 |
البارت قبل الأخير والاخير 💥بقلم سلطان زماني
نروح بقا لهويدا وصحبتها شمس
شمس ..مفيش اخبار عن عريس الغفلة
_ لا مفيش ورجعلي البلوك تاني وقفل صفحته حتي الواتس اب مش ظاهرلي
شمس ..مكنتيش عارفه ياخايبه تخدي حاجه هو عرقان فيها
الراجل قالي اني ده اسرع طريقة
_اجبها منين دي ياشمس ده لما رحتله الشقة ملقتوش
جيه في بالي اكسر الباب وادخل اجيبها بس خوفت يعمل
محضر ولا يكون في كاميرات
شمس ..وناويه علي اي ياموكوسه
_ مش هسبهولها مين فجر دي الي تخده مني
هي بنت الوسخه دي لو بعدت هو هيجي زاي الكلب ..هي الي مفرعناه ومقويه عليا
شمس ..طب ما تكبري دماغك منه وتسبيه في حاله هي يعني
الرجالة خلصت ماهما اكتر من الهم علي القلب
_ معرفتش قيمته غير لما عرفت غيره ..حتي علاء الي عشت
عمري كله ليه وضحيت علشانه في الاخر ضربني وشتمني
وسمعني اوسخ كلام في الدنيا وهرب من المسؤولية وشفني
عبئ عليه ..كنت حلوه بس للدلع والمتعه من غير مسولية
والتزمات رجالة وسخه
شمس ..خلاص حاولي معه بالذوق بقا ومتزهقيش اهم حاجه
الحيزبونه فجر دي تفضل بعيد
_ هو بيحبني انا متاكده من ده عندي امل أنه هيحن وهيرجعلي
شمس ..بصراحه هو عنده حق مفيش اصعب من الخيانه علي
الراجل مهما كان بيحب مش هيقبلها
_انا غبية وحماره مكنتش اعرف اني علاء مش راجل وأنه
كداب وبيضحك عليا ..أنا هرحله الشغل والي يحصل يحصل
هفضل وراه لحد ما يرجعلي
................
رجعت شغلي وانا في الشغل قالولي في وحده عايزاك برا
طلعت افتكرتها فجر لقتها هويدا استأذنت من الشغل واخدتها
ورحت كافيه قعدنا قالتلي طب ما تيجي ياقلبي نروح شقتنا
_ ضحكت وقولتلها شقة اي حرام ياهويدا انتي فاكره نفسك لسه مراتي
هويدا ..مش كفايا بقا تقل ودلع ياحسن تعبتني معاك هفضل
تتحايل عليك واجري وراك لحد امتي
_ ياهويدا أنا صعب أثق فيكي تاني اه لسه بحبك وبموت
فيكي بس مش متقبل فكرة اني اعيش معاكي تاني واظيكي
الامان مستحيل
هويدا.. متقولش كده ياحبيبي علشان خاطري متوجعليش قلبي
_ انتي ليه ناسيه انتي عملتي فيا اي وعيشتيني معاكي في
أي ..بصرف النظر عن الي قالتله البنت دي عنك والحاجات
الي سمعتها سيبك منها اركنيها علي جنب ..هسالك سؤال
أنا عمري قصرت معاكي في حاجه طول عشرتك ليا ؟
هويدا ..لا ياحسن
_ جميل ..انتي بقا قصرتي معايا في كل حاجه .
كل حاجه ياهويدا ..عيشه كلها شك وقلق واهانه وزل وبهدله
مرتحتش معاك ولو ارتحت ايام تعبت قصدها سنين
متخيله اني في عاقل يرجع للحياة دي تاني
هويدا ..ياحبيبي أنا هسعدك وهعوضك عن كل الي شفته معايا قولتلك اديني فرصه ..فرصة وحده بس
_ اي الي يضمن انك متغدريش بيا تاني وفي الاخر تخدي مني قائمة ومؤخر ودهب
هويدا..أنا مش عايزه حاجه من كل دول اتجوزني عرفي لحد
ما تثق فيا وتحس بالأمان بعدين اكتب عليا رسمي
_ واعيش معاكي في الحرام فاكره ياهويدا لما قولتلك طلبت منك الدهب الي جبتهولك الي كان مش مكتوب في القائمة اصلا انتي قولتيلي اي
هويدا ..خلاص بقا ياحبيبي كنت زعلانه وبقول اي كلام
_ بصي يا هويدا عايزاني ارجعلك هرجعلك ماشي بس ليا شروط
أولهم اني محتاج ضمان انك مترجعيش زاي ما كنتي
تاني حاجه هكتب عليكي رسمي عند مأذون علي سنة الله ورسوله بقايمة جديدة ومؤخر
هويدا ..اي الضمان يا حسن
_ تمضيلي وصل امانه علي بياض غير كده يبقا انتي مش ناويه خير ليا ومش هرجع
فكري برحتك ولو جوابك كان لا يبقا انتي من طريق وانا من طريق وملناش علاقة ببعض تاني
فضلت تفكر وسرحانه وانا مسكت موبيلي قعدت العب لحد ما قالتلي قول والله ما بتضحك عليا
قولتلها من امتي ضحكت عليكي علشان اضحك عليكي
دلوقتي أنا راجل عايز اعيش افرح اتبسط ادلع حياة هادية
ومستقره اخلف واكون مرتاح مع شريكة حياتي
عندك استعداد لده هتمضي ..ناويه علي حاجه بقا شر أو بتمثلي عليا مش هتمضي
قالتلي لا همضي خدتها وسالت محامي صحبي بعتلي الصيغة
وقالي أنها لازم يكون كله بخط ايديها ولازم يتحط فيه مبلغ
مضت علي وصل امانه وبصمت عليه ب 250الف جنيه
اخدته تاني يوم ورحت للمحامي صحبي ده وشرحتله الوضع
اخد رقمها وكلمها قالها أنه هيرفع الوصل وأنه عايز يحل
الموضوع بالود قالها من الحظة دي تنسي حاجه اسمها حسن
ولو اتعرضتي ليه تاني ب اي شكل من الأشكال هحبسك وده
مش تهديد ده انا بقولك الي هعمله فعلا سلام
وفعلا من بعدها راحت قبلت المحامي وحولت تاخد منه
الوصل وقالها هيفضل معايا امانه طول ما انتي بعيد عنه
انتي في امان متخفيش
وانا مبقتش اسيب فرض ومن كتر حبي في الشيخ أسامة
بعت شقتي واشتريت شقة في العمارة الي قاعد فيها وبقينا
نروح نصلي مع بعض وقدمت استقالتي وقولت هفتح شركة
مقالات لحسابي وفعلا الحج فضالي الشقة الي في الدور
الأرضي الي في العمارة بتعتنا ووضبتها وفرشتها وعملت
اعلانات وعرفت كل زمايلي واصدقائي بعدالافتتاح بكام يوم
كلمني استاذ سامر خال فجر قالي عايز اقابلك ضروري
النهاية بقلم ✍️ سلطان زماني
رحت ل استاذ سامر رحب بيا وقعدنا أنا افتكرت هيكلمني
علي فجر لقيته كل كلامه عن الشغل
وأنه واخد قطعة أرض وعايز يبني عليها مستشفي ل ابنه
وبيسالني عن الأوراق وعايز يتعاقد مع الشركة الي شغال
فيها عرفته اني فتحت شركة خاصة بيا قالي خلاص تمام
شوف اي المطلوب وانا تحت امرك رحت تاني يوم عينت
الأرض وعملتله رسمه واتفقنا علي 8 مليون جنيه
واخدت منه دفعه 2 مليون جنيه واشتغلنا واتلهيت في
الشغل
بقيت احلم بفجر نفس الحلم الي كنت بحلمه حكيت
للشيخ أسامة قالي واضح انها زعلانه منك اقعد معها ورضيها
حكتله ألي حصل منها قالي معها حق لو انا ياحسن كنت
صدقت طلقتك
انت تزعل منها لو كانت سمعت بس وحكمت عليك إنما هي
سمعت وشافت بعينها أنا شايف في عينك انك بتحبها يا ابو علي صح
سكت وبصتله بخجل قالي اديك اكدتلي انك بتحبها اهو .
يابني هو الحب عيب ولا حرام ومدام واثق فيها وفي
أخلاقها خلاص متكابرش ياحسن قوم بينا قولتله علي فين
قالي مش عارف بيتها قولتله لا بلاش
قالي يلا بلاش تردد
خلي قلبك يرتاح قولتله خلاص انا هدخل اغير هدومي
واروحلها والي يحصل يحصل بقا
قالي هيحصل كل خير ابقي اتصل عليا وقولي عملت اي
لبست ورحت خدت بوكيه ورد كبير ورحت خبطت فتحتلي
واول ما شفتني سبتني وجريت ودخلت اوضتها وقفت في
الصالة مستغرب مش فاهم شورتلي مامتها اني أدخلها دخلت
فتحت الباب ودخلت قولتلها مش هسيبك يا فجر
فجر.. ابعد عني ملكش دعوه بيا
_ أنا بحبك والله بحبك حقك عليا ياقلبي
فجر ..كداب ياحسن كداب
_ طب اسالي قلبك كده قوليله حسن بيحبك ولا شوفي هيقولك اي
فجر . حسن انت رجعت ليه بتفكرني بيك ليه
_ أنا اتولدت علي ايدك من اول يوم شفتك فيه خطفتي قلبي
يا فجر انا ياحبيبتي عمري ما خدعتك ولا خونتك زاي ما
انتي فاكره بلاش تخلف بقا واعقلي
فجر..انت قولت اي ياحسن
_ قولت بحبك ووحشتيني اوي يافجر
فجر ..لا ياحسن بطل استعباط أنا متخلفه ياحسن
_ ياروح قلبي انا الي ابقي متخلف واهبل لو زعلتك تاني
حتي لو من غير قصد سمحيني بقا وبطلي تناحه
فجر ..اي ياحسن الي بتقوله ده 😐😯
_ بحبك
فجر ..وانا كمان بحبك مبروك علي الشركة الجديدة ومبروك
كمان علي المستشفي أنا الي قولت لخالو عايزة الحلاوة مليش دعوة
_ الله يبارك فيكي ياقلبي أنا عيوني وقلبي ليكي يافجر
فجر ..حسن حبيبي علشان خاطري خد بالك مني ومتزعلنيش تاني
_ حضنتها وفضلت ابوس ايديها وطلعت قعدت مع مامتها
لحد ما تغير هدومها وخرجنا وسهرنا لحد الساعة ٣ الصبح
وبعدها بكام شهر اتجوزنا وخلفت بنوته زاي القمر شبه فجر
بالظبط وربنا عوضني وعشت حياة اجمل واحلى من الي
كنت بحلم بيها ♥️حب غير حياتي ♥️
انتهت قصتي لكن محبتي ليكم عمرها ما هتنتهي ياحبايب قلبي ♥️😘
تعليقات
إرسال تعليق