 |
#إنسان# سافل # بس#محترم
#رانيا #محمود
الحلقه 10_11
مروان صديق احمد..:_...اهلاين اخي الغالي كيفك يا صديقي
أحمد .:_..مروان صديقي العزيز أخبارك ايه وانت فين دلوقتي وحشني كتير من مده طويله متكلمناش
مروان :_انا في السعوديه وجاي مصر كمان يومين و معايا جدي علشان كده بكلمك يا احمد.. جدي جاي مصر علشان هيعمل عمليه قلب في مركز القلب باسوان انا عاوزك ترتب لينا رحله في الأقصر و اسوان لجدي قبل العمليه عاوزين كده ننبسطه ونضيع توتر العمليه وخصوصا ان جدي بيحب مصر وكمان عاشق للتاريخ وأنا متأكد انك هتعملنا احلى واجمل رحله
أحمد :_بس كده انت تأمر ومن عينيا وألف سلامه على جدو
مروان :_..الله يسلمك انا هبعتلك ميعاد وصولنا وياريت تكون حجزتلنا كمان الفندق عاوزين غرفتين انا وجدي ووالدي وعمي والمده تكون مفتوحه لأننا مانعرفش هنقعد قد ايه واكيد طبعا هتكون معانا طول الرحله
أحمد:_ طبعا ما تقلقش لما تيجوا مصر هيكون كل شئ جاهز
((سبحان الله)) قالها احمد بصوت مسموع .:_.انا فعلا كنت محتاج أبعد كنت محتاج تغير كنت محتاج صديق زي مروان يكون معايا. سبحان الله فعلا
بعد 3ايام كان احمد يستقبل مروان و عائلته في مطار الأقصر وجهز لهم الحجز وعملهم plan للرحلات و الأماكن اللي ناوي يفرجهم عليها .كان جد مروان سعيد جدا بأحمد والرحله لان احمد حقيقي شاطر و منظم وكمان أسلوبه جميل
كانت الرحله متنوعه بشكل رائع.. جد مروان راجل صاحب فكر عالي بيحب يتأمل في الطبيعه والناس كان مركز مع احمد كتير وبيساله كتير سواء اسأله في نطاق شغله او حتي اسأله شخصيه ِ.. كان بيسمع لأحمد ويبتسم ليه وفي مره بعد جوله في النيل
(الجد موجها كلامه لأحمد) :_تعرف يا ابني انك تشبهني كتير لما كنت في سنك
أحمد .:_ازاي يا جدو. دا انا ليا الشرف
الجد :_..لا حقيقي يا ابني انت بتعمل شغلك بإتقان وإصرار ومع ذلك بسهوله من غير تعقيدات.تقدر تقول كده انك بتحقق نظريه .السهل الممتنع ..انا لما بدأت العمل كنت زيك كده .. قولي يا احمد هو انت فين أهلك
أحمد بدون مقدمات حس أنه عاوز يتكلم لقي نفسه بيحكي للجد عن كل حاجه وكل التفاصيل بدون ما يخبي أي شئ كان الجد مستمع فيها ولم يحاول أن يعلق على شي بل على العكس ترك لأحمد حريه الحديث واكتفى بابتسامة هادئة وتعبيرات وجهه كانت مريحه جدا ولم يظهر نفوره ولا عدم رضاه عما قاله احمد
وبعد فتره طويله حس بعدها براحه كبيره بعد ما اتكلم مع الجد
وبعد ما خلص احمد كلامه لم تختفي الابتسامه من على وجه الجد بل طبطب برفق على ظهر احمد وقال :_
( كله بيهون وربك مبيقفلش بابه ابدا سيبها على الله )
أحمد ما فهمش ايه قصد الجد وليه ديما مبتسمله
بعد كده احمد اتصل بندي لأنها بجد بيفرق كتير رائها عند احمد حكلها كل اللي حصل وكمان رد. الجد عليه وقالها أنه ما فهمش حاجه لكن ندى قبل ما تجوبه سألته :_..انت كلمت مي؟
أحمد استغرب من سؤالها وقالها .:_لا ليه ?????
ندى :_.أصل. المفروض لو مي. مهمه بالنسبه لك أنها تكون أول حد تفكر تكلمه وتحكيله صح !!!!!!!!!
أحمد و كأنه انتبه فعلا للموضوع ده أما ندى حسيت انها احرجت احمد وحبيت تخرج بره الموضوع
ندى.:_بص يا أحمد انا من رائي انك تنتظر شويه وفعلا سيبها على الله والزمن كفيل أنه يفسرلنا إي شي مبهم
أحمد ما علقش على كلام ندى وأنهى المكالمه ووحس ان تفكيره مشوش وحتي جد مروان لاحظ ده علي أحمد
الجد :_مالك يا بطل مش متعود اشوفك ساكت ومشغول بالشكل ده فين المرح والانطلاق بتاعك
أحمد تقريبا منتبهش لكلام. جد مروان لأن تفكيره كان مشغول وبيفكر في كلام.ندى
الجد :_ايه يا احمد روحت لحد فين
أحمد :_هه انا اسف انا مروحتش في مكان انا معاك اهو
الجد :_😏اللي واخد عقلك مش بتقولوا كده في مصر لما تكون سرحان 😉
أحمد 😂صح تمام... بس انا معاك اهو
الجد :_علي العموم انا مش هضغط عليك لو حابب تتكلم انا موجود
وذهبوا للعشاء والجد طول الوقت مركز مع احمد... أما بطلنا فمش عارف ينسى كلام ندي من تفكيره .من غير وعي منه دايما بيقارن مابين مي وندي
بعد شويه
احمد بيخبط علي غرفه الجد :_السلام عليكم ممكن اعذم نفسى علي فنجان قهوه عربي مع حضرتك
الجد :_، كنت مستنيك اتفضل قهوتك جاهزه
احمد :_😄بصراحه انت عندك حق انا عندي حاجه في قلبى عاوز اتكلم معاك فيها
الجد '-اتفضل انا سمعك
احمد:_انا اتكلمت مع ندي النهارده حكتلها اني قابلت حضرتك واتكلمت معاك وتقريبا حكتلها تفاصيل يومي وكمان.... ؟
الجد' _ثانيه واحده يا احمد هو انت متعود تكلم ندي وتحكي لها تفاصيل يومك
أحمد انتبه لسؤال الجد :_ايوه.. ليه السؤال؟
الجد :_😏لا يابني مافيش حاجه اتفضل كمل
احمد :_المهم قولتلها حاجات كتير وفي وسط الكلام قالتلي
الجد :_معلش يااحمد قبل ما تكمل سؤال تاني
احمد :_اتفضل
الجد :_ليه ندي اللي بتعمل معاها كده... يعني اشمعني ندي تحديدا اللي بتعرفها تفاصيلك. مش انت عندك حد تاني في حياتك. مش متذكر اسمها
أحمد 😒:_مي
الجد :_ايوه تمام هي مي. . فين بقى مي في دايرتك
احمد-:هو ده سؤال ندي ليه النهارده واللي خلاني مش بعمل حاجه غير اني افكر فيه... انا طول اليوم كنت بقارن غصب عني بين كلامي وطريقتي مع ندي و مي... اقولك علي حاجه غريبه لاحظتها انا النهارده اول مره انتبه اني لما بكون مع مي في السرير مش بنتكلم غير عن مي ومشاكلها أحوالها كل حاجه تخصها وبس لكن لما احب اتكلم عن نفسي بدور على ندى ايوه ندى وبس حتى لما مي اتصلت بيا علشان بقالها كتير ماشفتهاش بردوا مقولتلهاش حاجه ولا قولتلها عن الحاله النفسيه السيئة اللي مرت عليا وكان بسأل نفس طب ليه ???
مع أن مي كتاب مفتوح تماما دي ادتني كل حاجه قلبها وجسمها سلمتلي مفاتيحها بدون قيد أو شرط عكس ندى إلى بتعامل معاها زي صاحبي الراجل وفيه شد وجذب ما بينا كتير وحتى ماقدرش اشوف شعرها مش المسه..طب ليه بقى عاوز ايه ديما بسال نفس بس مش لاقى اجابه
الجد :_انت مش لاقي الاجابه ولا عارفها بس مش عاوز تعترف بيها... خالي بالك قبل ماترد فكر كويس مش مهم تجاوبني الأهم انك تكون صريح مع نفسك
احمد ماردش علي كلام الجد لكنه شرب قهوته في صمت واعتذر وداخل اوضته
النهارده اتفتح قدام احمد سيل من الاسئله كل ذكرياته مع ندي ابتدت ترجع تاني وكانها شريط سينما... انتبه لما كان بيكلمها عن علاقاته كانت بتسمع بس متضايقه كانت بتسمع علشانه هو..... كانت بتقبل انها تسمع حاجات وتفاصيل بتزعجها بس علشان دي حاجه كانت بتبسطه... احمد ابتدي بشكل غير واعي انه يشوف حياته بشكل مختلف. وندي بالنسبه له بقى ليها مكانه كمان مختلفه بس لحد دلوقتى مش عارف المكانه دي اسمها ايه
3شهور كامله قضاها الجد في أسوان في مركز القلب وأحمد جاب لعائله مروان بيت أفضل وارخص من الفندق وقضى معاهم أيام كثيره كان بيسبهم فترات قليله لما يكون مضطر علشان الأفواج بس اول ما يخلص بيرجع لهم تاني
قدر الجد يسترد صحته بشكل جيد وانهوا كل اوراقهم وحددوا ميعاد عاودتهم للرياض
الجد .:_أحمد يا ابني انا هسافر وهبعتلك دعوه لزيارتنا و معاها تذكره الطيران
أحمد .:_.شكرا يا جدو مافيش داعي
الجد.:_...لأ يا احمد ده أقل شكر على وقفتك معايا ومع عيلتي(( وحضنه و حس احمد بوجع ان الجد مسافر ))
وبعد مرور 48 ساعه حصل احمد علي الدعوه وتذكره الطيران و ابتدى يجهز نفسه واخد اجازه وكان كله حماس وماكنش عارف سر تحمسه ....ندى كمان كانت مبسوطة لسفر احمد للسعوديه وحسنت ان. جد مروان هيكون ليه دور كبير في حياه احمد للأحسن
أما مي فكانت زعلانه و بتترجاه يفضل لكنه أصر ماكنش زعلان من تصرف مي قد ما كان مبسوط بفرحه ومبركه ندى لسفره
في يوم السفر .......
كلم ندى من المطار لحد ما اتنده على رقم رحلته ......
احمد:_..خلاص يا ندى انا مضطر اقفل
ندى بتلقائية دعتله:_ (استودعتك ربي ) لا إله إلا الله
أحمد:_ ...محمد رسول الله
سافر احمد ولما وصل استقبله مروان واخده على بيت جده وكان أول حد كلمه وطمنه على وصوله (اكيد ندى) ومكلمش مي ولما كان بيكلمها بيقولها النت ضعيف وينهي المكالمه
أحمد كل وقته مع الجد وفي مره الجد طلب من احمد يروح معاه المسجد يصلي احمد ارتبك جدا لأنه مايعرفش يصلي أيوه هو عند 30 سنه بس ماحدش علمه وهو ماحولش
الجد حس بكده
الجد :_ماتخاف دي شي عادي ماتفكر ابدا في اللي فات لا فكر في اللي جاي ابتدي وانشالله ربنا يوفقك ليست الأعمال ببدايتها إنما الأعمال بخواتيمها.. تعالي نتوضي ونبتدي خطوه بخواطوه (و ابتدى يعرفه بشكل مبسط)
الجد :_شوف يا ابني كل أصحاب الرسول اتعلموا الصلاه على كبر وأن فيه ناس كتير لما دخلوا الإسلام بردوا صلوا وهم كبار وذي ما قولتلك أن العبره مش بالبدايه العبره بالخواتيم.. ردد معايا اللهم احسن خواتيمنا واختم بالصالحات أعمالنا
احمد دموعه نزلت منه غصب عنه وحس براحه عجيبه ماحسهاش قبل كده من وقت وفاه جدته
الجد كان بياخد احمد معاه شركته. وأحمد كان مثل الظل ملازم للجد
مروان كان متابع الصداقه الغريبه بين احمد و جده .ماكنش منزعج لأن احمد ابتدي ياخد حيز كبير في حياه جده بس مش فاهم سر الانحذاب ده وقرر مايرهقش نفسه بالأسئلة و يروح لجده ويسأله بشكل مباشر
وفي يوم سأل مروان جدا :_....ليه يا جدي احمد بقى مرافق ليك طول الوقت انا ابتديت اغير منه (وضحك)
الجد .:_أحمد يا مروان هو انا بالظبط وانا في نفس سنه نفس الطيش نفس المجون نفس الطيبه والتخبط
مروان بعدم تصديق -: مين ده حضرتك لا مش ممكن ..انا اعتقدت انك اتولدت كده حكيم من يومك..جدي انت عمري ماشوفتك غلطت. انت قدوتي و مثلي الأعلى
الجد -: طيب ماتتسرعش يا مروان و اقعد واسمع لكن بهدؤ و تركيز.....كنت مدلل بشكل مستفز من صغري...والدي الله يرحمه سفرني أمريكا علشان ادرس
عشت حياه غير حياتي تماما و عملت كل المحرمات اللي تتخليلها واللي لا تتخيلها
و في يوم كنت شارب كتير للأسف وماشي بسيارتي بسرعه كبيره و للأسف اصتدمت في شخص ومن خضتي وقفت مكاني وشيلته وحطيته في السياره وفكرت أخده وارميه في مكان بعيد وخصوصا هو كان فاقد الوعي ومش هيعرفني لكنه فاق وطلب مني اوديه المستشفى وفعلا رحت بيه المستشفى
ولما جه البوليس وسأله .:_شوفت اللي صدمك ((بصلي وأنا الدم هرب مني ))
وقال الشرطي لأ ماشفتش وكانت صدمتي كبيره .:_.ازاي عمل كده وهو عارف ونظرته ليا بتأكد إنه عارف انى السبب
ولما الشرطة انهت التحقيق وقبل ما أسأله جاوبني .:_..انت بني آدم مش شرير لأنك لو اخلاقك سيئه كنت تركتني انزف حتى الموت ملقى على الطريق ولم تمد لي يد المساعده
الشرير الحقيقي ليس من أخطأ ولكن من أصر على الخطأ
وأنت ارتكبت خطأ ولكنك أصريت تصلحه انت رجل جيد
قولته والدموع مش قادر اتحكم فيها :_...انا مش عارف أشكرك ازاي
قالي .:_.لو عاوز تشكرني لا تبخل على أحد بالمساعده ولو بالكلمه أو النصيحه و من يومها يا مروان وأنا اتغيرت نظرتي للحياه ورجعت السعوديه وقابلت عمي وحكيتله على تجربتي بس هو استغرب وقالي :_غريبه انك منبهر باللي عامله معاك هذا الشخص في أمريكا ..يا ابني ديننا الاسلامي فيه كل الأخلاق والمبادئ الإنسانية و التعاملات بين البشر ....يا ابني الأخلاق موجوده في كل الأديان والإسلام جاء ليكمل الأخلاق قال رسول الله صلى الله عليه وسلم(إنما بعثت لاتمم مكارم الأخلاق). ولم يقل لاعرفكم صلاتكم ولا صيامكم إنما قال الأخلاق .
ومن بعدها يا مروان و لمده عام كامل لا أفعل شي في حياتي غير دراسه ديني والذي اكتشفته بعد هذا العام أنه فاتني الكثير لكن الحمد لله اني استطعت ان اعوض ما فات
وأصبح حياتي مكرسه لهدف أساسي وهو تقديم المساعده للغير ولا أضع في اعتباري الدين أو اللغه أو النوع ولكن الاعتبارات الإنسانية فقط
أحمد يا مروان متخبط زي وأنا في سنه محتاج حد يوجهه احمد عنده بذره خير لكن محتاجه لقليل من الشمس و الهواء بمعنى ادق محتاج العنايه والاهتمام
مروان :_..ماشاء الله يا جدي كل ده مريت بيه في حياتك دي اول مره اسمع الكلام ده
الجد ابتسم وقال:_...كل في وقته بيكون أفضل يا مروان .المهم لسه هتغير من احمد
مروان .:_لا ابدا ده المفروض احمد هو اللي يغير مني علشان عندي جد عظيم مثلك
وحضنوا بعض ومروان باس ايد جده وحقيقي هو سعيد بوجود جده في حياته
(((ربنا سبحانه وتعالي مسبب الأسباب ووجود اي شخص في حياتنا مهما كانت أهميته كبيره أو صغيره بيكون ليه حكمه بس بتظهر في وقتها)))))
الحلقه التاسعه
#إنسان# سافل # بس#محترم
ندي صحيت من بدري تجهز فطار حلو لأمينه. كانت واقفه في المطبخ بتسمع الراديو كالعاده الصبح ذي كل يوم
امينه هي كمان صحيت ودورت علي ندي لاقيتها في المطبخ
ندي -: صباح الصباح واللي جاي احلي من اللي راح ..ايه الجمال ده القمر طاله الصبح في مطبخنا المتواضع
امينه ضحكت من طريقه ندي -: ايه ده كله ايه ده كله لا احنا بقينا نقول شعر وكمان شعر حلامنتيشي
ندي بضحك -: حلا ايه
امينه -: منتيشي 🤣ايه مسمعتيشي عنه 😅
ندي -: وغلاوتك ولا شوفته حتي ...المهم مزاج البرنسيسه بتاعتنا عامله ايه النهارده
امينه بابتسامه مصطنعه-: الحمد لله راضيه
ندي -" ايوه كده الرضا لمن يرضي ..مالناش في نفسنا حاجه كلنا عايشين في الدنيا دي باقدار الله ولطفه علينا ..المهم يلا بينا نفطر في الجونينا علشان نروح الشركه مع بعضينا
امينه!: لا يا ندي مش هقدر اروح النهارده معلش مش قادره محتاجه يوم او اتنين كمان و بعدين....
ندي -: لا يا امينه اسمحيلي انتى كده مستسلمه للزعل .و ده ماينفعش انتي مخليه الحزن يسوق دنيتك و يبوظها كمان ..كفايه كده حزن
أمينه-: اوعدك مش هطول بس يوم او اثنين والله مش اكتر...بس يلا بينا بقي الفطار هيبرد وبعدين انا جعانه ..بقولك فين الجونينا دي علشان نفطر فيها
ندي بضحك -: هي في غيرها البلكونه اصل انا مالياها زرع و ليلي مسميها الجنينه بتاعتنا نفسها نعيش في بيت كبير و ليه جنينه ...
أمينه-: يارب يحققلها اللي بتتمناه ...صحيح هي فين ومامتك كمان
ندى-: لا تقلقي يابرنسيسه ماما زمانها صحت الانسه ليلي و بتلبس وهتيجي ورانا و نفطر و بعد كده انزل انا وهي اصلها للمدرسه ...صحيح يا ميمي الشله لو سألت عليكي اقولهم ايه
أمينه-: قوليلهم الحقيقه كده كده لازم يعرفوا .انتوا مش بس اصحابي لا والله انتوا كمان اخواتي ..ما انتي عارفه انا وحيده ولت ليا اخ ولا اخت .ابويا وامي خلفوني و زهقوا بعد كده
ندي -:يخربيت فقرك ضحكتيني....ماشي ياستي هقولهم
في الشركه
ندي وصلت الشركه .وطبعا شله الأنس كالعاده اجتمعوا الصبح
سلمي -: صباح الخير يا بنات ...الله هي ميمي ماجتش بردوا
ندي -: ماجتش و علشان كده محتاجه اتكلم معاكم ..أمينه واقعه للأسف في كرب كبير اوي ..في البريك هحكليكم كل حاجه
في البريك ::
نهي-: احنا لازم نروح لامينه
سلمي -: طبعا احنا نتقابل النهارده بعد الشغل ..نشوف اي كافيه جنب بيتك يا ندي
ندي-: اولا انتوا هتيجوا البيت عمدي علشان سببين
اولا احنا كاستات نقعد براحتنا ومافيش حد يضايقنا في الكافيه .ثانيا والاهم امينه نفسها لمة تتكلم معاكم ممكن تعيط أو تنفعل فامتبقاش محرجه أو مش واخده راحتها فتبقي مضغوطه زياده
نهي-: والله عندك حق ..بس كده مش هنتقل عليكي
ندي -: ليه يعني هتقعدوا فوق دماغي ..ماتخفيش يا نهي عندنا انتريه السيوطي اخر شياكه ..بس سيبك من الكلام ده .المهم دلوقتي انا هتصل بامينه اشوفها الأول عندها استعداد تقابل حد و الأهم من كده عندها قدره للكلام علشان انتوا مشوفتهاش امبارح دي كان منهاره بشكل يوجع القلب دي لو واحده إيمانها ضعيف والله ممكن كانت تنتحر. تخيلوا ان في يوم واحد يتقالها مش ممكن تخلفي وكمان أقبلي جوزك يتجوز عليكي
سلمي -: الله يكون في عونها ..ماشي يا ندي شوف امينه هتعمل ايه واحنا منتظرين الرد
اخر أليوم
نهى وسلمى راحوا لامينه في بيت ندى بعد الشغل كانت أمينه قاعده بتعيط ومنهاره تماما سمعوا القصه كلها وطبعا علامات الغضب كانت وضحه على وشهم
نهى اتنرفزت جدا وفضلت تزعق وتهزق في طارق😤
بس سلمى وندي كانوا أكثر هدوء🙂
نهى :-....انت لازم تطلقي منه ده بني آدم واطي حقير اذاي يقولك كده عيني عينك أنه عاوز يتجوز وبعدين انتوا راجعين من رحله ياخدك كده على مشمك بسرعه ويتصل بالدكتور وقال ايه الدكتور يرد عليه عادي ولا فيه مشكله فرق توقيت بين القاهر وكندا... لا يا ماما فوقي دي حاجه تقلق ملعوب عامله واكيد هو عارف من بدري بس كان عاوزك تسمعي بودانك علشان من الصدمه تضطري توقفي على كل طلباته وسعتها هيقولك أنه كتر خيره انك لسه مراته ومطلقكيش ومش بعيد أنه يجيب اللي هيتجوزها في البيت عندك وتخدميهم كمان ...لا يا امينه فوقي واجمدي واتطلقي بكرمتك .....(كانت نهى بتتكلم بعصبيه وبسرعه وكأن قطر بيجري وراها)
أمينه بصت لندي ولسلمي:_ ...وانتم ساكتين ليه رايكم ايه
سلمى :_ ....شوفي يا أمينه الأول انتي اتاكدتي من نتيجه التحاليل والاشعه دي يعني عرضتيهم على دكاتره هنا
أمينه":- أيوه الفتره اللي فاتت كنت بلف على أكثر من دكتور ماهو ده اللي مخليني منهاره إني اتاكدت.ّّ(😪وتبكي تاني)
سلمى :_.... طب خلاص من غير عياط طلما اتاكدتي يبقى خلاص قدر الله و ما شاء فعل نتقبل الأمر بنفس وراضيه بقدر الله وفكري كده هتقدري تستحملي وجود زوجه ثانيه في حياتك لو تحبي تجربي وتدي لنفسك فرصه من حقك ماحدش هيلومك ولو تحبي ترفضي من الأول بردوا من حقك ما حدش هيلومك بس زي ما انتي هتدوري على حقك يبقى انتي ما تزعليش ان طارق بردوا بيدور على حقه
وفي كل الأحوال ماتسبيش شغلك
أمينه .:_.....ماليش نفس اعمل حاجه اروح شغلى ازاي وانا بالمنظر ده
ندى :_..ّّلا يا أمينه انا موافقه تماما على كلام سلمى
نهى مقاطعه :_....وأنا كمان موافقه( ورفعت ايديها لفوق🙋♀️
ضحكوا على طريقه نهى ..) .
ندى :_....نزلي ايدك يا هبله هو احنا فى مجلس الشعب هنا
ندى كملت:_ ...أيوه يا أمينه شغلك وبس اسمعي كلامنا سواء رجعتي لجوزك أو مرجعتيش . الشغل مالوش دعوة يتحرق طارق على الدنيا بحالها بلاش الاستسلام
طبعا من حقا جدا انك تزعلي وتعيطي بس ماتطوليش كتير لأن الحزن بيجيب حزن والفرح بيجيب فرح استعيذي بالله وقربي من ربنا واعرفي أنه ابتلاء وامتحان من الله وربنا قالي (ادعوني استجب لكم )وقال (إني قريب اجيب دعوه الداع إذا دعان فليستجيبوا لي وليؤمنوا بي)
امينه :_لا اله الا الله وحده. اااه من الوجع اللي جوايا لو تعرفوا انا بموت كل لحظه.. انا بفتكر كل شويه ايام خطوبتي مع طارق اد ايه كانت ايام جميله وطارق كان أعظم راجل في الكون كله كنت بشوفه راجلي وسندي كنت بقوله كل حاجه امي وابويا ميعرفوهاش لحد دلوقتي.. انا مش بس حبيته انا عشقته كل حاجه فيه بالنسبه لي هو دنيتي يومي كله كانت بفكر فيه وبس😢
ندي :_كفايه يا امينه ارحمي نفسك صدقيني كلنا كنا ذيك اي بنت لما بترتبط بشخص مش بتشوف غيره قدامها مافيش حد في الدنيا دي بيملي عنيها ذي حبيبها..... اقولك حاجه بس من غير زعل....
امينه :_قولي ياندي مهما كان اللي هتقوليه مش هيزعلني ذي اللي حصل لي
ندي :_انا مش شايفه ان طارق بيكرهك ده حقه انه يكون اب ممكن الطريقه بتوجع بس يفضل ده بردوا حقه
نهي بتدخل في الحوار ذي القطر من غير فرامل :_حق ايه ابو حق ده جه كسر حقه على قلبه ..بقى يكسر قلب مراته ويوجعها في اكتر حاجه ممكن توجع اي ست انها متقدرش تخلف وتقولوا حقه ده راجل معندوش دم
سلمي :_اقسم بالله انتي اللي ما عندك دم...
نهي :_نعم انتي بتقولي ايه!!
سلمي :_ايوه انتي ماعندكيش ولادم ولا ذوق... ست ايه دي اللي متقدرش تخلف هو اي كلام دبش علي دماغك بتقوليه وخلاص الملافظ سعد يا بقره
نهي لم تكن تنتبه ان كلامها صدم امينه اوي
امينه بوجع وقلب موجوع وعيون متتلئه بالدموع :_سلمي ارجوكي متتخنقوش انا خلاص تعبت من الخناق والصوت العالي نهي معها حق 😔 وبعيد عن كلام ومشاعر نهى بس انا عاوزه اعرف ليه هو دور علي حقه وليه زعل لما انا كمان دورت على حقي
سلمي :_اللي هو ايه يا ميمي؟
امينه بتتكلم بنرفزه :_حقي في اني أرفض اعيش وفي حياه جوزي واحده تانيه أرفض طلبه اني اربي ابنه من واحده غيري انا مش ملاك انا بشر ليه طاقه وقدره تحمل
ندي :_ميمي حبيبتي اقسم لك اني فهماكي وحاسه بكلامك صحيح انا متحرمتش من الخلفه بس اتحرمت من حاجه تانيه كلنا محرومين من نعمه معينه كل واحده فينا عندها حاجه مش عند التانيه مافيش حد عيشته كامله... انا بس كنت بوضحلك وجه نظر طارق علي قد مافهمت منك ومن طبعه ....بصي يا ميمي في الأول والآخر دي حياتك وده قرارك بس لازم تاخدي وقتك لان القرار اللي هتخديه هياثر علي مستقبلك
ساد الصمت فتره من الوقت وكأن كل واحده من الشله كانت بترتب افكارها
وبعد شويه مامت ندى حضرت الغدا واكلوا كلهم وكانوا بيهزروا وامينه اندمجت معاهم وفي سرها حمدت ربنا ان الأصحاب دول موجودين في حياتها.. شله الأنس روحت
استأذنت أمينه أنها تروح بيت أهلها وقبل ما تمشي قعدت مع ندى
أمينه :_....انا بجد يا ندى مش عارفه أشكرك ازاي بعد ربنا على مقابلتك الجميله دى حقيقي كنت محتاجلك جدا كنت حاسه انى لو مبعدتش عن زن طارق وأهلي إني هموت أو اتشل فعلا تعرفى انك اول حد جه على بالي لما حبيت اخرج من بيت أهلي وامشي بعيد عنهم
ندي :_انتي غاليه عاليا اوي يا ميمي كلكم غالين عاليا بس سيبك من ده كله الأهم اهدي وخدي قرارك براحه وصدقيني سيبك من كلام الناس ومن رأي بابا وماما لأنك انتي اللي هتعيشي نتيجه قرارك لوحدك
امينه :_ندي انا مش بحب طارق انا بعشقه هو كل حاجه ليا هو اللي رباني من وانا في ثانوي كان بيحبني تعرفي انه كان بيستناني لما روح من المدرسه ويمشي ورايا ذي البادي جارد
ندي :_يعني افهم من كده ايه! ؟
امينه اخدت نفس طويل :_يعني اللي هيعوزه ربنا هيكون... يلا امشي بقى صدعتك. (وحضنت ندي... وهي كمان حضنتها جامد
امينه : انا بحمد ربنا على وجود صديقه زيك في حياتي انتي وسلمى ونهي
ندى...:_...انتوا كمان احلى حاجه حصلتلي في أم الشركه دي ...وضحكوا هما الاتنين
ندى .....بصي يا أمينه قدر الله و ما شاء فعل لا اعتراض على قضاء ربنا
أمينه اتنهدت تنهيده طويله وقالت:_ ....ونعم بالله
ندى ..:-...ديما قولي ...اللهم إني وكلتك امرئ فأنت خير وكيل اللهم دبرلي امرئ فإني لا أحسن التدبير والحمد لله على كل شيء
حضنوا بعض جامد بدون كلام المره دي وقامت أمينه وشكرت مامت ندى على الضيافه وليلى كمان
ومشيت بس وعدت ندى انها بكره هتروح الشركه وكفايه إجازات لحد كده
أما موضوعها مع طارق هتدي نفسها أسبوع تفكير بعيد عن الانفعالات لأن خلاص اللي حصل حصل وانتهي. لازم. بقي.تفكر بشكل عقلاني شويه بعيد عن العواطف
___________________________________*
ندى راحت الشركه... أمينه فاجات اصحابها وكانوا مبسوطين بوجودها كمان جابتلهم فطار وعزمتهم عليه وكانوا مبسوطين خالص
(نرجع بقى لأحمد وندي)
أحمد بعد رساله ندى كان بيروح الشركه عادي كل يوم بس بدون المهرجان اللي كان بيعمله. وهو داخل الشركه والكل كان مستغربه وابتدوا يطلعوا عليه إشاعات كتير منها أن ربنا هداه أو أن فيه واحده من الشمال اللي يعرفهم جوزها قافشها معاه حاجات كتير بس احمد ماهتمش بكلام الناس كالعاده
أما ندى لما كانت كل ما عنيها تقع عليه كانت بتشوفه قاعد لوحده متجنب الكل بيشرب قهوته في صمت ...فضل الحال كده تقريبا أسبوع لحد ما احمد قرر يتصل بليلي لأنها وحشته جدا وبعدين ندى مامنعتهوش عنها
احمد:_الو لي لي حبيبتي وحشتني
ام ندي :_اذيك يا احمد يا ابني انا جده ليلي
أحمد :_اذيك ياطنط والله وحشاني بقالي كتير ماكلمتش ليلي.. معلش انا اسف..... اذي حضرتك وصحتك عاملها ايه
جده ليلى -:والله تمام اذيك انت يابني
احمد:_ الحمد لله انا كويس ممكن اكلم ليلي ياطنط أصلها وحشتني
جده ليلي:_ ايه ده هو انت متعرفش
احمد:_ اعرف ايه حضرتك؟!
جده ليلي :_"ليلي يا ابني دراعها انكسر وهي محجوزه في المستشفى من يومين اذي ماتعرفش مش انت لسه في الشركه دي حتي ندي مش بتروح الشركه بقالها يومين
أحمد بارتجال لانه ماتوقعش اللي حصل:_.....انا اسف يا طنط أصلي كنت مسافر البحر الأحمر في شغل بقالي أسبوع .طيب قوليلي على اسم المستشفى لو سمحتي
في نفس اليوم باليل جاب احمد عروسه حلوه لليلى ورحلها المستشفي طبعا ليلى كانت هتطير من الفرحة لأنها فعلا بتحب احمد
أما ندى فكانت متفاجاه بس من جواها مبسوطة
ليلى ...:_...ازيك يا uncle احمد انا مبسوطة إني شوفتك
ندى مدت أديها تسلم.:_...ازيك يا احمد
أحمد سلم على ندى :_......انا الحمد لله معلش انا لسه عارف النهارده لما اتصلت بليلي ووالدتك هي اللي ردت عليا وقالت لي
ليلى ..:_...انا زعلانه منك جدا يا uncle كده مش بتتصل عليا زي الأول
أحمد :-.طب ليه انتي ماكلمتنيش (وبص لندي😉 ) مش احنا أصحاب بردوا
ندى ابتسمت ابتسامه خفيفه.☺️:_...معلش عند حق غلطه وسامحها
أحمد ابتسم.ّّّّ..:_...اوك علشان بس حالتك الصحيه (احمد بيكمل كلامه اللي هو في الظاهر لليلى ولكن في الحقيقه كان لندي عتاب أصدقاء وندي كانت متفهمه ده
احمد -: قوليلي بقي ليلي مالها وليه هتعمل عمليه في دراعها مش ده كسر وبتعمل جبينه و تروح ليه بيات في المستشفى
ندي -: لا مش كسر عادي ده كسر في كتفها مش هينفع معاه جبيره للأسف..الحمدلله علي كل شي
احمد ينظر لليلي بحزن -: انشالله تقومي منها بالف سلامه يا قمر انتي super girl مش كده ولا ايه
ليلي و ندي ضحكوا مع احمد و تقريبا نسيوا المستشفى ووتعابها ..أحمد قدر بوجوده الفتره الصغيره دي يكون ليه تأثير إيجابي وخلاه الجو مليان بهجه كالعاده
بعد شويه أستاذن وقالها أنه هيطمن عليها بكره بعد العمليه وهيجلها كمان ..فضلت ليلى فى المستشفي أسبوع وكان احمد بيروح كل يوم بس بالليل علشان مش عاوز حد يشوفه ويتكلم على ندى وده شي بسط ندى جدا أنه بيخاف عليها (لحد دلوقتي بشكل برئ☺,)
ورجعوا تاني يتكلموا مع بعض (احمد ورمضان )زي الأول بالظبط وكان بردوا بيحكلها على مي وتطور العلاقه ما بينهم
"_________________________________________
أمينه بعد الأسبوع اللي اخدته فرصه للتفكير قررت تواجه نفسها وتواجه طارق والعيله
طلبت من طارق يجلها البيت بعد فتره طويله كانت هي رافضه تماما أنها تشوفه أو حتى ترد على تليفوناته وكمان طلبت وجود والدته وأخته وأهلها
أمينه كانت في اليوم ده رائعه الجمال بلبسها ومكياجها الخفيف واشراقه وشها حقيقي وكأن النهارده يوم خطوبتها ...
.دخلت عليهم سلمت على الكل بس مامدتش ايديها لحد
دخلت و الابتسامه الساحره على وشها زادها جمال على جمالها
طارق كان هيتجنن عليها عاوز ياخدها في حضنه ويروح بيها قمر قاعده قدامه مجنناه على الآخر ودي شي كانت متعمداه أمينه
أمينه :_...طبعا يا جماعه حضرتكم عاوزين سبب أنكم متجمعين هنا النهارده ....هقولك * بصوا انا بقالي فتره طويله بفكر في موضوعي انا وطارق الخلفه والجواز وطبعا انا معاك يا طارق تماما أن من حقا يكون عندك أولاد من صلبك ودي شي الشرع محلله وأنا مش معترضه ابدا انت فعلا. يا طارق لازم تشوف زوجه ثانيه وتخلف ويارب يسعدوك ويكونوا ذريه صالحه
طارق اتبسط جدا هو ومامته وكان هينفجر من السعاده لأن البدايه مبهجه وامينه بتتكلم بهدوؤ والسعاده باينه على وشها بوضوح ((بس ساعات كدا تأتي الرياح بما لا تشتهي السفن)
أمينه كملت:_....وزي ما من حقك تدور على اللي يسعدك انا كمان أدور على اللي يسعدني
واختفت الابتسامه من على وشها وظهرت معالم الجديه
أمينه :_...انا عاوزه اتطلق يا طارق ولو انت رفضت أعتقد فيه طرق ثانيه انت عارفها صحيح ممكن تاخد وقت بس في الآخر بتخلص فيا ريت بلاش تضيع وقت انت راجل لسه هتدور على عروسه ولسه عندك ارتباطات ثانيه فأكيد مش عاوز. تشغل. نفسك بلاش تضيع وقتنا وكفايه لحد كده
طارق. :_ليه كده يا أمينه انتي عارفه انى بحبك
أمينه:_ انا عارفه يا طارق بس الحياه عموما مش بس الحياه الزوجيه بتحتاج حاجات ثانيه مع الحب ارجوك يا طارق انت انسان متحضر ومن عيله محترمه بلاش تخلينا نقف قدام بعض في المحاكم
طارق :_انا بحبك يا امينه وانتى بتحبيني كمان
أمينه :_والله عارفه يا طارق بس زي ماقولتلك الحياه محتاجه حاجات ثانيه مع الحب .الجواز محتاج. حب وحاجات تانية ...انت اهو مااكتفيتش بحبنا كنت محتاج أطفال..... الحب اللي بينا ما كنش مكافيك وأنا مش معترضه علي ده فعلا عندك حق وأنا والله اتمنى تلاقي اللي تملي قلبك دفي وبيتك بالاطفال
الكل بكي بلا استثناء ماعدا أمينه لأن خلاص دموعها خلصت وحست ان ربنا سبحانه وتعالى حط الرضا في قلبها
أمينه .:_بعد اذنكم يا جماعه .(وبصت على طارق)ارجوك يا طارق ننهي الموضوع ده بسرعه
طارق كان باصص للأرض بس هز دماغه بالموافقة وانصرف الجميع
__________#______________#_________
ندى و احمد كان بينهم مناوشات كتير بس في مره حصل بينهم صدام بس المره دي احمد كان وصل لمرحله من الإحباط واليأس عجيب حتى ان الكلام مع ندى اللي كان بيريحه معدش قادر يخرجه من الحاله السيئه اللي كان فيها وفي يوم جاله اتصال من مروان
__"_#########___________""__________________
مروان صديق احمد هو سعودي كان زار مصر اول مره من 3سنين وكان في رحله للاقصر وأسوان تبع شركه احمد وكان في الوقت ده احمد معاه جروب ألماني بيزور المكان
أحمد اتعرف على مروان وحبه جدا
وباسلوب احمد قدر يكتسب صداقه مروان واحترامه وكان هو صديقه الوحيد في مصر
أحمد عرف مروان على اسرار السياحه في مصر وكان بيعمله رحلات شيقه وممتعه بأسعار رخيصه وعرفه على. افضل الأماكن بأقل الأسعار واصبح احمد المرشد السياحي الخاص بمروان واي حد جاي مصر من طرف مروان وطبعا ده بيكون ليه عائد مادي كويس جدا جدا لأحمد
كان اتصال مروان بالنسبه لأحمد نجده كبيره زي الغريق اللي اتعلق بقشه
عاوزين تعرفوا .انتظروني غدا لنا لقاء آخر😉
#إنسان# سافل # بس#محترم
#رانيا #محمود
#إنسان# سافل # بس#محترم
#رانيا #محمود
الحلقه الحاديه عشر (إنسان سافل بس محترم)
بعد مرور شهر على وجود احمد في السعودية قرر الجد ان يدعوا العائلة هذا العام للحج وعلى نفقته الخاصة وعندما علم احمد بذلك أعتذر وقرر العوده الى القاهره بحجه قضاء العيد في مصر ولكن الجد رفض وبشده
الجد :_.أحمد يا بني انا اللي عرفته منك ان ما فيش حد في مصر تقضي معاه العيد خليك معانا وبعدين خلاص انا قررت عاوز تكسر كلام جدك
مروان :_.لا يا جدو ما عاش اللي يزعلك يا كبير 😁اا
أحمد بارتباك.:_ابدا والله يا جدو بس أصلي يعني😥 .??
الجد كان فاهم احمد وقاله .'_ما تشغلش بالك انا هعرفك مناسك الحج خاليك جنبي واعمل اللي هقولك عليه
نزلت الدموع من عين احمد دون أن يشعر وقبل يد جده
و طبعا كالعاده كلم ندى😍😍 والمره دي كلمها فيديو كول
اصلها كانت وحشاه اوي. كمان عان عاوز يشوف رد
فعلها علي كلامه
احمد:_طيب انا عاوز اعرف بتعيطي ليه دلوقتي هو انتي مش مبسوطه علشاني ولا ايه. ؟
ندى:_ لا ابدا يا احمد انا مبسوطه عشانك جدا جدا انا بس..
أحمد . :_بس ايه يا ست البنات 😍
ندي :_سبحان الله ماما دائما بتقول لي أن الناس اللي بتروح الحج والعمره دول بالذات ربنا سبحانه وتعالى هو اللي بيختار مين اللي يروح بيته سبحان الله يا احمد ربنا اختارك احلى حاجه اختيار ربنا يا احمد ما فيش اجمل من اختيار ربنا لينا
احمد:_ عندك حق انا لحد دلوقتي مش مصدق ان اختارني انا. انا احمد اللي فيه كل العبر احمد السافل. القذر احمد اللي ما يعرفش صلاه الظهر كام ركعه احمد اللي عمره لفتره طويله ماصمش شهر رمضان احمد اللي تفكيره في نفسه شهوات وبس انا مش قادر استوعب انا عقلي مش قادر يفكر
ندي :_ بس كفايه يا احمد ..هون علي نفسك.. وكفايه جلد الذات....و من فضلك ماتفكرش سيب الامور تمشي زي ما ربنا قدرنا... و بطل التفكير المستمر في اللي بيحصل ..لانه تدبير من ربنا مالناش يد فيت .. استمتع بس بالفرصه اللي ربنا ادهالك
احمد :_تفتكري يا ندى انا ممكن اتغير
ندي :_لو انت عاوز تتغير ومؤمن بنفسك يبقى ربنا هيسعدك
لازم انت من جواك تكون عاوز ده مافيش حد يقدر يساعد احمد غير أحمد
أحمد :_عندك حق والله يا حجه ندي
ندي :_يارب يسمع منك... ممكن اطلب منك طلب يل حج أحمد ...من فضلك ادعيلي انا وماما وليلي نكون من حجاج البيت الحرام السنه الجايه ان شاء الله
احمد :_انتي تامري انا هدعليكم من قلبى والله.. تصدقى يا ندي لو كنت اعرف بموضوع الحج من بدري اقسم بالله لكنت عملت المستحيل وطلعتكم السنه دي
ندي :كل شي قسمه ونصيب.. لسه مالناش نصيب يا احمد وانشالله ربنا يكتبهلنا السنه الجايه ان شاء الله
احمد:_طيب متعيطيش مش قادر اشوف دموعك
ندي :_دي دموع الفرح
احمد:_ولا دموع فرح ولا دموع بصل حتي ... انا مبحبش اشوفك بتبكي ابدا طول ما انا عايش دموعك الغاليه دي متنزلش
ندي استغربت من كلام احمد. وهو كمان معرفش ليه قال كده
ندي :_ ازاي يا احمد هتمسح دموعي ازاي هتقدر ...انت قد الوعد ده
احمد :_ربنا يقدرني ياندي و اقدر احقق الوعد ده واقدر كمان احقق وعد اكبر من كده بكثير.... يا ندى ادعي لي من قلبك
ندى:_ بدعي لك من قلبي وربنا شاهد وعالم مش بس النهارده انا بدعيلك من زمان
احمد :_من زمان يا ندي بجد يعني من امتي
ندي :_تصدق لو قولتلك مش فاكره.. انا بس كل اللي فاكراه انا بدعيلك من فتره طويله ادعيلك ان ربنا يهديك لي طريق الصح ادعيلك انك تشوف نفسك الطيبه على حقيقتها وان ربنا يبعد عنك الغشاوه و تقدر تفرق بين الصح والغلط و ان ربنا يكرمك بالطريق الصح يعني تحب طريق ربنا
احمد :_معقول يا ندى انت ملاك وانا مش واخذ بالي تعرفي ان انا باخاف عليكي منى باخاف عليكي من الشيطان احمد زيدان
ندى :_اعوذ بالله انت ازاي تصور نفسك بالشيطان ما تقولش كده يا احمد انت زيك زي كثير من الشباب اللي مش شايفين الطريق الصح هي بس شويه غشاوه علي عنيك وهتروح وساعتها هتشوف الدنيا على حقيقتها و هتفهم حكمه ربنا في وجودنا في الدنيا و اكيد لنا في الدنيا دي هدف
إحنا متخلقناش كده من غير سبب
احمد :_ااااه ياندي مهما اقولك علي جويا.. كميه لخبطه رهيبه
ندي :_تبقى كده ابتديت الطريق
أحمد :_طريق ايه مش فاهم
ندي :_طريق البحث عن المعرفه.. ابتدي من عندك من مكه دور وابحث عن الله جواك
احمد :_يااااه علي جمال التعبير اللى قولتيه.. ادور عن الله جوايا
ندي☺️☺️
احمد:_هقفل دلوقتي ونتكلم كمان شويه.. مع اني مش بحب اسيبك
ندي ☺️ولا انا بس معلش نتكلم بكره
احمد :_لا بكره ايه مقدرش استنني كل ده انا هسيبك بس ساعه ونرجع نتكلم تاني 😉
ندي :-😂ماشي ياكبييييير
بعد المكالمه ندى قعدت مع نفسها تفكر كتير اوى وقالت ..-:..سبحانك يا الله تهدي من تشاء
حقيقى يا رب انك على كل شي قدير ...معقول أحمد اللي ما يعرفش اتجاه القبله فين يكون ليه نصيب الحج .يا الللللللللله ......
.((قالتها ندى بدموع ممزوجه بفرحه وظلت تصلي وهي تبكي لله وكانت سعيده ان الله استجاب لها وأصبح احمد شخص آخر جديد .أو هكذا ظنت ))
انتهى موسم الحج وأحمد كان مشغول طول الوقت حتى أنه نسي ندى و اول مره ميكلمهاش لأن في قلبه في هذا الوقت أعظم من البشر أجمعين فهو رب البشر وفي يوم قرر احمد أنه يتصل بمي
احمد -: سلام عليكم اذيك يا مي
مي -: مش معقول أحمد حبيبي ..وحشتني اوي اوي. اخيرا حنيت عليا و كلمتني...انت فين كل ده و اخبارك ايه قولي كل حاجه ..ولا اقولك تعالي نتقابل انت متعرفش وحشتني قد ايه
احمد -: الحمد لله يا انت بخير ..المهم طمنيني عليكي
مي -: ما انا هعملك عليا بس في لما اشوفك في الشقه..ها بقي هنتقابل امتي ..أصلك وحشتني ياابن الايه
احمد -: لا يا مي مش هينفع نتقابل. أصل انا ..
مي مقاطعه ..-: اصل ايه وفصل ايه .بقولك وحشتني ايه هو انا مش وحشاك ..و كمان عندي ليك خبر حلو اوي
احمد -: خير يا مي
مي -: لازم اقولهولك وانا في حضنك
احمد في نفسه ..استغفر الله العظيم ..انا اللي غلطان بكلمها ليه -: لا يا مي قولي دلوقتي معلش
مي -: خلاص يا سيدي بس متتعصبش..انا ياسيدي اتطلقت من بعد ماسفرت بفتره بسيطه ..خلاص يا احمد ماعدتش قادره استحمله تاني في حياتي ..كان لازم اخلص من الكابوس اللي كنت عايشه فيه
احمد -: معقول الكلام ده انتي بتقولي ايه
مي -: ايوه يا احمد معقول طبعا انا كنت مسجونه مع بني آدم ماعندوش اي فكره يعامل مراته اذاي .كان بالنسبه لي وجوده ذي عدمه ..ما انا حكتلك عليه وعلي تصرفاته معايا انتي نسيت ولا ايه
احمد اخد نفس طويل وصمت لثواني
مي -: الو الو أحمد انت معايا
احمد-: ايوه يا مي تمام انا معاكي .طيب بصي يا ستي انا حاليا في السعودية ونازل مصر قريب و كمان ...
.( فتره صمت )
مي -: و كمان ايه يا احمد
احمد-: و كمان استنيني لاني هنزل مصر و اتجوزك
أيوه احمد قرر يتجوز مي ...هي معاه من سنه تقريبا وبعدين عمل معاها كل حاجه فكفايه كده وكمان اللي شافه واتعلمه الفتره اللي فاتت فتحت عنيه على حاجات كتير بقى يشوف حياته اللي فاتت بقرف واشمئزاز كبير
ازاي قبل على نفسه يعيش في المستنقع ده بعد جرب النظافه وحلاوه الروح والأمان بين يد الله.نعم أصبح احمد يعشق الوقوف بين يدا الله ...سبحانه مقلب القلوب سبحانه يغير ولا يتغير
(( نعود للحاضر ))
لما احمد قال لمى عن رغبته في الجواز منها كان رد فعلها غير متوقع بالمره
مي :_أحمد انا مش عارفه اقولك ايه بصراحه..انا لسه خارجه من تجربه وماعتقدش ان عندي استعداد اخوضها تاني ولو في الوقت الحاضر
أحمد استغرب من كلامها بس سكت..-: . طيب نتكلم تاني لما ارجع مصر وياريت تفكري في كلامي يامي ..مع السلامه
وطبعا احمد كلم ندى وحكلها على كل شي في الأول ندى اتصدمت بس قالت له
ندي -: ياريت احمد تصلح الغلط وتتجوزها ولما ترجع ابقى كلمها وشوف يمكن هي فعلا محتاجه وقت لأنها خارجه من تجربه صعبه حتى يا احمد ما ينفعش تتجوزا هي لسه في شهور العده ما تستعجلهاش ....
ندى كانت بتتكلم مع احمد بسرعه كانت عاوزه تنهي الحوار بسرعه وبعد شويه دار حوار مرعب بين قلب ندى وعقلها حوار كانت متأكده أنه هيحصل في يوم من الأيام بس كانت بتأجله لأنها كانت فكره ان قلبها وعقلها تحت سيطرتها لكنها في النهايه اكتشفت أنها هي اللي تحت سيطرتهم
(يا لنا من حمقى لا نريد أن نعترف بمدى ضعفنا نعم الإنسان ضعيف جدا حقا لقد سخر الله له الكون لخدمته لكنه أضعف من أضعف مخلوق ولكننا نكابر بلا جدوى))
نعود لحوار القلب والعقل ومن سينتصر
عقل ندى ....الحمد لله احمد ربنا هداه
القلب 😱 احمد هيتجوز
العقل 😐وماله ماهو لازم يخلص من الطريق القذر اللي كان ماشي فيه
القلب😱احمد هيتجوز
العقل 😐ماكان لازم هيتجوز المهم أن ربنا تاب عليه
القلب 😱احمد هيتجوز
العقل😠😠😠 أيوه كفايه عرفت احمد هيتجوز فيه ايه ياندي مش فهمك
القلب ☺☺ولا انا كمان ياندي فهمك انتي عاوزه ايه
ندى...انا مش عاوزه حاجه ومش عارفة حاجه ولا فهمه حاجه
العقل والقلب ....انتي بتحبي احمد انتي بتحبي احمد
ندى حطت ايديها على رأسها وودنها وكانها مش عاوزه تسمع الجمله دي لأنها فعلا( بتحب أحمد 😓😞)
أحمد حاول يكلم ندى تاني بس هي بتهرب منه بأي حجه وكمان مي بردوا بتهرب منه بس احمد قرر انه يرجع مصر بس قرر انه ينتظر بعد انتهاء شهور العده الخاصه ب مي
علشان مايبقاش عندها حجه
وفعلا نزل احمد وأول حاجه عاملها أنه اتصل ب مي وطلب أنه يقابلها وكان فاكر أنها هتعتذر بس هي اللي أصرت تقابله بسرعه شديده
أحمد ...... اذيك يا مي وحشتيني
مي .....أهلا أحمد كويس انك اتصلت لأني بصراحه كنت ناويه اكلمك بس كنت متردده
أحمد .....ليه يا مي وبعدين مالك كده صوتك جاد زياده على اللزوم وكمان شكلك مرهق وتعبانه مالك يامي .بعدين مش انتي قولتيلي انك اطلقتي ليه لسه لبسه الدبله
مي .....انا رجعت لجوزي
أحمد ....نعم مش فاهم
مي .....انا حامل يا احمد
أحمد ..ايه حامل طب ليه رجعتي لجوزك ما انا موافق نتجوز
مي بجديه .....انا حامل من جوزي
أحمد ...ايه مش انتي كنتي بتقوليلي ان جوزك مش بيلمسك وأنه ممكن يقعد شهور طويله بعيد عنك .انا مش فاهم حاجه
مي ...بعد سفرك يا احمد خلاص فهمت (كانت بتتكلم بنرفزه هرمونات حمل بقى😁)وكملت ...
مي -:.كانت غلطه يا احمد ماقدرتش اقاومه بس معرفش ليه المره دي حصل الحمل ده ازاي معرفش بس ده اللي حصل ربنا عاوز كده
أحمد .-:.وجوزك عرف
مي ...-:طبعا انا حامل في شهرين وانت مسافر من اكتر من 3شهور متخقش يا احمد مش انت
سكتوا شويه وكل واحد بيبص بعيد عن التاني بعد شويه مي اتكلمت
مي -:.تعرف يا احمد انا ظلمت جوزي كتير أيوه هو فيه حاجات كتير مش بحبها بس انا كمان مش ملاك أيوه انا كمان كنت بضايقه كتير كان لازم أكون صبوره أكثر من كده
مش معنى أن جوزي مش كامل أدور على الكمال بره بيتي كلنا يا احمد فينا نواقص كتير بس للأسف ماحدش بيعترف بغلطه كل واحد شايف نفسه الصح .
( اخدت نفس طويل وقالت ) .كانت جدتي زمان بتقول لما اتوزعت الأرزاق ماحدش عجبه رزقه ولما اتوزعت العقول كل واحد عجبه عقله ...أيوه يا احمد انا معجبنيش الرزق اللي ربنا ادهوني وبصيت لرزق غيري ...بس عجبني عقلي وتصرفاتي وشفت إني صح وأن الخيانه والزنا اديتهم اسم غير اسمهم الحقيقي سمتهم متعه وفرحت بالاسم ده وتناسيت المسمى الحقيقي ليهم ..وجيبت العيب واللوم على جوزي بس الحقيقه انا اللي مليانه عيوب
أحمد بصلها وكأنه أول مره يشوفها حس أنه بيبص في مرايه وشايف و سامع نفسه
أحمد -: .عندك حق يا مي تعرفى بعد ما قريت من ربنا واديت فريضة الحج حسيت فعلا بكل اللي قولتيه ..تعرفى ان ربنا سبحانه وتعالى أدى لكل واحد فينا هديه .... انتي بحملك اللي شال الغشاوه من علي عنيكي وانا بالحج اللي بردوا شال الغشاوه من على عيني
الحمد لله اننا للنهايه السعيده اتمنى ليكي التوفيق يا مي وتقومي بالسلامه
مي .....اتمني ربنا يرزقك ببنت الحلال اللي تخليك أب وتحس بمشاعر عمرك ما هتقدر تتخلى عنها إحساس الابوه والامومه شي رائع أكثر مما تتخيل ....اوعدك يااحمد انا مش هنساك .....
أحمد .-:.اوعدك يا مي إني هنساكي
مي بصتله باستغراب....
أحمد ابتسم .-:..أيوه يا مي لازم انساكي وانتى لازم تنسيني لان مجرد التفكير فيكي حرام
.(( صمت قليلا .ثم أكمل ))
تحمد -: لكن اوعدك إني مش هنسي التجربه دي لأنها علمتني كتير اوى
يا تري كده قربنا على النهايه السعيده (احمد وندي) وعش الزوجيه السعيد
اجوبكم انا واقول النفس البشريه وما أدراك النفس البشرية ماذا ستفعل مع أبطال حكايتي ..
هل احمد أم ندى سيكسر قلب الآخر ولماذا ???
توقعاتكم يا احلي fans
تكملة الروايه من هنا
تعليقات
إرسال تعليق