 |
#كان صديق زوجي 13_14
ناردين : قصدك اي
ريان بتقرب لها قليلا : قصدي ...
ناردين بقلق : انت بتقرب لي !
ضحك و هو بقرب اكتر ف اسكت لاء ازاي ارجع خطوتين ورا علطول ف هو يسكت برضه لاء يضحك برخامه ويتقدم خطوتين كمان
اي يا عم بقي معندكش اخوات بنات !
ريان : ناردين
ناردين بصوت مضطرب : نعم
ريان : كنت عايز اقلك شكرا علي كل حاجه عملتيها انهرده مع اهلي ... يكفي بنسبالي انه اهلي يمشو من بيتي ومبسوطين وراضين ومراتي عمله الواجب معاهم ، شكرا علي تعبك في تحضير الاكل وتقديم والقاعده معانا رغم انك مش مجبره علي ده ، انا ممتن ليكي علي المجهود ده
هو اي الكلام الحلو ده بقي !
كل الي اقدر اقلو انه العكس تماما شكرا انت علي كل حاجه قدمتها ليا يا ريان
وقتها رجعت بذكريات ورا وعملت مقارنه بين شخص اناني وبينه وطلعت وقتها صفر
مهما كنت اجي علي نفسي واعمل وقدملها اي مساعده او اي اكله او حتي اي زياره كنت انا الي مقصره وانا الي مفروض اقدم زياره اكتر ومساعده اكتر واحسن من طبخي شويه لانه ميضقش ول يتاكل !
مكنتش عايزه شكر لان ده كان واجب بس كنت عايزه جبر خاطر منه ، كلمه استحملي بدل هي صح
كلمه هي مينفعش تعمل معاكي كده بدل حقها وانتي عرفه امي خط احمر .
وكنت اسكت عشان اعدي ام اليوم علي الزياره على القاعده الي تخنق حد الموت
طيب عايزني اقلك اي بعد الشكر ده ، اقلك انك حلو بغباء ول كلمه مراتي لما طلعت منك فهمتني معناها الحقيقي بجد ؟!
ريان : روحتي فين كده
"تستيقظ ناردين من ذاكرتها وتنظر له ببتسامه وتحرك راسها بسلب ثم تضيف بود وامتنان "
ناردين : انا الي بشكرك يا ريان علي كل حاجه عملتها عشاني وتقديمك ليا قدام اهلك رغم انك مجبور علي الجواز مني ، انا معملتش غير وجبي صدقني ودي اقل حاجه ممكن اقدمها ليك بعد كل التضحيات الي انت عملتها عشاني دي
ملامح وشه اتغيرت وبتسم ابتسامه برده كده ومتكلمش ، هو انا قلت حاجه زعلته !
ريان : انا جالي مسج مهم دلوقتي ولازم انزل عشان الشغل ، عايزه حاجه
ناردين بقلق : هتيجي امتي؟
ريان : هاجي علطول ساعه كده
ناردين :....
ريان : نامي كويس ، سلام
اتحرك جهت الباب كده وبعدها وقف ورجع تاني ....
ناردين :في ا...
ريان "يضع يده حول عنقها ويطبع علي راسها قُبله ودوده "
ناردين :!!!!
ريان ببتسامه : انا قلت اني ه عاقبك وانا مبرجعش في كلمتي ابدا ههه سلام
"تنظر له ناردين بخضه وسكوت تام فيقف مجددا ويضيف مازحا
ريان : واه .. وعايز ارجع القي اشاره المرور دي هاديه بالله عليكي وبطلي تتوتري مني كده يا ناردين يخربيت الي يقربلك يا شيخه هههه
ترن ترن ترن
ريان : الو ، جى حالا انا علي السلم ، حاضر مسافه الطريق ...
خرج وانا واقفه مكاني بنفس خضتي وبنفس اشاره المرور الي في وشي برضه ، هو بتكلم كده زى بعد الي عمله ده !
لاء ومبتسم برخامه وثقه وقمر و ل كأن مفيش واحده بتسيح قدام عينيه بس !
يخربين الباد بوي الوسيم الي انت فيه يخي ...
_____________ بعد فتره ... العصر
" تقرا كتاب علي الاريكه بضجر ف يتجه نوحها في الصاله بعده استيقاظه"
ريان : صباح الخير
ناردين : قصدك مساء بقي بقينا بعد العصر
ريان : امم كنت تعبان اوي
ناردين :....
ريان : عملتي غدا ؟
نارديت : لاء
ريان : ولي بقي
ناردين : كده
ريان : م خلاص بقي يخربيت قفلتك
ناردين: والله ! يعني حضرتك تغيب اربع ايام ومترنش ول مره ومتقلش الشحن عشان قفشاك
ريان : يعني محورش عليكي وثبتك وكده
ناردين : ريان مبهزرش !
ريان: طيب وانتي مرنتيش ول مره لي بدل مديقه كده ؟ شوف غرزت عنيها في الكتاب ازاي ممعكيش رصيد ها ، مبتشحنيش يا جلده ها !
ناردين ببتسامه : احم كنت هرن بس ... اه مبشحنش عايز حاجه
ريان : ههه عايز اكل ، قومي هعوضهالك يا ستي بدل زعلتي كده
ناردين : اقوم فين
ريان : نروح ماك كده وناكل اكله جامده
ناردين :ماك ! لاء انا جاهزه اصلا بص انا تحت
ريان : هههه
...........
ناردين : انت بتعمل اي معلش !
ريان : هدوقي احلي نسكافيه شفتي في حياتك خصوصا ان فدوش تنسانا ومتنساش الحاجات دي في البيت فطمني
ناردين : ايوا يعني برضه بتعمل اي واي الكركبه دي
ريان : جيبي المضرب الي في الدولاب من فوق كده وبطلي رط
ناردين: رط ! ، اما نشوف اخرتها معك
"تتجه له وتحاول الوصول و لكن بلا جدوه "
ناردين: احم ريان
ريان : امم
ناردين : تعالي جيبه انت لان ايدي وجعاني ومش قادره اشيله ، اه يا ايدي
ريان بضحك : ول قصدك قوزعه يا قوزعه
ناردين بديق : نينيني
.............
ناردين: لاء بجد ول موكا الي 35 جنيه من الكافيه الي تحت ، عظمه
ريان : انا معرفش اي الي جاب النسكافيه للموكا بس مش مشكله شكرا
ناردين : علفكره هي من سولالتها اصلا بس بتستعبط
ريان : ي عيني علي الهبد الي انتي عايشه في
ناردين : بس يجي منك والله هبقي استغلك في الحاجات دي كتشير
ريان : انا اساسا مبحبش النسكافيه خدي كده ، سمعليكوووو
بقي جزء من يومي ، بحب وجوده جمبي وضحكته الي عمرها ما فشلت تحسسني بالامان
بتامل بإعجاب شديد وفضول ، انا كنت فين وبقيت فين
كنت مع مين وبقيت مرات مين
كنت مخدوعه من مين وبقيت في عوض وامان مين
منكرش اني ضعفت بعدها كتير ، عيطت كتير ، وفكرت فيه وفي كسرتي كتير كمان وقله ثقتي في كل الناس الي حصلت بسببه حتي في نفسي ..
هو انا كده بكدب علي نفسي ول علي عقلي ول علي ريان الي دخل حوار وعالم هو مش مجبور يعيشهم
ول قادره اساله حاسس بايه وخايفه اوجه فخسر حتي عينيه الي لازم اشوفها في يومي عشان يكمل ...
، هو انا ينفع احب تاني بعد الي حصلي ده ، طيب وهو اي زنبه معايا
اووه انا تعبت .
ترن ترن ترن
ناردين : حاضر جيه ، جي ب... رامز !
رامز بباسامه بارده : اهلا بالناردين
"ترجع للخلف قليلا "
ناردين : عذرا يا رامز ، ثانيه واحده
"يخراج رامز سيجاره ويشعلها بين معصميه ويقول بثبات "
رامز : خدي وقتك يا قمر
ناردين :...
ولان رامز سافر بعد الفرح بيوم كان احسن خبر بنسبالي يومها لاني بتخنق بوجوده وديما كان لازم اشوفه ، كان بيخرج معانا معظم الخروجات وكل يوم مع بنت شكل
كان رحته عباره عن سجاير فقط
ونظرته الي بيفصل بيها اي حد ويخليكي تشكي في نفسك اصلا وتقلقي من خياله مش منه هو بس
اي الي رجعك يلا !
"ترتدي ناردين ثوب طويل اسود اللون علي طرحه حمراء غير محكمه الربط وتتجه له عند الباب "
ناردين : معلش يا رامز علي تاخير ، في حاجه
رامز : ريان هنا
ناردين : لاء والله في الشغل
رامز بفرز هواء ممزوج برائحه كريهه : وانتي لسه عايشه معاه لعند دلوقتي
ناردين : قصدك اي ؟
رامز : قصدي انه اخدك في الاخر كنت مراهن علي راجح لانه الفرس الكسبان لاخر جوله بس يشاء القدر تتغير الاحوال والفرس التاني الي مستني فرصه بس هو الي يفوز في الاخر "يضحك بسخريه " يا بخته
ناردين : رامز انا مفهمتش اي كلمه من الي قلتها ، ممكن توضح
رامز : بكره تفهم يا جميل ، قوليلو اني عديت عليه ، سلام
خرج وانا مستغربه والف سوال دخل دماغي مره واحده ، قصده مين واي معني الفرس في كلامه !
ترن ترن ترن
ناردين : الو
سُعاد : بنت اللذينه الي وحشاني
ناردين : لاء ! بتهزري سُعاااااد
سُعاد : ههه وحشاني يا جزمه ، عملالك مفاجاه
ناردين : وانتي والله العظيم ، اي قولي بسرعه
ُسُعاد: انا في مصر ناو
ناردين: عااا لاء بقي انتي كده فعلا بتهزري !
سعاد : ههه قلتلك مفاجاه ، بصي انا هستناكي في المطار تعالي الحقيني لاني واقع يا فزاع من الجوع وربي
ناردين : ينهار ابيض طياره واكون عندك
سعاد : كفايه طيارات الله يبركلك لسه محشوره زي هنيدي في الحمام
ناردين : ههه الله يخربيتك يا شيخه عمرك ما هتتغيري
سعاد : تعالي يا بت بسرعه ول اقلك يا مدام بقي ، تعالي عشان حاجات كتير اوي عايزه اعرفها يلا
ناردين : ناخد الاذن ونجيلك علطول
سعاد : محن كلابي
ناردين : بس ياض
دي بقي بوبونايه حياتي ، صحبتي واختي وبستي من الطفوله ماشيه بقعده السنجله جنتله وانا اندبندد جامد اوي وهسافر لعمتي عشان اشتغل مش جو واسطات يعني وهي بتنام اكتر ما بتتنفس اصلا تؤ تؤ عشان هي اندبندد وعايزه تشتغل ..
روشه وبتحب الاكل وعود فرنساوي علي ابوه واهم حاجه وانا شخصيا بعكسها بيهم عيونها الملونه وده اهم حاجه عرفتها عشانها اصلا وبلاش ندخل في تفصيل بقي ...
ترن ترن ترن
ريان : الو
ناردين : بتفتح عليا يخربيتك ! النوته اقفل
ريان : ههه خلاص سلام
.....
ريان : نعم
ناردين : ريان عايزه اخرج شويه
ريان : فين
ناردين : صحبتي سعاد جت من السفر وفي المطار وعايزني اروح اجبها ف هروح وناكل اي حاجه وارجع علطول ممكن
ريان : تمام بس لما توصلي كلميني وافتحي تلفونك طول الوقت
ناردين : ممعيش ر...
ريان : نشحن ها نششحن !
ناردين ببرائه : حاضر
ريان : مفتاح العربيه في الدرج مرحتش بيها الشغل لو عايزه تخديها بخديها بس حفظي عليها
ناردين : انت اي الي عرفك اني بعرف اسوق ؟!
ريان بتوتر : اه راجح قلي انه علمك ، لازم اقفل دلوقتي هرن عليكي بعدين ابقي طمنيني ها باي
اكيد راجح مقلوش لانه مش هو الي علمني السواقه !
ريان انت بتلف ودور عليا لي ؟!
دخلت اشوف المفتاح في الدرج الي بسيب في فلوس ليا عادتا ملقتوش فتحت التاني ف لقيته ولقيت صوره ليا قديمه ! صورتي بتعمل اي هنا .. راجح نسيها عندك مثلا ! ول اقلك احتفظ بنسخه هديه لو مفهمتش في اي هتجنن بجد .
في المطار ...
سعاد : لك شو هل جمال شو هل جمال يا وجدان
ناردين : يخيبك يا حج كسفتني
سعاد بعناقها : ههه يسطى وحشتيني
ناردين : ههه اي الغيبه دي كلها يا ست
سعاد : اعملك اي انا بقيت وزوز وامن دلوقتي و فري busy
ناردين : ارد ؟
سعاد : لاء خلاص والله هسكت هه
ناردين : ايوا كده تلمي
سعاد : تعالي بقي بعربيتك وحركاتك بقي دي علي اي مطعم يقبلك و نتكلم كتييير اوي عشان هفرقع من الفضول
ناردين : سوري مبقلش حاجه من غير رشوه
سعاد : انا مش هرد عليكي دلوقتي تدري ليش لاني جعانه والمهزقين بيتهزقو بعد الاكل فنطفح الاول ونرد عليكي حاضر
ناردين : في واحده جيه من بره تقول نطفح ... بيئه اووي
سعاد : طيب تعالي اما اوريكي البيئه الي انتي عرفاها فعلا عشان الاحترام مباكلش عيش
ناردين : خلاص يسطى بهزر .. بت كبرنا علي الجري والهبل ده .. يخربيتك بس ههه يلهووي !
في المطعم....
محادثه واتس
ناردين : وصلت المطعم
ريان : متتاخريش وحفظي علي العربيه
ناردين : يادي النيله علي العربيه الى انت قلت اسمها الف مره من وقت ما خرجت دي
ريان : اصل معروف عن سواقتكو انها معاقه حبتين
ناردين : طيب يا سيدي شكرا كفايه
ريان : انا رجعت ، ساعه وتيجي فهمه
ناردين : خلاث طيب
........
سعاد : احيه ! اتجوزتي ريان بدل راجح ! لاء ومش كده وبس ده صحبه الانتيم ، يخربيت جبروتك !
ناردين : في واحد لسه داخل المطعم مسمعش علي صوتك شويه
سعاد : مبهزرش انتي بتقولي اي ! وراجح هرب ! يخربيت المسلسل التركي الي كنتي عايشه فيه لاء فهميني براحه
ناردين : مسلسل تركي يا حيوانه ! حاضر يا ستى هفهمك اسمعي ...
بعد فتره ...
سعاد : ده انتي في مهلبيه لا يعلم بيها الا ربنا والله
ناردين : شوفتي اخوك حصله اي يا فوز
سعاد : شوفت يختي شوفت ، بس الصراحه الود ريان ده قمر وشخصيه من اول يوم شوفته وهو جزبني يبختك
ناردين : اي ده ! متتلمو يا عيال في اي هو انا هلقيها منك ول من نوره
سعاد بسكوت قليلا وشرب القهوه : وانتي اي رئيك
ناردين بعد تفكير ورد عليها بهدوء : خايفه اوي ، جويا الف شعور بالف اتجاه ، مبسوطه معاه وفي نفس الوقت خايفه السعاده دي تكون مزيفه وتروح واخسر كل حاجه تاني
معرفش قلبي رايح لفين بظبط واي علاقتي معاه
وراجح معقول اكون نسيته مثلا !؟
سعاد : ناردين انتي صحبه عمري واعرفك من عينيكي ، انتي اكيد حسه بحاجه اتجاه ريان ، عينيك الي بتنور لما تكلمي عنه ، احساسك بالامان الي علي قد ما راجح عمله معاكي وانا أشهد الا انه احساسك مع ريان غير
ناردين : تفتكري ؟
سعاد : افتكر ونص يا قلبي ، اه صحيح جبتلك هديه عشان تعرفي اني منستوش وصاحب اصيل هه كل سنه وانتي طيبه ياروحي
ناردين : كل سنه وانا طيبه !
سعاد : انهارده عيد ميلادك يا هبله 1/5
ناردين : 151999 ! صح
سعاد بستغراب : ههه اي يا مجنونه اول مره تعرفي تاريخ ميلادك ، وكمان ظبطت السفريه علي اليوم ده عش....
"تتحدث سعاد و لا تركز معاها ناردين لانها في عالم اخر تحاول فهمه وتركيبه ، ثم تقفز من علي الكرسي بهروله وفهم "
سعاد : في اي يا مجنونه !
ناردين : لازم امشي دلوقتي يا سعاد في حاجه مهمه ، هبقي ارن عليكي اكيد
سعاد : طيب تمام بس في حاجه
ناردين : في حاجات كتير ولازم اعرفها دلوقتي
روحت البيت وانا بحاول اجمع كل ذكرياتي وافهمها ، امتي ولي وازاي .. هو في حد يعمل بسورد تلفونه بعيد ميلاد واحده لسه متجوزها من يومين بالايجبار و مفيش بينهم اي حاجه ! يبقي اكيد في حاجه قبل اليومين دول واكتر بكتير من الجوازه دي علي بعضها ....
ترن ترن ترن
ريان بفتح : حمدلله علي السلامه يا ست ، مش انا قلتلك متتاخريش
ناردين :....
يتبع....
Rahma Ayman
#كان صديق زوجي 14
ترن ترن ترن
ريان بفتح : حمدلله علي السلامه يا ست ، مش انا قلتلك متتاخريش
ناردين :....
ريان : مالك في اي ؟!
دخلت جوه من غير اي كلمه وحاولت اهرب من كم الاسئله والاستغراب الي شوفتهم في عينيه .
رميت المفتاح علي السفره و شنطه علي كرسي منها ولسه بلف لقيته قدامي بظبط ..
ريان بستغراب : في حاجه حصلت معاكي ؟
ناردين : ممكن تلفونك ؟
ريان : تلفوني !
ناردين : اه تلفونك
ريان : في الصاله جوه بس لي ؟
ناردين : تعالي وانا هقلك لى
دخلنا جوه ولقينا التلفون علي التربيزه فمسكته واديتهولو وخده مني بجديه ونفاذ صبر
ريان : ماله تلفوني يا ناردين
ناردين : افتحه كده
ريان بمزاح لتلطيف الجو : اهو ، بصي هو لو شك فيا فانا بكلم خسمه بس غير امي
ناردين : مش قصدي ببصمتك ، الرقم السري نفسه يا ريان
ريان : لاء ده انتي مجنونه انهارده ! مالك يا بنتي
وهو بيتكلم بعفويه وبيكتب الارقام أدرك الي اقصده فبصلي في عيني بتوتر كده ولمس شعوره بطريقته العفويه لما يتوتر او يديق
ريان : احم التلفون هيفصل شحن اصلا ف هروح اشحنه وابقى ادهولك بعدين
ناردين : اممم مش 65% يعني
ريان : مينفعش اقل من 100 % بكون خطر علي البطاريه
ناردين : والله
ريان : في اي يا ناردين خدي اهو
كتبو بسرعه وفتحه ومدو ليا كده علي اساس اني اعديها وبتاع بس ابدا هي جبرت ..
ناردين : ممكن تقولي عامل الرقم السري في تلفونك اي
ريان : الرقم السري !
ناردين : ايوا
ريان : 15 19 99
ضحكت لاء موت ضحك ، ول اني عارفه انه عيد ميلادي انهارده ونفس الترتيب كنت اقتنعت ولله .
ناردين : ههه ده اخرك في تحوير
ريان : ههه اقنعتك صح
نارديت بتغير ملامح وجهها قليلا : علفكره انا مبهزرش ، عامل عيد ميلادي باسورد تلفونك لي ؟
ريان : لسه عامله من قريب
ناردين بديق : ريان انت كداب ! فاكر يوم ما خدت التلفون عشان اكلم خالتو من تلفوونك تاني يوم جوازنا و كنت كاتب نفس الارقام فاكر ول لاء
يخبط ريان يده علي راسه بقوه وديق : اه صح ! يخربيت الغباء نسيت اغيره
ناردين: ممكن تفهمني في اي بقي ؟
ريان : مفيش حاجه عادي كتبته عشان سهل متكبريش الموضوع
ناردين : والله ! تمام و بنسبه لكل حاجه تعرفها عني الاكل والالوان والسواقه طيب بلاش دول صورتي ! صورتي بتعمل اي في درجك والالغاز الي مامتك قالتها ليا اول مقابله لينا وتقبلها لكل حاجه عادي ! بنسبالك ده تكبير موضوع برضه
ريان : اي الي عرفك بموضوع الصوره ! انتي بتفشي في حاجتي ؟
ناردين : كانت موجوده مع مفتاح العربيه فشفتها بالغلط
ريان : امم علي العموم انتي فهمه غلط ومتشغليش دماغك الموضوع مش مهم
قال كده وتحرك من مكانه فسبقته ووقفت قدامه ورفعت ايدي لاتنين في الهوا عشان اوقفه وقلت بعصبيه
ناردين : اي موضوع مش مهم دي ! ريان انا عايزه افهم كل حاجه ودلوقتي
ريان : ناردين ابعدي من قدامي
ناردين : مش هتحرك ، ريان عشان خاطري فهمني متسبنيش في دوامه التفكير والاسئله دي كلها انا من حقي اعرف لو سمحت
ريان باخذ نفس وتحدث بخفوت : عايزه تعرفي اي اني بحبك من سنتين من طرف واحد ؟!
اني ازاي خنت صحبي وحبيت حبيبته وخطيبته لاخر لحظه في حياتي ومهما حاولت انساكي معرفتش
عايزه تعرفي انه صوتك الي بكون اقل صوت في القاعده كلها كان قادر ازاي يملا اليوم ده بنسبالي ويشبع النظره الي نفسي ابصها ليكي بس مش قادر اعمل كده ..
عايزه تعرفي اني ادمنتك ! وقلبي بتقطع كل يوم من تأنيب الضمير وبهرب من معظم التجمعات الي بتكونو فيها مع بعض عشان متعبش
واي حاجه تعمليها تلبسيها وتفرحي بيها بتطبع في دماغي وعايشها كاني عايش معاكي
عمري ما بصيت في عينيك عشان مفكرش في يوم اني اخطفك او أذي بسبب حبي ليكي هه انا وصلت لمرحله معرفتش انام ول اكل ول اتنفس وقت ما بشوفكو مع بعض في يوم واكون حاضر ويمسك ايدك قدامي !
يوم الفرح بتاعكو حاولت اتحجج باي حاجه اهرب او حتي اسافر او حتي اموت لاني يومها روحي هتنسحب مني وهموت فعلا لما اشوفك جمبه وبزفك لي بإيدي وكانه مفيش اي حاجه ولاني صحبه واخوه لازم احضر ولازم ادوس علي قلبي وفعلا روحت وحصل الي حصل
عايزه تعرفي اي فهميني !
ناردين :....
ريان ببتسامه بارده : اكيد مش عايزه تعرفي كل ده صح !
ناردين بصدمه وتوتر : انا...انا...
ريان : متقلقيش مش مضطره اتبرري لي حاجه بالعكس انا اسف عشان انا الي غلطان في الحوار ده كلو وصدقيني مش هضغط عليكي ول هحاول افرض عليكي اي حاجه فطمني انا قلتلك عشان أصريتي مش اكتر "ينظر لساعه " هنزل شويه خدي بالك وقفلي الباب كويس
لمس دراعي الي نزلتهم من اول كلمه قالها بخفه واخد المفتاح من علي السفره ومشي وقفل الباب ورا ..
واول ما سمعت الباب بيتقفل قعدت في الارض ورجلي مشلتنيش وقتها !
نزل كلامه ك قنابل علي قلبي ، صدمه ورد عمري ما كنت اتخيلو او اتوقعه ولقتني برجع بذكريات ورا وبحسب كل كلمه طلعت وتقالت بغباء مني لي ...
ريان بنظر للارض : مالك مديقه كده لي
ناردين : لي بتقول كده ؟
ريان : مش من عادتك تقعدي من غير كلام او حتي تطلبي شاي
ناردين : تعرف انك الوحيد الي لحظت ده انهارده ! انا مش عارفه اقلك اي شكرا يا استاذ ريان
ريان : هو بعد استاذ دي متقليش حاجه خلاص
ناردين : ههه خلاص ريان بس اهو
ريان : امم حصل حاجه
ناردين : مفيش عمي متخانق مع خالتي بسببي انهارده وبتسمع كلام متستهلوش بسببي ومش عارفه اعملها اي ، بتمني امشي من البيت ده بسرعه عشان يبطل زعقلها والمشاكل والمصريفى تهدا شويه
ريان : وانتي مديقه عشان خالتك ول عشان حسه بتقل عليهم
ناردين : الاتنين ، عارف احساس انك تكون السبب في حاجه ومش بإيدك تغيرها ول حتي عارف تحل حاجه لانك ببساطه المشكله
ريان : متفكريش كده انتي مش ال مشكله ول حاجه وكمان خالتك بتحبك جدا وانتي الي ماسكه حمل البيت معاها وبنسبه لعمك بكره يعقل والدنيا تروق ويندم علي كل الي عمله معاكي ده
ناردين : تفتكر ؟
ريان : اكيد
ناردين : خلاص اقفل الموضوع لانه راجح قرب ومتقولوش حاجه لانه مش عايزه يزعل بسببي
ريان ببتسامه : متقلقيش كانه مفيش حاجه حصلت .
.................
ريان : الو مين
ناردين : احم الو
ريان : امم ازيك يا ناردين
ناردين : انت عرفت انه صوتى ! ده راجح مخدش بالو اول مره والله !
ريان : كل واحد وتخصصه بقي
ناردين: ههه ماشي ي حضره الظابط
ريان : محتاجه حاجه
ناردين : كنت عايزه اسالك لو راجح معاك عشان قافل تلفونه من الصبح ومعرفتش اوصله وهو رن عليك قبل كده من عندي ف اسفه لو ديقتك
ريان : لاء مديقتش ول حاجه وعلي العموم انا في الشغل ومشفتوش من الصبح
ناردين : تمام يا ريان شكرا جدا
ريان : العفو يا ستي
..................
ريان بعصبيه : ممكن افهم حضرتك قفله التلفون لي ! بقالنا زفت ساعه بندور عليكي تعرفي كنت قلقان عليكي ازاي اقصد راجح كان قلقان ازاي
ناردين : طيب اهدا في اي !
ريان : اي حركات العيال دي !
ناردين : كنت عايزه افصل ومش عايزه اروح اي المشكله
ريان : المشكله اننا نقفل التلفون ونقلق الناس الي حوالينا يا ست ناردين
ناردين : خلاص انا اسفه
ريان : اتفضلي قدامي يلا نلحق راجح الي هيمشي ده
ناردين : هو تحت
ريان : امم
ناردين ببتسامه وجري مرح : اشطاا يلا ننزل .
________________
قد اي كنت غبيه ! كل تصرفاته كانت بتوحي بحاجه ليا ، انا مش عرفه اعمل اي؟
كل حاجه تلخبطت في قلبي ، حيره وصدمه وكسره وندم و مشاعر كتير جوايا مش عارفه اوصفها
انا بعترف انه لسا في زكريات كتير في قلبي لراجح واكتر شعور بحس بي اتجاه دلوقتي هو الكره وزياده كمان وعمري ما هسمحه علي الي عمله معايا ده
بس انا مش هعرف ادي فرصه تاني لقلبي انه يحب ، مينفعش اجرب ده تاني واقول عادي بعد كل الي حصل ده ،اووف .
فتحت التلاجه لقيت تورته كبيره ليا ومكتوب عليها اسمي فقلبي وجعني اكتر ما كان وجعني وترميت علي السرير وانا بتاسف لي ولنفسي علي كل حاجه حصلت وعملتها انهارده يارتني أجلتها ويارتني ما زعلته كده .
بعد اسبوع....
عدا اسبوع وكلمنا قل كتير عن الاول مبشوفوش غير بليل ومبيطلبش اكل وبقولي كلت بره ول قادره اوجه ول اعرفه ابدا منين كلا معاه ول حتي هو فكر يسألني "ها اخرت الموضوع ده اي " ومن وقتها مش عرفه اشوف ملامحه زي الناس ول ضحكته الي كانت بترن في قلبي قبل طلبت الاذن الوسطي عندي
وحشني اوي وانا غبيه اوي ومنه لله عشان خلانى اتعلق بيه كده واحبه بشكل ده ، اه حبيته وبعترف بده من جوه قلبي والاسبوع الي كان 7 سنين الي انا عشته بعيد عنه ادبا ليا ده هو الدليل علي كده...بالله ارجع معايا زي الاول وانا معنتش هسالك عن اي حاجه تاني
والله لهرب ومحدش هيعرف لي طريق عشان انا الكتكوت الي جويا تعب .
"في المركز "
ريان : الو
فدوه : اي يا حبيبي عامل اي
ريان : الحمد لله يا قمر انتي عمله اي
فدوه : لاء صوتك مش عجبني احكيلي حصل اي
ريان : هه ازاي بتعرفي ديما اني مخنوق وبترني ديما في الوقت صح
فدوه : قلب الام ي عنيا انت عندك ام غيري يلا ول اي
ريان : والله انتي الي بتقولي كده مش انا والجوامع تشهد
فدوه : ههه ها مالك بقي واخبار الست نارود
ريان : تعبه قلبي ومحيارني معاها يا ام ريان
فدوه : ههه عرفت كل حاجه
ريان : امم وجهتني وقلتلها
فدوه : واي الي حصل
ريان : فيكي تقولي جفاف ، كنت خايف اقلها عشان متبعدش عني واحس انها محرجه مني زي دلوقتي كده عشان كده كنت بخبي ده جويا ومبقلهاش ، انما دلوقتي حرمتني حتي من ضحكتها
تعرفي يا ماما لما حبيتها كنت بموت كل يوم عشان صحبي وعشان هي هضيع مني بس كنت مبسوط بفرحتها حتي لو مش معايا ، بس انا دلوقتي خايف اكون سبب زعلها او حتي خوفها وبعدها عني خصوصا اني عارف قد اي بتحب راجح وعمرها ما هتفكر تحبني قده بس انا خايف خايف اكون تسرعت اني اخدت الخطوه دي واكون دمرت حياتها تفتكري كنت غلط يا ماما ؟
فدوه : افتكر انك عملت عين العقل يا ماما ، عمرها ما هتلقي حد يحبك قدها واعرف انه قدر وانه ربنا عمل كده عشان يفهمك انها ليك ومن نصيبك في الاخر ومين قلك انها مبتحبكش اسال امك الي شافت عينيها يومها لما جت عليك وانت قاعد والايام هتثبتلك ده ، عايزك تطمن ومتبعدش عنها لان هي قوتك وساعدتك حتي لو حصل الف خناقه اتكلمو وحلو سوء تفاهم ده عشان الي زيكو مينفعش يزعلو من بعض .
ريان : يسطي اي الكلام الجامد ده يابخت فؤش بسنفورته والله
فدوه : متحترم نفسك يولد ! جيل مهبب
ريان : ههه
________________
"امام المنزل
بورعي : يا استاذ ريان المدام مش فوق انا قلت اقلك عشان تعمل حسابك
ريان : ازاي مش فوق يعني ! قلتلك حاجه
بورعي : اه قلتلي لو شوفتك اقلك كده واعطتني الورقه دي
ريان : امم طيب جيب
" قررت اهرب ومحدش هيعرف لي طريق ومتحولش ادور عليا عشان مش هتلقيني وابقي اقفل باب التلاجه وراك وانت بتشرب عشان بتبوظ وانت الي هتدفع تمن تصلحها وشكرا "
ريان : ههه مجنونه
بورعي : بتضحك علي اي يا استاذ مضحكني معاك
ريان : بضحك علي الحِزن الي انا فيه ، نصيحه يا بورعي متجوزش وحده اقل من 160 cm عشان هتشوف ايام سوده تمام
بورعي : اطمن انا مبفكرش اتجوز واصل
ريات : تفكير سليم فعلا ربنا يكملك بعقلك يبني .
في الكافيه ...
ريان بجلوس امامها : بزمتك اي الجو الي انتي عملاه ده
ناردين : لو سمحت انا هربانه من البيت وفصله ناو فمتكلمش
ريان : والله ؟ وكمان غيري ام المكان ديما تقولي البوقين دول وتيجي هنا غيري المكان خلي في شويه اسبنس وادور عليكي وارن بصحبي في المخابارت ونعمل نفسنا شرطه بقي
ناردين : ابدا انا ضد العنف
ابتسم فبتسمت لي ولسه هكلم لقيت بطل ! احم بنت صفره لاء لاء مش قادره اي العود ده يا بت !
ساره : اهلا بشرطه مصر كلها
ريان : احم اهلا يا ساره
ساره بوضع يدها علي كتفه : فينك يا عم من ساعه ما نقلت ومفكرتش ترن او حتي نتقابل نشرب شاي
ناردين : تؤ تؤ كده غلط كده غلط كبير
ساره : عفوا مين حضرتك
ناردين : كيس لب ..الاسود ده عرفاه
ريان بنزع يدها بهدوء : احم ناردين مراتي ودي ساره كانت زميلتي في كليه الشرطه وكنا في نفس القسم
ساره : تشرفنا يا ناردين هانم وبقلك يا بختك اتجوزتي اكفئ واحد في الكليه كلها وفي الكتيبه بعد كده كمان
ناردين ببتسامه مزيفه مصتنعه : الله يخليكي بس معلومه عرفاها مش محتاجه حضرتك تقوليها
ساره بحراج : واضح انها قفوشه ! علي العموم نبقي نتقابل ونشرب شاي في يوم يا باشا ، مع السلامه
ريان : ان شاء الله ، سلام
ناردين بديق : قوم يا حنين قوم
ريان بضحك : هفهمك والله استهدي بالله
ناردين : بتضحك ! قوم لينا بيت نتكلم فيه يلا
مشينا وانا هفرقع من كتر الغيظ ، اي التلاجه الي هو عايش فيها دي قال وبتلمسه في كتفه بكل عين بجحه قدامي ! ماشي يا ريان
"في المنزل "
" يفتح ريان الباب بالمفتاح وتدخل خلفه وتقفل الباب بقوه خلفهم فيستدير بخضه واستغراب "
ريان : انتي اتجننتي !
ناردين بعصبيه : اه تجننت ! انت جننتني خلاص ، عايز تسمع مني اي اني بحبك طيب انا بحبك يا ريان تمام بحبك وتعبت من فرقنا وقله كلامنا ووحشتني واوي كمان فهمني انت انا اعمل اي دلوقتى ؟!
ريان:....
يتبع ...
تعليقات
إرسال تعليق