 |
#صغيرتي وطفلتها...
هاااي ي جماعه..
أنا اسمي مريم وعندي 22سنه وعايشه لوحدي 2018 كنت ف ثانويه عامه وقتها گان عندي18سنه
وبعدين حصلت شويه ظروف مقدرتش أكمل وأدخل گليه الهندسه الي گنت بحلم بيها من وانا عندي15سنه..
واااااااء وااااااااء
أوووووه معلش ي جماعه دي مريم بنتي الصغيرة
انا: وده وقتك بردو ي مريم
نرجع لكلامنا
انهارده قررت أگمل تعليمي وأدخل الگليه الي گنت بحلم بيها واحقق حلمي أنا هنا في إسگندريه لگن زمان گنت عايشه مع اهلي في الشرقيه
قدمت ورقي في الگليه والحمد لله أتقبلت وهنزل الگليه بتاعتي من بگره
طبعا معايا مريم الصغيره مقدرش اسيبها دي روحي بمعني الگلمه....
___________________________✨
تاني يوم......
صحيت نشيطه علي عكس العاده كنت متحمسه جدا اني أقابل ناس جديده لان بطبعي شخص خجول جدا مبعرفش أگون صداقات أبدا...
لبست دريس لونه اوف وايت وربطت حذامه الي لونه نبيتي ولبست شوز بنفس اللون ومريم الصغيره هيا گمان لبست زيي وقد اي كنا حلوين مع بعض....
خدت شنطتي وخرجت من شقتي ومعايا مريم الصغيره
دخلت الجامعه وگنت محتاره أعمل ايه سألت بنوته
گانت هناك المفروض أعمل ايه في أول يوم
وهيا ساعدتني... شويه وانصدمت محمد!!!!
👉🏻STOP
محمد يجماعه گان من دفعتي وگان حبيبي أيام ثانوية عامة قعدنا3سنين مع بعض وگنت بحبه جدا برغم گميه الخلافات الي گانت بينا والمشاكل الي حصلت لما اهلي اكتشفوا اني مرتبطه بيه.... سبنا بعض كتير وكنا بنرجع تاني لحد ماجه ف يوم وانفصلنا فعلا نهائيا بس القرار ده احنا الاتنين خدناه مش بسبب اهلنا او اي حاجه من الكلام دا... ادمرت نفسيتي جدا.... وبعدين اتعرفت علي شخص تاني وحبني وانا كمان قولتله اني بحبه وبلا بلا بلا... لگن ف قرار نفسي گان محمد وبس.... ولانها كانت علاقيه مبنيه علي مشاعر مزيفه سبنا بعض
___________________✨
عوداا للوقت الحالي
خدت بنتي وجريت علي الحمام وانا مش قادره اوقف ضربات قلبي... هو هنا!!..... في الجامعه دي... طب ازاااي...!!...... يتري بيدرس هنا...!؟..... طب هو سنه گام...!؟..... طب جاي يشوف حد هنا...!؟
اساله كتير كانت ف دماغي لحد ماهداني ربنا اني اخرج واتعامل عادي.... اتجاهله يعني واركز في الي جاي اعمله...
دخلت قاعه المحاضرات وشويه ولقيته جاي ودخل ياالله ده معايا هنا يعني ف سنه اولي زيي
شويه وبنتي فتحتها سرينه وقعدت تعيط طبعاا لفتت انتباه الكل وهو كمان.....
وگانه انصدم لا تقل صدمته عن صدمتي يعني.....
شويه ولقيته جاي عندي كان وسيم بشكل.... كانت دايما طلته بتخطفني ليه....
محمد: مريم!!..... بتعملي إي هنا....
انا: انا.. انا.... بدرس هنا وانت..!؟
محمد: انا كمان بدرس هنا.... بس بنت مين الطفله دي اوعي تقولي بنتك....!!!
انا: احمم.... ايوه دي مريم بنتي الصغيرة
محمد: ايه.... احم... مقصدش انتي اتجوزتي...
انا: لءء
محمد: يعني ايه اومال دي جت ازاي.... لاسلكي
انا: هتفرق معاك يعني!!!!! ممكن تسبني لوحدي
محمد: اه فعلا هتفرق معايا ف اي انتي ذات نفسك متفرقيش معايا سلاام
خدت بنتي وشنطتي وخرجت من القاعه ومن الجامعه كلها وقعدت اعيط طول الطريق
وفجأه.....
_________________✨
دا كان اول بارت من الروايه دي اتمني انها تعجبكو ي نحلاتي القمراات❤🐝
#يتبع
#صغيرتي وطفلتها..
#2
#صغيرتي وابنتها
فجأه خبطت غصب عني ف واحد
عمر: حاسبي بس مالك ليه بتعيطي
انا: بعد اذنك ممكن تسبني لوحدي
عمر: مستحيل اسيبك وانتي كدا طب اهدي طيب... طب اقولك هاتي البنت الصغيره الي اتفزعت منك دي
انا: انا مش عارفه هو بيعمل معايا ليه كده انا معملتش له حاجه
عمر: انا مش فاهم حاجه تعالي بس
خدني وقتها وقعدنا ف قافيه معرفش ليه ارتحت له جدا وحكتله كل حاجه عني
وعرفت منه انه معايا ف الكليه بتاعتي وانه زميلي كمان وف نفس الدفعه يعني سنه اولي
يوم ورا يوم بقينا صحاب جدا كان واقف دايما جمبي بيساعدني ف اي حاجه مش عارفه اعملها
بيهتم ببنتي كتير وبيحبها اووي
بالنسبه لمحمد فكان بيتجاهلني دايما ولا كأنه كان فيوم يعرفني اصلا
ف يوم كنت تعبانه جدا عندي برد وسخونيه ومش قادره اتحرك فعلا من مكاني ف قررت منزلش الكليه اليوم دا لقيت عمر بيرن وبيقولي انه واقف قدام الباب خرجت له وعرفته اني تعبانه ومش هقدر اروح الكليه انهارده صمم ياخدني لدكتور عشان يطمن عليا وكمان عشان مريم الصغيره تخرج تتفسح
بعد اصرار رهيب منه وافقت اروح معاه....
_____________________✨
قعدت اسبوع مروحش الكليه ولان محمد كان عارف ان عمر قريب مني الفتره دي تقريبا الوحيد اللي كنت اعرفه في الكليه كلها كان بيبعت حد يسال عليا عمر وكان بيقول اني كويسه وخلاص
خلاص خفيت ونزلت الجامعه وطبعاا معايا مريم
عدي عليا عمر وخدني بعربيته للجامعه
ودخلنا سوا شفنا محمد
في الوقت دا كانت في بنت بتجري جامد خبطتني زقتني علي عمر وقعت في حضنه تقريبا
محمد اتعصب جداا وجه شدني بعصبيه منه
محمد: اي يا هانم المسخره الي انتي عملاها دي.... طب علي الاقل احترمي المكان الي واقفه فيه.... احترمي بنتك الي علي دراعك دي واللي الله اعلم مين ابوها ي محترمه..
وزقني ومشي..
_____________________✨
بصيت حواليا لقيت الجامعه كلها بتتفرج عليا سبت مريم مع عمر وجريت علي الحمام
قعدت اعيط كتير مش عارفه قعدت وقت قد ايه
خرجت لقيت عمر مستنيني مع مريم بنتي
عمر: هاا بقيتي احسن
انا: انا مش فاهمه هو ليه كدا
عمر: بكره يعرف كل حاجه وهتتعدل بإذن الله وبعدين يلا فاضل خمس دقايق علي المحاضره
انا: حاضر..... يلا بينا
هات مريم انا هشيلها مش عاوزه اعملك مشاكل......
عمر: حد قالك انك ماشي مع سوسن....
يلا يا بت بلاش دلع البنات ده
طب والنبي في مامي قمر كدا وتعيط
يلا يا يت بدل مااحلف اتجوزك دلوقتى اهو....
انا: لءء ياعم انا بحب محمد
عمر: جتك نيله عليكي وعليه.... طب والله
الي حايشني عن الواد ده انتي ومريم الصغيره
دخلنا المحاضره وعمر شايل مريم وانا جامبه
وقعدنا جمب بعض ف بنج واحد ومحمد طول الوقت كان قاعد متغاظ
انا: عمر ياماما انا خايفه شوف بيبصلي ازاي كأنه عاوز يقتلني دلوقتي
___________________✨
عمر: احسن سيبك منه ركزي في المحاضره بقي قرفتيني... ركزي هنطرد انا وانتي
انا بصتله وضحكت وسمعت كلامه فعلا وركزت في المحاضره بتاعتي وقعدت اسجل كل حاجه ورا الدكتور بتاعي........
___________________✨
#يتبع
#صغيرتي وابنتها... ♥✨🐝
#3
#صغيرتي وطفلتها...
اسفه علي التاخير ي بنات
_______________✨
روحت بيتي بدلت هدومي بهدوم بيتي مريحه
ومريم كمان اكلتها ونامت وقعدت اذاكر شويه وبعدين سمعت تليفوني بيرن وكان عمر كنت بتكلم معاه شويه وسمعت جرس الباب بيرن
انا: عمر خليك معايا ثواني جرس الباب بيرن
عمر: مين.. هو في حد يعرفك غيري هنا
انا: والله يا ابني مااعرف اديني هشوف اهو خليك معايا
عمر: ماشي.... مستني...
روحت اشوف مين
انا: محمد!!!... في حاجه ايه اللي جابك
محمد: ايه مش هتقوليلي اتفضل
انا: بس بس انا عايشه لوحدي وميصحش وي....
لقيته زقني كدا بهدوء ودخل يتفرج علي المكان
محمد: مش بطال....
انا: هو هو في حاجه!؟
محمد: ايه جاي اقعد معاكي شويه ولا انا مشبهش
انا: يا محمد مينفعش اللي انت بتعمله ده
محمد: لاء لاء بلاش دور المثاليه دا..... انا اكتر واحد عارفكعلي ليه.... ممكن اعرف مين عمر دا....
تؤتؤ ثواني اقولك انا.... حبيب جديد صح
قولي متتكسفيش... لو عوزاني اساعدك ف الموضوع ده معنديش مشاكل بس ليا طلب بسيط عندك....
انا: ايه....
محمد: يبقا ليا من الحب جانب وانتي فاهمه بقي...
انا: انت اكيد اتجننت...
قام وشدني من ايدي جامد
محمد: لاء متجننتش بس مش اهبل يا... يا مدام
انا: عمرك ما هتتغير ابدا امشي اطلع برا براااااااا...!!!
محمد: حاضر همشي بس هتيجي بمزاجك يا مريم
مشي محمد وفضلت اعيط كتير
عمر: خلاااص يامريم كفايه اهدي خمس دقايق وهكون عندك
فعلا خمس دقايق وكان عندي وقعد يهديني....
___________________________________✨
روحت الجامعه بتاعتي وكان فاضل ساعه كامله علي معاد المحاضره
ومريم الصغيره ابدا مكنتش راضيه تسكت عمر الوحيد الي كان بيعرف يسكتها حاولت ارن عليه كتير تليفونه مقفول
جه محمد وخد مريم الصغيره من اول ما شالها سكتت معاه لاء وقعدت تلعب معاه كمان
انا: انا انا هسكتها هاتها....
محمد: مريم...!!!! ممكن اتكلم معاكي شويه
انا: اتفضل...!!!
محمد: لاء مش هينفع هنا.... تعالي نروح كافيتريا الجامعه
انا: ok... مفيش مشاكل
روحنا وقعدنا ومريم كانت نامت علي رجله
محمد: اولا انا اسف جدا علي الي قولته عندك وكدا بجد مكنتش اقصد وصدقيني مش هدايقك ابداا ويستي اعتبريني صديق...
انا: صديق!!!... اه اوك مفيش مشاكل اصدقاء يا محمد
محمد: ها يا ستي تشربي ايه
كنت لسه هتكلم لقيت عمر بيرن..
انا: معلش ثواني هرد... خلي بالك من مريم
بإبتسامه هاديه: في عنيا
ابتسمتله انا كمان وروحت ارد علي عمر...
_____________________✨
#يتبع
#صغيرتي وطفلتها...
استنوني في بارت جديد انشاءالله واتمني البارت يعجبكم. ♥🐝
#4
#صغيرتي وطفلتها...
عارفه اني اتاخرت عليكو والله مش عارفه اقول لكم ايه بس اعذروني بقي... يلا مش هكتر عليكم..
______________✨
انا: ايه يا عمر كل دا فينك خضتني عليك..
عمر: معلش والله يا مريم بس نايم متاخر والفون كان فاصل شحن
انا: خلااص حصل خير المهم انت كويس...!؟
عمر: اه انا كويس الحمدلله..... عوزاني اجيلك خمس دقايق وهكون عندك
انا: لاء لاء خليك انا كويسه
*قفلت معاه ولقيت الدكتور بتاعي بيرن
الدكتور: انسه مريم ازي حضرتك!؟
انا: بخير الحمدلله يا دكتور.... حضرتك الي عامل اية!؟
الدكتور: كويس الحمدلله... مريم.... انتي لازم تكوني عندي في خلال الاسبوع ده عشان العمليه لو اتاخرنا اكتر من كده هيبقي خطر على حياتك...
انا: طب يا دكتور ومريم بنتي مقدرش اسيبها لوحدها....
الدكتور: مريم انتي زي بنتي وبجد اي تاخير في خطر عليكي وكمان هاتيها ياستي معاكي وهنا هنهتم بيها لحد ما تقومي بالسلامه
انا: حاضر يا دكتور هكون عند حضرتك علي اخر الاسبوع دا....
قفلت معاه ولقيت محمد ورايا...
اتوترت: انت هنا من امتي
محمد: من ساعه العمليه..... عمليه ايه ممكن اعرف...
انا: يعني مش عاوزه اتكلم وبعدين المحاضره وكدا
محمد: ماشي بس بعد المحاضره هنتغدي سوا....
انا: انشاءالله
*حضرنا المحاضره وخرجت انا ومحمد
محمد: مريم هاتي رقمك
اديته رقمي واتغدينا سوا...
محمد: ممكن اعرف بقي ايه موضوع العمليه دا
انا: هو يعني... هو... هو.
محمد: هو انا هسحب منك الكلام اتكلمي بسرعه سامعك...
انا: عندي ورم علي الرئه ولازم عمليه عشان يتشال قبل ماينتشر اكتر وكدا...
محمد: ومخبيه دا كله طب ليه.... معلش لو فيها غلاسه ممكن اعرف موضوع بنتك دا ايه... واي الي حصل انا فجاه لقيتكو كلكو اختفيتو من حواليا..
انا: اول حاجه مخبيه ليه... اكيد يعني مش هاجي ادايقك بمشاكلي وخصوصا بعد اول مقابله اتقابلناها سوا هنا اول يوم... ثانيا بقي... مريم تبقي بنتي وبس
محمد: بنتك ازاي وانتي بتقولي متجوزتيش حد
انا: معلش يا محمد مش حابه اتكلم ف الموضوع دا..
اتعصب جداا وقام مره واحده مزعق اومال عاوزه تقولي امتي....
انا: وانا مش مجبوره اني احكي... حاجه مش عاوزه اقولها خلاص هو بالعافيه يعني...
محمد: ماشي يا مريم... براحتك وبراحتك اوووي كمان...
عدت الايام ومحمد بردو مصمم يعرف موضوع مريم وانا دايما ارفض احكيله اي حاجه تخصها...
*جه معاد العمليه..
صحيت الصبح ولقيت محمد في وشي واتفاجات
انا: انت ازاي دخلت هنا وهو في حاجه
محمد: دخلت هنا موضوع يطول شرحه
بعمل ايه يا ستي بالنسبه اني صديقك ومفيش حد يساعدك وكدا فأنا موجود....
وبعدين عشان مريم الصغيره انا متاكد مش هتسكت مع حد غيري او مع سي عمر دا المهم يلا عشان الفطار وعشان قدامنا يوم طويل وقرب مني بصوت همس.....
انا عارف انك بتخافي من اقل حاجه بس انا موجود....
بكسوف: ok... يلا بينا
فطرت وروحت المستشفي عملت اشعه كتير وسحب دم كتير وكنت تعبانه فعلا جداا بس هو كان معايا.... ف قرار نفسي...
انا وقلبي: اناا بحبك اوووي
انا وعقلي بردو: مينفعش
ابتسمت بهدوء مقابله ضحكته الي مدياني الامل وي بعدها دخلت غرفه العمليات
انا: محمد بليز مريم امانه في رقابتك لو جرالي حاجه....
_______________✨
#يتبع
#صغيرتي وطفلتها...
يلااا باااي اشوفكم في بارت جديد انشاءالله بحبكم❤❤❤❤✨🐝
#5والاخير
#صغيرتي وطفلتها....
تاني يوم في المستشفي جالي الفطار وفي كرت مكتوب فيه....
خلي بالك من الدوا بتاعك اه معلش بقي الاكل مفهوش ملح وده عشان مصلحتك ويتاكل كله...
ابتسمت وعرفت انها منه شويه وجه عمر ومعاه مريم
انا: مريومه تعالي ياروح مامي وحشتيني اوووي....
عمر: اهدي يامريم مش كدا خفي الاول وهيا ف عنيا متخافيش...
انا: اخص عليك ياعمر هو انا بردو هخاف عليها منك... هيا بس وحشتني وبعدين دا انت باباها يا عم
عمر: ربنا يجبر بخاطرك يا بنتي😂
اهو دخلنا ف جو الشحاته هات البت ابوسها
انا: اي يامريم لازقه ف عمو عمر كدا وناسيه مامي ياكلبه...
مريم الصغيره: مااا... مااا
انا بفرحه: بص يا عمر قالت ماما ياروحي انتي
عمر: ربنا يخلهالك بس انتي قومي بس بالسلامه
انا فعلا كنت تعبانه جداا بس مش حابه اقلق الكل حواليا انا اسااساا اتعودت علي كدا
انا اهو ياعم زي الحصان...
*انتهت الزياره وجه الليل
*كنت تعبانه جداا ومش قادره اتنفس
فجاه لقيته قدامي...
محمد: اهدي اهدي خدي نفس براحه...... ثواني انا راجعلك
راح نده لدكتور
*جه الدكتور بسرعه واداني حقنه مهدا وظبط الاكسجين وبقيت احسن
قبل مايمشي مسكت ايده
ممكن تفضل معايا شوية...
محمد: حاضر
بعد سكون رهيب اتكلمت وقولت....
مريم انهارده قالتلي ياماما كان نفسي تقول بابا كمان بس.... وسكت..
محمد: ومين ابوها يا مريم كملي... انتي ليه بتعملي فيا كدا...... ليييبه.... عارفه يعني ايه الاقي حب عمري واللى كان نفسي تبقي ام لعيالي شايفها ام لحد تاني وبتقولي متجوزتش كمان... انتي ليه مش حاسه بيا وبالنار الي جوايا...
انا بإبتسامة هاديه: انت مش فاهم حاجه
محمد: اتكلمي قولي اي حاجه اكدبي عليا والله هصدقك بس متسبنيش كدا...
انا: عيد ميلاد مريم ٢٨/٩وانا جايه اديلك كرت الدعوه بتاعه الحفله هحكيلك علي كل حاجه
محمد: وليه مش دلوقتي... دا فاضل ٣ايام
اديك قولت ٣ايام أصبر وبعدين مش قادره احكي دلوقتي... بليز يامحمد....
محمد: ماشي يا مريم.... هستني
_ممكن اسالك سؤال...
اتفضلي
انت لسه بتحبني...!؟
...........!!!
لسه بتحبني..!!!؟
يوم الحفله هقولك...
طب سيبك من السؤال دا ممكن اسال سؤال كمان!؟
كان سؤال واحد من شويه بقي اتنين ماعلينا اتفضلي اسالي الي انتي عوزاه
لو كنت متجوزه ومعايا مريم بردو وباباها مش موجود كنت هتتعامل معايا بنفس الاسلوب دا...
مش عارف..... هسيبك ترتاحي انا ماشي....
خليك معايا شويه كمان
معلش الوقت اتاخر.... تصبحي على خير..
وانت من اهل الخير
**عدت ايام المستشفي وطبعاا مخليتش من اهتمام محمدليا من غير مايقول
**جه يوم عيد ميلاد مريم
**عملت حفله صغيره علي قدي انا ومريم وعمر وبنوته كدا كنت اتعرفت عليها وهيا حبيبه عمر بالمناسبه واسمها حلااا.... وطبعا محمد.....
انا: عمر ممكن اخلي مريم معاك انهارده وهاجي علي بليل
عمر: من عنيا..... تعالي ياروح بابي
حلا بغيره: عمر
عمر: ايه يا عيون عمر...
حلا: انا بس روحك
عمر: دانتي الفشه والطحال والقلب والكبد وكله كله مش روحي بس 😂
حلا بزعل: بارد
قرب عمر من ودنها: علي فكره قمر حتي وانتي زعلانه.... انا عاملك مفاجئه
حلا بفرحه: بجد والنبي ياعمر... طب ايه هيا
عمر: هتجوزك.... خديلي معاد من ابوكي بقي عشان انا هموت واتجوزك بجد مش هزار😂
حلا: قليل الادب..... ربنا يخليك ليا يعيوني❤🥺
نسبهم شويه
_______________✨
روحت الكوافير عملت شعري وظبطت نفسي وانتو فاهمين يعني
رنيت عليه كتير مكنش بيرد بعتله ماسج بردو مبيردش روحتله البيت ملقتهوش
زعلت اووي ازاي ميجيش انا قيلاله اني هحكيله كل حاجه انهارده معقوله مش عايزني...
محمد: مين قال كدا انا هنا اهو...
كنا قصاد البيت بتاعه...
محمد: ايه الحلاوه دي..
بجد عجبك الدريس..
انا عاجبني صاحبه الدريس الدريس نفسه مش هيعجبني... المهم تعالي ندخل نتكلم جوه احسن
لاء مش هينفع تعالي نتمشي احسن...
محمد: بس فين مريم انا اعرف انك مبتعرفيش تمشي من غيرها....
انا: مع عمر وحلا...
محمد: اممممم
طال الصمت وكتيير كمان
ايه يامريم.... احكي يا حببتي انا سامعك
انا: هااا.... انت قولت ايه..!؟
محمد: بقولك سامعك احكي.....
بص يا محمد بعد ماسبنا بعض اخر مره حياتي اتقلبت ١٨٠درجه مش هحكي قد اي نفسيتي تعبت واتكسرت انا معترفه اني كلمت غيرك وقالي بحبك وانا كمان قولت كده بس والله العظيم مكنش من قلبي انا مش عارفه كنت بعمل كده ليه او كنت بثبت ايه لنفسي...
يمكن كنت بقول محدش يقدر يكسرني بس اكتشفت اني بدمر نفسي اكتر واكتر... المهم مش دا موضوعنا بابا وماما واخواتي صحيت في يوم ملقتهمش حواليا برن عليهم مش بيردو حاولت اوصل لهم عن طريق اي حد اختفوا فعلا...
حتي الناس عندنا ف البلد كانو بيتهموني اتهامات مقدرتش استحملها...
محمد: اتهامات ايه دي..!؟
كانو بيقولو اني اكيد عملت حاجه غلط وعشان كدا هما خافو من كلام الناس ف هربوا...
خدت هدومي وكل حاجتي وسبت رساله ليهم ف البيت عشان لو رجعوا وقولتلهم اني مغيرتش رقمي كنت ماشيه وانا مش عارفه هروح فين ركبت القطر ومن كتر العياط والتوهه واللخبطه نمت ومحستش باي حاجه
لحد ماجت بنت عسوله اوووي كانت اسمها ليلي صحتني وقالتلي القطر اخره هنا...
وانا كان باين عليا اني خايفه ومرعوبه خدتني وقعدنا ف الاستراحه بتاعه المحطه وفضلت تسالني انا رايحه فين وانا اقول مش عارفه.... قالتلي طب تعالي معايا شقتي انا عايشه فيها لوحدي وانا حبيتك اووي
انا فعلا ارتحت لها وكأن ربنا بعتها ليا نجده...
روحت معاها البيت ومنكرش اني كنت خايفه في الاول واحده واحده بقينا اصحاب مقربين جداا
كانت بتواسيني في اي وقت كنت بحس فيه اني لوحدي
وخدتني معاها في الشغل بتاعها في مطعم وكنا مبسوط جداا...
لحد ماجه في يوم ليلي جايه وهيا منهاره
👉🏻flash back
مالك ياليلي في ايه وخدتها في حضني وقعدت اهديها
اهدي طيب واحكيلي حصل ايه...
ليلي: انا حامل يامريم....
انا: يانهار اسود ازاي من منين..!؟
ليلي: هحكيلك... كنت مرتبطه بزميلي في الشغل طارق وقالي انه بيحبني بس اهله مش موافقين ف هنتجوز عرفي لحد ما الدنيا تتعدل معاه ويقنع اهله وفعلا اتجوزنا
وانهارده عرفت اني حامل وروحتله عشان اقوله وكنت فاكره انه هيبقي مبسوط بس رد عليا بكل برود وقال لازم ينزل حالا اناا مش حمل قرف يااما الورقتين بتوعك هيتقطعو قدام عنيكي قولتله انا مستحيل امو**ت ابني بإيدي انا عايزاه.... قام فعلا جاب الورقتين يامريم وقطعهم قصاد عيني وطرد*ني من شقته
عوداا للوقت الحالي 👉🏻
انهار*ت ليلي ودخلت المستشفي وبعدين دخلت في حاله نفسي*ه" اكتئا*ب" مع انها كانت فاقده الشغف لدنيا كلها الا انها كانت بتهتم بجنينها اووي
جت ف ليله تعبت جداا واضطريت اخدها المستشفي وكانت ولاده بس وقتها الدكتور اداني الطفل وقالي..
الدكتور: اسف يا انسه مريم مقدرتش انقذها بس قالتلي اقولك انها عايزه تسميها علي اسمك وانك امها الحقيقه بعدها وانها بتحبك اووي وقالت اقولك تخلي بالك منها دي زي بنتك ومات*ت.... البقاء لله..
انا: بس يا محمد ومن ساعتها مريم تبقي بنتي وبس وانا امها......
ايه ساكت ليه
محمد: مش عارف اقول ايه بس انتي ريحتيني...
متقولش..... عشان كدا ابدا مش باخد فكره عن الناس من الظاهر وبس ولازم نتعامل ونتعايش معاهم كمان.... هاا اي ردك علي سؤالي
سؤال ايه...!؟
لو مريم فعلا بنتي حقيقي كنت هتتعامل معايا بنفس الطريقه..!؟
يمكن اه ويمكن لاء مش عارف مقدرش احكم علي حاجه غير لما اكون عايشها بنفس الاحساس بنفس كل حاجه عشان اقدر اجاوبك...
فجأه لقيت واحده جايه جري وبتنادي عليه وعاوزه تحضنه تلقائي من غير مااخد بالي شديت البت دي منه وفضلت ازعق واشخط فيها بطريقه هستيريه وانا مش حاسه بنفسي عشان يهديني شدني منها...
اهدي يامريم دي نور اختي وقعدت اعيط لاني بحبه فعلا ومكنتش عايزه ابين كدا...
شلني وحضني واخر حاجه قالها ليااا.... يخربيتك بحبك ❤
متقول لكم هذا الكلام بعد ٣سنين معانا دلوقتي مريم ونورين
انا: محمد اصحي يلا عشان مريم لازم تروح المدرسه...
محمد: صباح الجمال..... انا تحت امر صغيرتي وطفلتها............ ♥♥♥🥺
_________________________✨
انا عارفه اني بتاخر عليكو بس والله عندي جامعه وبحاول والله افضي وقتي علي قد ماقدر... دا كان اخر بارت واتمني انها تكون عجبتكم واكون عند حسن ظنكم فيا...
وانشاءالله اشوفك ف حاجه جديده مختلفه من عندي..... بحبكم♥✨🐝
#صغيرتي وطفلتها..
بقلمي: مريم قابيل
تعليقات
إرسال تعليق