 |
البارت الثامن والتاسع 💥
سقطت في بئر الرزيلة
مدونة #موسوعة_القصص_والروايات
طلعت وحبيت الكيس ودخلت جري علي الاوضة قفلت
ومسكت الموبيل تحفه جامد اوي مش مصدقة اني الموبيل
حقيقي بدلت الشريحة وجربته لقيته بيتصل بيا فضلت
اكنسل وانزل الفيس والمسانجر والواتس واجري الكاميرا
وفرحانه اووووي وبقول لنفسي يابت لسه الدنيا بخير شوفي
لما خرجتي من الجروب الزبالة والناس دي حصلك اي انتي
بنت حلال يابت ياشهد وتستاهلي كل خير رديت عليه عايزه
اخلص من زنه علشان اكمل تقليب في الموبيل واشوف هنزل
بكره اجيب اي بالفلوس دي وايه الي نفسي فيه
_ متشكره جدا يا كمال علي الهدية بجد جميلة اوي
كمال ..لا ياحبيبتي متقوليش كده ده اقل واجب المهم تكون عجبتك
_ عجبتني ده اي ده ..ده تحفه ربنا يخليك ليا يارب
كمال ..ده ميجيش نقطه من البحر الي نفسي اقدمهولك
ياشهد أنا صورتك مش بتفارق موبيلي كل شوية اشوفها لما
خلاص هتجنن
_ مش لدرجادي ياكمال عيونك بس الحلوين
كمال ..لا لدرجادي واكتر كمان ربنا يحميكي لشبابك ياحبيبتي واعيشلك وافرحلك
_ ليه مفكرتش في الجواز بعد مراتك الله يرحمها
كمال ..ملقتش الي احس معها بالامان ومش عايز اعيش في
روتين سخيف وحياة تقليدية ممله احب التغير والحرية عايز
ارتبط بوحده متفتحة ع العالم الاخر مش متقيدة بالعادات والتقليد وكده
_ ..أنا مش فاهمه معظم كلامه وفضلت اقوله صح وفعلا ومعاك حق لحد ما سألني
كمال ..انتي مثلا كنتي مرتاحة مع جوزك الاولاني ياشهد
_ بصراحة لا واتغصبت عليه اصلا عمري ما حبيته ولا في
صفة واحد من صفات فتا احلامي
كمال ..اي مواصفات فتا احلامك ياشهد
_ بص يحبني بجد ويكون حنين وسند ورومانسي ..أنا بحب
الرومانسية موت ويعوضني عن كل العذاب الي شفته في حياتي
كمال ..اي اكتر حاجه كنتي مش بتحبيها في جوزك
_ لما تكون بتكره حد مش بتلاقي اصلا حاجه وحده فيه ب
تحبها
كمال ..لدرجادي كنتي بتكرهيه
_ اصعب حاجه في الدنيا الغصب .
.وابويا واخويا يكونو عايشين ومليش ضهر ولا سند بالعكس
هما الي كانو بيرجعوني ليه لما اغضب هتصدق لما اقولك اني
والله مافرحت يوم ولا ضحكت وانا معه ولا عمره خرجني
ولا قالي كلمة حلوه
كمال ..أنا مبسوط انك بتتكلمي معايا وبتفتحيلي قلبك حابب
اسمعك كملي كملي بس من غير عياط علشان دموعك غالية اوي عليا ياشهد
_ربنا يخليك ليا يارب وميحرمنيش منك
كمال ..ويخليكي ليا ياحبيبتي ...كنتي مبسوطة طيب في العلاقة بينكم وبين بعض
_ امممم ولا مره كنت بكون مبسوطة
كمال ..مكنش ليكي علاقات بعد الطلاق ياشهد
_ كدبته عليه وقولتله لا خوفت يقول اني وحده شمال
ورخيصه لو اتكلمت معه بصراحة فضلنا نحكي اكتر لحد ما
اطمنت ليه وبعتله صوري بالموبيل الجديد وعجبته اوي
واتعلق بيا اكتر ويوميا كان يكلمني حتي وهو مشغول في
شغله لحد ما طلب يقابلني قبلت ورحت قبلته
قعدة معه مكسوفة ومش عارفه انطق بحرف لحد ما طمني
وهديت شوية وبدأت اتكلم وابص عليه لبسه شيك جدا
وذوق كده في كلامه وطريقة تعامله معايا لابس خاتم دهب
وساعة دهب وعربيته كانت مركونه برا الكافيه والسواق فيها
قالي أنا رايح كارفور اشتري شوية حاجات تيجي معايا
وهخلي السواق يوصلك ..خوفت وقلقت قالي حبيبي لو لسه
قلقانه ومش واثقة فيا برحتك أنا مش هغصبك علي حاجه
وهصبر عليكي لحد ما تثقي فيا وتكوين مطمنه ..اتكسفت
وقولتله أنا وثقة طبعا فيك رحنا المكان ..اول مره اخش
المكان ده واشوف شكل الناس دي وقف عند مستحضرات
التجميل والبريفوم وقالي اختاري برحتك وميهمكيش
الفلوس كل الي محتاجه خديه ..سكت وقولت اه وبعد ما
اخدها هروح بيها ازاي ؛
قولتله لا متشكره ياكمال مش عايزة ..شكلك لسه مكسوفه
مني انا مش عايز اجبلك ع ذوقي يلا بقا ياحبيبتي علشان خاطري
من الغيظ والفرسة الي انا فيه واني مش هينفع اروح
بالحاجة دي قولتله خلاص هاخد البريفوم ده طلعنا الدور
التاني قالي تأكلي طلبلي اكل من كنتاكي وسبني اكل وراح
قعد شرب اسبرسو في الكافيه ولما خلصت اكل رحتله وقعدنا
نحكي شوية ولقيته اخد شنطتي أنا خوفت ليسوا الموبيل
القديم أو يفتح الموبيل ويشوف المحادثات وشي اتخطف
واتخضيت لقيته حط حاجه فيها من غير ما يشوف اي الي
جواها ووصلني قبل البيت بشوية ونزل ودعني وسلم عليا
وقالي أنا سبتلك حاجه بسيطة في الشنطة ولو احتاجتي اي
حاجه ممتكسفيش وانا تحت امرك ياحبيبتي
فضلت وقفة لحد ما مشي بالعربية وبعد كتير اوي فتحت
الشنطة لقيت فلوس بعدهم لقتهم 1500 جنيه
مش مصدقة نفسي واول حاجه جت في بالي اني اخد شقة
وابعد عنهم ..طب هتشتغلي ازاي وهتفرشي شقتك ازاي ياختي اي هتنامي ع الأرض
ماهو اكيد مش هيسبني . طب هو عايز اي وبيعمل معايا كده
ليه ..طلعت وقعدت أعد الفلوس وفرحانه بيهم اوي
ندهن عليا مرات اخويا علشان اتغدا قولتلها لا مش عايزة
قالتلي طب تعالي اغسلي ياختي المواعين أنا الحمل تعبني
ودخله انام قولتله ماشي كلمني يطمن اني وصلت وقالي أنه
كان مبسوط اوي بالخروجه وأنه يتمنا أنها تتكرر تاني وأنه
كان ملاحظ عليا اني حزينة وفي حاجه مضيقاني
قولتله لا ابدا بالعكس ده انا مبسوطة جدا
قالي حبيبي مش عايزك تقلقي ولا تخافي من اي حاجه طول
ما أنا جنبك
حصلت مشكلة وكان اخويا بسبب مراته وحب يرضيها
ضربني ومنعني من النزول وكمال افتكر اني مش عايزة أقابله
أو بتهرب منه لحد ما حكتله كل حاجه واني عايزة اسكن
لوحدي وابعد عنه ولما بكيت قالي علشان خاطري متبكيش
شوفي سمسار والشقة الي تعجبك في أي مكان خديها
واكتبي عقدها وهبعتلك السواق بالفلوس الي عايزاها
ومتشليش هم فرشها هو أنا عندي كام شهد
يتبع 💥 توقعاتكم
البارت التاسع 💥 بقلم سلطان زماني
افتكرته بيكدب وبيضحك عليا بس قولت لنفسي يابت انتي
خسرانه اي ماهو قالك هبعتلك السواق بالفلوس شوفي سمسار وكلميه
وفعلا كلمت الراجل وقالي اني في شقة اوضه وصالة في
عين شمس ب 800 وصحبها هياخد شهرين تأمين وهيكتب
عقد بسنة والسمسار هياخد شهر عموله
كلمته قالي شقة اي الي ب800 جنيه دي اكيد زبالة طبعا
قولتله أنا قولت مش عايزه اتقل عليك وبعدين مساحتها
معقوله اوضه وصالة قالي فين دي
قولتله عين شمس قالي لا اخاف عليكي ياحبيبتي تقعدي
هناك لوحدك
سبيني أنا هتصرف وهبعتلك صورها علي المسانجر
قولتله تمام
وبعد يومين لقيته بعتلي صور شقة خرافة تحفة كلها
سيراميك وبانيو وشكلها فخمه اوي قولتله دي هتبقى غالية
قالي مفيش حاجه تغلي علي حبيبتي المهم عجباكي قولتله
اه قالي دي جنبي في التجمع شوفي امتي ابعتلك السواق
يجي يخدك وتكتبي العقد مع صحبها
قولتله النهارده
قالي خلاص ماشي لبست وجيت نازلة مرات اخويا منعتني
وقالتلي لنا يجي اخوكي هقوله قولتله أنا مبخفس من حد هو
أنا رايحه أقابل راجل ده انا رايحه ادور علي شغل
وسبتها ونزلت رحت اتفرجت ع الشقة ومعايا صحبها
والسواق بتاع كمال والراجل قالي أنه مش بياجر غير عائلات
بس الاسطي فهمي جايلي من طرف واحد غالي اوي عليا
فهمت أنه قصده علي السواق
كتب العقد ب 3سنين والايجار٢٣٠٠ جنيه عمارة ب اسانسير
وفي منتهي الجمال اخدت العقد والسواق قالي اوصلك
قولتله شكرا خدت العقد ومبقتش مصدقة نفسي وشايله هم
الفرش والايجار هدفعه ازاي لو الراجل ده مات أو سافر أو بعد عني
رجعت البيت لاقيت مرات اخويا مسخنه اخويا عليا قالي
كنتي بتتسرمحي فين
قولتله بدور ع شغل
قالي هي قالتلك هقول ل هشام وانتي قولتلها داهية تخدك
وتخده وانك مش خايفه من حد
ولسه هقوله دي كدابه
قام رزعني بالقلم وفضل يضرب فيا ويتمنظر ويعمل عليا
راجل قدمها
وانا زقيته وشتمته وقولتله انت مبتعرفش تعمل راجل غير
عليا ياناقص زاد في الضرب وخربشته في وشه ورقابته
جيه امين ابن ام امين اخده وقعد عنده شوية لما يهدأ وانا
قمت هجمه عليها اول حاجه عملتها حطيت ايدي ع بقها
علشان متصوتش ونزلت فيها ضرب وفشيت على السنين كله فيها
الحيران اتلمت والشارع كله كان بيتفرج قالي يا أنا يانتي يا
بنت الوسخه هنا
قولتله امك مش وسخه
الوسخه مراتك الي بتوقع الاخوات في بعض ده بيت ابويا
والاوله أنا أعيش فيه لوحدي ياعره علشان أنا مطلقه
ومليش مكان ومش بشتغل والأصول انك تصرف عليا يادكر
المهم الناس هدتنا ودخلت اوضتي وجهزت هدومي وقولت
الصبح اروح الشقة أن شاء اقعد ع كده ارحم من الهم ده
كلمت كمال شاف صوتي منبوح من الزعيق وببكي قالي اهدي
حبيبتي مالك اي حصل
قولتله أنا نفسي اموت انا تعبت من حياتي دي
قالي اهدي طيب واحكيلي
قولتله اخويا ضربني بسبب اني نزلت ومراته كل شوية
تسخنه عليا
قالي اكيد هو خايف عليكي
حكتله كل معاناتي معه وأنه مش راجل وبيفضل مراته عليا ومش بيعمل راجل
غير عليا
قالي خلاص ياحبيبتي متزعليش نفسك شوفي اي
الي يرضيكي وانا اعملهولك
قولتله أنا هروح الشقة دي وانام أن شاء الله علي الارض ارحم من الي انا فيه
قال وانا ميرضنيش ياحبيبتي انك تنامي ع الأرض الصبح
نروح أنا وانتي اشتريلك الحاجات الي نحتاجها ضروري
"قولت اعمل عبيطة واسالة حاجات زاي أي
علشان اعرف هيجيب اي "
قالي زاي تلاحة غسالة بوتجاز سرير ومرتبه سخان علشان
تعرفي تقعدي فيها
قولتله بجد ياكمال
قالي ياروح قلبي انا تحت امرك انتي تأمري أمر
فعلا الساعة 11 لقيته بيكلمني ورحنا اشترينا سرير ودولاب
صغير وتلاجة وبوتجاز وغسالة اتوماتيك وسخان وفاجني
وجيلي شاشة وريسيفر والغريب أنه كتب الفواتير ب اسمي
ودفع الفلوس قدامي دافع حوالي 40 الف
وصلني الشقة وقولت اكيد هيطلع ويطلب ينام معايا امال هو
بيعملك كل ده ليه قولت في بالي واي يعني يابت ما ضحكة
عليكي ونامو معاكي وشافو جسمك علي وعد بالجواز وطلعو
كلاب الراجل ده محترم ع الاقل وقف جنبك وسعدك
وبيتمنالك الرضا ترضي هتلاقي زايه فين استغربت لما لقيته
مشي وسبني بعد الناس ما طلعوا الحاجه واداني فلوس في
أيدي قالي خليهم معاكي ولما هروح البيت هكلمك ياحبيبتي
يتبع 💥 الي هيتوقع كمال هيعوز اي من شهد وتوقعه هيطلع
صح
هيكسب دفتر بفره هدية وعلبة سجاير LM احمر
انتهزو الفرصة 😂
البارت العاشر من هنا
تعليقات
إرسال تعليق