مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

السابع عشر والثامن عشر والتاسع عشر 

بعد ماخلصوا احلي ٣ شهور في حياتي ومابقاش خلاص فاضل غير يومين عشان أواجه مصيري وكمل حياتي في السجن او مستشفي المجانين  والحقيقه ان اليومين عدوا عليا ابطئ من سنتين من كتر خوفي وترقبي لمصيري واحساسي ان كل لما الاقي الأمان يضيع مني وما كنتش عارفه انا ليه بيحصل معايا كدة الحقيقه  حتي كريم كان  واصله احساسي بالخوف والتوتر  وكان دايما  بيطمني ويقولي انا وعدتك ان عمر الدنيا ماهتعرف تزعلك تاني يالين  خليكي واثقه فيا والحقيقه ان فعلا كان كلامه بيطمني لكن بعد ماكان بيسيبني كان التفكير بينهش في دماغي وماكنتش بقدر انام من الخوف وفي آخر يوم ليا في المستشفي بعد مادخل عليا الدكتور الصبح وقالي اني  بقيت كويسه وان خلاص ده اخر يوم ليا في المستشفي وقالي حمد الله علي سلامتك وسابني وخرج وقبل ماابدأ حفله الرعب اللي كنت هدخل نفسي فيها لقيت كريم داخل عليا مبتسم  وفايده ورد وبيقولي حمد الله علي سلامتك يالين الحقيقه ابتسامته استفزتني جدا هي حلوة وكل حاجه بس جايب ورد وجاي يباركلي علي ايه ان شاء الله هو انا بتخرج من الجامعه ولا هخرج  علي الكوشه دا انا هخرج علي السجن سيادتك فقولتله ايه يعم انت فرحان فيا ولا ايه ؟؟؟قالي لا ياحبيبي انا فرحان انك جنبي اقعدي عشان عاوز اتكلم معاكي في حاجه مهمه ٠٠٠٠٠٠ ماركزتش في ولا كلمه من اللي قالها وكأني عقلي مااستوعبش غير كلمه اقعدي عاوزك في حاجه مهمه وقولتله ماشي اديني قعدت ياسيدي اتفضل اتكلم ٠٠٠٠ قالي لين انا٠٠٠٠٠٠٠ قولتله ايوا !!!!! قالي اصبري وماتبقيش بايخه وماتتريقيش عليا  لو سمحتي ٠٠ قولتله حاضر اتفضل كمل انت ايه ؟؟؟!!! قالي انا با٠٠٠٠٠ بحبك بلمت طبعا واحمريت واخضريت من كسوفي بس الحقيقه اني ماكنتش فرحانه كفايه مش عارفه عشان الخوف اللي كنت حساه ولا عشان ٠٠٠٠٠ولا خلاص لا تقولوا عليا مجنونه انتوا كمان  ٠٠٠٠٠ ماعلينا ولاني ضربت لخمه من الكلمه قولتله دا علي اساس ان ده وقته وياتري هتطلب أيدي من مأمور سجن طرا ولا من شويش الزنزانة ٠٠٠٠٠٠٠ قالي ايه يابنتي الظرف ده يخربيت العسل اللي انتي فيه لا ياختي هطلب ايدك منك  لاني ببساطه شديدة طلبتها من اهلك ووافقوا وما فاضلي غير موافقه سيادتك قولتله اهل مين  اهلي انا ٠٠٠٠ قالي امال هطلبك من اهلي انا  قولتله كريم انت عيان  وقربت أيدي عشان اتطمن علي حرارته وفاجئني لما قربت أيدي من وشه وباسها  وقبل مااستوعب كلامه وتصرفه  لقيته نزل علي ركبه ونص في مشهد رومانسي عمري ماكنت أصدق اني اعيشه حتي في أحلامي وطلع علبه صغيرة فيها محبس خطوبه جميل وقالي تتجوزيني ياأجمل وارق لين في الكون من جمال الموقف فضلت باصه في الأرض وانا عماله اهز راسي بالموافقه قرب مني ولبسني الخاتم وقالي بحبك والله العظيم قولتله خلاص ياوحش ماتكسفنيش قالي وحش لاخير ان شاء الله بقولك ايه قومي يابت من هنا اجيبلك ورد وبقولك بحبك وتتجوزيني وتقوليلي وحش ده انا كان فاضل انزلك من السقف مالك يا لين الاحساس ايه في ذمه الله خالص مافيش٠٠٠ ٠٠٠٠٠ضحكت علي طريقه كلامه وقولتله اعملك ايه مانا مدب ومابعرفش أقول كلام حلو ويعدين انت اصلا جاي تهزر انا هخرج علي سجن طرا حضرنك ٠٠٠٠ قالي ايه طرا اللي انتي مسكهالي دي ان شاء الله واجمعني طرا يعني بتنجمي  سيادتك ولا مش حافظه غيره الله يخربيت الأفلام العربي اللي كلت دماغك عموما يالمضه انتي ولا هتخرجي علي طرا ولا علي اي سجن تاني  انتي هتخرجي معايا وتروحي علي بيتك كمان قولتله كريم انت كويس ؟؟؟قالي كويس جدا جدا ٠٠٠٠ ٠٠٠ انا وعدتك يالين ان مافيش حاجه وحشه هتحصلك طول مانا عايش انتي مش واثقه فيا ولا ايه!!!!!قولتله انا مابثقش في حد غيرك لكن ازاي المنطق بيبكي في الزاويه حضرتك من الكلام اللي انت بتقوله ولا سيادتك كفيف فمش واخد بالك ٠٠٠٠٠٠ قالي ياصلاه النبي ياختي المنطق بيبكي في الزاويه اني بقولك هتروحي علي بيتك وماكانش بيبكي لما كنتي بتشوفي عفريت لا وايه سويتيه كمان قال عفريت  يونس  قال ؟؟؟؟؟؟يلا ياام ملحق قصدي ياام عفريت ٠٠٠ قولتله نعم يااستاذ كريم قصدك ايه قصدك اني مجنونه ولما انا مجنونه ايه اللي غصب تحبني ماتنفد بجلدك ٠٠٠٠ قالي اولا انا ماقولتش مجنونه ثانيا انتي لو مجنونه وبتعدي في شعرك برضه هتبقي احلي مجنونه في الدنيا وهاحبك برضه ياست البنات  ثالثا اقعدي ياست العاقلين عشان افهمك كل حاجه ٠٠٠٠٠٠ وادي قعدة لما نشوف اخرتها معاك ياسي كريم اتفضل٠٠٠٠٠ لا قوليلي حاضر ياحبيبي واحترميني شويه يااما مش هحكيلك حاجه٠٠٠٠ قولتله بطل بواخه ياكريم عشان خاطري ٠٠٠ قالي اسف مش هقول ولا كلمه قبل ماتقوليلي حاضر ياحبيبي حاولت استعطفه يمكن يبطل رخامه لكن مافيش فايدة ولما لقيته مصمم بصيت في الأرض وقولتله حاضر ياحبيبي ٠٠٠٠ قالي مش سامع علي صوتك ٠٠٠٠٠قولتله مش هقولها تاني ياكريم وعنك ماقولت ها ٠٠٠٠٠٠٠ قالي طب خلاص ياحبيبي ماتزعليش هتكلم اهو بصي ياستي اللي حصل ان ٠٠٠٠٠٠٠٠٠٠٠ لو عاوزين تعرفوا ايه اللي حصل وازاي لين هتخرج من كابوس السجن المحتم استنوا البارت التامن عشر من عفوا ايها الشبح احببتك دمتم بخير ولو البارت نال استحسان حضراتكم رجاء ادعموني فضلا

البارت التامن عشر من عفوا ايها الشبح احببتك بقلمي aya Elkhwaga بعد مافاجئني كريم بطلبه لايدي في آخر يوم ليا في المستشفي في مشهد رومانسي يكاد يشبه الحلم وبعد مافاجئني انه طلب أيدي من اهلي وهما وافقوا وطبعا دي كانت مفاجئه!!!! أغرب من طلبه لايدي لانهم مافكروش يتطمنوا عليا ولا مرة من بعد الحادثه كأنهم ماصدقوا خلصوا مني  وبعد مفاجئه اني هخرج من المستشفي علي البيت!!!! فكان عندي اسئله كتير جدا وإجاباتها عند الأستاذ كريم٠٠٠٠٠ طلب مني كريم ساعتها أقعد وهو هيحكيلي كل  حاجه  قعدت فعلا وبدأ كريم يحكيلي  لحظه وصولي المستشفي وانا فاقدة الوعي بعد حاله الانهيار  العصبي اللي كنت فيها وقالي انه اول لحظه شافني فيها حس بانجذاب غريب تجاهي ولما عرف اني قومت بجريمه قتل استغرب جدا معقوله بنت بالبرآة دي تقتل مستحيل اكيد في حاجه غلط فقررت امشي ورا صدق احساسي تجاهك يالين  واعرف فيه ايه ؟؟؟!!!طبعا اول ماجيتي ماحدش من اهلك حاول يتواصل او يسأل عليكي او حتي يشوفلك محامي برغم معرفتهم بانتحارك وبانك في غيبوبه فقررت اروح لاهلك وافهم الحكايه ولما روحت البيت شوفت بباكي وعرفته اني الدكتور بتاعك واول ماسمع اسمك اتعصب  وقال انا ماعنديش بنات بالاسم ده وطردني من البيت بعد ماقال جمله شرفت يااستاذ ووجه ايده تجاه الباب عشان اخرج منه خرجت من عنده منكس الراس وماحاولتش اتناقش معاه لان حالته ماكانتش تسمح بالمناقشه وقتها وكان هيرفض يسمعني او يساعدني مهما قولت او عملت خرجت من البيت عندكوا وقررت اني هاتابع سير القضيه ووضعك القانوني عامل ازاي بنفسي وماخبيش عليكي ماكنتش متفائل لحد ما عرفت خبر حلو جدا  طمني واداني امل ٠٠٠٠٠٠٠عرفت ان رامي ماماتش الحمد لله بمجرد ماسمعت ان رامي عايش بلمت وحسيت بغثيان في دماغي وخوفت وحسيت مشاعر متضاربه لكن كريم قالي اهدي يالين واجمعين للآخر ارجوكي هزيت راسي بمعني كمل ٠٠٠ وبالفعل كمل كريم كلامه وقالي  لكن برضه  رامي كان في غيبوبه وكان الأمل الوحيد لانقاذ مستقبلك هو انه يفوق ويقول انك ماحاولتيش قتله٠٠٠٠٠ وساعتها مش هيكون فيه قضيه من الأساس وكنت ناوي اني اتكلم مع رامي اول مايفوق  واكيد هو مش هيرضي اخته تتحبس او تدخل مستشفي المجانين مهما حصل لكن لما عرفت انك فوقتي من الغيبوبه الحمد لله ساعتها جريت علي المستشفي وحسيت ان  روحي كانت ضايعه مني ورجعتلي وماكنتش فاهم ايه سر الاحساس اللي كنت حاسه تجاهك عشان كدة طلبت  منك تحكيلي حكايتك بصراحه ولما حكيتيلي قلبي صدقك يالين  وعرفت ان حتي لو رامي فاق فأكيد مش هيفوت فرصه الخلاص منك وانه اكيد هيرفض يساعدك فحوفت عليكي اوي وكان لازم افكر في اكتر من حل عشان لو واحد فشل يبقي عندي بديل لانس ماكنتش هسمحك يحصلك اي حاجه وحشه ولما فكرت ماكانش قدامي غير حل من اتنين يااما لما يفوق اهدده بالمعلومات اللي قولتيها واقوله ان واقعه اغتصابه ليكي متصورة لأنك كنتي من الخوف حاطه كاميرا في اوضتك عشان الحاجات اللي كنتي بتشوفيها اخر فترة واقوله كمان انك بلغتيني  انك كنتي بتسجليله  الحديث اللي دار بينكم يوم الحادثه واني معايا اعتراف بصوته بانه اتعدي عليكي بالاغتصاب وانه هدد بقتل اهلك كلهم واستفزك وفضل يضغط عليكي لحد ماقتلتيه وساعتها هتخرجي من السجن وهو هيخسر كل  حاجه  مستقبله واحترام الناس وحتي الانتقام اللي كان عاوز ينتقمه وكنت عارف انه هيفكر الف مرة قبل مايفكر يضرك بعد مااقوله الكلام ده او٠٠٠٠٠٠او اعمل حسابي ان ممكن في اي لحظه رامي يموت وساعتها مكنتش هقدر اثبت انك بريئه وكان لازم ادورلك علي صغرة  اطلعك بيها من القضيه حتي لو هخالف ضميري المهني واحاول اثبت انك مش في كامل قواكي العقليه وافقدك الاهليه فالتهمه تسقط من عليكي ولحسن حظي رامي فاق ومااتضطرتش ألجأ للحل التاني واول مافاق كلمني دكتور صديق ليا وبلغني بالخبر  قبل حتي ما يتحقق معاه لانه فاق في وقت متأخر من الليل ولحسن حظي برضه ان الدكتور كان نبطشيه في المستشفي الليله دي طلعت عليه جري وقدرت العب علي اعصابه وقدرت افهمه انه هيخسر كل حاجه لو فكر يقول انك حاولتي تقتليه وعرفته يقول ايه وفهمته انه لو سمع الكلام انا هتجوزك واخدك ونبعد عنهم واحرق اي دليل ادانه معايا ليه علاقه باغتصابه ليكي وبالفعل وافق وحفظته هيقول ايه قدام الظابط الصبح في التحقيق وفعلا نفذ اللي قولته له بالحرف + ان كان من ضمن شروطي انه يفهم اهلك كمان كدا ويقولهم انه كان سهران مع اصحابه وقتها وأنهم شربوه حاجة خليته يهلوس ويحس ان في حد بيطاردوا وبيامروا ينهي حياته يااما هيقتل كل اهله ولما لين دخلت عليه وحاولت تمنعه كان خلاص طعن نفسه ولما حست بحركه برا خافت علي امها من الصدمه فعشان كدا قفلت الباب بالمفتاح وده اللي جه في بالها وقتها  من الصدمه وبرضه رامي نفذ اللي قولتهوله بالحرف لكن أكرم ماكانش مقتنع لأنك اصريتي انك قتلتيه ودخل لقي السكينه في ايدك وهنا جه دوري كدكتور نفسي في اقناعه ان لما الإنسان بيشوف مشهد صعب علي العقل تصديقه من الصدمه بيحصله اضطر اب مؤقت ممكن يخليه يهلوس بحاجات مش حقيقيه ومش حاصله وقدرت بعد مناقشه طويله معاه ومع والدك اني اثبتلهم انك بريئه وساعتها فعلا طلبوا يشوفوكي لكن انا وقتها كنت خايف عليكي  وماكنتش عاوزك تتعرضي لأي ضغط نفسي بخليكي تفكري في الانتحار تاني وقولت انك ممنوع عنك الزيارة بسبب انتحارك وان من الأفضل انهم يصبروا لحد ماتتعافي تماما وبعد ما خلص التحقيق والقضية اتقفلت كنت هقولك لكن خوفت عليكي خوفت تحاولي تهربي وتكرري محاوله قتل رامي وتاذي  نفسك او حتي تعملي حاجه في نفسك فكنت ماجل الكلام في اي حاجه لحد ماتقفي علي رجلك وكل يوم كنت بشوفك فيه احساسي بيكي كان بيزيد وكنت بحس اني عاوز أقرب منك اكتر لحد ماحبيتك يالين وحبيتك اوي كمان لدرجه اني ما بقتش متخيل حياتي من غيرك فمن يومين روحت لاهلك وطلبت ايدك منهم  وهما وافقواوقولتلهم علي ميعاد خروجك من المستشفي وطلبت اننا نعمل حفله خطوبه  بسيطه  بعد خروجك من المستشفي  وتبقي بمناسبه الخطوبه وبمناسبة انك قومتي بالسلامه ياروح قلبي٠٠٠٠٠٠  طبعا ماكنتش مصدقه

طبعا ماكنتش مصدقه نفسي من فرحتي اني قابلت واحد زي كريم حبني في اسوء حالاتي وعمل كل ده عشان يحميني  بس برضه فكرة ان رامي لسه عايش حسستني بخوف وغليان في قلبي من الغل اللي بقيت حاساه تجاهه وخوف من وعده ليا بالانتقام مني ومن عيلتي ماهو مش معقول يكون ربنا هداه بعد الحادثه وبعدين قولت لنفسي وليه لا الإنسان لما بيشوف الموت بعنيه بيغير أفكاره ومفاهيمه الغلط وفضلت سرحانه لحد ما كريم قالي ايه يالين بنده عليكي روحتي فين وصلتي اسوان ولا لسه ؟، وراح خبطني ع دماغي خبطه خفيفه وقالي وقفي ده شويه وقفي تفكير في اي حاجه غيري لوسمحت عشان بغير ههه وخلي امانك مسؤليتي  لاني عمري ماهسمح باذيتك وفي اللحظه دي بصيتله في عينه وقولتله بحبك وساعتها الاستاذ روميو تنح وبلم واتخض وحالته بقت حاله فضلت اضحك علي منظره وهو عمال يقولي ايه؟؟؟ انتي قولتي ايه!!! انتي قولتي كدة فعلا ولا انا بيتهيألي٠٠٠ قولتله لا مش بيتهيألك ياحبيبي قالي بحبك وحبيبي في جمله واحدة الله اكبر ررررررررطب ماتكملي جميلك وتقوليها تاني  قولتله بحبك ياأجمل كريم في الدنيا قالي لا انا اروح لاهلك ونخليها خطوبه وكتب كتاب وجواز مرة واحدة فضلت اضحك عليه وبعدها قطع كلامنا الباب وهو بيخبط ولقيت ماما وبابا ورامي واكرم واقفين علي الباب٠٠٠٠ فضلوا يبصولي وابصلهم بترقب من غير ماحد فينا يصدر اي ردة فعل بس الحقيقه اني بعد ماستوعبت وجودهم في المكان حسيت بخوف منهم واتداريت ورا كريم وكنت خايفه منهم جدا  لكن ماما جريت عليا وحضنتني وقالتلي سامحيني يابنتي سامحيني ياحبيبتي وحشتيني ياقلب امك وبعدها بابا واكرم قربوا مني وحضنوني وقالولي حمد الله علي سلامتك واول مارامي جه يقرب مني بصله كريم بصه تحذير معناها انه يبعد عني وما يحاولش يقرب وبعدها كريم قال  طب ايه احنا هنبات هنا انتوا عجبكوا جو المستشفي ولا ايه مايلا بينا بقي انا مستعجل علي الخطوبه٠٠٠ اهلي ضحكوا طبعا وخرجنا بالفعل من المستشفي وتمت الخطوبه اللي كريم أصر انها تبقي خطوبه وكتب كتاب  عشان ابقي مراته وماحدش يقدر يتعرضلي واتفق ان الفرح بعد اسبوع وبابا وافق وكنت فرحانه جدا  ومش مصدقه ان اخيرا الدنيا ضحكتلي ٠٠٠٠٠٠٠ لكن  دنيه ايه اللي تضحكلي ده انا اكتشفت اني اكبر غبيه في الكون  واني في مصيبه كبيرة لان يوم فرحي قبل الفرح بساعات عرفت كارثه وهي؛؛؛؛؛ 

يتبع 

البارت التاسع عشر وقبل الاخير 

 عفوا ايها الشبح احببتك 

بعد ماكنت بدأت أصدق ان الدنيا خلاص هتضحكلي وهفرح بجد واعيش مرتاحه انا وكريم وأبدأ اخيرا ادوق طعم الحب والفرحه ٠٠٠٠ وقفت الدنيا وقالتلي ده بعينك وطلعتلي لسانها وعرفت فبل فرحي بساعات  كارثه  كانت كفيله تهد اللي باقي مني عرفت كارثه لا يمكن تتخيلوها  عرفت اني اكبر مغفله واني دخلت برجلي عرين الأسد وانا فرحانه زي الهبله وماعرفش اني داخله للموت  ٠٠٠٠٠٠٠٠يوم الفرح الصبح حسيت اني مبسوطه جدا اني خلاص هبتدي حياه جديدة مع حد بيحبني وبحبه فقررت ان اخر يوم ليا في بيت اهلي يكون يوم لطيف واسيب ذكري حلوة فيه وقررت ادخل اتكلم مع بابا وماما شويه واعرفهم اني بحبهم وأنهم هيوحشوني واطلب مباركتهم ودعاهم ٠٠٠٠ وقررت اعمل كدة مع أكرم وحتي رامي ايوا رامي ماتستغربوش قررت اسامحه عشانه وعشان نفسي وعشان التجربه اللي مريت بيها وعشان كريم اللي قبل بيا رغم اني ٠٠٠٠٠٠ وفعلا بعد مادخلت لماما وبابا واتكلمت معاهم  وباركولي  وحضنوني ٠٠٠٠ خرجت من عندهم علي أكرم وفضلت اتكلم معاه عن ذكرياتنا واعرفه قد ايه انا بحبه وقد ايه هيوحشني وحضنته ولاول مرة الحقيقه اعيش لحظات سعيدة مع اهلي وبعدها ماكانش فاضل غير رامي والحقيقه اني كنت مترددة وبقدم رجل وبأخر رجل عشان كدة خليته اخر واحد اسلم عليه المهم من ترددي اني ادخله وقفت عند الباب شويه افكر ادخل ولا لا وده طبيعي بعد الازمه اللي مريت بيها لكن وانا واقفه علي الباب لفت نظري ان رامي بيتكلم في التليفون وبيقول لا ياكريم هحطلها الجرعه وهكمى اللي بداته !!!!!!!!! كريم وجرعه طبعا اتسمرت مكاني بمجرد ماسمعت اسم كريم ولزقت في الباب عشان افهم اللي بيحصل  واللي سمعته كان ٠٠٠٠٠٠٠٠٠٠٠٠٠٠٠ ايه ياكريم انت نسيت تار امك وابوك وهتحبها بجد ولا ايه نسيت انت عيشت ازاي واتبهدلت في حياتك ازاي صدقني العيله دي ماتستاهلش الرحمه ابدا وبعدين دا انت كنت عاوزتتجوز لين عشان تنتقم لاخوك بعد ماحاولت قتلي مش ده كلامك ولا انت ست لين نسيتك دي كمان جاي دلوقتي تق لي انك طلقتها وهتبعد وكفايه اللي حصلها طب واللي حصلي وحصلك وحصل لابوك وامك نسيته نسيت تارك عشان واحدة علي العموم  اخر كلام عندي ياكريم انا هكمل اللي بدأته حتي لو هكمله لوحدي انا هخلص منها النهاردة وده اخر كلام عندي وقفل التليفون حسيت بكم رعب مهول من كميه الشر اللي في الدنيا وجريت علي الحمام وقفلت عليا بالمفتاح عشان اقدر استوعب الكارثه اللي سمعتها وقعدت اكلم نفسي زي المجنونه واقول كريم طب ازاي؟؟؟؟؟؟ ازاي انسان يقدر يدعي البرأة والحب بالدقه دي !!!!!!!!!ازاي أقرب حد ليا يبقي أكبر عدو ليا ؟؟؟؟؟؟لكن هو ايه اللي ازاي مااخويا مطلعش اخويا وامي طلعت قاتله وخطافه أطفال وانا جنيت ذنبوب ناس تانيه  ٠٠٠٠٠٠٠٠٠٠٠ طب ليه انقذني من الموت طيب ايه اللي كانوا عاوزين يوصلوني ليه اكتر من موتي كان ليه الفيلم ده كله وصبر وحب وتمثيل وهدايا وسهر وانقاذ حياه وسهر وهيام ساعتها بس مخي عطل عن التفكير وحسيت باني لو فضلت ثانيه واحدة في البيت ده مصيري هيكون الموت لا محاله فتحت الباب بعد ماتاكدت ان مافيش حد لسه خرج من اوضته وفتحت باب الشقه ونزلت اجري زي المجنونه زي زي ايه انا اكيد اتجننت خلاص من كتر اللي حصلي وفضلت اجري لحد ماتعبت  وبعدت عن البيت  وقفت اخدت نفسي شويه وبعدهافضلت ماشيه تايهه لحد مابقينا نص الليل جعانه وتعبانه ومش لاقيه مكان اروحه احتمي فيه والأهم ان بعد ماحياتي اتدمرت بدل المرة اتنين بسبب الشيطان اللي اسمه رامي بقي عندي غل وكره فظيع تجاهه وخوف علي اهلي اللي لو رجعتلهم دلوقت عشان احذرهم من رامي ياهيقتلوني عشان الفضيحه وهي اني هربت يوم فرحي او هيرجعوا يتهموني بالجنون وقررت ان يانا اعيش يارامي يعيش وان لازم واحد فينا يموت وفي الحالتين انا بقيت عايشه ميته بعد اللي حصلي فقدت ثقتي في كل شئ وكل الناس وفضلت ماشيه سرحانه لحد ماظهرت عربيه في الضلمه خبطتني وواضح ان صاحب العربيه خبطني من غير قصد لانه نزل يجري عليا ويعتذر لكن بعد دقايق بدأت افقد احساسي بكل شئ حواليا وماحشتش باي حاجه ابدا ٠٠٠٠٠٠٠٠٠٠٠٠تفتكروا ايه اللي ممكن يكون حصل مع لين بعد كدة تفتكروا تكون ماتت ولا اتخطفت ولا ايه اللي حصلها شاركوني في التعليقات ولو ماقدرتوش تخمنوا استنوا البارت العشرين والأخير من عفوا ايها الشبح احببتك عشان تفهموا القصه كلها ونشوف ان كان يونس مات فعلا وكان شبح ولا؟؟؟؟!!!!!وعشان نعرف مصير رامي وطبعا وحشتينا الست سكينه ياتري ايه اللي هيحصلها ؟؟؟؟؟؟!لو 

تكملة الروايه رواية هنا هنا