 |
الفصل التاسع عشر: بقلمي الكاتبة لمياء رفعت
فارس: راح عند ندى فك الطرحة من ع وسطها وشدها من ايدها ع البيت ف وسط الفرح ومنار مشيت معاهم
خالد: كويس انك جيت مش قادر اقعد اكتر من كده يلا يامنار
فارس: اجاي أوصلك
خالد :لا ياخويا ماتتعبش نفسك ماانت عارف المكان قريب يلا تصبح ع خير واخد منار ومشوا
ندى: كانت ف اوضتها ولسه هتغير هدومها فارس دخل الاوضة وشدها من ايدها وطلعها برة الأوضة علشان مايتكلمش والأولاد نايمين واخدها ف الاوضة عنده
ندى: سيب ايدي ....سيب ايدي بتوجعني
فارس: انتي خلاص اتجننتي صح
ندى: اتجننت ليه عملت ايه انا
فارس: بعصبيه حضرتك انا لو كنت عاوز اخدك معايه الفرح ماكنت اخدتك بتروحي ليه الفرح انتي قولتيلي هروح ولا انا قولتلك روحي وكمان ايه الجرأة بتاعتك دي وصلت انك هترقصي ف الفرح
ندى: عادي ماانت رقصت مع إيلين ....وراحت شدته من الايسكرف الا ع رقبته وقالتله.....والايسكرف ده يشهد لم اخدته منك الست إيلين واتحزمت بيه ورقصت ف الفرح
فارس : خبط باايده ع الباب....انا خلاص مابقتش عارف اتكلم معاكي
ندى: في ايه لا ده كله
فارس: في ان حضرتك كنتي هترقصي قدام الشباب ف الشارع وقدام الكل ومراتي كانت هاتبقى فرجه للكل
ندى: ماايلين رقصت معاك ايه المشكله
فارس: بعصبيه انا مالي ومال إيلين ماترقص والا تعمل الا هي عايزاه احنا مالنا انتي من الصبح يا ندى وانتي بتغلطي ومع ذلك مش بتغلطي نفسك
ندى: سكتت
فارس: روحي ياندى نامي بعد اذنك انا هنام
ندى: سابته وخرجت راحت أوضة النوم
_______________________
احلام: بسام انت ايه الا جابك هنا
بسام: جي لمراتي مبروك المحل الجديد
احلام: امشي أطلع بره بدل مااصوت والم عليك الناس
بسام : اخص عليكي يااحلام في واحدة تفرج الناس ع جوزها
احلام: بدموع شبعت من الكلام ده اتفضل اخرج وامشي من مكان اكل عيشي علشان لو حد شافك هنا مش هيحصل طيب
بسام: يابنت الحلال انا عايز ارجعك البيت ونعيش سوا بالعيال
احلام: انت شكلك اتجننت خلاص ونسيت انك مطلقني ٣ مرات يعني ماينفعش ارجع ليك وحتى لو طلقة واحده ابقى مجنونة لو رجعتلك بعد الا عملته فيا وضربك فيا قدام اهلك وف الشارع قدام الناس ده انت ماكنتش بتشتغل ولا بتجيب جنيه من بره ولولا بابا الله يكرمه كنت مالقتش القمة انا وأولادي
بسام: يااحلام هتندمي
احلام: انا مش لسه هندم انا فعلا ندمانة اني وفقت عليك في يوم انك تبقى جوزي واشيل اسمك اتفضل امشي ومتحاولش تقرب مني ولا من أولادي بعد كده وقفلت المحل وسابته ومشت
______________________
الهام: آخرتي ليه كده يااحلام يابنتي أولادك كانوا جعانين ومحدش فيهم كان راضي ياكل الا لم انتي تيجي اكلتهم بالعافيه وناموا
احلام: ماشي ياماما تسلمي معلش تعبتك معايه
الهام: في ايه يااحلام يابنتي انتي كنتي بتعيطي
أحلام _____________________
الهام: والمنيل ع عينه ده ايه الا كان جايبوا عندك بلاش بقى تقولي لحد من أخواتك لم نشوف ابوكي هيعمل ايه
أحلام: ماشي ياماما بعد اذنك انا داخله انام
______________________
فارس: غير هدومه ونام على السرير لكن كان سهران ومضايق من طريقة ندى
ندى: ف الاوضة نايمة على السرير ولسه ماغيرتش هدومها وعارفه انها غلطانة بس ماكنتش عارفه هي عملت كده ازاي نزلت من ع السرير وراحت عند فارس الاوضة بتاعته
وقعدت ع ركبتيها في الأرض جنب فارس وهو مغمض عينيه
ندى: حطت ايدها ع شعره ورفعته من ع وشه
فارس: فتح عينيه وبصلها
ندى: بدموع انا اسفه مقصدش ازعلك مني
فارس: قام اتعدل وقعد ع السرير ورفع ندى من ع الأرض وقعدها جنبه
فارس: انا خايف عليكي ياندى وزعلت بجد اوي لم جيت من بره والبيت مقفول عليكي انتي وابن عمك وتاني غلطه انك كنتي هترقصي ف الفرح
ندى:بصوت طفولي وعينيها في عينين فارس انا ماحبتش إيلين ترقص معاك وزعلت وكنت حابه أوريك النار الا ولعت ف قلبي لم شوفتك بترقص مع واحده وكمان بقت تتعمد تقرب منك وهي بترقص معاك
فارس: انا اتحرجت يا ندى لم إيلين قربت مني وشدت الايسكرف وشدتني انها ترقص معايه ماحبتش احرجها قدام الشباب وكمان علشان ف الأول والآخر دي تبقى بنت خالة خالد وحتى ياستي لو انا غلط متوقعتش منك تغلطي نفس غلطي علشان تعملي نفس غلطي وكمان في حاجه عايز اقولك عليها
ندى: ايه هي
فارس: أول وآخر مره اشوفك تحطي ميكب ف وشك
ندى: ليه بقى
فارس: علشان مش بيحطو ميكب غير البنات الا حابه تحلي نفسها لكن انا شايف مراتي احسن واحده ف الدنيا دي كلها
ندى: بكسوف وبصت ف الأرض
فارس: حط ايده ع كتفها وقربها منها اكتر.....ندى
ندى: ايه
فارس: شايفه ان كلامي غلط او عندك تعليق عليه
ندى: لا مفيش
فارس: متأكدة
ندى: امممممممم
فارس: ههههههه و ده ايه
ندى: وحطت ايدها ع صدر فارس خلاص بقى انا اسفه
فارس: وانا قبلت اسفك
ندى: سكتت وفارس نفس الكلام
فارس: رفع حاجبه لفوق وابتسم إبتسامه خفيفه وقالها.....مش عايزه تقولي حاجه
ندى : بعصبية لا مش عايزه اقول هدخل انام وجات تقف علشان تمشي فارس شدها من ايدها
فارس: عارف الا ف دماغك وعارف انتي بتفكري في ايه لكن مش هقرب منك يا ندى غير لم تكوني انتي متقابلاني
ندى: بمعنى
فارس: بمعنى اني حابب اثبتلك عكس الكلام الا قولتوا ليكي لم قولتلك اني كنت حابب أقرب منك لأني ليا حقوق عليكي ووقف قدامها وكمل كلامه.....انا عندي وجودك جنبي وقربك ليا اهم من كل حاجه ومش حابب اغصبك كمان ع حاجه ممكن انتي من جواكي مش متقبلاها او يكون مالكيش الرغبه منها
ندى: وحطت عينيها ف الأرض ومابصتش ل فارس وخرجت وقفلت الباب وراها
وراحت الأوضة بتاعتها ونامت
________________________
في الصباح:
محمود: صباح الخير ياالهام
الهام: صباح الخير ياحاج
محمود: أحلام لسه نايمه ولا ايه
الهام: لا خرجت بالاولاد توديهم الحضانه بتاعتهم
محمود: ماشي ياالهام ربنا يعينها ع تربية أولادها
وجري الباب رن : إلهام فتحت شافت هدى
هدى : ازيك يامرات عمي
الهام: انتي جايه هناا ليه
محمود: بصوت عالي الهاااااااااااام
الهام: في ايه مش دي الا السبب في تعبك
محمود: بس ياالهام وعيب كده اتفضلي ياهدى
هدى : ب انهيار ودموع سامحني ياعمي انا والله ماقصد ازعلك مني انا اصلا مش عارفه مالي سامحني ع اي حاجه زعلتكم مني
محمود: المسامح ربنا يابنتي ومش عيب ان الأنسان يغلط العيب ان الأنسان يستمر في غلطه
هدى: بس علي مش بتقبلني ياعمي خالص وبيتي بقى يدمر
إلهام: ولم انتي عارفه كده كنتي بتعملي ليه ده كله وبتكرهي الناس فيكي
هدى: انا والله يامرات عمي ماكنت عارفه الا بعملوا ده غلط بس انا الشيطان كان راكب ع دماغي ان ماوفقتش غير من كلام عمي محمود النهاردة لم جاني
الهام: جالك فين يابت ....هو انت بعد ده كله ياراجل وبعد الا عملته فيك وفينا وف ابنك رحت عندها
محمود: بس ياالهام ووطي صوتك الناس بره وبعدين فيها ايه لم رحت اهدي واقعدي واسكتي ولا روحي صلي الصبح ..وانتي يا هدى أولادك فين
هدى: ف المدرسه ياعمي
محمود: طيب روحي اجهزي ولم أولادك يرجعوا من المدرسه نروح الغيط علشان هنروح كلنا النهاردة نتغد هناك
هدى: ماشي ياعمي السلام عليكم
محمود: عليكم السلام
الهام: وبعدين يامحمود في قلبك الطيب ده
محمود: بس ياالهام الناس بتبقى ماشيه وتموت ده الواحد بينام وبيخاف مايقومش تاني ربنا يحسن خاتمتنا
إلهام: يارب ياحاج
____________________
ندى: قامت من النوم اخدت شاور وغيرت هدومها ولبست أولادها ووصلتهم للحضانه وروحت تجهز ف الفطار
فارس: قام من النوم اخد شاور وخرج بره الأوضة
فارس: صباح الخير ياندى
ندى: مردتش
فارس: دخل المطبخ وقرب منها وحط ايده ع ضهرها بقول صباح الخير ياحبيبي
ندى: طيب مش المفروض تستأذن لم تحط ايدك ع ضهري لحسن اكون مش متقابلاك
فارس: ده ازاي
ندى: بعصبيه معرفش
فارس: فاهم كلام ندى ولكن كان حابب يخليها تتعصب لأنه كان عايز ندى تكلم وطلع الا ف قلبها وهي متعصبه....في ايه يا ندى بتكلميني كده ليه
ندى: انت ايه البرود ده بجد
فارس: ههههههه في ايه يابنتي بجد
ندى: واحده ومش متقابلاك واقف تكلمها ليه هو ايه ده
فارس: وقرب منها وشدها قدامه... طيب مش المفروض اعرف مراتي مش متقبلاني ليه
ندى: قول لنفسك مش انت الا قولت كده امبارح
فارس : لا انا مقولتش كده ياندى افهمي كلامي الأول كويس
ندى: بعصبيه...وقربت منه...بص انا لو مش متقابلاك ماكنتش قربت منك ولا كنت قولتلك اني بحبك وماكنتش قولتلك اني حابه تكون جوزي بجد...وبعدين انا اصلا حسيت معاك بااحساس اول مره احسه بالشكل ده انا اصلا كلمة بحبك دي الا انا قولتهالك قليلة بالنسبة للي في قلبي ليك ...فارس كان بيسمعها وكان فرحان من قلبه من الا بيسمعوا من ندى
ندى: حست بنفسها وهي بتكلم واتحرجت ورجعت لورا انها ماكنتش حاسه بنفسها وهي بتكلم فارس بالجرأة دي
فارس: قرب من ندى وابتسم إبتسامه خفيفه كلها حب ....انا ماكنتش اعرف ان مراتي بتحبني الحب ده كله
تليفون فارس رن
فارس: الووووووو نعم يابويا
محمود: ايه يافارس هات مراتك والعيال وتعالوا الغيط نتغد هناك
فارس: حاضر يابويا لم يطلعوا من الحضانه
محمود: ماشي ياحبيبي مع السلامة
فارس: سلام يابويا وقفل التليفون
فارس: ابويا بيقولي هات مراتك والأولاد وتعالوا الغيط نتغد ايه رايك
ندى: اكيد موافقة
فارس: بس انا مش موافق
ندى: طيب ليه
فارس: بمكر علشان هو قالي هات مراتك وبصراحه انا مش بحب اكدب ع الناس يا ندى لأنك ف الوقت الحالي انتي مراتي قدام الناس وع الورق لكن لسه قدام ربنا وبيني وبينك وكمل كلامه ....وغمزله بعينه وقالها....بس انا حابب دلوقتي تبقي مراتي كمان قدام ربنا
ندى:
ليصلك اشعار بالبارت العشرون لاف وكومنتات كتير وشير ورايكم في البارت بقلمي الكاتبة لمياء رفعت
البارت 20 الأخير من هنا هنا
تعليقات
إرسال تعليق