 |
النهاية
كلمتها تاني يوم من تليفون اخويا ردت من اول مره الوووووو
_ ايوا ياروان أنا راشد ممكن تفكي الحظر عن رقمي عايز اكلمك ضروري
روان ..علي فكرة انت زودتها اوي انت عايز اي يا اخي ما
تغور في ستين داهية بعيد عني
_ طلعت برا المحل واخويا باصص عليا ..قولتلها بطلي رخامة بقا وشتيمة شيلي البلوك لو سمحتي
_ مش شايله زفت ومتكلمنيش تاني من أرقام غريبة بص انا هغير ام الرقم ده خالص
_ استني يامجنونة طب خليني اقابلك اشوفك يمكن تسامحيني
روان ..هو انت الي ذيك بيفرق معاه حد ولا بيعمل حساب ل حساب ربنا يا اخي غور
_ طب اعملي انتي حساب وقابليني مره ..مره وحده بس وبعدها اعملي الي تعمليه مش هزعل
روان ..انت عاوز اي بلظبط.
_مش عايز غير أني اقابلك بس وفي مكان عاام قدام الناس
في كلام جوايا عايز اقوله
روان ..لا قول هنا علشان انا استحالة اقابلك ولا اشوفك اصلا
_ طب شيلي البلوك ده موبيل اخويا وشكلي بقا وحش
روان ...ماشي
مسحت الرقم واخويا خد الموبيل وفضلت كل 10 دقائق
اجرب لسه عمله بلوك اول ما لقيته رن قفلت المكالمة واستاذنت
وجري ع البيت ولا اكني بجد اول مره اكلم وحده واول مره
احب وقلبي يدق اول ما وصلت كلمتها من قبل حتي ما اغير هدومي ردت
روان ..ها خير عايز أيه.
_ عايزك بس تهدي كده وتسمعيني بقلبك
انا ياستي والله مليش في الكلام ده ولا عمري عملته
واكتر حاجه وجعتني والله الي عملته معاكي ومتعرفيش أنا
حاسس بالذنب ازاي وضميري بيأنبني ازاي وكتير كنتي
بتيجي في بالي
طب انتي عارفه أنا رحت اشوف عروسة لقتها شبهك الخالق الناطق بس انتي عيونك احلي منها
روان ..هااااا وبعدين
_ انا معجب بيكي ياروان وعايز اتقدملك واتمنا انك توفقي
روان ..انت لو اخر راجل في العالم أنا لا يمكن اتجوزك
_ علشان كده طلبت أننا نتقابل وقولت الكلام في التليفون مش هينفع
روان ..دي لعبة من الاعيبك وحوار من حوراتك انت حد غدار وملكش امان
_ الله يسمحك انت كده والله بتظلميني
روان ..ما انت ظلمتني ولا نسيت
_ افتحيلي صفحة جديدة وعهد عليا عمري ما هزعلك ولا هظلمك تاني
روان ..نسيت تريقتك ع جوز صحبتي أنه عمل كده معها وبعدين اتجوزها
_ مش فاكر بس غير اني نفسي اصالحك وعايزك تبقي مراتي
علشان بجد مش هلاقي احسن منك
روان ..يابني انت عايز ايه ...في ايه مالك
_ علشان خاطر اغلي حاجه عندك خليني اشوفك ..بصرف
النظر عن الي طلبته ده انتي اصلا بجد بجد وحشاني
روان ..اقفل يا راشد اقفل أنا مش ناقصه
_ حاضر بس امانه اوعي تعملي حظر تاني خليكي جنبي أنا محتاجلك ياروان ♥️.
قفلت معها وحسيت براحه معرفش علشان حسيت انها
سمحتني ولا علشان خرجت الي جوايا ليها
طلعت لقيت ريحة الطبيخ مليا الشقة دخلت المطبخ لقيت
امي بتجهز الاكل فضلت وقف معها اكلمها معرفش اي الي
خلاني سالتها السؤال ده
قولتلها اي اكتر حاجه بتحبيها في بابا
قالتلي ب ابتسامة كل حاجه في ابوك بحبها دخلته عليا
خوفه احترامه تقديره هزاره حتي عصبيته وزعقيه فيا لما نتخانق بحبها
قولتلها يا امي بقا بتكلم بجد
قالتلي والله أنا مكنتش بحب ابوك ده قبل الجواز وكنت
بخاف منه لما عشرته لقيته مفيش اطيب ولا احن منه خوفه
وقلقه عليا.
ومفيش مره احتاجته فيها في ولاده ولا تعب أو حاجه
تخص اهلي إلا وكان ديما موجود في المره قبل الحلوه
قولتلها يعني بمعاملته الحسنة معاكي وعشرون الطيبه حبتيه
قالتلي حبيته دي قليلة ع ابوك
بص مفيش ام في الدنيا تحب حد اكتر من عيالها
أنا بقا احبه هو اكتر من نفسي ومن اي حد
الدين معاملة والجواز موده ورحمه وانا مش فاكره ابوك
عمره زعلني ولا نيمني وانا ببكي ولا قالي ابوكي ولا امك ولا
ضربني ولا طردني ولاعايرني ولا اي حاجه من الحاجات الي
بنسمع عنها دلوقتي دي ربنا يخليك ياحبيبي واشوفك ربعه
بس
قولتله يعني أن مش ربعه يا ماما
قالتلي البنات بس الي وخدين منه ومن طبعه
انتو وخدين اسمه بس شكلكم طالعين ليا مفترين 😂
قولتلها كده برضو يا امي طب لما يجي هقوله
قالتلي ماتقوله هو أنا هخاف فضلنا نحكي ونهزر لحد ما جيه
هو واخويا واتغدينا وقعد يتريق عليا علشان بقول علي هبه
بنت صحبه أنها مش حلوه وقولتلهم أن في وحده في حياتي
وقريب هنروح نخطبها
عده كام يوم مستني روان تتصل أو حتي ترن مفيش كل
شوية اشوف الواتس اقول يمكن شالت البوك وصعبت عليها
أو حنت برضو مفيش اخر ما زهقت كلمتها ردت قولتلها
عاملة ايه ووحشتيني وكلامها وردوها مختصره وواضح انها
لسه زعلانه وشايله ولسه مصفيتيش خالص
قولتلها انتي كده بتظلميني وفضلت اتحايل لحد ما وفقت
ورحت قبلتها بعد عذاب اول ما شفتها اتقلبت بطة بلدي
ولساني حسيت أنه اتشل سلمت عليها ب أيدي وقعدتها وقولتلها اطلبلك اي
روان ..أنا مش جايه اضايف قول الي عندك علشان أنا مش طايقه اصلا ابص في خلقتك
_ بلمت ووشي كله احمر قولتلها هو انتي كلامك كله دبش كده في أي ماتهدي ياروان
روان ..ممكن تنجز وتقول عايز مني اي
_ قولتلك الي عايزه
روان ..وانا قولتلك لا ولو ع السماح ياسيدي مسمحاك خلاص ارتحت
_ رحتي معاكي انتي أنا اتاكدت اني بحبك ياروان ومش بلعب بيكي ولا انا حد مراهق ..أنا بحبك بجد
روان ...ششششششش بس انت اي الي بتقوله ده
_ ما أنا مش قادر اخبي ده غصب عني والله بحبك ومقتنع
جدا بيكي وعايزك.
بطلي رخامه بقا ..كل مره بترفضيني فيها قلبي بيوجعني
اوي ..بطلي بقا دبش وقولي انك موفقة
روان ..هو الي انت بتقوله ده بجد
_ اه والله بجد اسالي قلبك قوليله راشد بيكدب ولا صادق وهو هيقولك
روان ..ازاي بتحبني وامتي وليه
_ بحبك علشان انت تستاهلي اني احبك ..ممكن بقا تقولي انك موافقة
حسيت انها مكسوفه بس فرحتها باينه في عنيها وقالتلي من
غير كلام أنها موفقه وطلبت اوصلها وخوفت لترفض أو تكون
لسه خايفه ولا قلقانه مني
لقيتها وفقت فرحت جدا وفعلا وصلتها وعرفت بيتها وبعدها قولتلها أني جاي أتقدم واخدت اهلي ورحنا وخطبتها وبعيش معها اجمل سنين عمري ♥️🥰
انتهت ..مستني رايكم في القصة وهتابع الكومنتاات بتاعتكم
بحبكم ♥️😘
تعليقات
إرسال تعليق