 |
النهاية 💥 بقلم سلطان زماني
رحت علي بيت باباها لقيته نزل الشغل وهي كانت لسه
مصحيتش مامتها قبلتني رحبت بيا وقالتلي اتفضل أنا. كنت
مستنيه اخلص الفطار واصحيها قولتلها هي لوحدها في
الاوضة قالتلي اه
قولتلها اعملي حسابي في الفطار علشان
جعان اوي يا ماما
قالتلي حاضر ياحبيبي
دخلت عليها مسكت ايديها وهي نايمه وفضلت ابوس في
ايديها صحيت اتفزعت واتخضت قالتلي انت هنا بتعمل اي
وازاي تتجراء وتبوسني
ضحكت غصب عني قولتلها ايه يابت
مالك انتي اتهبلتي
_ لا بت دي تقولها للجريه الي كانت معاك هناك من النهارده
اسمي نهي وياريت تاخد بالك كويس اوي من كلام
..اسكتي يانهي مش امبارح اغمي عليا في الشغل وراحو بيا
المستشفي ..وقفه مدياني ضهرها مش شايف ملامحها بس
اول ما قولت اغمي عليا دي حسيت اني جسمها اترج واتهزت
..اتخضو عليا زمايلي في الشغل وكلهم قلقو وعملت تحاليل
كتير واشاعات والدكتور قالي يانهي
لفت وشها وبعصبيه هاااااا الدكتور قالك اي انطق
...قالي معندكش حاجه 😂😂😂😂😂😂😂
_ في سرها ..يابارد يا رخم يلعن ابو شكلك ....
وانا مالي يا ادهم بتحكيلي ليه
_ امال احكي لمين ياقلبي لو مكنتش احكيلك
_ بص يابن الناس احنا مش هينفع مع بعض وفر بقا كلامك
والشويتين دول لعروستك الجديدة
...ليه والقديمة مالها هو أنا يملأ عيني ولا قلبي غير القديمة
مامتها خبطت وطلعنا شافت الحاجه الي جيبها والحلويات
ودخلت الحمام وانا قعدت ع السفره مستنينها تطلع وطلعت
قعدت بعيد عني قمت قايم لازق في الكرسي الي جنبها
وحماتي تبص لنهي وتضحك وتقولنا مالكم ياعيال في أي
..مفيش حاجه ياماما أنا بس وحشتني قعدتكم خدت إجازة
النهارده وقولت نقضي اليوم مع بعض لو نهي معندناش مانع
مامتها..لا يابني مانع اي ده انت في مغزاها وغلاوتها ده عمك
هيفرح اوي لما يجي ويشوفك
..شيفها متغاظه ونفسها تقوم تولع فيا وفي أمها وعايزه
تقول ل امها اسكتي بس مش عارفه
...انتي مش بتاكلي ليه يانهي خدي كلي دي ياحبيبتي
متكسفيش ايدي بقا ايوا ايوا عسل يانهي شاطره برافو
..اترمت ع الأرض من كتر الضحك قمت قومتها لقيت عيونها
مدمعه ودمعتها نزلت مسكت نفسي وفرفشتها وقعدتها تاني
وفطرنا وعمي رجع وقعدنا نتكلم وتحكي ع الشغل والمشاريع
وكل حاجه والساعة ٩ بليل قولتلهم هستاذن أنا بقا لقيت
عمي قال ل نهي يلا ياحبيبتي البسي وروحي مع جوزك
نهي اتصدمت واندهشت للحظات وقولتله حاضر يابابا
لما لقتها اتاخرت دخلتلها الاوضه لقتها لبسه ومعرفش مستنيه
اي قولتلها اي هنبات هنا ولا اي
_ انت محكتش معه ليه في الطلاق دي غلطتي اني محكتلوش أنا يعني
...انا بصراحه كنت جاي اطلقك بس لقيت الجو مش مناسب
بصي احنا نروح ونبقا نجلهم وقت تاني نطلق
_ اي ياض الظرف الي بقيت فيه ده. انت هتستهبل ..وفي حد
بيجي يطلق يجيب معه فاكهه وحلويات وجاتوه
..يعني في وحده عايزة تطلق بتعمل لجوزها اكل قبل ماتسبله
البيت يلا ياحبيبي انجزي
سلمنا عليهم ونزلنا ركبت العربية ورزعت الباب جامد
...عاش ياوحش عااش المره الجايه عايزك تخلعيه ف ايدك
_ والله برحتي وانا كده وهفضل كده انت عايز اي يا ادهم
.. تفتكري ياقلبي لو مكنتش عايزك كنت جيت ..عايزك يا نهي
وعمري ماعوزت ولا هعوز غيرك يابطتي 😘
شغلت اغنية وجيه مقطع
ليه نضيع عمرنا هجر و خصام ...
و احنا نقدر نخلق الدنيا الجميلة ... ليه .. ليه .. ليه ..
بالوداد و القرب تجدد حيتنا بالحنان و الحب تتبدل اهاتنا
واللى جاي نعيشة احلى من اللي فاتنا ...احلى من اللي فاتنا .......
والقمر من فرحنا حينور اكتر..
و النجوم ح تبان لنا اجمل و اكبر..
و الشجر قبل الربيع قبل الربيع ح نشوفه اخضر
و اللي فات ننساه... و ننسى كل اساه
يلا نلحق من الزمن ايام صفاه
والحياة من غير لقانا مش حياة
و احنا مش حنعيش يا روحي مرتين
وطول ما الاغنيه شغاله أنا ماسك ايديها بالعافيه طبعا لحد ما
حنت شوية وفضلت تبص ليا جامد وانا سائق وانا عامل
نفسي مركز في الطريق بس شيفها بطرف عيني لحد ما وصلنا وطلعنا
شقتنا فضلت مخضوضه شوية ومستغربه سبتلها الاوضه
تغير برحتها ودخلت اخدت شاور ولبست قميص نوم اخدتها
في حضني جااامد عرفت انها بتبكي لما دموعها نزلت ع
صدري قمت مسحت دموعها لقيتها بتترعش جامد وخايفه
مسكت ايديها ورجعت تاني استخبت جوه حضني
قالتلي أنا
تعبانه اوي يا ادهم وزعلانه وموجوعه اوي اوي منك
قولتلها انتي صيرتي عليا وانا بوجعك وبزعلك وبتعبك
اديني فرصه اصلح بقا كل ده
وانا بوعدك اني عمري ما هعمل
حاجه تزعلك مني تاني ابدا
_ بجد يا ادهم طب احلف
...وحق الي رفع سبع سموات
عمرك ما هتهوني عليا تاني ولا هزعلك تاني ولا هحرم نفسي
منك يوم
ولا هضيعك مني انت نمبر وان وهتفضلي لحد ما اموت
نمبر وان في قلبي
..بعد الشر عليك ياحبيبي ..طب هو انت مالك فيك اي بجد
قولي ياحبيبي باله عليك الدكتور قالك مفيش حاجه ولا انت
بتكدب عليا علشان متقلقنيش عليك
..دكتور اي ده الي قالي مفيش حاجه
_ لما اغمي عليك في الشغل وخدوك المستشفي
...😂😂😂😂 لا ده حوار قولتلك كده علشان اشوفك لسه
بتخافي وبتتخضي عليا زاي الاول ولا
_ تصدق انك بارد ومعندكش دم
..فضلت ادلعها واخدت اسبوع إجازة وخرجتها في كل حته
واتعمدت أخدها عندنا وفي وسط اهلي وافضل لازق جنبها
وادلعها قدامهم وعودتها أنها لما تزعل من اي حاجه تيجي
وتحكيلي في ساعتها
وحملت وبقيت اخدها ونروح لدكتوره وادخل معها
وافضل جنبها ولما ولدت بنوته فرحت اوي واصريت انها
ترجع من المستشفي علي شقتها مش عند مامتها بقيت بفرح
اوي وبكون في قمة السعاده لما بشوفها فرحانه
ومبسوطة ..اكتشفت اني اهمالي
وهجري ليها وقسوتي هما السبب في أنها كانت بتنكد عليا
واخدت عهد علي نفسي اني احافظ عليها واشلها في قلبي وعيني ❤️♥️
وبس كدا يالي تنشكو 👊 تحبو المحن انتو زاي عنيكم😂
قولو رأيكم مستني اشوف تعليقاتكم في الكومنتاات 😘
تعليقات
إرسال تعليق