 |
رواية فتاة نصف الليل الجزء السابع
للكاتبة/حنان حسن
بعدما اصيبت بالرعب... وصممت
علي اني امشي
بمجرد ما يطلع النهار
قرر الدكتور تامر..
انه يفهمني الحقيقة
وقالي...
اديني فرصة يا رنا
وانا هقولك علي حقيقة
امل
فا سالتة بدهشة
قلت..
يعني انت تعرف مين امل؟
وعارف قصتها ايه؟
رد الدكتور
وقال.. طبعا عارف
قلت..
قول بسرعة
تطلع مين امل دي؟
رد الدكتور تامر
وقال...
امل دي تبقي...
(مخلوقة من الجن)
اسمها...
(خمور)
وخمور دي
من الجن العاشق
يعني بتعشقني...
وبتغير عليا بجنون
واضاف الطبيب
قائلا
خمور من شدة غيرتها..
كانت ديما بتحاول
توقع بيني...
وبين زوجتي
عشان.... اطلقها
عشان كدة
استغلتك انتي..
وفهمتك انك انتي وهي شخص واحد
وده طبعا
عشان تتجسد في صورتك
وتصور معايا الفيديوهات
عشان تخرب بيتي
بعدما سمعت كلامة
قلت...
الكلام ده كدب
وانا استحالة اصدق التخاريف دي
وبعدين...
انت بنفسك قولتلي من شوية
ان امل شخصية حقيقية
وموجودة فعلا
وممكن تكون بنت نصابة
وقولتلي كمان ...
انك سمعت صوتها...
اثناء ما كنت انا قاعدة ادامك
رد الدكتور تامر
وقالي..
ده حصل فعلا
وانا فعلا كنت معتقد انها بنت نصابة
لغاية ما ظهرتلي خمور من شوية
في غرفتي
وقالتلي...
انها هي الي بتعمل كل ده
عشان بتحبني...
و بتغير عليا
وطلبت مني اني امشيكي من هنا
قلت..
انت بتكدب علي فكرة
وباين عليك انسان مريب ووراك مصايب
لان يا دكتور..
انا من شوية مشوفتش خمور بتاعتك دي
انا شوفتك انت بعيني
اصل مش معقولة يعني...
يكون في شخص شبهك للدرجة دي
الاختلاف الي كان بينكم بس
ان وجهة كان مليان شعر
وعنية حمره
وكانها هيخرج منها نار
وبالامارة
لما عرفت اني شوفتك هربت مني
وفتحت شباك الغرفة ونطيت منه
رد الدكتور تامر
وقالي..
صدقيني يا رنا كل دي ايحاءات
وخمور هي الي كانت متجسدة في صورتي
وصورتني ليكي في صورة قرد
عشان تبعدي عني... وتسيبيني ليها
وعندي الدليل علي كلامي
قلت... دليل ايه؟
قال..
انتي قولتي
انك شوفتيني...
وانا بنط من شباك الغرفة؟
صح؟
قلت..
ايوه طبعا
انا شوفتك بعيني وانت بتنط من الشباك
رد الدكتور تامر
وقال...
الدليل علي ان كلامي كله صدق
هتتاكدي منه
لما تبصي علي شباك غرفتك
لان الغرفة الي انتي بتنامي فيها بالذات
الشباك بتاعها الخارجي مصنوع من الحديد
يعني استحالة اي بشر
مهما كانت قوتة
يقدر علي كسر الشباك الحديد
ولا حتي يقدر يمر منه
لان.. الاسياخ الحديد
الي في الشباك
الفراغات الي فيها
ضيقة جدا
وده.. عشان متسمحش بدخول الفئران
يبقي ازاي راجل بحجمي يمر منها؟
بصيت للدكتور تامر
و كنت مازلت
متشككة في كلامة
وسالتة
قلت..
هو الشباك علية حديد فعلا؟
رد الدكتور تامر
وقالي...
تعالي معايا..
وشوفي بنفسك
عشان تصدقي كل كلمة بقولهالك
لكن انا...
لما لقيتة عايز ياخدني معاه للغرفة
خوفت منه
وفضلت واقفة متشبثة بسمعان
ومرضتش اتحرك من مكاني
ولما الدكتور شافني مازلت بحتمي في سمعان
شاور لسمعان
وامره انه يجي معانا
لغرفتي
عشان...
اتاكد من كلامة
وبالفعل
رجعت للغرفة الي كنت بنام فيها
عشان اتاكد من حوار الشباك
الحديد
وكنت مازلت متشبسة بايد سمعان
من شدة الرعب
الي كنت فيه
ولما دخلت للغرفة
اكتشفت...
ان الدكتور تامر
صادق فعلا
لان كان في شباك واحد فقط في الغرفة
وكان به شباك من الحديد بالخارج
ولما اقتربت من الشباك وتفحصتة جيدا
لقيتة شباك من الحديد الصلب... القوي
الي استحالة
ان حد يتني منه سيخ واحد
وحاولت اني ادفع الشباك بكل قوتي
عشان اختبر قوة تحملة
لربما يكون حد وضعة حالا
كا هيكل فقط
وفضلت اهز في الشباك
بقوة
عشان اشوف
ان كان هيتحرك
او...
هيخرج من الحائط
ولا لا؟
لكن... لقيت الشباك متحركش
و ايدي انا الي وجعتني
ولما بصيت بعدها
علي ايدي
مكان ما مسكت الحديد
شوفت صدا الحديد
وده معناه
ان الشباك موجود هنا
من زمان فعلا
يعني استحالة يكون حد وضعة حالا
عشان يوهمني بوجود الشباك
بصراحة..
بعدما شوفت الشباك الحديد
بدات اصدق كلام الدكتور تامر
وسالتة
قلت.. طيب دلوقتي
ما كده
العفريتة بتاعتك دي
ممكن تاذيني؟
وانا لازم امشي من هنا
فورا
رد الدكتور تامر
وقال...
لا... لا
هي متقدرش تاذيكي
ولا تيجي جنبك
بدليل... انها مقدرتش تعمل حاجة
في طليقتي
طول ما كنا متجوزين
هي بس بتتبع اسلوب الحيلة
عشان...
توقع بيني
وبين اي واحدة
هتزوجها
لكن...
اظن انتي دلوقتي فهمتي
كل حاجة
ومهما اخترعت من حيل مش هتصدقيها
قلت.. يا سلام؟
وانا ايه الي يغصبني اصلا
اني اعيش في بيت فيه عفاريت...
ورعب بالمنظر ده؟
رد الدكتور تامر
وقال..
لازم تعرفي
ان...
طول منتي زوجتي
وخمور شايفاني بحبك
مش هتسيبك في حالك
حتي لو روحتي فين
والدليل علي كلامي
انها كانت بتجيلك في بيت الباشا
وبعدين انتي هتمشي تروحي فين
دلوقتي؟
منتي لو رجعتي للباشا ممكن يقتلك؟
قلت.. طيب والحل؟
قال..
انا لجات لعالم روحاني
وقالي..
ان العشيرة الي بتنتمي ليها خمور
رافضين تمنعي عن زواجي منها
وبيطالبوها بالعودة ليهم
لكن هي طلبت منهم فرصة اخيرة
عشان تتجوزني
فا منحوها مدة اربعين يوم فقط
ولو فشلت
هيحبسوها طول عمرها
يعني...
خمور فاضيلها محاولة اخيرة معايا
وعشيرتها هيحبسوها
وهخلص منها وانتي كمان هتخلصي منها
قلت.. والاربعين يوم فات منهم اد ايه
رد الدكتور تامر
وقال...
هي المحاولة مدتها اربعين
يوم صحيح
لكن...
بيبدء العد التنازلي فيها
من اول ما انااكشف الاعيبها
وانا النهاردة اكتشفت الاعيبها
والعالم الروحاني
قال...
ان.. الحل الوحيد
عشان تخلصوا منها
انك تصمد انت وزوجتك لمدة اربعين يوم
وتتحملوا كل الاعيبها
الي هتعملها عشان تطلقوا
ولو عدي اربعين يوم
وخمور..
فشلت انها تفصلكم عن بعض وتتجوزك
هتتحبس...
وهتختفي للابد
ولما الدكتور تامر شعر اني بدات اصدقة
بصلي بنظرة مليئة بالتوسلات
وقال..
يا رنا ارجوكي
انا خلاصي من المخلوقة البشعة دي
بقي في ايدك انتي دلوقتي
ارجوكي خلصينا منها
انا عايز اخلص
من الكابوس ده بقي
قلت...
ايوه بس انت متاكد فعلا
انها مش هتقدر تاذيني؟
رد تامر
وقال..
صدقيني
اخرها شوية الحركات... والتمثيل
الي بتقعد تعملة
والدليل علي كلامي
انها ظهرتلك كتير قبل كدة
ولما مقدرتش
تبعدك عني
وعاملة نفسها امل ..
حاولت تظهرلك بصورتي
علي شكل قرد
عشان تكرهك فيا...
وتخوفك مني
فا تقومي تبعدي عني
من الاخر
هي مفيش منها خطر
طالما انتي عرفتي حكايتها
قلت..
طب انت متاكد فعلا
انها هتختفي بعد الاربعين يوم
رد الدكتور تامر

وقال... ايوه
قلت... ماشي
انا موافقة اقعد المدة دي واساعدك
عشان انا كمان عايزة
اخلص منها
ابتسم الدكتور تامر
وبصلي وهو في منتهي السعادة
وقال...
وانا اوعدك
اني هحاول اوفر من وقتي
عشان ابقي جنبك معظم الوقت
وبالنسبة للوقت الي هكون فيه في الشغل..
سمعان هيبقي معاكي
في البيت
يعني مش هتبقي لوحدك
ابدا
لغاية ما الفترة دي تمر
هزيت راسي
وقلت... تمام
وبالفعل..
عدلت عن فكرة الرحيل...
ورجعت لغرفتي
وعيشت حياتي عادي خالص
لكن من بعد ما عرفت قصة العفريتة خمور
وانا بقيت بدوام علي قراءة القران الكريم
لكن واضح
ان القران كان بيدايقها
فا قررت تدايقني انا كمان
و كنت كتير اسمع حاجات بتتكسر
واشوف ادامي الحيطان بتنهار
لكن لما كنت اقوم المس الحيطة
كنت بلاقيها سليمة
وفضلت علي كده
لغاية ما في يوم
الدكتور تامر خرج لشغلة
ودخلت انا انام شوية
وقومت من النوم
علي ريحة شياط
فا خرجت من غرفتي
مفزوعة
وروحت بسرعة اجري علي المطبخ
لربما يكون حصل تسريب في الغاز ولا حاجة
ودخلت المطبخ
وانا بصراخ وبنادي علي سمعان
لكن برضوا بعد مادخلت المطبخ
ملقنش اي نار
ولقيت سمعان بيبصلي بشفقة تاني
وفي اللحظة دي
قعدت علي الكرسي
وانا مخضوضة
ولما شافني سمعان
عرقانة...
ومش قادرة اقف علي رجلي
فهم اني تعبانة
وبسرعة ناولني كوباية مية
وبعدما شربت المية
قعدت استوعب
الي حصل
وطبعا فهمت
انها حركة من حركات العفريتة (خمور)
ولقيتني بقول لنفسي
ياربي بقي
امتي الاربعين يوم يعدوا؟
وقمت وقفت عشان ارجع لغرفتي
لكن قبل ما ارجع
لغرفتي
فكرت ادخل الحمام..
اغسل وشي
وبعدما ما دخلت الحمام
لقيت باب الحمام بيتفتح عليا من بره
ولقيت سمعان داخل ورايا الحمام
فا كنت هرقع بالصوت
لكن لقيت سمعان عمال يشاورلي
وهو حاطط ايده
علي بوقي
وكانة بيطلب مني اني اهدء ومخفش منه
وفضل بعدها...
يعمل اشارات بايده كتير
بس مفهمتش حاجة من اشارتة
اصلة... كان عمال يعمل اشارات بايدة
مش مفهومة
شوية..
يشاور علي الباب...
وشوية..
يزقني ناحية الباب
كانة بيطردني
وبعدها يرجعني لناحيتة
وهو عمال يشاور باشارات مش مفهومة
فا اتفزعت منه
ومكنتش مركزة
مع اشاراتة
ولا مركزة مع اي حاجة
غير انه دخل ورايا
الحمام
وفضلت ازعقلة...
واقولة...
انت ايه الي مدخلك ورايا الحمام ؟
اخرج بره
ولما لقاني مش فاهمة اشاراتة
شاورلي بايدة باشارة معاناها
اني انتظرة هنا
وبعدها... سابني وخرج
من الحمام
وبعد ما خرج سمعان
فضلت واقفة بترعش
وانا مش فاهمة
هو ليه دخل عندي الحمام
اصلا؟
ولا كنت فاهمة...
هو عايز يقول ايه؟
وقبل ما استوعب الي بيحصل
لقيت سمعان رجع تاني
ولقيتة جابلي صورة
عشان يوصلي قصدة من خلالها
ولما بصيت في الصورة
اتفاجئت بحاجة لا يمكن كنت اتخيلها
عارفين الصورة كان فيها ايه...............؟
لو عايز باقي احداث الرواية
صلي علي رسول الله
وطبعا مش هننسي
نضع عشر ملصقات مع متابعة للمدونة
البارت الثامن من هنا
تعليقات
إرسال تعليق