 |
#مرات ابويا.. كامله 🖤🌚
الجزء الأول.. 🖤
_ يعني هي هتفضل عايشه معانا في البيت..؟
" ايوة ي ياسمين مش بنتي وهتعيش معانا
" ايوة هتعيش معانا لحد امته..؟
_ ايوة المفروض اعمل اي يعني ارميها في الشارع
" وديها اي حته، حتى وديها الملجأ
_ أودي بنتي ملجأ، انتي اتجنني عايزة الناس تقول عليا اي ، اتجوز وحده ونسي بنته ورماها في ملجا
" يوه بقا جوزها ي محمد اتصرف
_ تصبحي على خير ي ياسمين
* سمعت گل كلاهم، حقيقي الأم مفيش زيها، وانا من بعد امي عشت اسود ايام حياتي من بعدها، شفت الذل والكسره والوجع وكل حاجه سوده، بقيت عباره عن هيكل عظمي بيمشي من غير روح بس ميت.. 🖤
_ فلاش باااگ.."
" اي رايك ي غفران..؟
_ اللي تشوفه ي بابا
" يعني موافقه اني اتجوز..؟
_ دب حياتك ي بابا انا مش هعترض عليها ، حتي لو انا رفضت بردو عادي مش هتفرق كتير، المهم انبسط انت
" ماشي يا حبيبتي اللي تشوفيه
_ مين هي دي ي بابا..؟
" طنط ي ياسمين بنت عمتي
_ مش دي اللي سبتها عشان ماما..؟
" ايوة
_ ورجعتلها تاني لي..؟
" اصل عشان..،!!
_ عشان اي..؟
" غفران روحي نامي خلاص ي حبيبتي
_ ماشى ي بابا تصبح على خير
* باااگ.. 🖤
_ عمري ما كنت اتخيل ان بابا يعمل كده، ايوة يرجع وحده سابها عشان ماما، انا عارفه انها بتكره ماما وهي عملت كده عشان تنتقم مني انا بدالها.."
_ نامت غفران، والدموع تسيل علي وجهها، وكأن الجميع اتفق أن يكسروا قلبها، ويعتموا حياتها، ما ذنب قلب بريئ بذنب شخص قد رحل، وكأن الحياة قد أقسمت ان تقسوا عليها، وتنام وعينَاها غريقه في دموعها، ولكن هناك من لا ينام عن تدبير الأمور، واسترجاع الحق لصاحبه.. 🖤
_ عند منزل صديقة غفران.. "
فرح _ ماما
" اي ي حبيبتي..؟
_ كنت عايزة منك طلب صغنن كده وانا عارفه انك مش هتعرفضي
" قولي ي آخرة صبري وسبب تعستي
_ انا ي ماما بتعسك..؟
" شغل المياصه دا مش هياكل معايا فاهمه..؟
_فاهمه
" عايزة اي..؟
_ غفران
" مالها...؟
_ كنت عايزاها تيجي تقعد معايا كام يوم تبعد عن البيت شويه
" تيجي تقعد معانا هنا..؟
_ ايوة وبما أن ياسين مسافر، ف تيجي تقعد معايا يومين
" خلاص ماشي هاتيها تقعد معانا
_ حبيبت قلبي انتي.. 🖤
* عند منزل غفران.. "
_ بقولك اي ي بت انتي مسمعش صوتك في بيتي
" بيتك...؟
_ ايوة بيتي ي غفران عشان مرمكيش في الشارع
" مش هرد عليكي بس هستني لما بابا يرجع هو اللي يرد
_ هي نقصاكي انتي وابوكي
" لا عندك كلوا الا بابا لأحسن اقسم بربي اوريكي مين هي غفران انا ساكته وعامله حساب ل بابا غير كده، هوريكي مقامك
_ انتي مش هتقعدي دقيقه تاني
محمد " في أي مالكم
ياسمين _ البت دى تمشي من بيتي حالا
" تمشي تروح فين ي ياسمين
_ معرفش تمشي تروح في أي داهيه، لا تمشي انت معاها
" اهدي طيب وانا هتصرف
* دخل والد غفران خلفها، وجدها تجلس على حافة السرير وتبكي.."
_ مالك ي حبيبتي بتعيطي لي..؟
" شايف اللي بتعمله معانا ي بابا
_ شايف ي حبيبتي
" طب مش هتعمل ليها حاجه..؟
_ اعمل اي، مقدرش اعمل حاجه
" طلقها ي بابا
_ أطلق مين وطي صوتك
" اوطي صوتي لي..؟
* يدق هاتف غفران.."
فرح _ ازيك ي حبيبتي
" اهلا ازيك ي فرح
_ مالك بتعيطي لي..؟
" مفيش حاجه
_ لا في ي غفران هتكذبي عليا..؟
" مفيش بس مخنوقه شويه
_ طب جهزي هدومك جايه بالعربيه اخدك
" لي..؟
_ تقعدي معايا يومين
" لا يفرح مش هاجي
_ مش هقولها تاني جهزي شنطتك جايه اخدك
* أغلقت فرح الهاتف قبل انا ترد عليها غفران.. 🖤
_ مردتش عليا ي بابا
" علي اي..؟
_ ياسمين
" مالها...؟
_ تطلقها
" مقدرش مقدرش
_ متقدرش لي..؟
" هتعرفي بعدين
_ ماشي انا الي هسيب البيت وهمشي خالص مع سلامه
" غفران استني
* ذهبت غفران لكي تجهز شنطتها، حتي تذهب مع فرح تعيش معها يوما أو يومين، جاءت فرح واخذت غفران وذهبت بها الي قصرها.. 🖤
يتبع...
#مرات ابويا
البارت التانى.. 🖤🌚
فرح _ اتفضلي ي حبيبتي البيت نور
" تسلميلي ي فرح مش عارفه اقولك اي..؟
_ لو قولتي حاجه هقتلك اشتا
" غفران بضحكه مزيفه" اشتا
_ يلا اركبي وانا هخلي عم عبدو يركب الشنط في الأوضه بتاعتك
" ماشي ي حبيبتي
* في منزل غفران.. 🖤
ياسمين _ راحت فين..؟
" راحت عند صحبتها
_ هتيجي امته..؟
" مقلتش حاجه ليا
_ احسن خليها العمر كله هناك
" انا رايح انام
_ انت مش بتعمل حاجه غير انك تنام بس
* عند منزل فرح، وبالتحديد في غرفه والدتها.. "
_ غفران مالها..؟
" متخانقه مع مرات ابوها
_ ربنا يصبرها عليها دي عقربه
" هي لي بتعمل معاها كده ي ماما..؟
_ عشان ياسمين دي كانت بتحب والد غفران وهو كان بيحب امها، فاتجوز ام غفران وساب ياسمين، وياسمين دي بنت عمته
" يعني هي بتنتقم من أم غفران فيها...؟
_ ايوة
" وغفران اي ذنبها..؟
_ ماهي بنتها
" ربنا يبعدها عنها
_ يارب، خلاص ي فرح خلي غفران على قد ما تقدر قاعده هنا، حتي لو ياسين اتكلم انا هتكلم معاه
" حاضر ي ماما
* في غرفة غفران.. "
_ فاكره ي ماما لما كنتي بتلعبي معايا ووقعت علي رجلي، وقتها شفت لمعة عيونك وقلبي كان بيعيط، خفت في يوم تبعدي عني، وبردو مشيتي وسبتيني، يااه ي ماما وحشتيني اووي وحشني حضنك اللي كان بيطمني وقت خوفي وحشني خوفك عليا من الشارع وحشني كلامك ليا وحشتيني ي ماما ارجعي بقا احضنك وامشي تاني، هحكيلك كل حاجه هحكيلك ياسمين بتعمل فيها، بتعذب بنتك ي ماما بتموتها بالبطيئ تعالي خديني انا تعبت تعبت من بعدك اووي
_ كانت فرح تسند رأسها علي حائط غرفة غفران وتستمع الي حديثها، ولكن خانتها دموعها علي صديقتها وعلي ما يحدث معها.. 🖤
" فرح...؟
_ مالك ي غفران..؟
" تمسح غفران دموعها " ها مفيش
فرح تاخذ غفران في حضنها _ متعيطيش ي حبيبتي انا معاكي مش هسيبك ابدا هفضل جنبك دايما
" ياريت ي فرح انا تعبت تعبت من كل حاجه مفيش حد معايا
_ قولتلك انا معاكي خلاص محدش هيقدر يقربلك
* عند والدت فرح.. 🖤
_ بجد ي ماما..؟
" ايوة ي حبيبي انا كويسه
_ بس حاسس ان في حاجه
" بصراحه
_ بصراحه، يبقي في حاجه
" غفران
_ مالها غفران..؟
" عندنا
_ خضتيني حرام عليكي
" مالك..؟
_ مفيش حاجة، هي كويسه..؟
" لا مش كويسه، متخانقه مع مرات ابوها ومعذباها
_ طيب ي ماما انا جاي
" جاي لي..؟
_ هاجي وخلاص ي ماما، يلا سلام
* في منزل غفران.. 🖤
_ هو كويس..؟
" طبعا كويس هو جاي من السفر بكره وهيجي يشوفها
_ ماشي ي امل
" امال هي فين..؟
_ بايته عند صاحبتها
" طيب ابقي كلميها عشان تيجي عشان يشوفها
_ حاضر هكلمها، عشان اخلص منها
" كلنا عاوزين نخلص منها، بس بهدوء
_ عندك حق
" يلا مع السلامة
_ سلام
* في مكان بعيد.. 🖤
_ هتعمل اي..؟
" خلاص اخدت اول خطوة ليها
_ لو اتكشفت..؟
" يبقي هنتكشف كلنا
_ بس انت اللي هتسرق باباها..؟
" وانتو هتقسموا معايا
_ ماشي ي يوسف
* في منزل فرح.. 🖤
_ تؤتؤ مالك ي بنوتي..؟
" مفيش ي حبيبتي انا كويسه
_ عجبك البيسين..؟
" تحفه
_ طيب تعالي
" اجي فين..؟
وألقت فرح غفران في البيسين _
تيجي في الميه ههههه
" كده ي جزمه
_ معلش اطلعي تعالي
" حرام عليكي بقيت ميه خالص
_ تعالي غيري هدومك عشان ناكل
" بت ي فرح
_ اي..؟
" عندكم اندومي...؟
_ ششششش وطي صوتك
" لي..؟
_ ماما لو سمعتك هتقتلنا
" نهار ابيض
_ تعالي
" اي...؟
_ عندي كيسين في الأوضه تعالي نعملهم
" ي تافهه يلا بسرعه
* وظلت الفتاتان يمرحان ويضحكان، ونسوا ما قد يحزنهم، ولكن تبقي غفران محطمه من الداخل، فإن ما كسر بها ليس من السهل إصلاحه"أين هذا الحَكيم الذي قال “ كل هذا سيمُرّ ” لأُخبره أن بعض الذي مرَّ قد أخذ معه قطعاً من أرواحنا..🖤
يتبع... 🖤
#مرات ابويا
البارت التالت.. 🌚🥀
_ جاء ياسين من السفر، عندما أخبرته والدته بما حصل مع غفران.. "
ياسين _ ازيك ي ماما
" ياسين حمدلله على السلامه
_ الله يسلمك
" جيت بسرعه كده لي..؟
_ عادي مش ورايا حاجه جيت اقعد معاكم
" تقعد معانا بردو..؟
ياسين بغمزه _ عادي ي حبيبتي ومعاها هي بردو
تضحك والدته " مانا عارفه يولا
_ هي فين..؟
" في الجنينه مع فرح
_ اشتا
" خد تعالي رايح فين..؟
_ رايح ليهم..!!
" مش هتاكل الأول...؟
_ بعدين ي ماما
* عند فرح وغفران، يلعبون مع بعض في الجنينه.. 🖤
فرح _ بصي ي ستي نلعب لعبه حلوة
" اي هي بجاا..؟
_ حطي الشال دا علي عيونك لو مسكتيني هنزل انا مكانك وأدور عليكي وامسكك وهكذا
" اتفقنا
_ تعالي احطهولك عشان متشوفينيش
* غمت فرح عيون غفران، وبعد أن انتهت ظلت غفران تجري وفرح تضحك وغفران تجري حتي أمسكت ب.. 🖤
غفران _ مسكتك
ياسين " مسكتيني..؟
_ ياسين..؟ اسفه كنا بنلعب
" شكلك حلو اووي وانتي بتلعبي
غفران بكسوف_ حمدلله على السلامه
" الله يسلمك
فرح _ سوو حبيبي وصل
" فرحتي وحشتيني
_ جيت أمته ي بني
" لسه جاي اهو
_ طيب روح ارتاح شويه وهكلم حد من الشغالين يجهزلك الأكل
" مش هتاكلوا انتو معايا
غفران _ لا أحنا..
فرح" اكيد طبعا هناكل، مش كده ي غفران، بضربه على كتفها
غفران _ ها اه نأكل
* ذهب ياسين الي الداخل، ولم تنزل عيناه من علي غفران، وأحمرار وجهها، يدق هاتف غفران.. 🖤
محمد_ الو
" ايوة ي بابا..؟
_ ازيك ي حبيبتي
" كويسه، في حاجه..؟
_ تعالى البيت عاوزك
" في حاجه انت كويس
_وانا كويس بس تعالي
" حاضر
غفران _ فرح انا لازم امشي
فرح " لي في حاجه..؟
_ مفيش بس بابا بيقول انه عاوزني
" طيب البسي وتعالي اوصلك
_ ماشي
* في منزل غفران.. 🖤
يوسف _ امال العروسه فين..؟
عمت غفران " اهي جايه ي حبيبي
يوسف _ هي راحت فين..؟
عمتها " عند صحبتها واهي جايه
والدتة غفران _ هي اتأخرت لي ي محمد..؟
" معرفش قالت جايه
* يدق الباب.. "
غفران _ السلام عليكم
والدتها " ازيك ي حبيبتي
غفران بخضه_ هو في أي هنا..؟
عمتها" دا يوسف ي حبيبتي جاي يتقدملك
_ بصفته اي يتقدملي..؟
ياسمين" تقعدي مع الراجل وتتفقوا على الجواز عشان اخلص منك
_ هو اي دا، مفيش الكلام دا طبعا، ويلا اتفضل حضرتك مش عايزة اتجوز انا
ياسمين" انتي بتقولي اي..؟
_ اللي سمعتيه انتي عايزة تجوزيني غصب عني، انا قاعده في بيت ابويا مش بيت حد
" لا دا مش بيت ابوكي دا بيتي ي حبيبتي
_ هو اي الكلام دا..؟ ساكت لي ي بابا..؟
محمد " ايوة ي غفران بيتها بيتها
ياسمين _ يلا ي شاطرة خدي هدومك وامشي من هنا
غفران" انتي بتطرديني من بيت ابويا...؟
_ مش بيت ابوكي دا بيتي زي ما سمعتي ويلا امشي من هنا
غفران" مردتش يعني ي بابا، ساكت لي، ماشى انا همشي لكن وربي وما هسيبك ي عقربه انتي
* خرجت غفران من منزل والدها، وهي تحمل علي اكتافها هموم الدنيا، وعذاب القلب وفقدان والدتها، خرجت وعيونها تحمل الدموع التي قد حان وقت نزولها، لا تعلم الي اين تذهب حتي قد امتلأت عيناها السواد، استيقظت غفران.. 🖤
غفران _ اه، انا فين..؟
ياسين " انتي المستشفي
_ ياسين..؟ انا جيت هنا ازاي انت بتعمل اي هنا..؟
فرح" كنا رايحين عشان نشوفك، لقيناكي واقعه على الأرض
غفران والدموع تنزل من عيونها " مرات ابويا طردتني من البيت
ياسين _ احسن، قصدي دي معندهاش دم ولا رحمه
فرح" مفيش مشكله ي حبيبتي أنتي تيجي عندنا البيت كبير
_ لا ي فرح انا مش عاوزة اكون عبئ حد
" حد..؟ بقيت حد انا ي غفران
_ مش قصدي والله بس مش عايزه اتقل عليكي
" وانتي مال اهلك تتقلي عليا ولا لا انتي هتيجي غصب عنك
_ لسانك عاوز يتقطع لسه
" مانتي مش بتيجي غير كده ي حبيبتي
ياسين _ فرح عندها حق واحنا مفيش حد معانا في البيت
غفران" حاضر
* ما ذال قلب غفران محطم حتي تذال الأوجاع من عليه، وتحمل مكانها السعاده، لن قلبها لا يشبه الحزن ابدا، ذهبت فرح وغفران وياسين الي قصر فرح، والفرحه تملأ وجه غفران، أن لها صديقه مثل فرح، ولكن ياسين له احساس آخر لم يترجم بعد.. 🖤
محمد _ ارتحتي كده
ياسمين " ايوة ارتحت بدل ما كانت زانقه البيت علينا
_ انا معرفش بنتي راحت فين دلوقتي
" احسن مش عاوزين نعرف عنها حاجه، ولا عايز تحصلها..؟
_ منك الله انتي مستحيل تكوني بني آدمه
* في مكان بعيد.. 🖤
يوسف _ موافقتش
" طب وهتعمل اي..؟
_ عشان الورث يتقسم بعد ما ياسمين تخلص على باباها، لازم غفران كمان تروح معاه
" تموت معاه..؟
_ ايوة، وكده هتقدر ياسمين تقسم الورث علينا ونبقى كسبنا اللعبه
" يابن الايه،بتفكر صح
* في منزل فرح.. 🖤
ياسين _ قولتي اي ي ماما..؟
" قولت اي في أي..؟
_ غفران
" مالها..؟
_ اتجوزها
" هي هتوافق...؟
_ مانا بقولك عشان تشوفيها الأول ي ماما
" ماشى ي ياسين، انا عارفه انك جاي وسايب الشغل عشانها
_ شطورة ي ماما
" ماشى هقولها بليل.. 🖤
يتبع..🥀
.. 💙
#مرات ابويا
البارت الرابع.. 🖤🌚
_ طيب هنعمل اي دلوقتي ي ياسمين
عمة غفران" مش عارفه، غفران اللي عملته امبارح رجعنا عشرين خطوة لوراء
_ طب والحل اي دلوقتي..؟
" بصي سيبني افكر دلوقتي لأن دي حاجه مش سهله
_ بس ياريت بسرعه
" بسرعه يعنى اعمل اي، يوسف لو كان اتجوزها كنا في خلال 5 ايام كانت كل حاجه هتبقي لينا، وغفران وابوها كان الله يرحمهم
_ فعلا هي بوظت كل حاجه
" لسه بردو الكورة في ملعبنا
_ هتعملي اي..؟
" نخلص منهم هما الاتنين
_ الأتنين..؟
" ايوة
_ بس..
* عند منزل فرح.. 🖤
والدتة ياسين _ غفران تعالي عيزاكي
" حاضر ي طنط
_ بصي ي حبيبتي
" خير ي ماما
_ الله كلمة ماما طالعه منك حلوة اووي ي بت
" ما فعلا انتي ماما بعد ماما الله يرحمها
_ الله يرحمها
" خير بقا
_ خير ان شاء الله، ياسين
" ياسين، ماله..؟
_ اي رايك فيه..؟
" شخص محترم مثقف وناجح
_ طيب انتي شيفاه اي..؟
" بصراحه بصراحه..؟
_ بصراحه
" حاجه حلوة اووي
_ بجد..؟
" بجد اووي ي ماما
_ طيب اي رايك تتجوزيه..؟
غفران بفرح " اتجوز مين..؟
_ ياسين
" بت ي فرح تعالي اقرصيني عشان اصحى
_ لا ي حبيبتي انتي صاحيه
" بجد
_ ايوة ي غفران ها قولتي اي..؟
غفران بكسوف" موافقه ي ماما
* في مكان بعيد.. 🖤
يوسف _ عرفت هتعمل اي..؟
" ايوة ي باشا
_ تمام تحطله السم في القهوة بتاعته من غير ما حد يحس
" حاضر يبشه
* في منزل غفران.. 🖤
ياسمين _ ها ي يوسف عملت اي..؟
" خلاص اتفقت مع الجرسون وهيعمل اللي قولتله عليه
_ حلو خالص واهو هو لسه خارج ورايح يحضر الماتش
" تعدي المهمه دي علي خير ان شاء الله
_ يارب ي يوسف
* ذهبت فرح وغفران وياسين الي الشاطئ لكي يتمشون علي البحر.. 🖤
_ ماما كانت عاوزاكي في أي ي بت
" ها...؟
_ ماما
" مالها..؟
_ كانت عاوزاكي في اي..؟
" ولا حاجه
_ عليا بردو ي بنت محمد
" مش بعرف اخبي حاجه عليكي
_ قولي بقا
" عرفت ان احنا أكلنا الاندومي
_ يجزمه
" عيب عليكي ي بت
_ امشي ي غفران مش قدامي امشي
" وانا مالي ي لمبي
_ قلتلك اي بجد بقا
" اتجوز ياسين
_ تتجوزي ياسين...؟
" ايوة
_ وتقعدي على طول معانا...؟
" دا اللي هامك اووي يعنى
_ ايوة طبعا، وانتي قولتي اي..؟
" ضعفت طبعا ووافقت
_ انا عارفه ان اخويا قمر اصلا
" طالعلك ي قلبي
_ ي روح قلبي انتي قمرين
* في الكافيه.. 🖤
محمد _ أحمد ي أحمد
" اهلا ي استاذ محمد
_ القهوة بتاعتي لو سمحت
" حاضر
أحمد _ مش عارف اعمل اي
" حط السم زي ما قالك
_ اقتل بني آدم ي حسن
" بدل ما تموت انت يعني
_ مش عارف اعمل اي ساعدني
" انت تعرف بنته غفران..؟
_ ايوة اعرفها
" كلمها وقولها بس متقولهاش مين قالك
_ فكره حلوة
* يدق هاتف غفران.. 🖤
أحمد _ الو
غفران" مين..؟
_ فاعل خير
" عاوز اي يعني..؟
_... وحكا ليها كل حاجه
" هات العنوان بسرعه
فرح _ مالك في أي..؟
" في حد حط سم ل بابا في كوباية القهوة
فرح _ ياسين ياسين تعالي بسرعه
ياسين " في أي مالكم
فرح _ تعالي بسرعه سوق بينا وهتعرف في الطريق
* ذهب ياسين وفرح وغفران الي حيث يجلس والد غفران، لعلا القدر ينقذه من الموت أو اللعبه الخبيثه، وصل ياسين وباقصي سرعه ممكنه الي مكان الكافيه.."
دخلت غفران مسرعه الي حيث يجلس والدها، وأخذت فنجان القهوة من يده قبل أن يشرب منه.. 🖤
محمد _ انتي بتعملي اي...؟
" القهوة فيها سم
غفران تسيل دموعها وتحضن والدها " فيها سم ي بابا عاوزين يموتوك
محمد _ اهدي ي حبيبتي مين دول اللي عاوزين يموتوني..؟
" معرفش في حد رن عليا من خمس دقائق وقالي على كل حاجه
_ مين هو دا..؟
" معرفش بس قال فاعل خير
_ طيب ي حبيبتي اهدي الحمدلله
" الحمدلله
* في مكان بعيد.. 🖤
يوسف _ يعني اي متسمش...؟
" زي ما بقول لحضرتك كده
_ غور من وشي اقفل
يوسف " الو ي ياسمين
_ اي ي يوسف طمني مات..؟
" لا
_ لا أي ازاي..؟
" مشربش القهوة ي ياسمين
_ مشربهاش لي ...؟
" يوه بقا معرفش
* ذهب محمد الي بيته، وذهب غفران بصحبة فرح وياسين الي ألقصر، وقد انتصرت البنت علي قسوة قلب والدها، ولكن الي متي سوف تتحمل.. 🖤
ياسمين _ اهلا
محمد" مالك. قالبه وشك لي..؟
" مفيش
_ تعالي احكيلك اللي حصل معايا
" ها خير حصل اي..؟
_ أخبرها بكل شئ
" بجد..؟
_ ايوة
" منهم لله ولاد الحرام اللي عايزين يموتوك دول
_ حسبي الله
" فعلا ي حبيبي الحمدلله انك لسه عايش
* ماذال قناع الحقد الخبث يرتديه أصحاب القلوب السودا، يتظاهرون كأنهم ملائكه، وفي الحقيقه هم شياطين الإنس يعيشون معنا على الأرض، ويبقى القناع الخبث مخفي حتى يظهر قناع الحق.. 🖤
يتبع... 🖤
#مرات ابويا
البارت الخامس.. 🖤🥀
فرح _ غفران ي غفران
" ها خير عملتي اي مصيبه انهارده...؟
_ انا بتاعت مصايب بردو ي غفران..؟
غفران باستفزاز" لا طبعا انتى غلبانه
فرح بضحك _ اووي
" عاوزة اي..؟
_ ياسين
" ماله...؟
_ عا...
" مشي صح..؟
_ لا
" مسافر وعايز نودعه..؟
_ لا
" هيخطب وجايب خطيبته..؟
_ لا لا لا
" امال اي..؟
فرح بتعصب _ اهدي عشان اتكلم
" الميك معاكي
_ ياسين عازمنا علي الغدا
" وقعتي قلبي حرام عليكي
_ ضربه في قلبك ي بعيده هتشليني
" حبيبي تسلم والله يرجوله
_ عوزاكي تلبسي فستان حلو كده
" بس...؟
_ بس اي مالك..؟
" مش معايا فساتين
_ ولا يهمك تعالي خدي كام فستان من عندي
" بس دول بتوعك انتى وانا مش...
_ ششش أحنا الأتنين واحد ي غفران مفيش حاجه اسمها انا وانتي فاهمه..؟
" حاضر فاهمه
* ذهبت غفران مع فرح لكي تختار فستان لتلبسه حتي تذهب معها الي العزومه، وكأن حدث كل ذلك معها حتي تظهر محبة واهتمام فرح لها، ويبقي الرزق في كل شئ وليس في الأموال فقط ربما يأتي الرزق علي هيئة انسان يضئ لك حياتك.. 🖤
* في مكان بعيد.."
_ ودا مين اللي هيشتري الشركه ي يوسف..؟
" معرفوش
_ يعني اتفقت معاه...؟
" ايوة ي ياسمين اتفقت معاه وهيشتري بس
" بس اي..؟
_ محمد هنعمل فيه اي..؟
" هيموت
_ انتي بتقولي اي..؟
" زي ما سمعت هنموته ونقدر نبيع الشركه
_ بس
" مفيش بس، لو علي غفران في هي مش هتقدر تتكلم اصلا
_ الشركه عليها ديون
" اتسددت
_ اي..؟
" محمد اخد قرض من البنك وسددها
_ يبقي كده الشركه هتبقي لينا..؟
" ايوة بس احنا اللي هنسدد ديونها من بعده
_ مش مهم المهم ي ياسمين نخلص من محمد بأسرع وقت
" انهارده قبل بكره هيخلص
_ تمام
* في قصر ياسين.. 🖤
ياسين _ تمام كلم المحامي ويخلص الورق في الشهر العقارى، اه اتفقنا على الفلوس وخلاص مش باقي غير الإمضئ بس، تمام سلام
* تنزل فرح وتمسك غفران من يدها، وتنزل بها وهي ترتدي فستان طويل وجميل ارزق وشوز كعب وحاجه في منتهي الجمال.. 🖤
ياسين _ بسم الله ماشاء الله قمر نازل
غفران بكسوف" شكرا
فرح _ اوعي بقا دي مرات اخويا
ياسين" الاهتمام بتاعك واضح عليها اووي
فرح _ اي مش عجباك..؟
ياسين " دي قمر والله
غفران _ هتتخانقوا عليا..؟
ياسين" من حقنا نتخانق مش شايفه يعنى..؟
غفران _ مش شايفه اي..؟
ياسين " الجمال
احمر وجه غفران، فرح _ انا بقول نمشي عشان جوعت
ياسين " همك علي بطنك انتي
* مشي ياسين مع فرح وغفران ذاهبون الي المطعم، وفي مكان آخر.. 🖤
محمد_ انا هكتب الشقه باسم غفران بدل من اسمك
ياسمين" لي أن شاء الله
_ عشان هي بنتي والشركه عليها ديون وانا مش عارف هسيبلها اي..؟
ياسمين " مش انت سددت الديون..؟
_ ايوة بقيت عليا، عشان كده عاوز اكتب الشقه باسمها
ياسمين في نفسها، هو هيكتبلها الشقه وانا هاخد الشركه يعني اجيب عشر شقق احسن منها " ماشي اكتبها باسمها
_ ماشي انا رايح الشهر العقارى اسجله
" ماشي وانا هجهزلك الأكل
* في مكان آخر.."
يوسف _ عملتي اي..؟
" كل حاجه ماشيه تمام بس
_ بس اي ي ياسمين..؟
" هيكتب الشقه باسم غفران
_ مش مهم خلاص بدل ما تقعد في الشارع واحنا هناخد فلوس الشركه
" ماشي، هو راح الشهر العقارى وهجهزله الاكل
_ السم بياخد وقت قد اي..؟
" ساعه عشان ينتشر في الجسم
_ تمام حلو خالص
* عند فرح وغفران وياسين.. 🖤
فرح _ انا بقول رايحه اجيب حاجه
غفران " خديني معاكي..؟
_ لا خليكي انتي دي حاجات نسوان بس
_ فرح فرح، عرفت انها لبستني لوحدي
ياسين " مالك ي فرح سرحانه في أي..؟
_ في حاجات كتير ي ياسين
" في ياسمين صح..؟
_ خايفه
" خايفه من اي..؟
_ تعمل فيا اي حاجه دي مبقاش عندها قلب
" متخافيش طول مانا معاكي
_ بس انت..
" انا بحبك ي غفران، لما كنتي بتيجي مع فرح عندنا، كنت انا اللي بقولها تجيبك عشان اشوفك واطمن عليكي، بس كنت بشوف في عيونك هموم الدنيا كلها، وكل دا بسبب باباكي مراته وانا حلمت ان يجي اليوم واخلصك منهم
_ وانا كمان بحبك ي ياسين
" تقبلي تتجوزيني..؟
تهز رأسها بموافقه_ موافقه
* في منزل غفران.."
ياسمين _ محمد مالك
" هموت مش قادر
_ فيك اي طيب
" بطني اتصلي بلاسعاف بسرعه
* يدق هاتف يوسف.."
ياسمين _ خلصت ي يوسف
" اي اللي حصل..؟
_ عملت اللي قولتلك عليه
" هو فين دلوقتي..؟
_ بيموت اهو
" طب اتصلي بالاسعاف
_ حاضر
* أتت الإسعاف وأخذت محمد الي المستشفى، ولكن هل سوف يصمد امام ذاك السم اللعين، عند غفران.. 🖤
فرح _ والفرح أمته بقا كده..؟
غفران " ساكت لي ي ياسين..؟
ياسين _ مستني اشوفك هتقولي اي
غفران" براحتك
ياسين _ انا لو عليا تتجوز دلوقتي
فرح " ياريت اصلي عاوزة افرح
* ضحكة الجميع وابتسامه متبادله مع بعضهم، ويدق هاتف غفران.. 🖤
غفران _ الو مين
الشخص"....
_ العنوان بسرعه
فرح " في اي..؟
غفران _ بابا تعبان في المستشفى
ياسين " اركبوا العربيه يلا
* ذهبوا جميعا الي المستشفى، ربما قد تاخروا وربما قد سبقهم السم وقد انتصر، وصلوا الي المستشفى بأقصى سرعة ممكنه.."
غفران _ دكتور
" خير..؟
_ بابا حالته اي
"......
يتبع...
#مرات ابويا
البارت السادس.. 🥀🌚
غفران _ ي دكتور بابا حالته اي..؟
" للأسف ي استاذه
_ اي..؟
" البقاء لله
_ سمعت صح انا، ايوة انا سمعت صح بابا مات خلاص، راح وماما كمان راحت، طب وانا سبتوني لي سبتوني لمين انا لوحدي، لي ماخدتونيش معاكم، هتسيبوني لمين، لياسمين تعذب فيا وتشغلني خدامه عندها، ولا في الشارع، دوخت واغمي عليا، اول ما صحيت.. 🖤
غفران _ انا فين..؟
ياسين " انت في المستشفى
_ غفران بدأت تفتكر اللي حصل، ودموعها بدأت تنزل، صعبت علي نفسها وعلى اللي هيحصل ليها، بس في لحظه افتكرت ياسين.."
ياسين " بتعيطي لي..؟
_ بقيت لوحدي ي ياسين
" ومين قال انك لوحدك، انتى هتبقي مراتي، وانا وماما وفرح هنبقي معاكي عمرك ما هتبقي لوحدك تاني
_ بس بس
" مفيش بس
_ بقيت بستوعب إللي حصل، الصدمه كانت تقيله عليا، ماما تروح مني ومن بعدها بابا، لي كده بس ي دنيا انا عملت اي لكل دا، بكِيتُ لوحدّي ضحكتُ لوحدِي تحرَكتُ لوحدِي ميشت لوحدِي وَ مرِضتُ لوحديّ فلِماذَا ابكيّ حِينَما تقسوا عليا الحياة، فأنا تعودت خلاص، اتألم جـداً بهـذه الفتـره,تغيـرت بكـل شـي اختلـق لنفسـي ضحكـه مزيفـه يظنونهـا فـرح,لسـتُ هكـذا ابـداً متعبه مـن الداخل بحجـم كـل شـي..🖤
يوسف _ ها كده كله تمام..؟
المحامي " تمام ي استاذ يوسف
_ فاضل اي كده..؟
" تمضيء على ورقه تسديد القروض لأننا هناخد الشركه مش عليها حاجه
_ بس
" بس أي...؟
_ مفيش، مضيئ يوسف علي كل ورق بيع الشركه، في العقد اللي معاه أنه نائب مدير الشركه فيه بند في العقد انه يحقله بيع الشركه لو المدير توفئ، تمت كل حاجه واخد الفلوس ومشى المحامي..🖤
فرح _ اي ي غفران ليكي فتره متغيره كده
" معلش ي فرح مخنوقه شويه بس
_ طيب حددتي معاد الفرح بتاعكم..؟
" لسه مش عارفه تعالي نشوف ياسين
_ تعالي
* في منزل غفران.."
يوسف _ الفلوس اهي
ياسمين" حلو اووي اووي
" بس في مشكله
_ اي..؟
" انا مضيت على ورقه القروض
_ ي نهار اسود ي نهار اسود، خربت الدنيا، دي القروض قد الفلوس دي 3 مرات
" بس اللي سحبها محمد
_ وانت نائب مدير الشركه ي غبي ومضيت مكانه
" يعني اي..؟
* عند قصر ياسين..🖤
ياسين _ تمام الشركه مسؤوليتك خلاص، أدي مرتبات الموظفين شهر مقدم عشان يتشجعوا على الشغل،تمام مع السلامه
فرح _ ياسين
" اي ي حبيبتي..؟
_ هتحدد معاد فرحك انت وغفران أمته..؟
ياسين " اي رايك انتي ي غفران..؟
غفران _ انا قولتلها نشوف ياسين
فرح " الخميس الجاي اي رايكم
غفران _ أهدي يخربيتك انا مش معايا فلوس عشان الفستان
فرح" سمعيني قولتي اى دلوقتي..؟
غفران _ مش مع...
فرح" متكمليش ي عره، على فكره انتي صاحبه مش جدعه عشان تقولي كده
_ دي الحقيقه يفرح
فرح" ياسين شوف غفران بتقول اي..؟
ياسين _ شغل الهزار بتاعكم دا كملوه مع بعض انا ماشي، اه صح ي غفران انا هكلم عميل في لندن يصمم فستان الفرح
غفران وقد سألت دموعها" انتو بتعملوا معايا كده لي...؟
فرح _ عشان انتى تستاهلي اكتر من كده ي روحي
* بدأت فرح في تجهيز غفران لزفافها، وكأنها تجهز اخت لها وليس صديقتها، ولكن الحب الذي بينهم لا يعيقه شيء، في مكان آخر..🖤
_ فى حد عاوز يدخلك ي فندم
" دخله ي بنى
دخل الشخص _ السلام عليكم، انا المحامى..... محامي بنك مصر للتعمير
الظابط" اتفضل حضرتك عاوز اي..؟
_ عاوز أقدم بلاغ في شركه عليها قروض بمبلغ 6 مليون دولار
" اسم الشركه اي..؟
_....
" تمام شكرا
* في قصر ياسين.. 🖤
_ الجواب دا لحضرتك
ياسين " ليا انا..؟
_ ايوة بلاغ
" بلاغ اى دا، فتحت الجواب لقي بلاغ قرض باسم الشركه اللي اشتراها من يوسف، بس كان عامل حسابه، شكرا ليك
ياسين _ ايوة، اللي كنت عامل حسابه حصل، خد المحامي وروح القسم ووري النيابه الورق، ماشى سلام.. 🖤
_ جاء قبل زفاف غفران بيوم.."
غفران " انا خايفه
فرح _ خايفه من اي..؟
" عروسه ولازم اخاف ي فرح
_ متخافيش احنا هنخطفك
" ربنا يستر
* ظلت الفتاتان يضحكان ويرقصان، فإنها حفل زفاف وليس عزاء، وعلي الجانب الآخر من ينتظر الرد على مصيره.. 🖤
يتبع...🥀
مرات_ابويا
البارت الاخير.. 🖤🌚
ياسمين _ هنعمل اي دلوقتي..؟
يوسف " معرفش
_ متعرفش ازاي تلاقي الحكومه بتدور علينا
" تدور علينا احنا لي..؟
_ غبي غبي
" ياسمين معرفش أن كان هيحصل كده
_ ماشي ي يوسف الليله هتشيلها لوحدك اصلا
" لوحدي..؟
_ ايوة لوحدك كل حاجه انتى اللي عملتها
" يعني اي..؟
_ يعني انا بره اللعبه دي
* جاء موعد زفاف غفران وياسين، والجميع في قمة السعادة والفرح، وبينما هناك شخص لا يعلم ماذا ينتظره، بدأت الحفله وبدأ الجميع في تهنئة العروسين، بدأ ياسين يطمن غفران لأن التوتر والقلق ظهر عليها.. 🖤
ياسين _ مالك في أي..؟
" هاا مفيش
_ غفران مالك الناس هتتفرج علينا
" خايفه ي ياسين
_ من اي..؟
" البيت بتاع بابا باسم ياسمين، والشركه تلاقيه..
_ باعتهاا
" أتت بتقول اي..؟
_ مش وقته بعد الفرح هفهمك كل حاجه
* في مكان آخر..🖤
المحامي _ حضرتك دا الورق اللي يثبت ان نائب مدير الشركه مضئ عليه انه يتحمل ديون الشركه وكده تبقي الشركه خاليه من اي ديون، الورقه اهي حضرتك
وكيل النيابة" تمام
محامي الشركه _ كده الأستاذ يوسف اللي هو التائب يتحمل المسؤليه..؟
وكيل النيابة" ايوة ي استاذ، احنا هنعمل اللى علينا قبل ما يفكروا يعملوا حاجه أو يهربوا
* في الحفله..🖤
فرح _ بت ي غفران
" عاوزة اي..؟
_ فين ياسين..؟
" مش عارفه قال 5 دقائق وراجع، ساب الفرح وجاي
_ طب قومي
" اقوم اروح فين..؟
_ قومي صوريني وانا اقعد مكانك
" اصورك، انا العروسه اصورك ازاي...؟
_ عروسه على نفسك قومي صوريني
" الله يفضحك ي بنتي
_ لا مش حلوة دى استني
" لا تعالي ناخد سيلفي
_ أشطا خديه انتي بقا
" انا...؟
_ ايوة انتى
ياسين" بتعملوا اي..؟
فرح _ تعالي أدخل معانا في السيلفي
غفران" فرح دى مصيبه
ياسين بضحك _ هو انتي لسه عارفه دي اختي
* انتهت الليله الجميله، كانت من احلي ليالي غفران وكأنها حدث معها كل ذلك حتي يعوضها الله بليلة العمر، والزوج، واخت الزوج الصديقه، وتبقي السعادة مع من تحب وليست في المال، وعلي الجانب الآخر، تمت التحقيقات في ديون الشركه التي لم يتم عليها أي أموال، وتصبح الديون هي من يدفعها يوسف..🖤
الظابط _ انت الأستاذ يوسف..؟
" اي ايوة انا يو يوسف
_ حضرتك متهم بتاخر سداد الديون شركة حضرتك اللي هي بقيت تحت تصرفك بعد وفاة صاحبها الحقيقي
" معاك إذن من النيابة بالكلام دا..؟
_ اكيد طبعا اهو
" ياسمين اتصرفي
ياسمين_ اعمل اي، مش دى كانت لعبتك
يوسف" بتغدري بيا..؟
_ انت اللي بدأت
" ماشي ي ياسمين
* ربما انتهي الشوط الاول من اللعبه، لم يستفد منها أحد، ولكن.. "
ياسين _ استنى ي حضرت الظابط
ياسمين" انت مين وعايز اي..؟
الظابط _ اتفضل مين حضرتك
ياسين" انا ياسين، جوز غفران بنت الأستاذ محمد صاحب البيت دا، وهو كتبها باسمها
ياسمين _ انت بتقول اي دا البيت بتاعي
الظابط" معاكي حاجه تثبت بكده
ياسمين _ لا
ياسين " العقد أهو ومتسجل في الشهر العقاري
الظابط _الورق مظبوط، البيت باسم المدام غفران محمد
ياسمين" يعني اي..؟
الظابط _ يعني تاخدي اي حاجه تخصك من هنا عشان البيت يرجع لصاحبه
ياسمين" حاضر يبشه
الظابط _ استاذ ياسين انت مش فرحك انهارده
ياسين" ايوة ي بأشا بس حبيت ارجع الحق لصحابه الاول
* في قصر ياسين، وتجلس غفران علي اعصابها، لا تعلم أين ذهب ياسين في ليله زفافه وترك عروسته، عاد ياسين وذهبت غفران تجري نحوه.. 🖤
غفران _ ياسين..؟
" اي ي حبيبتي..؟
فرح _ كنت فين وازاي تسيب عروستك في يوم زي دا..؟
ياسين" طب اهدي بس
غفران _ في أي يا ياسين مخبي عليا حاجه..؟
ياسين " لا ي حبيبتي
غفران _ امال في أي..؟
ياسين" مش انتي قولتيلي عايزة تعرفي كل حاجه عن الشركه والبيت اللي هو باسم ياسمين والشركه اللي باعتها..؟
غفران _ ياسين اي علاقة اللي بتقوله دا، باختفائك..؟
ياسين" الحكايه من اولها، أن ياسمين ويوسف اللي كان عاوز يتجوز وعمتك، كانوا في الأول عاوزين يجوزوكي يوسف، عشان من بعد باباكي الشركه والبيت يبقوا تحت تصرفهم، الأستاذ يوسف كلم محامي الشركه علي أن أي حد يتقدم بالشراء الشركه ياخدها بأعلى تمن، كلمت المحامي بتاعي وقولتله خلصها ب اي سعر المهم تبقي لينا
غفران _ وبعدين..؟
ياسين " خلص كل الإجراءات، بس طلع في ديون علي الشركه، وقولت بما ان كانوا عاوزين يخلصوا منك بعد ما ياخدوا كل حاجه، قررت امضيئ يوسف علي ورق تسديد كل الديون وهو اللي يتحملها
غفران _ وياسمين...؟
ياسين" باباكي كتب البيت باسمك في يوم وفاته، وانا روحت انهارده لحد البيت عشان ياسمين تلم هدومها وتمشي، والحكومه تمسك يوسف
غفران _ انا مش فاهمه حاجه..؟
ياسين" باختصار، دا ورق الشركه باسمك، ودا عقد البيت باسمك كده احنا خلصنا من يوسف وأتحبس وياسمين اترمت في الشارع
غفران _ يعني البيت والشركه بقيوا باسمي..؟
ياسين" ايوة ي حبيبتي
غفران بدموع _ انا مش مصدقه انت عملت كل دا عشاني..؟
ياسين ياخدها في حضنه " ايوة ي حبيبتي ومراتي القمر...❤️
* تبقي جميله مثل جميع النهايه، لأن النهايه دايماً سعيده، عاش ياسين وغفران أجمل أيام حياتهم، وخلفوا لؤي وفرح، علي اسم عمتها العقربه أخت ياسين، لكن في الحقيقه هي أقرب حد ل غفران..🖤
تمت.. ❤️🥀
الگاتب_الصغير
تعليقات
إرسال تعليق