 |
#البارت_الثالث_عشر
13_14_18_16
#أنتقام_خارج_حدود_المنطق
كان يجلس يزن علي أحد المقاعد وهو يستمع إلي ما يحدث في المقاعد الذي أمامه بهذه السماعه التي توجد في أذنه اليسرى وكأنه يسمع أحد الاغاني المشهوره، وفجأة تدلف فتاه ترتدي ثوب احمر ناري يصل الي منتصف فخذها وبحماله رفيعه جدًا تدلف وهي ترفع رأسها بشموخها المعتاد و بثقه غير طبيعيه يتضح أنها شخصيه قوية كثيرًا وبهذا الهيلز الذي ترتديه فكانت قمة في الانوثه... ظل يزن مبحلق بها كثيرًا حتا نسي ما كان يفعله.. ولكن فاق من شروده سريعًا ومن الواضح أنه انزعج قليلًا بسبب ملابسها الذي تكشف تفاصيل جسدها بوضوح.. ولكن كل الدول الاجنبيه ترتدي كهذا فليس عليه أن يغضب هو ليس له علاقه بها، وهو يجلس يأتيه معلومه أن يقوم ويشتت الإنتباه سريعًا لأن التسليم يوجد عليه بضعة ثواني ويجب عليه أن يلفت الإنتباه لكي لا يشك فيه احد... ليقوم من جلسته بثقه ويتجه الي صاحبه الرداء الاحمر ...
يزن. هل تسمحي لي بهذه الرقصه (Will you allow me to do this dance?)..
البنت. عذرًا لا اريد أن ارقص(Sorry I don't want to dance) ...
لا يرد عليها ليس*حبها من يديها ويتجه بها إلي ساحة الرقص ...
يجذبها إليه ويضع يده على خصرها ويقربها منه كثيرًا ...
البنت بغضب وهي تبعد عنه ولكنه مقيدها بيده.. ابعد يا حيوان ..
يزن بصدمه. انتي مصريه...
البنت بغضب. انت ازاي ترقص معايا كده سيب ايدك عني احسن اصرخ ..
يزن ببرود.. صوتك عشان محبسكيش وتلمي نفسك وترقصي احسن ليكي عشان انا مش برقص معاكي عشان جمال عنيكي ...
البنت بصوت عالي. اومال ليه يا بارد ..
لينظر يزن الي التربيزه ليجدهم ينظرون إليه بتركيز... لينظر إليها مره اخري ولكن تلك النظره ارعبتها حقًا سارت قشعريره في جسدها من نظرته إليها، لتبدأ أن ترقص معه بهدوء من الواضح أن يوجد شئ وراء تلك الرقصه ويجب أن تعلمها.. لترقص معه حتا النهايه وتري ماذا سوف يحدث ...
كان جميع من في المكان ينظرون إليهم.. كانت رقصه من اروع الرقصات الذي سوف تشاهدها في حياتك بعد ثواني انتهت الموسيقي لتنتهي الرقصه معها.. ليميل عليها يزن وهو يقبل شفتيها بحنان.. وهي تصنمت حرفيًا كيف له أن يفعل هذا هل جن هذا الراجل لتبعده عنها بقوه.. وترفع يديها وهاهي تنزل عليه بصفعه قويه جعلته ينصدم.. ما أن انزلت يديها حتا سمعت طلق*ات نا*رية حولها لتفزع بشده، ليبدأ يزن أن يتولي الأمر ويدلف الامن الي المكان ويأخذ هذا الرجال المس*حلين.. انتهي يزن الي ما كان يفعله لينظر إليها مجددًا ولكنها اختفت تمامًا، الي اين ذهبت تلك الفتاه صاحبة الرداء الأحمر ؟!!
وعلي الجهه الأخري كانت تقف شمس أمام باب المنزل وهي تبكي....
بحبك.. كلمه قالتها ثم وصلت في بكاء شديد يقطع نياط القلب .....
نادين ببكاء هي الأخري ثم احتضنتها.. ياروحي انتي مالك بس ..
_تعبانه اوي يا نادين ...
_اهدي بس يا قلبي خير ان شاء الله ..
لتاخذها نادين وتدلف الشقه وتنصدم من حالة الفوضي التي عليها ...
نادين بصدمه.. مين عمل كده في الشقه ..
لتنظر الي شمس تجدها تبكي مره اخري لتأخذها في أحضانها وهي ترتب على ظهرها بحنان لكي تهدأ قليلًا ....
نادين بهدوء. اهدي يا شمس يا حبيبتي مفيش حاجه تستاهل بكائك ..
شمس ببكاء.. هو يستاهل يا نادين.. تاعب قلبي ..
نادين. شكله ابن عايده.. وهنفخه لو طلع اللي في دماغي صح بس استني عليا ...
شمس.. انا عايزه اطلق ..
لتنظر لها بزهول.. نعم طلاق اكيد انا سمعت غلط صح قولي اني سمعت غلط ...
شمس وبدأت أن تهدأ.. انا عايزه اطلق يا نادين وانتي هتسعديني في كده ..
نادين بزهول.. شمس انتي اكيد اتجننتي او متعصبه شويه صح.. اهدي بس كده طلاق أي انتي مش بقالك شهر متجوزه ..
شمس. انا بقولك وأنا في كامل قوايه العقليه عايزه اطلق ..
نادين. يابنت الجزمه انتي.. مش ده اللي كنتي قرفانه بيه وبحبه يا بابا مش هقدر اعيش من غيره هو قرة عيني وانتو القرة التانيه ...
شمس ببكاء. خلاص بقا متوجعيش قلبي وتحسسيني ان انا كنت غبيه ..
نادين. اي سبب الطلاق يا شمس اي اللي جاب الفكره في دماغك.. لتكمل بدهشه.. اوعي تقولي أنه بينتقم منك عشان ضربتيه بالقلم زي الروايات ..
شمس. هو انتقام فعلًا بس بسبب ايه معرفش وبعدين انا مضربتوش أساسًا ..
نادين. نعم يا روح امك ..
شمس.. والله مش بهزر وهو بذات نفسه قالي انا ينتقم منك بسبب اي انا معرفش لحد دلوقتي ..
نادين. لا انتو اتنين مجانين وانا صحتي مش قد كده بصراحه... يعني اي بينتقم منك معلش ..
شمس. ما انا لو كنت اعرف يا غبيه كنت قولتلك متوجعيش دماغي بغبائك انا جيباكي عشان تقفي جمبي وتحلي المشكله ...
نادين. وانا يا بنت الجزمه انتي.. هعرف لوحدي يعني معلش واحده بتقولي بينتقم مني المفروض اني اعرف السبب لوحدي كده ما تقولي اي اللي حصل وانا افهم ...
شمس. بصي يا ستي واسمعي وركزي وإشك اصلًا انك هتفهمي ..
نادين.اصيله يا ام رحاب كملي بقا ...
لتحكي لها شمس جميع ما حدث معها من يوم زفافها حتا هذا اليوم ..
نادين بصدمه. نعم ؟!!!
شمس. انتي مبحلقه كده ليه يهدك ..
نادين. احلفي سليم عمل كده معاكي ..
شمس. وهو ده اللي حصل.. ولا انا فاهمه اي سبب الانتقام ولا فاهمه ليه اتغير ١٨٠ درجه كده بجد ساعات بحس أنه عايزني جمبه ومبعدش.. وساعات تانيه بحس أنه بيكرهني لدرجة اني بفضل اقول لنفسي انا وحشه كده ....
نادين. انتي مش وحشه يا شمس.. بس ازاي اتنين دكاتره يكدبوا كده يعني اي مصلحتهم.. وثانيه بس انتي غبيه ..
شمس. ليه وانا عملت اي ..
نادين. ازاي زفت بسنت دي تحكيلك وانتي تصدقي لا وكمان مرضتيش تقولي لسليم عشان ميزعلهاش ..
شمس بهدوء. بصي هو انا مكنتش بحبها في الاول بس لما قالتلي علي حكايه الحمل دي وطلعت صح قولت يبقا هي طيبه واني كنت واخده فكرة غلط عنها ...
نادين. مش عايزه اقولك انك طيبه عشان كده غباء مش طيبه، هي عايزه توصلك كده عشان تبوظ علاقتكم ببعض اصلًا.. يعني ليه تقولك أن سليم بايت عندها أو ليه كل ده غير بهدف هي عايزه توصله.. وازاي مرحتيش لدكتوره اللي انتي عرفاها وسألتيها ليه كدبت ...
شمس. مكنتش عارفه احلل كل ده.. وغير أن سليم مكنش موجود فعلًا فأكيد كان عندها ..
نادين.. وليه متقوليش أنه كان قاعد مع نفسه ..
شمس.. يوه بقا انتي صحبتي ولا صحبته ..
نادين. صحبتك انتي بس بنحاول نحلل المواقف مع بعض عشان نطلع بنتيجه.. وعلفكره انا شايفه أن سليم مش غلطان في كل ده غير معملته ليكي فقط.. يعني اي راجل شرقي وخصوصًا أن سليم اصله صعيدي اصلًا لو سمع أن مراته حامل كان ق*تلها.. لكن سليم ضربك بالقلم وسابك ومشي ...
شمس بغضب.. يعني أن هو يضربني ده عادي معلش فين الثقه في الموضوع ...
نادين. شمس دي مش ثقه هو محدش جه قاله مراتك ماشيه مع واحد لأ.. دول أطباء قالولوا مراتك حامل انتي مستوعبه ..
شمس بغضب. ده مش مبرر للي مبعمله ..
نادين. بصي انا معاكي في فكرة ليه معملته اتغيرت وكده ولازم نعرف فعلًا حكاية الطلاق دي اهدي عليها شويه نفهم في أي ونقرر اللي هيحصل، ولازم نروح لدكتوره ونفهم منها اي اللي حصل وليه عملت كده أما بسنت بقا فا دي سيبيها ليه ..
شمس. هتعملي اي ..
نادين. قومي بس معايا كده نرتب الشقه دي واقولك هتعملي اي لحد ما نوصل للحقيقه ...
وعلي الجهه الأخري كانت تجلس بسنت بغضب عارم ...
_مالك يا بسنت اهدي كده ..
بسنت بغضب. الزفته باظت اعرف انا منين دلوقتي ..
_زفته اي انا مش فاهم ..
بسنت. ولا هتفهم ..
_لا قوليلي حصل اي ..
بسنت. السماعه باظت ..
_ سماعة اي معلش ..
بسنت. اووف كنت مركبه سماعه في بيت سليم وشكلها كده باظت ..
_نظر لها بصدمه ليقول.. نعم مركبه ليه سماعه ازاي يعني ..
بسنت. سماعه تسنتط متعرفش يعني اي.. اومال انا عرفت أن هي حامل وكل ده ازاي معلش ..
_ يابنت الايه انتي مش سهله خالص ..
_عيب عليك يا برو دا انا بسنت ..
_انتي شيطانه مش بسنت ...
لتضحك عليه بشده وعلي ردت فعله هذه ...
يمر الساعات وأخيرًا يأتي الليل ليدلف سليم الشقه بأرهاق شديد...ليجدها نظيفه عكس ما تركها ولكن لا يسمع صوتًا لها الي اين ذهبت تلك الفتاه، ولكن هو لا يريد أن يدلف عليها الغرفه ويراها، ولكن ثواني وكان يراها أمامه بثوبها الابيض الذي جعله يجن حقًا.. كانت ترتدي بچامه باللون الابيض ببنطال طويل وبلوزه فوقها قصيره نسبيًا تظهر جمال خصرها و تترك لشعرها العنان ليصل الي اخر خصرها فهو ازداد طوله في الاوانه الاخيره.. حقًا تشبه الملاك بهذا الرداء الابيض الذي جعلها فاتنه كثيرًا ....
كان يريد سليم أن يحدثها ليقول.. بتعملي اي ..
شمس ببرود. باكل ..
سليم. متعمليش حسابي انا مش هاكل ..
شمس بنفس البرود.. مكنتش هعمل حسابك اصلًا عايز حاجه تقدر تعملها ..
لينصدم سليم من طريقه ردها عليه وبرودها التي تحتفظ به.. ليدلف غرفته وهو يفكر في ماذا غيرها هكذا تتعامل معه ببرود شديد ....
دقائق تمر عليها كانت تجلس شمس في غرفتها وهي تأكل بنهم ولكن شعرت بالبرد الشديد لتقوم من جلستها وهي تجلب احد المنامات الشتويه لكي تدفئها... ولكن بمرور دقائق تسمع شئ يقع في الأرض لتفزع قليلًا وهي تذهب الي غرفة سليم ...
وما أن دلفت الغرفه حتا احتلتها الصدمه حقًا ؟!
رايكم في البارت وتوقعتكم ♥️
التفاعل يزيد عشان انزل البارت الجديد بسرعه عشان اغلبكم اصلًا مش بيعمل كومنت يعني الكومنتات المفروض تبقا ضعف الريأكت وانا واخده بالي 🙂😂
بقلمي / رحمة نجاح
#البارت_الرابع_عشر
#انتقام_خارج_حدود_المنطق
دقائق تمر عليها كانت تجلس شمس في غرفتها وهي تأكل بنهم ولكن شعرت بالبرد الشديد لتقوم من جلستها وهي تجلب احد المنامات الشتويه لكي تدفئها... ولكن بمرور دقائق تسمع شئ يقع في الأرض لتفزع قليلًا وهي تذهب الي غرفة سليم ...
وما أن دلفت الغرفه حتا احتلتها الصدمه حقًا، كان سليم يجلس علي المقعد والغرفة في حالة فوضي، وجهه شاحب وبشده يبدو أنه مريض ....
شمس.. احم سليم انتَ كويس ..
لم يرد عليها سليم فهو يشعر بدوار يتملك منه الرؤيه عنده مشوشه كثيرًا ...
شمس. طب انت كويس اجبلك الدكتور ..
سليم بتعب يظهر في صوته..عايز انام ...
لتتجه إليه شمس وهي تحاول أن تسنده لكي يذهب الي السرير ...
ليتسطح سليم لتضع شمس يديها علي جبهته لتجد الحراره مرتفعه جدًا.. مما ادي الي خوفها عليه، فهي لا تعلم ماذا تفعل في تلك المواقف ...
لتقوم من جلستها سريعًا وهي تتوجه الي المطبخ لكي تجلب ماء وقطعة قماش لكي تخفض الحراره قليلًا ...
شمس بخوف. الو يا نادين ..
_مالك يا شمس ..
_سليم تعبان اوي وحرارته عاليا وانا مش عارفه اعمل اي ..
_اتصلي بالدكتور طيب ..
_مش عارفه دكاتره وخايفه اوي ..
_طب اطمني انا هكلم دكتور وهاجيلك متقلقيش انتي حاولي بس تنزلي حرارته شويه ..
_حاضر بس متتاخريش بالله عليكي يا نادين ..
_حاضر والله ..
وعلي الجهه الأخري في امريكا ..
_انت اي اللي عاملته ده يا حضرة الظابط ..
يزن بجديه. عاملت اي يا فندم ..
_حضرتك طالع مأموريه ولا طالع تبوس ..
يزن بأحراج.. حضرتك اطلب مني اني اشتت اللي موجدين ..
_تقوم تبوس بنت دي قلة ادب يا حضرة الظابط ...
_يافندم ما المهمه نجحت ..
_وده اللي خلاني اسكت علي أعمالك يا يزن، ياريت تهتم بشغلك شويه ..
يزن.. تحت امرك يا فندم ..
ليخرج يزن وهو يستشيط غضبًا لا يحب اطلاقًا أن يأخذ من أحد أوامر مثلما فعل القائد الخاص به، ولكن يفكر قليلًا لماذا قبلها حقًا هو نفسه لا يعلم لماذا فعل ذالك ...
عند شمس كانت تجلس بجانب سليم وهي تضع له الكمادات وتنتظر نادين لتسمع طرقات الباب لتقوم سريعًا لكي تفتح ...
_خش يا دكتور اتفضل ..
ليدلف الطبيب غرفة سليم وهو يفحصه ..
نادين.. اهدي يا حبيبتي أن شاء الله خير هتلاقي خد دور برد بس ..
شمس بدموع.. شكله يوجع القلب يا نادين ..
نادين ببتسامه وهي تضرب رأسها بخفه.. عايزه اطلق يا نادين صح، دا انتي هتموتي عليه يا بعيده ...
شمس. يووه بقا، مش وقته الكلام ده ..
الطبيب.. متقلقيش يا مدام هو دور برد مش اكتر بس شديد شويه ومن الواضح كده أنه نزل المايه عشان يسخن بالطريقه دي او يمكن اتعرض لبرد بسبب تقلب الطقس هاتي بس الدواء ده واستمري في الكمادات وانا كتبتله علي خافض حراره ..
شمس.. شكرًا جدًا يا دكتور ..
نادين. هات يا دكتور الدواء انا هنزل اجيبه ..
لتأخذ منه الورقه وهي توصله عند الباب لكي تنزل وتجلب الدواء ...
نادين. هنزل اجيب الدواء وانتي خليكي جمبه ...
شمس. تمام اسفه تعباكي معايا ..
نادين. بطلي هبل وبعدين يعني هي أول مره اشيل نكدك يا وليه.. انا هنزل احسن ..
لتضحك شمس عليها فهي تحمد ربها كل يوم لانه أعطاها صديقه مثل نادين، حقًا الاصدقاء نعمه من عند الرب، صديق معك وقت الضيق قبل الفرح، يسعد بنجاحك قبل أن تفرح انت سبحان من يزرع الحب في قلب اثنان ليصبحا أكثر من الاخوه لبعض ...
بعد فترة كانت نادين تقف بجوار شمس وهي تعطي لسليم الدواء ...
نادين. عايزه حاجه تاني يا شمسي ..
شمس وهي تحتضنها.. يخليكي ليا ..
نادين بابتسامه.. وليا يا قلبي، خليكي جمبه انهارده وسيبك من الخطه دي لحد ما يخف وبعدين اشتغلي عليها تاني ..
شمس بابتسامه. حاضر متقلقيش ..
نادين. همشي انا عشان الجو بقا ..
شمس. في حفظ الله يا قمري ...
لتخرج نادين من الشقه وتجلس شمس بجانب سليم وهو تضع له الكمادات ....
سليم. متسبنيش انا بحبك ..
كلمه قالها جعلت قلبها يهتز عذرًا كيانها بالكامل اهتز اثر كلمته الذي نطق بها..
شمس بتوتر.. احم اكيد بسبب السخونيه مش في واعيه ...
لتسمعه يقول مره اخري.. لولا اللي عمله كان زمانك معايا وفي حضني ..
نظرت له بعدم فهم ما هو الذي فعله ذالك الشخص المجهول الذي لا تعلم عنه شيئًا بالمره، للمره الثانيه يذكر هذا الشخص الذي لا تعلم هويته حقًا الأمر يشغل عقلها كثيرًا ..
شمس بشرود. مين ده يا سليم اللي كل مره تجيب سيرته في مواضيع مختلفه وبيبقا هو السبب انا مش فاهمه حاجه فعلًا تعبتني معاك يا سليم ...
لتظل بجواره طوال الليل وهي تضع له الكمادات وتعطي له الدواء حتا اطمئنت عليه، لتقوم من جلستها وهي تتوجه الي غرفتها لكي لا يعلم أنها ظلت بجانبه طوال الليل لا تريد أن يعلم هذا لكي لا يقول أنها مازالت تهتم بيه ..
صباح يوم جديد استيقظ سليم ليشعر أن جسده يؤلمه بشده، ليقوم ويتوجه الي المرحاض لكي يأخذ دش يريح أعصابه، ليخرج بعد فتره وهي يرتدي ملابسه ...
سليم. بتعملي اي يا شمس ..
لترد عليه ببرود.. بعملك اكل عشان تاخد العلاج ..
سليم. علاج اي ..
شمس. تعبت امبارح والدكتور جه واداك علاج والممرضه كانت جمبك عشان الكمادات ولسه ماشيه من شويه ..
سليم باستغراب.. ممرضه.. وانتي مقعدتيش ليه بدل الممرضه ..
شمس ببرود تمكن منها.. مش ملزومه اني اقعد جمبك ..
سليم بزهول من ردها. بجد والله مغيرتيش طيب ..
شمس. هغير ليه الغيره ناتج الحب واظن ده مش موجود في علاقتنا ..
سليم. لا والله انتي شايفه كده ..
شمس. وهي تاخذ أحد الأطباق وتقول.. مش شايفه غير كده بصراحه، ثم تكمل.. كل عشان العلاج ...
لينظر لها سليم ببرود شديد ولا يرد عليها ثم يخرج من الشقه وهو في قمة غضبه منها ...
شمس. اووف بقا والأكل اللي واقفه اعمل فيه ده. دا انتا غلس ...
وعلي الجهه الأخري كانت نادين تنزل من شقتها وهي تسير في أحد الشوارع لكي تجلب سيارتها ولكنه وجدت ما صدمها بشده ...
رأيكم في البارت وتوقعتكم ♥️
بقلمي / رحمة نجاح
#البارت_الخامس_عشر
#انتقام_خارج_حدود_المنطق
_من الطبيعي انك تقط*عي شر*ايين الناس ..
............
كان يزن يجلس في غرفته وهو شارد الذهن بتلك البنت صاحبة الرداء الاحمر معلقه في ذهنه كثيرًا لا يعلم لماذا تشغل تفكيره الي هذا الحد....وها هي معلقه في ذهنه بصاحبة الرداء الاحمر ...
وعلي الجهه الأخري كانت تجلس فتاه في غرفتها وهي تتذكر عندما بدأ الاشتباك بينهم خرجت من المطعم من الباب الخلفي سريعًا وهي تجري فهي مازال صوت الرص"اص يؤثر عليها كثيرًا ...
زمرده.. هو انا كنت جبانه ليه كده... بس ثانيه ده مش خوف يعني لأ ما هو اكيد خوف بصراحه... بس ده الطبيعي يعني وبعدين الح*يوان ده اشوفه بس تاني واديله قلم كمان عشان معصبني من ساعتها كلب البحر ....
وعلي الجهه الأخري كانت تقف نادين أمام الراجل وهي مبحلقه في صدمه حقيقيه فهي الان تشاهد راجل يختطف فتاه والفتاه تصرخ تريد النجده ولكن لسوء الحظ لا يوجد سوا نادين في هذا المكان والذي اختبئت سريعًا لكي لا يراها احد وهي لا تعلم ماذا تفعل في تلك المواقف كل ما هي تفعله الان أنها تراسل شمس هي التي سوف تساعدها ...
لتأخذ رقم السياره التي ركبت بها البنت وترسلها لشمس في رساله وهي تقول لها ( في واحد خطف واحده يا شمس قدامي وانا مش عارفه اعمل اي والمكان شبه مفيهوش حد غيري انا، وانا عند *** ....) ...
ما أن بعثت نادين الرساله لتشعر بشخص يقف خلفها لستدير وهي خائفه بشده ....
_ اهلًا يا حلوه .. قالها وهي يرش أحد مواد التخدير علي وجهها ... وما هي إلا ثواني وكانت تقع نادين مغشي عليها ...
وعلي الجهه الأخري كانت تجلس شمس وهي تمسك هاتفها وعقلها مشغول بسليم كثيرًا فهو كان مريض وهي تخشي أن يمرض مره اخري وهي لست بجانبه ...
شمس. مش كنت اقوله ان انا اللي سهرت جانبه ...
العقل.. بطلي غباء بقا عايزه اي تاني ..
القلب.. والله انت اللي هضيعه بالمنطق بتاعك ده ...
العقل.. بس ابقا بكرامه مش انت يا منعدم الكرامه ..
شمس بضحك. الواد ده عنده حق والله الرجاله تروح وتيجي اهم حاجه الصحه والمانكير بتاعي الباقي شكليات ...
وأثناء ما هي تضحك بشده علي اختلاف آراء القلب والعقل ك كل مره عندما تفكر في شئ... تأتيها رساله من نادين ...
شمس. البت بعتت رساله أخيرًا افتكرت أن عندها صاحبه ...
لتفتح الرساله وهي تقرأها والصدمه احتلت وجهها لتتصل به ولكن لا رد لتظل تتصل بها كثيرًا حتا انقفل هاتفها ...
شمس ببكاء. عااا البت انخطفت اه يا ضنايه يا بنتي، سليم هو الحل ...
وما أن ذكرت اسمه حتا وجدت صوت الباب ينفتح.. لتجري شمس سريعًا إليه وهي تبكي ..
سليم.. في أي بتعيطي ليه ..
شمس ببكاء.. نادين.. نادين ..
سليم بحده. اهدي وقولي في أي عشان افهم ..
شمس. نادين اتخطفت ..
سليم. نعم وازاي معلش ونادين جت امتي اصلًا ...
شمس. جت وخلاص هي اتخطفت وبعتتلي الرساله دي ...
ليأخذ سليم منها الهاتف وهو يتفحص الرساله ...
شمس. انا عايزاها يا سليم مليش دعوه ..
سليم بحده.اسكتي بقا عايزه افكر ..
_انا جيت ...
لينظر سليم الي الواقف أمامه بغضب عارم ....
علي الجهه الاخرى كانت تجلس بسنت لياتيها صوت أحد غاضب وبشده ...
_انتي اي اللي عاملتيه ده ...
بسنت بهدوء. عاملت اي ..
_انتي اللي كنتي هتق*تلي شمس صح ..
_امممم وده هيفرق معاك في حاجه ..
_انتي اتجننتي يا بسنت احنا عايزين نفرقهم مش نتحبس ..
_يعني اي مشكلتك دلوقتي ...
_هو من الطبيعي انك تقط"عي شراي*ين الناس ..
بسنت بهدوء قاتل.. لو شمس فمعنديش مانع يا بيبي ....
رأيكم في البارت وتوقعتكم ♥️
البارت صغير وعارفه 🙂😂
بقلمي / رحمة نجاح
#البارت_السادس_عشر
#انتقام_خارج_حدود_المنطق
_مش ممكن، متوصلش انك تقت*ليها يا بسنت ..
لتقول ببرود قاتل.. هتفرق معاك في حاجه ..
_لأ.. بس انا مش داخل اللعبه دي عشان اق*تل حد ..
_يبقا تخرج منها.. ولا ثانيه ثانيه لما رتبت لم*وت سليم ده كان عادي ..
لينظر لها بصدمه... انتي عرفتي ..
لتقول بثقه.. مفيش حاجه بتحصل غير لما بعرفها ..
_يبقا نكشف ورقنا لبعض بقا ..
_عايز تعرف اي ..
_ازاي عاملتي كده ..
_عاملت اي ..
_ازاي وصلتي لبيتها وقدرتي تق*طعي شر*اينها ..
لتضحك بخبث.. اقولك، سليم لما ساب شمس في بيتها وجه علي الشركه ساعتها في الاجتماع انا كنت قاصده اني أوقع عليه القهوه عشان يقلع الچاكت.. ولما خدته لقيت فيه مفتاح الشقه ..
_ايوه بردو كنتي هتعملي بيه اي ..
_هعمل بيه كالتالي.. انا اصلا كنت عارفه من التسجيلات اللي حصل ما بينهم ولما اروح عندها الشقه بمفتاح جوزها ده اكبر دليل علي خيانته ليها ...
_وليه ما ممكن تفهم انك بتوقعي وتروح تقوله ..
_تؤ شمس متعملهاش.. هو مش غباء منها لأ بس سذاجه... هي فاكره لما تقوله كده هتجرح كرامتها وده اللي عاملته لما قولتلها علي الحمل والدليل أن لحد دلوقتي سليم ميعرفش ..
_لو كان عرف كان بهدل الدنيا ..
_كنت عامله حسابها بردو سهله ..
_ازاي دي كمان ..
_عادي كنت في المستشفي لما هما كانوا هناك وسالت الدكتور وقالي أن حصل ما بينها ومابين اسم تاني تشابه اسماء واديني خلعت لو عرف الحقيقه ..
لينظر لها بزهول من تفكيرها.. يخربيتك شيطانه، كملي ..
_ولما روحت البيت يا عم لقيتها مرميه في الأرض مغمي عليها وجنبها س*كينه.. استنتجت أنها كانت عايزه تم*وت نف*سها، روحت عمللها انا الخدمه دي..وكنت مفكره اني هخلص منها بس طلعت زي القطه بسبع ترواح ..
_طب مجاش في فكرك أنها تفوق وتعرف أنها معملتش لنفسها حاجه.. وسليم ياخد باله أن المفاتيح مش معاه ..
_يابني انت زهقتني.. المفاتيح رجعت لسليم مع الچاكت بتاعه اصلا ..
_الله.. ازاي ..
_متعرفش حاجه اسمها نسخ.. وحكايه أن شمس تقول مظنش أنها كانت هتصدق نفسها اصلًا يعني اي وصلت انها تجيب سكي*نه وتم*وت نفسها مش هتفتكر اوي لما تصحي أنها كانت وقفت عن اللي كانت بتعمله أو كملت بدليل أن الموضوع مشي وسليم خد فكرة أنها هي اللي كانت عايزه تعمل في نفسها كده ...
_بجد ارفع القبعه علي تفكيرك، ابهرتيني ..
لتضحك بشده وهي تقول..يخليني وابهرك كالعاده يا بيبي ...
وعلي الجهه الأخري كان سليم يقف بغضب عندما علم مصدر الصوت ...
-انا جيت ..
كادت شمس أن تذهب اليه وتحتضنه، ولكن يد سليم منعتها وهو يقول بصوت مرعب... ورحمة امي يا شمس أن قربتي منه متلوميش الا نفسك ..
يزن ببتسامه.. خليكي مكانك يا شمس ...
لينظر له سليم بغضب.. لأ جيت علي نفسك ..
شمس ببكاء. سليم نادين ارجوك ..
يزن بعدم فهم.. مالها نادين ..
شمس.. اتخطفت ..
يزن بصدمه. ازاي ..
لتريه شمس الهاتف الخاص بها ...
يزن. العربيه دي اتبلغ عنها ...
سليم. وانت لحقت عرفت منين ..
يزن. ده شغلي واكيد هعرف حتا لو مش موجود هنا ..
شمس. يعني هنعمل اي ..
_يارب اللي في دماغي يكون غلط ...
شمس بتوتر. اي اللي في دماغك ..
_تج*ارة أع*ضاء ..
لتشهق شمس بقوه.. بتقول ايييي ..
يزن. بقول لازم اروح القسم عشان اتابع واعرف اللي حصل ...
شمس هاجي معاك ..
سليم. مفيش مرواح في حتا انتي تقعدي واللي ليكي صحبتك تبقا بخير ...
شمس.. ارجوك يا سليم ..
سليم. مش هيحصل يا شمس وجودك مالوش لازمه ...
يزن. سليم عنده حق يا شمس، مفيش اي حاجه تدل علي مكانها ..
لتفكر شمس ثوانى وهي تجيب سريعًا.. GPS معايا ...
يزن. مش فاهم ..
شمس. انا ونادين لابسين سلاسل فيها جهاز تتبع ..
لينظر لها الاثنان بصدمه ..
شمس. مش وقت صدمه احنا جبناهم عشان منبعدش عن بعض ونعرف كل واحده رايحه فين ...
يزن. طب ده حلو في مصلحتنا ...
شمس. هخش اجبلك بتاعتي وان شاء الله تقدروا توصلوا ليها ...
وعلي الجهه الأخري بدأت نادين أن تفتح عينيها اثر المخدر ...
_انا فين ...
لياتيها صوت أنوثي.. علي ما اظن كده اتخطفنا ...
نادين.. نااااعم ..
_صوتك عشان الضخم ده ميجيش تاني ...
لتتذكر نادين ما حدث وأنها رسلت شمس ...
_واحنا اتخطفنا ليه ...
_مش عايزه اوترك بس اللي فهمته أنها شبكة دعا*رة وتج*ارة أع*ضاء ...
نادين.. هيهيهي كملت ...
_انتي بتضحكي ..
_الموضوع يضحك والله.. يعني انا عايزه في المانيا كل ده عشان لما انزل اتاخد في شبكة دعا*ره.. الصبر يارب ..
_انتي اي الامبالاه دي يا اختي ..
_اللي ربنا عايزه هيكون.. هيفيد بايه اني اعيط يعني ..
_ونعم بالله بس مش كده ..
_خير باذن الله وشمس أن شاء الله هتتصرف
_مين شمس ..
_صديقة دربي ..
_لأ دي انتي علي الله حكايتك اوي ..
_متقلقيش هتتحل من عنده ..
_اللهم نص ثقتك دي ...
وعلي الجهه الأخري كانت تجلس فتاه ليأتيها اتصال وهي لا تعلم ماذا يخبئ لها القدر من هذه الاتصال الهاتفي ...
_الووو ..
_لازم تنزلي مصر ..
_لأ انا مش هنزل مصر تاني ..
_صدقيني المره دي هتخدي حقها ..
_حقها راح خلاص ..
_بأيدك تجيبيه احنا محتاجينك ..
_الموضوع اتشال من دماغي لكن لسة مأثر في قلبي انا بقيت اروح لدكتور نفسي عشانه/ا ..
_انزلي مصر وصدقيني مش هتندمي ..
_ لتجيبه بوجع ينهش في قلبها..مش هقدر.... ..
كادت أن تكمل كلامها ولكن صوت صفاره أعلنت عن انتهاء المكالمه، لتجلس في حيره شديده في أن تنزل الي مصر وتسترجع كل ما كانت تحاول نسيانه في سنة كامله قدتها خارج البلاد وان تواجه ما مر عليها وتواجه الحياة مرة أخرى ....
في القسم الخاص بالشرطه ...
كان يعمل يزن قصار جهده لكي يصل الي مكانها، ومعه سليم ...
يزن. اي يا باشا وصلت للمكان ..
_ثواني والمكان يبقا معاك ..
وما هي إلا ثواني حقًا كما قال وكان معهم المكان المتواجدة به نادين ...
يزن.. كده القوه جاهزه والمكان معانا نوصل في اقرب وقت بقا ..
سليم. مظنش أنها هتبقا بالسهولة دي ..
_ازاي ..
_ان اللي فهمته أنها منظمه واكيد الوصول ليهم مش بالسهوله دي او تأمنهم حتا بحيث انك تقدر تخش جوه ده صعب ...
_القوه معانا ..
_انا فاهم والله.. اللي أقصده انك لازم تبقا دارس المكان كويس بحيث تعرف انت هتحتاج اي مترحش هناك تتصدم ...
يزن. متقلقش كل حاجه مترتب ليها بس يالا ...
سليم. يالا ...
في غرفة التجهيزات ...
يزن. خد البس ده ..
سليم. لأ ..
يزن. هو اي اللي لأ انا بعزم عليك بكباية شاي.. ده واقي من الرصاص ..
سليم. يعم انا مش ظابط ماليش فيه سيبك انت ..
يزن. يبقا معلش مش هتطلع معانا.. روحك مسؤوله مني يا سليم.. وشمس اختي روحها فيك وانا مستحيل أوجع اختي بأي شكل من الأشكال ...
ليسرح سليم في جملته قليلًا وهو يتذكر شيئًا ما .....
" شمس روحها فيك وانا مستحيل أوجع اختي"
سليم ببتسامه. تمام هلبسه ..
ليأخذه منه وبالفعل ارتداه ....
بعض مرور ساعه كانت القوه محاصره المكان وبالفعل كما قال سليم الدخول الي هذا المكان ليس كان سهل ويحتاج الي تخطيط جيد وخطواط مدروسه ...
يزن وهو يتحدث في الجهاز الذي يمسكه بيده... _القوه تجهز عشان احنا علي وشك الهجوم ..
ليأتيه صوت أحدهم.. تمام يا فندم ...
ليشرح يزن ما يجب عليهم أن يفعلوه لسليم ..
يزن. بتعرف تتعامل مع الم*سدس ..
لينظر له سليم باستهزاء.. من قبل ما انت تتعلمه ..
يزن. ماشي يا عم الجامد.. سلا*حك في ايدك انت هتبقى معايا وهما هيحموا ضهرنا ..
سليم. تمام يالا ..
ليمشي يزن وسليم بجانبه ويوجد اثنان خلفهم يحمون ضهرهم ...
دقائق تمر وكان بالفعل داخل تلك المكان المنشود ليقبلهم أحد الرجال ولقد تم التعامل معهم بسهوله بسبب خبرتهم العاليه ويزن الذي تفاجأ بشده من سرعة تعامل سليم متعهم وكانه مدرب علي اعلي مستوي حقًا ...
وأخيرًا يدلفوا الغرفة التي كانت به نادين ...
نادين بابتسامه.. كنت عارفه انكم هتتصرفوا ..
يزن. يخربيت برودك يا بت ليه محسساني اننا جايين نخدك من حديقه الحيوانات يا حيوانه ..
_في أي يا رجوله اهدي علي نفسك كده ...
ما هي إلا ثواني وكان يحيط يزن وسليم مجموعه من الرجال ..
يزن.. الله يخربيتك يا نادين الكلب واثقه أننا هننقذك.. اهو دلوقتي عايزين اللي ينقذنا كلنا ...
_مش عيب تدخلوا مكان من غير اذن يا حضرة الظباط ...
سليم ببرود.. الأماكن الوس*خة مش بنستأذن ليها ...
_الله طالما انت عارف كده اي اللي جابك بس ..
يزن. عشان نهاية الاشكال اللي زيك ..
_جيتوا لاقدركم،خلصوا عليهم يا شباب ...
ثواني ليجد يزن وسليم كثير من الاسلحه موجه اتجاههم لينظروا الي بعض بثقه وهم يقولون ...
_استعنا علي الشقا بالله ...
ليبدأ التعامل معهم بمهارة عالية وحركات مدروسه ...
يزن وهو يضرب أحدهم.. لا اختي متجوزه ظابط وانا معرفش ..
كاد أحدهم أن يضرب يزن اثناء ما كان يتكلم ليتفداه سليم وهو يقول.. ركز عشان متبقاش ارمله الله يسترك ...
وكل هذا ونادين وهذا البنت محتضنين بعضهم بخوف وسط الحرب التي هم بها ....
بعد فترة كانت هولاء الرجال متسطحين ارضًا ....
يزن. لأ ابهرتني بجد ...
ليخلع يزن وسليم هذا الواقي من الرصاص بسبب كثرة الطلقات الذي تداخلت به ...
سليم وهو ياخذ نفسه بقوه. تعبني معاك انت واختك ده اي الجوازه دي ياربي ....
طلقه ناريه اخترقت جسد أحدهم ليمر ثواني ثم يقع على الأرض وسط صدمة الجميع وصراخ نادين الذي ملأ المكان ..
رأيكم في البارت وتوقعتكم ♥️
البارت طوييييل🌚😂
تكملة الروايه من هنا
تعليقات
إرسال تعليق