 |
البارت الثامن💥 بقلم ✍️ سلطان زماني
اشتريت خط جديد وبعتلها علي الواتس بتعها قولتلها ليه
مش بتردي عليا انا عايز افهم انتي بتعملي فيا كده ليه .
معقول كنتي بتضحكي عليا وتمثلي عليا علشان ترضيها
لو سمحتي يامي ردي أنا اقسم بالله هتجنن لقتها بتتطلبني
علي رقمي رديت بسرعة قالتلي ياحسن انت فاهم غلط أنا
متفقتش مع حد ومين دي اصلا الي اتفق معها هويدا دي
بنسبالي حشره قولتلها امال هي عرفت ازاي الي بيني وبينك
وليه خلفتي الاتفاق الي بنا ورحتي عرفتيها
قالتلي انت صعبان عليا والله قولتلها أنا كمان صعبان عليا
نفسي اوي يامي ومش عارف بجد في أي ومكنتش متوقع
منك انك تكوني انتي كمان بتلعبي بيا
مي ..ياحسن افهم أنا كنت عايزه اوصل لحاجه وخلاص
وصلتلها وانا سبت علاء خلاص وبابا عرف الموضوع وراح
رماله حاجته وهزقه
_ أنا كمان هويدا قالتلي طلقني وسبتلي البيت واخدت دهبها
كله وهدومها
مي ..هو انت ماسك فيها ليه نصيحه اخويا ليك يا حسن طلقها
_ اخويا اي اخويا دي يا مي راح فين كلامك الي كنت بتقولهولي
مي.. بص ياحسن أنا مكنتش هرد عليك تاني اصلا
بس لو وقتك يسمح أنا ممكن اقابلك بس علشان خاطري
متحاولش تتصل ولا تكلمني تاني اتفقنا
_ ماشي يامي اتفقنا
رحت قبلتها وسلمت عليها ومسكت ايديها زاي كل مره
شالت أيدها بسرعه وقعدت ع التربيزة
مي ..عامل أي يا ابو علي
_ الحمد لله ممكن بقا تفهميني في أي
مي ..بص ياسيدي أنا مكنتش حكيلك ولا كنت أحب انك
تعرف مني وانا كان عندي هدف من مقابلتي ليك قبل كده
وكلامي معاك ونفذته خلاص ورضيت غروري وكبريائي
والعبة خلصت
_ لعبة اي وهدف أي يا مي
مي ..الاول انت لسه بتحب هويدا او ممكن ترجعلها بصراحه؟
_ حسيت اني لو قولتلها اه بحبها أو هرجعها انها مش
هتحكيلي ..قولتلها لا أنا كرهتها وكرهت أيامها لو اخر وحده
في الدنيا استحالة ارجعها
مي ..طب توعدني انك متزعلش مني ولا تضايق من الي
هقوله وتكتفي انك عرفت وخلاص
_ ما تقولي بقا يامي أنا مش عارف اتلم ع روحي في أي
مي ..بص ياسيدي أنا لما علاء جيه اتقدملي كنت اعرفه من
بعيد عارفه أنه بتاع بنات وأنه بيشرب بس قولت يمكن يتغير
بعد الخطوبه والجواز أنا حبيته وقربت منه وبقينا نخرج بس
في حاجه مش فهمها حسه مش ليا لوحدي في وحده
مقسماني فيه كنت عارفه أنه بيحب هويدا زمان وهي كمان
بتحبه وأبوها رفضه اكتر من مره بس مجاش في بالي أنهم
لسه بيحبو بعض لحد دلوقتي حتي نظرتها ليا الي اكيد انت
كمان لاحظتها واخت بالك كنت فكره أنها غيره عاديه اني حد
كان حبيبها وبقا لغيرها وكنت بستغرب موقفك معها بصراحه
وبقول في نفسي اي الراجل الي ع نياته ده ده لو طفل أكن
شك وغار واخد موقف المهم فضلت ساكته ساكته لحد أمره
جيه عندنا وخليت امي تنده عليه ينقلها الدولاب واخدت
موبيله ودخلت المسانجر والواتس لقيت كلام وسخ وسافل
بينهم ومحادثات وحاجات قزرة زيه بعدت كام فويس وعملت
اسكرين لكلام بنهم نقلتهم ع موبيلي وندهت عليه وبابا
واخواتي عرفه وهو زعل اني مسكت موبيله وبابا قالي انسي
الموضوع ومتخربيش ع حد والي ستره ربنا احنا منفضحوش
حولت كتير اقولك بس خوفت بابا يعرف اني فضحت هويدا
ويزعل مني هو واخواتي وامي مكنتش هقولك ..قربت منك
علشان اوجعها واستغفلها زاي ما استغفلتني واوريها اني
الموضوع سهل اهو انتي مخترعتيش الذرة وفعلا انهارت لما
سمعتها صوتك وأنت بتقولي بحبك وياريتك كنت عرفتني
من زمان وانك اتعلقت بيا وهزقتها بعدها ومسحت بكرمتها
الأرض وقفلت رجعت اتصلت بيا تترجاني اني محكلكش
حاجه قولتلها اني هسكت علشان أنا بنت اصول بس إنما
انتي وحده وسخه خاينه متستهليش الراجل الي معاكي
وقفلت معاك ..علشان كده كنت عملالك بلوك ومش عايزه ارد
عليك ياحسن
_ أنا جسمي كله مش حاسس بيه ومش قادر ابص ليها عمال
اشرب في سجاير زاي المجنون مش مستوعب ولا مصدق
لقتها قامت وجت قربت مني وقالتلي
مي ..حسن انت والله انسان محترم جدا وعارفه انك
متستهلش كده وانا وانت ضحية وصدقني هويدا مش
بتحبك وحتي أهلها كلهم عارفين كده وباباها كمان الي كانو
مخبين عليه عرف وطحنها ضرب
_ ممكن اشوف المحادثات والتسجيلات دي يامي
مي ..بلاش بالله عليك علشان خاطري ياحسن بلاش
يتبع 💥 عايز رايكم بدون ملصقات
رايكم بدون ملصقات. بدون ملصقات ورأيكم بس
بس رايكم وملصقات بدون 😂😂 ياريت نفهم بقا 😂
يتبع
تعليقات
إرسال تعليق