 |
#زوجونى_مرات_أخي 🖤🏄♀️
بقلم لمياء رفعت
البارت الأول والثاني والثالث والرابع والخامس والسادس
💫💫💫💫💫💫
جهز نفسك يافارس من بكره هنكتب كتابك ع ندى مرات المرحوم إبراهيم اخوك وبلاش تجادل معايه في الكلام لأن انا اخدت قرار خلاص
فارس: انت بتقول ايه يابويا اتجوز مرات اخويا ازاي انت مستوعب الا بتقولوا ليا ازاي انا هقعد ع فرش اخويا ازاي هنام ع سرير اخويا
محمود والد فارس: انت الا مش بتفهم ولا عايز تفهمني مرات اخوك صغيرة ومعاها دلوقت اتنين أولاد ومن بعد اخوك ماعمل الحادثه وتوفى وهي سابت البيت وراحت قعدت عند اهلها وبقالها سنه بحاول اجيبها البيت ومش عارف وكده كده محدش هيربي العيال غيرك انت يافارس
فارس: يابويا انت بتظلمني ازاي ابقى شاب كمان واتجوز واحده بااتنين أولاد
محمود: دول لحمك ودمك وانت المسؤال عنهم
فارس: اوعدك اعمل الا ربنا يقدرني عليه اتجاهم لكن بلاش جواز ابوس ع ايدك يابويا انا مش شايف ندى زوجه ليا ف يوم من الأيام
محمود: ليه مالها ندى مفيش بنت زيها في البلد واديك سامع العرسان الا رايحه جايه عليها من يوم موت اخوك
إلهام والدة فارس: انت اتجننت يامحمود انت كده بتظلم إبنك ياراجل انت حرام عليك
محمود: حرمة عليكي عيشتك ياولية انتي مش احسن من اني ارمي ولاد ابني للغريب بره
بص يافارس قسما بالله العظيم لو ماتكتب كتابك ع ندى بكره ماتكون ابني ولا اعرفك وسابهم ومشي
فارس ببكاء شديد عاجبك ياامي
إلهام " خدته في حضنها بس ياحبيبي معلش اعمل الا ابوك عاوزو ومحدش عارف الخير فين ياحبيبي وقول يارب
في بيت ندى
والد ندى يابنتي خلاص عمك محمود اتكلم مع فارس وخلص معاه موضوعكم
ندى : باانهيار شديد خلاص يعني يابابا خلاص بقيت تقيله عليك انا وولادي ومش فرق معاك إبراهيم جوزي وحبيبي وابو أولادي
حمدون والد ندى: تقيله ايه يابنتي بس حرام عليكي اسمعيني الله يرضى عليكي ياندى انا مش هعيش ليكي العمر كله يابنتي انتي لسه شابه صغيره ده انتي يدوبك عندك ٢٣ سنه يابنتي ومحدش بيسيب حد ف حاله وانتي مش هتقعدي على اتنين اطفال في الحضانه وانتي عارفه عيون الناس مابترحمش واخوكي اهو بمراته وعياله واخوكي مايبقاش اخوكي الا قبل الجواز مدام اتجوز خلاص وأمك ماتت من زمان وانا مش هعيش ليكي العمر كله يابنتي
ندى: ببكاء شديد:بس يابابا ماتقولش كده ياحبيبي ربنا يديك طولة العمر
حمدون: دي الحقيقه يابنتي انتي عارفه اني راجل كبير ومريض وعايز اطمن عليكي
وفارس محترم وشاب كويس ومايتخيرش عن إبراهيم اخوه الله يرحمه يابنتي اعقلي الله يهديكي
ندى ببكاء: حاضر يابابا الا انت شايفوا
في بيت محمود
محمود: فارس انت لسه بهدومك من امبارح انت مانمتش ولا ايه عمتا قوم غير هدومك وانزل عشان المأذون وصل تحت
فارس: اتنهد واخد نفسه وقام من ع السرير وقال ماشي يابويا نازل دلوقت
ماشي ياريت تبتسم عشان عمك حمدون وعشان ندى الا معاه تحت
فارس: حاضر يابويا نازل دلوقت خرج محمود ونزل عند حمدون وعند ندى
محمود: كفايه ياندى وبلاش عياط وانا ووالدك يابنتي عاوزين مصلحتك ومصلحة عيالك
ندى: ياعمي انا عمري ماهنسى ابراهيم ابو أولادي
محمود: يابنتي محدش قالك انسيه إبراهيم من يوم ماعمل الحادثه بالعربيه وهو واجع قلبنا كلنا
فوق عند فارس بيلبس هدومه وعباره عن تيشرت نص كوم والتيشرت مبين عضلاته ورفع شعره لفوق البني الغامق وهو طول بعرض ببشرة بيضاء وعينيه بني غامق ونزل ع السلم ف لحظه بكاء ندى ....بقلمي الكاتبة لمياء رفعت
حمدون والد ندى: فارس يابني انت لسه متعود تلبس بنص كم حتى واحنا ف الشتا....بقلمي الكاتبة لمياء رفعت
فارس هعمل ايه بقى ياعمي سلم ع حمدون وع علاء اخو ندى وجه عند ندى وسلم عليها لكن مابصلهاش ولا هي بصتله
المأذون قول يابني ورايا وحط ايده ف ايد حمدون
بقلمي الكاتبة لمياء رفعت
💙💙💙💙💙
البارت الثاني
بعد كتب الكتاب ماخلص
محمود: يلا يابني خد مراتك والأولاد وع بيتكم الجديد
فارس: بيت ايه يابويا
محمود: ده البيت التاني بتاعنا يافارس روح يابني انت ومراتك فيه واحنا جهزنا فيه كل حاجه والبيت زي الفل والفرش كله جديد فيه اهم حاجه خلي بالك من عروستك يابني
ندى واقفة مفيش غير الدموع بصوت مكتوم
فارس: بضيق يلا يارامي انت وآدم (أولاد اخوه)وماما عشان نمشي مشت ندى والولاد
خالد صاحب فارس(فارس: نعم ياخالد همس ف أذنه فارس عرفك عصبي حاول تخلي بالك من ندى لأنها مالهاش ذنب وكفايه الا مرت بيه من يوم مااخوك مات
فارس: بزعل عارف ياخالد وهي ذنبها ايه عشان اتعصب عليها عارف انها اتغصبت ع الجوازة زييا بالظبط بعد اذنك عشان واقفين ف الشارع هروح افتح ليهم الباب
خالد: اتفضل ...بقلمي الكاتبة لمياء رفعت
فتح البيت فارس ودخلوا كلهم فارس اتجه ع غرفة الاطفال ونام فيها وندى دخلت غرفة النوم ونامت فيها هي وأولادها من كتر التعب والعياط
تاني يوم في الصباح
إلهام والدة فارس :كده يامحمود بقيت كويس دلوقت لم ظلمت إبنك فارس شاب الحبايب الا اي بنت في البلد تتمنى تراب رجليه ياراجل
محمود: قرب من مراته ياالهام انا لو ماكنتش عملت كده كان هايجي اليوم وندى تجوز والبت صغيرة وفيها الطمع وأولادها صغيرين انتي نسيتي وصية إبراهيم وهو ف المستشفى وهو بيقولي أولادي أمانة في رقبتك يابويا
إلهام باانهيار شديد : كفايه ماتفكرنيش
محمود: حقك عليا والله ماقصد افكرك ولا ازعلك بس دول لحمي ودمي ياالهام
الباب خبط: محمود: ادخل
حمدون والد ندى ازيك يامحمود ماتيجي نطمن ع الولاد
محمود : معاك حق يلا ياحاج
عند بيت فارس الباب بيخبط فارس قام من النوم وراح فتح الباب
محمود: صباحية مباركة يابني
حمدون عامل ايه يابني
فارس الحمد لله ياعم حمدون اتفضلوا دخلوا الصالون
محمود: روح يابني صحي مراتك تيجي تسلم علينا
فارس :ايه
محمود : بقولك يابني روح صحي مراتك انتي مش سمعني ولا ايه
فارس بضيق حاضر يابويا وهو ماشي ف نفسه هو ده الا ناقص
اتجه فارس ع غرفة ندى وخبط ع الباب
ندى: ايوة نعم
فارس: لو سمحتي والدي ووالدك بره وعايزين يسلموا عليكي ندى:حاضر خارجة
خرج فارس وراح الصالون وقعد وشوية وجات ندى سلمت ع محمود وحمدون وحمدون حضنها عامله ايه يابنتي وسلموا عليها
محمود: مالك ياندى اوعى يكون فارس مزعلك
فارس برفع حاجب لفوق وضيق والتفت بوجه بعيد عنهم
ندى: لا ابدا ياعمي
حمدون طيب يلا يامحمود نسيب العرسان وحدهم كفايه كده
محمود : ع رايك ياحاج يلا بينا
ندى خليكم لسه بدري
حمدون: بدري من عمرك يابنتي هنروح بقى نشوف المصالح بتاعتنا
محمود :مع السلامة يابني
حمدون: سلام يافارس يابني
فارس : مع السلامة
خرج فارس يقفل الباب وهو بيقفله كان وشه ف الأرض ومش شايف قدامه في اللحظه دي ندى كانت رايحه إتجاه الباب وهي ماشيه فارس إلتفت وراه وهو ماشي وبدون قصد خبط فيها جامد جات تقع سندها وهو بيسندها كانت هتقع ع الأرض شدها جات في حضنه وعينيهم كانت في عينين بعض ولا أول مره بيشوفوا ملامح بعض( لأن فارس دايما كان مسافر ومفيش اختلاط نهائي كان بينوا وبين ندى ) سرح في جمالها وقال في نفسه قد ايه يا ندى انت جميله عينيها سوداء وبشرتها قمحاوي ملامحها ملامح اطفال
وندى سرحت في جمال عينين فارس وعينيه البني الغامق والبشره البيضاء وشعره اللي كان نازل على عينيه وهو قايم من النوم وللحظه فاقوا الاتنين من سرحانهم
فارس: احم احم وسابها براحه عشان ماتقعش وندى بعدت عنه خطوات
ونزلت وشها في الأرض وقالت: انا اسفه بجد
فارس: انا الا آسف ماكنش قصدي بجد
ندى بكسوف وتوتر انا كنت جايه اقولك أجهز الفطار ...بقلمي الكاتبة لمياء رفعت
فارس: مفيش مشكله بس انا آسف مش بفطر الصبح بعد اذنك عشان هروح اغير عشان خارج عند صحابي
ندى اتفضل بقلمي...الكاتبة لمياء رفعت
فارس : ف نفسه وهو رايح الغرفة قد ايه ياندى انتي جميلة ومحترمه دي الطرحه حتى مش ظاهرة شعره واحده من راسك ووشك الا كان ف الأرض وانتي بتكلمي انا عرفت ليه دلوقت امي كانت بتقول انا مش عارف ندى عامله ايه لا إبراهيم...فاق من سرحانه وراح مطلع بنطلون جينز اسود وتيشرت ابيض بنص كم ودخل الحمام اخد شاور ولبس وخرج بره الغرفة شاف رامي وآدم وهم رايحين الحضانه اهلا اهلا بحبايب قلبي اروح اوصلكم رامي لا ياعمو احنا بنروح لوحدنا الحضانه جنب البيت فارس:ماشي ياحبيبي يلا مع السلامة وراح خارج بره ....بقلمي الكاتبة لمياء رفعت
ندى ف نفسها: هو ده مش انسان زينا ولا بيحس اي ده ده لبس يتلبس في الشتا
ودخلت غرفتها وقعدت ع السرير ماسكة الصورة بتاعت ابراهيم جوزها وانهارت من العياط إبراهيم وحشتني اوي والله
فارس عند صحابه في الكافيه
عبد الرحمن وعمر وخالد بس خالد قريب اكتر من فارس ..بقلمي الكاتبة لمياء رفعت
عبد الرحمن:ايوه ياعريس الليلة كانت ليلتك
عمر طبعا ياعم محدش قدك قولنا بقى الجواز حلو ولا وحش فارس داس ع أسنانه من الغضب ولسه هيتكلم.خالد قاطعوا بالكلام ...يافارس اخوك علي الكبير كان بيسأل عليك الصبح وعوزك تقريبا ف حاجه مهمه مشي خالد وفارس عند علي وبعد التحية والسلام
علي: انت ازاي تجوز من غير ماتعرفني؟
فارس:مش لم انا كنت أعرف الأول هو ابويا ماتكلمش معاك ع الا حصل
علي: اتكلم النهاردة معايه وزعلت معاه ازاي تقبل الوضع ده يافارس وشغلك الا ف تركيا ومستقبلك وحياتك ليه تربط حياتك بواحدة كانت متجوزه قبلك وب اتنين أطفال
دخلت هدى مرات علي: ازيك يافارس قلبي عندك بجد
خالد: ده اتجوز يامدام هدى مش حد عنده مات ( اتكلم كده لأنه عارف كويس انا هدى حقودة من يومها وبتحب تشعللها)
فارس من كتر الخنقه الا بقى فيها يلا ياخالد بعد اذنك ياعلي هروح انا عشان عندي شغل هتابع معاهم ف المكتب ع اللاب سلام
علي : مع السلامة يافارس
خالد وفارس وهم ماشيين
خالد: مالك يافارس
فارس: هههههههههه مالي هيكون مالي عاجبك الا انا فيه
خالد: محدش عارف الخير فين قول يارب
فارس: ايه ده ده عبد الرحمن وعمر جايين اهو
خالد: ايه ياشباب عاملين ايه
عبد الرحمن: جايين عندكم اهو قولنا نعدي ع فارس ف البيت ناخده لم حسينا انه زعل
فارس: لا ابدا مفيش حاجه احنا اخوات وهم واقفين قدام بيت فارس
ندى فتحت الباب وهم واقفين بره
ندى: السلام عليكم ومشت
فارس وصحابه ردوا السلام
عمر: يانهار حلاوة هي دي ندى الا كان متجوزها إبراهيم الله يرحمه ودلوقت بقت مراتك يافارس
عبد الرحمن: طول عمرك محظوظ يافارس وندى ماشية قدامهم عينيهم ماترفعتش من عليها
فارس: مشي بسرعه إتجاه ندى رايحه فين
ندى: رايحة السوبر ماركت
فارس: طيب ادخلي البيت
ندى: انت بتقول ايه
فارس: بعصبية وبغضب هو انتي ليه مصممة إني اقول الكلام لحضرتك تاني يامدام
💙💙💙💙💙
البارت الثالث
ندى: مردتش ودخلت البيت
فارس : عبد الرحمن يا عمر انا صاحبي وصاحبك ع القهوة لكن بلاش ياحبيبي حد ياجي ليا البيت خصوصًا اني معظم الوقت بره ومراتي هي الا موجودة فالبيت
عبد الرحمن: احنا آسفين ياسيدي يلا ياعمر
خالد: هههههههه اسد يابو عمو والله راجل يافارس الكاتبة لمياء رفعت
فارس : طيب ادخل عشان نشرب حاجه يلا
خالد : لا والله مش فاضي
فارس: هههههههههههههه ع فكره مش انت المقصود لم اتكلمت من شوية انت اخويا ياخالد مش صاحبي
خالد: عارف ياخويا والله بس انا رايح دلوقتي عند خطيبتي عشان أحدد الفرح مدام خلصت كل حاجه
فارس: الف مبروك ياحبيب اخوك خلاص عدي عليا بالليل نحجز القاعة
خالد: اشطااا سلام يابو الصحاب
فارس: سلام
فارس : دخل البيت وشاف ندى قاعدة فالصالون راح عندها ووقف قدامها
ندى: انت ازاي تكلمني كده وتتعصب عليا
فارس: قرب منها جامد
ندى: اتوترت وبعدت عنه
فارس بتفاهم مقربش تاني وقالها وحضرتك كويس الا عملتيه لم ابقى واقف انا وصحابي قدام البيت وتخرجي وتمشي قدامنا وفي شباب واقفه
ندى: انت اكيد بتهزر وبعدين ماالشوارع كلها مليانة شباب وبعدين انا مالي ومالهم
___________________________
منار خطيبة خالد: وحشتني اوي ياخالد بقالي يومين ماشوفتكش
خالد: خلاص مش هوحشك تاني انا جي احدد مع عمي الفرح وهابقى جنبك طول العمر
منار بفرحة ولهفة: طيب بسرعه ادخل
دخل خالد بعد التحية والسلام
ياعمي انا جي أحدد الفرح يوم الخميس حضرتك موافق
والد منار : ربنا يتمم بخير يابني
والدة منار : لوووووووووووووولي
_________________________
فارس: خلاص هشششششش انا آسف مااقصدش ازعلك بعد اذنك هروح اشوف الولاد وانتي اكتبي الحاجه الا ناقصه ف البيت وانا اخرج هجيبها وسابها وراح الأوضة عند الولاد
فارس: حبايب عمو عاملين ايه وحضنهم آدم: احنا كويسين ياعمو
رامي: احنا عايزين ناكل
فارس: طيب هروح اقول ل ماما تجهز الأكل على ماتخلصوا الواجب
دخل عند ندي اخد منها ورقة المطبخ وراح السوبر ماركت
______________________________
تليفون فارس رن
فارس: ايوة ياخالد
خالد____________
فارس: طيب ياحبيبي الف مبروك ربنا يتمم بخير
خالد_______________
فارس: طيب بالليل نجهز كل حاجه ونروح نحجز القاعة سلام
__________________
دخل فارس البيت
ندى : شكرا معلش تعبتك معايه
فارس: ولا يهمك شوفي هتجهزي ايه واجهز معاكي ودخل معاها المطبخ
ندى: انت هتعمل ايه خليك وانا هاجهز
فارس: لا ماتقلقيش انا واخد ع كده وانا ف تركيا اكلي وكل حاجه بعملها لنفسي
ندى : هو انت بتشتغل ايه
فارس: في العقارات
فارس: هو انتي خريجة ايه
ندى: تجارة
فارس: زي إبراهيم الله يرحمه يعني
ندى: آآآآه كان زميلي واتعرفنا ع بعض ف الكلية
فارس: كنتوا واخدين بعض عن حب
ندى: آآآآه حتى يوم الحادثه كنت معاه لم توفى واحد كان سكران ودخل فينا بالعربيه ماحستش بنفسي الا وانا ف المستشفى وصوت صريخ في كل حته ويقولوا ابراهيم مات دخلت في غيبوبة اربع شهور والولاد كانوا مع والدي حرفياااا ماكنش ليا فالدنيا الا إبراهيم ووالدي امي اتوفت من وانا صغيرة ماشوفتهاش وأخويا دايما مع مراته ووالدي راجل كبير زي ماانت شوفته وصاحب مرض بقلمي الكاتبة لمياء رفعت
ف إبراهيم عوضني عن كل حاجه ف الدنيا وف غمضت عين راح مني كانت بتكلم والدموع زي البحر نازلة منها
فارس : بوجع قلب عليها وكمان لم افتكر إبراهيم حب يخفف عنها وحب يغير الكلام
فارس: تعرفي ياندى شكلي مش هاكل انا وأولادك دول النهارده وشكلك بطيئة فالاكل وكده ممكن نخسر بعض
ندى : مسحت دموعها وابتسمت خفيف لا والله خلصت اهو
حطوا الأكل وقعدوا هم والولاد
ندى: حست برعشة جات مرة واحدة لفارس لم قعد ____ ندى: هو انا ممكن أسألك سؤال واسفه ع التدخل
فارس: اتفضلي
ندى: هو انت ليه مش بتلبس تقيل ف البرد ده
فارس: بصراحة ببرد بس مش واخد البس تقيل بحس بخنقة
ندى: آآآآه انت من النوع ده تبقى تعبان ومش حابب تلبس تقيل عشان بتتخنق
الباب خبط
فارس فتح الباب
أهلا ياخالد أهلا يامنار اتفضلوا
خالد: انت طبعا مش محتاجه عزومة ياحبيبي بس احنا جايين وخطيبتي جايه عشان مدام ندى لو تقبلي تيجي الفرح بجد هنتشرف بيكي
ندى: اكيد ان شاء الله الف الف مبروك ربنا يتمم بخير
منار : عقبال أولادك وعوضك يارب
خالد: بغمزة لفارس عقبال عوضك ياحبيبي
ندى: بتوتر اتفضلوا طيب اشربوا حاجه
خالد لا شكرا مش هينفع نقعد انا هروح منار البيت وهرجع اخاد فارس ونخرج نشوف الا ورانا للفرح
فارس: طيب وع ايه اخرج معاكم دلوقت نروح منار ونطلع انا وانت
خالد: طيب ياريت يلا
فارس : بعد اذنك
ندى: اتفضل ومسكت دماغها وكانت هتقع فارس سندها
فارس: اقعدي مالك فيكي ايه
ندى: ضغطي واطي وتعبانة شويه
فارس: طيب يلا نروح لدكتور
ندى : لا انا واخده ع كده من بعد الغيبوبة دايما بتجيني شوية تعب ويروحوا لحالهم
(خالد ومنار كانوا مستنين فارس بره)
فارس: طيب انتي كويسه متأكدة
ندى : آآآآه كويسه اتفضل روح انت مع صاحبك
فارس : اوكي سلام
_______
خالد: تعرفي يامنار اول مره اشوف نظرة الحب دي في عينين فارس لبنت فارس اكتر حد اعرفه انا ده ف حياته مالفتتت نظره واحده
منار: مش مراته وبعدين هي تتحب شكلها لطيف خالص
خالد: قرب من منار جامد وقالها ونبي مافي غيرك انت الا لطيف
فارس: في ايه ياجماعه خلوا في شوية دم الفرح المفروض بكره اهدوا شوية
خالد: هههههههه انا لسه هستنى لبكره
فارس:يلا يامنار اوصلك انا وخليه هو عشان ربنا يسترها يابنتي
منار : هههههههه ماشي موافقة
خالد: موافقة في عينك هو انا كيس جوافة هنا بقلمي الكاتبة لمياء رفعت
فارس: هههههههههههههه طيب يلا عشان نلحق نشوف قاعه هتكون فاضيه بكره
________________
حمدون والد ندى: قاعد ع السرير وبيبكي
الله يسامحك يابني مش لو كنت قاعد معايه كان زمان لقمتي من لقمتك ومراتك تغسلي هدمتي كده تسيبني عايش وحدي ربنا يهدي سرك ياندى يارب ويباركلك في جوزك وأولادك انتي الا كنتي نفعاني
_________________
محمود: إلهام مش المفروض تروحي تشوفي عيال ابنك الصغيرين وتطمني ع فارس
الهام: مقدرش اروح وابص ف وش فارس واشوف ف عينيه الحزن بسبب الجوازة دي
محمود: ياولية ابعدي الشيطان واستعيذي بالله وروحي شوفيهم
إلهام: انا هقوم اجهز العشا واشوف بنتك ماتصلتش عليا ليه النهارده لحسن يكون المنيل جوزها مزعلها ماهو خنقها في عيشتها
محمود : روحي ياالهام
___________________
ندى حست بتعب ونيمت الولاد ودخلت اخدت شاور ولبست بيجامة تنام فيها وجات تنام داخت جامد ومسكت دماغها ماحستش بنفسها ووقعت في الأرض اغمى عليها
فارس: فتح البيت ودخل بعد ماخلص مع خالد يومه: دخل ع الاوضة وغير هدومه ونام
بعد فترة بسيطة قام من النوم آدم عشان يشرب شاف ندى ولدته ف الأرض وبم انه طفل مش فاهم حاجه قرب يصحيها ويقولها قومي ياماما عايز اشرب انتي نايمة ف الأرض ليه
ندى____________
آدم : ببكاء ماما ردي مش راضيه تردي عليا ليه وراح دخل أوضة عمه
تدم: عمو عمو عمو ببكاء
فارس: مالك ياحبيبي بتعيط ليه
ادم: عايز اشرب ياعمو
فارس: حاضر ياحبيبي تعالى فارس شربوا وقالوا متبقاش تعيط تاني الرجالة مش بتعيط بقلمي الكاتبة لمياء رفعت
ادم: ياعمو ماانا كنت عطشان وبصحي ماما مش راضية تقوم ونايمة ف الأرض ومش بترد عليا
فارس: بقلق وخوف نايمة ف الأرض ومش بترد مشي ع اوضة نوم ندى بسرعه
ودخل لقيها مرمية في الأرض وشعرها كله كان ع وشها
فارس:
لو عجبتك القصة لاف وعشرين كومنت ومتابعه ليا
هنزل البارت الرابع حسب التفاعل
بقلمي الكاتبة لمياء رفعت
#زوجوني_مرات_أخي🖤🏄♀️
بقلم لمياء رفعت
💫💫💫💫
البارت الرابع
🌸🌸
فارس: جري عليها وشالها بين ايديه ورفعها ع السرير...وشال رامي وآدم ودخلهم في الاوضة بتاعته يناموا عشان مايقلقش الأطفال ع ولدتهم الكاتبة لمياء رفعت
فارس:مالك ياندى فوقي وجاب برفان ولسه هيفتح البرفان اخد باله من البيجامة الا هي لابساها وشعرها كله الا كان ع وشها شال شعرها كله ورجعوا لورا وفهم انها لو فاقت وهي بلبس ده هتضايق انه جنبها خصوصًا انها محجبة..مشي إتجاه الدولاب عشان يجيب ليها حاجه تلبسها ورجع ف كلامه وقال بلاش ادخل في خصوصيتها وافتح الدولاب بتاعها راح قالع التيشيرت من عليه ولبسهولها وقرب منها وبدأ يفوق فيها لحد مابدأت تفوق ولكن برضو من التعب كانت مش حاسه بنفسها وبدأ جسمها كله يرتعش من البرد ومابقتش حاسه بنفسها ولا بفارس انه جنبها...اخدها فارس في حضنه جامد وغطاها وبقى يشيل شعرها الناعم من ع وشها ويقول في نفسه انا مش عارف انتي عملتي فيا ايه وليه اتعلقت اوي كده بيكي انا بفرح بطريقة غير عادية وانا جنبك مش عاوز فعلا ابعد عنك بقيت بحس ببعدك ع مابخرج حتى بره مش عارف الا انا فيه ده من ناحيتك ايه بس وماحسش بنفسه ونام وهي ف حضنه
____________________________
حمدون: يابني انت فين بتصل بيك من بدري مش بترد عليا ليه
ابنه: معلش يابويا التليفون ماكنش جنبي
حمدون: يابني عشان خاطر ربنا انا تعبت وجيت في السن ده ومابقتش قادر خلاص تعالى انت ومراتك وعيالك اقعدوا معايه
ابنه: يابويا محدش فاضي ابعت لا اختي ندى تيجي تقعد معاك
حمدون: بعياط منك لله بقى ندى الا لسه متجوزة وفي مسافة بينا ومعاها اتنين عيال بتوديهم كل يوم الحضانه هي الا هتجيلي بنتي الا ف رقبة راجل وراجل غريب هي الا هتجيني وانت ابني مش راضي تجيني
ابنه قفل السكه
حمدون: منك لله حسبي الله ونعم الوكيل
______________________
منار:مالك ياخالد رايح جي ليه كده ماتقعد شوية
خالد: عمال يابنتي بتصل ع فارس من الصبح مش بيرد عليا مع انه متعود يقوم بدري وغير كده النهارده الفرح المفروض يبقى معايه ف يوم زي ده
منار: تلاقيه بس نايم تعالى طيب وصلني الكوافير الكاتبة لمياء رفعت
خالد: ماشي
__________________________
اخت فارس احلام: منك لله منك لله في واحد يعمل في مراته كده وبعياط جامد مفيش غير الضرب فيا كل شويه انا زهقت منك ومابقتش طايقه اقعد معاك
بسام جوزها: والله مش عاجبك الباب يفوت جمل وانا كده كده حطيت هدومك ف الشنطه ويلا برة وقفل الباب
______________________
في بيت علي اخو فارس الكبير: الباب بيخبط
هدى فتحت الباب: مين احلام مين الا عامل فيكي كده اكيد جوزك وببرود ادخلي جوا بنفطر
علي: بخوف ولهفه على أخته مالك يااحلام مين الا عامل فيكي كده
احلام: انهارت ومقدرتش تكلم
هدى: هيكون مين اكيد جوزها
احلام: معلش ياعلي انا بس مردتش ادخل ع ابويا وامي كده وانا متبهدلة ومضروبة قولت اهدى شويه واروح عندهم عشان امي تعبانه وهتزعل لم تشوفني كده
هدى: لا عادي ماهم واخدين ع كده
علي : انتي بتقولي ايه ادخلي جوا واسكتي انتي
احلام : انا همشي ياعلي
علي: تمشي فين انتي في بيت اخوكي واشيلك فوق راسي يااحلام انتي وعيالك
____________________________
ندى:فتحت عينيها وقامت من النوم لقت نفسها في حضن فارس ع السرير وفارس عاري الصدر بدون تيشيرت
ندى: بخضة وصوت عالي انت بتعمل ايه هنا وايه حصل
فارس: فاق من النوم ع صوتها.....اهدي اهدي براحة مفيش حاجه والله حصلت بس كل مافي الموضوع ان آدم كان عايط بالليل ودخل عندي الاوضة عشان يشرب وقالي ماما نايمة فالأرض ومش بترد عليا دخلت لقيتك مغمى عليكي ف الأرض ف طلعتك ع السرير ....
ندى: باصة بعيد عشان فارس كان عاري الصدر وقالتله طيب وانت قالع ليه
فارس: عشان انتي كنتي لبسه بيجامة ومتاكد من جوايا انك لو صحيتي ف الوقت ده وانتي بالوضع ده قدامي ماكنتيش هتسكتي ف مردتش افتح دولابك وقلعت التيشيرت بتاعي ولبستهولك
فارس:اخد باله وحب يقول حاجه ويشوف رد فعلها وكمل كلامه وقال
وجيت اخرج ع فكره من الاوضة لم فوقتك لقيتك مسكتي في ايدي وقولتيلي ماتسبنيش يافارس ارجوك انا تعبانة
ندى: انااااااااااا قولت كده
فارس: آآآآه قولتي وعشان كده فضلت جنبك طول الليل لحد ماالنوم غلبني
ندى: طيب قوم اخرج برة لو سمحت
فارس: هو ده الا ربنا قدرك عليه تقوليه ليا بعد ليلة امبارح وانا سهران جنبك وانتي تعبانة
ندى: آآآآه اخرج
فارس قرب منها جامد وهو برضو جنبها ع السرير ورفع شعره لفوق الا كان ع عينيه لم قام من النوم
ندى: انت هتعمل ايه
فارس: عايز التيشيرت بتاعي ولا عجبك وراح غامز بعينيه
ندى: والله هصوت
فارس: هههههههههههههه اهدي يامجنونة والله بهزر وقام من ع السرير والتفت وراه ع فكره ياندى شعرك جميل اوووووي
ندى بااحرج ولفتت وشها بعيد
_____________
فارس: الاولاد كده راحت عليهم الحضانة الضهر اذن ومسك فونه شاف خالد متصل كتير رن عليه الكاتبة لمياء رفعت
خالد: ايوة يافارس قلقتني عليك فيك ايه
فارس: ابدا ياحبيبي والله بس راحت عليا نومة
خالد: ليه كانت عليك سهرة
فارس:ههههههههه بصراحة ايوة
خالد: طيب قول والله
فارس: والله ماحصل حاجه
خالد: روح الله يكسفك
فارس:هههههههه المهم بتعمل ايه
خالد :تعالى اطلع عشان في ناس معزمتهاش وكمان اهلك نروح نعزمهم ونعزم الشباب عشان نسيت بجد ناس فيهم
فارس: طيب ماشي هتغدا وجيلك
_________________________
علي واحلام راحو بيت أهلهم
الهام: الواطي الا ماكنش ليه لازمة مفيش الا كل شوية يهينك ويضربك قدام عيالك
احلام: بعياط
علي: يابويا خلاص كفايه لحد كده وكفايه بهدلة لا اختي يغور في ستين داهية
محمود: اهدى يابني وحيات امه الا فات كوم والا جي كوم كله كوم تاني اصبر انت بس محدش فيكم يجيب سيرة لفارس عشان انتوا عارفين عصبيته ومش بيسكت بدل مايروح في داهية بسبب كلب زي ده
__________________
ندى: قامت اخدت دش ولبست هدومها ولفت طرحتها ودخلت اوضة فارس عشان تصحي أولادها خبطت ع الباب لكن فارس ماسمعش لأنه كان في الحمام بياخد شاور
اخدت الاولاد وخرجت تجهز الغدا
فارس:خرج مالقيش الأولاد لبس هدومه ونزل شاف ندى جهزت الأكل وقالتله يلا عشان تتغدا ولكن مكسوفة منه
فارس اخد باله وماحبش يضيقها وقالها مش هتغدا بعد اذنك انا خارج عند صاحبي
ندى: طيب اتغدا الأول
فارس: لا بلاش خصوصًا اني شايف في عينيكي انك مش حابه تبصيلي بعد ماقومتي من النوم ولقيتي نفسك في حضني
ندى وشها احمر واتكسفت
فارس: هههههههههههههه خلاص ياندى مش هاكل والله انا خارج
ندى: ندى ؟بقالنا مع بعض ٤ شهور ولكن اول مره اسمعك تنادي ليا بااسمي
فارس: عشان ماحستش بقربك مني غير امبارح وانتي في حضني الليل كله....بعد اذنك وسابها ومشي
____________________
خالد: الووووووو ايوة يامنار
منار__________________
خالد:طيب مش عارف فارس هيوافق ولا لا استني خليكي معايه هو جي اهو
فارس: في ايه
خالد: منار ف الكوافير ومعايه ع الفون بتقولي حابه ندى تبقى معاية
فارس: اكيد معنديش مشكله بس والله ياحبيبي هي تعبانة من امبارح يدوبك فاقت دلوقت والأولاد معاها لكن بإذن الله هتيجي الفرح بالليل
خالد: هاااا سمعتي يامنار
منار:______________
خالد: ماشي ياحبيبتي سلام
مشي فارس هو وخالد بدعوة الفرح وف آخر النهار
خالد: يلا انت بقى يافارس روح اجهز عشان خلاص قدامنا ساعتين ونروح نجيب منار من الكوافير
فارس :ماشي سلام
لو عجبتك القصة متابعه
#زوجوني_مرات_أخي🖤🏄♀️
بقلم لمياء رفعت
البارت الخامس
💫💫💫💫
خالد: ازيك ياعمر ازيك ياعبد الرحمن جاهزين ياشباب للفرح النهاردة انا عوزكم تولعوا الفرح ياشباب
عمر: بصراحه كده ياخالد احنا زعلانين من فارس بعد كلامه معانا قدام بيته
خالد: يامان انت غلطان انا لو مكانه هعمل اكتر من كده دي برضو مراته ومفيش واحد يقبل مراته حد يبصلها او يتكلم عنها
عبد الرحمن: ده على اساس يعني ان صاحبك هي ف دماغه ماكلنا عارفين فارس مابيهتمش لا أمور البنات وغير كده كلنا عارفين انه مغصوب على الجوازة وانه...
خالد: قاطعوا فالكلام وقال خليك ف حالك ياعبد الرحمن دي حياته هو وبعدين خلاص هو استقر دلوقت بمراته محدش ليه فيه ويلا بقى ياشباب اجهزوا عشان الفرح وياريت لم تقابلوا فارس ف الفرح اتعاملوا عادي يلا سلام عشان اروح اجهز
_____________________________
فارس دخل البيت وندى قاعدة تذاكر للأولاد
فارس: السلام عليكم عاملين ايه
ندى: عليكم السلام الحمد لله بخير وهي عينيها بعيد عنه
فارس: طيب اجهزي عشان هنروح الفرح
ندى: طيب والأولاد؟
فارس: هوديهم لا أمي البيت ولا في مانع
ندى: لا مفيش عادي
فارس: طيب تمام اجهزي انتي ع ماروح بالاولاد عند امي سلام
_____________________________
ف بيت محمود رن جرس الباب فارس فتحت الباب أحلام ووشها حرفيا متدمر من ضرب جوزها
فارس: بدون مايسلم عليها مين عمل فيكي كده
احلام________
فارس: انطقي بكلمك
إلهام ادخل يافارس يابني الأول من ع الباب ازيك ياادم ازيك يارامي وحضنتهم
فارس: أحلام انا مش بكلمك
احلام: انهارت بالبكاء
فارس: بسام جوزك الا عمل كده صح ولسه بيلفت ضهره وخارج مسكوا والده محمود
محمود: اهدى يافارس وادخل
فارس: والله ماهسيبه سيبني بعد اذنك يابويا دي مش بتضرب الا البهايم هو اصلا لو راجل ايده ماكنتش تترفع ع ست بس هو اصلا مش راجل
محمود: فارس والله العظيم تلاته ماهتروح ليه وان رحت يافارس لا ازعل منك يابني
فارس: قعد بضيق تعالي يااحلام واخدها ف حضنه بس ماتعيطيش والله حقك ماهسيبه وهعرفه ازاي يمد ايده عليكي
الهام: انت جايب العيال ومش جايب ندى معاك ليه
فارس: النهاردة فرح خالد ورايحين الفرح ف ماحبتش اخدهم ف الدوشة هناك وكمان بيناموا بدري عشان الحضانة بتاعتهم
محمود رفع وشه فيه وفرح من جواه انه هياخد ندى الفرح وكمان عامل ع الأولاد
محمود: طيب قوم يابني الحق روح أقف مع صاحبك هو جاب لينا الدعوة امبارح بس انت عارف مش بنروح افراح واطمن ع الأولاد
فارس : ماشي يابويا السلام عليكم وراح خارج
____________________________
روح البيت ودخل ع الأوضة بتاعته يلبس ولبس تيشرت سادة أسود وبنطلون جينز أسود وجزمه سودة وبليزر ابيض ورفع شعره الطويل لفوق وخرج برة الأوضة
ف اللحظه دي ندى كمان خرجت من اوضتها وهي لابسه قميص ابيض وفوق منه بليزر وجيبه سودة فارس مرفعش عينيه من عليها وهي بصتله نظرة اعجاب بطريقة لبسه وبصت بعيد
فارس: ندى
ندى: نعم
فارس: ادخلي اعدلي الطرحة
ندى: ليه
فارس: عشان قصيرة
ندى: بس انا شايفة انها كويسه وسابته وخرجت بره
فارس بضيق خرج وقفل البيت
ركب العربيه وندى ركبت جنبوا
فارس: ندى
ندى: نعم
فارس: ع فكره امبارح محصلش انك قولتيلي ماتسبنيش ولا حتى مسكتي ايدي
ندى: بستغراب طيب ليه كدبت عليا
فارس: عشان انا الا مقدرتش اسيبك واخرج وفضلت اكون جنبك وانتي تعبانة وراح سايق العربية ومشي
وصل عند خالد واخد خالد ورحوا الكوافير واول ماوصل خالد شال منار وداخ بيها وحضنها ف اللحظة دي فارس بص ل ندى ندى بصت بعيد
فارس: ف نفسه انا حبيتك برغم حاسس انك كمان ف قلبك حاجه ناحيتي وحابه تدريها او ممكن يكون احساسي غلط ومش حابه تكملي
خالد: فارس ههههههههه مالك واقف سرحان يلا انا هركب عربية الزفة وسوق بمراتك
فارس: ماشي
وصلوا القاعة وكانت ع البحر ومنظر جميل اوي
فارس قعد جنب ندى وفجأة الدي جي قال فين فارس فين صاحب العريس ياشباب قام فارس وراح وقف والدي جي قال طيب تعالى يافارس مع الشباب ورقصوا مع خالد وندى كانت بتتفرج عليه وقد ايه هو جنتل ف نفسه
لكن مرة واحدة افتكرت إبراهيم وحست بوجع ف قلبها وشوية وجه فارس قعد جنبها وفي بنت جات عليهم وسايبة شعرها تبقى بنت خال خالد اسمها ايلين
إيلين: معقول فارس انت نزلت من تركيا امتى وراحت حضنته قام فارس سلم عليها
ندى: حست بغيرة جامد وخنقة
فارس: مراتي
و دي ياندى تبقى إيلين بنت خال خالد الاتنين اهلا وسهلا
إيلين:فارس ممكن كلمة بعد اذنك
فارس:اتفضلي ومشوا سوا
ندى اضايقت جدااااا
إيلين: انت اتجوزت امتى
فارس: اهو من أربع شهور
إيلين: صحيح كل حاجه نصيب
فارس: فاهم قصدها طيب بعد اذنك ياايلين عشان متعودتش اسيب ندى وحدها وقصد انه يقولها كده عشان تشيل اي حاجه من ناحيته فارس جه يمشي
ايلين: فارس انا بردانة جداااااا
فارس: بص شاف ندى باصه عليهم ف اتعمد يقلع البليزر ويلبسوا ل إيلين وقالها بعد اذنك
فارس قعد جنب ندى
ندى: مالسه بدري كنت قعدت معاها شوية كمان وبعدين ايه قلة التقدير دي وازاي يامحترم انت تقلع لبسك وتلبسوا لبنت عادي كده
فارس: بفرحة من جواه لم حس انها بتغير عليه بس ماحبش يبين
فارس :تعالي نبارك لخالد ومنار
ندى قامت معاه وتضايقت من التجاهل الا هو اتعامل بيه معاها
ندى : حضنت منار ...الف مبروووك ياحببتي
منار : عقبال أولادك وعوضك يارب
الف مبروك ياخالد ربنا يتمم بخير
خالد: الله يبارك فيكي عقبال أولادك يارب
فارس: مبروك ياخالد وقرب منه بصوت واطي وقاله.... يارب ترفع راسنا ياخالد النهاردة
خالد: ليه انا زيك
فارس هههههههههه بضحكة رجولية لفتت نظر ندى وقال لخالد بصوت واطي انت بتعايرني
خالد وفارس ضحكوا الاتنين
منار: ماتضحكونا معاكم
خالد : لا ابدا ياحببتي ده أنا بدعي لصاحبي ربنا يكرمه بالزرية الصالحة
منار: ان شاء الله وبصت ل ندى وقالتلها ربنا يكرمكم يارب ندى مشت وراحت ع الطربيزه وسابتهم
منار: هي مالها زعلانة كده يافارس
فارس : لا ابدا بس هي تعبانة شويه انا رايح ليها
ندى:انا عايزه امشي
فارس: اوكي الفرح خلاص مفيش قدامه عشر دقايق وهنمشي
وفعلا بعد عشر دقايق مشوا
ف عربية فارس...ندي: انت شايف اني ابقى قاعدة وتروح تمشي مع بنت كويس الا انت عملته
فارس_________مردش
ندى: انا مش بكلمك طيب انا اسفه اني كلمتك
فارس________مردش وكان متعمد
______________________________
ف شقة خالد شال منار ودوخها وحضنها....منار بجد والله مش مصدق نفسي اخيرا بقيتي مراتي
منار: انا اسعد واحدة فالدنيا دي ياخالد اني اتجوزت الراجل الا طول عمري بحلم بيه وبحبوا
خالد : ده مين
منار: هههههههههههههه
خالد: والله بحبك
________________________________
وقف فارس بعربيته قدام بيت اهله ونزل من العربية لوحده وشال رامي وآدم الاتنين ونزل بيهم فالعربية نيمهم لحد ماوصل البيت وشالهم نيمهم ف اوضة النوم وخرج بدون اي كلمه مع ندى وندى حرفياااا بقت مخنوقة منه من طريقته دخل يغير هدومه دخلت الاوضة بتاعته واتكلمت بعصبية وقالتله.....انت بتعاملني كده ليه هو انا خدامه عندك هنا ماترد عليا انا بكلم فيك ولا سرحان ف كلام البنت الا وقفت معاك ف الفرح ف مش حابب تسمع مني كلمة ..اكيد لازم متردش عليا لم قلعت البليزر بتاعك عشان البنت ماتبردش هستنى منك ايه ..ولم لقت فارس مش بيرد برضو إلتفتت وجات تخرج من الأوضة
فارس ساب البس بتاعه ع السرير بعد ماكان هيغير وشدها من ايدها وقرب منها جامد وقفل باب
#زوجوني_مرات_أخي 🖤🏄♀️
البارت السادس...شكرا ع التفاعل واعجابكم بالرواية بجد🥰🥰🥰 تفاعل اعلى عشان السابع....
💫💫💫💫
ندى: انت قفلت الباب ليه
فارس: حط ايده ع وسطها وايده التانيه سند بيها ع الباب
ندى: بعصبية زقتوا بعيد عنها وقالتله....روح خليك احسن مع الا حضنتك وحضنتها ف الفرح وخبطتتو ع صدره باايديها الاتنين
فارس: بس انا ماحضنتهاش ياندى انا ايدي كانت جنبي بقلمي الكاتبة لمياء رفعت
ندى : كنت قادر تبعدها عنك لم حضنتك
فارس: بخبث وغمزلها....طيب انتي ايه مزعلك... بتغيري عليا مثلا
ندى: بخجل وكسوف..انا انا وانا ايه الا هيخليني أغير عليك انا بقصد شكلي قدام الناس ازاي ابقى محسوبه عليك اني مراتك وتحضن بنت عادي كده رد عليا ازاي حضنتها
فارس: قرب منها جامد وقالها حضنتها كده. وراح اخدها ف حضنه حاولت تبعد عنه لكن مقدرتش لأنه كان متملك منها جامد
ندى : بضعف بعد اذنك يافارس ابعد وزقتوا جامد بعيد عنها وفتحت الأوضة وخرجت
________________________________
إلهام: يامحمود قوم شوف أحلام بنتك لا راضية تاكل ولا تشرب ومفيش الا العياط
محمود: سبيها لوحديها دلوقت شوية الله يكون ف عونها ومنه لله جوزها
المهم ياالهام دلوقت فارس المفروض خلاص مفيش قدامه غير ٢٠ يوم والاجازة بتاعته تخلص ويرجع لتركيا وانا كنت ..
إلهام: قاطعتوا بالكلام كنت ايه اوعا تقول عايز توقف حال الولد انا قولتلك اهو
محمود: أوقف حاله ايه ياولية يامجنونة انتي انا بس كنت عايز يفتحلوا مشروع هنا ويقعد جنب مراته والعيال ومايسافرش
إلهام: فارس واخد من زمان ع السفر وحياته كلها فالسفر ولو عملت المستحيل مش هيقعد انا اكتر واحده عارفه ابني
احلام دخلت عندهم: بابا انا زهقت وعايزه اشتغل وياريت اطلق من بسام ابوس ع ايدك يابابا انا تعبت خلاص وجبت اخري
محمود: يابنتي احنا هنا قاعدين ف أرياف ومحدش بيسيب حد ف حاله والا بتطلق مش بيسبوها ف حالها ان خرجت ياللي خرجت انا دخلت ياللي دخلت وعيون الناس مابترحمش
إلهام: يغور في داهية وبنتك متربية احسن تربية ده إنسان قذر ومالهوش لازمه
أحلام: مفيش غير دموعها نازله
_______________________________
فارس في الأوضة بتاعته ومش عارف ينام من التفكير في ندى ويقول ف نفسه...انا مابقتش عارف انتي عايزه ايه ياندى بجد انا تعبت اوي ...وناااام
في الصباح ندى لبست الأولاد ومشوا الحضانة وجهزت الفطار وقعدت تستنى فارس لم يقوم من النوم
فارس قام من النوم واتصل على خالد
فارس: الوووو ايوة ياخالد عامل ايه انا آسف عارف مش وقته اني اكلمك بس محتاج اتكلم معاك
خالد: ايه ال بتقولوا ده انت تتصل في اي وقت مالك يافارس
فارس: مش عارف أقولك ايه بجد بس حسيت اني محتاج اتكلم معاك
خالد: في حاجه حصلت معاك انت وندى
فارس:حكاله ع الا حصل حتى ف الفرح
خالد:يبقى بتحبك يافارس
فارس: مفتكرش ياخالد انا كل مابقرب منها بتبعد وعينيها دايما فيها حزن انا وصلت بيا اني ف ساعات ياخالد استغفر الله العظيم بضايق من إبراهيم اخويا ع حبها ليه دي في سراع نفسي كأنها مش عارفة تفضل ع ذكرى إبراهيم ولا تكمل حياتها معايه
خالد : اعترفلها بحبك يمكن ده يخليها تقرب منك وقرب منها انت.. دي مراتك يافارس
فارس : ماشي سلام دلوقت ياخالد
________________________________
فارس : اخد شاور ولبس هدومه وخرج يفطر مع ندى
ندى: يلا عشان نفطر
فارس: مسك ايدها...محتاج اتكلم معاكي ياندى بعد اذنك
ندى: شالت ايدها من ايد فارس وقالتله اتفضل بقلمي الكاتبة لمياء رفعت
فارس: بصي ياندى هتكلم معاكي ع طول انا ياندى حابب أكمل حياتي معاكي انتي والأولاد ومش شايف نفسي مع ست غيرك انا فعلا بحبك وأتمنى من قلبي تكوني انتي كمان بتحبيني
ندى: بااحراج وكمان كأن إبراهيم الا قدامها او انها كده بتخونه مرة واحدة وقالت ل فارس...يافارس بعد اذنك انت مجرد اخو جوزي يعني اخو إبراهيم وزي ماانت اتغصبت ع الجوازة دي انا كمان زيك ف بعد اذنك ماتحلمش اكون حاجه تانيه ليك
فارس : بصدمة ومردش عليها وخرج
ندى: انهارت من البكاء بقلمي الكاتبة الكاتبة لمياء رفعت
________________________________
منار: اممممممممم بقى اسيبك وادخل المطبخ اجهز الفطار أجاي اشوفك ملخوم ف الفون
خالد____________
منار: خالد رحت فين بكلمك
خالد: هاااا
منار: ده انت مش معايه خالص ياحبيبي فيك ايه مالك
خالد: فارس بيحب ندى اوي يامنار
منار: ايه الاستغراب ده مش مراته لازم يحبها وبعدين انت تاني مرة تقولها هو ف ايه بالظبط
خالد: الموضوع مش زي ماانتي عارفه هحكيلك ياستي ع الجوازة بتاعتهم جات ازاي وكمان عايشين ازاي
خالد_________________________
منار: ايه ده كله معقول جوازة بالشكل ده بس ع فكرة ياخالد ندى بتحب فارس هي كمان بقلمي الكاتبة لمياء رفعت
خالد: وعرفتي ازاي
منار: امبارح واحنا ف الفرح وهي بتبارك لينا عينيها كلها كانت بتبص ع فارس ف كل حته كأنه نصها الثاني
خالد :ونبي ياقلبي انت الا نصي التاني
منار: هههههههههههههه طيب ابعد ويلا عشان نفطر
خالد: ايه المعاملة دي لازم من الصبح اوديكي عند ابوكي
منار: ماتقدرش اصلا مش هاهون
خالد : حضنها وقالها ربنا يخليكي ليا ياحببتي
_________________________________
فارس كان سايق العربية وحرفياا كان مخنوق ومضايق ومصدوم من كلام ندى وقال ف نفسه خلاص انا هقدم الاجازة بتاعتي وامشي بكرة بدل عشرين يوم مابقتش قادر استحمل ياندى
فارس نزل من عربيته ودخل البيت يلم هدومه ف الشنطة والورق بتاعه ولم كل حاجه تخصوا عشان يسافر ع تركيااا.....
______________________________
ندى ف الاوضة بتاعتها وحرفياا كانت منهارة من العياط لم افتكرت كلامها وطريقتها مع فارس وهي من جواها حاسه انها بتحبه وبرضو مش قادرة تنسى جوزها ابو أولادها و فجاءة اعااااااااا....
______________________________
أحلام: قولت ايه يابابا انا عايزه اشتغل ارجوك وافق لو ليا خاطر عندك وياريت تكلم بسام وتخليه ينهي موضوعنا
محمود : يابنتي مش عوزك تاخدي قرار الا لم تفكري..
احلام:.......
يتبع....
ولاف وعشرين كومنت وانزل السابع حالا.
علق ب 20 كومنت ولاف تفاعل شديد عشان البارت الجديد .
بقلم: لمياء رفعت.
تفاعل شديد عشان السابع 6000 كومنت.
تكملة الروايه من هنا هنا
تعليقات
إرسال تعليق