 |
#احببت_مصارع
#الجزء_التاني
12
وفعلا ادهم نزل الكافيتريا وجااب الشوكولاته..
ودخل الاوضة بس المفاجاه ان.....
__________________________$$$$
في بيت عادل ..
عادل :ازاي تخبي عليا يا هنا انك سيبتي هيثم وازاي هو ميكلمنيش يقولي ...
هنا: يا بابا حصلت حاجات كتير اوي ورا بعض
معرفتش اقولك صدقني
عادل :طب وهو ازاي ميكلمنيش ...
هنا بوجع: إذا كان بعد خناقة بتاعتنا في الفيلا وبعد ما شاف ادهم رجع مفكرش يرن عليا مكالمة واحدة بس يا بابا ..
منال :انا قولت من الاول الواد ده انا مش مرتحاله
بس اقول اي بقي دماغك دي هي الي عملت فيكي كدة ..وضيعتي منك ادهم ..
عمر: ماما وبعدين بقي اي لأزمة الكلام ده ..ادهم متجوز وليه حياته .والي كان بينهم صفحة واتقفلت
هنا بتحدي: بس ادهم ده من حقي انا مش من حق البت الي جايبها دي ...وهو بيحبني انا
هو اصلا مرتبط بيها بس علشان ينساني مش اكتر
عمر باستغراب: ايه اللي انت بتقوليه ده ينساكي ايه وبتاع ايه وبعدين حتى لو فعلا هو اتجوز شاهنده علشان ينساكي.. هو خلاص بقى راجل متجوز يعني لازم تنسيه تماما يا هنا
عادل: اخوكي معاه حق انت مالك اصلا سواء اتجوزها عشان بيحبها ولا لا
هنا العصبيه: لا ليا دعوه ادهم بيحبني انا مش بيحبها هي وهو المفروض يبقى جوزي انا مش جوزها هي وبعدين ..انتم عايزين تقنعوني ان هي بتحبه او هو اصلا لحق ينساني ويحبها
عادل باستغراب ودهشه من طريقه هنا ومن كلامها ...هنا انت اكيد اتجننتي ده مكنش اسلوبك ولا طريقتك ...ولتاني مره باقولها حتى لو ادهم متجوز شاهنده علشان ينساك فانت ما لكيش دعوه وابعدي عنه وحذاري تخربي بيت حد يا بنتي
دي اكثر حاجه في الدنيا وحشه
انك تبقي السبب في خراب بيت احد
هنا :يا بابا انت مش عايز تفهم ليه ان ادهم بيحبني انا وانا بحبه ...
منال بعصبيه وهي بتشد ذراعها جامد: بتحبي مين يا بت انت ما انت اللي سبتيه وهو كان بيموت فيكي باقول لك ايه يا هنا فوقي كده لنفسك بدل ما احنا نفوقك وزي ما ابوكي واخوكي قالوا ابعدي عن ادهم وما تخربيش بيته وبعدين واضح قوي بكلامك وبطريقتك انك كنت سبب المشكله اللي حصلت بينهم وبسببك ضرب مراته و دخلت المستشفى فعلشان كده بقى انت مش هتروحي ثاني القاهرة غير يوم الفرح وهترجعي معنا
هنا بعصبيه: اه يعني انتم عايزين تحبسوني يعني
عادل بعصبيه اكبر :اه هنحبسك ولو في يوم يا هنا عرفت انك عملت اي حاجه عشان تخربي بيت الولد اللي ما شافش منك اي حاجه غير كل شر انا لي حساب معك صعب اوي. ...وادخلي علي اوضتك انا مش طايق ابص في وشك ...
وفعلا هنا انا دخلت اوضتها بس كانت متضايقه جدا ومتغاظه وكانت برده مصممه ان ادهم لازم يكون لها وانها غلطت لما اختارت هيثم.......
______________________________$$$
في المستشفى الصبح امير صحي ولقى والدته نائمه على السرير اللي قدامه قرر ان هو يقوم من غير ما يصحيها وفعلا قام من على السرير
وكان لسه هيفتح الباب الاوضه بس تفاجئ بندي هتفتح معاه الباب
ندى بلهفه: امير اخيرا صحيت
امير بحزن :انت ايه اللي جاب لك هنا يا ندي
ندى باستغراب :جيت عشان خطيبي في المستشفى ولازم اقف جنبه جيت علشان وحشتني وحشني ابص في عينيك ايه ده هو انا ما وحشتكش ولا ايه
امير: انت كنت عارفه يا ندى ان انا ايدي دي مش هاقدر احركها ثاني
ندى :اولا ما اعرفش حاجه ثانيا الدكتور قال انها مجرد اصابه خفيفه جدا وهتروح بعلاج الطبيعي وبعدين ما يوسف كمان اتصاب في كتفه وقت العملية وفضل رابطها فترة طويلة واهو دلوقتي بقي كويس جدا ...
ثالثا انا باقول لك انا وحشتك ولا لا عشان لو ما جاوبتنيش يا امير صدقني هيبقى فيها خناقه جامده جدا
امير :ندى انت فاهمه ان انا مش عارف مصير ايدي ايه ومش عارف حاجه وبعدين يوسف غيري
يوسف مكنش طالعله إشاعات بتقول أن الرصاصة أثرت علي أيده لكن أنا غيره افهمي ...
...انا لو يدي فضلت كده انا ممكن اترفد من الشغل ساعتها هابقى ميت وانا عايش....
. ندى انت مش فاهمه حاجه انا مش هاقدر اربطك بيا وانا مش عارف مصيري ايه
ندى بهزار: اه يا خائن يا كلب يا بتاع البنات يعني بعد ما وعدتني انك اول ما تخرج من المستشفى نكتب الكتاب جاي دلوقت تقول لا طب واهلي طب وابننا اللي جاي في الطريق يا امير اخص عليك اخص اخص
امير ضحك: يا ندى حرام عليك انا باتكلم بجد
ندى :وانت بقى مش لايق عليك الجد باقول لك ايه يا امير انا هاتجوزك يعني هاتجوزك ده قرار وزاري انا مش باناقشك او باخذ رايك لا سمح الله احنا كتب كتابنا يوم اللي هتخرج فيه من المستشفى خلصانه
امير ضحك :ده انت هتموتي عليا بقى
ندى بهزار :انا عن نفسي اه انت ايه
امير وهو بيشدها لحضنه :انا باموت فيكي وما اقدرش استغنى عنك بس يا ندى
ندى : يا عم المسبلاتي ما فيش حاجه اسمها بس احنا كتب كتبنا بعد يومين وانا بقى لا عايزه فرح ولا عايزه اي حاجه خالص.. انا بس عايزه ابقى معاك وجنبك ده اللي بتمناه من الدنيا ولو فعلا بتحبني يبقى لازم تدي لنفسك طاقه ايجابيه انت هتخرج من هنا وهنكتب الكتاب وهتاخذ جلسات لعلاج الطبيعي وهتخف وترجع احسن من اول كمان مليون الف مره انت سامع ولا مش سامع
امير وهو بيبوس يديها :سامع.. سامع يا اغلى حاجه في حياتي ربنا يخليكي ليا وما يحرمنيش منك ابدا
ندي وهي بتشد يديها :خلاص بقى عشان اتفضحنا في المستشفى يلا يلا ادخل عشان منتمسكش اداب
وفعلا دخلوا وقاعدوا يتكلموا واميره تشجع جدا لموضوع العلاج الطبيعي وبقى عنده امل
________________________________&&
في فيلا اللواء سراج
سراج دخل الفيلا ولاحظ السكوت التام
سراج: حمديه
حمديه: ايوه يا سراج باشا
سراج :امال فين تمارا يعني صوتها مش واضح هي نزلت ولا ايه
حمديه :لا يا باشا تمارا فوق في اوضتها من ساعه ما جات من بره وهي فوق حاولت اطلع لها بس هي شكلها تعبانه وعماله تعيط وبصراحه مش عارفه اعمل لها حاجه
سراج: خلاص حضري انت الغداء وانا هاجيبها وانزل
حمديه :حاضر يا باشا
وفعلا سراج دخل اوضه تمارا ولقاها قاعده عماله تعيط
سراج: اعتقد فقره العياط خلصت ولازم نتكلم
تماره بدموع نتكلم في ايه نتكلم في اهنتك لي قدام علي ولا لان انت ضيعت حياتي ومستقبلي عشان غلطه بسيطه انا ما كنتش اقصدها علشان مجرد غلطه بعدتني عن الانسان اللي باحبه....
اتكلم معك اقول ايه يا بابا انا زعلانه منك قوي
سراج ما قدرش يستحمل دموعها وقست نفسها وقرب منها وحضنها: انا كنت قاصد اعمل كده يا تمارا عشان يا حبيبتي افهمك ان لازم قبل اي موقف تفكري وتاخذي قرار بعقلك مش بقلبك
لكن انا اللي هالغي جوزك من علي ولا هابعدك عنه وعلي عارف الكلام ده بس انا قولتله مايقولش حاجة...
تمارا انا خايف عليكي اوي ..انت بنتي الوحيدة .
انا مش عايزك تحددي حياتك كلها علشان شخص واحد بس لان وقت ما الشخص ده يبعد أو بتخلي عنك انت الي هتتوجعي ....
تمارا: ليه بتقول كدة يا بابا ..علي كويس اوي
وانا بحبه وهو كمان ..
سراج :ساعات يا حبيبتي جوازات كتير بتبقي مبنية علي الحب بتفشل بسبب التزامات الحياه ..
بلاش كلمة حب دي يا تمارا ..صدقيني يا بنتي
اول حاجة في الجواز بتنتهي هي الحب
لازم يبقي علاقتك انت وعلي مبنية علي اساس اقوي من الحب مليووون مرة ....
انا وامك كنا بنحب بعض اوي بس ادينا اهو منفصلين بس بينا احترام وده اهم حاجة ....
تمارا حضنت سراج اوي: حبيبي يا بابا انا اسفة علي الكلام الي انا قولته ..انا بحبك اوي ...
سراج :انا الي بحبك اوي ....انا كلمت علي وجاي هو وأهله بكرة.....
تمارا بفرحة: ماشي ...هو انا ينفع اكلم علي اشوفه فين
سراج بضحك: اه ينفع بس بعد ما نتغدي يا تيتو يلا بينا
تمارا بضحك :انت كمان عرفت تيتو
سراج بضحك: اه يا اختي ..الواد علي ده بيئة بجد ...
__________________________________&&
في المستشفي عند ادهم ....
ادهم بستغراب: ..شاهي انت فين ..شاهندة
يمكن تكون في الحمام ...
وفعلا دخل الحمام لقاه فاضي ....
ادهم بفزع طلع يجري برا الاوضة ...يسأل عنها
بس كلهم قالوا انهم ما يعرفوووش ......
ادهم بخووف: يعني اي هتكوون راحت فين يعني
لا يا شاهندة اكيد مسبتنيش اكيد لااااا ....
ودخل الاوضة. يجيب تليفونه ....
و كلم جون ......
ادهم بخوف :الووو جون ...
جون ببرود: نعم ...
ادهم :جون هي معاك ...شاهندة معاك صح
جون ببرود: اه
ادهم بعصبية :مراتي بتعمل معاك اي ...
شاهندة فين انا هوديك في ستين داهية ...
جون :منغير زعيق ..انت تحمد ربنا اصلا انها بس سابتك ومشيت ..انا كنت ناوي اقتلك
بس واضح بقي انها حبتك بس انت متستهلش
ادهم بوجع قعد علي السرير...جون ارجووك
انا عايز اكلمها ...ارجووك اديهالي
جون: مبقاش ينفع ....
ادهم بعصبية: يعني اي بقولك عايز اكلم مراتي
جون متلعبش معايا ...انت مش قدي ...
شاهندة اخدت التليفون من جون .. ض.ربك ليا خلاني اتاكد أن انا فعلا ماليش حد يا ادهم .... أن مافيش حد في الدنيا دي بيحبني ..
ادهم :شاهي ..انا فعلا غلطت بس والله انا بحبك اوي والله. ... حقك عليا انا مقدرش علي بعدك
شاهندة: ادهم .. انا مبعرفش انسي حقي .
ادهم: اي ....
شاهندة: مكتب عادل والد هنا ....
ادهم بدهشة :ماله .....
شاهندة: اتصل بيهم قولهم إنه بي.ولع ...سلام
ادهم بصدمة :الوووووو انت بتقولي اي ...
الووووووووو.......
ادهم :اعمل اي دلوقتي ... لا اكيد بتكدب وهي هتعمل كدة لسه بس ....
وبدأ يطلع رقم عمر علشان يتصل بيه ...
بس عمر مكنش بيرد ....
تفتكروا اي ممكن يحصل .....
والتليفوون بتاع جون اتقفل ...ربنا يكفينا شر شاهندة يا جماعة ..والله .........
________________________$$$$
في الفيلاااا....
دخل يوسف متأخر اوي بس نور كانت مستنياااه في الجنينة .....
يوسف: اي موقفك كدة ..في حاجة تاني ولا اي
نور مسكت أيده :فيه حاجات ...
يوسف بتعب ومكنش قادر يفتح عينيه .اي تاني يا نور ..انا تعبت
نور: في انك وحشتني وقولت استناك بس متخفش
يوسف ابتسم :وانت كمان اوي من ساعة كتب كتابنا مش عارف اتلم عليكي ...
نور قربت منه وحطت ايديها علي كتفه :ما انت شايف يا يوسف كل الي بيحصل ده
يوسف: شايف و محتاج حضنك اوي ...
نور: يوسف اتلم ...
يوسف: الله يعني خارجة برا ومستنياني في نص الليل وبتقولي اتلم ..طب تيجي ازاي دي ...
وغمزلهاااا
.نور: طب تعالي نقعد شوية في الاسطبل بقالك قد اي مدخلتش هناااك ...زهرة موحشتكش
يوسف ضحك :اه ولله تعالي طيب .....
وفعلا دخلوا الاسطبل .....
نور قعدت هي ويوسف علي الارض
نور :اممم اتكلم عايز اي .....
يوسف ضحك: عارفة يعني اني عايز اتكلم ...
نور؛ الله عيب بقي ..ده انا بفهمك من عينيك
يوسف حط رأسه علي رجل نور وبدأ يتكلم بوجع
تعبان اوي يا نور ...
نور بخوف وهي بتحط ايديها علي شعره بحب .من اي يا قلب نور .... مالك .....
يوسف خايف علي بسنت اوي ...انا بكلمها اه
وهي كمان بتكلمني ..بس برضوووو
وحتي ادهم حياته بايظة ومتجوز واحدة انا بجد مش مرتاح ليها ..... وامير كمان موضوع أيده ده
نور حطت ايديها علي دماغ يوسف : حبيبي مش كدة ..يوسف انت اه بتحبهم وزعلان علشانهم بس برضو مش كدة ..انت كدة ممكن تتعبت ..وانا محتجالك يا يوسف ....
يوسف :دماغي وجعاني اوي ....
نور حطت ايديها علي عيونه ..غمض عينيك وانا جمبك يا حبيبي حاول ترتاح .....
وفعلا يوسف مسك ايد نور وغمض عينه وناااام
ونور كمان نامت معااااه ......
_________________________$$$$
وفعلااااااااااا.......... عدي اليووووم ده بنجاااح
تاني يوم الصبح .....
عادل صحي من النوم علي خبر.؟...
عادل اي 😳😳😳🤭
جماعة بليز محدش يدعي علي شاهي انا بحبها اوي 🤭😂😂
البارت 13من هنا
تعليقات
إرسال تعليق