؟
ابتسم شهاب بخبث :عندي شقه في الهرم تيجي معايا
ضربته نور بالقلم :أخرس
حط شهاب ايده علي وشه بصدمه وووو
يا ترى اي اللي هيحصل؟
تفاعل حلو وكومنتات كتير عشان انزل حلقه كمان النهارده ورأيكم في الحلقه وتوقعتكم؟
#إسكريبت_القاسي_والجميله
#سلسله_حواديت_حكايتي
#الاء_فرج
البارت الثالث بعد قليل
تعليقات
إرسال تعليق