 |
البارت الحادي عشر
حمقاء في المخابرات
#ايزيس
في الطيارة
إياد ...أنا فكرت ولقيت اني أنا كمان محتاج ماما لبدر وبصراحة مش هلاقي حد يتعامل مع بدر بحب زيك كده ..وانا كمان اوعدك اني هابقي اب كويس جدا لطفلك ..
ملك.بتوتر..مش فاهمة قصدك ايه
إياد بص لها بحب ورومانسية...تتجوزيني يا ملك
ملك...بصدمة وتوتر...ايه ؟؟؟!!! وقالت ف نفسها (مصيبة اتصرف ازاي)
إياد ....أنا عارف انها مفاجأة بالنسبة لك بس فكري شوية هتلاقي أن جوازنا فيه مصلحة للبيبي بتاعك
ملك....ابتلعت ريقها...بصراحة أنا لسة بحب سيف ..ممكن تسيبني افكر
إياد ...بصدمة...لسة بتحبيه بعد اللي عمله معاكي
ملك.....اممم ..بس ما تقلقش هحاول أنساه
إياد....ملك انا هاكون صريح معاكي يمكن أنا كمان لسة ما حبيتك بس بجد انا معجب بيكي معجب بطيبتك واخلاقك وحبك لبدر
وبدر كمان اول مرة يتعلق بحد بعد مامته
ملك....ماتقلقش علي بدر أنا معاه مش هاسيبه ..هافضل جمبه
إياد همس لها ف ودنها...طب وبابا بدر كمان عايزك تفضلي جمبه
ملك...بتوتر وخوف همست له هي كمان ...ابعد لحسن معدتي قالبة عليا وحاسة اني هارجع
إياد ...بعد عنها بقرف ....ايه ترجعي
وقام قعد مكانه وهي غمضت عينيها وابتسمت ...
في منتصف الليل
وصلت الطيارة ف دولة عربية
إياد صحا ملك وشال بدر ..ونزلوا قدام برج كبير ملك بمجرد ما نزلت حست بخوف وقلبها اتقبض مرة واحدة..هي مش عارفة ايه اللي ممكن يحصل وسيف ما يعرفش هي فين عشان ينقذها
همست لإياد ...إياد احنا فين دلوقتي
إياد ...احنا في مدينة ****من اجمل مدن العالم هيبقي اجمل اسبوع ليكي هنا هفسحكوا كل يوم ف حتة ...ملك اطمنت شوية وطلعوا شقة في البرج وملك كانت نعسانة جدا نامت هي وبدر في اوضة واياد ف اوضة تانية ...
&&&&&&&&&&
في الصبح
في مصر
عدنان صحي وراح جاب فطار وطلع علي غرفة إليان اللي جمب غرفته ف الفندق
خبط وفتحتله وكانت لسة نايمة
إليان بنوم....صباح الخير آران لما أحضرت الإفطار هنا كنت اود ان نتناوله في الهواء الطلق
عدنان ...اممم اردت فقط أن نحظي ببعض الخصوصية
إليان بفرحة...يبدوا انك بدأت تغرم بي أيها الضابط
عدنان ...اممم اذا كنتي اكبر من ذلك لكنت فعلت ايتها الطفلة ..وبعدين ضحك ووقف عند الشباك
إليان ...الم تتناول الافطار معي
عدنان ...لقد تناولته منذ قليل
فطرت إليان وبعدها حست بدوخة ونامت تاني ..طبعا عدنان كان حاطط لها منوم عشان يعرف يخرج مع حبيبته ..
عدنان...لبس بسرعة وخرج راح عند نور .وهي كانت لابسة ومستنياه كلمها ونزلت وركبوا العربية
نور...عدنان احنا هنروح فين
عدنان ...أحنا يا ستي هنروح عند ماما لأنها نفسها تقضي معاكي يوم وتعيش فيه جو الأسرة معانا كلنا ..ايه رأيك
نور...وانا كمان نفسي دا اكيد هيبقي يوم حلو اوي
عدنان ...همس لها وانا كمان نفسي اعيش معاكي جو الأسرة
نور بصت للأرض بخجل ..طب يلا اطلع بقا
عدنان ضحك...ماشي يا طمطماية
نور...بصدمة ...أنا طمطماية ليه بتقول كده
عدنان ...بصي لوشك ف المراية وانتي تعرفي
نور فهمت وابتسمت وبصت الناحية التانية
عدنان ..اتكلم لبناني ...لك يسلملي حبيبي الخجلان وضحك وطلع بالعربية ..
&&&&&&&&&&&&&
سيف لاحظ أنه فيلا إياد كلها مضلمة ..ومافيش حركة عمل نفسه صحفي وراح يعرف سبب الهدوء دا
وندا قالته أنه سافر بس هي مش عارفة سافر فين
سيف كان هيتجنن وطلع علي حازم
بعد وقت
سيف وصل عند حازم ومش شايف قدامه من الغضب والقلق
سيف ..بعصبية ....حازم باشا ...إياد اخد ملك وسافر .أنا خايف يكون شك فيها
حازم ..ايه سافر ..مش المفروض ملك تبلغك قبلها
سيف .بغضب..مهو دا اللي قلقني لو هي مش ف خطر كانت اكيد قالتلي .أنا مش عارف افكر تفكيري شل اتصرف ازاي
حازم...اهدي يا سيف ملك يمكن ذكائها محدود بس بتعرف تتصرف في الواقف دي كويس لما تحس انها ف خطر بتشغل مخها ..هي ف اقرب وقت اكيد هتبلغنا بس نهدي عشان نعرف نفكر ..
سيف ....بغضب ...اهدي ازاي فهمني ..مراتي وابني مع واحد خاين وعميل وتقولي اهدي ..حط نفسك مكاني
حازم ...ربت علي كت سيف ...انا مقدر موقفك وربنا يستر ..
سيف مسح وشه بأيديه وكان بيتنفس بسرعة ...ويردد ربنا يستر
&&&&&&&&&&&
عند عدنان
نوال (والدة عدنان)...لك يؤبرني هالجمال ما احلاكي يا نور
نور بخجل ...تسلمي يا ماما وباستها
عدنان قرب جمبهم وقال...لك يؤبروني ها الأميرتين ما احلاكن
نور ضحكت علي كلامه اللبناني ..
وبعدين هو كشر وقال ...اشمعني بوستي ماما فين بوستي انا كمان
نوال ضربته ...ضب لسانك عدنان يا قليل الادب
نور ضحكت بصوت عالي
عدنان....قال لمامته ...لو عايزاني أبقي مؤدب قوليلها ما تضحكش تاني ..
&&&&&&&&&&&
عند ملك
فتحت عينيها لقت إياد وبدر بيصحوها
بدر....مامي .يا مامي اثحي بقا
إياد ....ايه الكسل دا كله الساعة تقريبا ١١ اصحي بقا
ملك...فاقت وقامت اعتدلت بسرعة...انت انت ايه اللي دخلك هنا وفين حجابي
إياد ...اوه ..بجد اسف ماخدتش بالي من موضوع الحجاب دا ..سوري يا ملك هستناكي برا بسرعة البسي عشان هنروح الملاهي
ملك ....بضيق ...حاضر
لبست وخرجوا
وصلوا الملاهي وبدأوا يلعبوا ويستمتعوا وفجأة ملك ركبت الساقية العالية جدا واياد ركب جمبها وبدر في النص ..إياد بدأ يقرب لملك ويضايقها بتصرفاته وفجأة هي حاسة بإحساس هي عارفاه كويس قبل كده ...واتعمدت أنها تعمل كده ..قامت مرجعة ف وش إياد و علي هدومه
إياد الصدمة خرسته ماعرفش ينطق ولا كلمة خاصة أنه بيقرف جداااا
&&&&&&&&&&&
في اسرا...ئيل
وتحديدا في الو...ساد
تدخل ست في الخمسينيات وماسكة ورقة جريدة
الست ....اريد مقابلة الرئيس
احد الضباط ...لماذا
الست...هناك أمر مهم للغاية
الضابط ...تعالي معي ..أخدها فتشها كويس جدا وطلعوا علي مكتب الرئيس ودخلت
الرئيس ...ماذا تريدين
الست...اريد مقابلة اران شمون
الرئيس ...أنه في إجازة ...ما سبب الزيارة
الست....مسكت الجريدة ...هل هذا هو آران شمون
الرئيس ...نعم هو
الست ....اسمع سيدي الرئيس أنا والدة اران شمون وابني قتل منذ أربع سنوات في أميركا ......
الرئيس..........يتبع...
&&&&&&&&&&
البارت انتهي اتمني يعجبكم❤
(يا مرارك الطافح يا عدنان 😂)
البارت الثاني عشر
حمقاء في المخابرات
#ايزيس
في اسرا....ئيل
وتحديدا في المو...ساد
تدخل ست في الخمسينيات وماسكة ورقة جريدة
الست ....اريد مقابلة الرئيس
احد الضباط ...لماذا
الست...هناك أمر مهم للغاية
الضابط ...تعالي معي ..أخدها فتشها كويس جدا وطلعوا علي مكتب الرئيس ودخلت
الرئيس ...ماذا تريدين
الست...اريد مقابلة اران شمون
الرئيس ...أنه في إجازة ...ما سبب الزيارة
الست....مسكت الجريدة ...هل هذا هو آران شمون
الرئيس ...نعم هو
الست ....اسمع سيدي الرئيس أنا والدة اران شمون وابني قتل منذ أربع سنوات في أميركا ......
الرئيس...ماذا تقولين ..هل جننتي أيتها المرأة ..أنه الضابط آران شمون ويعمل هنا منذ أربع سنوات
الست....دعني اثبت لك صدق كلامي عندما يعود
الرئيس ...أجل بالطبع سأفعل ..الرئيس قلق جدا وخاصة أنه بنته مع آران وقال لنفسه ..إذا لم يكن آران فمن يكون..
&&&&&&&&&&&&
عند ملك
في العربية
ملك ..أنا آسفة يا إياد ..بس انت عارف اني حامل وكده ووالترجيع دا حاجة بتحصل طبيعي في الحمل
إياد رمي التيشيرت بتاعه وبيتكلم بقرف ...اتس اوكي ..بس اكيد كان ممكن تعملي كده بعيد عني ..
ملك....خلاص بقا قلبك ابيض ..اومال بتقول ازاي انك هتعامل البيبي زي ابنك
إياد...هو البيبي ممكن يعمل كده
ملك...اكيد😏
إياد .ابتسم....خلاص استحمل عشان خاطر البيبي ومامت البيبي
وصلوا الشقة
واياد بلغ ملك أنه فيه حفل تكريم ليه بالليل ولازم تجهز هي وبدر وجابلهم هدوم
&&&&&&&&&&&
ف المخابرات
حازم ...سيف ..احنا عرفنا ملك واياد سافروا فين
سيف ...بلهفة...فين يا فندم
حازم....سافروا دولة******.إياد متعود يسافر هناك كتير وانا كلمت عناصرنا في كذا دولة من اللي إياد بيتردد عليهم واخيرا قدرنا نوصل ليهم ..
سيف...وقف ...خلاص انا مسافر هناك
حازم ....تمام روح ربنا معاك بس خلي بالك ..وقبل ما تسافر لازم تكلم ملك تفهم منها كل حاجة ..أنا هخليها تكلمك بطريقتي
سيف ...تمام يا فندم
&&&&&&&&&&&&
عدنان قضي اليوم كله مع نور فسح وهزار ولعب وجد وحب ومش عارف ايه اللي مستنيه ..هو خطط أنه يوم يخرج مع نور الصبح ويفسح اليان بالليل وتاني يوم العكس يخرج مع إليان الصبح ويسهر عند نور بالليل.. طبعا عشان إليان ما تشكش فيه
&&&&&&
بالليل عند ملك
في الحفلة
ملك اتفاجئت بالحفلة الضخمة دي بس ما كانش فيه لا صحافة ولا تلفزيون .والحفلة فيها ناس من كل أنحاء العالم ..وكان فيها اسرا...ئيلين ملك شافتهم واترعبت إياد كان مشغول مع الناس وبيتكلم وملك حاسة أنها تايهة والحفلة مش زي حفلات التكريم اللي ف مصر ابدا ..اخدت بدر وبدأوا يدوروا علي مكان هادي يقعدوا فيه وأثناء ما بيتمشوا حد شاور ل ملك وهي خافت بس جمدت قلبها وراحت وراه بص يمين وشمال واخدها ع التواليت
ملك...بخوف ...ا انت مين
الشاب مد لها الموبايل من غير ما يتكلم
ملك سمعت صوت بيحسسها بالأمان
ملك....سيف سيف أنا خايفة تعالي خليك جمبي
سيف...ما تقلقيش يا حبيبتي جايلك مش هتأخر عليكي يا ملك ..
ملك....سيف اسمع أنا صورت حاجات كتير وبلاوي كتير عاملها إياد بس قبل ما اسافر نسيت الموبايل بتاعي ع الشاحن ..قبل ما تسافر لازم تروح الفيلا تاخد موبايلي ..
سيف ...تمام هاجيبه
سيف قفل وأثناء خروج ملك من التواليت مع الشاب واحد اسرا ..ئيلي لمحها ..وبعد ما مشي الشاب وملك اخدت بدر وقعدوا ف حتة هادية الشاب الاسرا...ئيلي راح عند ملك وكان بيعرف يتكلم بالعربية الفصحي
الشاب....قومي معاي
ملك...واقفت بثقة ...بتكلمني يا شبح
الشاب....ضحك ...هل تريني شبحا
ملك ...لا يا روح امك اراك قرد
الشاب ...أنني رأيتك تخرجين من المرحاض مع شاب فلما لا تأتي معي
ملك...ابعد ايدك لعملك عوق ..
الشاب ...لغتك غريبة انا لا افهمك
ملك ...لمحت إياد قريب وصوتت....يالهووووي الحقني يا إياااااااد
إياد جري ناحيتها ...ملك في ايه
ملك ....الراجل دا بيرخم عليا
إياد بص للشاب وكأنه يعرفه قبل كده....انت ازاي تضايقها ..دي زوجتي
الشاب ...همس لاياد.ماذا تقول زوجتك ..هل تسخر مني الم تقتل انت زوجتك العام الماضي هنا
إياد ..اتعصب وبص له وبرق عينيه ...انت مجنون
الشاب فهم وانسحب بسرعة ..وملك عملت نفسها ما سمعتش حاجة ..بس كانت مرعوبة بكل معني الكلمة
إياد حط أيده علي كتف ملك ...انتي كويسة
ملك ...امممم كويسة
إياد ....حط أيده علي خسرها وهمس لها ....انتي ازاي جميلة اوي انهاردة كده ما تيجي نرقص ..
ملك....بتوتر وخوف بعدت أيده عنها...لا م م مش هينفع عشان البيبي ل لو رقصت هادوخ أو ارجع
إياد افتكر موقف الملاهي وبعد عنها بسرعة....امم طيب اوك براحتك
&&&&&&&&&&&
سيف اتسلل لفيلا إياد بالليل ودخل اوضة ملك واخد الفون بتاعها وخرج بحذر من غير ما حد يشوفه ..وكلم حازم وعدنان عشان يتقابلو في مكتب حازم .بعد وقت واتجمعوا
كلهم في المكتب وشافوا كل حاجة صورتها ملك
عدنان ...اظن كده بقا يا باشا مش محتاجين أدلة اكتر من دي تثبت تورط إياد الشوال في التعامل مع الكيان الصهيو...ني ضد مصلحة البلد
سيف ....أنا كده اقدر اروح اجيب ملك وارجع مش كده
حازم ...لا يا سيف انت هتروح تراقب ملك عشان تحميها بس الأمور هتمشي طبيعي جدا وملك هترجع مع إياد عادي عشان هو ما يشكش في حاجة لانه لو شك هيهرب تمام ..واحنا هنقبض عليه بمجرد ما يرجع من السفر
سيف....تمام يا فندم ...أنا هامشي بقا عشان اجهز نفسي للسفر الصبح
حازم ...تمام ..وانت يا عدنان امتي هترجع هناك
عدنان ..أنا هارجع اخر الاسبوع دا يا فندم
حازم ...تمام ربنا يوفقك
&&&&
الحفلة انتهت وملك واياد رجعوا الشقة وملك كل ما تفتكر أنه إياد قتل مراته تموت من الرعب ..معني كده أنه معندهوش عزيز ولا غالي
ملك.....بخوف...أنا هاخد بدر وندخل ننام
إياد ....ببرود قرب لملك....ما تيجي ننام كلنا في اوضة واحدة اصل أنا بخاف
ملك...بعدت خطوتين وكانت مرعوبة ...إياد انت سكران صح...ابتلعت ريقها وقالت خلاص خد انت بدر وانا هنام لوحدي ولسة هتمشي إياد مسك أيدها وقفها
إياد...بنفس البرود ...اعتبريني سيف ولا ما انفعش
ملك....من غير ما تشعر ضربته كف محترم
إياد ...اعتصر أيدها اللي ضربته في ايده ...انتي اتجننتي ازاي تمدي ايدك عليا مانتي فعلا كده اومال سيف كان يبقالك ايه عشان تحملي منه ..ماتعمليش شريفة عليا
ملك ....بكت من الخوف....وقالت ربنا يسامحك ..إياد ساب أيدها ودخل أوضته بسرعة لانه اتعود أنه يبقي برستيج وكيوت قدام اي حد وما يظهرش عصبيته ..وملك اخدت بدر ودخلت غرفتها بسرعة وقفلت الباب كويس ..
في الصبح
إياد صحي بدري وجاب ورد ورجع استني ملك وبدر لغاية ما يصحوا ..واول ما خرجت ملك من اوضتها لقت حد مد لها ورد ف وشها
إياد ...أنا اسف يا ملك انا ما كنتش في وعيي امبارح ..اقبلي الورد دا مني كاعتذار ع اللي حصل امبارح ..وكمان أنا خلاص قررت اننا هنتجوز اول ما ننزل مصر فورا
ملك .....عشان تسايره اخدت الورد ..وابتسمت له ....وقالت اوك نتجوز
عدي اسبوع بسرعة وسيف سافر لملك وبقي بيراقب كل تحركات إياد وملك وديما يطمنها انه جمبها واخيرا اياد قرر أنهم هيرجعوا مصر ..وعدنان خلاص بيجهز نفسه عشان يرجع اسرا...ئيل ...
عدنان راح يودع نور
عدنان حضن نور...هتوحشيني يا نوري يمكن أتأخر عليكي المرة دي بس اكيد هيكون غصب عني ولازم تعرفي أنه طول مانا بعيد تفكيري كله فيكي وقلبي بسيبه هنا معاكي
نور بتعيط ...هو أنا لو قلتلك ما تمشيش هتوافق
عدنان ...ياريت ينفع ...خلاص بقا بطلي عياط ما تصعبيش الموضوع عليا
نور.....هستناك بس اوعي تتأخر عليا
عدنان ...ابتسم وباس راسها وما اتكلمش وسابها وهي متمسكة بايده مش عايزة تسبها وبتعيط جامد ....
بعد فترة وصل عدنان واليان اسرا...ئيل وعدنان وصلها لغاية بيتها
إليان ...آران تأكد أنني لن انسي يوما واحدا من هذه الرحلة طيلة حياتي لقد استمتعت كثيرا ..احبك آران ..واتمني لو تبادلني الحب ذاته صدقني أنا كبيرة بما يكفي لتحبني ..ويوما ما ساثبت لك اني كبيرة حقا
عدنان مسك خدها ...إذا اثبتي لي انكي كبيرة وقتها سافكر أن احبك وسابها تدخل البيت وهو مشي علي شقته
في الصبح عدنان لبس وخرج ع الشغل
في المو..ساد
دخل عدنان بكل ثقة مكتبه لقي نفس الست قاعدة ومعاها الرئيس
عدنان ...شالوم
الرئيس ...شالوم آران ...هل تعرفها
عدنان بص للست ...اهلا سيدتي من تكونين
الست....أنا والدة آران شمون ..كيف لا تعرف والدتك آران ...ام انت لست آران شمون
وفجأة السلاح يوجه علي عدنان من الحراس وهو يغمض عينيه ويقول...اشهد ان لا اله الا الله وان محمدا رسول الله .......يتبع
&&&&&&&&&
البارت انتهي اتمني يعجبكم😭
ياتري ايه اللي هيحصل مع عدنان حبيبنا😭😭😭
البارت الثالث عشر
حمقاء في المخابرات
#ايزيس
في المو..ساد
دخل عدنان بكل ثقة مكتبه لقي نفس الست قاعدة ومعاها الرئيس
عدنان ...شالوم
الرئيس ...شالوم آران ...هل تعرفها
عدنان بص للست ...اهلا سيدتي من تكونين
الست....أنا والدة آران شمون ..كيف لا تعرف والدتك آران ...ام انت لست آران شمون
وفجأة السلاح يوجه علي عدنان من الحراس وهو يغمض عينيه ويقول...اشهد ان لا اله الا الله وان محمدا رسول الله ...
الست تابعت كلامها....أنني حقا أنفصلت والد آران وتركت له طفلا وهو اران ولكنني ظللت بامريكا وكنت اراقب ابني دون أن يراني لأن والده قال له أن والدته ماتت ..ولم اعد الي هنا الا بعد ما سمعت بقتل ابني في شقته في امريكا ..فكيف لك أن تقول انك ابني انت كاذب
عدنان وقف ورفع ايديه واخدوا سلاحوا وواحد وجه السلاح علي راسه بس هو واقف زي الأسد مافيش ذرة خوف ف عينيه
الرئيس للضابط...توقف لن يموت بهذه السهولة يجب أن نعرف هويته الحقيقية ومن يكون
قرب الرئيس من عدنان ...واتكلم بصوت يشبه فحيح الافعي....من تكون آران
عدنان ....بابتسامة ...انا الشخص الذي سيرته تدب في قلوبكم الرعب
الرئيس صفع عدنان علي وشه ....قلت لك رد من تكون ايه السا**ل...
عدنان.....بنفس الابتسامة....لن تعرف من أنا ولن تأخذ مني اي معلومة حتي لو عذبتني حتي الموت ف ضربتكم خائبة لأنها تخرج من يدين خائفة انت الان تخشاني علي الرغم من أنني أعزل
الرئيس ضرب عدنان بكل قوته ...بس عدنان لسة شامخ
الرئيس...لن تتحمل اشكال العذاب التي ستتعرض لها احكي من انت ومن ارسلك وماذا فعلت طيلة السنوات الماضية وسنقتلك ف الحال
عدنان ضحك بصوت عالي وقاله ....سأقول لك بيتا من قصيدة عربية مشهورة... وقال بيت الشعر بالعربي
(كما أن الفتي يلاقي المانيا كالحات ولا يلاقي الهوانٓ
وإن لم يكن من الموت بد فمن العجز أن تكون جبانٓ )
الرئيس ...وما معني هذا
آران....معناه إذا كان النهاية الحتمية هي الموت فلما أخضع لكم واكون جبانا
الرئيس ...خذوه وعذبوه ولا تسمحوا له بالموت ..
الضباط نفذوا بسرعة واخدوا عدنان بس فيه حد كان مراقب وسمع كل حاجة.
&&&&&&&&&
عند ملك
إياد ....اجهزي عشان هاروح مشوار بسرعة ونرجع مصر
ملك....اجي معاك
إياد ..اوك تعالي ..ملك اخدت بدر وخرجوا مع إياد بالعربية
بعد فترة وقف إياد العربية ونزلوا عند مقابر
دخلوا ووقفوا عند لافتة مكتوب عليا هنا ترقد السيدة سلمي إياد الشوال ..
اياد ...كان باين عليه أنه متأثر جدا
ملك...إياد هي دي مراتك
إياد....اممم
ملك...هي ماتت ازاي
إياد ...كانت مريضة...وبعدها سرح بتفكيره وافتكر يوم قتل مراته
FLASH BACK
فلاش باك
قبل سنة
سلمي قاعدة بتلعب مع بدر وبيضحكوا
دخل إياد.... حبايب قلبي بيعملوا ايه
بدر ...جري علي إياد ...سوبر مان جي هيييه
سلمي ..وقفت و بصت لإياد بغضب ...إياد أنا عايزاك جوه شوية
إياد قرب منها حاوط خسرها ...ايه وحشتك
سلمي فكت أيديه وهو استغرب من تصرفها ودخلوا الأوضة
سلمي....إياد انت ايه علاقتك بالاسرا...ئيلين
إياد...سلمي انتي بتقولي ايه
سلمي....أنا كنت صاحية امبارح وسمعت كل حاجة
إياد ....سلمي أنا....بصي ماتفهميش غلط أنا مش بكره بلدي بس دا بيزنيس يا سلمي مش اكتر افهمي يا حبيبتي
سلمي....بغضب وصوت عالي ...بيزنيس انت بتبيع بلدك وتقول بيزنيس ..فوق يا إياد ..انت مش إياد اللي انا حبيته
اياد...بعصبية اكتر...إياد اللي انتي حبتيه دا ماحدش كان معبره ولا بيسأل فيه بس شوفي دلوقتي احنا عايشين ازاي في عز عمرنا ماكنا نحلم بيه
سلمي....علي حساب مصر
إياد ...مصر عمرها ما هتتأثر بواحد زيي علي فكرة
سلمي ..انت اتجننت خالص ..بتعمل افلام زبالة وانا ساكتة وبقول يمكن بكرة يرفض الافلام الهابطة دي بس توصل لخيانة البلد لو ما رجعتش ع اللي بتعمله أنا هافضحك يا إياد مش هسمحلك انك تبقي كده وابني يبقي ابن الخاين...وجريت عشان تخرج .قالت أناهاخد ابني ومسافرة بس ماترجعش الا وانت إياد القديم وإلا أنا سجلتك امبارح وهابلغ عنك ..وفجأة إياد اتجنن ولمح المسدس ع الطربيزة ومسكه وأطلق رصاصة علي سلمي جات ف قلبها وماتت
إياد فاق لنفسه وجري حضنها....سلمييي سلمي ما كانش قصدي فوقي سلمي
سلمي...بتلفظ أنفاسها الأخيرة ...بد..ر بدر ..
BACK
باك
إياد فاق من شروده علي صوت ملك
ملك...أنا بكلمك من بدري انت سرحان في ايه
إياد بيمسح وشه عشان دموعه ما تبانش ..مش سرحان يلا نمشي
&&&&&&&
عند عدنان
بصوت بيهز اركان المكان كله بيصرخ من الالم من شدة الكهربا اللي بيتعرض لها
الضابط...تكلم...من تكون
عدنان بصوت متقطع وبيرتعش من الكهربا...ا ا أن ا ا ا الب طل ع عد ن ان..الضابط شاور لزميله التاني عشان يشغل جهاز الكهربا
عدنان ...اااااااااااااا ه ه ه ه
&&&&&&&&&&&
في طيارة إياد
ملك ماسكة موبايل ادهولها سيف وبتكتب مسجات
إياد...انحني لمستواها وهي قاعدة ...بتعملي ايه
ملك ..بتوتر ...ها لا ولا حاجة بالعب ع الموبايل
إياد....تعرفي اننا اول ما نوصل مصر هنكتب كتابنا ونتجوز
ملك....اه عارفة طبعا
إياد من غير مقدمات قرب لملك وباسها وهي انصدمت ورفعت أيدها عشان تضربه بس هو مسك أيدها ..فقامت عضته ف شفايفه
إياد بألم...اه نتي مجنونة
ملك....حاطة أيدها علي بقها ومش قادرة تستوعب أنه حد ممكن يعمل كده معاها غير سيف وفجأة دموعها نزلت وفضلت ساكتة طول الطريق
أما سيف فاخد طيارة قبلهم ووصل مصر
بعد فترة
إياد نازل من الطيارة وحازم وسيف ومعاهم قوة مستنينه عشان يقبضوا عليه..هو نازل طبيعي لانه ما يعرفهمش
ملك بكل غباء كلمت إياد قبل ما ينزل و هو علي سلم الطيارة ...البس يا معلم اهو جالك قضاك يا خاين يا كلب اليهو...د
إياد بص بصدمة للكل وفجأة ولسة هيمسك ملك يتحامي فيها ويركب الطيارة تاني لانها كانت وراه ع السلم بس هي اتصرفت بسرعة وزقته برجلها فوقع ع الأرض وقبل ما يتعدل ملك وطت عليه وصربته كف وقالت ....دا عشان خيانتك للبلد...وضربته كف تاني وقالت ..ودا عشان اتجرأت عليا واخدت حاجة مش من حقك ..
وبعدها جريت علي سيف حضنته
إياد قام اعتدل وعامل نفسه مستسلم وبدر نازل خايف من اللي بيحصل وفجأة إياد يخرج مسدس من خصره يوجهه علي ملك
إياد....انتي تعملي فيا كده انتي تضحكي عليا ..أنا نهايتي تبقي علي يد واحدة غبية زيك .. أنا قتلت مراتي وهاقتلك ..ولسة هيضرب ملك وسيف بيحميها بس المفاجأة اللي ماكانش متوقعها أنه بدر يجري علي ملك يحضنها من خوفه..وقال بابي ماتقتلش ملك زي ما قتلت مامي .. إياد ارتبك واتلخبط لسة هيقول لبدر ابعد بس الكلام هرب من الصدمة شاور لبدر بالمسدس اللي كان متعمر وفجأة تخرج رصاصة من المسدس بدون قصد وتيجي في بدر
ملك صرخت....بدررررررررر وحضنته وانهارت واياد بقا عامل زي التايه رمي المسدس وجري علي بدر
بدر آخر كلمة قالها ...ا ا ا أنت مش سوبر مان ..ومات
🎶اللي يفرط في تراب بلده دا لا سوبر ولا مان
واللي يبات وحاجاته وملكه في ايد غيره دا تعبان..من يوم ما أول مصري اتولد واحنا سمونا ولاد بلد يعني شهامة وصبر وجلد..رجالة دي مفيهاش قولان...بلدنا ليها حق علينا عشنا ف خيرها.. قول للي باعتك هوينا والعب غيرها...العب غيرها😉🎶
حالة من الهيستريا مسيطرة علي إياد ومسكوه بالعافية ودخلوه عربية الشرطة بس جاله حالة انهيار عصبي حاد فبدل ما يحققوا معاه نقلوه المستشفي يتعالج من الصدمة..وملك حاضنة بدر وبتعيط ومش راضية تسيبه ..وفجأة سمعت حازم بيقول ..ملك اتسرعت كان ممكن نقبض عليه من غير شوشرة ..بمجرد ما سمعت الكلمة دي وفقدت الكلام كل تفكيرها أنها هي السبب في موت بدر ...
سيف أخدها بالعافية وشال بدر ونقلته الإسعاف ..
&&&&&&&&&
عند عدنان
عدنان من شدة العذاب فقد وعيه كل انسان عنده طاقة تحمل بعدها مش بيقدر
يقاوم ..أحد الضباط جري عليه ...سيدي تنفسه ضعيف جدا ..تعرض لكمية صدمات كهربية هائلة أنه يفقد حياته الان
الرئيس ....قلت لكم لا تدعوه يموت ايها الاغبياء انقلوه فورا للمستشفي ..وفعلا جات سيارة إسعاف اخدت عدنان للمستشفي ....
&&&&&&&&
سيف كان قلقان علي ملك اللي مش بتتكلم أخدها هي كمان ع المستشفي وحازم راح معاهم ..
الدكتور طمنهم أنها صدمة عصبية بس خفيفة وبعد فترة بسيطة هتقدر تتكلم
سيف....ملك حبيبتي ردي عليا طمنيني عليكي بس ..ملك انتي سامعاني
ملك .......
حازم جاله اتصال خرج اتكلم برا وبعد دقايق دخل والحزن مخيم علي وشه
حازم ...سيف عدنان انكشف وقبضوا عليه وبيعذبوه
سيف ..بصدمة....اييييه
ملك بصت لسيف وبرقت عينيها وصرخت ...عدنااااااااااان ......
&&&&&&&&&&
البارت انتهي اتمني يعجبكم ❤️
#ماموتش عدنينو اهو استاهل تشجيع صح يلا بقا عاااش 😂
البارت الرابع عشر
حمقاء في المخابرات
#ايزيس
حازم جاله اتصال خرج اتكلم برا وبعد دقايق دخل والحزن مخيم علي وشه
حازم ...سيف عدنان انكشف وقبضوا عليه وبيعذبوه
سيف ..بصدمة....اييييه
ملك بصت لسيف وبرقت عينيها وصرخت ...عدنااااااااااان...وقالت بلهفة..سيف انقذ عدنان ..حازم اوعوا تسيبوا عدنان روحوا رجعوه ..ملك كانت ماسكة ف حضن سيف وفضلت تعيط ومنهارة من كل حاجة بتحصل حواليها وهو
حضنها جامد لانه كان محتاج لحضنها في اللحظة دي عشان تخفف المه ووجعه علي صاحبه
سيف ...أنا هاروح اجيب عدنان سواء كان حي هاجيبه أو ميت هجيب جثمانه
حازم...سيف ما تبقاش متهور انت مش هينفع تدخل اسرا..ئيل في الوقت دا ولو هتسافر امريكا ومنها علي هناك هتاخد وقت كبير ..انت هتروح القدس تفضل هناك وانا هاعرف ما اخرج عدنان من اسرا..ئيل ولما يوصل ع القدس تقدر تجيبه وترجع ..هما هيحافظوا عليه لغاية ما ياخدوا اكبر قدر من المعلومات وبعدين هيموتوا لذلك عدنان اكيد لسة عايش انت عارف هو عنيد ازاي وعنده قوة تحمل كبيرة
سيف اتنهد بحزن ....أنا هاوصل ملك ع البيت وهاجهز للسفر..
&&&&&&&&&
وصلت سيارة إسعاف ونقلت عدنان ع المستشفي وفي شخص مراقب كل حاجة كانت بنت راكبة موتوسيكل ومشيت بيها بسرعة ورا عربية الإسعاف
بعد فترة وقفت تراقب الوضع وعرفت عدنان دخل مستشفي ايه ومشيت تاني بالموتوسيكل بتاعها ..وصلت عند مكان وقفت ونزلت ..البنت دي طبعا إليان
راحت عند شقة خبطت فتحلها شاب تقريبا عشرين سنة
الشاب...إليان ما هذه المفاجأة هل اخيرا قررتي أن تعطي لحبي فرصة
اليان....اسمع داني هذا ليس الوقت المناسب اريد منك خدمة حالا
داني....ما هي
اليان............
&&&&&&&&&
سيف اخد ملك ع البيت وطول الطريق يوصيها ويفهمها
سيف ....ملك اوعي تقولي حاجة لنور ولا لماما انتي فاهمة
ملك...بحزن ..طبعا مش هقول هو أنا عبيطة
سيف ...بصي أنا هاخدك ع شقتنا علي طول عشان ما تعيطيش قدامهم ويشكوا تمام
ملك....تمام
اخيرا وصلوا شقتهم وسيف اخد ملك نيمها في سريرها عشان ترتاح واخد متعلقاته وباسبوره وخرج بسرعة
ملك بمجرد خروج سيف عيطت وحست أنها مخنوقة نزلت شقة والدة سيف خبطت
نور فتحت لها
ملك..... بانهيار....نور الاسرا..ئيلين قبضوا علي عدنان وبيعذوووووه .اهيه اهيه اهيه وحضنت نور اللي تقريبا حست بشلل في حركتها من شدة الصدمة مش قادرة لا تنطق ولا تتحرك..
وأمينة حطت أيدها علي قلبها وقالت ...يا حبيبي يا ابني ربنا يحفظك يا عدنان ويرجعك لينا بالسلامة
(منتظرين ايه بقا من ملك المفضوحة😂)
&&&&&&&&
سيف كلم أديرا
سيف....أديرا جاك يتحدث اريدك أن تكلمي الضابط صديقك وتسأليه عن آران ولكن دون أن يشعر انك تريدي أن تعرفي اخبار عن آران فقط اسأليه عن كل أصدقائه حتي لا يشك
أديرا ...هل هناك خطب ما
سيف....لقد كشف أمر آران وهو الآن في قبضتهم ..يجب أن تعرفي اين وضعوه بالضبط
أديرا....أجل سأحاول وابلغك بكل جديد
&&&&&&&&&
في المستشفي
كان فيه حارس قدام اوضة عدنان
اليان ...صرخت ....اااااه معدتي تؤلمني ..انت ايها الحارس ساعدني أنا إليان ابنة الرئيس خذني الي الطبيب ارجوك ..وقامت واقعة بين أيديه ...الحارس خاف من عقاب ابوها واخدها علي الدكتور
في اللحظة دي دخل داني وواحد صاحبه شالوا عدنان اللي كان صاحي بس تايه من شدة الكهربا اللي دخلت جسمه
نزلوا راسه لتحت وخرجوا بسرعة طبعا المستشفي هادية بالليل ركبوه العربية ..وبعدها خرجت اليان بسرعة وركبت عربية داني وصاحبه ركب الموتوسيكل بتاعها ومشيوا
طبعا الحارس اكتشف هروب عدنان بمجرد وصوله للغرفة اللي كان نايم فيها وكلم القيادة وبلغهم
في العربية
داني ...من هذا الرجل اليان ولما تساعديه ..إذا علم والدك فحتما سيقتلك ويقتلني
اليان ...لا تقلق داني لن أخبره شيئا عنك ..أما هذا الشخص أنا لا أعرف من هو ولكنني اعلم جيدا أنه شخص حنون للغاية ولا يستحق العقاب وأشعر بقوة تدفعني لمساعدته
وبعدين بصت لعدنان اللي تايه ...آران الي اين تود الذهاب
عدنان بص لها وبيفتح عينيه ويغمضها بيحاول يفتكر مين دي او هو عايز يروح فين
وبعدين قالها ...ف ف فن فندق ا أديرا ..
اليان هل تعرف هذا الفندق داني
داني بالطبع اعرفه ..وفجأة يظهر قدامهم نقطة تفتيش
داني ....لقد وقعنا اليان ماذا نفعل سننكشف وساتعاقب هل اعود
اليان ........
&&&&&&
أديرا كلمت سيف
أديرا ....جاك آران كان في المستشفي وهرب الآن ولا يعرفون طريقه وبيحثون عنه في جميع الارجاء
سيف بفرحة قال في سره .....طول عمرك بطل يا عدنان وقال لأديرا ...تابعي الأحداث وابلغيني بكل شئ ..وقال لنفسه لازم نلاقي عدنان قبلهم بأي طريقة
&&&&&&&&&&
اليان....لا داني لا تعود بالسيارة سيتبعوننا واصل السير
وبمجرد ما وصلوا اللجنة قامت اليان باست عدنان فضلت مغطية وشه
الضابط ...من تكونوا اليان مدت بطاقتها وهي لسة بتبوس عدنان ..الضابط اول ما قرا الاسم فتح لهم الطريق بسرعة ..اليان بعدت عن عدنان اللي كانت ردود أفعاله بطيئة
اليان ...لقد قلت لك يوما ما سأثبت لك انني لست طفلة
عدنان حط أيده اللي كانت بترتعش علي خدها وطبطب عليه وابتسم لها وسط كل الالم اللي بيشعر بيه
واخيرا وصلوا فندق أديرا
سندوا عدنان ودخلوه من الباب الخلفي وكل دا وداني ما يعرفش مين الشخص دا..طبعا اكيد لو عارف هويته الحقيقة كان رفض يساعد اليان ..
أديرا اخدت عدنان علي شقتها وكلمت سيف طمنته
أديرا ....لقد وصل للتو ولكن حالته صعبة جدا فهو تقريبا لم يتعرف عليّ
سيف.....استمعي اليّ جيدا أديرا يجب عليك أن تحافظي علي آران فهمتي لن أسمح بأي خطأ وانا سآتي بنفسي لأخذه معي...
أديرا ...لا تقلق فأنا بعيدة كل البعد عن الشكوك وانت تعرف السبب ..قفلت مع سيف ونيمت عدنان ع السرير وجابتله مية و شربة لانه كان شكله مأكلش حاجة
&&&&&&&
عند ملك
الدكتورة خارجة من اوضة نور...انا عطتها ابرة مهدئة وهي نايمة دلوقتي ولو صحيت ف أي وقت لازم حد يديها إبرة
ملك ....انا ممرضة هاعرف اديها الحقنة
الدكتورة ...ربنا يشفيها عن اذنك
ملك ...اتفضلي
ملك وأمينة قعدوا جمب نور وبيعيطوا هما الاتنين وبيدعوا لعدنان ربنا ينجيه
أمينة ....ملك خليكي جمبها يا بنتي أنا هاروح اتوضي واصلي لربنا وادعي لعدنان وربنا كبير ...
ملك ...روحي يا ماما وانا كمان هاصلي عشان يرجعوا بالسلامة سيف وعدنان ..
&&&&&&&&&&&
اليان وصلت بيتهم ولسة هتطلع اوضتها وقفها صوت الرئيس
......اليان اين خبئتي آران ..انتي اخر شخص كان في المستشفي
اليان ..........
&&&&&&&&&&&
البارت انتهي اتمني يعجبكم
#عارفين لو مالقيتش تفاعل حلو 😠
مش هاعمل ولا حاجة انا مش باقدر أتأخر عليكو اصلا 😂😂بحبكم❤️
البارت الخامس عشر
حمقاء في المخابرات
#ايزيس
اليان وصلت بيتهم ولسة هتطلع اوضتها وقفها صوت الرئيس
......اليان اين خبئتي آران ..انتي اخر شخص كان في المستشفي
اليان .....ماذا تقول ابي.. هل تتهمني الان أنني قمت بمساعدة آران علي الهروب
الرئيس ....اليان اعلم انك تحبي آران إذا فإنتي من ساعده اعترفي بذلك
اليان....ابي أنني حقا احب آران وكنت ذاهبة لرؤيته ..ولكن فجأة معدتي آلمتني كثيرا وانت تعرف انها دائما تؤلمني وفقدت الوعي بعدها ساعدني الحارس واخذني لغرفة الطبيب ثم فحصني وعندما استيقظت وذهبت لرؤيته لم أجده فكيف لك أن تتهمني ..لقد أخطأت في حقي ابي ولن اسامحك ..وسابته وطلعت أوضتها
(أقروا الكلام المكتوب تحت البارت)
&&&&&&&&&&
عند ملك
ملك وأمينة قاعدين جمب نور وكل واحدة نايمة علي كرسي وفجأة نور صحيت وصرخت ....عدناااااااان ..قاموا مفزوعين هما الاتنين م النوم ..وأمينة حضنتها ونور فضلت تعيط جامد....ماما اكيد عدنان هيرحع صح ...أنا خايفة عليه يا ماما عدنان لو مات أنا مش هقدر اعيش وعيطت كتير
ملك....كمان بتعيط ...نور سيف راح عشان ينقذ عدنان ماتقلقيش إن شاء الله هيرجعوا
نور...عيطت اكتر وصرخت ...كمان ابيه سيف لااااااا أنا عايزة عدنان ..وعايزة اخوياااااا ااااه يا ماما ..ملك قامت بسرعة وجابت الإبرة واعطتها لنور ونور غابت تاني عن الوعي
أمينة....جيب العواقب سليمة يا رب
ملك....بتعيط وبتدعي بصوت واطي...يا رب رجعهم سالمين واحفظ عدنان لنور واحفظ لي سيف يا رب ..
&&&&&&&&
سيف دخل اسرا...ئيل بعد معاناه طبعا بالطريقة اللي ديما يدخل بيها بس المرة دي كانت صعبة لانه فيه تفتيش جامد علي عدنان ...
سيف وصل فندق أديرا بشحنة الخمور
واتصرف عادي كأنه جاك الامريكي صاحب شركة إنتاج الخمور
بعد فترة
أديرا أخدته علي شقتها عشان يشوف عدنان
سيف دخل بلهفة اوضة عدنان وقرب عنده وعدنان كان نايم سيف شاف شكله والكدمات اللي ف وشه وحزن جدا مسك أيده جامد وكأنه بيطمنه ويقوله أنا جمبك وبعدها سيف خرج وهو بيقول في نفسه الحمدلله
خرج لقي أديرا قاعدة
سيف ...هل انتي مستعدة أديرا لتنفيذ الخطة..
أديرا ...اجل مستعدة
سيف غمض عينيه ورجع راسه لورا ع الكنبة من التعب وكان بيتمني أنه الخطة تنجح وتعدي بسلام.. بس اتفاجئ بحد قرب منه وباسه ..سيف فتح عينيه بصدمة وبعد أديرا عنه بطريقة ذوق
سيف...احم ...أديرا لما فعلتي هذا
أديرا...آسفة ولكني شعرت فقط انني احتاج لهذه القبلة منك ..انت متحجر القلب جاك
سيف وقف ...اعتذر منكي ولكن لا تفعلي هذا ثانية كي لا أغضب منكي ..وهي لنقوم بتنفيذ خطتنا
سيف صحي عدنان من النوم
عدنان....س س سيف ..
سيف....ايوا يا بطل يلا هنرجع بلدنا
وحضنه وبعدها قومه وراحوا علي شاحنة الخمور وسيف ركب عدنان وسط صناديق الخمور وبعدها اداله إبرة منومة لانه سيف لسة مش واثق من ردود أفعال عدنان واد ايه هو أتأثر بتعذيبهم ليه ...وركب هو واديرا الشاحنة وانطلقوا بيها كأنهم هيوصلوها مكان تاني في اسرا...ئيل ..طريقهم كانت ساهلة جدا وماحدش شك لانه معظم ضباط المو..ساد بيسهروا في ملهي أديرا الليلي وعارفينها ..بس اصعب نقطة تفتيش قابلتهم هي اللي ف طريقهم للقدس ..
سيف....أديرا هل انتي مستعدة
أديرا.....نعم مستعدة
وقفوا عند نقطة التفتيش الصعبة دي واديرا نزلت وفهمت الضابط أنها هتوصل خمور لجنودهم اللي في القدس وفضلت تتدلع للضابط دا وتكلمه بمياعة ودلع لغاية ما فتح لها الطريق واخيرا الابطال قدروا يخرجوا من المأزق اللي كانوا فيه بسلام وصلوا القدس بعد فترة واديرا ودعتهم ومشيت وسيف بعت إشارة لحازم اللي بعتلهم طيارة هيلكوبتر ترجعهم وطنهم الغالي ..طلع سيف وعدنان الطيارة
سيف بص لعدنان ....عدنان انت كويس
عدنان.....مافيش رد
سيف هزه من كتفه ...عدنان انت كويس رد عليا عملوا فيك ايه وفجأة عدنان حضن سيف وعيط ودي اول مرة يعيط من لما انكشف
سيف....بقلق ...حسام رد عليا طمني عليك عملوا فيك ايه وديني لادفعهم التمن والايام بيننا
عدنان اخيرا اتكلم ...كنت حا حابب ا اكمل الم المهمة م من غا غير م ما انكشف
سيف ...يعني هو دا اللي مضايقك ..
عدنان بعد عن سيف ورجع براسه لورا وغمض عينيه افتكر حاجة وسط دموعه وابتسم
اخيرا وصلوا مصر الحبيبة ..ونقلوا عدنان ع المستشفي عشان يعرفوا الكلاب اذوه اد ايه
وحازم كلم أهل عدنان عشان يجو طمنوا علي ابنهم
سيف ركب عربيته ..وطول الطريق بيفكر يقول ايه لنور وامينة
في الشقة
سيف اتفاجئ أنه ملك نامت عند مامته
سيف...همس لملك ...عدنان رجع بالسلامة
ملك زغرطت ..
سيف...يخرب بيتك استني لما احكيلهم
ملك.....لا مافيش داعي ..أنا قمت بالواجب
ونور عندها انهيار عصبي جوه
سيف بصدمة...ايه انتي مجنونة ..وجري علي اوضة أخته
ملك..باستغراب..ايه دا هي الناس بتزعل ليه من الصراحة غريبة اوي دي
سيف فتح اوضة نور لقاها بتعيط ومن غير صوت وهادية جداا
سيف....نور نور حبيبتي عدنان رجع وهو كويس تعالي هاخدك تشوفيه
وبعدين سيف بص لملك ...هي مالها ليه مش بترد عليا
ملك ....مهو الدكتورة طلبت مني اديلها حقنة مهدئة ..وعطتها بس ما أثرتش بيها ف عطتها واحدة تانية من عندي 😎
سيف ....يخرب بيتك يا ملك البت جرالها ايه ..
سيف حضن نور....نور حبيبتي عدنان كويس ومحتاجلك بجد دلوقتي ..يلا بقا قومي نروحله
ملك...ما تتعبش نفسك مش هترد عليك واخدة جرعة مهدئ زيادة 🙄
سيف مسك المخدة ورماها علي ملك وقالها ...برااا
ملك خرجت تجري ...هو محموق كده ليه الله
سيف طلع شقته اخد شاور ونزل بعد فترة كان تأثير المهدئ راح من نور ولبست بلهفة وبسرعة جدا عشان تشوف جوزها وحبيبها
وملك وأمينة لبسوا كمان وسيف أخدهم وطلعوا ع المستشفي
في اوضة عدنان
كانت عيلة عدنان كلهم معاه وحازم كمان كان موجود بس عدنان لسة ردود أفعاله غريبة والدكتور قاعد بيراقب تصرفاته
وصل سيف وعيلته
ملك....عدنينووووو وجريت عنده
عدنان بص لها بغل....وبص لسيف وقاله...س سيف مين البت ا ا الهبلة دي
ملك...اخص عليك يا عدنينو أنا هبلة وكمان نستني يا خسارة العيش والملح
كلهم قلقوا علي عدنان
نور قربت منه بهدوء ودموعها نزلت ومسكت أيده باستها
عدنان بص لها كتير جدا وبعد لحظات ابتسم لها
وبص لسيف....مين البت الحلوة دي يا يا سيف
نور..............😭😭😭😭
كلهم عملوا كده.....😳😳😳😳😳 يتبع
(ماتكسلوش واقروا الكلام المكتوب تحت عشان دا ليكو😂
&&&&&&&&&&&&
البارت انتهي اتمني يعجبكم
#انا آسفة بجد عشان بارت امبارح بس والله كنت ف خروجة ورجعت تعبانة جداا وقاومت التعب عشان اكتب بارت جديد بس نمت وانا بكتب فيه من التعب والارهاق بعتذر بجد ليكم يا غاليين 🌹🥀🌺🌸🏵️🌻🌼💮🍀أقبلوا الورد دا اعتذار مني ليكم..وكل سنة وانتوا طيبين وبصحة وسعادة وينعاد عليكم ..امين يارب🐏🐏🐏🐏🐏🐏
تكملة الروايه بعد قليل
تعليقات
إرسال تعليق