 |
#كان صديق زوجي 7_8
ريان: متقلقيش انا معاكي، دقيقه هفتح الكشاف
فتح الكشاف وقلبه و بصلي بقلق كبير في عنيه وحنيه وجعت قلبي، يا عم بقي حرام عليك!
ريان: لسه خايفه؟
ناردين: يا عم اخاف مين، مبخفش من الضلمه غير العيال التوتو وانا مش كده
ريان بتريقه: يا اندبندد انتي!
ناردين: اوومال
"يقلب ريان الهاتف ويقول بصوت قلق مزيف"
ريان بتريقه: ناردين! في حد قدامي ناردين! لابس قناع وحول!
ناردين بقلق ومسك يده بشده: ريان متهزرش بالله! ، ريان سمعني والله هعيط!، احول؟
ريان: ههه واضح الاندبندد؟
ناردين: انت بارد يلا
ريان: بارد! ده انا هم....
قلب الكشاف بجديه كده ومسكني من رقبتي وقربني قصاده فكشيت في نفسي كده وقلبت بطه بلدي وقلقت منه لاول مره وانا معاه!
ناردين بخوف: مش قصدي حاجه والله
ضحك وحرك ايده علي شعري و قربني منه اكتر وبص في عيني وقال بإهتمام
ريان: اعرفي انك معايا متخافيش ول تقلقي من حاجه ابدا لانك بقيتي مسؤله مني خلاص ومستحيل واسمعيها كمان مره مستحيل امد ايدي عليكي ابدا تمام
ناردين:....
ريان: تمامم؟
ناردين ببتسامه: تمام
ريان: بس النور قاطع دلوقتي والاشباح هيقتلونا انا وانتي يا اندبندد وووه
برق كده وهو بقلها فبصتله برخامه وطلعت لساني فضحكنا والحمد لله بعد عني وقدرت اخد نفسي، روح منك لله!
بعد فتره.....
ناردين: ينفع اسالك سوال؟
ريان: امم احنا ورانا حاجه
ناردين: اسمع يا سيدي، هو انت مكنتش عامل حسابك تجوز صح؟
ريان: اه
ناردين: وكنت في سكن الي جمب المركز وجيت هنا من سنه صح؟
ريان: بظبط
ناردين: طيب البيت متجهز كلو من السجاد لستاير للاجهزه و كانك مستعد لجواز وراجح كان قايل لي انك جددت البيت كلو من اول وجديد وصلحت حاجات كتير فيه، كنت ناوي تجوز؟
ريان: امم فهمتك، اسمعي يا ستي انا من 6 شهور كده مكنتش طايق نفسي ومسكت في واحد ومن حُسن حظي السعيد كان ابن نقيب رزل عندنا وحسبي الله ونعمه الوكيل ومتضحكيش! فبعدين...
ناردين: هههه لاء لاء استني مش قادره هههه اتعلم عليك يا صحبي
ريان: طيب شوفي من هيكملك بقي!
ناردين: خلاص بالله، معاك قول
ريان: ف زى ما انتي قلتي كده اتعلم عليا
ناردين: هههه هموت
ريان: ناردين!
نارين: خلاص والله اسفه، كمل
ريان: فالحمد لله يعني نزلت رتبه وتحولت لكتيبه تانيه بس طبعا ابويا عقيد متقاعد زي ما انتي عرفه فيسكت لاء ازاي يجي هو والحجه ويجرسوني في الكتيبه و يطرد النقيب وابنه بره الكتيبه كلها واطلع لروتبة ملازم اول متساليش ازاي هي الوسطات كده بتصنع المعجزات ولانه الحج دمه حامي شويتين قال تطلع من البيت ده وتيجي تعيش معايا قلتله حج سمي الله في سرك كده وخد امي وتكل علي الله فبرضه مقتنعش وجيت هنا لانه الدور ال 12 والمكان قريب من الشغل وموقع إستراتيجي، امي تسكت لاء ازاي فجدت تقعد معايا اسبوع عشان وحشتها وانت خسيت ونشفت وصديت وكلام ملوش لزمه كده وطول ما هي قاعده زن بقي
امتي هنفرح بيك؟
شايف سوزي حلوه ازاي؟
هجوزك اتنين لو عايز!
وحاجه كده استغفر الله العظيم فب...
ناردين: دقيقه يا ريان معلش ههههه
ريان: ههه
موت ضحك من اسلوبه في الكلام، كان اول مره اشوفه بتكلم عن حياته الشخصيه او حاجه تخصه معايا وحقيقي حبيت اوي
ناردين: ها كمل
ريان: بس كده يا ستي، واذا جدت هتيجي هنا ازاي في الفوضي دي يا معفن امي عادي وكل الالفاظ مباحه ليها ومنقدرش نتكلم فشوحت كده وقالت لاء مينفعش وقعدت شهرين معايا قلبت لي البيت و خلته سوبر لوكس و قلتلي باقي العروسه ولو مجبتهاش انا هجبها فاهم؟
وده كان من شهر ونص والحج افتكر الحمد لله انه عنده زوجه ومشيت بعدها بدموع كده عشان كانت عمله اكل هتموت وتاكله ومَلحقِتش
ناردين: والدتك باين عليها عسل خالص
ريان: هو في زي فدوش وطعمتها، ربنا يهديها ليا بس
ناردين: اسمها فدوش ههه
ريان: ههه اسمها فدوه بس بندلعها لزوم السسبنس
ضحكت بخفه وبصيت قدامي فسكت شويه وسالني بفضول...
ريان: وانتي متخرجه من كليه تمريض صح؟!
ناردين: اه، من سنتين كده
ريان: مشتغلتيش؟
نارين: انت عارف اني عايشه مع خالتي ولانه عمه كان بدايق ويقول زياده مصريف وجامعه لي تخلص تلاته ثانوي وتقعد بس كان مجموعي حلو ف خالتو مسكتتش وحصل خناقه كبيره وكنت بنزل الجامعه كل يوم علي زعيق ومشاكل بينهم بس اتخرجت الحمد لله فقلي هتقعدي كده وانتي دخلتي كليه وتخرجتي متقومي ادوري علي شغل
فحرفيا طلع عيني عشان اتعين وتعينت وبعدها جيه راجح وتقدم وانت عارف الباقي بقي
ابتسم وهو ببص قدامه وعينه بتلمع قدامي من الكشاف وقال بديق حسيته في كلامه ومعرفتش اي سببه
ريان: كان رافض انك تشتغلي و قال انه هيتكفل بكل حاجه تخصك
عشان المشاكل الموجوده بينك وبين عمك علي الخروج والتاخير والفلوس وإلخ....
ناردين: للاسف كان قد كلمته في دي بس وبقي دين في رقبي لي والحاجه الي مش قادره اكره بسببها
سكت بُرها كده وقال بتبرير
ريان: بس يا ناردين راجح حبك بجد و....
نارين: ريان! كان بحبني، قول الكلمه صح... مفيش حد بيحب حد بيهرب يوم فرحهم او يتخلي عنهم بشكل ده ول اي
سكت ومقدرش ينطق، كنت مستغربه ازاي قادر يدافع عن صحبه وهو دلوقتي مرغوب عليا بسببه، معرفش ازاي فتحنا سيرته ومكنش في جفاء او جمود او حرج ما بينا وكنا بنتكلم بكل تفاهم
وبعدها ابتسمت لما لقيت ايده لسا في ايدي من وقتها ومفكرش يشدها ول انا فكرت اقله يسبها! اي الليله الغريبه دي!
حاولت اغير الموضوع واطلع من الحوار الي محدش قادر يرد عليه ول يفهمه وكان انسب حل دلوقتي طبعا الهرب..
ناردين: بتحب لون اي؟
ضحك وقتها معرفش علي تفاهت السوال او استغرابه لسوال زي ده في الوقت ده
ريان: الاسود
ناردين: اها خدت بالي، انا بقي بحب...
ريان: الاحمر
ناردين: صح! ههه، طيب الاغاني
ريان: مبحبهاش لكن لو سمعت ممكن بهاء سلطان بحب اسلوبه
ناردين: معرفوش بس هبقي اشوفه، انا بقي بحب...
ريان: تامر حسني
ناردين: ؟؟؟؟
ريان بنتباه: احم بسال عادي لتامر ل حماقي... كل البنات بحبوهم
ناردين: لاء هو تامر فعلا بحبه جدا
ريان: عشان تعرفي اني شرطي جامد اوي
ناردين: يا سيدي!
ريان: ههه
كداب! هو عارف اني بحبه بس توه عن الموضوع
لي عارف كل المعلومات دي عني!
لي واخد باله من تفصيل راجح عمرو ما خد باله منها!
مصيري يوم اوجهك يا ريان وافهمك عشان انت غامض وتعبني!
معرفش اتكلمنا لامتي ول النور جيه امتي، كل الي فكره اني نمت وانا بتكلم مش هو الي بتكلم كمان! يخربيت رغي!
وبعدها فكره اني صحيت علي صوته القمر ونمت تاني؟
ريان: ناردين
ناردين بنعاس: امم، اااه يا رقبتي!
ريان: ههه كنت واثق انها هتوجعك، قومي نامي جوه
ناردين: الساعه كام
ريان: 5 الفجر، ادخلي نامي في الاوضه عشان الجو برد، انا رايح الشغل وهرجع العصر كده خدي بالك وقفلي الباب كويس
ناردين:...
"تحرك راسها بالوافقه وتكمل نوم فيضحك عليها ويقوم بحملها بين زراعيه ونقلها في داخل ويضع المفرش عليها ويرقبها قليلا ثم يذهب للعمل"
ترن ترن ترن
ناردين: الو
ريان: صحيتي
ناردين: لاء لسه نايمه
ريان: ها ها ها
ناردين: هههه خرجت امتي
ريان: 5 الفجر
ناردين: احييه! احم عذرا علي اللفظ انا اسفه
ريان: ههه لما نرجع نتحاسب ان شاء الله
ناردين: احم، احنا نايمين 2 الفجر
ريتن: اكل العيش يما، هو انا كاره انام
ناردين: خلاص صعبت عليا
ريان: خالتك كلمتني وبتقولي انها جايه انهرده العصر هي وعيالها ويتقولك افتحي تلفونك يا مهزقه او شتيمه تانيه علي ما اظن مش فاكر
ناردين: شايف الحب، واضح ول انوضح اكتر
ريان: لاء كده ميه ميه
ناردين: خلصانه
ضحكنا فطبعا سياده النقيب عيزينك وهقفل سلام، بس لي لما يقفل بدايق! بحب اسمع صوته، كلامه، ضحكته الي عمري ما شوفتها او سمعتها غير لما اتجوزته!
هييح انا مالي في اي!
قومت طبعا و روقت البيت من الورق والفوضه الي هببناها امبارح ورشيت معطر من الي شتمني عليه وقلي ادفع 100 جنيه في معطر ليه يا ظلمه! بس عدت علي خير وضحكت ومشي الحال
وعملت غدا واستنيته....
ترن ترن ترن
"تجري علي الباب بلهفه كالمعتاد"
ناردين ببتسامه: اهلا
ريان: عملتي اكل اي انهرده ؟
ناردين: ده استقبال ونبي اي الرخامه دي!
ريان: جيبي اكل يا بت هموت من جوع بجد
ناردين بقفل الباب: بنتوت يخويا
دخلت المطبخ وانا رقبتي ودراعي في ذمه الله و مش حسه بيهم وانا بجهز الاطباق علي السفره كان باين عليا الارهاق... فقلع الجاكت ورفع القميص لنص ايده وجيه ساعدني، هو في قمر كده بجد!
ناردين: شكرا يسطى
ريان: يسطي! ادي اخره الي يعمل ب أصله
ناردين: شال طبقين هيزلنا بقي
ريان: هقلك اكلك مش حلو انهرده واخليكي تعيطي
ناردين: معدش يهزني حاجه وبقيت بزود الملح من غير ما ايدي ترجف عادي وقلبي مات خلاث
ريان بغمزه: يا جااامد!
"يقمون بضحك"
معرفش اتعوت عليه كده ازاي، بقيت بهزر معاه كتير اوي، بقيت بحس جمبه بالامان بطريقه قلقاني منه ومن نفسي، ريان انت بتعمل فيا اي؟
"بعد تناول الاكل، تُفرغ ناردين السفره وتجلس علي الاريكه بتعب فيخرج ريان من الغرفه بملابس بيت بنية اللون هادئه المظهر "
ريان: ناردين
ناردين: نعم
ريان: تعالي عايزك
حرك كرسي من علي السفره وقعد عليه، فقمت لي ووقفت قدامه
ناردين: نعم؟
ريان: اقعدي
ناردين: في حاجه ول اي
رايان: اقعدي بس
ناردين بقلق: قعدت اهو في اي؟
يتبع....
Rahma ayman
#بتمني يعجبكو...
تشجيع عشان كمل شباب 🌝♥
#كان صديق زوجي 8
ريان: اقعدي بس
ناردين بقلق: قعدت اهو في اي؟
لقيته فك شعري و رفعه لفوق وربطه بالمساكه!
ناردين: ريان!
ريان: ششش دقيقه
وبعدها طلع مرهم من جيبه و تكه علي رقبتي جامد..
ناردين: ااااه!
ريان ببتسامه: يبقي المكان ده.
كان بيدهنه ليا وانا هفرقع من التوتر، ومش عارفه بقول اه علي الوجع الي حساه منها ول على حلوته والله!
وفي عز ما انا مركزه فيه و جسمي كلو بيرجف.. بصلي ببتسامه بارده لايقه عليه فجيه يتكلم عشان يخفف توتري ف بدل ما يكحلها عماها...
ريان: اهدي ها عادي والله وترتيني هههه
طب اعمل اي بعد الضحكه دي كمان! ولاه!
ناردين: احم علفكره انا.. انا مش متوتره خالص
ريان: امم واضح جدا
ديقت عيني بغيط وبصتله وسكت خالص فقفل الصُوباع ومدو قدامي وقال برخامه وعند فيه
ريان: رقبتك كده تمام بنسبه لدرعك تحبي احط انا ول انتي؟
مسكته منه بغيط وقلت بعصبيه وانا بتحرك من قدامه وادخل الاوضه..
ناردين: رخم
ريان: ههه بستعمل مرتين في اليوم يا ست
قفلت الباب وهو بيضحك بره وحقيقي كنت هموت من الاحراج
هدوئه معصبني
حلاوت ضحكته خطفاني
هو ده ريان الي اعرفه من سنتين بجد!
ترن ترن ترن
"يطرق ريان الباب عليها بهدوء "
ريان: ناردين تعالي استقبلي خالتك لانه جالي اتصال مهم ه سلم عليهم كده وهمشي
ناردين بفتح الباب: هطول؟
ريان: لاء ربع ساعه وهرجع علطول وهلحقهم قبل ما يمشو
ناردين: جيب فاكهه وانت جي
ريان بغمزه: اجبلك برقوق ول جزر الاتنين فواكه معروفه!
ناردين: بطل رخامه
ريان: ههه خلاص يا قمر اتحركي يلا
فتح هو الباب وسلم علي خالتو وانا واقفه وراه، كان عريض كده ومش عرفه اشوف خالتو منه ههه بهزر كان امان كبير اوي ومنه لله علي القمر الي هو فيه ده.
خالتو: وحشتيني يا ضانيا
ناردين: وانتي كمان يا خالتو والله
حضنتها وعيني دمعت غصب عني! وحشني حضنها جدا الي بترمي فيه وقت حزن، احتياج، ضعف وتقولي انها هتعدي وتقرأ لي قرئان وانا في حضنها وارتاح بعدها
كانت ضهر ليا بعد مامتي ودي حاجه مستحيل انساها ول انكر فضلها عليا ابدا ولو قدمت اي مش هيوفي حق اي حاجه عملتها ليا "الخاله ام يجماعه فعلا"
نوره: يجماعه بطلو محن، اوعي أسلم علي البت خليني ادخل
مسحت دموعي وضحكت وانا برد عليها...
ناردين: اي الي جاب البت دي هنا هي ناقصه صداع
نوره: انا صداع يا ناردين، يخساره العشره الي بينا وانا الي جي اقلك وحشتني واعمل بأصلي
ناردين: لاء حوش يا بت الاحترام الي كان بينا
نوره: نينيني
ضحكنا وحضنا بعض بكل شوق، كانت وحشاني الكلبه
نوره تبقي بنت خالتي وبتصيح في الثانويه العامه وخربه بيت خالتي وانا مخزن اسرارها وخالتو لو عرفت الي بينا من اسرار وحِزن اسود هتوأدنا انا وهي.
سما: شيلو ده مني يا شويه وحوش والله لشتكيكو لحقوق المراه
ناردين: خلاثو علي الي لازق في الارض دي، تعالي يا بطه
سما: ابله ناردين انا في اولي اعدادي دلوقتي ومش بطه
ناىدين: ههه طيب تعالي يا لميضه هانم عشان وحشاااني قد كده
وقعت الكيسه وجريت عليا زي الصروخ النوني بس الحجم الصغير منه وانا وهي بنتهزق جامد اوي من الست سيده
ناردين: عشان الحضن القمر ده عينالك كيس شبسي كبير اوي
سما: هيي بحبك اوي
سيده: يا حيوانه انتي وهي الكيس فيه حاجات ممكن تتكسر!
ناردين: اجري اجري هتتحول دلوقتي
سما: هههه
في الصاله....
سيده: ما شاء الله، اللهم ما بارك بيته جميل يا نادرين
ابتسمت وانا بنزل عيني فى لارض فأخدت بالها وقربت عليا ومسكت دراعي وقلت بكل حب
سيده: عرفه انك لسه في موجه ودوامه كبيره وكل حاجه متلغبطه في حياتك وبالاكتر جواكي، بس دي اراده ربنا وحكمته ومتعرفيش اي الاحسن والافضل ليكي وربنا يسعدك يا بنتي مع نصيبك وقسمتك من الحياه دي ويعوضك ويفرح قلبك يا روحى
ناردين بمسك يدها: متقلقيش يا خالتو، ريان كويس جدا وواخد بالو منى ومتقي ربنا فيا وكلو هيحل اكيد
سيده: ربنا يسعدو يا بنتي ويريح قلبه زي ما ريح قلبي يومها وربنا سترها معانا ومتفضحناش و انا قلبي مطمن وانتي معاه
نوره: عليكي شويه مكرونه يا بت حكايه وحشتني مكرونتك والله
سما: عايزه شويه كمان
سيده: اي قله الادب دي يا عيال، حالا دخلتو المطبخ لاء وكل واحده مسكه لي طبق بتاكل فيه!
نوره وسما: بيت اختنا
سيده: شوف العيال!
ناردين: ههه يا خالتو سبيهم انا عامله حسابهم اصلا، تعالي اما افرجك علي الشقه.
...........
"تاتي ناردين من المطبخ ب العصير والحلوه"
ناردين: منورين يا خالتو
سيده: تعبناكي يا حبيبتي والله
ناردين: ول تعب ول حاجه والله شرفتوني، فين كُشري
سيده: كريم في السيبر يختي مع صحابي قال عندي ماتش اهم منكو انتو شخصيا
ناردين: ههه مش هيتغير الود ده ابدا
سيده: ربنا يهدي
ناردين: و... عمو مجاش
سيده: انتي عرفه بيجي من الشغل هلكان فعملت اكل ونام من التعب
ناردين: متبرريش يا خالتو فهمه
كانت محرجه مني بس انا مدققتش ومكنش اول موقف يحصل منه معايا فتعودت وبعدها حلوفتي اتكلمت..
نوره: سبيكي من ده كلو وركزي معايا، القمر الي انتي تجوزتي ده عامل اي، من يوم ما شوفته يا بت وهو داخل قلبي يبختك
ناردين: نهارك ابيض! مش تقوليلي كنت اجوزهولك يا خيبه
سيده: والله!
ضحكنا علي راكشن خالتو وبعدها الجرس رن فقمت افتح بلهفتي المعتاده والحمد لله عرفت اخبيها ومخدوش بالهم.
ناردين: اهلا ي.... محمد !
محمد: الست ناردين الي تجوزت ونسيتنا
ناردين: هه عامل اي يسطى تعالي
محمد: امي جوه
ناردين: وخواتك والمكرونه، كلو في السليم
محمد: طب الحمد لله طمنتيني المكرونه جوه
ناردين: ههه ادخل تعالي
محمد كان اقرب واحد ليا فيهم كلهم هناك، كان بيحبني بس انا كنت بعتبره زي اخويا وبس وبعدها خالتو قالت انه مينفعش وطمنت الحمد لله بس للاسف لسه حبه متغيرش نحيتي ورغم انه اتجوز والدنيا استقرت الا انه مكنش مرتاح معاها ول عايز يظلمها معاه اكتر من كده وجيت اوجه وانشك في بوقي يومها قالي انه منسنيش ول هينساني وانه هيحبني ومش عايز مقابل ده وهو مكتفي كده وعنده بنتين مطلعين عينه وعيني حرفيا عسلات والحمد لله لما قلت لراجح وريان قالو هما لتنين "مبنحبوش الود ده" مع انه عسل والله.. هو هيقول حاجه لو لقي هنا؟!
سيده: البنات فين؟
محمد: عند مامتهم، عدتهم عليها بعد الشغل
سيده: لسه راجع
محمد: امم لما رنيتي عليا وقولتي بابا مش هيروح قلت هعدي عليكو بعد الشغل منعا للحراج وكده عشان ريان بس هو فين؟
ناردين: هيجي دلوقتي
محمد.: يجي ول ميجيش دلوقتي فين المكرونه؟
ناردين: الطبق ب5 جنيه
محمد: ول فلوس الدنيا توفي حق طعم مكرونتك القمر يا نيرو
ناردين:....
"تنظر له سيده وتفتح عينيها بغيظ فلا يهتم ويتحدها بديق"
ناردين: احم طيب هروح اجيب ليك طبق واجي
نوره: دقيقه خديني معاكي
دخلنا ف الجرس رن كنت هتحرك فلقيت حد فتح و كنت هموت واضرب الي فتح بدالي بس هو ينفع اضرب واحده في اولي اعدادي!
وبعدها شالها وحسيت لسيكا كده اني غيرنا
هو بيحضنها هي وانا لاء لي؟
بعدها دخل علي المطبخ وابتسم فقلبي نبض ووشي قَلب كالمعتاد
ريان: الفاكهه
ناردين: شكرا
ريان: انا في الصاله
ناردين: تمام
ريان: احم منوره يا نوره
نوره: الله يخليك
ريان: الله يكرم اصلك يا رب
نوره: ههه شكلك حلو من غير لبس الشغل وتكشيرت عم فوزي جارنا الي مصدرها لينا علطول دي
ريان: حاسس انك بتلمحي لحاجه وهفكر علفكره الشرع محلل اربعه
ضحكت وتكسفت كده وانا كنت هولع، هو بهزر معاها لي؟ لاء وهي بتضحك قال!
ريان: خدي بالك من الطمطمايه الي جمبك دي
نوره: حاضر
خرج وهي كانت هتموت م ضحك، طيب اخنقها ويتقال عليا مجرمه دلوقتي
ناردين: انتي بتعكسي قدامي
نوره: صراحه يتعاكس ونص، مالو قلب كده لي، ده انا وقعت فيه من خمس دقايق بظبط وانتي عايشه معاه لحد دلوقتي وموقعتيش يا قادره!
ناردين: نوره والله هموتك!
نوره: ههه بتغيري عليه ول اي يا بت
ناردين: لاء طبعا انتي مجنونه!
نوره: امم واضح انه انا الي مجنونه، بس انتي غرقانه وشكلك حبيتي يسطاااااا
ناردين: عرفه يا نوره لو متحركتش من قدامي هعمل فيكي اي!
نوره: خلاص خارجه جيبي طبق المكرونه وتعالي الحق عليا بقلك الي انتي مش عرفاه
خرجت وانا بفكره في كلمها، مستحيل يكون صح! انا اكيد مبحبوش وكمان بغير، لاء اكيد مجنونه وراجح معقول اكون نسيته بسهوله دي! اكيد لاء.
خرجت ولقيت الجو كلو متكهرب وخالتو قاعده في نص بتسيح ووشه قلب اكتر واكتر وكانه قنبله لما شفني بقدم لي الطبق!
ناردين: احم المكرونه يا محمد
محمد: تسلم ايدك يا ناردين اكيد حلو من قبل ما اكل
ناردين بتوتر:....
بصتله فشاور لي علي التلفون فاخدته وفتحت الرسايل لقيته كاتب " روحي البسي اي زفت علي شعرك و غطي دراعك ده وحسابي معاكي بعدين " بصيت لرساله وبعدها لوشه الي شبه التنين المجنح ده وبطلع نار من ودانو فحسيت انه دي اشاره فشكلي والله اعلم لغطس مكاني كده والبقاء لله او هروح معاهم ومنك لله ي محمد
يتبع...
#وحشتوني ❤
Rahma ayman
تكملة الروايه من هنا هنا
تعليقات
إرسال تعليق