 |
البارت ال12
رحت قعدت معه وقولتله ياسر هو انت ليه مش عايز تطلقني+
وتسبني اربي العيال وانت تشوفهم ويبقو معايا ومعاك
ياسر..ياحبيبي محصلش حاجه لكل ده صدقيني انتي بس
اعصابك يمكن تعبانه علشان مرحتيش عند ماما بقالك كتير
_ لا اعصابي مش تعبانه علشان كده ياياسر
ياسر ..امال في ايه يادعاء
_ ..!ا طب ياياسر انت صعب عليك تجيبلي شقة اربي فيها
العيال وتصرف عليهم بما يرضي الله وانا مش عايزة منك
تصرف عليا أن هشتغل واصرف ع نفسي
ياسر ..اجبلك شقةمنين ...وهتشتغلي اي بقا
_ هو اي الي منين امال هقعد بعيالك في الشارع انت مطالب
تجبلهم مكان يعيشو فيه وتصرف عليهم أنا مش بطلب منك
صدقه
ياسر ..انتي مش بتقولي هتشتغلي خلاص ابقي اشتغلي بقا
واصرفي عليهم وهاتي ليهم فيلا مش شقة أنا داخل انام
_ ياسر أنا بكلمك علي فكرة
ياسر..ياستي أنا عندي شغل الصبح مش فاضل للرغي الي
ملوش لازمة ده
_ والايام الي فاتت لما كنت بتسهر لحد ٤ الفجر معايا مكنتش
بتبقي فاضي ومعندكش شغل الصبح
ياسر..شايفة اسلوبك وطريقتك بقت عاملة ازاي علي فكرة
بقا أنا مش هطلقك ولو طلقتك مش هسيبك تخدي العيال
لاني انتي الي خربتي البيت مش انا والي خرب هو الي
يتنازل ويتحمل أنما أنا عيالي مش هيبعدو عني واتحرم منهم
بسبب وحده مجنونه ودمغها تعبانه ذيك
_ انت لو خدت مني عيالي أنا ممكن اقتلك فيها لم نفسك
وانسي وشيل من دماغك فكرة اني اسبلك العيال دي انت فاهم
ياسر ... ههههههههههههه مش بقولك مجنونة ودماغك تعبانه
يلا تصبحي ع خير
_ والله ياياسر لا انت والعالم كله يقدر ياخد مني عيالي والي
هيخدهم مني هشرحه واكله بسناني ..انت متعرفيش
دخل هو وقفل الباب وانا فضلت اكل واهري في نفسي وقلبي
مخضوض ووجعني لمجرد اني اتخيلت بس أنهم ممكن يرحو
مني أو يعيشو بعيد عني واني مش هشوفهم تاني فضل قلبي
وجعني وعماله ابعد الفكرة عن عقلي علشان اطمن واهدا.
دخلت اوضتهم وحضنت ياسين وقربته عليا اوووي واخدته
في حضني واخته نايمه جنبي النحية التانية عايزة امسك
في هدومهم خايفة حد يخدهم مني أو يخطفهم كل ما اتقلب
أو اقلق اقوم مخضوضة ابص عليهم فصلت ع الحال ده لحد
الصبح اول ما فتحت عيني ولقتهم بيلعبو جنبي وصاحين
اطمنت وقومت فطرتهم ومعرفش خوفي عليهم ذاد ولا حبي
ليهم الي قوي أو ظهر اوي امبارح كانو نفسي يكونو كبار
واوصفلهم احساسي وشعوري اني خايفه عليهم ازاي وبحبهم
قد ايه واني مستعدية اعمل اي حاجه واضحي ب كل حاجه
علشانهم عايزاهم يعرفو قد اي أنا مرتبطة بيهم ومحتاجهم
في حياتي يمكن اكتر ما هما محتجين ليا واني هما مصدر
الامل والسعادة والحياة بنسبالي المهم علشان مطولش عليكم
بقيت العب معاهم واستحمل شفاوتهم ومش بزعقلهم زاي
الاول ولا بطلع عصبيتي وخنقتي عليهم
ودماغي في نفس الوقت عماله تشتغل أطلق منه ازاي
واستقل بحياتي ازاي وهقنع بابا ازاي أني اعيش لوحدي لو
رفض
وهقولهم عايزة أطلق ليه.. واخلي الزفت ده ازاي يجبلي شقة ويسبهملي وميبهدلنيش
ولما القي كل الأفكار زفت ونهايتها مش في مصلحتي ارجع
اقنع نفسي اني اتقبل واعيش واحاول امنعه من الرجالة دي
واوجهو يمكن يحترم نفسه ويتكسف ويعيش محترم
يتبع
تكملة الروايه بعد قليل
كمل الروايه جميله ومشوقه
ردحذف