مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

روايه انتقام وعشق١٩_٢٠_٢١

البارت التاسع عشر

للكاتبه اميره محمود

أنا جهزت يا حبيبي ياللا بينا 

رائد ، احنا لسه هنعدي علي سليم الأول عشان هنسافر سوا

ساره ، خلاص اوك ياللا بقي 

رائد ، مالك مستعجله كده ليه

ساره ، أنا عمرى ماروحت اسكندريه يا رائد اول مره في حياتي

رائد ، عارفه هي جميله اوي وصافيه فعلا هي عروس البحر الابيض المتوسط

ساره ، طب ياللا بقي والنبي والنبي 

رائد ، طب ياللا ياروحي

،،،،،رؤؤؤؤ،،،،،،

رائد ، ايوه يا سليم انت فين احنا جايين عليك

سليم ، أنا همسي اهو بالعربيه ياللا بينا 

رائد ، ياللا توكلنا على الله

،،،،،،،ؤؤؤؤؤؤ،،،،،،

قدام الفندق

ساره ، الله ده جميل اوي يا رائد هو سليم غني اوي كده

رائد ، واغني من كده انتي لسه شوفتي حاجه سليم ماشاء الله عنده سلسله مطاعم في القاهره وفندق في اسكندريه وقريه سياحيه في الغردقه و

ساره ، طب بس خلاص ده جاي علينا 

سليم ، رائد أنا هطلع انام عشان تعبت من الطريق

رائد ، طب ماتيجي نتغدي سوا عالبحر 

سليم ، لا مليش نفس سلام وسابهم وطلع

ساره ، سليم بقي كئيب اوي يا رائد

رائد ، من ساعه ما الهانم طفشت وهو ادمر خالص بقي شغال ليل نهار عشان ميفكرش في حاجه

ساره ، ربنا يهديها وترجع هو فعلا شكله مدمر خالص

رائد ، غيري سيرت الهانم دي عشان بضايق كل ما اسمع اسمها بيصعب عليه سليم واللي حصله

ساره ، علي فكره سليم هو اللي وصلها لكده 

رائد ، فرح مش واثقه في نفسها ولا واثقه في حب امها ليها هيبقي عندها ثقه أن سليم اتغير عشانها

ساره ، بس هو

رائد ، أنا قولت غيري السيره دي بقي وياللا بينا عشان هناكل عالبحر 

ساره ، يس ماشي يا حبي 

رائد ، ماشي يا مجنونه 

،،،،،،ؤؤؤؤؤؤ،،،،،،،،،

في المطعم

فرح ، هاله أنا خلصت غسيل الاطباق ممكن تمسحي انتي الأرض معتش قادره

هاله ، ماشي يا حبيبتي اقعدي ارتاحي وانا هكمل

نسرين ، بقولكوا يا جماعه عندي لكم خبر حلو 

فرح ، خير

نسرين ، مستر ياسر مسافر بكره هو والمدام الصعيد وهيقعدوا كام يوم والمطعم هيتقفل بكره عما ابنه يجي يستلم بعد بكره مكانه ايه رايكم نروح نغير جو بكره ونروح البحر نشم هوا 

فرح ، لا أنا هقعد اشم هوا في سريري أنا خلصت التامن انهارده هريح ضهرى بقي

هاله ، بطلي كأبه وتعالي نغير جو والنبي 

فرح ، لا مش هقدر والفلوس اللي معايا ولادي أولي بيها أما اولدهم

هاله ، هو انتي مش ناويه ترجعي لجوزك خالص

فرح ، جوزي تصدقي وحشني رغم كل حاجه عملها فيه انا لسه بحبه

هاله ، طب ماترجعي عشان الاولاد

فرح ، معدش ينفع خلاص الوحش فيه بقي اكتر من الحلو

هاله ، سيبتيه كل ده وبردك قلبك محنلوش 

فرح ، ساعات بيحن بس اعمل ايه كده احسن 

هاله ، براحتك يا بنتي بس اكيد هتخرجي معانا بكره

فرح ، سيبيها بظروفها 

هاله ، ماشي خلاص يا بنات هنخلص ونمشي وبكره هتنزل من بدرى نتمشي 

،،،،،،ؤؤؤؤ،،،،،،،،

السكرتيره ، أبوه يا سليم بيه الوفد هيجي بكره باذن الله

سليم ،. خلاص تمام وانا في انتظارهم 

السكرتيره ، تمام تصبح علي خير

سليم ، وانتي من أهله وقفل 

،،،،،،ؤؤؤؤؤؤ،،،،،،،

صباح تاني يوم 

هاله بتخبط جاااامد ، فرح يافرح اومي بقي

فرح فتحت الباب ، صباح الخير في حد يخبط كده

هاله ، هو بجد الشقه الفخمه دي بتاعتك

فرح ، اه ليه

هاله ، يعني بتشتغلي في مطعم وشقتك فخمه كده 

فرح ، قرى قرى 

هاله ، مبقرش والله ربنا يزيدك حبيبتي يارب ياللا ادخلي تجهزي بقي عشان نمشي

فرح ، ماشي ودخلت لبست دريس طويل للارض ضيق حاجه بسيطه وخرجت لهاله

هاله ، طب ياللا البنات بيستنونا تحت

فرح قفلت الباب ، طب ياللا ننزلهم

هاله ، ياللا 

،،،،،،،ؤؤؤؤؤ،،،،،،،

سليم ، ايوه يا رائد ياللا اجهز عشان هنمضي العقود مع الخبراء الأجانب

رائد و، خمس دقايق وهكون عندك تحت

ساره ، انت نازل

رائد ، همضي العقود واجيلك عالطول 

ساره ،. مش الفندق ده بيطل عالبحر ممكن اروح اقف قدام البحر عما تخلصم 

رائد ، خلاص ماشي ياللا بينا ننزل 

ساره خرجت قعدت قدام البحر تشم هوا 

،،،،

هاله تعالو يا بنات ننزل الميا أنا جبتكوا انضف حته في اسكندريه كلها

ساره بتبص جنبها لقت فرح ماشيه مع تلت بنات 

ساره راحت جرى وراها 

ساره ، فرح 

فرح بصتلها بصدمه ، ساره

ساره حضنتها جامد 

فرح ، عامله ايه

ساره ، انتي ايه اللي جابك هنا اصلا

فرح ، مفيش أنا ماشيه يا ساره وياريت متقوليش لحد انك شوفتيني سلام 

ساره ، استني بقولك

فرح ، سيبني لو سمحتي أنا نسيتكوا كلكم خلاص وسابتها ومشت مع صحابها

ساره دخلت جرى الفندق تدور علي رائد وسليم

هاله ، هي مين ساره دي

فرح بدموع ، اختي 

هاله ، طب ليه عملتي كده معاها

فرح ، مش وقته أنا هركب وهروح سلام وطلعت تجرى ركبت عربيتها وروحت عالبيت

ساره بجرى وعماله تنهج ، سليم سليم رائد

رائد ، في ايه مالك حد اتعرضلك

ساره ، فرح فرح بره مع صحابها 

سليم سمع كده وطلع يجرى بسرعه علي بره هو ورائد

وساره جرت وراهم

سليم ،، هي فين

ساره ، كانت مع البنات دول دي الوقت

سليم جرى عليهم هو ورائد

هاله ، في ايه 

سليم ، فرح فين اللي كانت معاكم

هاله ، انت سليم الهوارى رجل الأعمال 

سليم ، ايوه فين فرح

هاله ، وانت بتسأل عليها بصفتك ايه

سليم ، أنا جوزها

نسرين ، اه يا بنت المحظوظه سليم الهوارى مره واحده اه ماهو العربيه والشقه مش معقول من خدمه المطاعم

يارا ، بس كده عيب يا نسرين

نسرين ، يا اختي انتي كمان أنا ناقصاكي

سليم ، هي فين

هاله ، مشت ركبت عربيتها ومشت

سليم ، طب هي ساكنه فين

هاله ، أمم منعرفش احنا اصحاب في الشغل وبس

سليم ، هي بتشتغل ايه معاكم

هاله ، أنا بتشتغل في مطعم اسمه ****** بس فرح مبتعرفش تطبخ فابتغسل الاطباق وبتمسح وكده

سليم ، تمام اكيد صاحب المطعم يعرف عنوانها أنا عايز كل تفاصيلها انهارده يا رائد

رائد ، الكلام ده لو في القاهره احنا في اسكندريه أنا معرف وفجأه ساره وقعت في الارض مغمي عليها

رائد ، ساره فوقي ساره

سليم ،. شكلها اخدت ضاربه شمس ياللا دخلها الفندق بسرعه

،،،،،،ؤؤؤؤ،،،

نسرين ، هو انتي مقولتلوش عنوان بيتها ليه

هاله ، أما استأذنها الاول وشكلها مش عايزاه يعرف حاجه عنها ياللا يا اختي نتمشي عشان نروح بقي

البارت العشرون واللي جاي صعب جدا هتعيطوا بجد بس آخره حلو

روايه انتقام وعشق

البارت العشرون

للكاتبه اميره محمود

فوقي يا ساره فوقي يا قلبي 

ساره ، أنا فين 

رائد ، احنا في اوضتنا انتي أغمي عليكي وانا طلعتك هنا الاوضه

ساره ، حاسه ان الدنيا بتلف بيا

رائد ، طب اقعدي يا حبيبتي متقفيش أنا هجبلك حاجه تشربيها تفوقك

ساره ، لا أنا هنام أنا تعبانه وعايزه انام

رائد ، شكلك اخدتي ضربه شمس واللا حاجه

ساره ، لقيتو فرح يا رائد

رائد ، هنلاقيها هتروح مننا فين

ساره ، متأذوهاش والنبي يا رائد شكلها ياقلبي خلاص قربت تولد

رائد ، هو حد قالك اني بأذي حريم

ساره ، لا بس خلي صاحبك ميجيش عليها فرح استحملت كتير اوي في حياتها 

رائد ، صحبي هيموت عليها أنا حاسس أنه هيحصله حاجه بسببها

ساره ، ربنا يستر ويرجعهم لبعض

،،،،،ؤؤؤؤؤ،،،،،،،،،،،

تاني يوم في المطعم

نسرين ، هو العيل الصغير ده هو اللي هيتحكم فينا

هاله ، عيل صغير مين ده قمر قدامك اهو ده في رابعه جامعه

نسرين ، اممم 

ابن صاحب المطعم ، انتي يا هانم اتفضلي اطلعي نضفي المطعم الأرض عايزها بتلمع

فرح ، أنا لسه منضفاها ومخليها فل 

ابن صاحب المطعم ، يعني أنا هتبلا عليكي وبعدين في حد بيشتغل وبطنه قدامه تلاته متر انتي شكلك مش هتنفعي هنا

فرح بدموع ، خلاص انا خارجه انضف الأرض تاني 

ابن صاحب المطعم ، ياللا وبلاش كلام كتير معايا 

فرح ، حاضر أنا اسفه وخرجت تمسح الأرض تاني

سليم دخل المطعم شاف فرح بتمسح المطعم راح قعد من غير ماتاخد بالها

سليم قعد وطلب اكل وفرح دخلت المطبخ تاني 

فرح ، ده حيوان اقسم بالله ماهو بني ادم

نسرين بعياط ، قلبي وجعني اوي أما عيل صغير في سن ابني الله يرحمه يزعقلي ويهني قدام الكل ملعون ابو لقمه العيش اللي تيجي منه أنا ماشيه

هاله ، اهدي يا سوسو نستحمله اليومين دول عما أبوه يرجع

فرح ، فعلا نستحمله اهو اهاني قدامكم بس كبرت دماغي منه عشان اكمل فلوس الولاده

نسرين ، اهو بينده أما أخرج أشوفه عايز ايه والله لو ضايقني لضرباه

فرح ، لا خليكي أنا هخرجله أنا خليكي يا حبي

وخرجت له جرى

فرح ، نعم يا استاذ احمد

احمد ، الاستاذ اللي علي التربيزه رقم 8 وقع كوبايه العصير عالارض روحي امسحيها

فرح ، ماشي هدخل اجيب الشرشوبه وجايه حالا

احمد ، ماشي بسرعه 

سليم لنفسه ، والله لهخليكي تيجلي لحد عندي يا فرح وأشوف هتعملي ايه

فرح ، ممكن يا فندم حضرتك تقعد علي تربيزه تانيه عشان امسح

سليم ، رفع رأسه لفرح ، اوي اوي 

فرح بصدمه ، سليم

سليم قام وقف وبصلها بعين كلها احتكار ، سيبتيني وقولتي مش عايزاني عشان مسببلك الم وقولت ماشي أما امك الغلبانه اللي مبتبطلش عياط عليكي دي ذنبها ايه انك تموتيها بالبطئ وياريتك بعدتي عننا ومرتاحه لا ده انتي اشتغلتي ماشاء الله خدامه 

فرح بعين حاده ، ملكش دعوه بيا لو سمحت

احمد بزعييق ، في ايه عملتي ايه أنا حاسس انك مش مظبوطه من الاول 

سليم ضربه بوكس في وشه ، اتكلم عن مراتي كويس يا حيوان

احمد ، مراتك وأما سيادتك ماشاء الله باين عليك غني مشغل مراتك خدامه ليه واللا انت عايش علي قفاها

سليم فضل يضرب فيه وخرج كل طاقته فيه

فرح خرجت تعيط من المطعم سليم لمحها ساب احمد وطلع يجرى وراها 

سليم ، عجبك اللي حصل ده

فرح بعياط جامد ، ااانا مممم

سليم لاحظ أنها لسانها تقل ومعدتش عارفه تتكلم 

سليم ، راح اخدها في حضنه في الشارع بره خلاص اهدي أنا آسف آسف والله خلاص

فرح خرجت من حضنه ، ععععايزه اااامشي ممن هنا

سليم ، طب تعالي وركبها العربيه بتاعته ومشي 

سليم كل شويه يبص عليها ، ماخلاص بقي يا فروحتي بطلي عياط

فرح ، ااااااه بطني اااااااه

سليم ، في ايه مالك 

فرح ، بولد اااااه

سليم راح جرى علي المستشفي ونزل سند فرح نزلها من العربيه

فرح ، ااااااااه هموووووووت

سليم ، اصبري بس اوديها فين هتولد

الممرضه ، دخلها الأوضه اللي في اخر الطرقه الدكتور هيجلها حالا

سليم سند فرح دخلها ، فرح اهدي والنبي اهدي 

فرح بعياط جامد ، بمووووت والله بموت اااه

سليم بدموع ، لا يا حبيبتي مش هتروحي مني اصبري الدكتور فاته جاي اهدي

الدكتور دخل ، ممكن حضرتك تخرج بره عشان نشوف شغلنا

سليم مرضاش يسيب ايد فرح ، لا مش هسيبها أنا مش هخرج من هنا 

الدكتور ، خلاص براحتك بس ياريت تبعد شويه عشان ميجرالكش حاجه 

سليم ، ليه هي هتتحول لديناصور وهي بتولد

الدكتور ، خلاص براحتك بس متبقاش تلوم حد غير نفسك

سليم ، ياللا يا دكتور الله يخليك خلص بدل ماهي عماله تصوت كده

الدكتور ، ياللا يا ماما ساعديني ياللا 

فرح ، مش قادره والله خالصوراحت صارخه اااااااااه بصوت عالي في ودن سليم

سليم ، اهدي يا حبيبتي ودني باظت

الدكتور ، دي كده بتسخن انت لسه شوفت حاجه 

فرح ، اممممم مش قادره خلاص وراحت ماسكه دراع باسنانها بكل قوتها

سليم ، اااااااه أيدي هموووووت 

الدكتور ، بدأنا ياللا يا ماما ساعديني البيبي خلاص اهو قرب ينزل 

فرح سابت ايد سليم وفجأه بكل قوتها قلم علي وشه ، ربناااااا يسامحك انت السبب ااااااااه

سليم ، لا أنا أخرج بكرامتي احسن أيدي كلها دم

فرح ، اااااه متسبنيش 

سليم ، خلاص يا قلبي مش هخرج أنا واقف جنبك

فرح ، عشان تشمت فياااااا اااااااه يا حيوااااان

الدكتور بضحك ، والله حذرتك ده مراتك دي محترمه عن اللي يبجوا يولدوا طبيعي

فرح ،. ماتخلص انت كماااان ااااااه 

سليم ، اهدي اهدي يا حبيبتي وراح معيط علي شكلها جامد وفضل يمسحلها العرق

الدكتور ، الحمد لله اول واحد اهو ولد ماشاء الله

الممرضه اخدته من الدكتور 

فرح ، كفايه والنبي معتش قادره

الدكتور ، يعني هتسيبي اللي لسه جوه يعمل ايه ياللا شدي حيلك معايا

فرح ، هموت يا سليم والله معتش قادره قوله كفااااايه اااااه 

سليم ، معلش استحملي 

الدكتور ، خلاص اهو رأسه بانت الحمد لله ياللا يا مدام

فرح ، مانت مش حاسس بحاجه يا روح امك ااااه

سليم ، فرح عيب كده

فرح ، اخرس يا حيوااااان انت كماااان

الدكتور ضحك ، والله مراتك بردك محترمه عن اللي بشوفه 

سليم ، أنا بفكر ازعل بجد

الدكتور ، تزعل من ايه دي بتتعذب قدامك اهي 

فرح بصريخ ، هايحس بيا ازاي ااااه 

الدكتور ، الحمد لله البيبي طلع بنوته ماشاء الله ياللا شدي حيلك معايا معدش غير واحد

سليم ، ودول اجبلهم هدوم يلبسوها واللا اجبلهم قفص وحبه قش 

الدكتور ، هههههه

فرح ، انتو بتهزروا كمان وبتضحكوا اااااااه يااااارب يااااارب مش قادره خالص

سليم ، انتي مش كنتي قايلالي اتنين

فرح ، خفت لتحسدهم أنا عرفااااك 

سليم موبايله رن ، ايوه يا رائد

رائد ، ايه الصويت اللي جنبك ده 

سليم ، فرح بتولد بالحق هاتلي قفص بسرعه قصدى هات هدوم للبيبهات وتعالالي بسرعه المستشفي اللي في العجمي *****

رائد ، بيبيهات ليه هما كام

سليم ، تلاته استني كده بقولك يا دكتور لسه في جوه تاني

الدكتور ، هههههه لا خلاص 

سليم ، تلاته ولدين وبنت بسرعه يا رائد

رائد ، يتربوا في عزكم يا حبيبي هو انتو اتصالحتوا

سليم ، مش واقته أنا في اوضه العمليات سلام 

رائد ، سلام وقفل

ساره ، مالك بتضحك ليه يا حبيبي

رائد ، هههههه فرح ولدت وسليم معاها 

ساره ،. والله طب هما فين وياللا عشان نروح لهم وبعدين ايه اللي يضحك في كده

رائد ، عارفه فرح ولدت كام

ساره ، اي كام دي يا واحد يا اتنين

رائد ، تلاته هههههه

ساره ، بجد ماشاء الله تبارك الله 

رائد ، هههههه غلط بدل مايقولي هات هدوم للبيبي قالي هات قفص ليهم بصراحه عنده حق دول عايزين عشه يقعدوا فيها

ساره ، اخس عليك ده بدل ماتقول ماشاء الله ياللا أنا داخله اغير هدومي بسرعه وتعالي نروح لهم

رائد ، ماشي يا حبيبتي هههههههه مش قادر ابطل ضحك بصراحه

ساره ، أنت مجنون اوي يا حبيبي وسابته ودخلت تغير هدومها

بكره بارت جديد عايزه اعرف رايكم

روايه انتقام وعشق

البارت الواحد وعشرين

للكاتبه اميره محمود

الاولاد في الحضانه وهيخرجوا بكره هما كويسين متقلقيش

فرح ، طب ممكن اروح اشوفهم

سليم ، اوك هاتي ايدك اسندي عليه

فرح بتسند ، ايه ده يا سليم ده انت في دم علي كتفك

سليم ، اصل في واحده متوحشه عضتني لا واديتني بالقلم قدام الدكتور أنا كان ممكن اولدها من اللي كنت هعمله فيها بس عديتها عشان اللي كانت فيه

فرح ، انا اسفه مكنتش اقصد

سليم ، ايه الرقه دي أنا مش مصدق نفسي 

فرح ، متسوقش فيها اوي كده 

سليم ، اممم 

فرح بعياط ، بس علي فكره انا الالم كان ممكن اكسر اي حاجه قدامي انا كنت حاسه اني روحي هتطلع

سليم حضن رأسها وهو واقف وهي قاعده علي السرير 

سليم ، حمدالله على السلامه يا حبيبتي ليه نصيب اقف جنبك وانتي بتولدي شوفي حكمت ربنا تهربي وتسيبني كل ده واليوم اللي الاقيكي فيه تكوني بتولدي 

فرح ، ده حظي حاكم أنا مرزقه

سليم بعد عنها ،. فرح لو عايزه تطلقي أنا مستعد بس بشرط

فرح ، اكيد تاخد الاولاد صح

سليم ،. مش أنا اللي اخد الاولاد من حضن امهم انا عارف اني هسيبهم مع يد امينه الشرط انك ترجعي لمامتك مامتك تعبانه اوي ارجعي وانا والله هبعد بس بلاش كده ينفع واحد زى الحيوان صاحب المطعم يقول عليكي كلام وحش 

فرح ، بس انا مبيهمنيش كلام حد

سليم ، عشان خاطر سمعتك وسمعتي وسمعت ولادنا ارجعي بزمتك منال موحشتكيش

فرح ،. وحشتني بس انا عايزه ابعد عن الماضي كله

سليم ، اللي ملوش ماضي ملوش حاضر ارجعي وانا هبعتلك مصاريف الاولاد كلها أنا عارف انك اشتغلتي عشان اتنازلتي عن أملاك ايمن للجمعيات الخيرية

فرح ، تمام هرجع لماما ولو عايز تشوف اولادك تنور في أي وقت

سليم ، خلاص ماشي تعالي ياللا نشوف البيبهات جيبالي تلاته مره واحده

فرح ، الله اكبر علي عينك 

سليم ، يعني هحسد ولادي يا مجنونه 

فرح ، ساره

ساره راحت لها ، حمدالله على السلامه يا فرح

فرح ، الله يسلمك يا قلبي 

رائد ، يتربوا في عزكم يارب

سليم ، اللهم امين عقبالكو يارب

ساره بصت في الارض بزعل ، يارب

فرح غيرت الموضوع ، تعالو معانا 

ساره ،. انتي رايحه فين

فرح ، هروح مع سليم نشوف البيبهات تعالو معانا ياللا

رائد ،. تمام ياللا بينا 

سليم ، دي البنوته هتسميها ايه يا فرح 

فرح ، هسميها

ساره داخت ووقعت تاني في الارض

رائد ، ساره ساره

الممرضه ، خارجها من غرفه الحضانات ووديها الغرفه اللي في الوش دي

رائد وداها بسرعه ،. فين الدكتور 

الدكتور ، خير في ايه

رائد ، دي تاني مره يغمي عليها

الدكتور ، طب أخرج بره كده معلش عشان اعرف اكشف

سليم ، ياللا يا رائد تعالي وراح شادد أيده مخرجه

رائد ، أنا خايف يكون عندها حاجه دي تاني مره شكلها في مصيبه 

فرح ، لا أن شاء الله خير اتفائل

بعد شويه الدكتور خرج

رائد راحله جرى ، خير يا دكتور

الدكتور ، محتاج التحاليل دي ضرورى شكلها عندها انيميا ودي مش هتنفع مع الحمل 

رائد بصدمه ، حمل هي حامل

الدكتور ، ازاي متعرفوش دي شكلها بدأت في الشهر التالت

رائد ، بجد

الدكتور ، اه والله مبروك

فرح دخلتلها ، مبروك يا حبيبتي

ساره ، علي ايه 

فرح ، انتي حامل في التالت 

ساره قامت قعدت عالسرير وفضلت تضحك وتعيط ، لالا أنا حاسه اني بحلم مش معقول أنا حامل يا رائد

رائد دخل ، ازاي في الشهر التالت ومش عارفه

ساره ، كبرت دماغي اصلا من موضوع الحمل ومعطتهوش اهتمام عشان مزعلش

رائد ، مبروك يا حبيبتي

ساره ، حساها من ورا قلبك

فرح ، أنا هخرج اروح اشوف الولاد وانتو خليكوا براحتكم

ساره هزت دماغها بماشي واول ماخرجت راحت غرفه الحضانه لقت سليم واقف بيبص لولاده و حاطت أيده علي الازاز وعمال يعيط

فرح ، اي ده سليم الهوارى بيعيط يا جدعان في ايه اقسي قلب في الدنيا بيعيط

سليم باصلها ، أنا ماشي وانا دفعت حساب المستشفي خلي بالك من الولاد عن اذنك

فرح ، هتمشي وتسيبني

سليم ، مش انتي مش قادره تسمحيني وعالطول شيفاني شيطان عن اذنك أنا ماشي والصبح باذن الله هاجي اخدك انتي والولاد عشان تروحي لمامتك

فرح مسكته من أيده 

سليم ، اااه

فرح ، اوف نسيت اسفه والله تعالي خليهم يعقموها ويلفوهالك

سليم ، لا متفرقش معايا في حاجات الواحد بيعملها بحب وبتتقابل بحاجات وحشه بتسيب علامه بس مع الوقت بتروح ومبيبقلهاش اثر بتوجع اوي في الاول بس مع الوقت الوجع بيروح

فرح ، بس في جرح بيبقي جوه في القلب ده اللي ميبقلوش علاج وأثره بيفضل نغزه في القلب كل ما تفتكره قلبك بيوجعك وجعه بيفضل ملازمك مبيروحش ومبيتمحاش بيفضل موجود

سليم ، انتي طالق يافرح 

وسابها ومشي 

فرح نزلت علي ركبها وفضلت تعيط بصوت عالي

رائد راحلها جرى ، في ايه الولاد كويسين

فرح بشهقات متتاليه ، س سليم ططلقني

رائد ،. طب بتعيطي ليه مش هربتي وسيبتي الدنيا عشان تبعدي عنه

فرح ، نبعد عن بعض ب بس ميطلقنيش

رائد فرح صعبت عليه ، طب اومي اومي كده غلط عليكي انتي لسه قايمه من ولاده

فرح قامت معاه ودخلت غرفتها

فرح ، أنا هنام روح انت يا رائد 

رائد ،. طب اوعديني هتبطلي عياط

فرح مسحت وشها ، خلاص انا بقيت كويسه روح لمراتك عشانها تعبانه انا هنام

رائد ، ماشي وخرج راح وقف بره اتصل بسليم

،،،،،،،،

سليم ، عايز ايه

رائد ، مكنش وقته يا سليم 

سليم ، كلامها خلاني اتهورت وطلقتها أنا مسافر خلي بالك منها هي والاولاد

رائد ، انت مبقتش طبيعي ربنا يستر وميحصلهاش حاجه بسببك

سليم ، يحصلها حاجه دي اكيد فرحانه أنها خلصت مني

رائد ، أنا خرجت من الأوضه اللي كانت فيها ساره لقيت مراتك منهاره وقاعده علي الارض ولسانها تقل

تاني 

سليم ، البنت دي هتجنني هي عايزاني واللا لا

رائد ، الهرمونات بتأثر مع الحوامل بتخليهم مش عارفين هما عايزين ايه

سليم ، بس دي ولدت خلاص

رائد ،، ده كده الموضوع اصعب والحاله بتسوء لدرجه بتوصل لاكتئاب وانت نسيت دول تلت اولاد يعني تلت مسؤوليات 

سليم ، الموضوع خلص يا رائد انا مسافر هحضر شنطتي وماشي

رائد ، خلاص يا سليم غور في داهيه يا سليم وقفل في وشه

،،،،،،،،،ؤؤؤؤؤؤؤ،،،،،،،،،،،، بعد خمس ساعات

فرح فضلت تعيط لحد ما نامت

رائد قاعد مع ساره في غرفتها بالمستشفى عشان متركبلها محلول 

ساره ، رائد روح اطمن علي فرح

رائد ، والله محروج لتكون نايمه لسه

ساره ، طب أنا خلصت المحلول هاجي معاك

رائد ، هتقدرى تمشي

ساره ، أنا كويسه يا حبيبي الحمد لله

راحوا غرفه فرح واتصدموا من اللي شافوه هما الاتنين

ياترى ايه اللي حصل بكره باذن الله في البارت الجديد اشوف رايكم

تكملة الروايه من هنا هنا