مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#من_قلب_الظلام 3 

انت بجد عايز تتجوز

= اه هتجوز ، فيها حاجة دي

ازاي عايز تتجوز على امي 

= بصراحة امك مبقتش مكفياني ، وانا راجل وليا احتياجاتي ، امك كبرت في السن وانا محتاج واحدة صغيرة تدلعني

انت مش شايف سنك يا بابا ولا ايه

= مالو ، دا انا حتى لسة شباب

زي ما انت محتاج واحدة صغيرة تدلعك ، الصغيرة كمان هتبقا محتاجة واحد صغير عشان يدلعها ويكفيها و أظن انك مش هتعرف تعمل دا يا بابا

" وبمجرد ما خلصت اخر كلمة ، لقيت قلم نزل على وشي 

الظاهر اني معرفتش اربيكي 

" كنت مصدومة ، دي اول مرة ابويا يمد ايده عليا ، وقفت ساكتة مش بتكلم ، وهو مفرقش معاه وبيغني عادي و داخل اوضته ، لقيت امي جت وبدأت تطبطب عليا

حقك عليا انا يا حبيبتي ، انا السبب ، انا اللي غلطانة عشان قبلت بكدا من الاول 

= انا مش زعلانة منك بالعكس انا زعلانة على نفسي ، كبرت لقيت ابويا بيشتغل في المخدرات ، فلوسنا وعيشتنا كلها حرام ، كمان عايز يتجوز بعد العمر دا كله ومش محترم سنه ، ناقص ايه تاني ، الخطوة الجاية انه يتقبض عليه والمفروض اني اكون ساكتة مش بفتح بوقي صح

لا يا ندى ، انتي احسن مني ومن ابوكي ، على الأقل أنتي مخترتيش اللي أنتي فيه لكن انا اخترته ، يوم لما عرفت انه اشتغل في المخدرات وقبلت بقيت شريكته كأني موافقة على اللي بيعمله 

= ما تيجي نمشي يا ماما ، تعالي نمشي من هنا ، نروح في مكان تاني بعيد عنه 

نمشي فين بس ، خلاص يا ندى انا كبرت مش قادرة على البهدلة ، بكرا يا حبيبتي أنتي هتتجوزي و جوزك ياخدك من هنا

= دا لو لقيت حد يبصلي

ومين مجنون ميبصش للجمال دا

" قطع كلامنا صوت ابويا

جرا ايه يا ولية ، هتجيبي الاكل ولا اغور من هنا

حاضر ، ثواني والاكل هيكون جاهز

" امي جريت على المطبخ ، وانا دخلت اوضتي ، امي ضعيفة ومش هتقدر تعمل حاجة غير انها تطاوعه وانا معنديش حل تاني ، اصل هروح فين ، يارب ساعدني انا تعبت ، من ملل الوقت بقيت بنام كتير لدرجة ان حياتي اقتصرت على الأوضة اللي قاعدة فيها ، معنديش صحاب ، معنديش حد يحبني ، مليش في الدنيا حد غير ابويا و امي ، تحس أنها مقصودة اني اكون لوحدي ، وشكلي هموت وانا لوحدي

بس أنتي مش لوحدك

= لا لوحدي يا يوسف ، متخيل انا عيشت قد ايه عشان ادور على صاحب ، متخيل اني مش بكلم حد في يومي ، متخيل احساسي بيكون عامل ازاي وانا زعلانة او حتى وانا فرحانة ، معنديش اللي احكيله

أنتي مش بتدي فرصة لحد انه يقرب منك يا ندى

= عشان مفيش واحد منهم شايفة انه هيقبلني

وانا

= مستنيني اخلص كلام عشان تمشي و متظهرش تاني

قصدك نمشي

= يعني ايه

يعني أنتي لسة مخلصتيش الحكاية ، وانا لسة واقف بس مش عشان الحكاية ، لا دا عشانك أنتي

= ولما اخلصها هتمشي

*هنمشي ، ما انا مش هسيبك لوحدك

= جايز بعد اللي جاي تمشي

اللي فات واللي جاي مش هيغير حاجة 

= متأكد

زي ما انا متأكد ان ملامحك دلوقتي اجمل بكتير 

" فيه مثل ييقول طباخ السم بيدوقه ، وفعلا ابويا بدأ يشرب مخدرات ، عرفنا و احنا بندور في جيوب البنطلون بتاعه قبل ما نغسله ، الصدمات مستمرة في الحدوث ، وانا معنديش حاجة اعملها غير اني أوافق ، لحد ما ابويا رجع من برا في يوم ، دخل علينا وقال

عايزكو بكرا تلبسو احلى حاجة عندكو

" امي استغربت و ردت

= ليه يا ياسر ، فيه مناسبة ولا ايه

اه طبعا دي أحلى مناسبة ، دا فرحي ، اصل انا فرحي بكرا 

= نعم

اه والله زي ما بقولك كدا ، الفرح بكرا وعايزكو تبقو آخر شياكة

" امي مستحملتش و اغمى عليها ، جريت عليها بسرعة وكنت منتظرة انه يكون قبلي ، بس اتفاجئت انه في مكانه

يخربيت النكد ، امك تموت في النكد ، مينفعش تشوفني مبسوط وتسكت ، لازم تقلبها غم ، عموما متنسيش اللي انا قولته ولما تفوق ابقي قوليلها تاني 

" ومشي ، مين دا انا معرفوش ، جبت مية وحاولت افوق امي والحمدلله فاقت ، اول ما فاقت بدأت تعيط وانا مش عارفة اعمل ايه غير اني اواسيها واخفف عنها في حين اني انا اللي محتاجة كدا ، دخلتها اوضتها عشان ترتاح وانا روحت اوضتي ، مين الراجل دا ، معقول دا ابويا ، هو بيعمل كدا ليه مبقاش حاسس بحد ولا بيسمع لحد ، بقا عبارة عن مكنة Atm بسحب منها فلوس ، انا مش عايزة فلوس ، انا محتاجاه هو بس ، تفكيري مستمرش كتير لاني نمت نوم عميق جدا ، صحيت كنت تعبانة وجسمي متكسر ، خرجت لقيت امي قاعدة وبتعيط ، قربت منها

مالك يا ماما

= مفيش يا حبيبتي ، تيجي نفطر

متخبيش عليا ، في حاجة تانية حصلت 

= ابوكي مش مكفيه انه هيتجوز عليا ، لا دا كمان هيجيبها تعيش معانا 

" قعدت جنبها لإني حسيت اني خلاص هقع من طولي ، بدأت اجمع كلامي

مين قالك كدا

= هو اللي قال ، قال ايه عشان يبقا لامم شملنا ، وكلنا نكون قاعدين في بيت واحد 

" تفتكر لما الدنيا تلاقيك كل شوية بتاخد صدمة هتسكت بالعكس دي هتزود جرعة الصدمات اللي ممكن تكلفك حياتك ، مكنش فيه وقت اني اسرح كتير عشان ابويا اتصل يستعجلنا عشان الفرح ، مغلوبين على امرنا ، منقدرش نقول لا ، لبسنا وقررنا نروح ، ابويا كان فرحان وبيرقص كأنه اول مرة يتجوز ، اما مراته واحدة من سني ، يعني المفروض تقوله يا بابا مش جوزي ، مطولناش ومشينا بسرعة ، روحنا البيت ، ساعة والتانية ولقيت ابويا راجع ومعاه عروسته اقصد بنته ، دخل وبدأ يعرفها علينا

دي ريهام مراتي ، يعني الحب الاول ، عشق الطفولة والمراهقة ، اما دي ندى بنتي 

= اهلا وسهلا ، أتمنى اكون ضيفة خفيفة عليكو

دا كلام برضو يا لولو ، دا بيتك يا حبيبتي 

" ابويا دا ولا شاب في العشرينات بيشقط ، كلامها كان ب ابتسامة مش صافية ، بعدها خدها و دخل الأوضة ، و احنا دخلنا ننام ، الله يكون في عون امي ، حالها دلوقتي اصعب مني بكتير ، صحينا الصبح حضرنا الفطار انا و امي ، قاعدين بنفطر لكن شكلنا كدا مش هنكمل فطار ، لقينا علياء اللي المفروض انها لولو

صباح الخير

" امي بصتلها و مردتش ، كنت مضطرة انا اتكلم

= صباح النور

معلش كان المفروض نفطر معاكو ، بس امبارح سهرنا كتير انا و ياسو 

= مين ياسو دا ، انتو كان معاكو حد في الأوضة

دا دلع باباكي ، ايه رأيك حلو

" امي قامت من مكانها ومشيت 

شكل مامتك مش عاجبها الدلع

= لا خالص كلنا مبسوطين بالدلع ، حتى ماما راحت توزع شربات بمناسبة الدلع الجديد 

انا كنت متأكدة برضو انه هيعجبكو ، انا هدخل بقا احضر الفطار ل ياسو

" مشيت ، بعدها امي رجعت تقعد معايا

متزعليش يا ماما ، دول ياسو و لولو بيهزرو ، بكرا يخلفو سوسو و توتو ، و بعدها نعمل مزرعة ب اسامي الكلاب دي

" ضحكت ، كنت بحاول اهون عليها ، خلاص مبقاش ليا حد غيرها ، مفيش مانع لو جيت على نفسي شوية عشانها ، الايام كانت بتعدي ببطئ شديد جدا ، انا و امي منعزلين تماما ، كأننا عايشين مع نفسنا ، كل واحد في حاله ، كنت فاكرة ان الموضوع هيمشي كدا ويسكت ، لحد ما ابويا فاجئنا

ندى 

= نعم يا بابا

متقدملك عريس

" لوهلة استغربت ، هو انا فيه حد يعرفني

= مين هو

مش هتصدقي مين

= حد مشهور يعني

جدا ، اول ما طلب ايدك مصدقتش ووافقت علطول

= من غير ما تاخد رأيي

وأنتي هتلاقي زيه فين

= طب قولي مين 

المعلم حامد!

" مبسوط ان الرواية عجباكو بعد تحضير دام ل شهر و اكتر وبرغم دا مازال فيه اقتناع تام ان اللي بيكتب بنت رغم التنبيه ورغم الاسم ولكن الحمدلله

#بقلم : #عمرو_علي

اتغاعلو بعشر تعلقيات ولايك وتفاعل كتير عشان اكمل

تكملة الروايه من هنا